المجاراة عن دور رجال البحرية بالتصدي لمؤامرات العدوان وأسر واغتنام من يحاول غزو سواحلنا .

البداية للشاعر #عابد_المدم

بحريتنا يارجال الملاحم
يارجال الله وأنصار دينه

التحالف راح كله غنايم
ساقه الرحمن من كل عينه

فوق ماشافوا وذاقوا هزايم
أبتيدنا اليوم نغنم سفينه

بحريتنا جاهزه باتداهم
من يزعزع أمننا والسكينه

#ابورواسي_أرحب

لايضنوا حربنا حرب ناعم
أو بنادق شعب الأنصار زينه..

السفينه ذي أتت بالجرايم.
أصبحت ف البحر الأحمر رهينه

العماله غير.. نهج الملازم
والمذله ماأستوت والسكينه

ودف العدوان والنصر قادم
في سماء شعبي وبحره وطينه

#ضيف_الله_سلمان

قل لضاحي ما تفيد البراطم
السفينة في أيادي أمينه..!!

عندنا ما باتفيد الدراهم
لو يساومنا بما في الخزينة

عاد با يأتيكم الرد صادم
يسلم الصياد صحت يمينه..

ابشروا في حربنا بالهزايم
يامطايا لليهود اللعينة

#احمد_درهم

صار ذي كانه مدافع مهاجم
وابن زايد في نهاية سنينه..

ويلكم يا كل خاين وظالم
عاقبتكم بإذن ربي مهينه..

ذو الفقار الحيدري سيف صارم
في يد الكرار حيا دنينه..

مامن الطوفان للحلف عاصم
با نطهرها مدينه مدينه

#محسن_الحكمي

ماعرف حلف الردئ وين عازم
ياحنينه مننا ياحنينه

بحريتنا جيش واعي وفاهم
والعدو شاف الحقايق بعينه.

الوفا للبحريه شكر دايم
قوم ماتتلحم الا السمينه

#عز_الدين_جحاف

يا أسود البحرية في التهايم
موطن الإيمان رفعتم جبينه

أشهد أن اليوم يوم الملاحم
ضد خدام اليهود اللعينه

الإماراتي قرين الهزايم
مكتئب عايش بحاله حزينه

البكا من يوم صافر ملازم
له فكيف حاله بأسر السفينه

#ابوسياف_البيحاني

البداية نصر في عام قادم
سهل الله فيه صيده ثمينه

في روابي كم كسبنا غنايم
اسلحه من نوع جيد حسينه

السواحل عندها حرص دايم
تجبر الغازي يحدد من اينه

فهموا هؤلاء البقر والبهايم
ان من يغزو اليمن ياحنينه

#ابوقصي_العويري

كان بن سلمان من قبل واهم
ان شعبي بايوطي جبينه

بس صار اليوم واعي فاهم
ان فيه رجال تقدر تهينه

قادها ابن البدر والقرد نايم
من تجند ضدها ياعوينه

قل لبن زايد امير البهايم
لا يفكر في رجوع السفينه

#ابويحيى_القهدة

والله انكم يا رعاة البهايم
 كل ما تستوردوا خاسرينه

ما تمروا من يمنّا سلايم
دام وانصار النبي حارسينه

ويلكم ياقوم يوم الهزايم
والسعودي وابن زايد حنينه

ما يخوف شعرة الراس ظالم
قالها الشبل اليماني طنينه

#ابوفهيد_الحسين_المحضار

الشواطي دونها الموت حايم
شفت عزرائيل باسط يدينه

ذيك يغرقها وهذي غنايم
نرسل القارب وتاتي السفينه

دورو ماعاد فيها سلايم
قبل تزداد الغبينه غبينه

بحريتنا سيفها سيف قاصم
وابن بدر الدين ياسعد عينه

#عبدالواسع_صايل_الغولي

اليمن في حربها والسلايم
ياعوين اللي غزاها عوينه

في السهول والمرتفع والتهايم
كمن احمر عين داخل عرينه

والسواحل والبحار موت حايم
للاعادي والغزاة اللعينة

من اتاهم ضيف يلقى العزايم
نكرمه في البادية والمدينة

ومن اتى غازي له الموت دايم
ومن حيا منهم يعيش في ونينه

#ابوريام_الطاهري

حقق الله حلم من كان حالم
كيف بايخسر من الله ضمينة

اغتنما مال عدوان ظالم
وأصبحت قوات حلفةرهينة

كيف بيطيع المعالم يعالم
يوم شلينا علية السفينة

كانة افضل ياابن زايد تسالم
الكرامة لا انت تفهم ثمينة

#ابوكيان_الهبل

بحريتنا يالسيوف الصوارم
يا مذلين الجيوش اللعينه

انتو اركان اليمن والدعايم
من دخل بحر اليمن ياحنينه

حايم الموت فوق سلمان حايم
والامارات من عملكم حزينه

ياجنود الله ي اهل المقادم
ياجنود الله ي انصار دينه

#جميل _فرج

ساقها الله من يدي كل ضالم
بااسلحتها الغاليه والثمينه

تابعه عدوان باغي وغاشم
وأصبحت بيدي قويه أمينه

من كتاب الله وهدي الملازم
شاهد العالم الأنصار بعينه

تسلم أيدي البحريه والمعاصم
مثلهم نقبله في جبينه

#ابوحسين_العصري

ياولي الله في البحر هاجم
من نوى شعب اليمن بالضغينه

دك بالمندب وقاصف وقاصم
وأحرم العدوان من نوم عينه

ذي مع الشيطان لاشك ناااادم
يخسر أمواله ويخسر لدينه

والعبر يا ابليس هي بالخواتم
وذي مع الجباااار ربي يعينه

# ذوالفقار-سفيان

بلغو طحنون لا لا يزاحم
عاد با نعجن ابوها عجينه

بحرنا لا هاج موجه يلاطم
والقوى بالله وحده متينه

قلها لا عاد تحلم سلايم
ثارنا ناخذه من وسط عينه

ديننا موعود باكبر غنايم
بايجي شافي بوقته وحينه

#جميل_جعفر_ابوشامخ

شعبنا شعب متحدّي مقاوم
من تعدّا له حنين امه حنينه

فـ الشرف والارض ما با يساوم
لا ولن يقبل لبو كبسه يهينه

أمرنا فـ الرد يا سلمان حازم
والحرايب خبزنا وايضاً عجينه

لا ولن يرجع لك الحلف سالم
والسفن ترجع ومابش مكينه

#إتحاد_الشعراء_والمنشدين

https://t.me/aboyahyaalshami