من بعد هذا الخبر مابه خبـر ثاني
من يشتي العــز والناموس بايلحـق

الحــرب بين المريكاني والايراني
الفاصله بين اهل الشر واهل الحق

استدرج المحور المــــارنز بالعاني
واحنا نوجه له الضربه التي تسحق

#الشاعر_ابو_صقر_شعلان

رد البلا فرصه علينـــــــا انتهازه
والله لانصاره يجيــز

والجيد. لجل الحق قد اشر جوازه
ومكن الغازي رجيز

ومايعز الله مــــــــــــــن فلت جهازه
والثوب من اجل الشميز

ذي مايكن مؤمن وصادق في انحيازه
باعك بحق اربع تميــــز

#الشاعر_ابو_صقر_شعلان

صنعاء وما ادراك ماصنعــاء
ماشـــــوهتها اي سلبيه

لا والذي قد قال قم واسعى
لا نطرح الطلقات قلبيه

ومن تســـــــوي نفسها افعى
وتسمنا بسموم غربيـه

ارض اليمن مابا تكون مرعى
للانحطاطات الاروبيــــه

عد باقي اللي ينــــزع الامعاء
لكلمن يحتاج تربيــــه

#الشاعر_ابو_صقر_شعلان

ضراوة الحرب


هيئت نفسي لمولاها وباريها
وصنتها بالقناعه من لظى ناره

والعهد مابين بايعها وشاريها
خطوه عزيزه وقهاره وجباره

ماعاد تغريني الدنيا ولا اغريها
ولا اءتمر تحت أمرت نفس أماره

وعزة النفس ماهي في مصاريها
لا اتنفس الصبح تتنفس من انواره

اشعها بالهدى ويهب طاريها
والعز من شمها تتفتح ازهاره

داري بنفسي وداري كيف اداريها
والكل دارين والايام دواره

نجوم الامجاد ماضلت مساريها
يالعالم الي تبى للشمس نظاره

ضراوة الحرب تحسمها ضواريها
تبتر لسان اللهب بسيوف بتاره

والبحر مايسقي الضميا ويرويها
ولو تحلل مياهه بين قطاره

الناس ربي يسامحها ويبريها
ذي خلت الجار يتفرج على جاره

الذل ذل القلوب اللي يواريها
اصحابها لجل ترضي فاقد اطواره

واحنا نجاري التي مااحد يجاريها
راضين بماقدر الباري وما اختاره

#الشاعر_ابو_صقر_شعلان

بفضل الله وتأييده

مسيرة الحق لن تخسر ولا جوله
وكل هذا بفضل الله وتأييده

مادامها بسم لا قوه ولا حوله
من مد يده عليها تقتطع اييده

واجهزه امنيه ومخابرات دوله
توصل لمن يزرع الاحقاد وتصيده

عاد العذاب الحقيقي مابتدا هوله
ولا انزل الله كامل بأسه وكيده

ابن اليمن بايمضي في الجميع قوله
ويرجع المجد والتاريخ ويعيده

#الشاعر_ابو_صقر_شعلان

الليل يامحور مقاوم تحـرك
وشن هجماتـــك ولا تكثــــــر الصد

ضربه ورا ضربه لما الكفـــر يبرك
ازحف وباغت وانعث الاب والجـد

لا تنتظر مادام والامــــــــر امرك
الى العرب ذي صابه العيب الاسود

والعون ذي ماينفعــــك بايضرك
مهما العرب بكى وصيـــــــح وندد

قرّح ابوها حــــــــرب لله درك
ماعاد تتلافى ولاعـــــــــــــاد تبرد

يانصر يرفع عز شانك وقــدرك
والا شهاده للنعيــــــــــم المخلد

#الشاعر_ابو_صقر_شعلان

(برمج حياتك)

طنش الهم وارمي به من القلب مخرج
واتقي الله في قلبك ولو كان مـن عاج

حاول ان انت تتبسم وتضحــك وتبهج
همك الي حبستـه منتظر حكم الافراج

كلما ضاقت الاياااااااااااااااام لابد تفرج
والدليل ان بعــــــد الليل به فجر وهاج

كون كالبحر في الشكل الجميل المموج
يوصل الهم لاقعــره وترميـــــه الامواج

كل انســــــــــــان بايحيا علا ما تبرمج
وانت برمج حياتك بالسعــاده والابهاج

عش حيـاة السعــاده قبل ما العمر يزلج
لا انتهى الوقت ما تنفع تواريخ الانتاج

كون للناس مثل الغيث واحــب واحنج
ينتفع منّه المحتــــــــاج والغير محتاج

لاتكن ساعة الاخبـــــــــــــار مثل المبنج
انشر الخيــر واترك مايسبب لـك احراج

بعض الاخبار يستوجب لها توقع اصنج
بعض الاخبار لازم حفظها وسط الادراج

حاول ان انت ماتمشي علا الخط الاعوج
كيف ماكان تبريرك وكــــــــــان التحجاج

يا تكن شخص حقاني وتنصح وتحتج
او تجنب ولاعد تسكب الزيت فى الصاج

لا طفـي داخـلك نـور السـراج المـسرج
سار عمرك بكله في الفـشـل والتلـباج

(غاية النــــــاس لن تُدرك) لها الف مخرج
وانت سيناريو عصرك واستـاذ الاخراج

عامل الله وحده لا من الناس تحرج
طاعـة الله ماتحتــاج تصـميم وانتـاج

#الشاعر_ابو_صقر_شعلان

المجاراة..

البداية #ضيف_الله_سلمان

سلام يا مصر ويش اخبار معبر رفح؟!
قالوا اشتباكات واستهداف واطلاق نار..!!

ادراني الله ليش الكيل ماقد طفح؟!
واطفال غزة ينادوكم تفكوا الحصار..!!

والله مابا ينال النصر شعب انبطح
ما النصر الا لمن جاهد وخاض الغمار..

لا بد ما نعتصم بالله وبشكل صحّ
وفي هدى الله نلقى العز والانتصار

#ابويوسف_القاري

دير البصل لا تقارنها بدير البلح
ولا تقارن بدار الخلد دار البوار

ذي مارحم طفل جايع عند بابه نزح
لاينتظر من بني صهيون حسن الجوار

وكيف ياخذ بدم جندي وهو ما فتح
لاثنين مليون مسلم من وراء الجدار

بقوة الله ينهار الكيان الوقح
ويخرجوا صاغرين ومالهم من قرار

#جبر_المسعدي

لاسامح الله سامح ذي للعداء سمح
تسرح وتمرح وتمسح دار من بعد دار

والشيخ جراح قدامه وخلفه شبح
وشارم الشيخ شخ القرد فوقه وسار

واطفال تذبح وبن فرحان عاش الفرح
وشيخ أبوظبي لتطبيع صلح قطار

والقرح صاب اهل غزه والمجنح قرح
وطير أبابيل سبح بسم الأقصى وطار

#ابوجابر_صبره

مصر الشقيقة شقية والغموض إتضح
هذه حقيقة جليه ما عليها غبار.

رئيسها الإنفتاحي خاين  اغبر صبح
وشعبها شعب مدمن للربا والقُمار

نادر ترى حُر فيهم للوهن ما إطرّح
حتى لو العُهر فيها واسع الانتشار

شلوم يا ام "دنيانا" لمعبر رفح
قد ام الارهاب باتدي العيال الصغار!

#ابوشوامخ_الوعل

من مصر شمّ التخاذل والخيانه نفح
طوفان الاقصى كشف ماكان خلف الستار

غزه تعيش الاساء ونتوا تقيموا الفرح
الله قال انفرو ماقال تلعب قمار

من عاده اليوم راقد بندقه ما قرح
صمته مشجع للعداء في ارتكاب الدمار

الشعب يهتان لا الريس للعداء انطرح
ولا تزول الوصايا الابرفع الشعار

#فارس_المعزبي

المنبطِح منبطِح ماله ولا مُصطلَح
ولا يقرِّر ولا يقدر يخالف قرار

اعتاد يشرب من المالح شديد المَلَح
ويحمل الجّور لسرائيل مثل الحمار

الخوف مزروع في جوفِه وزاد انفتَح
يشرعن القصف ويوافق بدون اعتبار

اَجراح غزة لها قلب الزمان اَنجرح
وهو يغنّي ويرقص فوق حجم الدّمار

#مانع_البوساني

معبر رفح حرب طاحن كم قتل . كم ذبح
والقصف خلَّا المناطق والمنازل دمار

وكلب مصر اختبئ وانحاز مازد نبح
ما همه أطفال غزه لو يسيروا غبار

غشيم من شد ظهره بالوقح وارتزح
ذيما مع أبوه نخوه في حياته. وعار

مدعوس تحت ارجل امريكا رقد واطَّرح
الدِين منه تبراء كلما جاء وسار

#حمزة_الحيمي

عوايد الوقت ما يعتزّ شعب انطرح
ولا يرى العزه المسلوب حق القرار

مهما تحدث بدبلوماسيه او شرح
مهما تفنن في التبرير والأعتذار

مالو به الخير ما كان ارتضى او سمح
من يومها لليهود يهجروّن الديار

لكن قد الله عرّى خافيه وافتضح
كلن عرف ما حقيقة كل ماجا وسار

#الشاعر_ابو_صقر_شعلان

يامصري ازاي ماتقدم ولا مقترح
.منك وهل ماسمعنا جد والا هزار

قرح علا غزه القلب الذي ماقرح
والسيسي ولا خبر كان قلبه حمار

والعز ماياخذه من لليهود اطرح
تحركو بس يكفيكــــم مذله وعار

دروس الايام ماهو من شرحها شرح
ذي ماوقف جنب جاره ماله اي اعتبار

#ابوفتح_الجرادي

مابايجي خير من خاين يجي اوسرح
ديوث منحــط مـاهمـة ملأمــة وعـار

هي مسرحيات سيسي والممثـل فرّح
يمثلوها على حافـظ حقــوق الجــوار

في غزة اطفال تُقتل والنسـا تُنّجــرّح
ومصر تلعب مـع أسرائيل لعب القمـار

أذا قد الكلب الأمريكي عجـز وأطرح
يقوم يفعل زوأبع لجل كسب الحـوار

#الشاعر_ابوجهاد_صبر

من يمتهن لليهود الغاصبة وانطرح
يلقاء جزا جنس فعله بين بارد وحار

كم قلت يامصر جرم اليهوده قد سفح
ولا فهمتي ورديتين رد اعتبار

صهيون قصده يخلينا أثر وامتسح
وغايته لو تطايرنا مثيل الغبار

الامس بالقدس والاقصئ قتل واستبح
واليوم فيش افهمي فكي طريق المسار

#ابوكنعان_الروس

أزاااي مش معقول داه يا فرح
أمااال والسيسي الملعون ذيل الحمار

الوقت دوار والصنفور شكله قرح
وجاكم الصبح باأشراقه وشمس النهار

الصاع بالصاع ياكايل بكيل القدح
هاذا عليك دين ولك معيار غير العيار

#همدان_حجي

عليش يامصر لعنة ما المعدل قرح
عليش لعنة ومليون الف وصمة وعار

السيسي الكلب لو هو كلب كانه نبح
لاكنه اسوا من الكلب الدني والحمار

نهر الأباء جف يانهر الكرامة وشح
ومات شيخ الضمير الحي ولا وطار

يامصر لا تأمني من لليهودي جنح
وسلّم الأمر للغاصب وكل الديار

#جميل_جعفر_ابوشامخ

وجه العرب والعروبه للأسف افتضح
عيونها راقده نامت وفي نوم عار

و كلب صهيون في مسرى محمد نبح
ولا معاهم سواه الشجب والاعتذار

تخاذل الكل والسيسي طلع واقترح
ان يخرج اصحاب غزه لا اراضي اجار

مادام واهل اليمن موجود مابش ضبح
شعب المدذ والسند والعون لا ثار ثار

#اتحاد_الشعراء_والمنشدين

https://t.me/Poetsanalogous

لاعاد بقي اي كاين حي في الكوكب
تـجي الـقيامه وتـقرح حـرب كـونيه

والـمـملكه شـكـلها بـاتصبح الـملعب
لـلـمـعـركة والــصـواريـخ الـيـمـانـيه

لاتـرتـقـب كـــأس آســيـا ولا تـتـعب
مـاعـادهـا حـــرب شـيـعـيه وسـنـيه

اقـوى الـدول تـدري انّـا قوم مانُغلب
مـا الـمملكة سـهل نـاكل لـحمها نـيّه

#الشاعر_ابو_صقر_شعلان

يوم الولايه سرا نجم اليمن في سماه
حيّاه وحيا نباه

بانحتفل به وبانحييــــــه ونرفع لواه
حياه وحيا نباه

الظارب الغالـب الكـــرار فوق العصاه
حياه وحيا نباه

هذا وريث النبي واول انســـان فداه
حياه وحيا نباه

هذا الذي فلًق الروس مثل فلق النواه
حياه وحيا نباه

هذا الذي قد، فتح خيبر بظــربة يداه
حياه وحيا نباه

هذا الذي قــــد ضرب بن ود لوما نهاه
حياه وحيا نباه

هذا الذي طاح مغدور فيه وقت الصلاه
حياه وحيا نباه

لبيه لبيه واحنــــــــــــا رافعين الجباه
حياه وحيا نباه

لبيه مازمجــــــر التشكـــا ودوّا صداه
حياه وحيا نباه

لبيه واحنــــــا ندوس الظالمين الطغـاه
حياه وحيا نباه

شعب اليمـن بالولايـه بايصل مبتغاه
حياه وحيا نباه





في عيــــد الولايه عيّد
واخرج بالخروج الجيّد
مجدك بالولاأ متشيـــد
وانت التاج وانت الاكليل

يانبع الحكم والامثال
اقوالك وراها الافعال
والافعال غير الاقوال
يامن تستحـــــق التبجيل

هز الكفر مليون هزه
ياصل الحريه والعـزه
من همه يحــــرر غزه
بايمضي مع ابو جبريل

خطوه ماحـداها حادي
عبر البحر الاحمر غادي
وانته يالمحيط الهـادي
بعدك بانصل بحــــر النيل

دامك للوصي متولي
علّي بالصواريخ علّي
واطرح ضربتك بالملي
حتى لامداك الفين ميل

الاعراب مافيهم خير
ياساري على اجناح الطير
لاامريكا ولا اسرائيل حير
تهرب منك ياعزرائيل

بيدك ذا الفقار بو حدين
يقطع لليهود اليدين
قد هديت دول مااهتدين
من يوم ماركزت البرميل

والدوله البريطانيه
ماقد شافت التقنيه
يامن قد عقدة النيه
باغتها في انصاف الليل

احجام الدول تتقزم
حين نصنع لها مايلزم
بتولي علي لن نهزم
ضد الامركه واسرائيل

#الشاعر_ابو_صقر_شعلان

( 3 ايام )

مفاجئات الواقـــع الساره
.... في علم ربي والله العالم

الرابعه تشويـــــق واثاره
.... والخامسه عتقوم باللازم

ياكل من له نفس امــاره
ماقد مضى ماهو كما القادم

مانفعل الا افعال جبــاره
.... ومانقول الا خبـــر صادم

ـ #الشاعر_ابو_صقر_شعلان
#استراتيجية_الصبر_الجميل

#فجربوا

دخلنا طقوس الـحـ. ـرب بسم الله البديع
وصنعاء مع غـ. ـزه بتثبت وجودها

فلا عاد به عاصم للاعداء ولا شفيـــع
صواريـخـ. ـنا حنّت وزمجر رعودها

تجرّع بني صهيون من سُّمها النقيع
وتتعدي امـ. ـريكا وتكسر حدودها

من اليوم ضاق الكفر في كونه الوسيع
وانصـ. ـار رب الكون توفي وعودها

من اليوم يشفى كل من خاطره وجيع
ونفتّـِك بااسـ. ـرائـ. ــيـل،نقتل جنودها

من اليوم لاتبكو على من سقط صريع
متى ما جنود الله جادت بجودها

من اليوم لا قمه ولا نشتي الربيع
قلوا للحروب الطاحنه جت اسودها

فلا دمّنا يُـهدر ولا حقنا يضيع
وعاد الصواريخ من جهنّم وقودها

وتهديدنا مرعب وتنفيذنا سريع
وافعالنا يا وارد الماء ورودها

فيا قاتـ. ـل المرأه مع طفلها الرضيع
رجال اليمن للحرب قادم وفودها

سماء المنايا امطرت جمرها الفضيع
علا راس امريـ. ـكا وباقي قرودها

لك الله يا يحيى سريع البيان سريع
وحذر ولـــــد سلمان لا عد يعودها

محال اليماني ينحني راسه الرفيع
ولو تحرق الدنيا وتُنسف حيودها

#الشاعر_ابو_صقر_شعلان

ذي مابيمشي بالحلى والطيبه
قـد بـايمشّيه الصميل الاخضر

وابـن الـملك سـلمان كالشبيبه
ولــو نـفخ صـدره ولـو يـتعنتر

والـنصر مـافيه شـك والا ريبه
والوعد هذا صورته وعد اغبر

وحــقـنـا مـانـتـركـه ونـسـيـبه
مـن عـاش مـنا يـاسعودي خبر

#الشاعر_ابو_صقر_شعلان