تابع المجاراة بعنوان استجابة لدعوة #السيد_القائد للحضور المليوني غداً في ساحة السبعين وكل المحافظات

البداية #ردفان_الرقيمي

يا الشعب ذي (عند الفزع يكثر)
ذي منع ابوك الفـزعة الفزعة

البحر ظهره مرتزح ل ألبَــر
والستـــــة الأيام ل ألجمـعة

خروجنا محشر ورى محشر
وأسـرابنا دفعة ورى دفعة

#الشاعر_ابوعيسىٰ_دهقم

خروج لا يـُـحصى ولا يـُـذكر
واعداد با المليـــــار مجتمعه

فيهم صخط ل الكافر المغتر
وايهدم الساحـات من دسعه

اهل البــــنادق ملويات الجر
بـــايهلكو صهيون من فزعه

#ابوكنعان_الروس

بعد الصلاة شعبنا أستحضر
عزمة من الثانية ركعة

نطمر ونفزع كما طومر
ونجدد العهد والبيعة

ملعون من غاب او قصرر
يحرق بغيضه كما الشمعة

#ذوالفقار_سفيان

يا من وفيتوا مثلما الاشتر
كـلـن يـجـهـز للـقـاء ربـعــه

غـزة تـنـادي والـعـلـم أشـر
ملعون ذي بايقبل الرجـعـه

محور وما ادراك ما المحور
غزة والأقصى سيفة ودرعه

#ابوفتح_الجرادي

بانجعل الساحات كالمحشر
وتموت امريكا من الفجعة

جرايم اسرائيل مــاتُغــفـر
والثار ثـار العـرب جمــعـة

ملعون من خـــان اوقصّـر
في ثار اخـوانــة مع ربـــعـه

#ابوشهيد_القطمي

حيا ندى من شب و استنفر
قدام ما بة للورى رجعة

في نصر الاقصى كلمن شمر
و الخط خط العز و الرفعة

يا لعن أبوة يا شعب من قصّر
في نصر غزة ننطلق جمعة

#ابو_بدرذيبان

من هو يماني حر يتجمهر
الشاب و الشايب اولي الفزعه

يجيب داعي قائد المحور
لبيك يا غزة بلا رجعه

يا شعب الانصار انتم الاجدر
بالنصر والتمكين والرفعه

#عبدالعزيز_الغرباني

سبط النبي يابن الوصي حيدر
رهن الإشارة شعبنا جمعه

معك تجندنا ولك عسكر
هيهات منّا الذل والرجعة

مليونية ياشعبنا الاطهر
كلاً إلى الساحة مع ربعه

#شاعر_بلاد_الروس

باكر سوى السبعين نستنفر
وقفه مع الله نجتمع جمعه

لامن يقصر وكلمن اخبر
ينبي اصحابه مع ربعه

هذا الجهاد في يومنا الاكبر
فوق اليهودي سيئ السمعه

#عبدالوهاب_الفقيه

راهن بنا ياسيدي وبشر
وتحت امرك كلنا جمعه

لنصرت الاقصى بنستنفر
كلين لساحه حشد ربعه

نرهب عدو الله وحلف الشر
لما اليهودي ينزل الدمعه

#الشاعر_عبدالحكيم_ابوهاشم

مادام والسيد قد استنفر
يبـشر بعـزه كلنا ربـعه..!!

جهـاد لامـا نفتح المعبر
ولا مزارع منطقة شبعه..!!

قعودنا في البيت خط احمر
ما با ننال العز والرفعه..!!

#أحمد_عبدالرحمن_الظمين

ياشبل حيدر ذي فتح خيبر
ابشر نلبي دعوتك جمعه

لنصرة أهل القدس باننفر
وبا نوجه للعدو صفعة

نقسم قسم لو باتخوض البحر
لأ نتبعك دفعة وراء دفعة

#ابوضيف_الله_اللاحجي

لن نحتشد للعرض والمضهر
ولا خرجنا هـاكـذا بـدعـة

خـروجنا مـن اجـل تتحرر
كل الشعوب المسلمة جمعة

معك معك ياقايد المحور
على طريق القدس لا رجعة

#ابو_مصطفى_الرضي

واجب علينا ننهني المنكر
كلين يزهم يارجال ربعه

الفتح قرب والمدى يكبر
يحتاج الاستمرار والسرعة

في البحر والساحات والا البر
نشغل الصهيونية قرعه

#ابوحمزه_المقاش

امجادنـا بـا تـجـرف الـمـنكـر
دام الـيـمـاني في اليمن ربعه

ميعادنا الساحات بـا نـحـشـر
ونـعـيـش من رفـعـه الا رفعـه

وعـد الـيـهـود الـبـاغيه تـخـسـر
دام الـيـمـن شـبـابـة الـشمـعـه

#ابتسام_شرف_المحطوري

لا سـاحــة السبعين كل اشتر
أصواتهم وجه العــدى صفعه

والكل با يثبت ويُزهق المنكر
غــزة تنادي المؤمنيـن جمعة

وبعد ابن البدر بحـر ولاّ بــر
يطهر العالم بقعة وراء بقعه

#الشاعر_ابوجهاد_صبر

ياخير مــــــــن هلل ومـــن كبّر
وخـيـر مـــن فـ.المجد له سُمّعة

ومـن صرع رِئّسوس حلف الشر
صرعة قفاء صرعة قفاء صرعة

لـيـمـنـعـكـم يـاكـل قـرن اعصر
لا ســاحــة السبعين جـوّ جٓمّعه

#اتحاد_الشعراء_والمنشدين

https://t.me/aboyahyaalshami

الويل لامريكا ولاسرائيل
من جيل بالله والنبي يوثق

درعه هدى في محكم التنزيل
وايات فالميدان تتطبق

وقائده فالحرب ابو جبريل
ياشعب لا تحزن ولا تقلق

سارع وبادر وابدا التسجيل
واركب سفينتنا قبل تغرق

دورات صيفيه تربي جيل
مؤمن وبالقرآن يتعمق

يحارب التشكيك والتظليل
ويدق فكر الجاهليه دق

المعركه تعليم في تجهيل
والعلم لابد انهو يسبق

لا ننحني لاعدائنا ونميل
وخلف تظليلاتهم نلحق

لكل عوجا نبدأ التعديل
والشر يتلاشا أمام الحق

علم وجهاد ونار من سجيل
نرمي بها الباطل لما يزهق

المسئلة ما تقبل التحليل
يامن تبا تسأل  وتتحيذق

هي واحده ماشي لها تبديل
يا صف باطل او بصف الحق

اما مع امريكا وإسرائيل
ولا مع الله والنبي فيلق

الوعد وعد النصر والتنكيل
للحرب كم نعشق ونتشوق

بالوعي نتحصن ونبني جيل
يصرخ وبالآيات يتبندق

#ذوالفقار_سفيان
#علم_وجهاد
#الدورات_الصيفية1445هـ

المجارات دعوة للحضور غد في #ميدان_السبعين في العاصمة صنعاء وجميع الساحات في المحافظات نصر لإخواننا في #غزة وتلبية لدعوة #السيد_القائد حفظه الله

البداية #الشاعر_ابوحيدر_عامر

شعب التحدي والحضارة والصمود
جاهز مسلم لابن طه قايده

في كل ساحة غد با نخرج حشود
نصمد كما في الحرب غزة صامدة

احنا لدين الله والاقصى جنود
واحنا بروق الحق واحنا راعده

#مقبل_جرام

الله والتاريخ والعالم شهود
على مواقف شعبنا المتصاعده

يوم العرب في حضن الامريكي رقود
وحكامهم للبيت الابيض عابده

كنا ومازلنا وبانبقى نذود
عن عزة العزه نرد الكايده

#همدان_حجي

بانحتشد ياقدس عنك بانذود
على العدوا ضرباتنا متصاعده

ياصل صدا صرخاتنا عمق اليهود
في كل جمعه والقبايل وافده

نبقا على عهد الوفاء مر العقود
هاذا اليمن غير الشعوب الساجده

#عبدالحكيم_مسعد_النمري

ابشر بعزك سيدي وارقى سنود
شعبك لفتح القدس شمّر ساعده

بايماننا بالله كثفنا الجهود
ضد العدو ضرباتنا متصاعدة

و مرحلتنا الرابعة خلف الحدود
ما با نبقّي يامريكا قاعدة

#الشاعر_نضال_حُميد

ذي ما لعن معنا النصارى واليهود
عاده يهودي والدلايل شاهده

إذهم على الذله وخيبتها قعود
مليار مسلم ما لبتهم  فايده

لان التخاذل وتقاعس والجمود
عنوان فيه اليهوده متواجده

#أبورماح_شداد

لبيه يالبيه حـــــــــــن قدّ الوعود
والشاهد اللــــه والخلايق شاهده

حشود غزّه واليمن نفس الحشود
والصف واحد والقضيــــه واحده

ونصرنا مضمون مـن رب الوجود
في سورة التوبه ووحــي المائده

#الشاعر_ابوجهاد_صبر

لا سـاحـة السبعين بـا تقبل وفود
في صف واحد في قضيه واحده

من وحي سورة(ق)والتوبة وهود
والـقـارعـــة والَـواقــعــة والمائده

تـلـبـي الأقـصــى وتـعـلــن لليهود
تحضير جــولـه رابـعـه متصاعده

#ذوالفقار_سفيان

الحشد بكره يعتبر أعظم وقود
لمرحله كبرى عظيمة واقده

تنسف بأمريكا كما صيحة ثمود
وتبيدها بعد الحشود البايده

مادام وأمريكا لنا الخصم اللدود
لا بد نجعلها ذليلة شـارده

ابوحيدر_الراشدي

احنا باذن الله وافيــــــــن العهود
قلنا من اول يوم كلمـــــه، واحده

لن نترك الأقصـى وغzزة لليhود
يشهد علينا الله والافعال شاهده

قريب نجتــــــاز الموانع والحدود
الى فلسـsــطين،وارد الماء وارده

#زياد_السنافي

الشعب للساحات بايخرج حشود
والمعنـويــه والـعـزيـمــه زائـــده

خــروج مايخطر على بال اليهود
واهــل العماله والنفوس الحاقده

قـريــب با يعبر ويجتاح الحـدود
ويخليَ اســرائـيــل تصبح شارده

#ابوحسن_المجنحي

شعب اليمن مثل النماره والاسود
لادق طبل الحرب شمر ساعده

يتوافدو لاساحة العزه وفود
العز فيهم والكرامه عامده

من دمه الطاهر على لقصى يجود
يوم العرب للغرب ركع ساجده

#علي_الشعيثي

يبشر بعزه ماتقيدنا قيود
يبشر نلبي بالحشود الوافده

نكسر تدابير النصارى واليهود
على مخطط من دروس المايده

المسجد الاقصى لقومه  بايعود
والبحر الاحمر معركه متصاعده

#ابوفتح الجرادي

كما سبق من قبل الأنصار الجدود
نمضي مـع سبط النبي ونعـاهـدة

لأكل ساحات الشـرف نقبـل وفود
شعب اليمن قـــادم يلبي قـايــدة

واحـنا رجـــال الله لسيـــد جـنود
لبيــة وسـلأحــــة بقبضة ساعـدة

#عدنان_جحوح

يا سيدي لبيك ما حنت رعود
بارض اليمن من قلب صنعاء الماجده

حنا سباعك والنمارى والأسود
وحنا المنية للشعوب الحاقده

والله ما نخذلْك من بعد العهود
لو يصبح العالم بجبهة واحده

#ابوكنعان_الروس

غزة هي العزة على مر العقود
والعاصمة صنعاء وغزة واحده

والسيد القايد بهدي الله يقود
المعركة ضد اليهود الحاقده

حشود فالسحات وفي الجبهات أسود
في يوم ما الاعراب كامل راقده

#مازن_بَرَاش

ياحضرة السبعين جاء عام الوفود
كل القبايل صوب صنعاء وافدة

ياكاتب التاريخ خطِّينا العهود
بالدّماء ، واقلام الاعداء جامدة

أفتحوا كل المعابر والحدود
أو فتحنا الارض مرَّة واحدة

#ابوحرب_الحالمي

يا شعب له هامات عظمى بالوجود
ولــــه في التاريـــخ سيره خالده

واصل جهودك لأجل غزه والحشود
في وجه الاعداء والفئات الحاقده

لـــن نتـــرك الاقصى محاله لليهود
الــــدم واحـــد والقضيه واحــــده

#صقر_الريمي_ابو_الذهب

يالله علينا اشهد الا يوم الخلود
مانترك الاقصى لشلة ماردة

العهد باقي والنشامى بالوجود
وساحة السبعين بكرة شاهدة

يحرم على إنسان جنات الخلود
قاعد وما شارك لمرة واحدة

#ضبيان_فرحان

ياسيدي ياخير من قاد الجنود
ووحد الامة بكلمة واحدة

لبيك يامغوار قاهر للحسود
لكلمتك كل الممالك ساجدة

لبيك ياغزة توافدنا حشود
بعد ابن بدر الدين حيا راعده

#اتحاد_الشعراء_والمنشدين

https://t.me/Poetsanalogous

المجاراة بعنوان ثبات الشعب اليمني على موقفه الحق بنصرة غزه والجهوزية الكاملة لخوض كل المراحل.

البداية #نشوان_الغولي

اليوم شعب اليمن با يبدأ التصعيد.
فالجولة الرابعة يعلن خياراته.

و با يواصل بلا مهلة و لا تمديد.
حربه و تحشيده الشعبي و وقفاته.

هذا اليمن و اليمن في كل موقف جيد.
يثبت و يفرض على الباغي عقوباته.

#أبورواسي_أرحب

سبحان من مدنا بالعون والتأييد
في البحر والبر شفنا محكم آياته

والجوله الرابعه من سيدي تأكيد
لموقف الحق ذي لايمكن أسكاته

عدونا الغرب وأسرائيل بالتحديد
و(وعد أولاهما) أحنا أهله وقواته

#ماجد_رشدان

ياجيد ذي قلت مابي يبدأ الا جيد
ليتك ترى الجيد وتتابع خطاباته

انجب نجايب علي و حسين وانجب زيد
وانجب مصابيح نور الله ومشكاته

سديد الاقوال والتصويب والتسديد
نهر الثقه واليقين العذب وفراته

#محمود_الجنيد

ساعة وطيس المعارك نعتبرها عيد
لو يزحف الكون بانكسر زحوفاته

المعركة فاصلة والحرب بالتحديد
داخل كيان اليهودي في مقراته

زيد العبوات ياشعب الكرامة زيد
فانت الذي ماترك لليوم راياته

#الحمزة_المغربي

إي والله إنّا مع ابن البدر بالتأكيد
نمضي على ما مضى ونصول صولاته

البحر الابيض بهذا الوقت والتحديد
ممنوع تمشي لصهيوني حمولاته

والقادم اعظم فيَ التصعيد والتعقيد
وغارة الله مابش مثل غاراته .

#محمد_هزاع_البهلولي

الجولة الرابعة تصعيد بالتأكيد.
وشعب الايمان با ينجز مهماته.

موقف مشرف وفرحه مثل يوم العيد.
بالوعد ذي في كتاب الله وآياته.

اليوم تصعيد ما هو شجب أو تنديد.
و غد نرفع بوسط القدس رآياته.

#ابوناجع_المنبهي

موقف مشرف مسيرات اليمن تأكيد
نصرت فلسطين الأول في قراراته

والموت للغاصب المحتل بالتحديد
والموت لمريك تهتف به  شعاراته

لي كان  ضربه بعيد اليوم ليس بعيد
وسلاحنا ماحدا بيصد غاراته

#فارس_المعزبي

الشعب ثابت على القرآن والتوحيد
مـع بـن البـدر جاهز فـوق آلاتــه

ناوي يشرِّد بحِلف الامركه تشريد
ويحــرِق ابليـس ويحاصر مجالاتـه

تجديـد للمعركـه وازمانهـا تجديـد
الغالــب اللـــــه والحــلَّات حـلَّاتــه

#سلطان_خضران

يالبحر الابيض علينا لم تعود بعيد
سرب المجنح اليك افرد جناحاته

ترصد هدفها بدقه عاليه وتصيد
لوكان فابعد مدى تبلغ مداياته

والله يسدد علينا احنا مع التسديد
و(مارميت اذ رميت)القول بــ آياته

#عزيز_الردماني

هذا خيار اليمن ومن الله التأييد.
وبا يواصل مع غزه مسيراته.

بالقول والفعل ما هو شجب أو تنديد.
مستنفره في سبيل الله قواته.

قايد علم راس صامل حيدري صنديد.
وشعب مؤمن بوعد الله وآياته.

#أبوعساف

ثـبـاتنا فــي الـمواقف كـل يـوم يـزيد
وبـأس شـعب الـيمن مـن بأس قاداته

الله مـعـنـا عــلـى الـسـكـير والـعـربيد
ومـعـركـتنا مـعـجـزة مـــن مـعـجزاته

نخوضها في البحار وفي سهول البيد
لا أتـعـنـت الــغـرب غـلـقنا مـحـيطاته

#الشاعر_نضال_حُميد

شعب اليمن مايهاب الموت والتهديد
يالعالم استقبلوا خالص تحياته

اليوم لاعاد لاصادر ولا توريد
حصار خانق على الطاغي وقواته

إلين غزه يصلها كل خير تريد
وشعبها المتقي ينعم بخيراته

#ابراهيم_الشرفي

مع اليمن لاملل فالحرب في تجديد
وتفاجئ المعتدي جرأة بياناته

قد لف حول الكرة واللف غير مفيد
عصر التفاحيط والتمويه قد فاته

معنا صواريخ للتقريب والتبعيد
تقرّب الخصم وتباعد مسافاته

#أبوإسماعيل_الجابري

حنا اليمن ما عرفنا الشجب والتنديد
ولا سكتنا بشوف الظلم واهاته

ومن هدى الله جينا مستحيل نحيد
ولا خرجنا عن القرآن واياته

ومن طعن ديننا والعهد والتوحيد
باذن الله الحي ما يوصل لغاياته

#الشاعر_ابوجهاد_صبر

الـشـكـر للـه رب الفضل والتحميد
تـعـداد مـاهـو خلق وامـداد كلماته

ذي مدنا العون والتأييد والتسديد
وذي جـعـلـنـا نواجه خـصـم آياته

يا الجوله الرابعه تشديدنا تشديد
قُلي لذا الكون لا يقصر مساحاته

#ذوالفقار_سفيان

قل للمريكي وللصهيوني العربيد
الشعب قرر يدوس الغرب بحذاته

بفضل رب السماء والقايد الصنديد
ياويله الويل من يجهل عباراته

الرابعه مقبلة بالقتل والتشريد
مادام واحنا رجال القدس وحماته

#محمد_البريهي

لك الولا يبن طه بالدما تعميد
تسليم مطلق لكم كامل بحالاته

البحر والأرض لازم باليهود تميد
إغرق ودمر ولا تخشى ملاماته

فالمعنويات فينا عالية وحديد
والشعب لك سيدي جدد موالاته

#صالح_النقيب

معنا خيارات بالجمله وبالتفريد
ذي ما حسبها اليهودي في حساباته

وكلما شد زدنا مرحلة تشديد
واقوالنا فعلها يأتي في أوقاته

شعب اليمن ما يخاف القتل والتهديد
يموت يقتل ولا تقتل كراماته

#ابتسام_شرف_المحطوري

بعد ابن طه أولو البأس العصي الشديد
الشعب الذي أرهب العالم بصرخاته

فكيف لو سـار غزة بــا يـذوب الجليـد
ما قد عرفتوا اليماني كيف طاقاته

تصعيـد لوما نصل غــزة وربي شهيـد
هـذا هدف ابن بدر الدين وغاياتـه

#اتحاد_الشعراء_والمنشدين

https://t.me/aboyahyaalshami

المجاراة ‏عن الجوله الرابعه من التصعيد

البداية ‎#ضيف_الله_سلمان

الشعب لك ياسيدي سلّم وفوّض
وقالها صورة وصوت..

والبحر الاحمر فوّضك والبحر الابيض
وبايدن قد بايموت ..!!

ـ ‎#احمد_درهم_المؤيد

تخلت الأمة عن المشهد وعوّض
بقوم ماترضى السكوت

شعب اليمن بايحمل الراية وينهض
وبايشوت الكفر شوت

ـ ‎#عبدالباري_عبيد

البحر (الاحمر) بالمنايا السود مكتظ
واطفال غزة دون قوت

من اجلهم بانمخر(الهندي)ونمخض
ونرجع (الابيض) خبوت

#بسام_شانع

تفويض مطلق من مفوض لامفوض
من مستبا لا حضرموت

بعدالبيان الأطلسي فتش وغمض
ولالقي في البحر حوت

#أبورواسي_أرحب

جالوت أمريكا علئ أيدينا تروض
والسبت فاق من السبوت

وجاهل الأحداث يتهجا ويحفظ
مافي صحيفة أحرنوت

#محمد_مفلح

فرصه ويا من هو ابن البدر ينهض
يكفيه جلسه في البيوت

على بني صهيون حكم الله يفرض
من كان صهيوني يموت

#عزيز_الردماني

عدونا اسرائيل لكن من تعرض.
مع العدو شتناه شوت.

ومن مرض من أجل اسرائيل يمرض.
يهل المفطح والبشوت.

#ابوناجع_المنبهي

التضحيه لاهي مع ربي تعوض
لانترك الفرصه تفوت

محنا من اللي ينضر الباطل وغمض
الذل يكمن في السكوت

#الشاعر_نضال_حُميد

عذاب من ربي على امريكا مغلّظ
ولاسفينه باتفوت

أرسل عليها الله طوفانه وقيض
طوفان ابو زنه وكوت

#صالح_النقيب

الرابعه ياويل فيها من تعرض
ولا لمس بين الشروت

دام السمك فلبحر البيض ذيتبركض
هي صيد والصياد حوت

#أبوعساف

أمامنا يا شعب فرصة لا تعوض
نهد بيت العنكبوت

نحرر بلاد العرب بالطول والعرض
من قدسنا لا حضرموت

#فارس_المعزبي

ياويل مجرم كذَّب الآيات واعرَض
عنها على رغـم الثبــوت

الرابعـه فيها من الحُكم المغلّض
عن واقعـة هـدم البيوت

#عبدالحكيم_مسعد_النمري

افرض قرارك لاسواك اليوم يفرض
لك يصغي العالم .. صمووت

رض السفن رض البوارج رضها رض
حظر الملاحة حظرموت

#ابواياد_المطري

البحر الابيض بالبشاير قد تمخّض
كل السفن مابا تفوت

ونهاية اللوبي وبئس العيش والحظ
في يدنا مثل الرموت

#ابوالكرار_المجنحي

الفلم حامض والعزايم عادها احمض
فرصه ولا يمكن تفوت

نخوضها في صف ذي برك وروض
اقسى الشدايد بالرموت

#الشاعر_ابوجهاد_صبر

الـحـرب هـاذا اليـوم باتِطّول وتعرض
ماعاد لأمريكا وقوت

من سيف عزرائيل ذي يقطع ويقبض
قولوا لها مابا تفوت

#الشاعر_بدر_الكهالي

المـوت لأمريــكا وإسرائيل يدحض
ويشوتها فالبحر شوت

نهايتك حانت وبايدينا ستقبض
ولا نجونا إن نجوت

#اكرم_النيعاني_ابونبيل

ياسيدي في نهجك العالم تروض
وفاق من نوم السبوت

انت الوحيد فوق العداء من ثاروانقض
وغيرك اذعن بالصموت

#محمد_البريهي

من بعد ما الموساد عالإسلام حرض
وحرك العالم ريموت

الله بك ياسيدي للدين عوض
لما رأى الأمة تموت

#ذوالفقار_سفيان

على غمار الحرب قد شعبي مروَّض
ثبوت فالساحه ثبوت

نحب قايدنا ولاسرائيل نبغض
فرصه ولا يمكن تفوت

#الشاعر_ابوعيسى_دهقم

الشعب ياهول الحروب اصبح مرَوّض
يستقبل امريكا بموت

والحلف لاماقد قـِـنع عاده معــوّض
يبشر نفجـّر فرط صوت

#ابتسام_شرف_المحطوري

قل للذي طبع تولاهم وأعرض
يكفي تخفي فالبيوت..

لاعاصم اليوم أمر أرشدنا وأفرض
ذي نقوله في القنوت

#جميل_ابوقاسم

الشعب عينه للسفن مايوم غمض
وانجت غمتناها غموت

وحربنا معا الذي قتل وحرض
من الفرص ذي ماتفوت

المجاراة بعنوان استجابة لدعوة #السيد_القائد إلى الخروج يوم الغد خروجا مليونيا في العاصمة #صنعاء وفي بقية المحافظات ليقول للشعب الفلسطيني في #غزة وفي كل فلسطين ولأهالي #رفح وللنازحين في رفح "لستم وحدكم ومعكم حتى النصر"

البداية #مختار_البحري

لبيك يابن البدر واحنا رجالك
ابشر بنا في كل جبهه وميدان

ساحاتنا تظهر مدى حــبنا لك
يابدر نوره في سماء شعب الايمان

#أبوإسماعيل_الجابري

يالله تمسكنا بعزة جلالك
وانصار ربي لليمن صار عنوان

اذا جفانا الكل تكفي حبالك
تمدنا قوه لتحرير الأوطان

#منصور_الحراسي

لبيك أبو جبريل والنصر فالك
والمعنوية فل والعزم ما لان

يصعب على الأيام تنجب مثالك
موافقك في جبهة الدهر عنوان

#ابومصطفى_الرضي

بالاستجابة والوفاء والولاء لك
نحظى بنصر الله ويصبح لنا شآن

مادام واقوالك تطابق فعالك
با يسند الطوفان في البحر طوفان

#صالح_النقيب

ابشر بنا يابدر مانته لحالك
احنا معك يابدر لو كان ماكان

واحنا على يمناك واحنا شمالك
ندك حلف الصهينه والمريكان

#ابومالك_الكوماني

يانبع صافي نرتوي من زلالك
ينضخ معينه هدي وآيات قرآن

لبيك لو نفنى جميعاً فدا. لك
أو ننثني لو نحرب الانس والجان

صلى عليك الله ربي وآلك
ماكانت الدنيا وما دارت ازمان

#ابوفتح_الجرادي

أبشر بـما يرضـــيك ويــسر بالك
ياسيدي من شعب حكمة وايمان

يابــــن النبي أشـر وحنـا فــدالك
شعبك معك ثابت وصامد ومالان

أحمد_الخاشب

واحنا اخوتك في الحق واحنا عيالك
واحنـا بعــون الله عـونـك والاعــوان

يــا سيّــدي واحنا إجـابــــة ســـؤالك
شعب اليمن للفتـح والنصــر عـنــوان

#محمد_البريهي

روحي وأولادي ومالي فدا لك
يانور طه في سما أرض مران

سيف الوصي جدك بحومة نزالك
أشر ترانا حيث ترضى متى كان

#عدنان_جحوح

ابشر بنا في كل ديجور حالك
طوفان يتبع غرته ألف بركان

آمر تجدنا حيث تشتي قبالك
يا ليث خلفه تزحف الإنس والجان

#ابوبدر_ذيبان

لبيك ابو جبريل واحنا فدا لك
واحنا فدا غزة والاقصى بطوفان

واحنا سلاحك ذي يلازم يمانك
اضرب بنا الكفار واذيال شيطان

#أحمد_عبدالرحمن_الظمين

يالقائد الي مانحصل مثالك
ياصاحب الحكمة وياعالي الشأن

ابشر بفزعه حسب تسليمنا لك
باتملي الساحات من قوم شجعان

#حرب_صعده

يـــاخير «قايد» والله انّـــــا فدى لك
وابوجه خصمك والله ان شأننا شان

راهن بـــــــنا واسري تــــــرآنا جبالك
واضـرب بنا في وجه عشّاق الاذعان

#ابوكنعان_الروس

القدس متضلل بهجوة ضلالك
وأرتكى الاقصى على حيد مران

كل العرب والغرب جعلو فدالك
ياسيدي ماعاش كافر ولا كااان

#الشاعر_ابوجهاد_صبر

منا الوفـاء والعهد لك والـولاء لك
ومطلق التسليم لك طول الازمان

احنا يمانك دووووم واحنا شمالك
في كـل ساحـه يابن طه وميدان

#الشاعر_ابوحيدر_عامر

صدق الولاء يبن النبي والوفى لك
والعهد عهد اجدادنا عهد شجعان

اشر برمش العين جعلي فدى لك
نجيك بمريكى مقيد لك الآن

#ابتسام_شرف_المحطوري

الشعب سيدنا المبجّل فدى لك
لبيك قايدنا نشامى وشجعـان

وقوفهم أعظم وأشرف مسالك
بايجعلوا الساحات فالغد طوفان

#ابوفتح_الاشول

انت الجبل والشعب كله ظلالك
من أجل غزة وأهلها الشعب طوفان

صيد العدو في البحر كله حلالك
تصعيد بالتصعيد والحرب برهان

#ذوالفقار_سفيان

الحب وسط اقلوبنا لك لحالك
يالقايد اللي ذل حلف المريكان

تبشر ويالبيك واحنا فداء لك
حان النفير العام ياشعبنا حان

#ابوحيدر_الراشدي

يا سيـد الاحــــــــــــرار حيا قبالك
لبيك قلناها مسيـــــــــرة وطوفان

على طريق القــــــدس حنا رجالك
واحنا جبالك ف الشدايد، والاركان

#ابوعبدالله_صالح_عنبل

لبيك يا من شلت شعبك وشالك
باهداب عينه رغم حاقد وشيطان

مركب نجاتي في بحور المهالك
للحريه سلطان والبحر سلطان

يامن لعز الدهر تبني رجالك
وابطال تتقافز على عز الاوطان

#ابـومـازن_الـرازحـي

السمع والطاعه لدعوة جلالك
ياخير قـايـد يا أمل كل إنسان

راهن بنا واعمل بنا مابدا لك
على طريق القدس ويكـون ماكان

#ابو_هادي_الغمري

احنا كــــــــ عزرائيل والا كــ مالك
على جميع اعداك من كل شيطان

والامر امرك والبلـــــــد طائعه لك
والكل سلم لك من الانس والجان

#حسين_يحيى_الحشحوش

روحي واولادي ومالي حلالك
لبيك ثم لبيك ياخير انسان

يارب وفقني بحولك اسالك
اكون طايع له على مر الازمان

#احمد_زيد

ماشي تراجع دام كل والولاء لك
بانحتشد بامرك نغيض المريكان

ولو تقول الطور فزت رجالك
ننزع ابوه نوضعه جنب حيدان

#عماد_دايل_العماري

لبيك يا ابن البدر شعبك فدا لك
فجّر بنا ياسيدي قوم طـغيان

من أول المشوار تفويض انا لك
ومـا طلبتـه تـم لو كان ماكـان

#بشير_سفيان

مادم والتسليم ووللأنا لك
ياسيدا راهن بنا الإنس والجان

حنا سيف في يمنك ودرع بشملك
شعب اليمن في ساحه الحرب عنوان

#أبوصخر_الجوحمي

محنا من اللي قال امضي لحالك
حاشا فداك الروح ياشبل عدنان

المجاراة بعنوان #الذكرى_السنوية_للصرخة

البداية #يحيى_العطيف

شعب الكرامه ياشديد الباس
اوقف بوجه الكفر واعوانه

واصرخ فمابه فوق راسك راس
مافوقك الا الله سبحانه

#أحمد_الماوري

وضع لنا السيد حسين الساس
واحنا علينا إكمال بنيانه

أمة وسط من راسها للساس
تزلزل الطاغوت واركانه

#أبورواسي_أرحب

رفع البراءه للولاء مقياس
لمن سبيل الله ميدانه

أصرخ بباس الجّر والترباس
ياشعب متسلح بأيمانه

#ضيف_الله_سلمان

زلزِل بها الامريكي الخناس
واكشف بها مكره وطغيانه..

نكّل بها راس الشقا والساس
وانسف بها صهيون وكيانه

#يعقوب_الخمري

صرخة مداها يحبس الأنفاس
يخضِع لها التاريخ ميزانه

يسمع صداها جنها والناس
قد صابت الأعداء بمجنانه

#ابوليث_المحضار

اعوذ بالله من شرور الناس
صهيوبريطان ومريكانه..

عوذب بصرخه تطرد الدساس
وتعيد للاسلام ميدانه..

#عماد_قيرح

من كّبر الله لا يخاف الناس
ومن وثق به عز من شانه

والموت للكفّار وبين اقواس
(النصر للإسلام واركانه)

#الشاعر_فرحان_السلامي

ضربه شديد من شديد الباس
تــرصــدت للشــر و اخـــوانـه

نيـرانهـا مـا تطحـن الا الـراس
بفضـــل رب الملـك سبحـانــه

#خليل_قابيل

هذا شعار القايد النبراس
حسين بدرالدين واخوانه

با اعماقنا تاثيره الحساس
نزداد عزة شان مــن شانه

#فارس_المعزبي

اصرُخ ولا تسمع ملوك الكـاس
الـــدّان لا يستوقِـف الـدانــه

اِقصِف بصوتك ماورا تكساس
وما بجوف اَحفاد مرجانــه

#أبوإسماعيل_الجابري

الله اكبر حيدها ملاس
تنكل الطاغي بطغيانه

تثمر رجال العز والنوماس
ويموت منها أحفاد مرجانه

#خالد_البصيري

ما دمت أنا و الحق في متراس
وعــارف البـاطــــل وعنـوانه

من هو مع الله ما يخاف الناس
مـرفوع راسه راسـخ ايمانه

#صالح_النقيب

نصرخ مع الله ماجينا ياس
في وجه المريكي وشيطانه

في راس الفعئ باندق الفأس
والقدس نلعن جد من خانه

#ابومالك_الكوماني

صرخة تجلت في زمان اليأس
اغاظت الشيطان واعوانه

طوفانها في لندن وتكساس
وإبليس غارق فيه لا اذانه

#الشاعر_نضال_حُميد

صرخه لها موقف قوي حساس
في وجهه الامريكي وشيطانه

لوقد صرخ محمود بن عباس
ماعد يهودي وسط ديوانه

ـ ‎#ابوشوامخ_الوعل

‏كمن مجاهد حيدري نبراس
يصرخ وكشر في الوغى أسنانه

واحبال لعداء اتخلبست خلباس
واتعقدت غانه على غانه

#الشاعر_متاش

صرخة حسين البدر والعباس
اقوى من الصاروخ والدانه

وصل صداها اليوم لاتكساس
من هدي ربي وقرآنه

#ذوالفقار_سفيان

الصرخه امست منعطف حساس
تحاصر الأعداء بزنزانه

جـابـت لامـريكا اللـعـينـه يـاس
وزلزلت صهيون واعوانه

#نورالدين_المقاتلي

الصـرخة العـظـمى لنا متراس
من العـــــدو واهـــله وأعوانه

مضمونها للصهيــــــنه أقواس
تقضي علــــــــى شره وعدوانه

#أبوصياد_الغمري

صرخة بها عـــــز البشر والناس
من يصـــــرخ إ بها يعتلي شانه

أغنت يمنّــــــا من ورى الإفلاس
هي من حمت شعبي ومن صانه

#أبوحـاتـم_عــكــه

اللَّٰهُ أكـبـر عـرَّت الأنـجــاس
ومــيَّــزَت كُــلاً وإيــمــانــه

بها عـرفنامن مـع تِكـسـاس
ومن مع الرَّحـمٰـن سُـبـحانه

#ابتسام_شرف_المحطوري

صرخة بِتحرَق كلها الأنجاس
وتهز الامريكي وأعوانه

بمفعولها بايوصلوا إفلاس
من عاش ذكر  قوة اذعانه

#عدنان_جحوح

اصرخ ولو إنك وسط تكساس
ولا بواشطن وأكرانه

شعاركَ الأغلى من الألماس
صوته يحطم كل زنانه

#عبدالعزيز_الغرباني

هتف بها السيد عريق الساس
سبط النبي ربي رفع شانه

اشمخ بها ياالشامخ القرناس
يرتـج منها الكون باركانه

#محمد_ابوالعز

الله اكبر بلغـــوا تكساس
شــــعارنا واضح بعنوانه

حجه على جنها و الناس
ايه لاهل الارض طنـــانه

#الكرار_المشراقي

كمن يماني حيدري نـبراس
زلزل عروش البغي وعــوانه

صرخ بوجه انذل واحقر ناس
وداس الامريكـان وكــيانه

#ابو_هادي_الغمري

السيـــــد القائـــد عليهم داس
بصرخته فـــــي وسط ميدانه

كنه ضرب عنق العدو والراس
ولا غرز فـــــــــي قلبه اسنانه

#جميل_ابوقاسم

شعب الكرامة مرجله نوماس
صرخ معا قايد رفع شأنه

اليوم ياالقسام قل لحماس
احنا لكم مدفع معا الدانه

#ابوعلي_مبخوت

صرخه قويه مثل حد الفاس
تزعج بني صهيون وعوانه

وتزعل الأوباش والأنجاس
يعجم ولاينطق بلسانه

#أحمد_عبدالرحمن_الظمين

حسين بالصرخة قهر الانجاس
وقالها من صدق إيمانه

والله جعل فيها هدئ للناس
ومن رفعها يرتفع شأنه

#ابوكنعان_الروس

رفعة حمية أباء نوماس
من هدي ربي وقرأنه

ذي هو مريض منها حساس
يصعق ويقرح من ازغانه

#ابوهادي_عقاب

صرخه قويه زلزلت تكساس
وارعبت صهيون وكيانه

وبعد عقدين اصبح لها باس
صاروخ ومسير وترسانه

#ابوفتح_الاشول

نعرف بها من يشتغل وسواس
ذي يخدم الشيطان و أعوانه

تقطع شعور الكفر والأنفاس
تكسر غروره تهدم اركانه

#أبوحسين_العصري

عمِّر سلاحك و افتح الجلَّاس
على الأعادي طبّق ألحانه

وبصرخة الأحرار يا نبراس
با نغسل البهتان و أدرانه

https://t.me/Poetsanalogous

تابع المجاراة بعنوان تلبية لدعوة #السيد_القائد في الخروج المليوني المشرف

البداية #عماد_العملسي

خروجنا بين المطر يغضبهم
ويزعج امريكا مع اسرائيل

ياشعبنا بكرة نباء نحرقهم
بحشد مليوني يفوق التحليل

يغيضهم يحرق دماء يزهقهم
والله يجعل كيدهم في تضليل

اطفال غزة ويل من يخذلهم
من ضربة الله الشديد التنكيل

#ذوالفقار_سفيان

في كل جمعه نحتشد نزعجهم
والله سبحانه عليه التسهيل

قد قال اعدو كل ما يرهبهم
ما تستطيعوا لو رباطٍ للخيل

واليوم فالميدان ذي ندعسهم
فالبحر ونشغل ابتهم تشغيل

ذي يجهل الانصار قد جربهم
وشاف ما شافوه اصحاب الفيل

#الشاعر_ابوحرب_الموكر

من ارض الاقصى غد نستأصلهم
ونهزم امريكا واصحاب الفيل

اقسم برب الكون مانرحمهم
مهما يكيدو كيدهم في تضليل

في ارض غزة وعدهم ندفنهم
مادام والقائد لنا بوجبريل

وفي البحار الشعب قد حاصرهم
حتى السفن مازد تصدر برميل

#ابومصطفى_الرضي

مادام واحنا بالخروج نقهرهم
لبيك ثم لبيك يابو جبريل

والقوة الصاروخية تقصفهم
واسراب صماد جاهزة للتفعيل

والتعبئة والتوعية تفشلهم
بعروض تدريباتهم والتشكيل

على يدينا ينتهي باطلهم
ويصبحوا عبرة كما اصحاب الفيل

#ابـومـازن_الـرازحـي

لبيك وابشر ياعلمنا الملهم
مانخجلك،لوننجرف بين السيل

فالله، رفعنا بك،وبك وطاهم
واخزا بنا بعدك دعاة التضليل

والله، مـولانا وهم مـولاهم
إبليس،مافي سنة الله تحويل

نثبت مع غزة بوجه اعداهم
ونعـاهـدك لوقتَّلونا تقتيل

#ابو_هادي_الغمري

بكره الى السبعين كي نرهبهم
ونكبل ايدين اليهودي تكبيل

طوفان سيل الحشد با يغرقهم
في بحر خوف امواج طوفان الجيل

شعب اليمن بكره يكن محشرهم
في ساحة السبعين يابو جبريل

ويل اليهود وويل منهو معهم
وويل امريكا وويل اسرائيل

#ابواياد_المطري

بخروجنا الساحات كم نبهتهم
ونكيلهم ياشعبنا كيل الكيل

وبصوتنا ياشعب كم نقلقهم
وبفعلنا نسقيهم انواع الويل

كم قد لنا فالبحر ذي نضربهم
وقريب با ننهي كيان اسرائيل

ما دام وان الله قد عرّفهم 
والوعد الاخر قد بدا فالتحميل

#الشاعر_ابوجهاد_صبر

لا كل ساحة سيدي با ندهم
ابشر بنا واشتد يابوجبريل

نقسم برب العرش لانغضبهم
بحشد مليوني يفوق التخميل

هم يبغضونا مثلما نبغضهم
وكيل بغضاهم لنا نفس الكيل

لاكن علينا العار لانقهرهم
بقوة الله ذي لنا به توصيل

#الشاعر_عبدالحكيم_ابوهاشم

حشـود ســاحـات (اليمن) تقلقهم
واعظم قلق ما يحمله هذا الجيل

من وعي قرآني ومن ما ارشدهم
سيدي (حسين)البدر و(ابوجبريل)

الويـــل ثــم الويـــل لن يرحمهـم
جيــل (الثقافة) با ينـكل تنكيــل

(سبحان) من أيـّــد بنا نضـربهـم
ومـدنـا بحـجــــارةٍ مـن سجـــيل

#ابتسام_شرف_المحطوري

أنصار ربي في الوغى نشهدهم
أما غدا أصواتهم ويل الويل

غضب من اكبرهم الى أصغرهم
صرخاتهم تحمل رسالة تهويل

(غزة) علينا العهد باننصرهم
والساكتين يستبدل الله تبديل

#علي_محمد_المحاقري

ابـشـر بـعـزك سـيــدي نـقـهــرهـم
بـحـشـد يسوى المرحله والتفعيل

بين المطر بين الشمـوس توصلهم
رسـالـة الـشـعـب اليماني بـالـويـل

ذا كان تـحـشـيد اليمن يـرعـبـهـم
كيف عاد بالضربات في نص الليل

في البحر في ايـلات في موقعهم
بانقتلعهم قلع جـيـل يـتـبـع جـيـل

#جبريل_الخدري

حشــودنا مــا دامـهــا ترعـبهــم
ما همنا حر الشموس وإلا السيل

البحــرية بالبحــر با تقصفـهـــم
وخـروجنا زلزل كيان إســرائيـل

احشد حشودك يا يمن واقلقهـم
في كل جمعـة لٱ ولا ترجع ميـل

الڵـهٍ مــولانا وعـــد يـهـــزمهـــم
علـّۓ. يــد القســام وابو جبـريـل

#اسامة_المعباء

لابد ياشعب الأباء نقهــــرهم
بحشد يتعـدا المدى والتخييل

نرفع شعــــار التــبرئه نلعنهم
نزعج مسامعهم بصوت التهليل

وبطــير ابابيـل اليمن نرجمهم
بفرط صوتيه حجار من سجيل

ما عـــزنا ياشعبنا وما احقرهم
نالوا الخزى واحنا ننال التبجيل

#ابوعبدالله_صالح_عنبل

ما دام تحشيد القوى يقلقهم
وبالعوايد مستحيل التبديل

غضب غضب متابعه تسحقهم
حتى يطيح الفيل واصحاب الفيل

انصار دينه ربهم مكنهم
من كل قوه كيدها في تضليل

#حامد_النمري

خروج للساحه وبانقهرهم
يقرح ابويهود وقوم التطبيل

البحريه في البحربن تضربهم
وخروج للساحه يزيدالتنكيل

بعدالعلم في زوايه نحشرهم
ونزفهم والي معاهم سجيل

#طه_الرازحي

لبيك يا ابن البـدر يامرعبهم
يا القائد الضرغام يابو جبريل

اضرب كيان المعتدين اضربهم
واحنا بساح التعبيه في تفعيل

إخواننا في غزة احنا معهم
والله معهم خير ناصر ووكيل

ابكل الإمكــانات با ننصرهم
والله يشــهد مانقـصر ونميل

#احمد_زيد

من يقتل امريكا ومن زلزلهم
ماغير شعب العز وابوجبريل

شعب اليمن في كل حشد ارعبهم
جاهز مع القايد بصبحه واليل

في كل ساحه شعبنا يلعنهم
اصبح ابابيل فوق اصحاب الفيل

في كل جمعه صرخته تقلقهم
ينفخ على امريكا بنفخ اسرافيل

https://t.me/Poetsanalogous

يادهر سجل من على رؤوس الاشهاد
كلمه لها مقصد والفين معنا

ذي ما يربي اسرته علم وجهاد
فبا يربيهم بدانه و مغنا

الجيل هذا من هدى الله يزداد
والناس من غير الهدى كيف تُبنا

من كل مركز يخرجوا الف صماد
أرواحهم لله تحيا وتفنا

المركز الصيفي للاجيال ميلاد
واليوم نحصد كل ما قد زرعنا

اليهوده ماودها غير الافساد
ولكل ما قالو نقول اتبعنا

يشتو نربي جيل مدمن للايباد
والجيل ذا من بعد ربي املنا

ما فاد يامريكا لنا الغزو مافاد
لنهايتش يـ الامركه قد عزمنا

من وحي اعدو انطلقنا للإعداد
ومن هدى آيات (إنّا سمعنا)

سيوفنا مابا تظلي بـ الاغماد
والخصم فالميدان ينعم ويهنا

من عزه الله قط ما عاش منقاد
واحنا بفضل الله ربي رفعنا

في معركة للنصروالحسم ميعاد
الله سبحانه لها قد جمعنا

واختار ابو جبريل قائد للافراد
يالله تنصرنا وتحفظ علمنا

ترخص جماجمنا وفلذات الاكباد
لا عزنا الله لو للاعداء خضعنا

الكل لجل الدين غارم وسداد
والقدس موعد كل مقدام منا

النظره القرآنية علم وجهاد
بها تسلحنا ومنها صرخنا

#ذوالفقار_سفيان

المجاراة بعنوان ‎#الأجهزة_الأمنية تكشف تفاصيل شبكة التجسس الأمريكية الإسرائيلية.

البداية ‎#صقر_اللاحجي

الانــجاز تأريــخي والاخبــار مــؤلمــة
للاعـداء وهــذي ماهــي الا مـــقدمات

فـ من لا يحقق نصر بـ جيوش وانظمة
مــن المـــستحيل يحققه بــ المنظمات

#ابوالعباس_مفلح

‌‎مع الله نخلي كل قوة مهشمة
وناتي بها فوق المنايا محطمات

وذي ما فهم واجب علينا نعلمه
دروس اليمن في المعركة والمقدمات

جواسيسهم داخل زنازن محكمة
وعدوانهم فاشل وتخطيطهم شمات

على يدنا تهوي الجهود المهنجمة
وكل القوى الي ينفخوها منسمات

#ابويوسف_القاري

(هوالله جل الله مااقواه واعظمه)
والآيات في الواقع جليه ومحكمات

في الحرب يقبل بالجنود المسومه
وفي الأمن جند النصيه والمكالمات

مشينا مع الله وفق خطوه منظمه
دعسنا بها اهل السبت واهل المحرمات

ولاتعدم الطلاب قبل المعلمه
ولاتطرد المحتل قبل المنظمات

#سلطان_خضران

مدام العيون الساهره فالمقدمه
تراقب الى جانب جهاز المخابرات

في ارض اليمن يحرم على ابنا مسيلمه
ويحرم على الموساد وسي آي اي تبات

#الـكـرار_الـعـقـيـبـي

علاج الخون لـ الاذناب رصاص المقلمه
سوى حرب ف الميدان او حرب ناعمات

فـلن نـشـفـق الخايـــن ولاقـط نرحـمــه
وبانـتـخــذ مـعـهـم عــقــوبات صارمات

‌‌‎#ابواياد_المطري

(هو الله جل الله مـــا اقواه واعظمة)
بعونه تلاشــى الخصم وتلاشت الفئات

وكيد العـــــدا والأجـــــندات المقَدَمه
كشفها (جهاز الأمن )هو(والمخابرات )

#ابوليث_المحضار

الى أجـــــهزتنا الامـــنـية والمكرمة
تحــياتنا حــــباً وفـــخراً ومكرمات..

كســـرتوا بعون الله هجمة منظمة
وكل القوى الامريكية والمحرمات..

#الشاعر_ابوجهاد_صبر

الانجاز مـتـقـدم والاجــوئّ مضلمة
بوجه العداء والطايرات المحومات

وحــــرب اليهودي بدعها والمختّمة
لنا تحتسم يا اهل العقول الملغمات

#سليمان_الشاعر

اتت دولة امريكا بصورة مقتمة
تباء تعتذر مناء بكلمات محكمات

وقالت كما انا اخطيت وانا محكّمه
وجيت اعتذر من كل الاآباء والامهات

ومن حقدها ذي داخل القلب تكتمه
حروف الكلام اللي تقوله مسممات

ولن تقتنع من كل مسلم ومسلمه
لحتى يقولوا كل مسلم فني ومات

#عماد_قيرح

الى الأمن ورجـــــــــــاله تحايا مقدمه
من اعماقنا تهدى لقوم المساهـــامات

على انجاز أمني نـال من شر شرذمه
وصفّد نــوايا الغرب بجهود قـيّـمـات

#حمزه_الديلمي

مضى عقد واشنطــــــــن وتفخيخ الاحزمه
ونشر المفاسد وانتهــــــــــــاك المحرمات

بقايد علم عرّى الوجـــــــــــــوه الملثمه!!
يبدد خططهم كــــــــــل ابوها مداهمـات

#ابوزينب_الوجمان

هو الله ذي عالم بما ليس نعلمه
كشفهم على ايدي امننا والمخابرات

علينا ابرموا أمرآ والله أبرمه
ولا حقق الله ما أبرموا من مخططات

#هادي_حسين_الرزامي

أكيد الخبر موجع لدولات مجرمة
سياساستها دايم علينا مؤآمرات

وهذا بفضل الله ورجال مسلمة
تجاهد عدو الله وتبيت ساهرات

#اشرف_الحسني

تــلـقـى عــــدو الله ضــربــات مـحـكـمة
بكشف الخطط وافشال كل والمؤامرات

عـلـيـك الـبـلـد يــا كــل خـايـن مـحـرمة
فـسـبحان ذي مـكـن جـهـاز الـمـخابرات

#حسن_المهدي

مـريكا مـن الـملطام الاول مـسومه
وعـاد الـملاطيم الـقويات قـادمات

وذا النار ما بين اهل الاهوا مقسمه
فـقد نـاصفتها مـن عيال المنظمات

#الشاعر_ابوكنن

تحدي تحدي واليمن في المقدمة
ووحدات نوعية وضربات محكمات

صنعنا من الطلقة صواريخ ملهمة
وذلحين بن جهز طواير وراجمات

#ذوالفقار_سفيان

ومن بعدما كانت خفيه ومبهمه
تجلت وبانت يالعقول المسومات

تجسس وبيع اوطان واشيا محرمه
وصهيون وأمريكا تضخ الدُريهمات

#ابوبدر_ذيبان

هو الله وفقنا واهدالنا اوسمه
ومن فضله الواسع كشفنا المؤامرات

قلعنا لامريكا الخلايا المجرثمه
بقوة رجال الامن وجند المخابرات

#زياد_زيد

هـو الله اذي وفـق له الـحـمـد معظمـة
بقبض كل جاسوس مرتبط بالمخابرات

ومن غـيـر امـريكـا اللـذي كان تـدعمـة
لزرع الفساد فــ الشعب وكل المحرمات

قسـم لا نصفي شـرذمـه بعـد شـرذمـة
ومن اجـل نضبطهـم نجيهـم مداهمات

#ابوحمزه_المقاش

محال ان يمنى لليهودي نسلمه
ولو با نخوض اعتى حروب المغامرات

لنا امن زلزل كل تابع مسيلمه
وعد با يزلزل كل هاوي محرمات...

#ابوحيدر_الراشدي

تحيـــــــة لكمــــمن قرم بالعـــز مفعمه
وتسلم عيون الامن والجيش والحمات

رجــال اليمن ذي صــــدروا كل ملحمه
على العهـــــد لا زالو من اليوم للممات

#ابـومـازن_الـرازحـي

لكل اجهـزتنـا الأمنيـة في المقـدمـة
تحـايا جميع الشعب بالشكـر مفعمات

على كشفهم لاكبـر خليـات مجـرمـة
وفضـح اليـهـودي، والخطط والتراكمـات

#فؤاد_الراشدي

يخوض اليمن في البر والبحر ملحمة
وفي الجو شهب الحق نيران ثاقبات

يأدب عــــــدو الله، يهينـــــه ويهزمه
وأما انتصار اليوم فتحقيق معجزات

#ابوفتح_الجرادي

المجاراة عن اهمية احياء #عيد_الغدير #يوم_الولاية

البداية #أبويوسف_القاري

ياجبل مران جدد لامير المؤمنين
والعلم عهد الولا يوم عيد ولايته

الولاية في علي سر للنصر المبين
ليت الأمه تهتدي به وترفع رايته

#فارس_المعزبي

الولاية للوصي جابها الروح الأمين
من الــه الكـون وانزل بذلك آيتـه

ابن ابي طالب خليفة لكل المسلمين
والذي خَالَف عرفناه ماهي غايته؟!

#ابوشوامخ_الوعل

من تولاء الحيدره فاز في دنيا ودين
الولاء سرّ المجاهد وقوت طاقته

ليت لو شجعان لنصار كانو حاضرين
جنب حيدر يوم اهل السقيفه باعته

#الشاعر_بدر_الكهالي

كل عام واحنا بصدق الولآء مجددين
عهـــدنا لله و طـٰٓه وحــــيـــدر غايته

بالـولآء للســــيد القائــد الفــذ الأمين
ننصر الإسلام في الأرض نرفع هامته

#مانع_البوساني

شعبنا استعجِل بعيد الغدير انهض بحين
واحتفل به في وصوله وفي قفَّايته

عيدنا يوم الولايه وجب دنيا ودِين
والفرح آية من الدين نحفظ آيته

#الشاعر_نضال_حُميد

مرحبا ياعيد شيعة علي ليث العرين
ذي برز للكفر فـ الخندق اسقط هامته

ما أتى به خاتم الانبياء والمرسلين
أمر رباني ولليوم نتلوا أيته

#علي_جارالله_داشع

بانجدد بالولاء للوصــي دنيا ودين
من بـداية عـمرنا ليــن لين انهايته

الولاء بانعلنه للوصي ابو الحسين
والــولاء منا نجـــــدد بها لولايته

جريح الحرب #رفيق_زرعان

ارتبطنا بالولاية على مر السنين
نهجنا القرآن نمشي بنور هدايته

قالها المختار هذا علي ليث العرين
فاز من يسلك طريقة ويلزم طاعته

#الشاعر_ابوجهاد_صبر

يا وصي ختم النبوة وختم المرسلين
ياولــي مــن كـان حُـب آل طه غايته

قد توليناك يابو الحسن وابو الحسين
دااام ربـي بالولاء لك أمـــرّنْـا بــ.آيته

#محمد_ابوالعز

ياجبل عطان هني جميع المسلمين
بيوم ذكرى عيد الاعياد فرحة امته

عيد توّج بالولايه امام المتقين
والهدى والدين اكمل واتمم نعمته

#ناجي_القطيبي

البلاغ ذي بلّغه للعرب صادق امين
افصح القرئان فى المايده عن غايته

اليمانيين بك. (ياعلي.) متمسّكين
وانت للامّه (علم) تهتدي. بهدايته

#ابوحيدر_الراشدي

مرحبا واهلا وسهلا بعيد المسلمين
اكمل البــاري به الدين وتمم نعمته

الولاية عهد باقي على مر السنين
من تمسك به الهي يحقــق غايته

#ابوحمزه_المقاش

مرحبا واهلا وحيى بكم يا الصادقين
يا دروع الحق والدين واهل حمايته

حيدر الكرار نعم الولي في كل حين
نفتخر به نعتزي به وتحت قيادته

#ذوالفقار_سفيان

بالولايه دعسنا قوى ابليس اللعين
كل مؤمن صار حيدر مناهـ وغايته

يوم واليناك صرنا الرجال الغالبين
حبك الإيمان ومعاديك جاب نهايته

#الشاعر_ياسر_الجرادي

الولايه حق واحنا عليها ثابتين
من كمال الدين فيها انزل الله آيته

وابن بدرالدين حبل الله الحبل المتين
والمخالف ماجنى غير ذنب جنايته

#زياد_زيد

بـالـولايـة والــولا للـوصيي متمسكين
مـن تــولاه فالميـاديـن رافــع هـامـتـه

بايضل شامخ ومرفوع راسه والجبين
دام اعــلام الـهـدى ماسـواهـم قادتـه

#أبوشموخ_سريع

والله اناشيعته ماتغيرنا السنين
والولاء للآل منا محال نهايته

التقاة النقاة المحسنين الطاهرين
سيد السادات حيدر رفعنا رايته

#ابـومـازن_الـرازحـي

حسب(ماالباري)أمر بالولا للمؤمنين
واختيار (ألي) تصدق وهو في ركعته

والنبي في خم والناس ثمَّه شاهدين
نصَّب ( الكـرار ) في أمته لخلافته

#ابومجاهد_الغمري

عندنا في يوم عيد الولايه كلمتين
يسمعـوها الناس لاحد يقلي فاتته

اليمن كله بقلب وشماله واليمــين
حيدر الكـرار نبضه وحبر حكايته

#أبوعزام_الشامي

بالــولايـه والــولاء جــددوها كــل حين
با ننــال النــصر دومآ حين نرفـــع رأيته

عز الإسلام في الولاية لجميع المسلمين
من نهـج درب الــولاية با يحقـــق غايته

#ابورفيق_الحدم

عهدنا لازال باقي ومازلنا ندين
باالولا لك ياعلي والعلم من عترته

الولاية باال بيت النبي الدرع الحصين
من سلك في دربهم ينتصر في غزوتة

#الشاعر_عزيز_البروي

لك علي نرفع ولانا طايعين مجاهدين
يوم عيد ولايتك للنفاق نهايته

والله انا في خطاك صامدين وثابتين
والعلم عبدالملك حمكة الله وآيته

#أبورماح_شداد

بالولاية كلنا مخلصيـــــــن مسلّمين
والولايه للنبي وآل بيتـــــــــــه آيته

عيدنا يوم الغدير عيد كل المسلمين
كل مسلم بعد ذا اليــوم حقق غايته

#ابو_شاجع_الوجيه

قدوة الأمة علي هو صراط المتقين
باب علم المصفى من بلغ به غايته

ما تخلف عنه غير البغاة المدبرين
من بغوا من بعد ماالله أظهر آيته

#الـشاعر_أبومحمد_الجعفري

مرحباً عيد التولي في أمير المؤمنين
التولي زاذ فينا عزم شــامخ هامته

الـولـاية بــــــاقيه للحيدره مر السنين
والعلم عبد الملك سيدي نـعلّي شـارته

#أبوصخر_الجوحمي

قد أمر ربي نبيه رسول العالمين
بلغ الاشهاد عن حيدره وولايته

اعلن المختار هذا امير المؤمنين
والوصي واجب على كل مسلم طاعته

#نبيل_المهدلي

المجاراة عن الزورق الحربي #طوفان_المدمر

البداية #عبدالقادر_داود

طـوفـان الـمـدمر طوفان
يـا طوفان الاقصى ثاني

فـيـه إتـقان فوق الإتقان
فـيـه الإنـتـماء الإيـمـاني

فيه إيمان شعب الإيمان
فـيـه الـوازع الإنـســانـي

ماهو شي صناعة إيران
هـذا اقـوى مـن الإيراني

#مقبل_جرام

من منهج قرين القرآن
لا غربي ولا يـوناني

من بأس القوي الديّان
مصنع حيدري رباني

قل لمريك حان الإذعان
لبن البدر تخضع ساني

ماشي باندك البيبان
ياخيبر بحيدر ثاني

#ابوفتح_الجرادي

بـالله العـظــيــم المنــان
الناصر عظيــــم الشانـي

سبحان المهيمن سبحان
صـادق وعـــده الربــانـي

من زلزل عروش الطُغيان
وأستبـدل بنـــا العُربـانـي

ننهي كُــل بـاغـي خـوان
وندمر قوى الشيطـــانـي

#ناجي_القطيبي

طوفان ارعب الامريكان
ذي تفكيرهم (شيطاني)

هز ارّكان قرن (الشيطان)
(والصهيوني) (العلماني)

(متنوّر) بنور (القرئان)
(متولّي) (علم)(قرءاني)

رجّح فى البحار( الميزان)
لَنْصار ( النّبى). العدناني

#ذوالفقار_سفيان

دُك الكل صك البيبان
متيهود مع نصراني

رويهم حقوق الإنسان
لمّا يجمعوا سمطاني

نطوي البحر كنه فنجان
نقلب سافله فوقاني

هذا من ثمار الإيمان
حان الوعد يا عبراني

#محمد_البريهي

لا اسرائيل والأمريكان
سمعوا القايد الرباني

ينصحهم بوقف العدوان
كبر اتجاهلوا بالعاني

والوعد الإلهي قد حان
والقاصي يقل للداني

ذي ماكان ابد بالحسبان
قد شافوه بالميداني

من حاطم وزورق طوفان
صاح العالم الشيطاني

لا قوات الأنسي والجان
تهزم قوووة الإيماني

#صالح_النقيب

ياطوفان فجر بركان
لا ترحم قوئ العدواني

هيا بسملو برحمان
يامن نهجكم قراءني

هم متوليين الشيطان
واحنا القايد الرباني

والعبره لهم في هامان
بعد الضلم والطغياني

#ابوعبدالله_صالح_عنبل

ما دام المراحل مليان
من تاييدنا الرباني

ما امريكا بقت بالميدان
ساعه لا ابحر الخولاني

اعمينا عيون الشيطان
من تصنيعنا الصنعاني

ينتجها في اليوم اطنان
والاتقان ما له ثاني

ابشر يا عصر بالشجعان
باياتون لك بالجاني

#ابوجهاد_صبر

مــن عند القلم والإنسان
والاحــقـــاف والفُرّقاني

لاعـنــد النباء والرحمن
والــتـكـويــر والدخاني

الـــوعـــد الإلـهـي يبتان
للابــطــــال والشجعاني

ذي هدو عروش الطغيان
نصرة لهل غـــــــزة عاني

#هادي_حسين_الرزامي

زورق حملته بالأطنان
ماخلى ولا امريكاني

قوه خارقه يارحمن
سبحانك عظيم الشاني

ماغيرك هزم للعدوان
دمر قوة الشيطاني

#عماد_قيرح

زورق تقشعرّ الابـــــدان
مــــن تأثيــره الميداني

متفنن يناور ~ باتــقان
مايمشي طريقه ساني

رأسه طــــن لكن طنان
يلعن شكل الامريكاني

#ابوبدر_ذيبان

طوفان النكال للعدوان
يغرقهم بلا استئذاني

متموج مراوغ فنان
ما حد يوقفه دهماني

تصميمه قوي الاتقان
مدعوم بالهدى الرباني

والبأس الشديد بالاطنان
متحمل غضب بركاني

حالف ما يعدي قبطان
من حلف الردى الشيطاني

#ابوفتح_الاشول

زورق من جنود الرحمـن
يا حلف الغوى الشيطاني

يشعل في البوارج نيران
في خط السعير الساني

التمكـين غـير الإمـكان
والدعـم الإلـهي ثـانـي

هذا ما ظهر في الإعلان
والقـادم هلاك الـجانـي

#ابواياد_المطري

ودّف عصبة الأمريكان
وامسى بايدن طنّاني

سبحان العظيم الديّان
واحد فرد ماله ثاني

وفّقنا نغيظ الطغيان
من قاصي لأخر داني

بعد ابن النبي العدنان
ابن الشاجع الطعّاني

#جلال_الغولي

سبحان العظيم الديان
واحد فرد ماله ثاني

ذي خلى زوارق عطان
ماتخشى ولانصراني

طوفان المدمر طوفان
ذي ساند للاقصى عاني

كم زعزع قيادة واركان
وارعب كل مجرم جاني

لاروسي ولامن المان
لكن حيدري ويماني

#ابوحمزه_المقاش

غالي واليمن له عنوان
به فخري وبه عنواني

طوفان اللضاء فيه اطنان
والنيران فيه اطناني

سخرنا القوي فينا ايمان
ضخه ضخ من شرياني

يا غزه من اول لا الآن
شده لش مدى الازماني

#ابو_وعدالله_هفج

لاقد هــاج فـوق الطغـيان
ينـسـف انســهم والجــاني

فيه اصغر شظــيه بـركـان
تتــــوزع بكـــل اتقـــانـــي

بأسه بأس شعـب الإيـمـان
واهـدافهـا يجــيها سانــي

منـك العون يامولا الشـان
وارض المــعركة ميـــداني

#أبوصخر_الجوحمي

نكل زورقي بالعدوان
صهيون الشقي العدواني

زلزل باليهود وامريكان
هز المرتزق والجاني

فضل الله ربي الرحمن
والسيد وفضل ايماني

حكمه مدمجه بالايمان
واعلام الهدى عنواني

#نبيل_المهدلي

جانا من مسيرة مران
من وحي الهدى الرباني

يحمل بأس شعب الإيمان
وثباته، بوجه الجاني

با ينسف سفن لامريكان
ويدق البوارج ساني

لا تفجر كأنه بركان
يغرق من حرق قرآني

#الشاعر_عزيز_البروي

ياطوفان نبع الاحسان
يا طوفان من طوفاني

العن والديه الشيطان
الملعون والشيطاني

ذي دمر شعوب الانسان
اسرائيل وامريكاني

يا الصهيونيه وامريكان
طوفان اليمن بركاني

#اتحاد_الشعراء_والمنشدين

https://t.me/aboyahyaalshami

شعبنا لله قد صار عاشق
للهداية و السبيل المنير

با يخفض للمهور المسابق
في رضى الله القوي القدير

والمنافق با يضلي منااافق
في رضى الشيطان مخلص جدير

#ذوالفقار_سفيان

العرس هذا جمع كل ضايق
من رجل محتاج ولا فقير

شال هذا الهم من كل عاتق
واتجه لاسعاد قلب الضرير

الزكاه اليوم له زرع باسق
حسب شرع الله صارت تسير

#ابواياد_المطري

عرس لا يوجد أمامه مطابق
فوق تسعه ألف حشدٌ غفيـر

التفاعل في جميع المنـاطـق
بالـــمهـور اللائـقــه بالـفــقير

زوجو ياشــعبنا كل ضـايـــق
واسـعـدو قلبه بشـيـئً يسير

#أسـامـة_المـعبـاء

عرس خلى الكون بسعد ناطق
ومن زكاة المال هو بايــصير

وبانــسمع غــربها والمشــارق
والتحــالف مع رعـات البعير

إن اليمن اتولت انسان صادق
ذي قــادها للآنتصــار الكـبير

#الشاعر_بشير_الشامي

زوجوا عزبان كل المناطق
كل من جاهد وعد الكثير

من زكاة المال نفعل فوارق
بين سابقنا وبين الاخير

يسلم اللى قد دفعها مصادق
عند ابونشطان شكراً جزير

#فايز_الحمزي

احتزمنا بالجعب والمحازق
واتحدنا في الزمان الخطير

رغم كيد الكايدين والعوايق
قافلتنا للمعالي تسير

يلزم الصمت كل فاسق وناعق
لن يعيقوا للزفاف الكبير

#الشاعر_عمر_الأهدل

عرس تسعه الاف خلا المنافق
قال ليش العرس هذا الكبير

شعبنا اليوم محاصَر وضايق
اطعموا الشعب هذا الفقير

قد فهمنا كل مُرجِف وناعِق
والف مبروك عرس ماله نظير

#جميل_الجنيد

الزكاة هيئة لها خير سابق
يَسّرت ما كان عائق عسير

فتّحَتْ للغارمين المغالق
وانتفع في الناس كم من فقير

في مشاريع الزواج سيل دافق
وافشلت عدوان آثم حقير

#حمد_الكبسي_الوايلي

الــحـقايق بايـنه والفـوارق
يامـفاسد مال ابــوها نضير

الزكاه اليوم في وضع لايق
والــمصارف اعطيت للفقير

بانقيم اعــراسنا ونت حانق
يامشغل صفحتك مستجير

#محمد_الحضري

انطلقنا رافعين البيارق
في رضا الله العلي القدير

حقق العرس الجماعي حقايق
واليمن شب النكف والنفير

والعدو نسقيه خارق وخارق
منها كل الجماجم تطير

#ابوهادي_صيفان

والفقير اصبح غني في المناطق
لبس واحد والمخطط بصير

تسعه الاف وعادبه عرس لاحق
قايد الثوره ابونا الكبير

عمة الفرحه وفي جمع ساحق
زعردي ياكل اسرة فقييير

#ابتسام_شرف_المحطوري

فرحةالمحتاج حزن المنافق
شيئ واضح ياكُراع البعير

كل منا بــالــزكاة بايسابــق
وارحموا من في ثراكم ضرير

نستر العزبان مابه عـوايــق
والعوايق في تولي الحمير

#أبورازح_القعود

لاتضايق ياعدو لاتضايق
او تحاكي نفسك انك خطير

اليماني كالجبال الشواهق
والبنادق صاحيه والضمير

والتحالف كل يوم في حرايق
وابن سلمان عاده الا صغير

#ابوالكرار_المجنحي

اليمن معروف سابق ولاحق
با الحميه والشرف والضمير

ما تعيقه في طموحه عوايق
دايمآ نحو المعالي يسير

زمجري واتزملي يا بنادق
في عرس مجموع ما له نضير

#الشاعر_ابوحيدر_عامر

والفرح ذل يوم له ألف بارق
في سمانا غاض حتى السفير

والفساد من عرسنا صار زاهق
والقلق عم الكيان الحقير

عرسنا عرسين والكفر حارق
والمنافق طاح ماله مجير

#ابوهاجس_موكل_رداع

ياالحيود الراسيات الشواهق.
اين ماسارالمسيّر نسير.

للحقيقه والحقائق حقائق
والحقيقه ظاهره في الاخير

مانخون العهد ولاالوثائق.
والكبير الله محدكبير

.#ابـومـازن_الـرازحـي

صار مجهود المزكين باسق
وانقذو وضع الشباب الخطير

مثل هذا العرس ينتج،فيالق
ما لها فوق البسيطه نظير

ويلكم ياكل طاغي وسارق
نحوكم، يوم النهايه يسير

#ابوناصح_العزي

رغم انف المرتزق والمنافق
الفرح عند الكبير والصغير

شعبنا ينفق وبالله واثق
شعب ما يقعد بوقت النفير

باقي الا المهر ماهوش عايق
بالتعاون بين اخي والصهير

#عبدالخالق_الحداد

في فرحهم كلنا بانسابق
لجل نسعد كل منهو فقير

والذي مابا يزكي منافق
مامعه ذمه ولابه ضمير

#الكرار_المشراقي

زف تسعه الف انجازخارق
ماحصل مثله ولا له نظير

يايمن لايمان للمجد عانق
وفتــخربقيادتك وستـنير

شعبنا باللــه ولاآل واثــق
بلغ الـخاين وقل للاميــر

#_الشاعر_رامي_احمد_السوداني

اشهد ان الخير في الناس دافق
انظرو ما في بلادي يصير

يا قوى العدوان ياكل دانق
وضعكم مثل الحمار القصير

يمتطي ظهره صغير او مراهق
يوم عيده لا عطيتاه شعير

#ابوكنعان_الروس

الفرح غطى جميع الفوارق
والتهاني جات عبر الأثير

ندعو العالم يشرف يسابق
مرحبا اهلا كبيرهم والصغير

المكان صالة السبعين طابق
اامام ابوفضل الشهيد المشير

#ابوثابت_المجنحي

رغم صكات الزمن والعوائق
شعبناء مؤمن بواحد كبير

في رضاء الباري فيالق فيالق
يحفضو حق الإخاء والجوير

قد لهم فل وقت عدت سوابق
ونشدو عنهم حلول الغدير

#يعقوب_الخمري

بالزكـــاة نفـتح جمــيع المــناطــق
ذي تبــقت في الجــنوب الأســير

إنفـــقوا مــن مال رب الفــوالــق
لحـــدا يبـــخل على اللــي فقــير

المجاراة الثانية عن (العرس الجماعي الثالث الذي ترعاه الهيئة العامة للزكاة لاكثر من عشرة آلاف عريس وعروس)..!!

البداية #ضيف_الله_سلمان

الايمان في شعب اليمن جسّده عطاه
وقوّة نسيج المجتمع في تكافله..

على منهج القران واعلامه الهداة
نفرنا جميعا كلن ابدى تفاعله..

قيادة حكيمة اسست(هيئة الزكاة)
مشاريعها صدّت مشاريع باطله..!!

#ابورواسي_ارحب

هوالله وحده مالك الملك لاسواه
وعشق الشهاده كان هذا مقابله

بفرض الزكاه الي كما الصوم والصلاه..
فرضنا هويتنا بحسن المعامله

بمبدا التعاون والتكافل والأنتباه
من الناعمه بأقوئ مهمات شامله

#ابوالعباس_مفلح

الى البر والاحسان والسادة الهداة
مضى شعبنا في كل سكة وقافلة

هو الله لي بالخير والعفة اصطفاه
وله في ميادين العطاء قوم حاصلة

زراعة صناعة تربية معركة زكاة
وكثرة عطاء في اي جبهة مماثلة

#أبوالمازن_عبدالله_الشريف

بلاد الكرم والجود والعز والاباه
وموطن بناة المجد واخلاق فاضله

تكافُل تراحُم في الشدايد وفي رخاه
وتجسيد دين الله حُسن المعامله

ويوم الحرايب يكسر الشعب من غزاه
وتقبل كتايبهم مع الله مقاتله

#ابوريام_الطاهري

متى أتوكل المؤمن على خالقه كفاة
وصلى الفرائض واجتهد في نوافلة

و قيمه بني آدم مع المجتمع وفاة
وبصمات فعل الخير تشهد لفاعلة

وبا ناشد السيد ذي الباري اصتفاة
يعادل ميازين المهور الممايلة

#فارس_المعزبي

بقايد عَلَمْ كرّار نمشي على خُطَاه
رفعنا الثقل من فوق شعبي وكاهله

وقام التكافل بعدما قد بلغ مداه
مقام الاخا في شرط او حشد قافله

سلامي علينا كلّما ( قامة الصلاه )
وما يقروا ايات (النسا)( والمُجَادِلَه )

#بلبل_النصر

رعاة الزكات الفين وانعم بها رعاه
لـتـرسيخ ديــن الله تـقاتل مـقاتله

مشاريع فيها يوصل الخير مبتغاه
ولاكـل مـستاهل ومحروم واصله

ونـبراس يتسقى بما جده استقاه
زلال الـهـدايه مـن مـنابع جـداوله

#ابو_برق_الظرافي

وفي شعب باافرحه كسر هيبة الغزاه
وحربه وعرسه فرض متبوع نافلــــه

فحيا سليل المجد ذي لاظهر نبــــاه
بقايد بحكمه ترجم ايات ماثـــلـــــــه

ثمار (الزكاة) الأمر ذي شد الأنتبــــاه
والأفراح مصدرها الرجـــــال المقاتله

#عزالدين_جحاف

سلامي على من بارك الله في خطاه
إذا قال كلمه صدقتها فعايله

يقود اليمن للعز في رفع مستواه
بحكمة يمانيه ولاحد يماثله

حبيبي أبوجبريل يارب كن معاه
وحقق له الآمال بالخير قابله

#ابوبحر_علي_احمد_مطر

على منهج القرآن تصحيح الاتجاه
و قد كانت الأمة عن الحق غافله

قرار القياده في بنوده و محتواه
و وعي المواطن و الإدارات كامله

ومن يغرس المحصول في موعده جناه
و يلقى جهوده و النتايج مماثله

#أبوشموخ_سريع

بدون الزكاة الله لن يقبل الصـلاة
ولن يقبل الله كل قربه ونافـــــلة

ترى المال مال الله وحده ولاسواه
وحدد مصاريفه وبين مداخـــــــله

أمل كل مستضعف ومحروم في الحياة
يدوي وجع يدات جوعى وعاطـلة

#ياسين_الفروي

بدون الزكاة الله ما يقبل الصلاه
وهي فرض.. لكن كانت الناس غافله

فسبحان من هيى لنا البدر واصطفاه
و"هيئة" على كل المجالات فاعله

لمسنا لها في الواقع اثار مقتفاه
وما ينكر الا اهل النفوس المجادله

#محمـد_مجلـي

بمشـروع قرآني صخط منه الطغاه
كأنـه بنحــر الحلف طلقات قاتله

وما الحلف واعوانه سـوا لليهود ادآه
وكل الخطط باتت للمـريك فاشلـه

وفرض الزكاه ياشعب كالصوم والصلاه
له الويل من يغفل ويعلـن تماطله

#جمال_الماوري

(تكافل) تجسد في يمنّا بما حواه
أخوّة، تعاون، بذل، رحمة، معاملة

ويشهد لهذا الشعب عزه مع وفاه
ولا غير شعب العز عزز تواصلـــه

وإيثار.. لو يؤثر بنفسه مع دمــاه
حقيقة.. ورب الكون ما هي مجاملة

#سليمان_معوضه_دهموش

رعى الله ابو جبريل واللي مشى معاه
بدرب المسيره والجموع المواصله

على نهج ربي قد مشينا ومن رؤاه
بسنن رؤى التشريع من دون فاصله

وقرآننا شرع لنا (هيئة الزكاه)
وللمجتمع خدماتها تصب كامله

#ذوالفقار_سفيان

تحيه لذي ساهم وذي هم لها رعاه
وللسيد القايد تحيات واصله

هنا شعب متكافل وللمرتضى ولاه
بذل كل ما يملك وقدم قوافله

وكلين با يلقى لما قدمت يداه
امامه بيوم الحشر آيات ماثله

#ابوحسن_الشبطي

ولوما الشهيد اللي بذل ع الوطن دماه
لما زد لقي محتاج إنسان يكفله

ولولا حسين البدر ماآتوا الزكاه
ولا اتوزعت بين المساكين كامله

إلا ارواحهم يا أي من قاموا الصلاه
لزوم الدعاء في منتهى كل نافله

#صالح_النقيب_الجوفي

سلامي على من مد بلعون من يداه
سلام الموده للقيادات كامله

ندإ الحق لانادا نلبيه في نداه
ندإ قايد الثوره قرارات عادله

بنا شعب ماينهار لتكالبت عداه
تراحم ترابط مجتمع في تكافله

#جميل_جعفر_ابوشامخ

هو الله ذي أيقظ لنا البدر ما سواه
نشيط العمل والهدي دايم تعامله

مضى الشعب في درب العلم واتّبع خطاه
وثـار اليمن كله بكامل قـبـايـلـه

#ابويوسف_القاري

نعمه تبارك وجه ربي ذا الاكرام
ذي أكرم اصحاب الكرم والكرامه

اعراس يوميه وزفات وانغام
والمرتزق ماوفرو له طعامه

زكاتنا زكت عبادات وصيام
ونفوس تحمل للعفاف احترامه

#محمد_هزاع_البهلولي

اليوم هذا حطم ارقام وارقام
يهناك يا شعب الاباء والكرامه

العرس هذا نصر والخير قدام
ويعتبر للفتح الأكبر علامه

حتى في الأحلام ما جاء فالاحلام
واليوم كل انسان شافه أمامه .

#هادي_حسين_الرزامي

هو الله منقذنا بهديه وبالهداه
له الحمد سبحانه في الخلق ماعدله

ولولاه ماكنا ولا كانت الزكاه
نزوج بها شبان شعبي ونكفله

ولكن وعينا والوعي مثل مالصلاه
ومن زاد وعيه مالقي أي بهذله

#ابوريام_الطاهري

مادام ابو جبريل دام الفرح دام
الله يديم العافيه والسلامة

ركن الزكاة هو ثالث أركان الإسلام
والبدر ركن اهل اليمن والدعامة

ياسيدي يناشدك حبر لقلام
ترسم لتخفيض المهور العلامة..

#شداد_حميد

اليوم هذا يوم تحقيق الاحلام
تخيلو كم شخص حقق مرامه

شكرا لمن وجه وسدد ومن قام
على العمل واولاه جُل اهتمامه

ناتج زكاة المال ف الناتج العام
رسم بتسعه الف وجه ابتسامه

#يحيى_العطيف

هاذا الخبر هو صدق والا ف الاحلام
من شاهد الاف الحراوه امامه

هاذا ثمار التضحيه خلف الاعلام
ورؤيه ابن البدر عالي مقامه

الله يبارك لليمن دون هكام
جعله عزب لوما تقوم القيامه

#ابومصفطى_الرضي

في ظل قائد قاد مشروع الاسلام
بالوعي والايمان والاستقامة

شوف الفقير حقق طموحة والاحلام
وزاد بالمستضعفين اهتمامة

من اليمن لانجد للقدس والشام
باينتشر عدلة ويوصل نظامة

#محمـد_مجلـي

يا الهيئــه انهيتـي مناكير وآثام
واللبستي المسكيـن لبـس الكرامه

عزيتـي المسكيـن واطعمتـي ايتام
مشــروع خـلّ الحلف ما اهنا منامه

قل لسعودي بُــد تكبيـر الاحــرام
وســط الحرم ما دام شعب الشهامه

#ذوالفقار_سفيان

هذا بفضل الله وبفضل الاعلام
اعراس تزرع فالنفوس ابتسامه

امساء بوجه المعتدي الف ملطام
واصبح براس الشعب هذا عمامه

غيثه سكب واسقى مساكين وايتام
والعرس صار اليوم اكـبر عـلامـــه

#ابوخارف_ابوشوصاء

مبروك للعرسان تحقيق لحلام
الدين للعرسان اكمل تمامه

والشكر للهيئه ومن بالعمل قام
وبدى لهذا العرس كل اهتمامه

وقائد الثوره مجاهد ومقدام
اسس على القرآن كامل نظامه

#الشاعر_محمد_علي_الجنيد

تحت امر قايد حيدري كفو مقدام
ذي شع مثل البدر ليلة تمامه

مستضعفين الشعب كامل والايتام
في عرس متميز وعالي مقامه

اسمى تهانينا لهم عبر الاعلام
والله يديم سرور شعب الكرامه

#الشاعر_ابوحيدر_عامر

فاشل وبوجبريل قد داوى الالم
حقق طموح الشعب روح الشهامه

حطم كيان الشر وجتاح الاقزام
وعرسنا في قمة الاستقامه

على دروب الحق والمنهج العام
الله ايدنا وهاذا علامه

#أسـامـة_المـعبـاء

ماقد حصل مثله في الصين والشام
ولا في المغرب وارض المنامة

الا في ارض العز في شعب الاسلام
شعب التكافل والاباء والكرامة

نسئل من الله الــرحيم خيـر اتمام
لافراحنا وفينــا تـكون مستدامة

#ابو_شاجع_الوجيه

هيئة زكاة المال في عز الاسلام
بنت بيوت العز فيها السلامة

مشهد لنصر الله في ظل الاعلام
تحصين للاجيال عزة كرامة

بالله والقرآن بطلنا الكلام
وافعلنا تشهد ليوم القيامة

المجاراة أستجابة لدعوة #السيد_القائد في الأحتشاد المليوني يوم غد الجمعة

البداية #أبويوسف_القاري

شعبنا والقدس ماخاب ظنه
في اليمن ذي ناصرت قدسها

نسرح الساحات من دون منه
ضيعوا للأمركة حسها

انصروا تلك العجوز المسنه
ذي تباهى الخصم في دهسها

#ضيف_الله_سلمان

يابني الاسلام شيعة وسنه
دقوا اسرائيل في راسها

ويش باقي بعد ذبح الاجنة
يهودة لابد من كنسها

جاهدوا ونفوسكم مطمئنه
والقضيه نفسها نفسها

#محمد_مفلح

من يمن الإيمان والنصر منه
من رجال اتحزمت بأسها

دون غزه مطلقين الأعنّه
لين تشرق بالنقا شمسها

لو يقوم الكون بانسه وجنه
ما حما إسرائيل من دعسها

#محمد_كرشان

ياالله انصر شعبنا وارض عنه
واسعد العرسان في عرسها

واليهودي خيب الله ظنه
ضيع امريكا وجاموسها

والدواعش جاوبوهم برنة
نجمت اسرائيل من شمسها

#شداد_حميد

تشرب امريكا ولوما تحنه
نخب كأس الموت من كأسها

اليمن فيها تطير الاعنه
يومها يفرق على امسها

لو اتى العالم ب انسه وجنه
با يشوف الموت من بأسها

#عبدالوهاب_الفقيه

جنب غزه شعب انسه وجنه
ويل العداء من لضى باسها

راس بن يامين لابد منه
نضرب الحيه وسط راسها

يشرب الطاغوت ذي مايحنه
والبوارج ضيعو حسها

#همدان_حجي

المريكي بين اهه وانه
من شراستنا ومن رجسها

ينتضر والفتح لابد منه
خاب واتقهقر لظى باسها

والف غارة والف مليون لعنة
ع اليهود ومحتوى درسها

#الشاعر_فرحان_السلامي

قد خرج فوج اليماني و جنّـه
فــي مــواقـف خلـدت درسهـا

و الهجـوم اليـــوم لازم نشنّــه
نقلــب امـريكـا علــى عكسهــا

ننصـر المظلــوم و ننـوب عنّـه
لجـــل غـــزة تنتعــش نفسهـــا

#هادي_حسين_الرزامي

ألف لبيناك واجب وسنه
نحشد لغدها كما أمسها

نسحق المحتل وندوس جنه
يندم المجرم على رفسها

بايجي يومه ولازم نطنه
اليمن عازم على كنسها

#ابو_مصطفى_الرضي

ع اليهود الباغية الف لعنه
تشمل الأعراب حراسها

انفروا نأخذ بثأر الأجنة
قد جنت صهيون على نفسها

سنة الله ع الطغاة خير سنة
في البحار با نغرق أنفاسها

#ابوجهاد_صبر

لو علينا حرب طاحن تشنه
أرض بقعاء جِنّها وانّسها

او يجينا الكون بـْ انّسه وجِنّه
والكُرْه تقبل لنا نفسها

لا نِدنّ المعتدي لا نِدِنّه
لجل غزة ترتفع شمسها

#ذوالفقار_سفيان

حشد بكرة كنه الحشر كنّه
واليمن كلن عرف درسها

كل مستكبر قسم ما نحنّه
راية امريكا قَرب نكسها

والعلم لا خيب الله ضنّه
راية العزه نوى غرسها

#عبدالعزيز_الغرباني

نهج ابو جبريل مذهب وسنة
والملازم حصن مؤمن درسها

شعبنـا واتخبــر الكـون عنـه
لادعى الداعي ودقت جرسها

المعـارك لعـب شعبـي وفنـه
والسفن فالبحر ذي نفترسها

#ابوفتح_الجرادي

شعبنا بالحشد في السحات كنة
شارك الأبـطـال بــاتـــراســـهـــا

تصــرخ امريكا وأســـرائيل منة
واعلنـت قُـــــدامة افـــــلاسهـــا

شعب بين ضعف امريكا المصنه
داس باقدامه عـــلى راسهــــــا

#ابوحيدر_الراشدي

شعب الانصار كامل انسه وجنه
هب ساحـــــــــات الوغى نفسها

والحشود يا صاح شيعــه وسنه
مستحيـــل ان التعـــــــب مسها

لاجل غزة لا تراجــــــــع وهدنه
عن قريب امريك، تغيب شمسها

#ابوعبدالله_صالح_عنبل

اليمن هبت قوى انسه وجنه
ما سوى نور الهدايه قبسها

والحشود الغاضبه بأمر منه
مستمره ذي تطهر دنسها

واليماني لعبة الحرب فنه
واي رايه عالميه نكسها

#ابوبدر_ذيبان

نرفع الهامات من غير منه
امة الايمان نبراسها

سيدي لبيك روس الاسنه
نقلع اسرائيل من ساسها

كل طاغوتي قسم مانحنه
شعبنا للامركه داسها

#ابـومـازن_الـرازحـي

جاك شعبك حاملين الأسنه
يا علم لـ مَّـه ونبــراسها

يملاء الساحات شيعة وسنه
فيلق الأقصى وحـراسـهــا

حشد مليوني ويغتاض منَّه
قادة اسرائيل وابليسها

#أبوأحمد_الغفّاري

ما وفاء إلا وفاء الأسنّه
والمحن أهل الإباء ناسها ..

فالمجازر في النساء والأجنّه
ذي بغزة اظهرت اجناسها ..

اليمن في العز معروف إنّه
نخوة الأمه وناموسها ..

#عبدالقوي_البطل

كل نشمي حر يثبت بأنه
منتمي من أصل قاموسها

نحتشد في كل يسرة ويمنه
في يمنا الرافعة راسها

طول ماهي نحو الأقصى وظمنه
باتوري للعدو بأسها

#فايز_الحمزي

الجرايم جور مايحتملنه
والعروبه فاقده نفسها

خادمات امريڪ ڪم يحتفلنه!!
والرياض ترقص وجان مسها

عهد منا للعجوز المسنه
ماترڪنا القدس في رجسها

#الشاعر_متاش

عاد بانحتشد ياقدس شيعة وسنة
لين نقلع لليهود ضرسها

لن نفرط بغزة لو دخلنا المجنة
كلنا لأجل تشرق شمسها

ما توقفنا وساطة ولجنة
عن بني صهيون ما اخسها

#ماجد_عبدالله_القادري

كل أب اقبل إلى الساحه مع ابنه
والمسيره عزها في نفسها

كل جمعه ساحة السبعين لبنه
لجل غزه النوم فارق نعسها

من بيع القدس يلقي الف لعنه
كامل الأرض جنها من انسها

#اتحاد_الشعراء_والمنشدين

https://t.me/aboyahyaalshami

مجاراة لشعراء الفصحى عن ماساة كربلاء

#ضيف_الله_سلمان

خساراتُ امّتنا فادحة
بتفريطها اصبحت نازحة..!!

ولو هي سارت مسار (الحسين)
لكانت تجارتها رابحة..

فيا عجبا كيف والت (يزيد)
وثارت على العترة الصالحة!!

ومن كربلاءٍ الى كربلاء
وما اشبه اليوم بالبارحة!!

الدكتور #ابراهيم_طلحة

ولكنّ حُجَّتنا واضحة
وأصوات ثورتنا صادحة

وكفَّة ذي البغي مرجوحةٌ
وكفّة أحرارِنا راجحة

ومدرَسةُ الظُّلْمِ فاشِلةٌ
وثورة (سبط النبي) ناجحة

#حمير_العزكي

فكم هزم السيف طهر الدماء
وأفنى ذبيح الهدى ذابحه

وهيهات كم زعزعت من عروش
لتردي الطغاة بلا نائحة

يعيد الزمان لياليه فأختر
ولاتهدر الفرصة السانحة

فهذا الحسين وهذا يزيد
أمامك في صورة واضحة


#الشاعر/جميل الكامل

كأن الحسين الحسين امتطى
عزيمة إيمانه الجامحة

ونحن نشق الدجى حوله
وكل كلاب الدنا نابحة

وهانحن نخضع كل يزيدٍ
تجَبَّر لم تثنه النائحة

ونصنع من كربلاء انتصاراً
ونجبر احزاننا الفادحة

#الشاعر أمين العقاب

سيبقى الحسين مناراً لنا
يضيء ليالي الورى الكالحة

و تبقى رسالته في الدنا
لكل معاني الإبا شارحة

و نحن على دربه أمةٌ
ترى اليوم فرصتها سانحة

لتثبت أنا ألو قوةٍ
ولن تخشى نار العدا النابحة

#الشاعر عبد القادر البنا

تظل لنا كربلاء الصمود
سماءِ بنور الهدى صادخة

تقول لكل الاعادي كفى
فلن تشبه الليلة البارحة

لنا الثأر من كل عاوٍ عوى
و أسرف في ناره القادحة

عليكم تدور غداً إنها
عليكم ستنزل كالجائحة

#الشاعر احمد على العقاب

سلامٌ على كل حرٍ مضى
إلى المجد خطوته قادحة

و من في دروب الحسين امتطى
لنصرته الهمم السابحة

و ما باع إلا لرب الورى
تجارته في الدنا رابحة

سلامٌ على كل آل الحسين
نجوم الهدى الأسرة الصالحة

#الشاعر نبيل الحضرمي

بدرب حسين وفي نهجه
رأينا سبيل الهدى واضحه

وأشرق بالضوء من كربلاء
معاليه بالهمم الطامحه

وباء يزيد وأتباعه
پأقبح خسته الفادحه

فسر شامخ الرأس فوق الذرى
ولو نبحت في الفلا. نابحه

#الشاعر بلال الشرماني

إلى(الناس)من أول(الفاتحة)
لآل الهدى هذه الرائحة

مصاب الحسين على أحمدٍ
كبير فما أعظم الجائحة

ذراع الحسين لدى كربلا
أطاحت بمملكة طائحة

وحقدُ يزيدٍ يزيدُ على
بني الرجس في الأمم الفاضحة..

#زيد_علي_النعمي

سلام على سبط خير الورى
فداه الجوانح والجارحة

سلام الإله لأنصاره
ومن خذل السبط لا سامحه

ولعنة ربي على قاتليه
يزيد وعصبته الذابحة

فمنذ المصيبة في كربلاء
وأمتنا في الدما سابحة

#عزالدين_جحاف

قوى الشر أهواؤها جامحه
وثورتنا ضدها كاسحه

(وهيهات منا ) شعار الحسين
بأفواهنا والدما صادحه

بنو اليمن الحر في دربه
مدى الدهر غادية رائحه

تجسد اهداف سبط الهدى
جهادا على الزمرة الطالحه

#أسامة_الجنداري

‌‌ويا عجبا كيف قامت مع
(ابن هندٍ) وزمرته الطالحة!!

وكيف استصاغت قتال (الوصي)
وترجو بذا انها فالحة؟!!

وكيف تناست حديث الغدير
وكانت عباراته واضحة؟!!

فليس سوى يوم تلك السقيفة
الشؤم سَبَّبَ للجائحة!!


#رفيق_زرعان

لظـى نـار أمتنـــا لافـحة
ديار طواغيتنا الجامحة

فقائدنا صنو هذا الحسين
من الذكر رؤيته واضحة

وبنت أمية في نجدها
تموت وقد فاحت الرائحة

تذوق لظى نارنا كل يوم
ووعداً ستجتاحها الجائحة

ستسري عليها صواريخنا
وصمادنا فوقها سارحة

#الشاعر_سجاد_الوشلي

‌حسين اتانا كمثل الحسين
على الشر نيرانه لافحه!!

سقانا معين الهدى فاتحا
لأبصارنا فرصة سانحه!!

لكي نشحذ العزم ضد اليهود
نهب كما الأسبع الجارحه!!

فيارب أيد لنا يا كريم
بسر هدى سورة الفاتحه!!

#نادية_السقطي

طريق الحسين هي الراجحة
ومادونها فاعلموا طائحة

مضينا على نهجةِ ثائرين
بصدق انطلاقتنا الكاسحة

لننهي العدو اليزيدي البليد
ونشفي غليل الدماء اللافحة

وماالنصر إلا لصدق الولاء
ونهج الحسين من الفاتحة

#محمد_شرف

‌‎و اعظم نكباتنا الفادحه
خسارة اعلامنا الراجحه

فكم مثل زيد ومثلُ الحسين
تنوح على فقده النائحه

و هل ينفع النوح بعد الحسين
اذا لم نسر سيرة صالحه

ومن يرتضي العيش في عزة
فهيهات ترعبه النابحه

#ذوالفقار_سفيان

بنادقنا نارها قارحه
وبالموت مقبلتٌ جارحه

تسوم العداء نار افواهها
وكل الذي لاح باللائحه

ولن ترتضي غير معركةٍ
مجلجلتٌ للعداء كاسحه

‎#جمال_الماوري

بدرب حسينٍ مضينا وما
تزال خطانا بهِ واضحة

أيا سبط طه الذي ثار إذ
يسير وثورته الفاتحة

ومأساتنا مثل مأساته
وما أشبه اليوم بالبارحة

مع ابن النبي مضينا ولن
نلين وما وهنت جارحة

#عبدالرب_يحيى_الشرعي

اتت ثورةٌ فِيْ العُلا واضحة
فهاهيَ بين الورى نَاجِحة

ولو انّ أمّتنا ناصرتْ
خُطَاهَا لكانت بِها رابحة

على أنها ثورةً خُلِّدتْ
ونيرانها في الملا قادحة

تدكّ الطُّغاة بِمعقَلِهِم
وفي كلّ عصرٍ تُرى صالحة

#عدنان_جحوح

عَلَى الدَرْبِ سِيرِي بِعَزْمٍ كَبِيرْ
فَلَا شَكَ أَنَّ الـعِـدَا طَــائِـحَــة