راسك انصاب عجيبه منو يصدگ الخبر
صدگ مطبور علي الناطور



الشاعر فاضل الغريباوي
صوت خادمكم أبو منتظر الإمارة

جانت سوالفنه دموع بس ما حجينه
اتشابكنه خوية الحد ما سومر بجينه
روحي ضلت وياك
وگلبي صعبة ينساك

للشاعر تحسين الخفاجي
صوت خادمكم أبو منتظر الإمارة

عني رحت .. بويه وهدم حيلي الدهر
عني رحت .. شحال اليتيمه وي السهر
ماغمض اعيوني بعد.. والغالي عن عيني ابتعد
عني رحت
****
يابويه اليفارك ابو..جا هو والضحكه شكو
يمهيل ادلال البدو.. بويه بحنانك ضمني
اتلفت بحيره وألم .. بكل حسره دلالي انثلم
يا خيمه كل لحضه بسهم .. كام الهوه يلجمني

كل لحضه تاخذ عام من سنيني
بحسرة يتيمه الكبرك اتوديني

بويه علي .. تدريني اموت بغيتك
بويه علي .. صارت يتيمه بنيتك
اتيتمت واندب مدد .. والغالي عن عيني ابتعد
عني رحت
****

اتوجه عالونه كمت .. من زغري ليش اتيتمت
يابويه حيل اتألمت .. يذبح وداع الخيمه
اخواني بوداعك بجو .. بالدمعه نعشك شيعو
فوك النعش حيل أنحنو .. وزينب تضل ايتيمه
ميت ابوها التفكد الحنيه
من دونه يعني تموت كل ابنيه
ميته صرت.. يالشيعوك وما تجي
ميته صرت .. شاب الضلام من البجي
يابويه دلالي انمرد .. والغالي عن عيني ابتعد
عني رحت
****






ودعتك بسر النضر .. جم خاطر بروحي انكسر
شخلالي يابويه القدر .. بس الالم والونه
شيحضر الباجر جرح..بس لايجي بنبله ورمح
ماميزت ليل وصبح.. محضر نوايب جنه
شمحضر الزينب زماني مصيبه
بكل دمعه طاحت خضرت جم شيبه
ليل الحزن .. مايرحم بجفني الذبل
ليل الحزن .. وشلي دمعي شما نزل
ومايرحم بحالي ابد .. والغالي عن عيني ابتعد
عني رحت
****







من نعشك بجفهم عله .. جني غريبه بكربله
وعالتل دمعتي مسبله .. بيا حاله حالي اليله
نرسمة عله عيوني صور .. جم غالي مكطوع النحر
من الخيمه انضر للنهر .. واليا جرح ابجيله
عباس جنها مكطعات ازنوده
وعيونه من نبلة سهم ممروده
جني شفت .. صورة كفيلي اعللنهر
جني شفت .. بس طايح مكطع وذر
ديرت نبل فوك جسد .. والغالي عن عيني ابتعد
عني رحت
****





وصورة غريب الوحده .. وهدومه كلها مفرهده
بصدره السهام اموسده .. وينضر للمسنايه
ياخويه اخر جلمته .. والحافر اشكد لجمته
للشاطي حاول كومته .. هلبت ترف الرايه
هلبت ترف الرايه بيد اعضيده
بس الشمر ياويلي حز اوريده
شفت الشمر ..لحسيني جرد خنجره
شفت الشمر .. حز نحر اخوي وطبره
وتربع بصدره وكعد .. والغالي عن عيني ابتعد
عني رحت
****
تمت
#احمد الخفاجي

للأجر والثواب

عني رحت


الشاعر أحمد الخفاجي
صوت خادمكم أبو منتظر الإمارة

آنه أمْسَح دم طَبُرتَكْ    وانته تمسحلي دَمِعْتِي
هِيه ليله ومني رايح     وادفـن بگبـرك فَرحتي
                  (بويه بويه علي)
______________

ليلة اوداع / تخـلص بساع / ياعلي اوساعاتها ايمـرّن ثواني
رايد اتروح/ يا مُنى الروح/ لو تموت امنين أجيبن علي ثاني

أريـد اعيـوني منـك تشــــبـع اهــواي
بقت ليـله او بعد ماشـــــوفـك اوياي
أنا امْحَظـرَه الوضُـوئك طاست الماي
تِـنــام اشــــلـون وآذان الفجــر جـاي

چنت أفِـزَّن وي صـلاتك
هسه ســـهرانه لْـممــاتك
اتغيب وي بدرك نَجِمتي
وادفن بگبــــرك فرحتي .. بويه بويه علي
______________

لو بل اعيون / گالوا ادواك / أرخص عيوني إلك كون انته سالِم
مني اخذ حيل / ياعلي وگـوم / هاي أوّل مره أشوفك بيها نايم

علي المســجد يريدك مو وكت نوم
عجب محـــرابه حـيدر فارغ اليـوم
صَفـار الطـــبره هــذا لـو أثـر صُــوم
علي اسم الله عله حيلك ياعلي گوم

الليله محــرابك ينادي
لعنة الله اعله المُرادي
صابك اوطفّـه شمعتي
وادفن بگبـرك فرحتي … بويه بويه علي
______________

خيمة الدار / لمّن اتطيح / ياعلي معناها شال الوالي عنها
الْگلبه مكسور /فاگد اعزاز / وروحي قبـلك چم عزيز الراح منها

ألف وسفه التراب ايظم الاعزاز
وانا مخنوگه والْـنسـمتكم أعتاز
ٱليِخَـيْروني اببقـائي إلكم انحاز
علي گَضّيت عمرك تِمشي جَـنّاز

بويه بس مُوتك يِريحَك
من عذابك وألـم جرحك
نكـبـة امصــابك نـكبـتي
وادفن بگـــــبرك فرحتي .. بويه بويه علي
______________

ابشهر إلِصيام / وسفه طبروك/ يل امخَلْص الليل تتـفـگَّـد الفقره
ابدَوْلِـتك چان/ ماكو جوعان / چنت تنطي اليدگ بابك عِشه الزهره

چنت تگســـم لُـگمتك وي الأيتام
المايگـــــدر يِنـام ابحضنك اينـام
وزير ابگرصت اشعير وملح صام
علي أكـبر خسـاره بدِين الإسـلام

شِـلَّـه بالدنيــا اليفـگــدك
الموت عن عيني يبِعـدَك
والله وسفه ابگد لَچِمتي
وادفن بگــــبـرك فرحتي .. بويه بويه علي
______________

لو إجه العيد/ دگ الأبواب / آنه طفله وِبصباح العيد اريدك
أفطر اوياك/ واگضي الأيام/ يمك، اطمئنان گلبي اوسادت ايدك

تره اليفگد أبو ايظل عمـــره مجروح
صحيح ايشـم هوى بس هوَّه مذبوح
اليفگدك يِگضي ليـله بدنْيِتـه اينــوح
علي ٱيَّامَـك سـعـيــده الجَّـنِـتَك روح

زَيِّـنَـتْ جَـنَّــتـــها فاطِـــــم
باجر اتطب وانتــــه صايِم
وانه أظل وحدي بحـسرتي
وادفن بگــــــــبـرك فرحتي .. بويه بويه علي
______________

يهل الٱسلام/ ابهذا ترضون/ ينطبر بالمسجد الدِين اعله راسه
مايراعون/ حرمة البيت/ وادم ابََّـيت الله تتحدَّه ابشراسه

أمس نص عمـــري طاح ابعـتبة الباب
واخذ نص عمـري أبوي ابهذا الِمصاب
قِسِمْـتي ابدِنْيِـتي بس أفگـــد أحباب
تـره اغيـابك  گـبــر ثـاني  يبو اتـراب

وْللحـزن أصـبح سفيره
من يِگـيْدُوني أســــيره
واندفن غـــاد ابرِحِـلْتي
وادفن بگـــبرك فرحتي .. بويه بويه علي
______________

خادم الحسين ع
مرتجى الحَسَّاني

آنه أمْسَح دم طَبُرتَكْ    وانته تمسحلي دَمِعْتِي
هِيه ليله ومني رايح     وادفـن بگبـرك فَرحتي
                بويه بويه علي
__________

للشاعر مرتجى الحسّاني
صوت خادمكم أبو منتظر الإمارة

بسم الحسن •• اول كلامي
وبسم الحسن •• يصبح ختامي
يالحسن يالحسن يالحسن


حاءك عشگ وأمروه
سينك سـلام ونخوه
نونك نبي وقدسيتك
وبيك الزمان اتروه


يانعمه يارحمة يانسمة يادين ونقاء
يا رافع يا ناصع يارابع اصحاب الكساء
و يا أية ياغاية وياراية تخفگ بالسماء


نسمة هوه •• عذيبي من اشمه
خيط الضوه • بگليبي رسمه


يالحسن يالحسن يالحسن


••••••••••••••••••


اسمك چثيرة اخبارة
وبيتك يحب خطاره
چفك يحن ع الوادم
يدلي اليضيع الچاره

ابقدسيتك حنيتك من بيتك ع العالم تطش
أسرارك وانوارك وأخبارك يرويها العرش
خطواتك اياتك و همساتك من جدك نقش


طه وعلي •• انت بحكمتك
طه وعلي •• چن ابرحمتك


يالحسن يالحسن يالحسن

•••••••••••••••

خل احچي هاي الليله
اليسمعني اريد احچيله
بحاجاتي اروحن لحسين
بسم الحسن امشيله


ادريهن يگضيهن من احچيهن وشما طولن
حاجاتي ودمعاتي واناتي لعيون الحسن
و يرضيني وينطيني يقويني ابوجه الزمن


كل الشدد •• بزودك احلها
كل الشدد •• تگضي من اگلها


يالحسن يالحسن يالحسن

•••••••••••••••••

اسمك حرز خليته
بأبيض گلب واليته
طيفك يمر بعيوني
وي كل فجر تانيته


و تانيتك حاجيتك واليتك وماشي بهالدرب
حبيتك واهويتك وخليتك دگه لـ هل گلب
شميتك وحبيتك واندليتك فراگ اسمك صعب


اول حلم •• تجعلني خادم
واخر حلم •• تجعلني خادم



#خالد عبد السادة البديري

بسم الحسن اول كلامي
وبسم الحسن يصبح ختامي

🌸🌺🌸🌺🌸🌺🌸🌺🌸🌺🌸


للشاعرخالد عبد السادة البديري
صوت خادمكم أبو منتظر الإمارة

ولادة الامام الحسن عليه السلام

يالحسن نهواك نهواك يالمجتبى
يا هـــلا وحياك حياك يالمجتبى

نور الشمس من نور وجهــا تشع
كــل الجمال البيها بــي منجمــع
ومكحلات ارموش عينـه الوسع
وعيونه چالمصباح تسطع سطع

الباري خلاك خلاك وبهالصفــه
يا هلا وحياك حياك يالمجتبى

دوحة جنان الباري نثرت عطر
عطر الولاده الفاح بيهــا انتشر
وانتشر بالوسعه بهائــه وزهــر
والـــورد فـــواح واريجــه نثـر

دلالـي ناداك ناداك بالعاطفـــــه
يا هلا وحياك حياك يالمجتبى

انشوف بگلب كل عاشگ امحبته
يحلـــه الفرح هاليـــوم وبجيتـه
بعيـــن الموالي ارتسمـت ولادتـه
كل الخلـــگ مبروك هـــل نادتــه

الگلب يهـواك يهواك بالمعرفـه
يا هلا وحياك حياك يالمجتبى

بسمه انولد لحسان بسمه انكتب
فضــل وكرامه وخير يــده تصب
ذر التــراب بچفه يصبـــح ذهـب
دين الله بوجوده كمـل وانتصب

الديــن لولاك لولاك مــا نعرفـه
يا هلا وحياك حياك يالمجتبى

بعيد الحسن فرحان گلبي وسعيد
يا عظم هذا اليوم وهــذا الوليـــد
غيــر الهدايه لدربــه أرجــه وأريد
درب السعد والخيــر والحگ اكيد

بالروح الاشواگ لشواگ ومحبته
يا هــلا وحياك حياك يالمجتبــى

يعجز وصف ذاتــه جميـل الكلام
وصف الامام ايوصفه بس الامام
من گلبــي ابعثله تهانــي وسـلام
ارجو الشفاعه منه مسك الختام

بالمحشر هناك هناك نتوسلــــه
يا هلا وحياك حياك يالمجتبى


كلمات عمار الراشدي

يالحسن نهواك نهواك يالمجتبى 🌺
يا هلا وحياك حياك يالمجتبى 🌺

🌸🌺🌸🌺🌸🌺🌸🌺🌸🌺🌸

للشاعر عمار الراشدي
صوت خادمكم أبو منتظر الإمارة

هذا ياعيد اليهل عند اليتامه
حيدر ودمه صفه جوه العمامه

هذا ياعيد اليمر ..وبكلب زينب جمر
☆☆
هذا اول عيد بيه زينب وحيده
بلا ابو يحسين خويه انه اريده
نكعد انسولف احط راسي ع ايده
جني اسمع ناس تتصارخ بعيده

الظلم نفس الظلم..والهظم رد الهظم
والله اسمع صوت ايتام وظلامه
★★★
معرفت شنهي الجره ياخويه يحسين
ناس هوله تركض وچنهم مجانين
اسمعت صوت المنادي انطبر نصين
والدمه غطت جبينه وفاض صوبين

الالم هو الالم...سيف وبراسه انثلم
صرخت الوادم وين اهله وعمامه
★★★
خلاف ابوي اليوم ياوحشه الليالي
وضلت ايتامك تون حيدر يوالي
بويه عگبك يتمونه انهظم حالي
من كسر ضلع الزجيه وهسه غالي
العمل طاح للعمل..وراح يابويه الامل
والسبي يابويه بانت له علامه
★★★


وصه حيدر بالصلاة وباليتامه
والجرح ينزف دمه جوه العمامه
يگله بويه حسين رايح بالسلامه
باجر انت بكربله لطايح حسامه

من السقيفه هل جرح… راسي ابوي المنذبح
طبروالاسلام ياراعي الشهامه
★★★


صعبه يابويه لمره محتاجه ابوها
هاي صعبه ياخلگ كسرة اخوها
جبر والله تنجبر لو حاوطوها
بجيت الوالي لون مرو خذوها
وسفه بويه منطبر. ..هامته انفطرت فطر
اصيح بويه واندب ليوم القيامه
★★★

✍باقرجبار الشويلي

هذا ياعيد اليهل عند اليتامه
حيدر ودمه صفه جوه العمامه


الشاعر باقر جبار الشويلي
صوت خادمكم أبو منتظر الإمارة

للشهداء…

عالسواتر اشگد شباب انطينه
للمگــــابر چــــم محب زفينه
اهواي قدمنه شباب
نامو ابحضن التراب
****
فـــارگونه الچنـــــه ليليه ابذكـــــرهم
مايجـــون وطـــــولو عنه ابسفــــرهم
بخدمة حسين انگضه وخلص عمرهم
للطـــــــــم مو للترب نذرو صــــدرهم
هالمجالس كل سنه يحيوهه
هالمجالس كلـــهم ايحبوهه
افراگهم حسره وعذاب
نامو ابحضــــن التراب

كل مقاتل عدنه ســوح الموت عيده
ومستعد يفـدي العــراق ابدم وريده
روحـــه قــدمهه لجل هــاي العقيده
وصــار يحســـين ابضمايرنه نشيده
عنده واجب والله حب احسينه
عنده واجب من يضحي الدينه
ابدمه حافض عالكتاب
نامو ابحضن التــــراب

عالســــــواتر علگو راية نصـــــــرهم
عشگو الموته الشريفه اشگد تسرهم
مــــن يهزنه الشـــوگ نتعنه ونمرهم
نوگف اعله اگبــورهم نشتم عطرهم
بالمدامع گمنه نحچي اوياهم
بالمدامع يـا مـا نادينــــــاهم
اهواي أذانه المصاب
نامو ابحضن التـراب
*
اشلـــون نصبر عالالم وشلـــون ننسه
وعدنه چم شاب الوگع بسبوع عرسه
من اجل ارضه وخــواته ضحه نفسه
خذت مــن عدنه المنايه ازلام شرسه
كل مسيه نبچـــــي وناديهم
كل مسيه انسولف ابطاريهم
والله مانحمل غياب
نامو ابحضن التراب
*
هالشباب اكبر جـرح ضل يدي بينه
اشگــد فگـدنه اعــزاز ماردو علينه
اتحـولت ايامنه اهمــــوم وحـزينه
عشنه وي حســراتنه ونفرك بدينه
بالمواجع خلصــت ايامنه
بالمواجع بدلينه احلامنه
خلصت احروف العتاب
نامو ابحضن التـــــراب
**
الخادم
كامل السعيدي

عالسواتر شگد شباب انطينه
للمگابر جم محب زفينه
هواي قدمنا شباب
ناموا بحضن التراب

😭😭😭😭😭😭😭

الشاعر كامل السعيدي
صوت خادمكم أبو منتظر الإمارة

مولود للحسن (ع)🌺🌺🌺🌺


للحسن ... هالفرح والزينه
للحسن ... نبذل اشما بينه
للحسن ... محتفل مهدينه ... للحسن
🌷🌷🌷🌷

ابشهر الكريم ... صار الكريم ... مـولانه انولد
جبريل اجاه ... يشتم هواه ... وجناحه المهد
ميـلاده نور ... فرحه وسرور ... والناظر شهد
هالمحب ... اسمه اعله ألساني
هالمحب ... عايش ابوجـداني
هالمحب ... غيــره ما حبيــنه .... للحسن
🌷🌷🌷🌷

ابســيد الشباب ... تم النصـــاب ... والخير اكتمل
نفــــرح نريـد ... بأجـمل وليــد ... ونهـــني الفحل
عدنه احنه عيد ... والكل سعيد ... والكون احتفل
مولده ... هل علينه اهلاله
مولده ... سر محـــمد واله
مولده ... رحمه مـن بارينه .... للحسن
🌷🌷🌷🌷

هوه الحبيب ... وحسن طبيب ... ويشـافي العلل
من نوره غاب ... خلف السحاب ...كل نور ابخجل
وكليــبي كام ... يحجي ابغــرام ... ويعــــبر جمل
عيدو ... اليوم يا خــدامه
عيدو ... ورفعوهه الهـامه
عيدو ... ابخدمته اتعلينه ... للحسن
🌷🌷🌷🌷

هوه الشفيع ... من دونه اضيع ... وبحبه الفخر
معشوكي صار ... وعليــه أغار ... من كل البشر
اقراله اريـــد ... أجمل نشــيد ... من أجمل بحر
هالعشك ... والله ابد موعادي
هالعشك ... موحـــديثن بادي
هالعشك ... يبقـه عايش بينه .... للحسن
🌷🌷🌷🌷

انجم الســــماء ... برابع الكسـاء ... هليله ازهرن
هالطفل عضيم ... آية الرحيم ... وتسمه الحسن
عضمه وسخاء ... هيبه اوفاء ... وفضـاله اكثرن
بالكرم ... مـــــنه يخجل حاتم
بالكرم ... يحجي بيه كل قادم
بالكرم ... شيعته اتباهيــــــــنه ... للحسن

🌷🌷🌷🌷
الخادم
✍كامل السعيدي

للأجر والثواب

للحسن🌺هالفرح والزينه🌺
للحسن🌺نبذل شما بينه🌺
للحسن🌺محتفل مهدينه🌺للحسن

🌸💮🌸💮🌸💮🌸💮🌸💮🌸💮🌸

للشاعر كامل السعيدي
صوت خادمكم أبو منتظر الإمارة

👌اللسان ليس له عظام لكنه يقتل [ أمم ]
👌والحياة ما هي إلا قصة قصيرة !!👌
🌹 من تراب 🌹 على تراب 🌹 إلى تراب 🌹 ثم حساب 🌷 فثواب 🌷 أو عقاب 🌷
🌿🌿 فعش حياتك لله تكن أسعد خلق الله 🌿🌿🌿
اللهم اغفر لنا وتب علينا إنك أنت التواب الرحيم ...
برحمتك يا أرحم الراحمين استجب ،،
وصلى الله على سيدنا محمد وعلى آله الطيبين الطاهرين ،
اللهم آمين يارب العالمين

📜القصيدة : بويه الوالي شاهد حالي
✒الشاعر : هيثم سعودي الكربلائي


بـويـه الـوالـي شاهِد حالي
من بعدك يا داحي الباب
💠💠💠💠💠💠
مـن رحـت اتـصـلّـي ابـمحرابك
 يا بويه الدلاّل احتار
حـسـبـه اتـجيبه او حسبه اتردّه
 و تلوج ابروحي الأفكار
سـاعـه أتـذكّـر شـوغات اُمي
 من عصروها ابباب الدار
وسـاعـه الـمـحـسن يتراوالي 
و جن يوميلي اعله البسمار
حـالـي اتـغـيّـر قـلبي اتحيّر
خايف يالوالد تنصاب
💠💠💠💠💠💠
خـايـف قـلـبـي او قلب الفاقد
 ما يتحمّل كثره امصاب
يـا  بـويـه او مـن طـال اغـيابك 
رحت اتنطّر يمّ الباب
لـن صـوت ايـمـرّد دلالـي 
او يـتـردد وي ريح الهاب
يـهـتـف حـيـدر طـاح امخضّب 
حيدر عن عالمكم غاب
او  شاغت روحي و دمّ اجروحي
سالت وي دمّ المحراب
💠💠💠💠💠💠
يـا  بـويـه امـصـابـك مرمرني 
ورديّت اعله إثيابي السود
وثـوب امّـي الـمـصبوغ ابدمها 
طلّعته امن اهدومي اردود
راحـت  ويّـاك أحـلـه ايّـامـي 
او هـيهات الأيّام تعود
بـويـه اخـلافـك راح أتـمـحّـن 
واتسلّه ابعزّي المفقود
آنه او دهري الكاسر ظهري
واصوابه أصعب كل اصواب
💠💠💠💠💠💠
بـعـدك  يـا بـويـه ايـهـضـمـوني 
وتجور اعليّه الأيام
و آنـه الـمـاتـرضـه ايضيموني
 شاهد حالي اشلون انضام
نـعـش  ابـنـك قـدام اعـيـونـي
 راح ايمر بين الظلاّم
وسـهـام  اعـداك ايـصـيـبوني
 من يرمون النعش اسهام
مـن هَـمّ الـهمّ بسهام وسمّ
و اتحمّل جور الأصحاب
💠💠💠💠💠💠
بـويـه  او يـوم الـصابوا راسك 
ضمّوا جرحك عني الناس
تـدري  ابـزيـنـب مـا تـتحمل 
تدريها اُم قلب الحساس
لاجـن  ما تدري ابيوم الطف
جم راس اتشاهد جم راس
راس احـسـيـن ايـلـوح ابـرمـحه
 ويصدّ الراس العباس
راس الـضـامـي ايـمر قدامي
واعيونه اتصد للأطناب
💠💠💠💠💠💠
هـذا  الـراح  اتـشـوفـه اعيوني
 واخلافك شيصبر الروح
أتـيـتـم  وانـذل واتـغـرّب
 واتـسـلّه ابدمعات النوح
واجـروح الـصـابـت دلالـي 
تـتـراكم فوقاها اجروح
رحـت  امـن ايـدي آ يـلـوالي 
ريت الروح اوياك اتروح
شـلّـي ابـعـمري او بعدك تدري
أتيسّر بيد الأجناب
💠💠💠💠💠

ليش ياحيدر تقبـل اعيونها
شوف زينب شو تغير لونها
.
.
ادري جـرحك ياعلـي كلـش كلف
چن اشـوفن كـربله وسط النزف
شـو وداعـك ويه زينـب يختـلف
ما اشـوف أتلمسـت خدها الترف
.
ليش چفك راح يم امتونها
شوف زينب شو تغير لونها
.
ـــــــــــــــــ ❁ ❁ ❁ ـــــــــــــــــ
.
يعني تعـرف بالـزمن الها أشيضم
تـريد يعنـي اتگـول بعدك تنهظم
يعني فـوگ العيـن زينـب تنـلطم
يعني سطره تكسر بخدها العظم
.
خلاف عينك يالولي يسبونها
شـوف زينـب شـو تغير لونها
.
ـــــــــــــــــ ❁ ❁ ❁ ـــــــــــــــــ
.
بعيـنها تنـظر هظـم مـا ينـجـلي
تشـوف بضعة فاطمه من تنولي
چن شمر وينادي طلعو بت علي
الهه مـا ظـل لا أخو لامــن ولي
.
الـوديعه بعــدك ايسـلبـونها
شوف زينب شو تغير لونها
.
ـــــــــــــــــ ❁ ❁ ❁ ـــــــــــــــــ
.
ياعلي خـدر الرسـاله امحـيـره
شنهي سر هالنظره منك ياتره
قبّلت عيـن العقـيله الطـاهـره
انـته لـو تگصـد تقبّل مگبــره
.
بيها شفت اخوانها يودعونها
شوف زينب شـو تغيـر لونها
.
ـــــــــــــــــ ❁ ❁ ❁ ـــــــــــــــــ
.
قَبّلــت عيــن العـقـيلـه بـلا كـلام
بيها چنك تنـظـر الرشـگ السـهام
وتنظر امراكض يتامه من الخيام
والشمر يحمل شفت راس الإمام
.
وهيه بحبال السبي ايگيدونها
شـوف زينـب شـو تغيـر لونها
.
ـــــــــــــــــ ❁ ❁ ❁ ـــــــــــــــــ
.
صافن اعله عيونها شو للصبح
نعمه لو تنطق ولو كلمة جـرح
ركزت چنك شفت چعب الرمح
چن شمر يدفع رقيه وتنطرح
.
عالوجه من تعثر ايصفعونها
شوف زينب شـو تغير لونها
.
ـــــــــــــــــ ❁ ❁ ❁ ـــــــــــــــــ
.
ليـش ساكت وأنـظر بعيـنك وجل
بعـده كله الي تشـوفه مـا حـصل
حـرّتك سـتر الله والكــافـل كفل
ضمها وسط عيونه عباس البطل
.

يمها كل خـوانها ويحـمونها
شوف زينب شو تغير لونها
.
لا تنسوني ووالدي من فضل دعائكم المبارك
.
حسن الموالي الفاطمي
.