انتقل إلى الصفة الأخرى وما زالت ذكراه تسطع في الذائقة والوجدان الجمعي لمحبيه
*********
ناحت على بابك يمامه
الاهداء الى مصطفى سيد احمد حيا أو ميتا
.......................
بسمع صدى صوتك مزامير
في عشيات الشتا والريح سوافي
وانقر على بابك اوآخر الليل
وألاقيك انت مافي
وانشد على بابك حزين ... عز المزار
وكل السنين صارت منافي
قمرا وقف مستني تالي الليل
نهارات العصافير والقوافي
رجع الصدى وحس الرياح
مجنونة في الساحات تعربد وانت مافي
يا صاحبي غابت نهاراتك ولكن
لسه صوتك في العروق يا صاحبي ساكن
لسه صوتك يسري في كل الأماكن
في الزوايا ... في الحنايا
في حكايات الصبايا
في كلام عربان حفايا
في خريف بيوضه لا زاد لا محايه
جيته في الزمن الرمادي
وانطفيت يا صاحبي في زمنا تداس
فيه المبادي
ما انطفيت يا صاحبي ما روّحت غادي
لسه صوتك يسري فينا يزدهي بستان ووادي
لسه صوتك نغمة الناس في بلادي
ولسه مغناك للمعاني الفينا مغنا
بحة الشجن التخلي الزول يموت يتلاشى يفنى
بحة الشجن اللي خلت للغنا الإنساني معنى
يا قمره اقلبي السنسنه الحمراء
وشوفي ليه ما جا
الدنيا ليل غربه ومطر
يا صاحبي عجلت السفر
من بعدما عز المزار
يا صاحبي غاب النهار
وبكيت وما هماني شي
جنبك تعبت من المشي
يا مطر عز الحريق يا متاريس الطريق
لسه على أفق المدى ترجاك صبيه
جراحها نازفه
لسه واقفه
تسأل عليك مجلس صحابك في الليالي
تسال عناقيد الدوالي
تسأل عليك عصفور مرق ينفض نعاس
عينيه من سهر الليالي
بقت فوانيس المساء في عتمة الليل الحزين
وشردت رياح الليل تشيل باقي الكلام وصدى السنين
يا صاحبي لسع جراح الفرقة صاحية
وتر ألغنا المشدود ينوح
يسأل عليك في كل ناحية
كانت ليالي الديم فوانيس
والعمر مغسول صبابه
وكنا ما بشغلنا غير وتر ألغنا
وحرف ألكتابه
يا صاحبي يا ليتها الأيام تعود
أنا في منافي العمر ضيعت الوعود
يا صاحبي هطلت على
قبرك سحابات الخزاما
وناحت على بابك يمامه
وشرقت شموس ترسم على باب
النهارات ابتسامه



الاستاذ :عبد العال السيد
شاعر اغنية الدنيا ليل غربه ومطر

ﻭصلىﻣﻌﺎﻙ ﻳﻨﺎﻳﺮ ﺣﺎﺿﺮ...
أﺩﺭﻛﻨﺎﻙ ﻓﻲ ﺁﺧﺮ ﺭﻛﻌﺔ …
ﻓﻲ ﺁﺧﺮ ﻛﻠﻤﺔ ﺣﻖ ﺍﻧﻘﺎﻟﺖ...
ﻭإﻧﺖ ﺑﺘﻌﺪﻝ ﻋﻮﺝ ﺍﻟﺪﻧﻴﺎ ﺍﻟﻤﺎﻟﺖ..
ﺃﻣﻠﻨﺎﻙ ﻳﺎ ﺻﺎﺣﺐ ﻋﻴﻦ ﺍﻟﺸﻤﺲ...
ﻭﺭﺿﻴﻨﺎﻙ ﻓﻲ ﺍﻟﻤﻄﺮﺓ ﺍﻟﺸﺎﻟﺖ..
ﺷﺎﻟﺖ ﻭ ﺧﺘﺖ..
ﻭﻛﻞ ﻣﺎ ﺷﺎﻟﺖ ﺷﺎﻟﺖ ﺷﺪﺭه
ﺭﻭﺣﻚ ﺑﺎﻟﻨﻮﺍﺭ ﻭﺇﺗﺤﺘﺖ...

🌹 الرحيـل المُــر

‏البارح عصفورتكْ
ركَّتْ في البال
رقَصَتْ
وادَتْ عصفور الريد شبَّال
وطارتْ من قولة كَرْ
ما الزول النَهرَ العصفوره
بِحرِّض فى كِلاب الحّر...

قول للبلاد
الطَلْوَحت عينيها
في دمع السواد ،
قول الله فِي .

قول ليها ما
غنَّى الأسف
تتأسفي

لا حضَّ نمُّو
على الحِداد
تتكتّفي

عاد عودو ما
ودّع شهيد ،
إنقريفي

في السكة يوت
في شهيد جديد
لأيام جداد
هيّا أنزفي

لمَّا الشوارع تكتفي
وينهض جواده المنكفي
وتتكيــــــــــــفي

قول للعباد
الطلوحت عينيها
في دمع السواد
ذات مرَّة .. ما خِبر السأم

لما البلاد صادَه الوَخَم
صار المُضاد الما اتلخم

دغم النغم في حرفو
وانفرطق لغم

ينسف مطاميس الألم
بي سن قلم .

#الذكرى_25_لمصطفى_سيد_أحمد

قال واوفى من القول جله وجسد واقعا كان وما ذال معيشا ظل يدعوا للقوميه في كل اعماله واقواله لا نملك الا نمنحك الاحترام والتقدير وندعوا لك بالرحمه ....
الزول وهب روحوا لى وطنوا بعد موتوا بيعلمنا ....

من بورتسودان سلام 🌹❤️
للمتاابعين القناة من هنا 🎼🖤

إذاعة ام درمان 🌹
لقاء مع الراحل مصطفى سيد احمد 🤍🎼

ساكت بغنو على القمر ،،
واجعني في البحر السكات 🤍

بسال عليك مدن ،، مدن ،،
وبعصر سلافة الليل حزن ..
🤍
بسأل عليك في المنفى ..
في مرفى السفن ..
🤍
امكن طيوفك اخريات الليل تمر
🤍
تملأ البراحات للحزين طول العمر
🤍

حبيبي اكتب لي وانا اكتب ليك
بالحاصل بي والحاصل بيك

رائعة الكاشف ....
نكهة مصطفانا..

سحابات الهموم ... عمر الدّوش ... ترجمه اسطوريه

Clouds of fears, oh night, wept,
Amidst silence and divulgence,
And the pageant of stars
That have flocked
To pay condolence
On rain, missed the event,
Are gone.
Craving to behold you
Is an eternity held tight,
Upon the hinds of slumberous horses.
Wherever it flows,
The luring sound of remembrance,
Is overwhelmed by deafening floods,
An enigmatic secret, deeply buried,
In the Nile’s heart.
If not for memory, there will not be sorrow,
Neither prejudiced injustice would have ceased.
The sound of your memory is drizzle,
Clapping to the dancing steps of rhyming lasses.
Yearning to behold you is a passionate urge
For a journey into realms of the unknown.
If not for memory, there will not be attainment
Nor there would be any cherished ideals,
Or burning anguish.

سحابات الهموم، يا ليل، بَكَنْ
بين السُكَات والقول؛
وباقات النجوم الجَّنْ،
يعزّن في المطر
فاتِنْ عَزَاك رَجَعَنْ.
وشوق رؤياك؛
زمان مشدود على أكتاف خيول هَجَعَنْ،
وصوت ذكراك مَكان يجري...يلاقي السيل،
وسِر مدفون في صدر النيل.
ولولا الذِّكرى ما في أسف،
ولا كان التَّجنّي وَقَفْ.
وصوت ذِكراك رزاز صفَّق
على خطوات بنات سَجَعَنْ،
وشوق رؤياك؛
حَنين لي رِحلة في المجهول.
ولولا الذكرى ما في وُصُول،
ولولا الذكرى ما في أُصُول،
ولولا الذكرى ما في شَجَنْ.

-مترجم (سوداني) مجهول !

ثابت كل عيد ،،، الحزن فينا كائن يمشي على ساقين

رسمتي ل ابو السيد ❤️

sami abdeen:
الموسيقي الإفتتاحية للأغنية صاخبة بالكمنجات ، تعطيك إحساس أنك مسافر بقطار في منتصف الصيف ، كأنك وصلت إلي محطة القطار متأخر بستة دقائق من موعده فركبت راكضا ، أو أنك أتيت إلي المحطة باكرا بأربعة ساعات ، وإنتظرت وحدك حتي تعبت ، المهم أنك عانيت قبل صعود عربة القطار القديم ، وأنك وحيد ، الموسيقي الأفتتاحية توحي بذلك ، بعد ذلك يأتي صوت مصطفي مركزا علي كل حرف ..
عارفني منك ..
عارفني منك ..

كيف حشر صلاح حاج سعيد كل هذا المعني في كلمتين ، كيف لمصطفي أن يردده بكل هذه البساطة الضخمة !

لا الزمن يقدر يحول قلبي عنك ..
لا المسافة ولا الخيال يشغلني منك ..

لماذا يركز مصطفي صوته هكذا في "لا الزمنننن يقدر يحووول قلبي عنك ، لا المساااافة " يتسع صدرك بحجم المسافة وحجم إتساع صوت مصطفي ، " لا المسافه ولا الخياااال يشغلني عنننك .. ! "
موسيقي أخري ، تنظر فيها خلال نافذة عربة القطار ، الشمس حاره حتي أن الأشجار رفضت أن تنبت حيث الطريق أصلع إلا من سكة الحديد ، تحتضن حقيبتك وتهتز لإهتزاز القطار ، ليقول مصطفي في حرقة مبطنه ..

تحرمني منك ..
تحرمني منك ..

أعاد صلاح حاج سعيد فعلته فأختزل العتاب في كلمتين !

تحرمني منك ..
تحرمني منك ..
والمواعيد لا بتجيب منك تودي ..

يركز مصطفي علي كل كلمه بصوته حتي يطبع الوجع في ذاكرتك ، " والمواعيييد لا بتجييب منك تودييييي "

لا الشجن قادر يشيلني عليك أعدي ..
لا التحايا والا المشاعر الحية في جوه الحنايا ..

"لا الشجن قادر يشيلني عليك أعدي " ، منتهي العجز وفداحة في الشجن ، ثم كيف يجمع التحايا والمشاعر في الحنايا وصوت مصطفي يسيل !

والمقطع الإنتحاري :

لا رساله تجيني منك ..
لا خبر طمني عنك ..
يعيد مصطفي بإصرار
لا رساله تجيني منك ..
لا خبر طمني عنك ..

وإنت سااايق فيني ظنك

رغم إنك إنت عاااارف إنو منننك !

دس السر في الآخر ومحاسبته به ، منتهي الألم !

يتحول اللحن إلي لحن يأس مسكر :

ببقي بعدك في الأسي
_يعيد
ببقي بعدك في الأسي
_ الموسيقي بين الجملتين تصلح سمفونية !

_ وأخيرا

وتبقي إنت الظالم القاسي النسي
وغصب عني أزيح ظنوني وأقول عليك إنت المسامح

ليس غصب يا صلاح حاج سعيد بل بمزاج الحنين وروح المحب !

أعيش زمان بالفرقه جارح فوق شجوني ..

تخرج الجمله من مصطفي بإفتضاح !


يتذكر مصطفي :

مااا في إحتمالي وبالي إنك إنت سايق فيني ظنك رغم إنك إنتا عارف إنو منننك .. !

ثم موسيقي تأمر بالإنصات ليقول مصطفي بهدوء محبب :

يا هوي
يا هوي
ياهوي الألم النعيم
خليك ..
خليك علي الوعد القديم ..
وخليني في الشجن الأليم ..
وأبقي في كل المداين ..
سكتي وسفري الجحيم ..

تبقي إيه الدنيا بعدك ..
إبقي إيه بعدك أكون ؟

الألم النعيم !!
خليك علي الوعد القديم وخليني في الشجن الأليم !! الشجن الأليم !!
أبقي في كل المداين سكتي وسفري الجحيم !!

تتنهد بعد أن يفرغ مصطفي من سكب الألم وصوته ، تستغفر وتسأل الرب الرحمة التي كتب علي نفسه ، تم تصعد من النافذة تسلقا كشاروخان وتركب علي القطار من الأعلي لتقول آخر جملتين فاتحا ذراعيك بنفاذ روح كما مصطفي ..

تبقي إيه الدنيا من بعدك تكون .. وأبقي إيه بعدك أكون ..
مااا في إحتمالي وبالي إنك إنت سايق فيني ظنك ، رغمم إنك إنت عاااارف إنو منك ..

والموسيقي تصعد وتنزل بأنفاسك كرسم القلب علي شاشة طبيب ..

يصل القطار بك إلي المنفي ، سفر كسفر ناصر في رواية علوان سافر ناصر إلي فانكوفر ، وأنت ستسافر إلي كسلا .. وحدك !

ذكرا لقصة الأغنية يحكي الملحن نور الدين سراج بأنه بعد أن فرغ من التلحين ذهب مع مصطفي إلي صلاح حاج سعيد وقدموا بالأغنية في المهرجان التاني للأغنية السودانية أظن ، فغضب نور الدين سراج لأن الأغنية فازت بالمركز التالت وليس الأول وكان زعم اللجنه أن السببب في إبطاء اللحن في حتت ببقي بعدك في الاسي وكان ردهم إنو ما ينفع اللحن يكون سريع في الحته دي بالذات ، أنا رأيي إنو ناس المهرجان كان أول ما سمعوها من مصطفي بي عودو صوتو دا يلغو المهرجان ذاتو ويمشوا بيتهم !

يا هوى الألم النعيم 
خليك على الوعد القديم
و خليني في الشجن الأليم 
وأبقى في كل المداين 
سكتي وسفري الجحيم 
تبقى إيه الدنيا من بعدك تكون؟
و أبقى إيه بعدك اكون؟
♡

جلسة استماع بعد العيد ؟؟!!!