أصطفيتك يا مبجل
ضحكة للزمن الفلاني
ونور مورد بالغناوي
وسترة للناس الغلابة
الغلابة الكانو اقرب
من وتر عودك اليك
عبد الرحيم هناك بنادي
أسرو فك مع نهارك
والكجر الكان معاند
الكجر الكان بقتل
الكجر الكان بيفرح
بي دمعاتنا البتنزل
هسا يا طيب حزين
ونحن نفرح ونضمد
الحزن النبيل
يا مبجل
هل معاك شلت الاغاني؟
ام تركت وراك شجن
هل بتذكر غزالة؟
كانت بتتلفت معاك
هل بتذكر بنية؟
فاطمة لازالت تغني
الافراح بدونك غابت
هل بتتذكر وصية؟
قتليها ما تتخوفي
والنسمة جابت دمعتين
والوجع أصبح رفيق
والاصلو في الجوف
هو انت
ما معنى أن نحيا وانت غايب
ما معنى هذا الصمت الذي
لا ينتهي وبرغم حوجتنا اليك
هل صحيح الموت سلام؟
ولا ساي خفت الملامة.
__________________________
-أيمن موسى

مشاركه من الصديق ايمن موسى ينعى مصطفانا في دواخله ويستجديه الطريق

كل الود والاحترام...

تشكيله جميله من اغاني مصطفانا مقتطعه حالات للواتس ❤️😍

ﺑﺎﻏﺘﻨﺎ ﺭﻳﺢ ﺍﻟﻔﺠﻌﺔ ﻟﻴﻞ
ﺻﺎﺩﻧﺎ ﺍﻟﺬﻫﻮﻝ ..
ﺯﻱ ﺍﻟﺘﻜﻨﻮ ﻗﺒﻞ ﺩﺍ
ﻣﺎ ﻓﺎﺭﻗﻨﺎ ﺯﻭﻝ ﺑﻌﺪ ﺍﻟﺮﺳﻮﻝ
ﻭﺍﻟﻼّ ﺍﻟﺘﻘﻮﻝ ﺃﻭﻝ ﻗﻠﻮﺏ ﻓﻲ ﺍﻟﺪﻧﻴﺎ
ﻳﻐﺸﺎﻫﺎ ﺍﻟﻘﺪﺭ ﺑﻌﺪﻥ ﺗﻀﻴﻊ ﻣﻨّﻮ ﺍﻟﺪﺭﻭﺏ
ﺗﻨﻄﻤﺒﺞ ﺍﻟﺴﺎﺣﺎﺕ ﺣﺮﻳﻖ
ﻳﺪﻏﻲ ﺍﻟﻄﺮﻳﻖ ﺍﻟﻤﺤﺘﻤﻞ
ﻛﻞ ﺍﻟﻔﺮﻳﻖ ﺳﻮﻗﺮ ﻭﺭﺍﻙ
ﻳﺎ ﺟﺮﺣﻨﺎ ﺍﻟﻜﻴﻒ ﻳﻨﺪﻣﻞ
ﻣﺎ ﺑﺎﺭ ﻭﺭﺍﻙ ﺷﻬﺪ ﺍﻟﻐﻨﺎ
ﻭﻧﺤﻞ ﺍﻟﺤﻨﺎﺟﺮ ﻣﺎ ﻫﻤﻞ
ﺻﺎﺩﺭ ﺧﻼﻳﺎ ﺃﺑﻮ ﺍﻟﺪﺑﺮ
ﺻﺎﻗﺮ ﺣﻨﺎﻳﺎﻩ ﻧﻤﻞ .. ﻧﻤﻞ
ﻭﻳﻦ ﻣﺎﺷﻲ ..
ﻳﺎ ﻧﺒﺾ ﺍﻟﺮﺣﻴﻖ
ﺳﺎﻳﺐ ﺍﻟﻤﺸﺎﻋﺮ ﺭﻳﻖ ﺩﻗﻴﻖ
ﻧﻬﺐ ﺍﻟﻤﻐﻨﻴﻦ ﺍﻟﺘِﻔِﻞ
ﻏﻨﻮﺍﺗﻦ ﺍﻟﻮﺭﻃﺎﻧﺔ
ﺃﻭ ﻟﻮﻃﺎﻧﺔ ﻓﻲ ﺍﻟﺮﻳﺪ ﺍﻟﻤﻘﻖ
ﺣُﺘﺮﺏ ﺻﻔﻖ .. ﻓﻲ ﻃﻴﻦ ﺫﺑﻞ
ﺃﻭﺻﺎﻑ ﻋﻠﻰ ﺟﺴﺪ ﺍﻟﺤﺒﻴﺒﺔ
ﺑﻬﻖ .. ﺑﻬﻖ
ﺗﺤﺖ ﺍﺣﺘﻤﺎﻟﻪ ﻣﺮﺿﺮﺿﺔ
ﺯﻱ ﻟﻌﺒﺔ ﻣﺎ ﺍﺳﺘﻬﻮﺕ ﻃﻔﻞ
ﻭﻳﻦ ﺩﺍﺟﻲ ﻳﺎ ﻗﻤﺮ ﺍﻟﻬﻨﺎ
ﺍﻟﻜﺮّﻣﻨﺎ ﻋﻨﺪ ﻣﻐﺮﺏ ﻣﺮﻕ
ﺳﺎﻳﺐ ﻟﻴﺎﻟﻴﻚ ﻟﻲ ﻧﺠﻮﻡ
ﻭﺍﻗﻔﺎﺕ ﻭﺟﻮﻡ ﻋﻠﻰ ﻓﺪ ﺭﺟِﻞ
ﻭﻓﺮﻉ ﺍﻟﻐُﻨﺎﺀ ﺍﻟﻤﻴَّﻞ ﻫﻨﺎ
ﻋﻠﻰ ﻣﻴﻦ ﻭﺭﺍﻙَ . . ﺣﻴﺘِّﻜﻞ
ﻭﺍﻟﺸﻴﻞ ﺗِﻘِﻞْ ؟
ﻗَﺪْﺭ ﺍﻟﻴﺸﻴﻠﻮ ﺍﻟﺸﻴﻠﺔ ﻓﻲ
ﻟﻜِﻦ ﻇﺮﻭﻓﻦ ﻫﻞ ﺗﻔﻲ ؟
ﺗﺤﺘﺎﺝ ﺟﻤﺎﻋﺔ ﻣﻦ ﺍﻟﺮﺟﺎﻝ
ﺍﻟﻠﻴﻬﺎ ﻛﻨﺖ ﺑﺮﺍﻙ ﺗﻘﻞ
ﺩﺍﺭﺕ ﻗﺒﻴﻠﺔ ﻣﻦ ﺍﻟﺤﺒﺎﻝ
ﺍﻟﻜﺎﻥ ﻳﻘﻴﻠﻪ ﻓﺮﺩ ﺣﺒﻞ ...
ﺍﻟﺨﻮﻑ ﻗﻠﻮﺑﻨﺎ ﺍﻟﺘﺸﺘﻬﻴﻚ ..
ﺗﻨﺸﻚ ﻓﻲ ﺫﺍﺗﻪ ﻭﺗﻨﻘﻔﻞ
ﻣﻦ ﺑﻌﺪ ﻣﺎ ﺍﺗﻮﺣﺪﻧﺎ ﻓﻴﻚ
ﻧﻨﻔﻚ ﻗﺒﺎﺋﻞ ﻭﺗﻨﻜﺘﻞ
#مجزرة_القيادة_العامة

ياما نحلم نحكي ليك ..
عن المسافة .. ونشتهيك ..
عن سفن بالشوق بترسم ..
في بحيراتك ضفافا..
ونشتهيك...
عن ملامح غنوة طلت ...
في عويناتك هتافا ...
...
في عيونك _ عود
كلمات  ﺍﺑﻮ ﺫﺭ ﺍﻟﻐﻔﺎﺭﻱ 

سهرة العيد..... مصطفى سيد احمد
لقاء في قمة الروعة والجمال

محمد الحسن سالم حميد
وطني البموت وبخلي حي انسان خارطة وصول للوطنيه.... كل الاحترام والتقدير.... رحمة الله عليك ي وطن..
https://t.me/mhohimed

مصطفى سيد أحمد(حبالنا الجوّة)+رمية بعضُ الأغاني-عود

الرمية وأظن كتبها مصطفى سيد أحمد:

بعضُ الأغاني صرفةٌ لاتُطربُ
فإذا إستفزتكُم أغانيى اغضبوا
يامُنشئين على الخرائب منزلي
تحت الخرائب وقدةٌ تتأهبُ
إن كان جذعي للفؤوس ضحية"
جذري إلهٌ في الثرى يتوثبُ
-----------------------------
القصيدة: كلمات:يحيى فضل الله

حبالنا الجوة .. ما تخنت
حبال السما الممدود
حبال الصوت وكت يرجع
يجيب الخاطر المردود

تعالى نشوف
غنواتنا البقت فى الدنيا ما بتشوف
تعالى نشوف
حروف البكا .. الجوّاها مافى حروف
تعالى نشوف .. تعالى نطوف
على المدن البِقت أشباح
على الجوع القعد مرتاح
على الكلمة البِقت فى الجوف
.. تفتش سكة الأفراح

تعالى نشوف
منو البقدر يخاصم طفلة
صِبحت هازلة فوق مدّ الأسى .. الحرّاق
يا غنوتنا ما تفوتى
ويا كلمتنا ما تموتى
فتشى فوق ضمير الكلمة
عن وتراً رحل ... فرّاق
وعن ولداً رحل ... فرّاق
وعن بلداً رحل ... فرّاق
وعن عِلماً رحل ... فرّاق
غُنانا الفينا ما بشفع
حديثنا الجوّة ما بِنفع
تعالى نشوف .. تعالى نطوف
تعالى ..
نعلم الشُفّع
♡

زي التكنو قبل دا ما فارقنا زول قبل الرسول ولا التقول أول قلوب في الدنيا يغشاها القدر..
#يونيو_الاسود
#لم_ينجو_احد

مـا بــان عــليـك سـفــر العـمـر

 

 

لســة الربـيـع يـادابــو زار

 

لسّــة الضـفـاف المـتـرعــة

 

بـتـفـيـض نـدى ... وتـطـرح ثـمــــار

 

الـنـاس عـلـيـك نــاداهـا .. فــــال

 

فى عـيـونـا نـام الإنـبـهـار

 

وأنـا جـّــوة قـلبى الـمـشـتـهـيـك

 

.... نـزفـت جـراحـات الـودار
♡