-

جلبت ليك من بلاد الله البعيدة

صنوف من الوجد .. المُلِحْ

قلت ألقاك فى السّمح

كنت بصطاد فى الظهيرة

من مناقير الكنار

بوصل السكك .. الأغانى

ومن ثُرى الليل القصيّة

أنتشل عطر الأمانى

ولو ألاقى اللون .. أدسّو

لمّا  يغرس فينى حِسّو

لى ملاقاتك .. هدية

وأفقد الرعشة المعبّية .. فى إيديا

جلبت ليك

♡

لا بالحزن الفينا حنرضى

لا من خوف سامرنا انفض

وما بتطفيك الريح يا ومضة

رغم الصبر المر حاضننو

رغم الحزن الطال عايشنو

اصلو البحر .. المد .. الجذر

الفرح الحزن بيطلع منو

تعالى نغنى

تعالى نعيش احساس الفرحة

شان من عمرى وشان من عمرك

سنين الزمن البجرى ويمضى

ماتغشانا تشيل فى لمحة

رنين الضحكة الحلوة السمحة

لما نغنى القمرى بيرجع

لما نغنى الغيم بتجمع

والامال الغابت ترجع

بس وحياتكم عيدو المطلع

♡

طــيبة "عــود" !؟

*ياسلام منك✨..*

يا سلام منك أنا آه
يا سلام منك أنا آه
يا سلام .... يا سلام
العيون فيها سهام
والكلام فيهو كلام
في حديثك
في ابتسامتك
زينة يا أحلى غرام
لديارك جيت يا روحي ليك أزور
ومن كلام الناس والله قد ضاع السرور
في إيديا
ليك هدية
سامحيني
واعذريني
واقبليها يا بدور
العواذل قالوا ليك
قالوا إيه
قالوا بحب
والله إنت وبس
إنت في قلب المحب
هددوني
ألموني
عذبوني
بدلوني الفرحة نار وهيام يوم الغرام
إنت لونك
وإنت طبعك
هادي ما فيهو البشين
تشبهي الفل في الجناين
حتى عطرك ياسمين
ربي يعلم
كم قلبي مغرم
إنت ترحم
بين ضلوعي النار تقيد
ده حرام والله حرام

✨🔸✨💫
*إسماعيل حسن✍*


*مصطفي سيد احمد 🎙*

لما أفوتك من دون خاطر

أو دون خاطر مني تفوتي

بلقي حبايب في كل حته

وكل بيوت الفقرا بيوتي

لا غيرت وراك الجته

لا بدلت ملامح صوتى
♡

مرة بقصد احكي عنك
وقولي من طابع الاشارة
شوفوا ديك القمرة بانت
والنجوم حاطت مدارا
غيبوا اتلاشوا في عيونا
وغوصوا في اعماق بحارا
وابقوا اعرفوا من صفاها
كيف اصبحت اسير هواها
وراسي في ابعاد قرارا
الا لو مرات سرحت
وقمن لمحت وقروني
وعرفوا كل البينا عامرة
اصلة باين في عيوني
اعرف انه بحسن نية
باحت الاعين شوية
وافشوا سري وغافلوني
واتعرف ريدك متاعي
وانو فكري واقتناعي
والسعادة الضالة كوني
ويسالك ياذاتي عنك
البراءة الفي عيونك
والرزانة الفي انفعالك
والضجيج الفي سكونك
وانت ابعد من خيالي
ورعشة الشوق في سؤالي
بتحكي عن ابداع محاسنك
وعفة الطبع البصونك 
♡

رنة الحزن البخافا ..
♡

نــوره
♡

يا حبيبنا

بتحيا فى حلم الترابلة

وفى العلاقات .. المعانى

وفى البقاسى شقا المسافة

وعايشة جوّاهو .. وبعانى

.. لمـّا يتحقق زمانى

بمسح الحزن المعشعشْ

فى عيونك .. أسمرانى
♡

قمة الابداع وكمالية الاداء.....
عشق الوطن فعشقنا الوطن لعشقه....

عازه في هواك...

كان نفسي اقولك من زمان بالشايلو في عيني معزه وفي القلب ريدا يخاف الغربه والشوق والحنين زاملني زي خاطر الفرح وكتين يقاسم الهم عذاااب.....

سطوة محاسنك رائعة صلاح حاج سعيد
اداء مصطفى سيد احمد المقبول...

إنتِ يا الفرح الحقيقة المستحيل...

الحزن النبيل

يا هوى الألم النعيم 
خليك على الوعد القديم
و خليني في الشجن الأليم 
وأبقى في كل المداين 
سكتي وسفري الجحيم 
تبقى إيه الدنيا من بعدك تكون؟
و أبقى إيه بعدك اكون؟
♡

صفوة عاشقيك 🖤

الوردة 🌹 لو فاتا الفراش 🦋 ..
ما اظن تلومو مع الندى ..
ما بتجرح 💔 احساسو الجميل ..
و الريدة يا حنين كدا .. 💐🖤
♡

خبريني ..
و المساء الشاحب الخطوات
يحترف التعب ..
ورحيل اغنية توشوش
في خبايا الانتظار
تضيع مني
كي اجازب كل اطراف النهار
اهدهد الكلمات لا اقوي علي
شيء من الذكري
و هذا القلب متعب
و جوع الدرب لا يفضي اليك
و لا الي اللغة الصريحة
كي احدد ما تبقي من رحيقك
في مسام الروح و الجسد اشتعال
و هذا النبض اتعب
وتلك الخطوة ابتعدت
عن الصحو المكمل للحقيقة
اغلقت بالخبث ابواب الوضوح
زيّفت صوت المغني
عهّرت لغة النشيد
ضيّعت حلم الصبايا
في طوابير الرغيف
غيّبت حلم الطفولة
انهكت حزن الشيوخ
همّشت منك القضايا
في احتمالك للتواصل

والمرابون اتستباحوا
هذه الارض الحلوب
فيا جميلة خبريني
كيف بدّلنا الكذوب
في انتظارك بالكذوب
ثمّ انّا لم نعد ندري
بأنا منذ حملناك جنينا
قد نسينا ان نضع فيه
الملامح
لو سُئلنا كيف ضيّعنا
انبهارك بالخصوبة
و ارتضينا ان نسلم
للعساكر ...
من ثمارك ما يطيب ..
♡

أصطفيتك يا مبجل
ضحكة للزمن الفلاني
ونور مورد بالغناوي
وسترة للناس الغلابة
الغلابة الكانو اقرب
من وتر عودك اليك
عبد الرحيم هناك بنادي
أسرو فك مع نهارك
والكجر الكان معاند
الكجر الكان بقتل
الكجر الكان بيفرح
بي دمعاتنا البتنزل
هسا يا طيب حزين
ونحن نفرح ونضمد
الحزن النبيل
يا مبجل
هل معاك شلت الاغاني؟
ام تركت وراك شجن
هل بتذكر غزالة؟
كانت بتتلفت معاك
هل بتذكر بنية؟
فاطمة لازالت تغني
الافراح بدونك غابت
هل بتتذكر وصية؟
قتليها ما تتخوفي
والنسمة جابت دمعتين
والوجع أصبح رفيق
والاصلو في الجوف
هو انت
ما معنى أن نحيا وانت غايب
ما معنى هذا الصمت الذي
لا ينتهي وبرغم حوجتنا اليك
هل صحيح الموت سلام؟
ولا ساي خفت الملامة.
__________________________
-أيمن موسى