ما معني هذا الصمت الذي لا ينتهي برغم حوجتنا الصراااخ 🖤

كيف ترقص الجدائل فضة فى الضوء
ترقص الفقاقيع ما بين امرأة الرزاز
إشارة للريح فى المطر الصبى
إضاءة فى الماء
خيطاً من حبيبات الندى
سحراً … صلاةً …. هيكلاً
قوس قزح ذلك سر الكون
أن تبصر فى كل حسن آية لله
أنواراً من الملكوت
والسحر الالهى الرهيب
ذلك سر العدل أن تتفجر الأشياء
تفصح عن قداستها
ترى فى الشىء ما كان احتمالا
♡

مت في قلبي ولم أبكي عليك
فمعين الدمع قد نضب قديما
قبل ان ادنو اليك
ان عقلي يتعجب
كيف قلبي فيك يخدع
وتقول لي
صرت قلبا من حجر
انا قد مزقت قبلك
وتناثرت بعيدا
مثل أوراق الشجر
وتجرعت كؤوسك
وتوسدت الضجر
مت في قلبي فدفنتك
خارج القلب الحجر
تربتي اطهر من ان يدفن فيها من غدر
هكذا الغدر امر
عدت من دفنك وحدي اتألم
واداري قلبي المكسور غدرا أتبسم
وأغني للربيع الغض بالأشواق والآمال مفعم
ذبحت كفاك قلبي
وتقول لي صرت قلب من حجر
انت ظلم....أنت جور
أنا احساس وحب وشعور
انا في العالم فرحة... انا في الظلمة نور
♡

لي وين و كيف لمتـــــــــــين...يا ضحكة ضاعت وين

يا حزن يا مرتاح.... بين الدموع و العين

تعبت معاك الروح

والليل حشد سهروا

شباك حلم مقفول

حرس المسافة يطول للفاتو ما رجعوا

يا سكة لبيـتنا

يا عتمة يا مشوار

يا شارع الحِـلة

ماضاعت الذكرى

للغابو و الحضرو

يا قمري يا قمرا

يا سنسن و حمرا

بسأل عن الأفراح و الخاطر المرتاح

عن دنيا فيها سماح عن الصباح الراح

لا ضو و لا أثرو

لي وين و كيف لمتـــــــين...يا ضحكة ضاعت وين

يا حزن يا مرتاح..بين الدموع و العين

علِمنا يا مسكين

ورينا عايش كيف

دي الريح و غول الزيف

بيشتتوا المطرة

والفكرة قولة الحق مكتوفة مُكتسرة

والخطوة نحوِك كيف

والسكة دي خطرة

أطفالنا و الأُمات...آمالنا و أحلامنا

الهسة والجايات

طوالي في وكرة

لكن دا كلو يهون

مهما الصباح مرهون

والفرحة محتكرة

البذرة مهما يكون حتبقى يوم شجرة

♡

ﻏﻨﻲ ﻳﺎ ﺧﺮﻃﻮﻡ ﻏﻨﻲ..
ﺷﺪﻱ ﺃﻭﺗﺎﺭ ﺍﻟﻤﻐﻨﻲ ..
ﺿﻮﻱ ﻣﻦ ﺟﺒﻬﺔ ﺷﻬﻴﺪﻙ ..
ﺃُﻣﺴﻴﺎﺗﻚ ﻭ ﺍﻃﻤﺌﻨﻲ ..
ﻧﺤﻦ ﻣﻨﻚ .. ﺭﻳﺢ ﻭ ﻫﺒﺖ .. ﻧﺎﺭ ﻭ ﺷﺒﺖ ﻓﻲ ﻭﺟﻮﻩ ﺍﻟﺨﺎﻧﻮ ﺇﺳﻤﻚ ..
...ﻳﺎﺟﻤﻴﻠﺔ ..
.
.
.
♡

خوفي يا علي يا ابن امك .. خوفي دمك من يضيع
خوفي من غفلتنا اكتر .. ونحنا عزّل .. محض محضر
بعض منشور .. عرض بوستر
أو قصائد جوة دفتر
الوتر بينن مدردر
ميكرفونات .. صوت مودّر
في زمن لاهوت وعسكر
وانت زولك مستطيع
#حميد
#ابريل_الانتصارات
رحم الله ابطال كانو بيننا .. المجد و الخلود لشهداء الحراك الوطني ...

خوفي دمك .. من يضيع
وخوفي من عزلتنا عنو
شعبنا الإنساني ظنو
والتعالي الماهو منو
خوفي اكتر .. من تواصل خطوة يفتر
خوفي عذراً يا حبيبنا .. من ديالكتيك مدجّل
سيل ضجيج الأيدولوجيا اللاّوكِي والليل المهرجل
نهج عجّل ... بالتسامح والتصالح والتصافح ... والصراع زي المؤجل
يا حمام الوعي أكبر .. بي اللي خنجر واللي منجل

اتلاقينا في شارع القيادة العامة
من كل فجه وفرقة
فجينا الارض ووقفنا
دي الوقفة التشوفها قيامة
ماراحت شمار في مرقة
#ابريل_الثبات

.ﺃﻟﻒِ ﺑﻞ ﻣﻠﻴﻮﻥ ﺗﺤﻴﺔ
ﻟﻲ ﻣﻨﺎﺿﻞ ﻭﺟﻨﺪﻱ ﻣﺠﻬﻮﻝ ..
ﻗﻠﺒﻮ ﺟﻤﺮﺓ ﺛﻮﺭﺓ ﺣﻴﺔ
ﻭﺟﻌﺘﻮ ﺍﻟﻤﺎ ﻗﺎﻻ ﻟﻲ ﺯﻭﻝ ..
ﻛﺎﻧﻮﺍ ﺩﺭﻗﺔ ﻭﻃﻮﻕ ﻧﺠﺎﺗﻨﺎ
ﺳﻮﻭﺍ ﺃﺟﺴﺎﺩُﻡ ﻣﺘﺎﺭﻳﺲ ..
ﻗﺪّﻣﻮﺍ ﺍﻟﺮﻭﺡ ﺷﺎﻥ ﺣﻴﺎﺗﻨﺎ
ﻣﺎﺗﻮﺍ ﻣﻦ ﺧﻠﻒ ﺍﻟﻜﻮﺍﻟﻴﺲ ..
#ابريل_الانتصارات

إتوسمنا خير وقعدنا
في جحر الأفاعي السامه
شن طعم القيادة بعدنا
شن معناهو طولة القامة
في القلعة المشيد سورا
قايلين الوراها نشامه
في ذاكرة شعوب محفورة
في صدر المعارك شامة
تبّت دوشكتا المأجورة
تاكل من حلالا حراما
تتلامع سماحة صورة
وأولادنا بتموت قداما
يا عار القيادة العامة
...
أزهري محمد علي
و ما ناسين ....
#الدعم_السريع_فض_اعتصام_القيادة

تنفست صوتك ..

احسست انك فى

البعد والقرب .. سيان

يشتاق قلبى الى ..

وجهك الشاعرى البديع

وافشى اليك بفرحة

طفل برئ ..

تحرر من كل المخاوف

وحين يستقر اليك

ليعلن فى النور

ميلاد حب بروح الرقاب

ميلاد حب طموح الملامح

يبقى يهيب بنا ان نغنى

وان نتحدى الزمان الردئ

تايه وكم موله بيك

ومدرك جد انو البحر

منو الجزر ومنو المد

وانو براحك الممدود

مسور بى زمان صد

وانو زمانى بين عينيك

مخضر فى المحاجر رد

*********

وعارف جد ومدرك جد

بين الغابة والامطار

سنين الضو نهار ونهار

بين النسمة والنوار

تمدد فى المسافة جدار

ومن جرح الهوى المكتوب

بديت اللحظة والمشوار

حبيتك شقا ومعنى ..

وسويتك منى ومغنى

وناديتك فرح طل

دريباً كان بيجمعنا

وغنيتك وطن مجروح

برغم الجرح بدفعنا ..

********

تايه وكم موله بيك

ومدرك انى راجع ليك

برغم عواطف الاحزان

صورتك باقية فى الوجدان

وعارف انى بوصل ليك

رغم مجاهل العنوان

بشوفك جرايد شواكر حوامِد 
ولا هامِّى فيها 
عليها المصايب .. تمام التمام 
مغايص بتفرم حشاهـا 
وغباين بتنفُخ بطون 
البسفـّوا التراب 
وحايح لهيب البتلـفح .. 
تلهْـلِبْ .. وتشوى الجلود 
أتف القصايد إذا ما القصايد 
دايرة ليكى البكـا 
البصاحب رِضا السرِّدار 

نفسى فى داخلك أعاين

وأروى روحى وأشوف منابعك

صحرا فى عينيا تتواثب جناين

ماخدة صوتك من جداول

وما خدة صورتك من كهارب

مولداً ميدانو حافل

كلما يصبِّح ... تجيهو الناس جحافلْ

يا سلام ... يا سلام

لمّا تعبرى فى الشوارع

شوفى كيف الناس تصارع

ناس تطفِّر .. وناس تد فِّر

فى البشابى على نجومك

وفى البحبْ .. كايس تخومِك

وكل زول من عِنْ سُلافك ..

لا لا .. قال دايرلُو كاسْ

يا سلام ... يا سلام

مرّة طربان .. شلت صوتك شان أغنى

قلت آه ياليل .. وآه

إنتى أول .. وإنتى تانى .. وإنتى تالت وإنتى رابع

نافرة زى صيد الخلا

وصافية زى نبع المنابع

وقلتى لى غناى .. خلاص

حلوة عينيك زى صحابى

عنيدة كيف ... تشبه شريحتين من شبابى

حلوة عينيك زى صحابى

وزى عِنب .. طوّل معتّق فى الخوابى

وسمحة زى ما تقول ضيوفاً .. دقّوا بابى

فرحى بيهم سال .. ملا .. حتى الكبابى ..
♡

ولادك قصادك شعاع التحايا

يضووا الشقوق التلم الدوابي

يوروا الدروب للقلوبهم عمايا

عرقهم حبالك

وصوتهم مشانق

تلم الدقون الكبيرة

وتحدر فقر سمنتها الليالي الضليمة

بتهدر حرائق وتحمي البياكلوا المطايب

وتسجن بطون الجياع العرايا

وشوشهم سمر حر اباطك

صفوفهم مرامك وحلمك حلمهم

رغيفه وكرامة وسلامه

مصانع بتحرق قبل تبدا فيها

مزارع بتيبس ونيلك ممدد جنازة

وعقيدك وسيدك بيكتب ويمحى

وتبقى المحايا

-

جلبت ليك من بلاد الله البعيدة

صنوف من الوجد .. المُلِحْ

قلت ألقاك فى السّمح

كنت بصطاد فى الظهيرة

من مناقير الكنار

بوصل السكك .. الأغانى

ومن ثُرى الليل القصيّة

أنتشل عطر الأمانى

ولو ألاقى اللون .. أدسّو

لمّا  يغرس فينى حِسّو

لى ملاقاتك .. هدية

وأفقد الرعشة المعبّية .. فى إيديا

جلبت ليك

♡

لا بالحزن الفينا حنرضى

لا من خوف سامرنا انفض

وما بتطفيك الريح يا ومضة

رغم الصبر المر حاضننو

رغم الحزن الطال عايشنو

اصلو البحر .. المد .. الجذر

الفرح الحزن بيطلع منو

تعالى نغنى

تعالى نعيش احساس الفرحة

شان من عمرى وشان من عمرك

سنين الزمن البجرى ويمضى

ماتغشانا تشيل فى لمحة

رنين الضحكة الحلوة السمحة

لما نغنى القمرى بيرجع

لما نغنى الغيم بتجمع

والامال الغابت ترجع

بس وحياتكم عيدو المطلع

♡

طــيبة "عــود" !؟

*ياسلام منك✨..*

يا سلام منك أنا آه
يا سلام منك أنا آه
يا سلام .... يا سلام
العيون فيها سهام
والكلام فيهو كلام
في حديثك
في ابتسامتك
زينة يا أحلى غرام
لديارك جيت يا روحي ليك أزور
ومن كلام الناس والله قد ضاع السرور
في إيديا
ليك هدية
سامحيني
واعذريني
واقبليها يا بدور
العواذل قالوا ليك
قالوا إيه
قالوا بحب
والله إنت وبس
إنت في قلب المحب
هددوني
ألموني
عذبوني
بدلوني الفرحة نار وهيام يوم الغرام
إنت لونك
وإنت طبعك
هادي ما فيهو البشين
تشبهي الفل في الجناين
حتى عطرك ياسمين
ربي يعلم
كم قلبي مغرم
إنت ترحم
بين ضلوعي النار تقيد
ده حرام والله حرام

✨🔸✨💫
*إسماعيل حسن✍*


*مصطفي سيد احمد 🎙*