و زي ما قالت ست الدار للزين ود حامد
" ﺍﺳﺒﻮﻋﻴﻦ ﻗﻀﻴﺘﻬﻢ ﺟﻮﻩ, ﻳﺒﻘﻲ ﻏﺼب زاﺩﻧًﻚ ﻗﻮﺓ...." #حميد
احنا كمان قدامنا اسبوعين بس و قادرين اننا تزيدنا قوة .... 14 يوم في ايدك انك تمنع انتشار الفيروس تحمي نفسك و اسرتك و المجتمع من حولك ، ما تنسى امك ، ابوك ، جدك ، حبوبتك ، و العندهم السكري و الضغط ، الاطفال الصغار ديل كلهم معرضين للخطر ،،، 14 يوم عشان عيون اطفالنا ما تضوق الهزيمة ....
#كورونا
#COVID_2019

للتبليغ عن الاشتباه باصابات فيروس كورونا بولاية الخرطوم اتصل بالرقم221
وزارة الصحة ولاية الخرطوم
#كورونا
#COVID_2019

(١)
قلبي على كل بلد تأخر في إجراءات الاحتراز، فنتائج الحالات في الأيام القليلة القادمة متوقع أن تكون مفجعة. موقف المغرب مبهر ومشرف جدًا وغير متوقع، وتجنيده لكل الطاقات الممكنة وفرضه حظر التجول وإنزاله للجيش والمدرعات والبوارج؛ يحسب له. لا أكاد أستوعب حجم الاستهتار الواقع في بعض البلدان كمصر وتونس والجزائر وتركيا (والسودان)، إذا أخذنا في الاعتبار حكم العسكر، كيف يمكن أن نتفهم تلكؤ تونس وتركيا؟!
(٢)
قلة الحالات المسجلة في بلد ما، لا يعني بالضرورة خلو مواطنيه من الفيروس؛ إنما دلالة على شح عمليات المراقبة وندرة الخضوع للاختبارات، فلا يفرحن أحد بالأرقام ويقارنها بالدول الموبوءة فتكسبه الجرأة على خرق التعليمات؛ الزم بيتك، وعبّر عن حبك بالابتعاد عمن تخشى أذيته، ولك في ذلك صدقة!
🔄
أ. خالد التايدي
📌
وإحصائيًا المغرب يعج بالحالات، لكن إجراءات التحرز تتماشى مع حجم الإشكال .. المصيبة أن تجتمع في البلد قلة الإمكانات والاستهتار!
👍✌👍
لسلامتك والآخرين ابق في منزلك.

#نتباعد_اليوم_لنتقارب_غدًا_بإذن_الله.
#Covid19
#Coronavirus
#please_stay_at_home.

⭕⭕⭕الما عارفنو الناس وما قادرين يلاحظو ليو ولا ما دايرين يلاحظو ليو ما عارف.. *انو الفايروس لمدة 14 يوم من دخولو البلد بكون شغال انتشار بس، مافي اعراض، مافي زول بكح، مافي زول بكتم نفس، مافي زول بمشي المستشفى، مافي زول بكون عارف روحو زاتو عندو شنو، يعني مافي أرقام بتظهر ووزارة الصحة ما بتكون عارفة والخريطة بتاعت الصحة العالمية المطمناك كل ما تفتحا دي حتلقى مكتوب فيها (1) بس قصاد السودان*..
بعد ال 14 يوم تنتهي حتشوف العجب، الرقم من (1) حيتقلب يبقى تلاتة خانات ده لو ما بقت اربعة، حتشوف رقم عامل كدة (1004)، واحتمال انت تكون محسوب مع الناس ديل، لانو ديل الناس الظهرت عندهم ومشو المستشفى، ده غير الحيموتوا فجأة كدة بدون ما تعرفهم انت زاتو.. والرقم ده ما حيزيد بالتدريج عشان تقفل على انو اول ما يزيد بعمل حسابي، لالا يا اللخو، الرقم بب كدة بتلقاو طار السما، فجأة كدة الموضوع حيقلب وباء، ماااا بمهلك زاتو وحتركب فيك شريحة ما بتمرق تاني، حتتخلع وتفكر انت دورك حيجي متين، انت ليك اسبوعين ماخد راحتك وما عارف اتعاديت ولا لا، واتعاديت زاتو في ياتو يوم، حترجع تنكت راسك وتتذكر انت ياتو يوم اكلت من برة ولا خشيت في صحن الفتة وما غسلت يدك ولا متين حكيت وشك ولا متين جاتك العدوى وبرررضو ما بحلك وما حتعرف وحتقعد بس راجي قدرك.. والاسوأ كمان تفكر انو لو انا خميت العدوى معناها جبتها لي ناس بيتنا برضو، وتقعد تفكر في انك ممكن تمرق منها لكن الحجاج ما حيقدروا يمرقو منها، وحتقعد تتابع فيهم كل يوم وقلبك في يدك.. وبي هناك الأرقام بتزيد وطايرة السما وشايلا قلبك معاها..

ده كلو هين.. انت عارف انو لمن الفايروس ده يبدأ يشتغل في جسمك وينجز شغلتو تاني ما بحلك منو الا رحمة ربنا وسرير في غرفة عناية مكثفة، مهما كنت قوي وعندك مقاومة برضو حيوصلك مرحلة اسمها مرحلة حرجة بعدها يا قمت شديد ولا رقدت شهيد.. يلا عشان تعرف مصيبتك امشي بكرة اسأل من سرير فاضي في عناية مكثفة.. ماااافي، وحات الله مافي، البكون داير سرير اهلو بنتشرو في الخرطوم دي كلها ويدوروا تلفونات يوم كامل وبرضو ما بلقو سرير فاضي، ده لي زول واحد خليك من 1000 زول..

ما خفت لسة.. سمح

انت عارف انو مافي زول حيقدر يدفنك..
يا جدعوك من بعيد في القبر ولا حرقو جنازتك..
اهلك ما حيقدروا يغسلوك..
فردك وجيرانك ما حيقدروا يشيعوك ويقولوا صلي صلي عشان يشيلوا العنقريب..
الزول الحيدفنك من المقابر حيمشي الحجر طوالي..

أسمع الكلام القالوهو ليك، ومافي داعي لي جنس ده

أنا عدلت المنشور دأ عده مرات..
داير أقول للناس الداقه جرس و شابكاني توعيتك غلط و ما صاح أقول كدا.. اقسم بالله يا جماعه أنو ما قادرين تفهمو خطوره الفيروس دأ.. ما قادرين تستوعبو .. و ما حتفهمو الخطورة ألا بعد الفأس أقع ف الراس،


#كورونا_في_السودان

#Covid19
#Coronavirus
#please_stay_at_hom

📌اعلان حظر التجوال في السودان من الساعة الثامنة مساء الى الساعة السادسة صباحاً

اللجنة العليا للطوارئ الصحية التابعة لمجلس الأمن والدفاع تقرر حظر التجوال في جميع مدن البلاد من الساعة الثامنة مساءآ وحتي السادسة من صباح اليوم التالي، وذلك اعتبارا من غد الثلاثاء 24 مارس 2020م

#كورونا_في_السودان

#Covid19
#Coronavirus
#please_stay_at_hom

سلسلة أغنيات مصطفي سيد احمد وشعرائها:_
١. مريم : محمد ابراهيم شمو
٢. غدار: مصطفي سيد احمد
٣. السمحه: القبول سيد احمد
٤. رسمت في وجيها بسيمة ضو: مصطفي سيد احمد
٥. سافر: قاسم ابو زيد
٦. لا بالحزن الفينا بنرضي: السر عثمان الطيب
٧.أظنك عرفتي: جمال حسن سعيد
٨. ياخطوتك: يحيى فضل الله
٩.سحابات الهموم: عمر الطيب الدوش
١٠. إذا عادت الايام للماضي: عوض مالك
١١. حبالنا الجوه ما تخنت: يحيى فضل الله
١٢. مت في قلبي: د.عبدالقيوم/مصطفي سيد احمد
١٣.الحزن النبيل: صلاح حاج سعيد
١٤. عدي فات: صلاح حاج سعيد
١٥. القاك وين: قاسم ابو زيد
١٦. كيف انساك: محمد مريخا
١٧. البت الحديقه: خطاب حسن احمد
١٨. إدفقي: قاسم ابوزيد
١٩.حليوه ليلة المولد: محمد طه القدال
٢٠. ليه غبت يا القمرا: قاسم ابو زيد
٢١. نفسي في داخلك أعاين: بشرى الف ضل
٢٢. في طريق اليل: مظفر النواب
٢٣.بت العرب النوبية: محمد الحسن سالم حميد
٢٤.رجعلك قليبي المهضلم : محمد طه القدال
٢٥. طيبه: محمد الحسن سالم حميد
٢٦. عناء العزله ضد العزله: الصادق الرضي
٢٧. إستلاب:يحيى فضل الله
٢٨. ياجماعه حشا المغبون: محمد الحسن
٢٩. قمر الزمان: صلاح حاج سعيد
٣٠. عمنا الحاج ود عجبنا: الفرجوني
٣١. أسئله ليست للإجابه: يحيى فضل الله
٣٢. سطوة محاسنك: صلاح حاج سعيد
٣٣. عينيك مدن:صلاح حاج سعيد
٣٤. شهيق: عاطف خيري
٣٥. عم عبدالرحيم: محمد الحسن سالم حميد
٣٦.جلبت ليك من بلاد الله البعيده: خطاب حسن احمد
٣٧. ماطال في بحرك في مي:محمد الحسن
٣٨. هردت لهاتي:محمد الحسن
٣٩. نشوة ريد: قاسم ابو زيد
٤٠. وجيده: قريب الله محمد عبد الله
٤١. يابكره: يحيى فضل الله
٤٢.يامطر عز الحريق: محمد الحسن
٤٣.عجاج البحر:حسن بيومي
٤٤.حاجه فيك:هاشم صديق
٤٥.ياضلنا:يحيى فضل الله
٤٦.ياجرح:صلاح حاج سعيد
٤٧. لمن يجي الزمن الفلاني: نجاة عثمان
٤٨.في عيونك:ابوذر الغفاري
واخيرا وليس اخرا: وضاحه: ازهري محمد علي

شفت ليك زول بيعطس في الشارع ولا جمبك و اتضايرت منو عشان خايف انو يكون عندو كورونا؟
ما تخاف

الناس البتعطس بحسب البيانات احتمالية يكون عندهم كورونا صغيرة (و يمكن يكون ما عندهم عديل!)
و في بيانات لدراسة من منظمة الصحة العالمية شملت ٥٦.٠٠٠ الف صيني مصابين بكوفيد-١٩ المسبب للإلتهاب الرئوي (كورونا) فـ٤.٨٪؜ منهم بس عندهم احتقان
الشكوى الاكتر وسط عيانين الكورونا هي حُمّى بنسبة ٨٨٪؜ من مرضى الدراسة
تليها الكحّة الجافة بحيث انها اتوجدت في ٦٨٪؜ من مرضى الدراسة

و في دراسة اتعملت في مستشفى زونغنان التابع لجامعة ووهان الصينية شملت ١٤٠ مريض كورونا لقو انو ٩٩٪؜ من عيانين الدراسة عندهم حُمّى عالية
و نص العيانين عندهم فتور في الجسم و كُحّة جافة
و تلتهم عندو آلام عضلات و صعوبة في التنفس

وسط العيانين تطور المرض بيكون كالآتي (بس لازم تاخد في بالك انو ٨٠٪؜ منو العيانين اعراضهم بتكون خفيفة و ١٥٪؜ بيكون اعراضهم حادة و ٥٪؜ بيكون مرضهم حاد شديد و بيتطلب توصليهم بأجهزة تنفس صناعي):

اليوم الأول:
الحمى هي العرض الأكبر، و ربما تكون مصاحبة ب فتور و كحة جافة،
في قِلّة قليلة من العيانين الاعراض دي قد تكون مسبوقة بـ اسهال و طمام

اليوم الخامس:
صعوبة تنفس، و صعوبة التنفس دي بالذات بتكون واضحة في الناس الكُبار و الناس عندهم مشاكل صحية تانية كأمراض القلب مثلا.

اليوم السابع:
الاعراض بتزيد حِدَّة و قد تتطلّب تنويم في المستشفى بحسب دراسة جامعة ووهان

اليوم التامن:
المرضى الأقل حظا البيشكلو ١٥٪؜ من العيانين البيكون مرضهم حاد بتجيهم متلازمة ضيف التنفس الحادة (Acute Respiratory Distress Syndrome ARDS) كنتيجة لتجمع السوائل في رئتهم، الـARDS دي قاتلة!

اليوم العاشر:
دا اليوم العيانين بيدخلو فيهو العناية المُكثّفة لأنو اعراضهم زايدة حِدّة و ماشة تسوء، و غالبا العيانين ديل بيكون عندهم وجع بطن و فقدان شهية

اليوم السبعطاشر:
في الغالب دا اليوم العيان بيطلعوه من المستشفى بعد يبقى كويس طبعا اذا العيان وصل اليوم دا و ما مات قبلها!

متوسط اقامة مرضى الكورونا بالمستشفى هو اسبوعين و نص

الحاجة المفروض تتقال و تتعرف للناس انو المرض ما بيظهر طوالي اول ما العيان يلقط الفايروس
المرض عندو فترة حضانة من دخول الفايروس لبدء الأعراض و بتكون في المتوسط ٥ يوم (و ممكن فترة الحضانة تكون قصيرة قدر يومين و ممكن تكون طويلة قدر ١٢ يوم)

طيب ملخص الكلام دا شنو؟
العطس ما معناه الزول عندو كورونا، او احتمالية انو الزول البيعطس عندو كورونا هي احتمالية بسيطة
هل دا معناه انو الزول البيعطس دا ما عندو كورونا إطلاقا؟ طبعا لا، و كونو الزول البيعطس في احتمالية صغيرة يكون عندو كورونا ف دا سبب منطقي يخليك تعمل حسابك في وجودو و انت ذاتك اذا بتعطس تعمل حسابك و تغطي نخرتك و خشمك لمن تعطس

المرض بسيط و الوقاية ابسط و دي الحاجة البنقدر نعملها في بلد زي بلدنا فيهو البُنى التحتية منتهية و مدمرة عديل، عشان لو لا قدر الله و انتشر وسط الناس ف القتلى حيتساقطو زي المطر! و ايطاليا صاحبة تاني احسن نظام صحي في العالم و النظامهم الصحي بيوصف بإنو world-class health system خير عِظَة.
في ايطاليا دي ذاتها قصاد كل ١٠٠.٠٠٠ مواطن من مواطنيهم في سرير بتاع عناية مُكثفة مجهز بمعدات تنفس صناعي، نحن عندنا في ربع سرير لكل ١٠٠.٠٠٠ مواطن!)

بنظام صحي زي بتاع ايطاليا و الميتين منهم ٧.٥٠٣ انت متخيل؟ يلا اتخيل لو المرض انتشر عندنا نحن اصحاب الـ ربع سرير عناية لكل ١٠٠.٠٠٠ فرد! اتخيلت؟
يلا شاطر!
غسّل يدينك لمدة لا تقل عن ٣٠ ثانية، ما تهبش وشك لا نخرتك لا عيونك
الله معاكم.

#كورونا_في_السودان
#خليك_في_بيتك

#Covid19
#Coronavirus
#please_stay_at_home
Sources:
https://www.sciencealert.com/here-s-how-to-work-out-if-you-ve-got-covid-19-a-cold-or-allergies

https://www.businessinsider.com.au/coronavirus-covid19-day-by-day-symptoms-patients-2020-2

https://www.nbcnews.com/health/health-news/italy-has-world-class-health-system-coronavirus-has-pushed-it-n1162786

https://www.forbes.com/sites/niallmccarthy/2020/03/12/the-countries-with-the-most-critical-care-beds-per-capita-infographic/#1683387f864a

تعميم صحفي
وزارة الصحة الاتحادية
السبت ٢٨مارس٢٠٢٠م
5 حالات مؤكدة وارتفاع حالات الاشتباه إلى 85

أكدت التقارير الوبائية لوزارة الصحة الاتحادية أن جملة الإصابات بكورونا حتى يوم أمس بلغت خمس حالات بينها حالة وفاة واحدة .
وكشفت التقارير ان مجمل حالات الاشتباه بمراكز العزل بالسودان بلغت ٨٥ حالة اشتباه حتى منتصف اليوم فيما نوهت إلى ان عدد القادمين من الدول الموبوءة عبر مطار الخرطوم منذ يوم ٢٥يناير بلغ ٢١١٥ شخصا وتمت متابعة ١٤٢٠شخصا منهم بنسبة ٦٧،١٪.

اتبعوا وسائل الوقاية و أبقوا في بيوتكم و الله يحفظنا و يحفظ السودان و أهله 🖤