عزيزي المواطن

ننصحك باستخدام الكمامة عند الخروج للوقاية و الحد من فايروس كورونا المستجد - COVID19 و اتباع ارشادات وزارة الصحة

اللهم ارفع البلاء عن العباد

‏ممكن زول يفهم او يسمع من ٣ اسابيع ايطاليا قفلت المدارس وكان عندها عدد حالات يتعد بالاصابع قامت الناس فكرت انها في اجازه صيف ولا اي حاجه طلعات برامج لمات وسهر وغيروا ولا كانو في خطر وباء.

‏قامت ايطاليا من عدد حالات يتعد بالاصابع سجلت الليلة 15 مارس في ٣ اسابيع ما يقارب ٢٠٠٠ حالة اصابة جديدة و ١٠٠٠ حاله وفاة والبلد حاليا كلها مقفولة.

السودان لو قفل الجامعات والمدارس والاماكن العليها زحمة والجمبات والقهاوي والمناسبات عشان تحميكم وتحمي الناس القريبه منكم انتو ما في اجازة العالم مقلوب برا..

‏احموا نفسكم واهلكم واقعدوا في البيت
ايطاليا فعلت هاشتاج انا حقعد في البيت عشان الناس فهمت انهم السبب في تدهور الحال
حاجة اخيرة ايطاليا من ٣ اسابيع كانت خالية من ( الكرونا ) الان التانيه على العالم بعد الصين..
ياريت ننتبه شديد وربنا يحمينا ويحفظنا جميعا
#COVID_2019

الاهم من انك تلبس كمامة انك تكون شايل معاك مويه الوقت كلو حوفيا
لانو الفيروس نسبة انو ينتقل ليك عن طريق الهواء بسيطه
وانت عادي ممكن تكون شايل الفيروس وما تعرفو الا بعد اربعه خمسه سته ايام
⚫️فممكن تكون شايل الفيروس وهو بستقر في الحلق في الاول فلما تشرب مويه بصوره مستمره ممكن الفيروس ينزل المعده ويموت في لحظته بسبب درجة حرارة المعده
ولو اتاخرت في شراب المويه ممكن ينزل الرئه ويعمل فشل رؤي وتبدا الاعراض تظهر ليك بصوره واضحه وجاده
🔵ف الاهم انك تشرب مويه وحاجات حاره بصوره كبيره شديد لانو ممكن يموت بدرجة الحرارة العاليه في المشروب
🔴اشرب بطريقه متقطعه م تروى من شربه واحده كل 5 دقايق اشرب بقتين
#COVID_2019

كل ما تود معرفته عن فايروس الكورونا ...
COVID_2019

بعد تجميد الدراسة.. احذر هذه الأماكن أيضًا #COVID_2019

مجلس الأمن والدفاع يعلن حالة الطوارئ الصحية بالبلاد ..
#COVID_2019
#كورونا

وﻃﻨﻴﺎ انت ﺑﺎﺭﺗﺪﺍﺋﻚ ﻋﻠﻤﺎ ﻭﺗﺮﺩﻳﺪﻙ ﻟﻠﻬﺘﺎﻓﺎﺕ ولكن ﻳﻤﻜﻨﻚ ﺃﻥ ﺗﺼﺒﺢ ﺃﻛﺜﺮ ﻭﻃﻨﻴﻪ ﻋﻨﺪﻣﺎ ﺗﻤﻨﻊ ﺍﻧﺘﺸﺎﺭ ﺍﻟﻤﺮﺽ
ﻻ للتجمعات
ﻻ ﻟﻠﺘﺼﻌﻴﺪ
#كورونا
#COVID_2019

https://experience.arcgis.com/experience/685d0ace521648f8a5beeeee1b9125cd
موقع منظمة الصحة العالمية ، اخر تحديث بتاريخ اليوم ...
#كورونا
#COVID_2019

شوية وعي ، سلامتك و سلامة الناس الحولك مسؤليتك ....
#كورونا
#COVID_2019

و زي ما قالت ست الدار للزين ود حامد
" ﺍﺳﺒﻮﻋﻴﻦ ﻗﻀﻴﺘﻬﻢ ﺟﻮﻩ, ﻳﺒﻘﻲ ﻏﺼب زاﺩﻧًﻚ ﻗﻮﺓ...." #حميد
احنا كمان قدامنا اسبوعين بس و قادرين اننا تزيدنا قوة .... 14 يوم في ايدك انك تمنع انتشار الفيروس تحمي نفسك و اسرتك و المجتمع من حولك ، ما تنسى امك ، ابوك ، جدك ، حبوبتك ، و العندهم السكري و الضغط ، الاطفال الصغار ديل كلهم معرضين للخطر ،،، 14 يوم عشان عيون اطفالنا ما تضوق الهزيمة ....
#كورونا
#COVID_2019

للتبليغ عن الاشتباه باصابات فيروس كورونا بولاية الخرطوم اتصل بالرقم221
وزارة الصحة ولاية الخرطوم
#كورونا
#COVID_2019

(١)
قلبي على كل بلد تأخر في إجراءات الاحتراز، فنتائج الحالات في الأيام القليلة القادمة متوقع أن تكون مفجعة. موقف المغرب مبهر ومشرف جدًا وغير متوقع، وتجنيده لكل الطاقات الممكنة وفرضه حظر التجول وإنزاله للجيش والمدرعات والبوارج؛ يحسب له. لا أكاد أستوعب حجم الاستهتار الواقع في بعض البلدان كمصر وتونس والجزائر وتركيا (والسودان)، إذا أخذنا في الاعتبار حكم العسكر، كيف يمكن أن نتفهم تلكؤ تونس وتركيا؟!
(٢)
قلة الحالات المسجلة في بلد ما، لا يعني بالضرورة خلو مواطنيه من الفيروس؛ إنما دلالة على شح عمليات المراقبة وندرة الخضوع للاختبارات، فلا يفرحن أحد بالأرقام ويقارنها بالدول الموبوءة فتكسبه الجرأة على خرق التعليمات؛ الزم بيتك، وعبّر عن حبك بالابتعاد عمن تخشى أذيته، ولك في ذلك صدقة!
🔄
أ. خالد التايدي
📌
وإحصائيًا المغرب يعج بالحالات، لكن إجراءات التحرز تتماشى مع حجم الإشكال .. المصيبة أن تجتمع في البلد قلة الإمكانات والاستهتار!
👍✌👍
لسلامتك والآخرين ابق في منزلك.

#نتباعد_اليوم_لنتقارب_غدًا_بإذن_الله.
#Covid19
#Coronavirus
#please_stay_at_home.

⭕⭕⭕الما عارفنو الناس وما قادرين يلاحظو ليو ولا ما دايرين يلاحظو ليو ما عارف.. *انو الفايروس لمدة 14 يوم من دخولو البلد بكون شغال انتشار بس، مافي اعراض، مافي زول بكح، مافي زول بكتم نفس، مافي زول بمشي المستشفى، مافي زول بكون عارف روحو زاتو عندو شنو، يعني مافي أرقام بتظهر ووزارة الصحة ما بتكون عارفة والخريطة بتاعت الصحة العالمية المطمناك كل ما تفتحا دي حتلقى مكتوب فيها (1) بس قصاد السودان*..
بعد ال 14 يوم تنتهي حتشوف العجب، الرقم من (1) حيتقلب يبقى تلاتة خانات ده لو ما بقت اربعة، حتشوف رقم عامل كدة (1004)، واحتمال انت تكون محسوب مع الناس ديل، لانو ديل الناس الظهرت عندهم ومشو المستشفى، ده غير الحيموتوا فجأة كدة بدون ما تعرفهم انت زاتو.. والرقم ده ما حيزيد بالتدريج عشان تقفل على انو اول ما يزيد بعمل حسابي، لالا يا اللخو، الرقم بب كدة بتلقاو طار السما، فجأة كدة الموضوع حيقلب وباء، ماااا بمهلك زاتو وحتركب فيك شريحة ما بتمرق تاني، حتتخلع وتفكر انت دورك حيجي متين، انت ليك اسبوعين ماخد راحتك وما عارف اتعاديت ولا لا، واتعاديت زاتو في ياتو يوم، حترجع تنكت راسك وتتذكر انت ياتو يوم اكلت من برة ولا خشيت في صحن الفتة وما غسلت يدك ولا متين حكيت وشك ولا متين جاتك العدوى وبرررضو ما بحلك وما حتعرف وحتقعد بس راجي قدرك.. والاسوأ كمان تفكر انو لو انا خميت العدوى معناها جبتها لي ناس بيتنا برضو، وتقعد تفكر في انك ممكن تمرق منها لكن الحجاج ما حيقدروا يمرقو منها، وحتقعد تتابع فيهم كل يوم وقلبك في يدك.. وبي هناك الأرقام بتزيد وطايرة السما وشايلا قلبك معاها..

ده كلو هين.. انت عارف انو لمن الفايروس ده يبدأ يشتغل في جسمك وينجز شغلتو تاني ما بحلك منو الا رحمة ربنا وسرير في غرفة عناية مكثفة، مهما كنت قوي وعندك مقاومة برضو حيوصلك مرحلة اسمها مرحلة حرجة بعدها يا قمت شديد ولا رقدت شهيد.. يلا عشان تعرف مصيبتك امشي بكرة اسأل من سرير فاضي في عناية مكثفة.. ماااافي، وحات الله مافي، البكون داير سرير اهلو بنتشرو في الخرطوم دي كلها ويدوروا تلفونات يوم كامل وبرضو ما بلقو سرير فاضي، ده لي زول واحد خليك من 1000 زول..

ما خفت لسة.. سمح

انت عارف انو مافي زول حيقدر يدفنك..
يا جدعوك من بعيد في القبر ولا حرقو جنازتك..
اهلك ما حيقدروا يغسلوك..
فردك وجيرانك ما حيقدروا يشيعوك ويقولوا صلي صلي عشان يشيلوا العنقريب..
الزول الحيدفنك من المقابر حيمشي الحجر طوالي..

أسمع الكلام القالوهو ليك، ومافي داعي لي جنس ده

أنا عدلت المنشور دأ عده مرات..
داير أقول للناس الداقه جرس و شابكاني توعيتك غلط و ما صاح أقول كدا.. اقسم بالله يا جماعه أنو ما قادرين تفهمو خطوره الفيروس دأ.. ما قادرين تستوعبو .. و ما حتفهمو الخطورة ألا بعد الفأس أقع ف الراس،


#كورونا_في_السودان

#Covid19
#Coronavirus
#please_stay_at_hom