عندك ينابيع المسافة اتجددت ..
 واتعددت..  مدن الرؤى..
 شاقني الهوى .. الشايل بلود ..
ختينى في خاطرك حدود ..
خضرا و عيونا مع الشمس..
ضحكة ورود ..
♡

سلامات ... جا اقتراح في بوت القناة "اذا اتواجد واحد من آدمن القناة في مكان عام " الساحه ،النيل او اتني........ او اي مكان عام " يعمل لوكيشن و اذا في زول قريب و محتاج المجموعه المتوفره من اغاني ابوو السيد و قريب من المكان يرسله ليه .........
البوت الخاص بالقناة @Aboalsead_bot

أبداكى من وين ..

وفينى منك لسة حاجات

من مخاوف

ومن شجن

أبداكى من وين .. 

وظنى إنك

فكرة إعلان الحياة

وإنتهاءات العوارض 

والمحن
نفسى ألقاكى وأكون

أنا كلى من بعضك

أو .. بعضى من كلك

بدن

وداير أبقاكى

وأوحد دورة الدم

المقسمة بينى 

.. بينك .. والسحن

أبداكى منى .. 

ولاّ منِّك

أبتديكى محل .. 

محل

من ياتو منفذ

أدخلك

وكل المنافذ فيكى

سدّاها النحل

من ياتو شارع 

أوصلك

وكل الدروب معطونة

لى آخر الوحل

.. أستبيح كل المنافذ .. 

وأدخلك

من كلامك بدخلك

من بين مسامك بدخلك

من أى قاسم مشترك

وشبهة تشابه .. 

ادخلك

ونتلاقى نهرين من تسامى .. 

وإشتها

وأبداكى من حيث أنتهت 

عندك خواتم الإنتها

أبداكى .. وأخلع خيام 

عمرى المضى

وألقاكى مبسوطة اليدين

مفتوحة أبواب الرضا

أبداكى من لحظة أنستِكْ نار

وأخدت من قبسك .. هُدى

وأنا ضُمـّة زاهد

فى الدروب الما بتجيك


.. ولا بترجِّع ليا من تالاك صدى

أبداكى من وين ؟
♡

رنة الحزن البخافا ..
♡

🎶 لطلبات الأغاني 🎶 و المشاركات 🎵

https://t.me/Alche_mist

علمينى الإحتمال 

وكيف أجاوب عن هوانا

لما يغلبنى السؤال 

لما يتأرجح منانا بين مظنة وإحتمال 

ما بحسِّك دونك .. إنتى 

ما الحقايق .. ما الظلال 

والحرِف بِعرِفْ مداهو 

حتى لو جفّ الخيال 

اظنك عرفتي .. هموم الرحيل ..
♡

واحلالي أنا وا حلالي

أريتو حالك

يابا حالي

أموت شهيد نجمي البلالي

وأخلف إسما لي عيالي

الشفيع يا فاطمة في الحي

في المصانع وفي البلد حي

سكتيها القالت أحي

ما عماره الأخضر الني

بدري بكر خضر الحي

ومات شهيد أنا واحلالي

يا المصانع يالسكك الحديد

يا ورش نارها بتقيد

يا عمال الميناء البعيد

جروا حبل اليوم السعيد

وشايفوا قرب أنا واحلالي

أحمد أحمد تكبر شيل

إسم أبوك في النجم والنيل

خظ أبوك بالدم النبيل

كل زهرة وزهرة إكليل

ومات شهيد أنا واحلالي
♡

لا زمن حبك حقيقة

لا تعب زمنك فرح

لا دغش وترك صدح

لا بعد ليلك صبح

....

يا خطوتك ... يا خطوتك

يا خطوة الوجع الجرح

لا الفيها منك ابتدى

لا البيها منك انتهى

يا خطوتك يا خطوتك

يا خطوة ضاعت

بين صراخك والصدى

بين المسافات والنوى

بينك وبين كل المشاعر

الفينا غرقت فى الغنا

يا خطوتك يا خطوتك

يا خطوتك داست على

الحرف اليبس فوق الشفاه

داست على البوح والكلام

داست عليك

على انتظارك والملام

داست عليك

على الدروب الماشة منك

وجاية ليك

لا فتر فيها الولف

لا سكت فيها الحرف

يا خطوتك يا خطوتك

بين ابتعادك وانتظارى

بين مشاوير طفلة ضاعت

بين عيونك وافتكارى

 

يا عيونك وافتكارى

يا عيونك وافتكارى
♡

قاسم امين
محمد الحسن حميد
****
سميت المدن النايمة
المدن التصحى فى حين
تترجى خطى العمال
اصوات الفلاحين
*****
النفس الطالع نازل
فى صدور المسحوقين
أسميت السفن التمخر؟؟
فى نص البحر الطين؟؟
*******
الناس ام عرقا يجهر
السرها يوما حيبين
الناس التنضح سكر
تتجرع مر وطين ؟؟؟
التبنى قصور للقيصر
والتسكن حوش الطين
يا موج البحرالاحمر
سميتكم قاسم امين..
********
كتلوك الناس القصر
الناس المأفونين
الناس البالة مغطى
والساسة المبيوعين
كتلوك خدم الراسمال
يا زول يا عاتى يا زين
الفرحو الامريكان
والربحو تجار الدين
كتلوك وكان قاصدين
فى ذاتك ناس تانين
الناس ام عرقا يجهر
السرها يوم حيبين
يا عادى كما العمال
والريح الحينا بحين
يا صاحى كما الآمال
فى عيون المحرومين
ماشين فى السكة نمد
من سيرتك للجايين
شايفنك ماشى تسد
وردية يا قاسم امين
حرية يا قاسم امين
حرية يا قاسم امين

لا قدرت أطــولِك شـان أجـيك ..
ولا قــدرت مِـن غيـرك أكون ..

سحراً

صلاة

هيكلاً

قوس قزح؟

ذلك سر الكون

أن تبصر في كل حسن

آية لله

‏ح نحاول نجيب نسخ من ديوانه الجميل: ليل المغنّين،
الموضوع ح يكون ظريف شديد، و أجمل بوجودكم طبعاً.
المكان: https://t.co/Wzchz3hIGo‎

شارع الجمهورية تقاطعو مع النفق ( اتحاد المصارف السوداني).
الخميس 7 مساءً.

‎#عمر_الدوش
الذكرى ال21 للرحيل https://t.co/h1PK0RkR7B‎

يا ضلنا المرسوم .. على رمل المسافة وشاكي من طول الطريق ..
قول للبنيه الخائفة من نار الحروف
تحرق بيوتات الفريق ..
قول ليها ما تتخوفي ..

وأنا زي عوايد الشعر فـارس ..
شد خيل الكلمة ليـك ..
مكتوب على ضـهر البدايـة ..
القالوا آخرة بين إيديـك ..
وسَـرحت يـا مـهون تَـهون ..
شان آجيــك. ..
كان اصل يـوم لي حضـورك ..
كُـتْ بريدك ومشتهــيك .

عباد الشمس يوم جاك .. سألنا الغيم .. عِنادِك ردْ

أسف بُعدِك حروف جفّت

جِدار الماضى دمعة خد

.. صَرَخْ ياليل . غَفل طرفِك

سرق عِشقِك صباحاتى

شتيل إحساسنا ما فرهَد

‏لا قصدي آلهو معاكي بى كلمات غُـنى ... لا شعرى ليـك .. مرجيحة من شعر الغمام ..

يا بــهجـة يا فَـرح الحزيـن ..
آمـنت زييك مـا بِـكون ..
♡

كَتـير بِنعـاتب الحــاضر ..
ولآ اسفــاً عـلى الماضي ..

مت في قلبي ولم أبكي عليك
فمعين الدمع قد نضب قديما
قبل ان ادنو اليك
ان عقلي يتعجب
كيف قلبي فيك يخدع
وتقول لي
صرت قلبا من حجر
انا قد مزقت قبلك
وتناثرت بعيدا
مثل أوراق الشجر
وتجرعت كؤوسك
وتوسدت الضجر
مت في قلبي فدفنتك
خارج القلب الحجر
تربتي اطهر من ان يدفن فيها من غدر
هكذا الغدر امر
عدت من دفنك وحدي اتألم
واداري قلبي المكسور غدرا أتبسم
وأغني للربيع الغض بالأشواق والآمال مفعم
ذبحت كفاك قلبي
وتقول لي صرت قلب من حجر
انت ظلم....أنت جور
أنا احساس وحب وشعور
انا في العالم فرحة... انا في الظلمة نور
♡