كنت غريب الوجه ... معذب ..
♡

: اغيب عنك يضيع سر الحضور مني
يضيع فني وشعور اني انا الانسان
اعيش بعدك
وحيد ووحيد
شي تايه في سراب عالم
ورا العالم
بعيد وبعيد
بلازواده
وبلا امكان
اغيب عنك
اشوف كل الوجود ضدي
واشوف الكون صبح سرداب
عدم لاضل ولا الوان
وانا المصلوب علي
ابوابو
طيف ذكري 
ودليل عبره
وشهيد فقدان
وانا المكتوب اصيح في 
هوة الازمان
انا المجروح لغاية
غاية الغايه
ولحدي منابع
الاحزان
♡

الرسالة الحلوة ريدك ما بريدك

الخطاب النمقت كلمات ريدك

قبل ساعات قبل مدة

جاني مرسال المودة

ياما شلت و قلبي أدى

و احتفلت و عمري عدى

كل كلمة بتكتبيها

يا حلوة انت تنمقيها

يضي بها فرح عيونك

لوحة زاهية بترسميها

كل كلمة ندية واحة

و كل همسة شجية راحة

و الحقيقة الرائع انتي

في بريدك صورة بنتي

شفت رسمك و الأناقة

انبهرت و غبت ساعة

ياما هل و عم عيدك

ما بريدك زي بريدك

الخطاب النمقت كلماتو ريدك
♡

طوبى للرجال العصافير
كلما حطّ طائرهم فوق غصن
غنوا بشجيى الكلام .. بديع الصور
وبؤساً لنا نحن الرجال .. الشجر
تهاوت جذور الكلام
جفت ينابيعنا
وأرهقتنا ليالى السفر
تؤرقنا الذكرى
توقِد نار المواجد فينا
فيوجعنا الشوق فى صرة القلب
يتأبى حتى السكون الذليل
نخرج الآن من جلدنا
ونخدش صمت السؤالات
نركض عبر الطريق الطويل
من أى ثقبٍ فى الحكايات جئنا
ومن أى بابٍ فى السماواتِ .. كان إلتماس السكينة؟
ومن أى ذنبٍ عصىٍ
تعلم القلب سفر الرحيل
الطيور قطعت رحلتها ثم عادت
والأمانى إستكانت
والليالى ما عاد صمتها مستحيل
والنساء اللائى علمننا
العشق فى زمانات النداء الجميل
نسجن كعادتهن من كذوب الروايات
ما يخلع الدفء عن جسد الحب
ثم تذوقن للحبيب البديل
يا صديق المسافات أركض
ما عاد فى الحزن متسع
لصفير الجراحات ــ قلبى وقلبك ــ
ولا صبر فى الأفق لإنتظار الخيول
كل المراكب تاهت
أنكرتنا الشموس
والحبيبات خانت
لفظتنا البحار
فهل يستطيع البنفسج أن يكون الكفيل ؟
أيوجعك الوصف ؟

 ♡

اصلو العمر شوقا كان .. حزنا كان .. و صبرا كان .. فسيح و فسيح ... اصلو العمر كان دربا مشيتو كسيح ... كااان غرسا سقيتو بكا و قبضت الريح .. ♡

☆ البوت الخاص بالقناة
@Aboalsead_bot

♡

يا نفس فجر القصائد .... يا بلادي 💐🧡

ﻣﻼﻣﺤﻚ ﻣﺎ ﻏﺮﻳﺒﺔ ﻋﻠﻲ ..
ﺣﻨﺎﻥ ﺣﺴﻴﺘﻮ ﻓﻲ ﻋﻴﻨﻲ ..
ﺷﺒﻪ ﻣﻦ ﺑﺪﺭﻱ ﺻﺎﺩﻓﻨﻲ ..
ﻭ ﻃﻴﻒ ﺃﻓﺮﺍﺡ ﻣﻼﺯﻣﻨﻲ ..
ﺭﺳﻢ ﺟﻮﺍﻱ .. ﻣﻌﺎﻧﻲ ﻏﻨﺎﻱ ..
ﻣﻌﺎﻧﻲ ﻓﻴﺎﺿﺔ ﺣﻨﻴﺔ ..
ﻣﺒﺎﻫﺞ ﺑﻨﺴﻲ ﻓﻴﻬﺎ ﺷﻘﺎﻱ ..
♡

يا حبيبنا

بتحيا فى حلم الترابلة

وفى العلاقات .. المعانى

وفى البقاسى شقا المسافة

وعايشة جوّاهو .. وبعانى

.. لمـّا يتحقق زمانى

بمسح الحزن المعشعشْ

فى عيونك .. أسمرانى
♡

نصوص شعرية اداء مصطفى سيد احمد
♡

لوحة للرسام مازن جودة 💐🧡

كان بحبها شديد فاختار من اغاني مصطفى سيد احمد مقطع عظيم اختصر عليها كل كلام قلبو في رسالة نصية "قلت ليها الحقيقة الضايعة بين قلبي و عيونك اني لا قادر افوتك شان اجيك واني ما عارف ابقي كلمة حب تزف البشري في ساعة مجيك " بي كل حُب وصلت الرسالة لي معشوقتو قرتها و ابتسمت هي كانت بتحترمو و تقدرو شديد بس م وصلت مراحل حبو ردت عليهو برسالة كتبت فيها "ﻟﻘﻴﺘﻚ ﺍﻣﻞ ﺷﺎﺭﺩ ﻣﻊ ﺍﻧﻚ ﻣﻌﺎﻱ ﻓﻲ ﺯﺣﻤﺔ ﺍﻟﻤﺸﻮﺍﺭ ﻭﺣﺘﻰ ﻳﻘﻴﻨﻲ ﻋﺎﺩ ﻣﻦ ﺗﺎﻧﻲ ،ﺻﺤﺎﻙ ﻳﻮﻡ ﺣﻨﻴﻦ ﺫﺍﺗﻲ"
و اتفقو انو يتلاقو و يتكلمو و شاءت الظروف انو ما يشوفو بعض ، انقطع منها فترة و اتزكرتو بي رسالة بعد فترة قالت ليهو فيها "ﺃﻛﺘﺐ ﻟﻲ ﻋﻦ ﻛﻞ ﺷﺊ ،ﺃﺫﻛﺮ ﻭﺩﺍﺩﻱ ﻭﺃﺭﺣﻢ ﻓﺆﺍﺩﻱ ،ﺃﺭﻉ ﺍﻟﻮﻓﺎﺀ ﻭﺩﻉ ﺍﻟﺠﻔﺎ ﻭﺃﺫﻛﺮ ﺻﻔﺎﺀ ﺃﻳﺎﻣﻲ ﻟﻴﻚ و ما تنساني"
بي كل لهفة كانو ماسك تلفونو من اخر رسالة بيناتهم كان الرد سريع جدا ادهشها قال ليها : "كتبت ليك لا بيني بينك ريدة لا قصة غرام اخترت ليك اجمل حروف وصلت فواصل نادرة في لغة الكلام " و في رسالة تانيه تبعتها طوالي قال "البي اوصفو كيييييف ؟ "
ردت عليو بي كل عطف و آلم "جيتنى فى الزمن الآليم وقلبى مثخن بجراحات الهوى ..وعمرى ضايع فى متاهات النعيم"
و اتوالت الرسائل بمشاعر فايضة ملانة بي سيد احمد و احاسيسو المرهفة كان الرد بيوالي الرد هي تكتب و هو بكل شوق و حب يرد كان الحوار كالاتي :
قال ليها
-ابداكي من وييييين ؟ وفيني منك لسه حاجات من مخاوف ومن شجن ..
ابداكي مني ولا منك ابتديك محل محل من ياتو منفذ ادخلك كل الدروب الفيك سداه النحل
ردت ليهو
-ابداك من وين وظني انك فكرة اعلان الحياة وانتهاءات للعوارض والمحن
-اخاف الضفة ترجع بيك قبل الحق
-مشيت معاك كل الخطاوي الممكنة
-اوفيت وما قصرت في حقك ولا كان عرفة غيرك اصادفا
-طفت الدنيا عشان انساك ..
بناديك و انت في زاتي مخاوف سكة آهاتي
-و ما قدرتي
-بس اشتقت ارتاح في عيون فيهن ملامحك زاتا
-بريدك والله عالم بي بريدك والله زي عيني
تاني قال ليها:
-ليه نحنا بنتعمد مع انفسنا كدا ؟
-الظروف معاندانا
-الظروف الفرقتنا خلتني كتيييير اعاني
قالت ليهو
-حال الدنيا تسرق منيه في لحظة عشم
و اخر رد كان منو و تاني م عقبو عليهو
-الدنيا اماني
الا هي احتفظت بي ردها و كانت بتردد جواها
-دي الأماني الفي سفر قبل الزمن كايسة المواني يوم تجيبني عليك بصدق انو مره الحظ طِراني و احتواني معاك شجن عذبني قبلك و لسه منك جااي تاني ...
"و لسه بيناتنا المسافة"
"شفق محمد"

ـ وأنااادي ليك .. 🎵
كل مابي يناديكِ .. عُودي 💔
ـ يجاوبني المدى الفاتح مدارج الهم 🎵
اتخذ من عدم الإجابة .. إجابة , وبلحظه الإدراك .. تنفتح عل قلبي مدارجَ همٍ طال إغلاقها , جٌرح لم يندمل ولكنه يتماثل الشفاء زوراً , ويموت الأملُ بطعنه واقعٍ غادرة ..!
ـ بتبكي وجيده طعنه سيف 🎵
نظريه التوصيل بالـتأثير .. تبكي عيناك ِ ويغرس السيف .. !
ـ موسده في شق السما المرسوم وساده دم 🎵
تتوسد الطعنه بـ فؤادي أبيض الاحلام .. النازف !
ـ وتبقى إيدينا في ايديك
وفي شعرك
وفي المنديل 🎵
أصاب بوعكةٍ قلبيه .. أشعر بيدكِ تعانق يدي عهداً بالبقاء قربي ..
انتِ هنا .. قريبة .. اضع يدي حنواً بشعركِ .. و .. امسك بيدي الاخرى منديلاً !! ..

ولكن لما المنديل ?!.. كانت تلك لحظة السقوط حتفاً عل قلبي من سُحب الخيال الواهمه لأَدرك آبار الواقع .. كانت تلك لحظة الإدراك والدخول قسراً إلى المنتصف المميت!

وفي مقوله نيتشه " في معظم الأزمات يصبح الخيال أكثر قدره وأمضى من الوعي على مداواة الألم والحزن " ..
هي مقولة جميلة لكني أعتبُ عليه شخصياً في شموله لكلمة الخيال , ربما كان أدق وصفاً لو أسبقها بـ" بعض " المنصفه .. !
أحياناً لا يلبث الخيال في أن يصير هو المرض فضلاً عن كونه الدواء ;
" عندما تختلط الحقيقه بالأوهام , عندما يتجرد العقل من زكريات الفِراق .. عندما تغزو حواسك خَدرة السراب ..تطفو عندها مشاعرك عالياً حد معانقه السحاب وعل قدر الصعود يكون الهبوط سحيقاً بإحدى منبهات الواقع .. لا مجال للتذمر , إنها لعنة العشق الكلي « " ..

#رۋ୭ۋ୭ز

لا تنبش الماضي البعيد

 

الم تكن لقلبي واقعا مجهولا

 

لا تنكأي الجرح القديم

 

فانني ودعت ليلا مظلما وثقيلا

 

وحملت روحي في فؤاد ناذف

 

ما زال يحمل نصفه مشلولا

 

وخلعت اثواب الحداد اما كفى

 

اذ صار قلبك في الهوى ضليلا
♡
 

سميت المدن النايمة

المدن التصحى فى حين

تترجى خطى العمال

اصوات الفلاحين

*

النفس الطالع نازل

فى صدور المسحوقين

أسميت السفن التمخر؟؟

فى نص البحر الطين؟؟

***

الناس ام عرقا يجهر

السرها يوما حيبين

الناس التنضح سكر

تتجرع مر وطين ؟؟؟

التبنى قصور للقيصر

والتسكن حوش الطين

يا موج البحرالاحمر

سميتكم قاسم امين..

****

كتلوك الناس القصر

الناس المأفونين

الناس البالة مغطى

والساسة المبيوعين

كتلوك خدم الراسمال

يا زول يا عاتى يا زين

الفرحو الامريكان

والربحو تجار الدين

كتلوك وكان قاصدين

فى ذاتك ناس تانين

الناس ام عرقا يجهر

السرها يوم حيبين

يا عادى كما العمال

والريح الحينا بحين

يا صاحى كما الآمال

فى عيون المحرومين

ماشين فى السكة نمد

من سيرتك للجايين

شايفنك ماشى تسد

وردية يا قاسم امين
 ♡

اسفى نسيت الآن
طعم القبلة الاولى
وكيف تطاولت عيناى
كالضوء انتشرت على
المسافة بيننا والناس ..
الآن لكن لا يهم ..
يبننا والناس ما عادت مسافة
والمسافة بيننا والارض
تختزل الطريق
بكت تودعنى
تدافعت العناصر نحونا
اهواك كن يقظاً تمهل
فى مسيرك واتجـه
فالارض تنضح بالمقادير الدفينة
اهواك لا امشى على راس الاصابع
لا أتـاتئ حرف اسمك
فارفعى رأسى ورأسك
ينتهى عهد المناحات الحزينة
لن اشتريك باغنية
فالاغنيات تكاثرت ..
وتناثرت كالدمع او كالخمر
ثم تبوات سيل الطريق
هل من مقايض للحبيبة بالخريطة
هل من مساوم للغريق ؟
لا غير قبضته وصدر الموج
يغرزها فيلتحفان
تقترب المسافات البعيدة
ثم يشتعل الحريق
♡

قلبي الباكي .. باقي عليـــــك ....
نزف دقاتو حنية ...
بقت رعشاتو منك ... و ليــــك ...
♡