حاكموا الولد المنصب 

كتفوا بالدبور مقصب 

أنت يا حاج يا مخالف 

زول مخرف وعقولوا تالف 

أنت يا زول ما كا داري 

زلة الناس في الطوارئ 

أ جلدوه غرموه 

ونفذوا الحكم البهينوا 

شان يفتح تاني عينو 
♡

تسمع الصوت صيحتو داوية 

تسمع السوط ليهو خاوية 

فوق قفة الشيخ صيحتوا داوية 

وفجأة رفع الحاج عيونو 

شاف بنات ولدو وبناتو 

كلهن واقفات يعاينن 

دمعتين في العين ترقرق 

والحزن بينن مفرق 

ده النجوم الفي سماهن 

ده الزمان الكان حماهن 

كل سوط نازل عليهو 

من شعاع الضو عماهن 

عمك الحاج دمعوا سرف 

سيلوا فوق اشنابو سرب 

تمه حكموا وراح بيوتو 

نفسوا مكسورة وذليلة 

كيف ملاقاة الحليلة 

وصحوة الروح العليلة 

في البيوت الجوه غادي 

عمك الحاج ما إعتيادي 

فوقو متلمين جماعتو 

والسكيلي ضرب حزايني 

قالوا ناداهو المنادي 

فارق الدنيا المسيئة 

يقطع الزلة وسنينها 

فوق فراش حاج ود عجبنا 

بسمع الزول البوصي 

أقفلوا الحوش يا جماعة 

وطفوا أنوار الرتاين 

داك حرس حظر التجول 

من بعيد ليكم بعاين 

يا زمن حظر التجول 

يا زمن حظر التجول 
♡

انسان ♡... وطن ...🇸🇩
.
و لسه في ناس بتسأل فينا ليه مصطفى سيد احمد دونا عن غيرة ؟؟ ..
.
#تسقط_بس✌️🇸🇩

ما نفقدك نلقاك تحانن بالغناوي وطن 
مع إنو حباك ميتة الغربة ... 
واستكتر عليك كفن 
قدر وطنك مع الأوطان 
إذا ما كان سحايبو أبن 
يمرقن قش من الوديان 
عشان تلقى الغلابة لبن 
قدر وطنك إذا ما كان 
قبل يقسى ويخيب ظن 
حبيبو الطيب الإنسان 
يطفر روحو روح الفن 
وطن لكنو مو هولك 
ولا الزول القبيل بي خيرو بات زولك 
وطن محتل بشوق مختل 
رؤى ووجدان 
ينوم والجنة في خاطرو 
يقوم مبتل 
بنات الحور وما أدراك ما الغلمان 
فما قولك في شافع ضال ومايل ميل 
قيام ... والشيخ ورع باللحيل 
بعد هانة ...نصايص الليل في زنزانة 
على أمشاطك كما الزانة 
أقيف حتى الفجر طولك 
فما قولك في مولانا 
بعد وردية الشافع 
دخلبو في خانة وسخانة 
وكجن .... غنالو مكتولك 
وما معنى الأرض بالضبط أو بالربط 
حين تكدح تكد حولك 
تجيب الموية بالسرقة 
غرامة ودردرة وعلقة 
ويصادر الوالي محصولك 
وطن ... لكنو مو هولك 
وطن ما ليك فيهو وطن 
مجرد واطة لمت ناس 
لا علم لا غيرة لا إحساس 
دلق منتوف من أي كفن 
مصبغ ظن 
وطن ... لكنو مو هولك 
عموم الحلة والأحباب 
غريب أصبح عليها زمن 
عليهو أغراب قلوب وسخن 
يسوطو هوس عذاب ومحن 
ولكنك تغني وطن 
بعد ده وطن؟! 
♡

واقف براك والهم عصف
ريحاً كسح زهرة صباك
ليلاً فتح .. شرفة وجع
قمراً رحل فارق سماك
مطر الحزن عاود هطل
جدد عذاب الأرصفة
ضى المصابيح البعيد
أتعب عيونك .. وإنطفا

♡

وانا راكب ﻳﺎ ﻣﺮﺍﻛﺐ ..
ﻻ ﺍﻟﺮﻳﺎﺡ ﺗﻮﻗﻒ ﺧﻄﺎﻳﺎ..
ﻻ ﺍﻟﺠﺒﺎﻝ .. ﺗﺤﺠﺐ ﺭﺅﺍﻳﺎ ...
ﺳﺖ ﺷﻤﻮﺱ ﺍﻟﻜﻮﻥ .. ﻣﻨﺎﻳﺎ ..
ﻟﻴﻚ ﻣﺴﺎﻓﺮ ﻭﻣﻦ ﻛﺘﻴﺮ ﺍﻟﺰﺍﺩ ..
ﻣﺴﺎﻓﺮ ﺑﻰ ﻏﻨﺎﻳﺎ ...
ﻧﻮﺻﻞ ﺍﻟﺸﻤﺲ ﺍﻟﺒﻌﻴﺪﺓ ..
ﻧﺒﻘﻰ ﻋﻴﺪﺍ ...
ﻧﺰﺭﻉ ﺍﻟﺤﺐ ﺍﻟبيوقد للنهايه ..
♡

 

جيتنى فى الزمن الاليم

وقلبى مثخن بجراحات الهوى ..

وعمرى ضايع فى متاهات النعيم

فى دروب الغربة لاتاب لاقوى ..

كان عيونك فيهن الوصف القديم

مغنى الحب انطوى ..

وضاع معاك زمن الوسامه

واختفى الفرح العلامه

ولسه ياحزن الملامة

من سنين دربك سلامه....

♡

وادي الفرح امتد مساحة ..
نادى الأمل الجوه عيونا ..
شوق الشوق اتجدد تاني ..
باقي احلامنا جدار من كونا ..
قولي الكلمة لصمت الليل ... وكوني النجمة  ...
♡

وأنا فى قساوة الموحش .. الزمن المكهرب .. بالحريق ...
أنا حيلتى أيه .. قولي لى يا قمر الزمان .. غير أتـّكى .. وأحلم معاك وأحضن أماسى الصحو .. والأمل البريق..
♡

مبنيه مدن الخوف من طينة اخر الليل ...

وانا في سقالة الشوق قدح البصيرة تقيل ..
فاتح سريح في الجوف .. تمرق تخش الخيل ..
علي كيف و كيف معلوف ... ضهر المظنه يشيل ..
و انا ظني ظنيتو ... في النيل غريق في النيل ...
و الليل ولا في بالو ليل ..
سااااكت يغنو على القمر ... واجعني في البحر السكات ....
وجعني في الوجع البحر ..
♡

طفلة حلوة .. و شايلة لونها ..
ترسم الوطن الشباب ...

كل خط في اللوحة باين


من دموع الطفلة يحكى ..

النفوس تبقى السحاب..

القلوب تبقى الأيادي

 

نزرع الوطن اليباب

♡
#مليونية_6_ابريل

ياا وطن عز الشدائد ...
ياا وطن عند الشدائد ...
.
#اعتصام_القيادة_العامة✌️
♡

ﻏﻨﻲ ﻳﺎ ﺧﺮﻃﻮﻡ ﻏﻨﻲ..
ﺷﺪﻱ ﺃﻭﺗﺎﺭ ﺍﻟﻤﻐﻨﻲ ..
ﺿﻮﻱ ﻣﻦ ﺟﺒﻬﺔ ﺷﻬﻴﺪﻙ ..
ﺃُﻣﺴﻴﺎﺗﻚ ﻭ ﺍﻃﻤﺌﻨﻲ ..
ﻧﺤﻦ ﻣﻨﻚ .. ﺭﻳﺢ ﻭ ﻫﺒﺖ .. ﻧﺎﺭ ﻭ ﺷﺒﺖ ﻓﻲ ﻭﺟﻮﻩ ﺍﻟﺨﺎﻧﻮ ﺇﺳﻤﻚ ..
...ﻳﺎﺟﻤﻴﻠﺔ ..
.
.
.
♡

 و قبل ما يطول إنتظارك ..
نحن جينا ..
ديل أنحنا القالوا متنا ..
و قالوا فتنا .. و قالوا للناس إنتهينا .. جينا زي ما كنا حضنك يحتوينا ..
لما فارسك فينا هبَّ .. و عبَّ حجرك بالمحبة .. وبالأماني ..
صحى نار الثورة تاني ..
♡

ﺑﻴﻨﻰ ﻻ ﺑﻴﻨﻚ ﻣﺰﺍﺭ .. ﻻ ﻣﺤﻄﺎﺕ
ﺇﻧﺘﻈﺎﺭ .. ﻻ ﻣﻮﺍﻋﻴﺪﻙ ﻗﺮﻳﺒﺔ ﺇﻧﺘﻰ ﻳﺎ
.. ﺍﻟﻔﺮﺡ .. ﺍﻟﺤﻘﻴﻘﺔ ﺍﻟﻤﺴﺘﺤﻴﻞ ..
♡

و كنا اخوان في الانسانية
♡
#اعتصام_القيادة_العامة

كرباجك الـ قطرانو حزب السارقين ..

نازل علي ضهر القوي .. و الجسمو ضللاتو اليقين ..

ما بستكين .. لو روحو فاضت بتقت في كل ربوع وطنو الحزين..

 

لو انتو شلة مسخرة و عبدة كراسي و مفترين..

نحنا البلد .. درقة و سيوفا صانعة و شلال يقين..

 

بنقولكم يا مفترين .. بنقولكم يا مفترين ..

 

العندو دين .. ما بسرق البلد العبادو موحدين..

 

العندو دين .. ما بنبي قصرو العالي فوق جوع الغلابة المسلمين ..

 

العندو دين .. ما بسمي أعداء الوطن جند الوطن و الحادبين..

 

العندو دين .. ما بسمي من قالوا الحقيقة المرة خونة و مارقين..

 

بنقولكم يا مفترين .. حالفين يمين .. .....

 ♡

#لم_تسقط_بعد
#اعتصام_القيادة_العامة_مستمر
لم يتم اي اتفاق مع المجلس العسكري لفتح الكباري و ازالة المتاريس ...