أديني إحساس بالأمل

في كل رحلة شوق تطول

وادى الخطاوى الراجعة ليك

في سكتك عشم الوصول

ما الدنيا كلها انتظار

و الارتحال قدر الفصول

الموجة تحلم بالضفاف

والغيمة تحلم بالهطول

راحل معاي ضي الأماني

وذكرى في الأيام هناك

لحظات بتذخر بالمعانى

وكيف أنسى تذكارات هواك

نتحمل الغربة ونعاني

و نصبر عشان نكسب رضاك

ونغنى لو زاد الحنين

وياريتو كان سفرا معاك

إذاعة #صوت_الثورة
✌🏽

https://www.sudan-revolution-voice.com/#

ما الدنيا كلها انتظار

و الارتحال قدر الفصول

الموجة تحلم بالضفاف

والغيمة تحلم بالهطول
♡

يا رزاز الدم حبابك

لما يبقى الجرح عرضة ولما نمشي الحزن سيرة

من دمانا الأرض شربت موية عذبة

كل ذرة رملة شربت حبة حبة

موية أحمر لونها قاني

فتقت ورد الأغاني

تهدي لى اسمك رمزاً للوطن كنز المحبة

♡

اصلو العمر شوقا كان .. حزنا كان .. و صبرا كان .. فسيح و فسيح ... اصلو العمر كان دربا مشيتو كسيح ... كااان غرسا سقيتو بكا و قبضت الريح ..
♡

لحظة شهيق ..
♡

و للناس البتعمل اعادة نشر من القناة .... كل الحب والله ♡

يا مطر عز الحريق

يا مصابيح الطريق

يا المركبيه البتجبد

من فك الموج الغريق
♡

مابين زمناً متمنيهو
وزمناً منك .. زادنى أسيـّة
طفت الدنيا عشان .. أنساك
وأنسى الحزن الطارد .. ليـّا
كان البحر الما خـلاّنى .. أعيش وحداني
كانوا أخوان فى الإنسانية ..
♡

و مشيت معاك 👫 .. كل الخطاوي الممكنه ..💝
♡

علي بابك ..... نهارات الصبر واقفات ..
♡

وانكسر فيني الترجي
وونلت من سفري الخسار
بس داير اقولك يا اصيلة
لو تعب فيك التمني
وانهتك وتر المغني
لو تسدي علينا طاقات البشائر
تنهزم يوم التجني
واجيك لا هماني شي
عندك وقفت من المشي
وغرقت في ضو النهار

Razaz Seddeg:
#بغزل_مصطفانا_كدا💜✌
وانا بغازل فيهو بكلمات مصطفي سيد احمد وبعض كلمات مني
لمن بدينا علاقتنا غنيت ليهو "نحن مشينا الخطوهه الاولى" وكنته واثقه انو ح يمشي معاي الخطوهه التانية كملته وغنيت ليهو "وبرضو الخطوهه التانية سوا"💜
لمن ولد اختو كسر ليهو جوالو غنيت ليهو "والا باكر ي جميل لمن اطفالنا البجو ويبقي روقه للسنين والعميرات البقو"💜
ولمن فات الموكب ودقو الامنجية بالسوط غنيت ليهو "والحبيبة تغني لينا لا ظُلم يوقف طريقنا ولا يلقينا البشر"💜
ولمن كنتا ماشة الاقيهو بعد مده من الزمن وانا في الطريق وهو كان شغال واخوهو قال ليهو لازم تتم الشغل حتي تمشي ليها وهي الجايه منو اصلا غنا ليهو "حتجي البت البريدهه آملة مزدهرهة وجديدهه وناقشه في الزول اغنيات"💜
ولمن لاقيتو غنيت ليهو و"الفيني من اهآت قديمة لا بترحل من عيوني ولا بتغشاني الهزيمة"💜
ولمن كان جاييني وجاهو شغل ضروري وانا زعلته غنى لي "وكان اصل يوم لي حضورك ..كن بريدك وبشتهيك"💜
وانا عارفه انو ما ح اقدر ازعل منو كتير وح اصبر لحدي ما نتلاقي في الحلال غنيت ليهو "علي بابك نهارات الصبر واقفات"💜
ردا لي برساله "يا رزاز الدم حبابك"😭💜
رديت ليهو وانا راضيه بكل معاني الكلمة "ما الدنيا كلها انتظار و الارتحال قدر الفصول الموجة تحلم بالضفاف والغيمة تحلم بالهطول"💜
ولمن زعلته منو لانو يوم كامل قافل تلفونو وما قدرتا اتكلم معاهو وزعلته شديد وبقيت ما برد علي مكالماتو غنى لي
"ومرقت من قلبك مشيت طفت الشوارع و المدن لفيت حوارى الدنيا جيت
فتشت فى عيون الزمن 
لى سكتك وكم من مشيت لا لقيتك انتي و لا بقيت القى المواعيد يصدقن لا بعدك الايام صفن لا قدرت اعرف وجهتك"💜
برضو ما رضيت وما اتكلمتا معاهو زي زمان رجع غني لي "ي مدلل سيب دلالك دا هااااك قلبي الهديتو ليك وردا"😂💜
رضيت وغنيت ليهو
"وياما نحلم نحكي ليك عن المسافة و نشتهيك 💔"💜
رجع غنـى لي "اصلي لمن ادور اجيك بجيك لا بتعجزني المسافه ولا بقيف بيناتنا عارض"💜
ختم لي الاغاني دي كلها بي
"غنيناك وبنغني وبنتحدى الزمن فنان"😭😭💜كمل وقال "ي مهون هون" وقف شويه وتاني قال "وبحبك حب قدر الحروف الحايمة في بطن الكتب"💜
ورديت ليهو ع طوول
"اجيـك بي قــدرتي الباقيـةة ؛حطـام انسـان موشـح بي شقـا الدنيـا ومقسم قلبـو في الاحـزان ؛اجيـك فنان اشـد اوتـاري واحكيلك. حكايةة انـسان وهب لي سكتـك نفسـو"💜😭
#وهب_لي_سكتك_نفسو"♥
#Razaz Seddeg♥

- بعد أن تبددت أحلامه الأولى و اتضح أنه كان يبحر إلى سراب و أصبح خائر القوى، شارد الذهن و مسلوب الإرادة؛ ها هو الآن ابتدأ يحلم من جديد، يلملم ما تبقى من قدرته التي أنهكها الزمان؛ فبعد أن لوّحت له مدن عينيها و رفعت إبتسامتها منارة له علّه يهتدي إليها قرر أن يشد ساعده على مجداف زورق الأحلام الذي صنعه قبل أعوام و أبحر به في بحر الضياع و لم تطأ قدماه اليابسة منذ ذلك الحين و وجهته تلك المناره التي ظن أنها "بر آمن"، يوماً تلو يوم تزداد رحلته صعوبة، فقد كانت رياح الخيبة دائماً ما تطارد الأمواج الزرقاء و تلعب بزورقه و تتأرجح به يمنةً و يسره و لكنه دائماً ما كان يهتف بصوت عالٍ ملئه الحماس " أزيد إصرار و أحلف بيك، أغير سكة التيار و اقول يا إنتي يا أغرق"؛ لم يكن له رفيق سوى دفتره الأزرق، أوراقه البيضاء و قلم حبره الذي كاد أن ينفد، يراقب تلك اليابسة من بعيد فهو الآن ليس سوى "حطام إنسان" جار عليه الزمان و جنى عليه الحب، يشد أوتاره و يدوزن حروفه ليحكي لتلك الضفة عن " إنسان وهب لي سكتك نفسو و رسم صورتك" بأجمل الكلمات و النصوص، أما الآن بعد أن اشتدت العواصف أصبح يردد ببؤس "أخاف الضفة ترجع بيك قبل ألحق" و يُتْبِعُها " و أخاف غيم المنى الشايل تسوقو الريح و اتفرق" فيبدو أنه عمّا قريب سيخيب ظنه من جديد و سيردد "و الاقيك يا أماني سراب مواهبي عليهو تدفق"، سينكسر، ستخور قواه، سيتألم، سيبكي لكن زورق أحلامه الصغير لن يتوقف عن الإبحار، فقد ولد صديقنا بحاراً، رياح الخيبة عنده ما هي إلا دليل على اقتراب اليابسة، فهو أقوى من تلك البحار السبعة مجتمعة.
....
نَص ليُقال صبَرَ حتى نال
* منيب علي

ولو فى زورق يمضى

على الصحراء عبر سراب

أنا ملاحه الفرحان ..

يطرق مغلق الأبواب

أدق .. ليس يعنيني

لأنى قادم من حاضر اللحظات للماضي

وبى شوق سيشعل صمت هذا الزورق الهادئ

فيدفعه إلى الوادى ..
♡

حاكموا الولد المنصب 

كتفوا بالدبور مقصب 

أنت يا حاج يا مخالف 

زول مخرف وعقولوا تالف 

أنت يا زول ما كا داري 

زلة الناس في الطوارئ 

أ جلدوه غرموه 

ونفذوا الحكم البهينوا 

شان يفتح تاني عينو 
♡

تسمع الصوت صيحتو داوية 

تسمع السوط ليهو خاوية 

فوق قفة الشيخ صيحتوا داوية 

وفجأة رفع الحاج عيونو 

شاف بنات ولدو وبناتو 

كلهن واقفات يعاينن 

دمعتين في العين ترقرق 

والحزن بينن مفرق 

ده النجوم الفي سماهن 

ده الزمان الكان حماهن 

كل سوط نازل عليهو 

من شعاع الضو عماهن 

عمك الحاج دمعوا سرف 

سيلوا فوق اشنابو سرب 

تمه حكموا وراح بيوتو 

نفسوا مكسورة وذليلة 

كيف ملاقاة الحليلة 

وصحوة الروح العليلة 

في البيوت الجوه غادي 

عمك الحاج ما إعتيادي 

فوقو متلمين جماعتو 

والسكيلي ضرب حزايني 

قالوا ناداهو المنادي 

فارق الدنيا المسيئة 

يقطع الزلة وسنينها 

فوق فراش حاج ود عجبنا 

بسمع الزول البوصي 

أقفلوا الحوش يا جماعة 

وطفوا أنوار الرتاين 

داك حرس حظر التجول 

من بعيد ليكم بعاين 

يا زمن حظر التجول 

يا زمن حظر التجول 
♡

انسان ♡... وطن ...🇸🇩
.
و لسه في ناس بتسأل فينا ليه مصطفى سيد احمد دونا عن غيرة ؟؟ ..
.
#تسقط_بس✌️🇸🇩