صباح الخير ♡ ..
ياريت تدونا تقيمكم للقناة و تشاركونا ارائكم و ملاحظاتكم 📨

يا سلااااام 😍😍 كل الناس الاتفاعلو معانا بالجد تعليقاتكم كانت جميييله جدا ♡ و محفزه والله " و نتمنى نكون على حسن ظنكم ♡ تسلمو كتيييييير ♡ "

أدوني من قبلك مناديل الوصول
وضحكت ما هماني شي
وبكيت ولا هماني شي
عندك وقفت من المشي
وغرقت في ضو النهار
كانوا بتمنوك لو
ترتاحي لحظة على الدرب
حبوك حب قدر الحروف
الحايمة في بطن الكتب
♡

يا هوى الألم النعيم 
خليك على الوعد القديم
و خليني في الشجن الأليم 
وأبقى في كل المداين 
سكتي وسفري الجحيم 
تبقى إيه الدنيا من بعدك تكون؟
و أبقى إيه بعدك اكون؟
♡

كل خاآطر كان بريدك .
الا ريدك كان رسول
الدهشة في كل الدياار ...
♡

و سرحت .. ياااا مهون تهون ..
♡

حبوك حب ..
قدر الحروف ..
الحايمه في ..
بطن الكتب ..
♡

قل للذين يوزعون الظلم - باسم الله - فى الطرقات

الله في نار الدموع

وفى صفوف الخبز

والعربات

والأسواق

و الغرف الدمار
♡

لاقيني يا عشقي الخرافي ..
لاقيني قبال الزوال
لاقيني في كل المرافئ ..
زفاف ربيع و فرح قوافي ..

♡

انادي ليــــــــــــــــــك
يجاوبني المدى الفاتح مدارج الهم
بتبقـــــي وجيده طعنة سيف
موسده في شق السماء المرسوم

وســـــــــــاده دم
وتبقي إيدينا في إيدك
وفي شعرك وفي المنديل
وفي إيديك بعيد عني ..
♡

اظنك عرفتي عواصفك مهبي
اباري في خيالك يسوقني ويودي
ونهرك يعدي ويجهل مصبي
هواجسى البتزرع وظني البربي
بديتك خواطر بتصحى وتساور
وطيفك يزاور وروحك تحاور
تجيبني فى زمانك موشح اساور
اقول بس نسيتك وجرحك يتاور
اظنك عرفتي عذاب المغني
وطبلو المجدع شظايا التمني
حروفو البتجزع فى لحظة تجني
خطاه البتهرع متين تطمئني
مسرج خيالك حصاني القبيل
معربد غباره وخلى الصهيل
مسافر مسافر وفاقد دليل
اظنك عرفتي هموم الرحيل ..
♡

بابكر كبوكس:
بين سجني وبيت اشباح...
وبطاله ودم مباح.........
ومزله تودي الغربه والغربه جراحا جراح....
الحل في بلدك زاتا تتحدا سلاح بسلاح
نهزم خفاش العتمه ونغزل سودانا صباح..
الخمج الماحق سوقنا من بعض وفا المحتال العبره الماسكه حلوقنا من فيض كاس الدجال .....
ما فضل الا مروقنا وبسلاحنا نعدل المال...

من حقي أغني لشعبي ..
ومن حق الشعب عليّ ..

لا بي إيدك تمنع قلبي
ولا قلبي كما بايديا ..

علمني أغني ..
الطين .. المطرة .. والطورية ..

الناس الصابرة سنين
بالحال الما دغرية ..

شايلاه وين النيل معاك ..
عصفورة جنحاتها النجوم وانا بي وراك ..
بسال عليك مدن..
وبعصر سلافة الليل حزن ..
بسأل عليك في المنفى في مرفى السفن ..
امكن طيوفك اخريات الليل تمر ...
تملأ البراحات للحزين طول العمر .. ♡

رحلت و جيت ..
في بعدك لقيت ..
كل الأرض منفى ..
♡

انا يا غرامي وصلت بيك ..
في الدنيا لي حد الغرام ..
ولقيت ملامي على عينيك ..
يا سيدي زي الما ملام ..
يا سلام عليك يا سلام . .
♡

و الفينا من اهات اليمه ..
فى حكاوينا القديمة ..
لا بيرحل عن عيونا ..
ولا بتغشاه الهزيمة ..
و القبيل راجينو نحنا يوم تبشر بيه غيمة .
لما تمطر يوم علينا .
الفرح يملا المدينة ..
و البلودات الحزينة .
♡