နိုင်ငံရေးတက်ကြွလှုပ်ရှားသူ၊ ဗကသရဲ့ အမာခံဝန်းရံသူ ဦးမင်းသူ (ခ) ဦးလူပျိုကြီး ကွယ်လွန်ခြင်းအတွက် ဝမ်းနည်းကြောင်းသဝဏ်လွှာ

ရက်စွဲ - ၂၀၂၆ ခုနှစ်၊ ဇူလိုင်လ ၂၃ ရက်

အရာတော်မြို့နယ်အတွင်း ပြည်သူ့အခြေပြုကျောင်းသားများသမဂ္ဂတရပ်အား ထပ်တိုးဖွဲ့စည်းခြင်း

ဇူလိုင်လ ၂၄ ရက်၊ ၂၀၂၆

အရာတော်မြို့နယ် ကျောင်းသားများသမဂ္ဂ (ဗကသများအဖွဲ့ချုပ်)က အရာတော်မြို့နယ်အတွင်းရှိ ပြည်သူ့အခြေပြုကျောင်းမှာ ပြည်သူ့အခြေပြုကျောင်းသားသမဂ္ဂတရပ်ကို ဖွဲ့စည်းခဲ့ပါတယ်။

ဖွဲ့စည်းရာမှာ ၈ ကြိမ်မြောက် ဗကသများအဖွဲ့ချုပ် ညီလာခံက ချမှတ်ပြဌာန်းခဲ့တဲ့ မူဝါဒ ၆ ချက်၊ ဖွဲ့စည်းအုပ်ချုပ်ပုံစည်းမျဉ်းဥပဒေနဲ့ လက်ခံချက် ၃ ရပ်ကို လက်ခံလိုက်နာတဲ့ ဗကသများအဖွဲ့ချုပ်ဝင် ပြည်သူ့အခြေပြုကျောင်းသားများသမဂ္ဂတရပ်အဖြစ် ထပ်တိုးဖွဲ့စည်းခဲ့ပါတယ်။

ဒီလို ဖွဲ့စည်းရာမှာ ရွေးကောက်ပွဲကျင်းပ ဖွဲ့စည်းခဲ့ပြီး နိုင်ငံရေး ဟောပြောပွဲလည်း ကျင်းပခဲ့ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

#အရာတော်မြို့နယ်ကျောင်းသားများသမဂ္ဂ
#ဗကသများအဖွဲ့ချုပ်
#ABFSU #AYD

ဘုတလင်မှာ ဗကသရဲဘော်သုံးဦး ကျဆုံးခြင်း ၃ နှစ်ပြည့်အခမ်းအနား ပြုလုပ်

ဇူလိုင်လ ၂၅ရက်၊ ၂၀၂၆

ဘုတလင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) ရဲ့ ဥက္ကဌ ရဲဘော်ကျော်ဝင်းသန့်၊ ဒုဥက္ကဌ ရဲဘော်ကြယ်စင်ငြိမ်းချမ်းနဲ့ သတင်းပြန်ကြားရေးမှူး ရဲဘော်သုတနေတို့ ကျဆုံးခြင်း ၃ နှစ်ပြည့်အထိမ်းအမှတ် အကြိုအခမ်းအနားတရပ်ကို ဒီကနေ့ ဇူလိုင်လ၂၅ ရက်နေ့က ဘုတလင်မြို့နယ်မှာ ကျင်းပပြုလုပ်ခဲ့ပါတယ်‌။

ဘုတလင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဉီးစီးကျင်းပခဲ့တာဖြစ်ပြီး အခြား ဗကသများအဖွဲ့ချုပ် အဖွဲ့ဝင်သမဂ္ဂတွေဖြစ်တဲ့ ကနီမြို့နယ်ကျောင်းသားများသမဂ္ဂ၊ယင်းမာပင်မြို့နယ်ကျောင်းသားများသမဂ္ဂ နဲ့ အရာတော်မြို့နယ်ကျောင်းသားများသမဂ္ဂတို့က ပူးပေါင်းပါဝင်ခဲ့ကြပါတယ်။

ဒါ့အပြင် ဗမာနိုင်ငံလုံးဆိုင်ရာ လူငယ်ကဗျာဆရာများသမဂ္ဂ(ဗလကသ)နဲ့ ဒေသတွင်းမဟာမိတ် တော်လှန်ရေးအင်အားစုတွေကလည်း အခမ်းအနားကို တက်ရောက်ခဲ့ကြပါတယ်။

အကြမ်းဖက်ဖက်ဆစ်စစ်တပ်က ၂၀၂၃ ခုနှစ်၊ ဇူလိုင်လ ၂၈ ရက်နေ့ မနက်ပိုင်းမှာ ဘုတလင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) ရဲ့ ရုံးခန်းကို အင်အားအလုံးအရင်းနဲ့ ဝင်ရောက်စီးနင်းမီးရှို့ပြီး ဗကသရဲဘော်သုံးဦးကို ရက်ရက်စက်စက် သတ်ဖြတ်ခဲ့ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

#ဗကသ #abfsu #ဘုတလင် #လှုပ်ရှားမှု #whatshappeningnowinmyanmar