عندما تكون فى بلد وعيها الجمعى منخفض جدا وبالتالى كل ظروفها ملخبطة
وقتها هيكون عندك خياريين يأما تستسلم وتعيش بنفس الوعي الجمعى تبعهم وتفكر زيهم وتنزل لمستويات طاقتهم المنخفضة سوواء بقى يأس احباط سب لعن ولو ايمانك ضعيف فتحاول تركب موجة الفهلوة وتبقى انسان يتبع مبدا الغاية تبرر الوسيلة تحت بند عشان اعيش لازم اعمل كدة
يأما تقرر تبقى مختلف وتمشى بدماغ مختلف عن القطيع .. تعرف ان مصدرك واحد فقط هو الله والله رب السموات والارض وكل البلاد وكل المصادر من ملكه .. تمشى بوعي وطاقة مختلفة ومرتفعة بعيد عن السخط واللعن او الفهلوة والتقليب ... اختلف بوعيك وطاقتك .. اختلف باجتهادك وضميرك مع نفسك وفى تحسين نفسك .. لا تقول اصله مافيش فايدة والناس كلها بتعمل كدة
اشتغل على نفسك وقدراتك وكأنك عارف انك هتبقى فى مكان تانى مختلف تماما
واطلب واسعى .. اطلب واسعى
ووقتها
الوعى والطاقة المنخفضة هى الى هتلفظك
الخالق المدبر هيسخرلك الكون كله لانك تستحق
هيحصل اى شئ بحيث تكون فى ظروف تانية وانت فى نفس البلد او حتى فى بلد تانية مع ناس على نفس ترددك وطاقتك
هو قانون .. الطاقات المختلفة تتنافر والمتشابهة تتجاذب .. وعلى قدر اتصالك القوي بمصدر كل شئ على قدر ماهو هيسخرلك كل شئ
واتصالك القوي دا هيكون بأيمانك بيه وتوكلك عليه هو وحده مع سعيك واحسانك

اترك الوعي الجمعى وطاقة المجموع .. معظم الناس دايما هتلاقييهم فيه وهيسخروا من اى حد مختلف عنهم لحد مايشوفوه حقق ما يريد بينما هم يبكوا على اللبن المسكوب
كافح انك تحافظ على دماغك وطاقتك وتركز على الحياة التي تريد بالظروف الملائمة ليك ولشخصك
ارض الله كلها متاحة لك وانت لست شجرة .. لكن المهم تنضف وعيك وطاقتك
وقتها دنيتك نفسها هتتنضف وهتعيش ظروف مختلفة نفسية وبالتالى مادية
المهم تركز وتعرف
تركيزك فين واعتمادك على مين وانتباهك لفين وانت ماشى بوعي الناس ولا تبعا لسنن الله فى كونه
#عبير_رشدى

( وانا لموسعون)
(وَإِنْ مِنْ شَيْءٍ إِلَّا عِنْدَنَا خَزَائِنُهُ)
(ولله خزائن السماوات والأرض)
(كُلًّا نُّمِدُّ هَٰؤُلَاءِ وَهَٰؤُلَاءِ مِنْ عَطَاءِ رَبِّكَ ۚ وَمَا كَانَ عَطَاءُ رَبِّكَ مَحْظُورًا )
الحقيقة ثابتة ومعروفة
ينقصنا فقط اننا نخرج من ضيق النمط العقلي للندرة الى براح ووسع النمط العقلي للوفرة .. لان الاصل هى الوفرة 👆
فهناك ما يكفي الجميع ولا ينقص من ملكه شئ
الحدود والفقر والندرة فقط فينا احنا وفى اذهاننا عندما استجبنا لوعد الشيطان
( الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللَّهُ يَعِدُكُمْ مَغْفِرَةً مِنْهُ وَفَضْلا )
#عبير_رشدى

#من_وحى_جلسة
عشان ننهي مرحلة ونبتدي اخرى جديدة
وعشان ننسلخ من هوية ونلبس هوية جديدة
يلزم التنظيف للماضي (البعيد او القريب) ومواجهة المشاعر المتخزنة منه فى صندوقنا الاسود
صديقتي فى هذه الرحلة جائتنى تقولى انا عملت جلسات كوتشينج كتييير وكل مرة بعمل تمرين برتاح يوم او اتنين وبرجع انتكس
سالتها عن الماضي وهل عالجتى مشاعرك منه قالتلى لا
قولتلها هنا القفل والمفتاح
بناء اي شئ يلزم له اساس وتنظيف الجذور
و من هنا خليني اوجه نصيحة لكل اصدقائي
حتى لو علاج المشاعر هيتعبكم شوية ولكنه هيكون كالمطهر الى هينظف الجرح عشان نعالجه ونقفله على نظافة
غير كدة هيكون مسكن يريح شوية ويرجع تاني انين المشاعر المتخزنة بالداخل يزن عليك عايز يطلع..
مواجهة المشاعر شئ ليس بالمميت مثل ما البعض متخيل .. هو ازاحة ركام من على قلبك سادد عنك الافق .. فقط محتاج مرشد معاك تكون انت واثق فى طاقته وقدرته على الاحتواء عشان قلبك يفتح ابوابه معاه ويطلع المستخبي بداخل الصندوق الاسود
وبعدها نبتدي مرحلة البناء واحنا متصالحين مع انفسنا ومع الماضي ودروسه 🙂
#عبير_رشدى

لو وجدت انك بتقلد الاخر.. بتقتبس من اعماله.. ماشي نفس خطواته هو بدون ابتكار شئ جديد يشبهك انت وروحك
هنا تعرف انه عندك مشكلة من اتنين
يأما انت في مجال ليس شغفك الحقيقي وانت فقط كوبي من اخرين فيه
يأما انت مستعجل ومتعلق بنتيجة نهائية معينة فبتختصر خطواتك بالتقليد
وفي الحالتين تحتاج وقفة مع النفس لتعديل مسار أفكارك وسلوكك وتوفر طاقتك لعمل بصمة حقيقية تخص روحك انت ..
#عبير_رشدى

انهاردة حصل شئ اسعدني الحمد لله وربنا اكرمني به
وعايزة اشارككم بعض من المشاعر الجميلة اللي زارتني.. على نفس طريقتنا وقت جلسات رمضان.. استرخوا الان لمدة دقايق واسمحوا بالاستقبال مني مشاعر الهدوء والسلام والبهجة.. نويت لكل من يقرا رسالتي هذه بالاستقبال 🙏

استقبل الان مشاعر مرتفعة وذبذبات التجلي

( ولسوف يعطيك ربك فترضى )
رسالة لك

إقامة الصلاة، هي من أجل أن تكون مؤهلا لما كان السبب في خلقك، إنها من أجل أن تشحذ قدراتك، وتوجه مهاراتك، وتعدل مسارك، وتنظف ما تراكم فيك، ترمي بعضه إلى حيث يجب أن يمحى، وتعيد تدوير بعضه الآخر، وتهضمه وتوظفه من جديد ربما في مسار آخر..

#المهمة_غير_المستحيلة
#كيمياء_الصلاة
#أحمد_خيري_العمري

بعض صديقاتى فى الجلسات بتكون مثل السهم الى كان محتاج فقط يتشد لينطلق بقووة .. بسرعة بيكونو جاهزين للانطلاق بدون اثقالهم..
وبعض الصديقات بيكونو متمسكييين بشدة بمشاعرهم (بللاوعي)..و الى هما جايين عشان يتحرروا منها .. بيكونو ماسكين فيها زى الطفل الى ماسك فى امه خايف يتوه لو تركها
وفى الجملة السابقة حل اللغز .. هما بيكونو مش عارفين ايه البديل .. عاشوا مع الشعور وبرمجة رد فعل شعورى معين واصبح دايرة الراحة والامان معاه .. خايفين يتركوا الشعور فيعيشوا فرااااغ .. ودى بتكون مشكلتنا فى كثير من الاحيان .. البديل للشعور .. هشعر بأيه لو اتخليت عن التعلق .. لو تخليت عن احساسى بالذنب .. هشعر بأيه لو لم اصبح قلقانة .. مانا لازم اقلق عشان دا بيحمينى .. لازم اتعلق عشان اشبع احتياج جواية .. وهكذا .. حل هذه المعضلة اننا نبحث عن الغاية ... الشعور الاخير .. وهل الشعور الى انا متمسكة بيه دا بيوفرهولى ولا كله تهيؤات ايجو .. وقتها بنعمل زى صدمة للعقل الباطن وكأنك صدمت واحد عايش مع سيدة سنين كتير على اساس انها امه وبعدين فى نهاية الفيلم بيكتشف انها مش امه :D ... وبمعرفة الحقيقة بنكون قطعنا مشوار كبير فى طريق التحرر
#من_وحى_جلسات
#عبير_رشدى

يدبر الأمر
فسلام وتسليم

اسرع طرق تخفيض اهمية اي شئ انك اصلا تخفض اهمية الدنيا كلها ومعرفة حقيقتها.. انها جسر.. معبر.. لعبة
(وما الحياة الدنيا إلا لعب ولهو).. صدق الله العظيم
كلما أيقنت ووعيت هذه الحقيقة كلما قل تكالبك عليها وتهذبت شهوتك المادية وارتقت نزعة التملك داخلك
👈هل هذه دعوة للزهد يا عبير؟
لا.. هي دعوة للتوازن.. الهو والعب لكن احترس ان تدخل داخل اللعبة وتعتقد انها حقيقة.. تعتقد انها حقيقتك ومستقرك.. فتستعبدك هي بدلا من ان تستخدمها انت ... فاستيقظ قبل ما تتسرق
#خواطر
#عبير_رشدى

ومن هنا وجب أن تكون هناك مسافة بين الأحباء .. وان يكون الحب قرباً وليس اقتحاماً
وتلك المسافة هي التي أسميها الاحترام ... حيث يحترم كل واحد سر الاخر ، فلا يحاول ان يتجسس عليه .. ويحترم ماضيه ويحترم ما يخفيه في جوانحه ويحترم خصوصيته وخلوته وصمته , ويحاول ان يكون ستراً وغطاءاً .. لا هتكاً وتدخلاً وتلصصاً ونشلاً.
فالحب عطاء اختياري حر , وليس مصادرة قهرية وسلباً واغتصاباً .

وفي هذه الحرية جوهر الحب
د. مصطفى محمود
كتاب / عصر القرود

هالو طبعا .. جئت يا شهر مولدي .. جئت ايها السعيد .. يكفي اني شرفت الدنيا ونورتها في هذا الشهر الجميل 😍😍🥰

حبيباتي .. بالنسبة للجلسات الاستشارية الخاصة حاليا اكتملت المواعيد الي كانت متوفرة قبل اجازتي السنوية .. اجازتي رسميا من 10 يوليو وبرجع باذن الرحمن على اخر اسبوع من اغسطس .. ممتنة لكل روح كانت حابة تتناغم وتتلاقى معي فى الجلسات .. واكيد لنا لقاء في الوقت المناسب لكي ولي .. ودعواتي لكم ان الله يرزقكم جميعا راحة البال والشفاء

(ان معي ربي سيهدين)

سلام وتسليم

اوقات قلبك بيكون هو المعلم الوحيد الذي يجب استشارته
كل انسان هينصحك على حسب مايراه هو صحيح
ولو حدث تعارض اتبع ما يرتاح له قلبك ولا تجبر نفسك على حلول لمجرد ان فلان قال
لا تجبر نفسك على ارتداء هوية فلان
قلبك دليلك لما يناسبك انت وانت تستحق ان
تحترم ذاتك بسماع قلبك
#عبير_رشدى