ميلاد زين العابدين الليله
ميلاد زين العابدين الليله
_________________________________
مولود عند احسين كوكب ثاني
زين العباده. والعلم رباني
يازين اسمه اترتل اعله الساني
هالليله فرحه والمحب شمتاني

من اقره اسمه استأذن بترتيله
ميلاد. زين العابدين الليله
________________________________
وكت الفريضه اتذكر ابسجداته
محلات هذا الاسم يامحلاته
كوكب يشع نور وعلم من ذاته
وبكل دعاء ايطوفن احچايته

يبقى امامي ودوم اصيح ادخيله
ميلاد. زين العابدين. الليله
__________________________________

زين. العباد وراهب ايسمونه
لحسين اجو اهل السمه ايهنونه
نفحات انفاسه وهوه يشمونه
وأگماطه للوادم مدد يلگونه

بالفرحه ابو السجاد دمعه يسيله
ميلاد. زين. العابدين. الليله
__________________________________

نور الولايه يلوح بمهده صار امرايه
اية جماله وعلمه اجمل ايه
گالو علي السجاد عنده اهوايه
من نور الحسين وكلامه ورايه

والدين من ميلاده رد ابحيله
ميلاد. زين العابدين الليله.
__________________________________

بالدار. مصباح. الهدايه. ونوره
خلف. امام الكون. كله ايزوره
والناس هاي العشگته معذوره
سور الامامه. وتمايل. سوره

يسرج الريح ومو بضهر اكحيله
ميلاد. زين. العابدين الليله
_______________________________
عبدالامير السعيدي

ازف التهاني الصاحب زماني
بالگمر بالگمر. ازف التهاني
_______________________________

مولود هذا اليوم. معشوگ
اعله اوصافه بس چلمة نبي تلوگ
من يحچي سيفه يسد الحلوگ
من صوته. يمكن. تبرك النوگ

شوگي نخاني. الصاحب زماني
بالگمر بالگمر. ازف التهاني
_____________________________

بدويه امه اتشيم ارجال
جابت گمر بگماطه خيال
طرف الحواجب مثل الهلال
خزرة اعيونه اتگول زلزال

وكل المعاني. الصاحب زماني
بالگمر بالگمر. ازف التهاني
__________________________'
من ردت اكتب شعر مداح
مثل الضوه اگبال الجفن لاح
اسمع بأذني اخيول وصياحو
صورة حرب وسيوف وارماح

للطف خذاني. الصاحب زماني
بالگمر بالگمر. ازف التهاني
____________________________

حگه اليگول اليوم فرحان
مولد گمر من ال عدنان
عدال هاشم صار ميدان
كشخة عمام وصدر ديوان

احلى الاماني. الصاحب زماني
بالگمر بالگمر. ازف التهاني
_______________________________

مولود اخو ايسر گلب الحسين
ملح السوالف والحچي الزين
زينب تگله. ياضوه. العين
مثلك. اخو يتحصل امنين

وكلمه بلساني. الصاحب زماني
بالگمر بالگمر. ازف التهاني
____________________________
عبدالامير السعيدي

اعله بابك طشرت دمعي يمذبوح
الك روحي وقف من عالم الروح
ازورك من بعد وادعي
ازورك من بعد وادعي
_________________________________

يا وارث كليم الله ربك سلم وصلى
على روحك على اجروحك يقرأن
نبي اسماعيل واحزانه. ورثته وخذت عنوانه
الذبيح انته الامر طعته يقربان
جنت فوك الرمح عيسه مشت وياك قديسه
على الناكه والملاكه. صعب جان

سلام الله اعله جرحك والمعانات
يمن كالو ضوه بنص خيمتك مات
يمالك شوفي وي سمعي
ازورك من بعد وادعي
يمذبوح. يمذبوح.
_________________________________

محمد وارث ارسومه وعلمه وحلمه واهدومه
معاناته وكراماته والايات
يوارث فاطمه وونها خذت كسر الضلع منها
ومثل ونها خذت منها طفل مات
وارث حيدر وصبره لو تسبيحة الزهره
علي وعزمه وحروف اسمه كرامات

سلام الله يمالك نبض الكلوب
يالمبجي. محمد كبل يعكوب
بجيت وسولفت وضعي
ازورك من بعد وادعي
يمذبوح. يمذبوح
_______________________________

نبي ابراهيم والمنحر يالمضحي بعلي الاكبر
وكتب نحره عله الصحره عناوين
اكلب قصتك واقره. الك ربك فرش سفره
حجو عنها. كلو منها ملاين
انته الحجو سالفته وارث كل نبي بوكته.
وخدم فزعو. الك كتبو دواوين

سلام الله يراهب كل الاديان
عجب تبقى. على التربان عريان
يل مصابك حدر ضلعي
ازورك من بعد وادعي
يمذبوح. يمذبوح
__________________________________

يمصحف بالطف ترتل بلسان الحره فوك التل
بمصايبها ونوايبها. لكيناك
طحت متوسد الغبره. وصرت بعيونهن عبرن
يبو الفزعه. تره بدمعه نخيناك
ورثت ايوب لو صبره وجرحك خضب الصحره
نزف كله ومره تكله علي وياك

سلام الله يمن خليت تذكار
سهم ذابح رضيعك مدري مسمار
الك صبح وعصر ادعي
ازورك من بعد وادعي
__________________________________

يوارث قبة الصخره. الك فوك العرش حظره
مساحتها. مسافتها. بلا حساب
تجيك اتزورك الوادم. تشوف بكل كتر خادم
اجه بدمعه لزم ضلعه. بالمصاب
مجالس بالسمه اهوايه مواكب مدري مشايه
اجت تحدي مع المهدي لبواتراب

سلام الله اعله كلمن يطلب الثار
سلام الله كلت عالمشو. زوار
تره اليمشونلك ربعي
ازورك من بعد وادعي
__________________________________

هتف راس النبي يحيه وراسك سولف بوحيه
على العالم. كبل ادم بالف عام
شفت درب السبي كله بضهر حيدر وتندله
ومشه راسك باعز ناسك والايتام
ورثت المالهن ملكه. باب وخيم محتركه
وهمل جفنك كبل دفنك عالخيام

سلام الله لحد ما تطلع الروح
سلام الله اعله كلمن طاح مذبوح
يمن عشكك عشك شرعي
ازورك من بعد وادعي
يمذبوح. : يمذبوح
__________________________________
الخادم عبدالامير السعيدي

يوم الحشر جدام كل المله
تتباها كعبة ربك وكربله
كالت الكعبه انبنيت ابجف نبي
ونطق عن كربله التل الزينبي
ايه ايه
_______________________________

بالبدايه الكعبه تحجي وتفتخر بالمعجزات
اليطوف اعليه كالت تنغفرله السيئات
واليحج مبرور سعيه يأمن ابكاعي اليبات


لن جواب الغاضريه هاج اسمعي اخباري
كبل حجاجج يعاين ربج الزواري
ابجف نبي صح انبنيتي انه صنع الباري

انه احتضنت اشلاء ابن فاطمه
وخلينه نفخر كلمن بموسمه
اكتفي بزواري يوم الاربعين
لو تجين بيومها وتتأكدين
ايه. ايه.
______________________________

كالت الكعبه انه اول بيت حل بالدنيه هاي
وشكو بيت ابكاع ربج سوته الوادم وراي
بصفي ينبع بير زمزم معجزه وبيه احلى ماي

الصفا والمروه حجابي ومذبح اسماعيلها
ومن هجم ابرهه اجوشه انهد حصنها وفيلها
الله وده اطيور تعصف بيهم بسجيلها

بقرأن ربج انه اسمي انذكر
قبلة الجن واملاكها والبشر
انه بيه انولد حيدر كافي
وزاح كل اصنامها من اجتافي
ايه. ايه
_______________________________

يالحجيتي ابير زمزم انه بت نهر الفرات
الشرفه العباس بيده وصار بيه نبع الحياة
انه عندي الجربه كلها الما شرب من عدها مات

انبياء الله يكعبه بكاعي عثرت خيلها
على امتوني احسين ناصب خيمه وانه دخيلها
التعب الدنيه بمهرته والسمه انهد حيلها

مصداق انه الكل حروف السور
انه بمصاب احسين ضهري انكسر
لو بهلها الدنيه باجر هم تميل
انه اضل امجلبه بجفوف الكفيل
ايه. ايه
_______________________________

كالت الكعبه مكاني ابمركز الكون الفسيح
قبلة ابراهيم انه ونبي اسماعيل الذبيح
بيه سر عصاة موسى وبيه سر جف المسيح

وكربله تتباهت بسمها وبالاسرار البيها
الشفاء انه بتربتي وكل علل تشفيها
والله يتقبل صلاته اللي يصلي عليها

كبر الحسين بحضني وي كبته
اليدعي حدرها تنقبل دعوته
بالف حجه وعمره انه ازيارتي
وشارة العباس صارت شارتي
ايه. ايه
_______________________________

مالها احساب المفاخر سيل متلاكي ويه سيل
وكربلاء بطلت تفخر وفجئه كامت تبجي حيل
اتذكرت صدر الغريب الكسرت بضلوعه خيل

كربله تقره ونشوف الكعبه تبجي وياها
وشفنه كل ماخلك ربك ينحب المبجاها
وذكرت الصار اعله زينب والحزن غطاها


كالت اهمومي الدوم ماتنحمل
من شفت زينب تحدي فوك الهزل
من تميل الناكه اميل وياها
ويلي وبجفها الحبل اذاها
ايه. ايه
_______________________________
عبدالامير السعيدي

علي بكل المجالس حشم الزهره عينج عالخدم يافاطمه بنظره
كالو عدنه حاجات
يا ام الكرامات
_________________________

شايل حاجته الخادم عله اجفونه
وتطيح ويه الدمع لوصبن عيونه
من يسمع بضلعج ينخطف لونه
اليحبج عاذره لو جنت جنونه


يكلج لو خلص عمري
اريد من انزل بكبري
اصيحن يم حسن حضري
دخيلج دخيلج

اليخدمج ماتخلينه بلحد مظلم
وهو محتاج باجر بالكبر يلطم
يلطم حتى لومات
يا ام الكرامات
________________________

اوصيج على ذاك العاشك حسينه
الخيم واهل الخيم راسمهن بعينه
خادم والعهد مابينه وابينه
ضريبه للزياره يبيع جفينه

شهم ماغير اطباعه
ولاذاك العهد باعه
الج لو لوح اذراعه
دخيلج دخيلج

الدمع جرح اخدوده ويبسن شفافه
وزناجيل العزه انطبعن على جتافه
رضه بهاي المعانات
يا ام الكرامات

_________________________

اعاين بالموكب هاي مو وادم
نبي الشايل حزن يعكوب لو خادم
جف الترفع باللطم يم هاشم
مثل عصاة موسى بحضرة الضالم

كبل مربيه ماضيهم
جنت اسمع بواجيهم
واكلج عينج عليهم
دخيلج دخيلج

انه بعالم الذر واسمع الحسره
ومن طبعي اميز ونة الفقره
الج خلو علامات
يا ام الكرامات

__________________________

اعتلى صوت الزجيه وشايل بشاره
وحك شارة محمد صاحب الشاره
الما يحظر المجلس اعتني الداره
اتطمن عليه واسال على اخباره

واكله شعطلك عني
تعال بدمعه ساعدني
من اسمعه يسولف عله ابني
دخيلج دخيلج

هله بصوت الموالي الما سكت لحظه
رضيت عليك والله عليك هم يرضه
يمن صحتو سلامات
يا ام الكرامات
____________________________

كالت وحك دمعي وجفني الدامي
لحد يوم الحشر ماعوف خدامي
اطببهم الجنه اجيوش جدامي
عليه اشكد بجو وعله ابني الضامي

اكلهم يالخدمتوني
احطكم دمعه بعيوني
عمر جنتو تواسوني
دخيلج دخيلج

حل وكت الوفه يالجنتو وفايه
ومثل ماشلتو رايه الكم شلت رايه
رغم بعد المسافات
يا ام الكرمات
_______________________

شوكه بعين كل حاقد شعائرنه
تفرح فاطمه بصرخة ضمائرنه
اذا نسمع بحيدر كمنه طبرنه
على هذا النهج عاشت منابرنه

نداء الخادم اعلامه
لطم لو يطبر الهامه
يحب احسيني خدامه دخيلج

يرخص دمنه لحسين والف فدوه
دنيه بلايه حب حسين ما تسوه
على راسي اثر قامات
يا ام الكرامات
_______________________

عبدالاميرالسعيدي

نعي

عرفتك عدل ماميت يالويانه
راسك عالرمح مسموع قرأنه
__________________________
عرفتك لأن دمك ماكطع لليوم
وعرفت اعيونك المامر عليها النوم
يذبلن بالسهر ويخوزرن عالكوم
لو بالسوط. واحدهم تدنانه
___________________________

عرفتك يمن راسك سوره مقريه
ومن فوك الرمح ويعاين اعليه
بين بيه الشيب اشويه اشويه
كمل درب اليسر وانصبغن الوانه
___________________________

وصلنا للخرابه وكام لون الشيب
بحجيلي سوالف واقره بيها الغيب
اليشوفك يعتقد عايش بوكت اشعيب
يمن شيب وعطش خضرن بلسانه
____________________________
الك من المواقف بالخرابه اهواي
اول موقف احجيه صار غفله وياي
كلت ماريد من كتلك تريد الماي
كتلي بس رقيه اهواي عطشانه
___________________________
طبينه اعله ديون وشفت هالحال
صرت فوك الرمح شيخ ابعرب خيال
اكبالك حدبت وانكلب طولي اهلال
شفت الشيب برموشك حجه لسانه
__________________________
من درب السبي الشيب البراسك بان
من بحبال شفت مكيده النسوان
اول مره عيني اتشوف شيب الوان
من طبينه ديوان ابن مرجانه
__________________________
ابوسط ديوان اميه الحيل رك وباد
يزيد يحاجي راسك شفته رايح راد
الشيب استعجل الراسك يبوالسجاد
وانه ابهظم روحي اعليك خلصانه
__________________________
عبدالامير السعيدي

خوات حسين وين حسين عنهن
شامت يحدي بالنوك بضعنهن
اجن بالضعن ردن بس عبيهن
مشن والروس تكطر دم عليهن
والله هضمه
______________________________

مشن وحده تلوذ بكتر وحده
مشن والشام عن كربله اشبعده
مشن وجفوفهن مجتوفه بحبال
وعله النوك الهزيله اشلون شده

راحن دمعه وحسره وشهكه
وأخيمهن ضلت. محتركه
لهل ساعه ولا وحده مصدكه
بموت اهلها

اذا طفله غفل وتطيح منهن
هذيج الساعه ياهو اليفزعلهن
يوكف رمح ابو السجاد عالكاع
وكلها اتصيح منجن يا طفل ضاع
والله هضمه
_____________________________

يصير الراس جدام الشماته
اذا واحد تكرب يم خواته
وهو راس برمح ينهظم لو شاف
دمعة زينب ودمعة بناته

روح الزينب شوف اشبيها
صعدت ناكه وعثرت بيها
مو جان الكافل حاميها
وينه عنها

مذهوله وتحشم راس اخوها
وترد وتصيح يم اولاد ابوها
يجعفر كوم ياعباس ياعون
اختكم باليسر وتريدكم عون
والله هضمه
______________________________

خذوهن للخرابه وفوك التراب
العبي افراش وغطه ومرات محراب
بت الزهره مو مالت. دواوين
تطب وتصد عليها الناس الاجناب

زينب مو. مالت ميسوره
وهيه من امها صوت وصوره
بس هيج احوال المجبوره
اخلاف اهلها

لبن مرجانه جابوها بلا روح
بكثر ماجانت من الفاجعه تنوح
بشماته عن اهلها يسأل اهواي
الماكو بكصته نكطت وفه وماي
والله هضمه
__________________________________

خذوها. للخرابه البيها لوعات
اعله باب الشام وكفت تسع ساعات
الخرابه الثانيه بحسرتها تلكون
رقيه اهناك ماتت والامل مات

بالطيف وشافت والدها
عن ترجيتها يناشدها
دمعتها الطاحت شيردها
دمعه حمره

توازه الشام بيها وجاب الاحزان
وراس حسين يقره اعليها قران
الكهف واهل الكهف تسمعله والناس
الدمع طك والسهم من عين عباس
والله هضمه
_____________________________

غريبه وطبت الديوان ملعون
وشابت بالبواجي اهداب العيون
كام. اكبالها. يتمرجل. وصاح
جا. وين اخوتج خلهم يفزعون

حجايات اهواي تأذيها
كافي اعليها الصاير بيها
ماضلت دمعه تبديها
من حزنها

كالت كون كد املاكه السيوف
جاما كابلتهم برض الطفوف
كريمه وظاكت الدنيه بخلكها
هد بالسوط كل قصده يطكها
والله هضمه
________________________________
عبدالامير السعيدي

يابويه من تمشي
وياك اخذ نعشي
يابويه اخذ روحي
واهاتي وجروحي
____________________

الكبر صار الك دار
شجاها المكبره تفرهد بالعزاز
اجه الليل. وصحت حيل.
خذت كل ذكرياتي اهنا يجناز

يشيال النعش هذا النعش رجعه
لا تتركني بين الحسره والدمعه

ماينفع اعتابي
بالمكبره احبابي
يم يا كبر نوحي
واهاتي وجروحي

_______________________

معانات. جراحات
يالعايش ابروحي ورايد وانساك
بالجروح علي تروح
وانه المشتاكه لحضه اتكابل وياك

شالو روحي مدري انشال تابوته
وطاحت دمعتي اعله الكاع ياقوته


انه العشت اشتاك
تجويني نار افراك
وانهدت اصروحي
واهاتي وجروحي
______________________

حرامات. علي مات
ابوي الجان بيه دنيانه ترتاح
صحت وين. يبوحسين
ولا جنك يبويه تسمع اصياح

ابكفه الجناز اصيحن تاني ماتاني
لحد ما تعثر الجلمات بلساني

بويه ذبل وردك
بالمكبره اشعندك
شو عالهجر توحي
واهاتي واجروحي
_______________________

اناديك. واحاجيك
يبويه ابكل صبح وبكل مسه اهواي
اتانيك. اجي اعليك
واكلت بلكي تكعد ترجع وياي

تره المثلك علي مايهجر احبابه
لو بيه باب كبرك جافتح بابه


يا بويه حاجيني
يا عشرة اسنيني
ريعي ونشف لوحي
واهاتي واجروحي
________________________

ردت كون. تحضرون.
بويه ابكربله وأمي تجي وياك
تشوفون. تفزعون
ياهو المنذبح والطايح اهناك

عزيز الله الحوافر تطحن اضوعه
وعلى صوب الخيم يتوازن ادموعه


وانه امشي مسبيه
ونار الهظم بيه
وعالرمح مذبوحي
واهاتي واجروحي

________________________

بالخيام الكلب هام
اروحن وين فوكي اشتعلت النار
والاطفال. بلحبال
يجتفوهم واديهم كلش ازغار

بيا حال الهزل لمن يجيبوها
وشتم وسياط ايتامي ضربوها


باللوعه والحسره
انه امشي وبعبره
ادعي تطلع روحي
واهاتي واجروحي

________________________
عبدالاميرالسعيدي

فكد الابو ماينحمل دوم
من عيني ماخذ لذة النوم
زينب زينب تكلك عني من تمشي
تعثر تعثر الدمعات بطرف رمشي
ياعلي. ياعلي
__________________________________

يبويه. اعيوني على افراكك مامعلمها
لاترحل يحيدر
الترافه الترافه لو درت مكفاك تلجمها
لاترحل يحيدر

اذكر ايامك يبويه جنه من نكعد سوه
احلامنه ابكد ماجبيره يختنك بيها الهوه
شمعة ايامك مناره ينحني يمها الضوه

ارد انشد النامو بالتراب
شنهي الدوه للفاكد احباب
ادري اهل المكابر تعرف بكلشي
تعثر تعثر الدمعات ابطرف رمشي
__________________________

الليالي بس طيف الحزن والنوح جابلي
وصاحلي الغريبه
اعله حالي. ضل يبجي المحب والعني متخلي
صاح اشهل مصيبه

محني ضهري والمصايب وكفن اكبالي سره
امس امي وهسه ابوي وباجر امشي اميسره
وسولفن عن جرح غافي اعله ابو اليمه ومنحره


علمني صبري وثكل الاحزان
ما اذب دمعتي شلون ماجان
بيدي حضرت ليام اليسر نعشي
تعثر تعثر الدمعات ابطرف رمشي
_________________________

الجرحني وبجاني الحسن لمن رحت يمه
وانه اخته الوحيده
شبكني. وكلي بلوعته وبحسرته وهمه
ويمسح دمعي بيده

الحسن عاينلي وعرفته شراد مني بنضرته
عنده طلبه وكلي بيها وصعبه جانت طلبته
اظم دمعي اعله الشماته مثل ماضم دمعته

جاوبته باجر بين الكبور
شيسوي بيه مصاب عاشور
مكسور مكسور جنحي وهدمو عشي
تعثر تعثر الدمعات بطرف رمشي
__________________________

يخوتي. ماضل كل دمع بالعين حتى ابجي
امنين اغرف دمعتي
بنخوتي. ياهو الردته منهم يحجي مايحجي
ويأشرلي سكتي

السكته ماترحم الفاكد لو عله اجروحه انتجه
البيت كون اللسان عنده فطر حيطانه وحجه
كوه بطل دمع عيني نزف جرحي ودم وبجه


شلون ابجي سكته عن الاخوان
وما نشف دمعي بمسح الردان
عندي عندي عرش بس انهدم عرشي
تعثر تعثر الدمعات ابطرف رمشي
________________________________

سبتني. دمعات الحسن وحسين والكافل
كل ما عاينلها
ولتني. حسره بكلبي من نضرات ابو فاضل
هاي ابيش احلها

اكبالي اشوفنهم حياره وبيهم أيفز الجرح
مالحه اهواي السوالف مدري جرحي البيه ملح
وسولفالي حسين قصه وجان شاهدها الرمح

كمت انتضرهم عني يمشون
وابدي ابسوالف وي العيون
رمحي من جف زماني موبجف وحشي
تعثر. تعثر الدمعات بطرف رمشي
_________________________________
عبدالاميرالسعيدي

بسمك محمد باهل الناس
ياعلي أيعرفك ترفع الراس
مولانا. علي. مولانا
___________________

عند الله اسمك قائد الفتح المبين
واول حرف انته بسور قرأنه
ولهل سبب اسمك أمير المؤمنين
اول علي وأول يضل عنوانه

علي أنته المحتوه
بالحمد والقلهوه
علي يا أول ضوه
علي بنسمات الهوه
علي ياراعي اللوه
بعلي كون الله انطوه
علي يعشكنك سوه
علي جف ايدك دوه
ياحيدر. ياحيدر.

أية الكرسي وأية النور
يالتحضر الماتو بالكبور
مولانا. علي. مولانا
__________________________________

الما ختم جفك جوازه اعله الصراط
للنار املاك الحساب اتكوده
والخاتم انته ابدفتره للجنه راح
غيره ومحنه تنكط من اخدوده

علي اليختم دفتره
عالصراط. ايعبره
علي هيبه ومفخره
مثله ما جابت مره
علي شيخ الحك تره
علي الدين ومنبره
ملك يوم الا خره
ابو سبع الكنطره

انته علي وغيرك علي امنين
ياهو المخلف مثل الحسين
مولانا علي. مولانا
__________________________________

يالتحضر ابكل معضله وتمحي الظلام
وحروفك اتضيع الشمس يم نورها
كبرك الجنه وطاحت ابوادي السلام
وفزعت اعليك الوادم من أكبورها

وعن قناعه وعن علم
علي يمبجي الزلم
علي ياعزم العزم
حصنك الما. ينهدم
علي الواضح بالاسم
علي بكوكب ينرسم
علي ياباب العلم
سورك الما. ينهدم

علي المقدس علي البرهان
علي وعلي بس اسمه قرأن
مولانا. علي. مولانا
_________________________________

هوه انته بيك اتلوذ كل الانبياء
وكبر محمد مدد بيك وناده
هوه انته رمز العز واساس الكبرياء
سيد الكون وسيد اعله الساده

علي سر الله العظيم
علي بالجنه قسيم
علي يالكلبك رحيم
علي امنجي اهل الرقيم
علي يا علم العليم
علي جنات النعيم
علي بالذكر الحكيم
الصراط المستقيم

يمنجي يونس من بطن حوت
معقوله انته ياعلي اتموت
مولانا. علي. مولانا
__________________________________

انته السياسي اليعشك احساس الفقير
اموالك الجيب الشعب منهوبه
انته امير الكل ملك صاحب ضمير
ماتحب كل حاكم يحب اجيوبه

علي يالحجيك ذهب
علي ياشرف نسب
علي يا اترف لقب
علي بعرش الله انكتب
اسمك ايطفي اللهب
عينك الهذا الشعب
كلشي بجيوبه انهب
علي يالتسوه العتب

يالجنت حارس انته للناس
مثلك نجيب امنين حراس
مولانا علي. مولانا
__________________________________

عبدالامير السعيدي

اعله بابك طشرت دمعي يمذبوح
الك روحي وقف من عالم الروح
ازورك من بعد وادعي
ازورك من بعد وادعي
_________________________________

يا وارث كليم الله ربك سلم وصلى
على روحك على اجروحك يقرأن
نبي اسماعيل واحزانه. ورثته وخذت عنوانه
الذبيح انته الامر طعته يقربان
جنت فوك الرمح عيسه مشت وياك قديسه
على الناكه والملاكه. صعب جان

سلام الله اعله جرحك والمعانات
يمن كالو ضوه بنص خيمتك مات
يمالك شوفي وي سمعي
ازورك من بعد وادعي
يمذبوح. يمذبوح.
_________________________________

محمد وارث ارسومه وعلمه وحلمه واهدومه
معاناته وكراماته والايات
يوارث فاطمه وونها خذت كسر الضلع منها
ومثل ونها خذت منها طفل مات
وارث حيدر وصبره لو تسبيحة الزهره
علي وعزمه وحروف اسمه كرامات

سلام الله يمالك نبض الكلوب
يالمبجي. محمد كبل يعكوب
بجيت وسولفت وضعي
ازورك من بعد وادعي
يمذبوح. يمذبوح
_______________________________

نبي ابراهيم والمنحر يالمضحي بعلي الاكبر
وكتب نحره عله الصحره عناوين
اكلب قصتك واقره. الك ربك فرش سفره
حجو عنها. كلو منها ملاين
انته الحجو سالفته وارث كل نبي بوكته.
وخدم فزعو. الك كتبو دواوين

سلام الله يراهب كل الاديان
عجب تبقى. على التربان عريان
يل مصابك حدر ضلعي
ازورك من بعد وادعي
يمذبوح. يمذبوح
__________________________________

يمصحف بالطف ترتل بلسان الحره فوك التل
بمصايبها ونوايبها. لكيناك
طحت متوسد الغبره. وصرت بعيونهن عبرن
يبو الفزعه. تره بدمعه نخيناك
ورثت ايوب لو صبره وجرحك خضب الصحره
نزف كله ومره تكله علي وياك

سلام الله يمن خليت تذكار
سهم ذابح رضيعك مدري مسمار
الك صبح وعصر ادعي
ازورك من بعد وادعي
__________________________________

يوارث قبة الصخره. الك فوك العرش حظره
مساحتها. مسافتها. بلا حساب
تجيك اتزورك الوادم. تشوف بكل كتر خادم
اجه بدمعه لزم ضلعه. بالمصاب
مجالس بالسمه اهوايه مواكب مدري مشايه
اجت تحدي مع المهدي لبواتراب

سلام الله اعله كلمن يطلب الثار
سلام الله كلت عالمشو. زوار
تره اليمشونلك ربعي
ازورك من بعد وادعي
__________________________________

هتف راس النبي يحيه وراسك سولف بوحيه
على العالم. كبل ادم بالف عام
شفت درب السبي كله بضهر حيدر وتندله
ومشه راسك باعز ناسك والايتام
ورثت المالهن ملكه. باب وخيم محتركه
وهمل جفنك كبل دفنك عالخيام

سلام الله لحد ما تطلع الروح
سلام الله اعله كلمن طاح مذبوح
يمن عشكك عشك شرعي
ازورك من بعد وادعي
يمذبوح. : يمذبوح
__________________________________
الخادم عبدالامير السعيدي

علي سلطان العشك علي يادين الصدك
والينه. والينه
__________________________________

علي نور. وعلي سور وعلي حسن الخاتمه
علي طيف وعلي سيف وعلي حماي الحمه

علي القرأن وبكيفه. علي من الله تكليفه
علي ابيوم الزعل فزعه تضهضب رايته وسيفه

علي ياخير العمل. سيفك من الله نزل
والينه. والينه
__________________________________

علي شاره. وعلي غاره. وكلها تعرف شارته
علي واحد علي قائد من يصول بمهرته

علي الحاضر ابكل شده. علي احزام النبي يشده
علي من ينطق بكلمه. شجاع وكلمته وحده


علي بالفتح المبين. علي اميرالمؤمنين
والينه. والينه
__________________________________

علي حيدر. علي منبر. علي ايه ومعجزه
علي كعبه. لليحبه. علي اكبر جائزه

علي المعروف مضمونه. معاجز تكطر اعيونه
علي الكرار بس هوه. ولي الله يسمونه

علي يا علم الكتاب. بس علي للجنه باب
والينه. والينه
__________________________________

علي واحد. علي خالد علي هيبه ومفخره
علي ابعلمه. لليفهمه. عالصراط ايعبره

علي وحروف ترتيله. علي اسمه من الله تنزيله
علي المرعبها بالميدان. الوادم صاحت ادخيله

علي شفنه احلى الصفات كل مسه ابدارك تبات
والينه. والينه
__________________________________

علي الوالي. علي العالي علي سلطان الوفه
علي الاعظم. علي الاقضم. علي غيره ومعرفه

علي ابكل الصحف ثايه علي القرأن مو ايه
علي ايوكف الفلك كله. اذا بس ينطق حجايه

ياصراط المستقيم . ياولي الله العظيم
والينه. والينه
__________________________________

عبدالاميرالسعيدي

شور


ياسيدي منك مدد.
ياقل هو الله احد
بس خدمتك تحيي النفوس
وانه الخدمتك بالمهد

اتمنى خدمتك
بيها اختم العمر
ارزقني مجلسك
من ادخل الكبر
من جفك ارتوي
خليني بالحشر
يامخلص الحجي
ارزقني بس بجي

يمك فدوه دمعي
طبعي بحبك ادعي
حبك عندي شرعي
حسينا

حالي وهذا حالي
غالي عندي غالي
يالساكن خيالي
حسينا
_____________________

كل ماشفت ماي الشرب
بسمك يضل يحجي الكلب
اترسني طعنات ودموع
من امشي للمجلس واطب

والناعي لو نعه
كون اشعر بألم
تفجعني كربله
من اذكر الخيم
ياسيد الحزن
ياسيد الخدم
سجلها حسرتي
ونوحي ودمعتي

لو وكفت اعله بابك
ابجي واذكر مصابك
سجل اسمي بكتابك
حسينا

يا امير المدامع
يالترد الودايع
انه بحزاني ضايع
حسينا
________________

يتوازن ادموعي سره
كل ما اشوف اميسره
وابقى بعذابي وصفنتي
والكه الدموع امخدره

بالصحره لو فتت
لو ناكه شاهدت
اتذكر الهزل
واتمنى لو متت
درب السبي صعب
واتذكر الطشت
سوط العده اشكثر
لوعها والجمر

والرقيه المصيبه
طفله جانت غريبه
والمواجع رهيبه
حسينا

طفله شبعت بواجي
وينه حلو المحاجي
مني سلبو تراجي
حسينا
____________________

انضر ضعن بيه فاجده
منها الغوالي مفرهده
تندب علي ويحضر علي
بخاجيته ويرد العده

عشت ويه محنتي
ياسيد العشك
وماتكضي قصتي
وبحزني محترك
من تجري عبرتي
اذكرها واختنك
ياما شلت علم
سجلني بالخدم

شيبت حتى راسي
من عشت هالمأسي
وانه مالحضه ناسي
حسينا

هالمجالس اطبها
طبعي واندل دربها
اعيوني تبدي بحربها
حسينا
______________________
عبدالاميرالسعيدي

بنات الطف تهم روحي لهمجان
اللهب بخيامي مدري انتن لهمچان
الحوافر مالگت بالطف. لهمجان
بصدر حسين وبخيمة. رقيه

عبدالامير السعيدي

ابو ذيات



حمدني الوكت مااريدن حميده
بنار بالفرگه احس گلبي حميده
عمي حسين من گلي حميده
مسح چفه اعله راسي وحن عليه
__________________________

خذوني مچتفه. والشوگ يرباي
اعله مهدك جفني ضل مصلوب يرباي
ربيتك. التالي. الشيب يرباي
متت. گبلي. وعفت. داري خليه

________________________________

بچه. جفني. بظلام الليل. شبچاه
بدمع شبه الرماح الصفت شبچاه
التل من وگفت. اعليه شب چاه
صبح. مثل الخيم بالغاضريه

_____________________________

رهينه اخيامي واحترگن شجي ارهن
استجارن. بس حرم بيه شجرهن
اعروگ. الخوه من گطعو شجرهن
سكتن. والرمح سولف. عليه

_________________________________


عبدالامير السعيدي

يالصادق ابيتك جمر شايل قضيه
ذكرك نيران الخيم بالغاضريه
مهما تدور الايام
ماتنسه حرگ الخيام. بالغاضريه
_____________________________________

كلما شفت نار اوجرت تنزل ادموعك ركضه
بعينك صور من كربله ما فارگنك لحضه
نار الگلب من تشتعل جفنك شلون تغمضه
ومن احترگ بيتك شفت من كربله شچم ومضه

من نار دارك شاهدت صورة مصيبه
واتذكرت طف كربله وركض الغريبه
گلبك ترف من ينضام
ماتنسه حرگ. الخيام
______________________________________
ركضن بناتك والجمر ماچوه منهن وحده
گالن لبونه البي ستر نمشي ونلوذ بسده
گلتلهن بقصه حرم مرت عليهن شده
چان البنات الطف ابو عالترب شافن خده

اتذكرت زينب لمن حرگو خيمها
بيمن تلوذ وعالترب شافت زلمها
وبيمن تلوذ ام جسام
ماتنسه حرگ الخيام

______________________________________

مرت اسنين وكربله خلت ابگلبك جمره
تچوي بدليلك والحزن ماعاف روحك مره
عالراح يم العلگمي ورد محني لازم ضهره
وتخيلت نوگ الهزل بالضعن طرن صحره


خانگتك. العبره عشت ذيچ الليالي
گلت الخيم واهل الخيم سكنو خيالي
كل يوم گلبك محتام
ماتنسه حرگ الخيام
_____________________________________

عالم خيالك منذبح فوگ الرمح سالفته
صح انته ماحاضر امس گطع النحر ماشفته
بس الذبيح ابكربله مر اعله بالك سكته
من عالمك للاخره بطيف الحزن شيعته

بجروحك التگطر هظم حزنك شبگته
سمعوك اهل المگبره لمن جهبته
شاركو حزنك خدام
ما تنسه حرگ الخيام

_____________________________________
مدرسة فقهك من شلت لليوم ضلت تنعه
علمك نبع ماينگطع والعرش مصدر نبعه
بعالم. البرزخ من يمر كل الارواح تسمعه
من سمموك اهل الحقد ضنهم تموت الدمعه

لهل الخيم فيض الدمع ويانه باقي
شيعتك تنعه الفاجعه ابطور العراقي
جرحك چبير من الشام
ماتنسه حرگ الخيام
______________________________________

عبدالامير السعيدي

گوم يمحطم الضواري وكاسر اخشوم الطغاة
گوم يحسين اعله بختك كلشي بالطف شفته مات
انخه ابو مريوش ذاك اليبس ارياگ الفرات
خل يرد اوالاد گوم الكفرت بماعونها


اگبل اعلينه محرم گومو يليوث العرين
وينكم يولاد حيدر يا تراث ام البنين
هجمت اعلينه العصابه الطيحت ذاك الجنين
اليوم ما وصه محمد لازم اتردونها

وين جاسم وين الاكبر وين شيال الثگال
وينكم يهل الحميه احسين بالطف وحده ضال
رادو يفردون عنه الكافل بحجة خوال
گلهم انه امي ابدويه ام الوفه ايسمونها


ضل رضيع احسين ضامي ومات ضامي ابلايه ماي
وانه عفت اهلي ضحايا وكلشي ضل ميت وراي
من جزيت اعله الهزيله الصوت شگ اذني ابگفاي
والله لو ما الله رايد يمنتي ايگطعونها


لو بزندي اچفوف ضلت چا گلبت الدنيه ليل
واشمر الجيش اعله جيش اشما انطاني الباري حيل
وما اخلي احسين طايح تردس اعله اضلوعه خيل
والحرم واطفال عندي سور اوگف دونها


عبدالامير السعيدي

عدل ما اعتقد الكاه وبيه روح
ابوي ابياكتر ياعمه مذبوح
يعمه لا ابوي حسين سالم
ولا واحد بقه من ال هاشم عمه عمه
________

انخمش كلبي وجرح بالروح حسيت
من شفت المهر خالي اجاني
يعمه وسرجه ملوي بلايه خيال
نمت كوه وصهيله فززاني

رحت يمه ولكيت الدم واشمنه
بيه عطر المحنه وانه اعرفنه
لكيت احزام ابوي اشطيحاه منه

صحت ميمون خيالك وكع وين
البكه ابراسج يكلي راح الحسين
وشفت عالكاع متطشره العمايم
ولا واحد بقه من ال هاشم
عمه عمه
_________

كصدت المعركه وتوازت الكاع
من كثر الجثث ضايج خلكها
رحتله وشفت منه ولا ضلع ضال
أله ورضته الخيل بسحكها

يعمه وبيه نفس خليته ابحضني
يدنيني اعله حضنه وراد يشبكني
رفع ايده لمن شاف الشمر طكني

يريد ايكوم بس مابيه بعد حيل
بكثر ما كسرت بعضامه الخيل
ميت والحزن يم نحره نايم
ولا واحد بقه من ال هاشم
______

اجه اكبالي شمر يتشمت وصاح
ذبحت السيد الهيبه ابن الاشراف
شايل راس ابوي وهوس اهواي
وكبل ساعه وهو. من خزرته يخاف

جفاني الجان ما يسبكني بالنومه
اشم اهدومه اريد وسلبو اهدومه
بجيت وكلي هاي العبره مرحومه

العجب حاجاني نحره ونحره مكطوع
اضن جان الحجي بلسان الضلوع
لسان الحال كلي حسين صايم
ولا واحد بقه من ال هاشم عمه عمه
________

حجت زينب حجيها ايشيب الراس
تكلي شصار بيه من مشيتي
وانه بين الحسين وبين عباس
اروكض والحزن بان بمشيتي

يعمه اعليج ادور لو على ابن امي
اسمعت صوته وادور كلشي مايمي
افزع واهلي ماهم لا ولد عمي

شكلج من رجعتي صار المصاب
لكيت حسين صاير حدر التراب
سحك الخيل وسهام وصوارم
فوگ الگاع عمه عمه
________
اجاني الليل ابوي الهسه ماجاي
الضلمه تخوف الماعدها والي
وانه من راح عني اجروحي اهواي
واتعثر گمت حتى بخيالي

ركضت من الهظم للحومه مرعوبه
ابوي الگيته ناس اتسحول ابثوبه
ناس وخيل چنها الدنيه مگلوبه

يعمه لو دريتي اشصار ماصار
اضلوع احسين ابوي اهناك طشار
كل حافر ضلع من صدره ثالم
ولا واحد بقه من ال هاشم
________
عبدالامير السعيدي

خدام الك يبن الزچيه
تلگانه دمعه بكل عزيه
_________

كل خادم جدامك قدم خدمته
تشهد لطمة صدره وحزنه ودمعته
مسموع بكل مجلس صوته وونته
بثوبه الاسود كاشخ واسمك هيبته

كلما نزور الغاضريه
تلگانه دمعه بكل عزيه
_________

نتگابل بالمجلس ونقيم العزه
غايتنا بدمعتنه تتوازه وزه
نطلب منك نضره اكبر جائزه
شگد من فضلك شفنه ايه ومعجزه

يغمرنا عطفك هل مسيه
تلگانه دمعه بكل عزيه
_________
حروف اسمك مملوحه وتنگط نده
كلما رتلناها يحتار. الصده
نذبحلك صفنتنا ودمعتنا فده
يالتحضر كل خادم لوضل وحده

بالگبر تحضر والرزيه
تلگانه دمعه بكل عزيه
_______
احبابك يم. بابك تتنفس هوه
اهنا خادم لمصابك بدموعه انچوه
اهنا رتل بحروفك مثل القلهوه
والضايع ضي عينه يحس عشگك ضوه

انته الملك واحنه الرعيه
تلگانه دمعه بكل عزيه
______
كل عاشگ مر يمك وبعشگك دره
تتقدم خدامك. والوادم وره
بس حبك بيه فوز بدنيه واخره
طلگ كلشي ايحبه وبحبك سره

نحبك يبن حامي الحميه
تلگانه دمعه بكل عزيه
________
من فضلك ترزقنه وتنطينه هبه
هذا ترزقه الدمعه وذاك المنقبه
وهذا بجاه اترزقه وينصر مذهبه
وهذا مخلبص عمره وانته ترتبه

سوانه حبك رافضيه
تلگانه دمعه بكل عزيه
______
عبدالامير السعيدي

للحومه طب يتباها.
اية رعب يقراها
حيو گمر عدنان
_________

بالحومه عم الساده. طبها وحچت بعناده
جدامه كل القاده. مرعوبه.
يتمايل اعله الشگره. عتها وحچتله المهره
شد رايته بنص ضهره بحروبه
كلما يشد صولاته. يتمايلن ريشاته
والحومه بحچاياته. مگلوبه



صال وتچنه ابزوده.
بمتونه هوس جوده
حيو گمر عدنان
__________

وبكيفه يمشي ابراحه .والحومه مامرتاحه
گال اليذب اسلاحه.من خوفه
أسره وعتقهم لله. سيفه ابرگبهم صلى
هاي العساكر والله مچتوفه
فحطهم وطب ليها مدري الشريعه اشبيها
يغرفها ويبديها بچفوفه


طبها ولكد ميمونه
ليث الوغه ايسمونه
حيو گمر عدنان
_________

غيمه وعجاج بعزمه. ب اعمامه ضهره محزمه
يطوي الفرس والزلمه بذراعه
راجح كلامه ورايه. بچفوفه هز الرايه
هذا اليعزب اهوايه بطباعه
يثنيها ويعدلها. عاليها وي سافلها
چم عاصفه اجفوفه الها. بگل ساعه


زود المعالي بچفه
كفه الگفيل ووفه
جيش ال اميه ايعرفه
بعيونه غيض اهواي
________

فارس حچه بمضمونه تجدح شرار اعيونه بالگنطره يعرفونه بريشاته
ذب الدرع من ايده. ناوي اعله صيد يصيده
حي الله صگر البيده بصولاته
ملح السوالف كلها. والصعبه هوه يحلها
طب كربله وزلزلها بفزعاته

يوم الحرايب يومه
واحتارت الملزومه
حيو گمر عدنان
________

صدها ولكدها بكيفه بالحومه لعب سيفه
ملك المنيه ضيفه حي زوده
زلمة كلافه وملگه. . بزماطه ياخذ حگه
بالگصه غيره وعرگه. معگوده
هوس عالمسنايه شال بيمينه الرايه
الخوه گال الهايه. مريوده

خطواته من ثگلها
گال البعيده اوصلها
حيو گمر عدنان
_________

شال الشريعه وهدها روس الزلم فرهدها
مات الوگف شاهدها. جدامه
كل السوالف جسها. بجدمه وكف يردسها
والحومه كطعت حسها بحزامه
يمنه اعله يسره يذبها بس جربته يحجبها
من خزته يعذبها. ولثامه


وكفت كتايب صارت ضده
بعيونه غيض تبده
حيو كمر عدنان
_________
عبدالامير السعيدي