“Natija uchun qo’llanma” Maqsad yopiq klubimizdagi birinchi videodan parcha.

Ushbu mavzu birinchi bo’lib shaxsiy kanalimda ochilgan, shu sababdan bu videoni aynan o’sha audioga qo’shimcha sifatida qabul qilsangiz bo’ladi.

@abdusattor

Ishlatmayapsizmi? Demak kerak emas.

Inson tanasi juda ham zo’r optimizatsiyaga yo’naltirilgan tizim. Agar siz ma’lum bir tanangiz funksiyasini ishlatmasangiz, organizm undan vos kechadi. Nega? Chunki foydasi yo’q narsaga, quvvat ketqizish mantiqsiz.

Siz bir yil davomida 10 kg muskul yig’diz deylik, siz jismonan ularga bosim bermasangiz, tanangiz ulardan vos kechishni boshlaydi. Nega? Chunki 1 kg muskulni ushlab turish uchun, organizm unga alohida resurs sarflaydi, kaloriyalar, vitaminlar, har xil moddalar. Tekinxo’rlar, ishlamaydiganlar organizmga kerak emas.

Har bir tana a’zoyingiz yaratilgan vazifasini bajarishi shart. Tishlaringiz qattiq ovqat tishlamay qo’ysa, to’kilishni boshlaydi. Oyoqlaringiz yurmay qo’ysa, tizzangizdagi suyuqlik jabr ko’radi. Va yillar o’tganidan keyin tizzangiz og’rishni boshlaydi.

Ta’nangizni haqqi bor, haqqini hech bo’lmaganida qisman bajaring. Gap uzoq umr ko’rishda emas, sifatli umr ko’rishda.

Shu postni o’qib turganingizda, tanangizdagi bir hujayra ma’lum bir sabablarga ko’ra kayfiyatini o’zgartirsa, biz yana bir bor qiziqarli biologik jarayonni ko’rgan bo’lamiz. Sizda endi rak bor.

Bu juda ham qiziq, chunki siz dunyodagi eng sog’lom turmush tarzini tutadigan odam bo’lgan taqdiringizda ham, siz bunday holatdan mustasno emassiz.

Hammasi sizning qo’lingizda emas!

Hayotning go’zal tarafi ham shunda, bizga berilgan shartlar bilan yashashga majburmiz. Mas'uliyatli insonni bu hafa qilishi mumkin, mas'uliyatsizni esa aksincha. Lekin bu haqiqat, insonni hayotida juda ko’p narsa uning boshqaruvida emas.

Lekin, bizning boshqaruvimizdagi kichik hayot qismiga to’laqonli o'zimiz javob beramiz. Bugun nima foydali ish qildingiz? Chunki hammasi ham sizning qo’lingizda bo’lmagan taqdirda ham, qo’lingizdan kelganini qilishingiz, inson sifatida ma’suliyat olganingizdir.

Chunki ertaga hujayrangiznining kayfiyatini o’zgarib qolishi mumkin.

💎 “Maqsad Club” hamjamiyati: Iyul oyi sarhisobi

Hamjamiyatimiz ochilganiga 2 oy bo'ldi.

Birinchi oydagi natijalardan so'ng, iyul oyida:

1. “Maqsad Club” botimiz ishga tushdi (Maqsad Club ekotizimi shu botda qurilishni boshlaydi)
2. Savol-javob: Abdulla Jabborov bilan jonli videochat
3. Yurish sizni qutqaradi (Video)
4. Yolg’iz inson hech narsaga qodir emas (Audio podcast)
5. Savol-javob: "O’zbekcha Separatsiya. Ota-onadan mustaqil bo’lish. Ulg’aygan inson ta’rifi." (Video)
6. Bo'ydoqlar orasidagi gormonal o'zgarishlar. Furqatov Akbarshox (Video)
7. O'qish uchun berilgan 2 ta kitobning yakuniy tahlili. (Video)
8. Sifatli va to'g'ri ozish. Abdulla Jabborov (Video)
va 10dan ortiq postlar.

Bundan tashqari:
1. Yangi challenj boshladik;
2. Yana bir yangi hamkorlik o'rnatildi;
3. Sog'liq yo'nalishi bo'yicha ustoz spiker jalb qildik.

P.s. Avgust oyidan shaxsan o'zim 365 kun davomida kuniga 10$ dan raqamli aktivlarga sarmoya kiritish chellenjini boshladim.

🏅Hamjamiyatga qo’shilish narxi hali ham 88.000 so’m, @maqsadmanager ga + belgisini yuborsangiz qo’shilish uchun havolani qabul qilasiz.

To‘g‘ri ovqatlanish

Oxirgi chiqqan videoda, to‘g‘ri ovqatlanish bo‘yicha post joylayman degan edim. Bu mahsulotlar ro‘yxatidan voz kechsangiz, siz to‘g‘ri ovqatlanish asosini bajargan bo‘lasiz. Buni har qanday bilimli diyetolog tasdiqlaydi.

Voz kechish kerak bo‘lgan mahsulotlar ro‘yxati:

Albatta, birinchi o‘rinda shakar. Klubimizda shakar chellenji bo‘yicha post bergan edim, o‘sha postni shu yerda qaytarib yuboraman. 

1. Har qanday tarkibida shakari bor mahsulotlar. Supermarketdan tayyor qadoqlangan mahsulot olib turganingizda, doim tekshirib, o‘qib keyin xarid qiling.

2. Shakarli ichimliklar. Energetiklar, tarkibida shakari bor soklar va gazli ichimliklar.

3. Turli xil souslar, ketchup, mayonez va hokazo.

4. Shakari bor tayyor go‘sht (aslida 70% go‘shti yo‘q) mahsulotlari. Bunga kolbasalarning barcha turi kiradi.

5. Shirinliklarning barcha turi.

6. Tarkibida shakari bor nonlar. Ba’zi bir qadoqlangan nonlar tarkibida shakar bo‘lishi mumkin.

Novvot mumkinmi deydiganlarga, novvot — bu shakar! “Novvot nima?” deb googleda qidiring. 1 yil davomida shu savolni so‘rab keladiganlar bor.

🍯Asalni faqatgina tabiiy, shakar bilan boqilmagan asalarilar asalidan iste’mol qilishingiz mumkin. Shunda ham, me’yori bilan.

Keyingi 30 kun ichida qo‘shilgan sun’iy shakar deyarli 80% mahsulotlarda borligini anglab, hayron qolasiz. Bu sizning sog‘lig‘ingizni va pulingizni asraydi. Ongli ovqat iste’mol madaniyati shundan boshlanadi.

Oziq-ovqatda 80/20 Pareto qonuni aynan shu. Men bu chellenjni yakunlab, 8 oydan keyin YouTubeda video chiqarganman. Va aniq ayta olamanki, shakardan voz kechish bu shunchaki vazn tashlash emas, bu ongli hayot boshlash uchun zarur bo‘lgan qadam.

Keyingilari:

1. Xamir mahsulotlari 

Xamir mahsulotlari ko‘pincha yuqori kaloriyali, oson hazm bo‘ladigan uglevodlarga boy bo‘lib, insulinni tez ko‘taradi va foydali moddalar kam bo‘ladi. Bu esa semirish, qandli diabet va boshqa sog‘liq muammolariga olib kelishi mumkin.

2. Uzoq qovurilgan mahsulotlar 

Qovurilgan mahsulotlar ham ko‘pincha yuqori kaloriyali va trans yog‘larga boy bo‘ladi. Bu esa yurak kasalliklari va yallig‘lanishlar xavfini oshiradi.

3. Yuqori darajada qayta ishlangan mahsulotlar. 

Buning ichiga, qadoqlangan ovqatlarning asosiy qismi kiradi. Kolbasalar, chipslar, tayyor ovqatlar, konservalar. Bu turdagi mahsulotlar ko‘pincha sun’iy qo‘shimchalar, konservantlar va ortiqcha tuz bilan to‘ldirilgan bo‘ladi.

Ovqatning asosiy ma’nosi bizga ozuqaviy qiymat berish, kayfiyatimizni ko‘tarish emas.

@abdusattor

Musiqa juda ham kuchli ta’sir o‘tkazadigan vosita. Musiqa orqali insonni kayfiyatiga, og‘riq sezishiga va hattoki supermarketlardagi tanlovlariga ta’sir o‘tkazsa bo‘ladi. Masalan, mana bu tadqiqotga ko‘ra, yoqimli musiqa 10 balli shkala bo‘yicha og‘riq kuchini o‘rtacha 1,13 ballga kamaytiradi. Musiqa tinglash paytida yurak urishi, qon bosimi va nafas olish tezligining pasayishi odamning tinchlanishini ko‘rsatadi. Bundan tashqari kreativlik, ish samaradorligini, diqqatni ham oshirishi mumkin. Ajoyib a? 

Faqat tanganing teskari tarafida, musiqaning xulq-atvor targ‘ibotiga ham ishlatsa bo‘ladi. Klassik musiqani eshitib ko‘ring va zamonaviy pop musiqani eshitib ko‘ring, qayerda san’atni sezyapsiz? Agarda bu mavzuga chuqurroq kirishaman desangiz, trendlardagi musiqalarning she’rlariga e’tibor bering. Chiroyli ritm bilan, sizga “armondagi sevgi”ni targ‘ib qiladigan musiqa sizni kuchli qiladi deb o‘ylaysizmI? Lug‘ati 4 ta so‘zdan iborat bo‘lgan musiqa sizni aqlli qiladi deb o‘ylaysizmi? 

Mana buni eshitib ko‘rib, taqqoslang.

@abdusattor

O'zbekistondagi eng baland binoning eng yuqori, 52-qavatida mana shu qushni ushlab oldim. Eng qizig‘i, "Nest One" so‘zi "Qush uyasi" degan ma’noni anglatar ekan.

@abdusattor