📆 Agar sizda reja bo‘lmasa, siz tashqi faktorlar qurboniga aylanasiz.

Xaos reja yo‘qligidan kelib chiqadi. Rejasiz yashaydigan odamlar xuddi okeanda maqsadsiz suzib yuradigan kemalarga o‘xshashadi. Ular boradigan manzilni o‘zlari emas, balki shamol hal qiladi.

Shuning uchun, bu haftani rejalashtirib, har bir kuningiz yakunida siz nimalar qilishni xohlashingizni aniqlab oling.

Realist bo‘ling. Natija uchun kerak bo‘lgan eng minimal vazifalarni bajarishdan boshlang.

1 kun = 1 ta bajarilishi kerak bo‘lgan eng muxim vazifa.

@abdusattor

⌨️Samaradorlikni oshirishning eng oson yo‘li. Bu usul intizomning ilk bosqichi hisoblanadi.

@abdusattor

📰Yangiliklar sizni hissiy nogiron qiladi.

Ma’lumotlar shovqini. Negativ fikrlash. Diqqat jamlolmaslik.

@abdusattor

🗣So‘z qadri

Agar insonni gapiradigan gapi bo‘lmasa, u sukut saqlashi afzalroq. Omma bilan bo‘lishadigan fikr majburlikdan emas, balki xohish bilan kelishi kerak. Shundagina uni qadri bo‘ladi.
Ijtimoiy tarmoqlarni faol yuritaman deb, inson o‘zi bilmagan holda atrofni keraksiz shovqin bilan to‘ldiradi.

Fikrlar qadrsizlanishi esa sizning jamiyatdagi ta'siringizni kuchsizlantiradi.

@abdusattor

📝Siz bir ishni qanday bajarishingiz, hayotingizdagi qolgan barcha ishlarni qanday bajarishingizni ko‘rsatadi.

Sizning uyingiz qanday holatdaligi sizning hayotingizdagi boshqa narsalar qanday ketayotganiga to‘g‘ridan-to‘g‘ri proporsionaldir. Shaxsiy gigiyenaga e'tibor bermaydigan odamni, kundalik hayoti ham e'tiborsiz bo‘ladi.

Ertalab nimani va qanday tartibda qilishingiz kunning qolgan qismini qanday kayfiyatda o‘tkazishingizga ta'sir qiladi .
Iste’mol qilayotgan kontentingiz, ruhiy holatingizning aksidir.

Kundalik hayotingizning barcha detallari juda ham muhim.

@abdusattor

🪙16 yoshli bola uyda o‘tirib, onlayn 1000$ ishlab topganida, 40 yoshli erkak 300$ dollar evaziga zavodga ishga boradi.

Bu dunyoda adolat bormi?

Yo‘q. Biri o‘zgaruvchan dunyoga moslashib oldi, ikkinchisi eskirgan dunyoqarashida yashashni davom ettirdi. Haqiqat shundaki, dunyo uyda o‘tirib “oson” pul topganga ham, zavodda beli bukilib ishlaganga ham muhtoj.

Zavodda ishlaydigan odam jamiyatga ko‘proq foyda olib keladi deyishingiz mumkin, lekin uning oyligini men emas, mehnat bozori belgilaydi.

Shu uchun sizlar bilan kelishib olaylik. Dunyoda adolat yo‘q va biz buni qancha vaqtliroq tan olsak, shuncha yaxshi bo‘ladi.

@abdusattor

📆Doimiylik, bu inson rivojlanishining asosi.

Hayotingizni har qanday qismida, sizni aqlingizga keladigan har qanday kasbda, sizga kerak bo'ladigan yagona narsa. Shogirdni usta qiladigan, havaskorni professional qiladigan, jamiyatda o'rni yo'qni eng oliy darajaga olib chiqadigan sifat.

Bundan kuchliroq sifat yo'q. Aql va dunyo ko'rmagan iste'dod doimiyliksiz bir tiyn.

Doyimiylik nafaqat qilayotgan ishingizda, balki kayfiyatda, do'stlikda, oilada va qadriyatlarda ham kerak.

Yagona oliy maqsad va doyimiylik. Sizga kerak bo'lgani faqatgina shu.

"Hechkim bilmaydigan muvvaffaqiyat siri" deb nomlangan treningimiz tugadi. Arzimaydi!

@abdusattor

⏳Vaqt o‘tgan sari, inson qilingan ish hajmiga emas, qabul qilgan qarorlari uchun to‘lashini tushunib yetdim.

Bugun yana bir qaror qabul qilindi.

Oldi qochdi gaplarsiz, inson tabiyatini fundamental darajada tushunib yetishga harakat qilamiz. O‘zligimizni tushunishimiz, atrofni o‘zimizga ust-bosh kabi loyiq qilishga kuch beradi.

Shuncha vaqtdan beri, meni unutmay yangilik kutganlarga katta rahmat. Men hech qayerga ketganim yo‘q, biz davom etamiz. Endilikda bu yerda doimiylik bizning asosiy shiyorimiz bo‘ladi.

📹Tez kunlarda Maqsad YouTube kanalida ko‘rishguncha!

📺 Ijtimoiy tarmoqlardan foydalanish bepul

Lekin aslida ularni haqiqiy narxi bor.

U narxni biz orzularimiz va maqsadlarimiz bilan to'laymiz.

Gap nafaqat ijtimoiy tarmoqlar haqida balki haqiqiy hayotdan qochish uchun ishlatiladigan har qanday vositada haqida ketmoqda. O'yinlar, seriallar, "foydali" bo'lgan videolar va xattoki ovqatlar ham. Chunki ularning barchasini vazifasi bitta bizni real voqealik bilan yuzma yuz qoldirmaslikdir. Ammo qancha qochsak ham, bir kun kelib uyg'onishga majbur bo'lamiz.

Zamonaviy insonni iste'mol madaniyati butunlay buzilgan va bu mavzuda "Maqsad" loyihasida gaplashamiz.

@abdusattor

😲 O’rta qatlam raqobatida yutib chiqish yo’llari.

Quyosh tagida o’z o’rni uchun kurashishga tayyorlar darajasiga chiqish.

@abdusattor

🎙Ushbu kanal tarixida hozirgacha umumiy olganda 11 ta podkast bo'libdi. Bilaman, ko'p odamlarga ular ma’qul keladi. Shu sababdan qaysidir podkastni o'tkazib yuborgan bo'lsangiz deb ularni bir postga yig’ib qo’ydim.

Podkastlar:
1. Shakar - ommaviy narkotik.
2. Qo’lingizdagi imkoniyatdan foydalaning!
3. Motivatsiya bu axlat!
4. Imkoniyat yo’qligi, harakat qilmaslik uchun bahona bo’la oladimi?
5. Erkaklikka qarshi urush
6. Noliydigan jamiyat va uning dunyoqarashi.
7. Hayotga turlicha qarash va yechimlarni ko’rolmaslik.
8. Internet gigiyenasi.
9. Samaradorlikni oshirishning eng oson yo‘li.
10. Yangiliklar sizni hissiy nogiron qiladi.
11. O’rta qatlam raqobatida yutib chiqish yo’llari.

@abdusattor

💬Go‘zal bahorning 10-kunida sizlarga Seneka ismli Rim faylasufining bir gapini eslatib o‘tmoqchiman:

“Bizga qisqa hayot berilmaydi, lekin biz uni muhim bo‘lmagan ishlar uchun uvol qilib qisqartirib qo‘yamiz. Hayot aslida uzoq davom etadi, agar uni qanday ishlatishni bilsangiz.”

Bugun juda ham yoqimli havo bo‘ldi, dunyo ishlarini chetga surib, kechgi sayrga chiqing.

Barchangizni Muborak Ramazon oyi bilan tabriklayman!

@abdusattor

Loyihamizning ilk videosi 600k'ga yaqin ko‘rilibdi

Biz bu videoning bu darajada ommalashib ketishini kutmagan edik. Video ostida qoldirilgan izohlar shaxsan meni hayratga soldi.

Videoda biz hozirgi vaqtda erkaklarning zaiflashib borayotgani, o’z vaqtida ulg’aymayotganligi va bunga yumshoqlashib ketayotgan jamiyat sababchi ekanligini aytganmiz. Ushbu videoda keltirib o’tilgan tahlillar va turli manbalardan olingan statistik ma’lumotlar mavzuning shunchaki o’ylab topilmaganligini, aksincha jamiyatda haqiqiatan ham shunday og’riq mavjudligini ko’rsatadi.

Xususan, erkaklik inqirozi videosi chiqarilgandan keyin juda ham ko’pchilik yoshlar aynan videoda aytib o’tilgan psixologik holatga tushib qolganini yoki shunday holatni boshidan o’tkazganligini aytib menga xabarlar yozishdi. Agar ushbu video orqali kimlargadir yordamim tekkan bo’lsa, men bundan bag’oyat xursand bo'laman.

Shu bilan birga, men jamoam bilan birga sizlar uchun yana bir qiziq mavzu ustida ish olib boryapmiz. Tez kunlarda ushbu materialni sizlarga havola etaman. O’ylaymanki, ushbu video ham insonlar uchun manfaatli bo’ladi!

📹 ”Erkaklik inqirozi”

@abdusattor

🍰 Shakar ommaviy narkotik

Shakar haqida chiqargan ushbu videomiz salkam 700K ko’rilibdi. Bu meni juda ham xursand qildi. Videoda men aytib o’tgan ma’lumotlar va tavsiyalar ko’pchilik insonlarga manfaatli bo’lganini menga yozilayotga izohlardan ko’rib turibman. Ushbu videodan keyin ko’plab insonlar shakardan butulay yoki 30 kun davomida voz kechganliklarini va ushbu qaror ularning hayotlariga ijobiy ta’sir qilganini yozishdi.

To’g’risini aytsam mening o’zim ham bu kabi natija bo’lishini kutmagan edim. Asosiysi insonlar o’zlari uchun manfaatli ma’lumot olishdi. Bundan tashqari juda ham ko’p insonlar shakar deganda faqatgina choyga qo’shiladigan oddiy oq shakarni tushunib qolishgan. Afsuski shakar nafaqat choyga qo’shiladigan mahsulot balki atrofimizdagi biz iste’mol qiloyatgan barcha mahsulotning tarkibiga qo’shiladigan “NARKOTIKDIR”.

📹 "Shakar ommaviy narkotik"

@abdusattor

🔔Vaqt tez o‘tib ketyaptimi yoki biz vaqtni tez o‘tkazib yuboryapmizmi?

Ushbu video inson naqadar qo‘rqinchli darajada ijtimoiy tarmoqlarga qaram bo‘lib qolganligi va bu odat qay darajada inson hayotini barbod qilib turganligi haqida.

Ishonamanki, ushbu video raqamli iste'mol madaniyatingizni qaytadan ko‘rib chiqishingizga va ma'noli hayot kechirishingizga yordam beradi.

📹 Raqamli qullar. Nosog'lom jamiyat:
https://youtu.be/D9t2Zj1zYzc

@abdusattor