🌳Hayotda shu daraxtga o’xshash odamlar bor. Ular hayot adolatli emas deb nolimaydi, boshqalarni ayblamaydi va tashqaridan yordam kutmaydi.

Ular nima bo'lishidan qat'iy nazar o’sishda davom etishadi.

@abdusattor

💡Nimadirni o'zgartirish uchun yangicha fikrlashni kashf etish kerak.

Uzoq vaqtdan beri tanish bo'lgan fikrlar va his-tuyg'ular bizni o'zgarmas holatda ushlab turadi va ular eski hayotingizda hech narsa o’zgarmasligiga kafolat beradi.

Shunday qilib, agar siz haqiqatdan biror narsani o'zgartirmoqchi bo'lsangiz, siz eski narsalarga yangi tarafdan qarashingiz, his qilishingiz va harakat qilishingiz kerak bo'ladi. Voqealarga odatiy reaksiya bildirishdan voz keching.
Yangi natija uchun siz boshqa odamga aylanishga majbursiz.

Sizga yangi ruhiy holat va yangi natijalar haqida yangicha fikrlash qobiliyati kerak.

@abdusattor

Men boshqalarni ayblashning foydasi yo'qligini va hayotingiz uchun shaxsiy javobgarlikni qabul qilishingiz kerakligini aytganimdan keyin. Menga nisbatan nafratga to'la ba'zi xabarlarni qabul qila boshladim. Men ularning his-tuyg'ulariga shunchalik tegib ketdimki, ular chidab turolmadi. Chunki so'zlarim bilan ulardan boshqa hamma aybdor bo'lgan qulay dunyosini xavf ostiga qo'ydim. Ular hech qachon o'z xatolarini tan olish uchun kuch topa olmaydilar, ular biror narsani o'zgartirishga ojizdirlar. Ularning qo'lidan yangiliklarni o'qish va atrofdagi hamma narsa yomonligini muhokama qilish keladi. Ularda biror narsani o'zgartirish uchun na bilim va na xohish bor. Men ular yashayotgan botqoqda yashashdan bosh tortaman. Ular iflos barmoqlari bilan xohlagan narsalarini yozishlari mumkin ammo oxir-oqibat natija hamma narsani ko’rsatadi.

@abdusattor

Ba'zan boshqa odamning muammolarini hal qilish orqali biz uning hayotini yanada yomonlashtiramiz.
Men odamlarning shaxsiy hayot yo'lini mustaqil ravishda o'tishiga to'sqinlik qilmasligim kerak. Men uchun bu jinoyatga teng.

U inson sifatida yaxshilanmaydi, ma'naviy yuksalmaydi va butun hayoti boshqalarning yordamiga bog'liq bo'ladi.

Ha, ba'zida kimdirdan maslahat so'rash mumkin, lekin odam o'z savollariga mustaqil ravishda javob topa olmaganidan keyin.
Odatda esa, "Men internetda savolimga javobni topolmadim, chunki u yerda judayam ko'p ma'lumotlar bor. Yaxshisi, siz vaqtingizni sarflab, menga tayyor ma'lumotni topib bering"

Va buni faqat tanqidiy fikrlashga ega bo'lmagan odam aytishi mumkin.
Bugungi kunda inson hozirgi voqealikka moslashishi va hech bo'lmaganda ma'lumot izlash kabi muhim ko'nikmalarni o'rganishi kerak.

"Mas'uliyatni birovga yuklash sindromi" dardiga chalingan odamlarga, yetuk bo'lib, o'z hayoti uchun javobgarlikni o'z zimmasiga olishi haqida kichik eslatma.

@abdusattor

🧠Har bir erkak hayotining bir bosqichida, o‘z atrofidagilar hayotining sifati uchun ma’suliyat olish kerak bo‘ladigan vaqt keladi.

Aynan siz qabul qiladigan qarorlar sizning yaqinlaringiz farovon hayot kechirishiga bog‘liq. Bu vaqtda esa ma’suliyat sizni ezishni boshlaydi. U shunchalik kuchli bo‘ladiki, natijada siz o‘zingizni ba’zida kuchsiz his qila boshlaysiz.

Ammo aynan shu yerda erkak, erkaklik tabiatini kashf qiladi. Bosim uning tabiatini ko‘proq va kuchliroq ochilishiga yordam beradi.

Mas’uliyat erkakka aylanishning yagona yo‘li!

@abdusattor

👤Depressiyaga faqat bir joyda qotib qolganlar chalinadi.

Oyoqlari ostidagi yerni bor vujudi bilan his qila oladigan odamlarda depressiya bo‘lishi mumkin emas.

Depressiv fikrlar dangasa odamlarga xos. Agar siz o‘zingizni band qilishni bilmasangiz, u holda miyangiz "sizni band qiladi".

Siz hayotda aql bovar qilmas darajada hissiy belanchaklarni boshdan kechirishingiz mumkin lekin men ishonch bilan ayta olamanki, har qanday vaziyatdan chiqishning yagona yo‘li — o‘z ustingizda ishlashdir.

Aslida siz nimani yoqtirmasligingizni va hayotda nimalar sizga noqulaylik tug‘dirishini juda yaxshi bilasiz. Ammo tushkunlikka tushishga qaror qilib (ha, aynan bunga o‘zingiz qaror qilasiz), his-tuyg‘ularingiz oldida kuchsizligingizni tan olasiz va hayotingiz mas’uliyatini ularga topshirib qo‘yasiz.

Mas’uliyatdan bosh tortdingizmi, demak siz depressiyaga loyiqsiz.

@abdusattor

🏌🏽‍♂️Donolik — ulkan sabr-toqat mahsulidan boshqa narsa emas. (Buffon Jorj Lui)

Inson bu gap ma’nosini uzoq yillar davomida tushunadi. O‘zingiz tanlagan yo‘lga sodiq qolib, barcha qiyinchiliklarni sokin ruhiyat bilan yengib o‘tkazganingizdan keyingina mukofotlanasiz.

Nima qilishingizdan qat’i nazar, hayotingizdagi barcha muhim narsalar yillar davomida quriladi.

Mukofotingizni kuting.

@abdusattor

Yangiliklar sizni hissiy nogiron qiladi.

Agarda siz stabil kayfiyatli inson bo‘lish niyatida bo'lsangiz, 99.9% yangiliklardan voz kechishga majbursiz.

Sizning asosiy vazifangiz negativ va hayotingizga ta'sir qilmaydigan har qanday yangiliklardan voz kechishdir. Ularga qiziqmaslik, tashvishlanmaslik va ularni muhokama qilmaslik muhim.

Bu ma'lumotlar shovqinidan qochishning yagona yo'li. Ertaga bu mavzuda podkast qo‘yaman.

@abdusattor