.
مقدمة الليلة السادسة
للشاعر عبداللطيف خالدي
-
حسينية المرحوم داود العاشور - البصرة
⁧ #محرم ⁩ ١٤٣٩ هـ
⁧ #باسم_الكربلائي ⁩

عندما طغت رائحة الدم، قالت :

(١)
والله خوف .. رَهـبـةِ الـعـاشـر عَجَبْ
والله خوف .. اُو لو رِدِت مني السِبَبْ

الليله مِرتاحه الفُواطِم
عِــد أهـلـهـا اْمدَلِـلَه
وباچر اعله القاع تِنظُر
اْجسوم اهلها اْمجتله

كلها تِصرخ .. يا حسين
-
(٢)
اْشگد بِچيت .. والـدَمِـع مِـن دَم نِـزَل
اْشگد بِچيت .. العاشِر ابگلبي اْشعِمَل

واگف اِبّاب المُخيم
وجِفنَك ابحسره رِمَشْ
تِستمتع تِهمِس رُقيّه
"بويه كاتلني العَطَشْ"

وانت ضامي .. يا حسين
-
(٣)
لا تِروح .. صدى صوت اِمنِ الأنين
لا تروح .. هـاي زِينب يـا حُـسـيـن

خايفه اعله الخيّم بعدك
وانته چنت الها سِتِر
لو رِحت بعدك يِجينه
خوفي يحسين الشِمِر

سوطه يِلچِم .. يا حُسين
-
(٤)
اَرد اَموت .. ولا تُمُر هايِّ الصُوَر
اَرد اَموت .. من سمعت ابهل خَبَر

گالوا الشِمر الضبابي
اْبسيفه مِن حَز رُگبِتَك
چانت الزهره ابجوارك
اُو نِظرَت اهيّه الحالِتَك

آه يَبني .. يا حسين
-
(٥)
يا ذبيح .. ما كِـفَـه حَـزْ رُقـبِـتَـكْ
يا ذبيح .. اْخيول عَشره داسِتَكْ

اَنـزَلَـك عـالـدِنـيـا رَبّـك
مُصحف اُو كِلشي شِهَد
ابركضةِ الحافِر تِهَشْمَت
“قُـل هـو اللهُ أحـد” ؟

وَحي دامي .. يا حسين
-

عبداللطيف خالدي
٢٩-٨-٢٠١٦

اِحسين خليني اعله بالك .. خاف تِنساني وَ اضيع

[ فكري تحير ]
الرادود #علي_بوحمد
الشاعر #عبداللطيف_خالدي

https://youtu.be/e47VJhQ7YX0

ليلة ٩ محرم ١٤٣٩ هـ
هيئة شباب الأكبر لندن

مـا تِـسـوه دنـيـه واعيشن فَرَحها
اُو حِزنَك رِسملي ملامـح جَرِحها
نـــاذر سِـنـيـنـي

[ ناذر سنيني ]
#باسم_الكربلائي
للشاعر عبداللطيف خالدي

https://youtu.be/7gUGarj_16E

ليلة ٦ محرم الحرام ١٤٣٩ هـ
حسينية داود العاشور البصرة

[ حرمله شسويت بيه ]
الرادود #علي_بوحمد
الشاعر #عبداللطيف_خالدي

https://youtu.be/4Cd38WaBkpo

ليلة ١٠ محرم ١٤٣٩ هـ
هيئة شباب الأكبر لندن

[ صلاة الحب ]
الرادود #علي_بوحمد
الشاعر #عبداللطيف_خالدي

https://youtu.be/7tQP6KFsMag

ليلة ٢١ محرم ١٤٣٩ هـ
حسينية المرحوم داود العاشور - البصرة

[ عطر الفاتحة ]
الرادود #علي_بوحمد
الشاعر #عبداللطيف_خالدي

https://youtu.be/m4WMtaAQULE

ليلة ٢٢ محرم ١٤٣٩ هـ
حسينية المرحوم داود العاشور - البصرة

شسولف لك يجابر
ودليلي ابهمه حاير
يِعيش اِبالي عاشر
يجابر
-
(١)
أنا الـبـاقـر واسـولـفـلـك غِـصَـص من لوعة الذكرى
چِـنِـت بالطف طِـفِـل لاچن طِـفِـل آلامه مـو كُـبـرَه
عِـشِـت وَيّ جدي عشر اْيام، اُو عَشرتها صدگ مُرَه
تـالـيـهـا اْنـذِبَـح عَطشان اُو گِطَع شِمِر الخَنَه نَحره

طِـفِـل وِدموعي سَكْتَه
اِركَضِت يَمه اُو نِظَرتَه
شِفِت جدي اُو ذَبِحْتَه
يجابر
-
(٢)
شِفِت كل الجَرَه بالطَفّ اُو مَصارع أهلي انظُرها
كِـل مَـنـحَـر تِـرَك بِـيّـه مـآسـي صَعبه اَحـصِـرها
يـجـابـر كَـسِّـرَت ظـهـري قـضـيـه لـمّـن اذكـرهـا
نَفِس چفِّ الذِبَح لِحسين الـرُقيّه اْگبالي يِسطُرها

شِـفِـت لـمّـن ضربها
كِـسَـر والله گـلُـبـهـا
يِـگـابـلـهـا اُو يِسِبها
يجابر
-
(٣)
تِظَل ابّـالي ذِكرى اْخيام، مِـتـوَجـره اْبـلَـهـيـب النار
خـوف اُو رُعُـب يا جابر، عَليل اُو نِـسـوَه وَيّ اْزغـار
محتارين نِـفُـر يا صـوب خـيـل اُو حـاوطـت اْلاكتار
الجمر مِتناثِر اِعله الگاع اُو خَـلّـه اعله الجِدَم آثار

لهيب اُو خيّم تِـسعَر
طلعنه انـحـوم بالبر
الأعادي اْعلينه تِفتَر
يجابر
-
(٤)
يـجـابـر لـيـلـة الوِحشَه ذِبـحَـت چـم طِـفِـل بينه؟
شِـفـنـه الـرُعُـب يا جـابـر بِـشـمـاتـت اَعـاديـنـه
الـتِـعَـوّد كِـل لـيـالـيّـه يِـنـام اِبـمـحَـجَـر اِحسينه
هسه اِيغَمُض اجفانه اُو يِجي شِمْرِ اِبوَسَط عينه

دِموعي اِبحَسرَه تِنصَب
وَسَـط اَطـفـال تِـنـحَـب
اِبجلوس اِتصلي زينب
يجابر
-
(٥)
الـكِـفِـلـهـا اِبـرُگـبِـتَـه الـعـبـاس عـالـنـاگـه يِرَكبوها
يـا جـابـر حِــجــاب الله اِبـكـل خِــطــوَه يِـسـبـوها
سِبونا اُوياها لرض الشام اُو تِدري اِبيْش عَذبوها؟
مـو بالسوط مِـتـألـمـه اِبـحَـچـيـهـم والله ضِربوها

يَزيد اِبكِل جَساره
يِسب اَهلي الغياره
نَسِل هاشم حياره
يجابر
-

عبداللطيف خالدي
٢٧-٨-٢٠١٧ مـ

بالخرابه
وحشه وهموم ورزيّه
بالخرابه
-
(١)
عادة الفاگد يِحِن .. ويِكَضي لِيله بس يِوِّن
ابـذكـريـاتـه رِيِّـتَـه تِـتـنـفس آلام

والطِـفِـل لـو وحدّه .. مـا حِـضـرلـه والِــدَه
إلا بالدمعه اعله خَده يِقدر اْينام

والأبـوها مِـنـذِبِـح .. تِعيش كل لحظه جَرِح
تِنذِكِر أعظم يِتيمه ابقصة الشام

بنت أبوها
العافته بالغاضريه
بالخرابه
-
(٢)
من بعد درب السبي .. انجِمعن اْجروح وعِبي
وهالمكان اسمه صُبح "بيت السَبايه”

اْمتون ماذيها الضَرُبْ .. نامت ودَمها يِصُب
مُصحف اُوبالشام يِنزِف آيه آيه

لاچن الشَد مَسمَعي .. صوت مَبحوح ونَعي
ننتظر زينب تِقِص النه الحِكايه

يالتناشِد
هالجَرح اسمه رُقيّه
بالخرابه
-
(٣)
هذي شافت جم نحر؟ .. جم جسد صدره اْنكِسَر
ابكربله نِظرت مصارع كل اهلها

شافت القاسِم وِذَر .. كِل عضو مِنه انطُبَر
ويم علي الأكبر تِصِد عين وتِهِلها

والسِعَر بيها الحَنين .. من إجت يم الحُسين
عالثره ومطروح يَم جِسمَه اَملها

جَن يِگلها
بالسلامه يالسبيّه
بالخرابه
-
(٤)
عن رُقيّه لو سِأل .. سائل اِشبيها حِصَل
راح أجاوب عن جَرِح أذى المشاعر

بالخرابة من إجَت .. إي نعم حسرة بِجَت
وظلت اتلاحگها أحلام “الحوافر"

عمه باحزاني ألوي .. يمتى اَتلاگه اْبأبوي؟
يرضه أبقى ابهل وَضِع مكسوره خاطر

لو يِجينه
لو أرِد للغاضريه
بالخرابه
-
(٥)
من إجوها بالطَشِت .. اْبروحي مرعوبة گلِت
الله يستر لا رُقيّه اْتسولف اوياه

راس اُخوي وبِي طَبُع .. يِهضُمَه جاري الدَمِع
اشحاله لو يِسمع حبيبة قلبه تِنعاه ؟

اْتگله ماريدن أظل .. وانگطع حبل الأمل
ميّت الفاقد حبيب وصعبه يِلقاه

والله موتي
رَحمه لي ابهاي المسيّه
بالخرابه
-

عبداللطيف خالدي

[ حلم غافي ]
الرادود #حسن_اللواتي
للشاعر #عبداللطيف_خالدي

https://youtu.be/7c7_rmvGkmc

ليلة ٨ محرم الحرام ١٤٣٩ هـ
مجمع أهل البيت (ع) - سلطنة عمان

جـيـت متمني
حسين تنقذني
خلني ويّــاك
-
https://youtu.be/WYfDAH8IQ3A
-
#علي_بوحمد
#عبداللطيف_خالدي
ليلة ٢٢ محرم ١٤٣٩ هـ
حسينية المرحوم داود العاشور

.
كربلاء | 13-11-2017 مـ
.
الكبير ⁧ #السيد_عارف_نصرالله ⁩
الشاعر ⁧ #كرار_حسين_الكربلائي ⁩
الملا ⁧ #علي_بوحمد
⁧ #عبداللطيف_خالدي ⁩

بالشهادة من تـروح ..
يـا مُحمد آلـك اتـشـوف العَجَب
تنزف اردود الجروح ..
اِباب دارك يِجي حمّال الحطب
يا مُحمد

https://youtu.be/-yMFkj26-Qk

“حِلِم دَمعه” يِسموني على العَتبة نهايتها
-
https://youtu.be/usMrqwXMqg8

‎فـاگـد الـعـالـم وطـن
‎غربه بعد ام الحسن
الجنة هالليله صدرها
‎چم ضلع منه انكِسَر
-
(١)
حگها تِحتار الخليقة و ابمُصابِچ تِـنـذِهِـل
يا سِتار الله اُو حِجابه الما يِصِح مِثلِچ مِثِل
الجنة حسّت بالمصيبة، الفرِع تابِع للأصل
هيّه مِـنِـچ، يعني حتماً، ويّ دارچ تِشتِعِل

حين دارِچ تِـحـتِـرِگ
الـحـور بالهم تِختِنِگ
اجهنم اتناشِد عجيبه
باب وحي الله اْستِعَر
-
(٢)
اْبدارچ الآيـات نِـزْلَـت مِـن إلـه العالمين
وبيها وصّف “اِدخُـلـوها بِسَلامٍ آمِنين”
ليش هالليله اليتامى اباب دارچ خايفين
اعليچ تِبچي لـو على حالة أمير المؤمنين

اعليْه هالموقف صَعُب
اگباله مَـرْتَـه تنضرُب
والخنگ صدره الوصيه
لمن اعليها صُبَر
-
(٣)
بالحديث القُدسي ربنه اِلِچ وضّح مَكرُمَه
ما خِـلَـق هـالكـون الاكبر كِـلـه "لولا فاطمه"
يَعني ذاك الحِمَل ناره وباب دارچ هاجِمَه
بالحَشُر كِل ذَره تِشهَد ضده حين اْتخاصُمَه

الباب يِـنـقـل ما جره
النار تِحچي اْموَجَره
ابمحكمة رب البريّه
يِشهَد اعليّه الحَجَر
-
(٤)
كلشي بالكون اِعـلـه ضِلعِچ يالوديعه يِبچي دَم
اُو مو عَجَب حتى الصِراط اْبلوعِتَه اعليچ اْنهِدَم
إي نعم بالدنيّه وَحـدِچ والـعـدو اْبـغـيّـه هِـجَـم
والـوعـد يـوم القيامة اُو رَبِّـج اهـنـاك الـحَـكَـم

ابـيوم مـا يِـنـفَع وَلَـد
حقِّچ اِيرجعه الصَمَد
والجِحَد يالزهره باچر
اعليْه تِتلَهَف سَقَر
-
(٥)
حاشى يا بضعة مُحمد فِعِل خَصمِچ يِنغُفُر
اِگـبـال عَـيـنـچ بالقيامة الله يِصدِر هل اَمُـر
هالكِسَر ضِلعِچ يزهره صدره لازم يِنكسُر
واللِطَم خَدِّچ نشوفه ابچف جَهنَم يِنسطُر

والــعــقــاب الأزلــي
يِصدره العالي العلي
ما يرحمه الباري كلمن
اعليچ يالزهره جِسَر
-

عبداللطيف خالدي

بالحلم جـيـت يحيدر بالحلم جـيـت
موحش البيت يحيدر موحش البيت
اُوياك هالليله الزچيّه
يا علي اِحچي اليّه
بالحلم جيت
-
(١)
يا أمـيـن الله اعله أرضـه الله بـاعـثـنـي اِلك
گَـلـي هِبطي يالزجيّه اِبـمـوكـب اِيـحفه المَلَك
جيتك اُو وَجهك يسولف وانـه اْبحيره اتـأملك
مِختنگ صدرك اشوف اُو سيف حِزنَك يِقتِلَك

ابـگلب مِشتاگ اِجيتك ابـگلب مِشتاگ
بـعـد الــفــراگ اِجيتك بـعـد الــفــراگ
شبيك يا حامي الحميّه
يا علي اِحچي اليّه
بالحلم جيت
-
(٢)
سـولـف اْبـهَـمَـك يـحـيـدر اِلـك فـاطـم تِستِمع
لـچِـن لا تِحچي اِبدموعك والله ياذيني الدَمِع
قلبك اليحويني عـطـفـه ليش اشـوفـه مِنفِجِع
لا تِـگـلـي يبن عمي الهسه مـاذيـك الـضِـلِـع

قــالــع الـبـاب عجيبه قــالــع الـبـاب
اِيذبحه اْلغياب عجيبه اِيذبحه اْلغياب
ليش دمعاتـك جِريّه
يا علي اِحچي اليّه
بالحلم جيت
-
(٣)
ليش ظلمه الـدار گلي ويـن اهـل هالدار وين
موحشه لمن اَصِـدها اُو منها بس اَسمع ونين
أودَعـت عندك أمـانه يـا عـلـي هـاي الـبَـنـيـن
المجتبى ويــنــه يَـحيدر ويـن زينب والحسين؟

ابـگـلـب مِـرتـاب سؤالي ابـگـلـب مِـرتـاب
ويـن الأحــبــاب سؤالي ويـن الأحــبــاب
اعليهم امخيمه الرزيّه
يا علي اِحچي اليّه
بالحلم جيت
-
(٤)
الحسن ليش الوحده گاعد اُو دمعه فوگ الخَد جِرَه
اْمـگـابـل الـبـاب اُو مـثـلـهـا چـبـده بـالـهَـم مِسعِرَه
آه يـــا أول بِــنــيــنــي اُو حــالِــتَــك مِـثـلـي تـــره
غِــدَر بـيّـه الـبـاب وانـتـه اعـلـيـك جُـعـده الـغـادِرَه

غَـدرة الـگـوم مصيبة غَـدرة الـگـوم
چَبِد مسموم مصيبة چَبِد مسموم
سِرَه سَم الحِقِد بيّه
يا علي اِحچي اليّه
بالحلم جيت
-
(٥)
ويـن زينب يـا بـو زينب گـلـبـي مــاذيــه الـغِـيـاب
اِبنيتي ما مِتعوده تُبقى يا علي اِبوَحشه اُو عذاب
الهسه اذكر من اِجتلي اُو صَـدّت اِيـرفسون بـاب
طاحت اعله الگاع گبلي اُو تَرِس عيناها اِرتـيـاب

گـبْـلـي طاحت يويلي گـبْـلـي طاحت
ابحسره ناحت يويلي ابحسره ناحت
شافت اوياي المنيّه
يا علي اِحچي اليّه
بالحلم جيت
-
(٦)
اِحـسـيـن روحـي گِـلـي ويـنـه رايـده اَگـصِـد اِلـه
ادري مَكسور اعله مِحسِن اُو دمعه مِن الدَم هِلَه
اَرْد اسـولـفـلـه وَ احــذره مـن يِــروح الـكـربـلـه
يِـنـتِـبِـه عـنـده رضـيـع اِتـغِـدرَه نَـبـلـة حـرمـلـه

اِيشوف حتفه رضيعه اِيشوف حتفه
فـوگ چـتـفـه رضيعه فـوگ چـتـفـه
عن مُصاب الغاضريّه
يا علي اِحچي اليّه
بالحلم جيت
-
(٧)
دارك الجـنـة الـكـبـيـرة اُو للـوحـي كـانـت وَطَـن
بس رِحِـت عنها يـحيدر الحِزِن بِـمچاني سِـكَـن
بيها صوت الضِلِع باقي اِشما طِوَل عُمر الزِمِن
اِيـصيح ثـار الـزهـره باقي بـيـد ثـائـر مُـؤتَـمَـن

مِـنِ الأشـرار يِجيبه مِـنِ الأشـرار
المهدي للثار يِجيبه المهدي للثار
ذاخره الباري القضيّه
يا علي اِحچي اليّه
بالحلم جيت
-

عبداللطيف خالدي
٢٥-١٢-٢٠١٧ مـ