[الحمدلله بعدني وياك]

https://youtu.be/px3FvMaBMh0

أداء #علي_بوحمد
كلمات #عبداللطيف_خالدي

ليلة 1 شهر محرم الحرام | 1444 هـ
هيئة عين الحياة - البحرين
مأتم العجم الكبير

إنتاج وتنفيذ
عين الحياة

[نحچي بس بلا كلام]

https://youtu.be/6fdI0KBNW_I

أداء #علي_بوحمد
كلمات #عبداللطيف_خالدي

ليلة 3 شهر محرم الحرام | 1444 هـ
هيئة عين الحياة - البحرين
مأتم العجم الكبير

إنتاج وتنفيذ
عين الحياة

[شاغل بالي]

https://youtu.be/TyuX9z9Kst0

أداء #الميرزا_محمد_الخياط
كلمات #عبداللطيف_خالدي

ليلة 4 شهر محرم الحرام | 1444 هـ
حسينية الإمامين الكاظمين (ع)

إنتاج وتنفيذ
شبيهة فاطمة (ع)

يـا كـفـيـلـي يا عـبـاس
زيـنـبَـك ما بين ارجاس
من عِفِتنه .. ضَيَعِتْنَه
يا عباس
-
(١)
آنـه بَـس اَنـدَل طَـريـقـك و الـمـكـان الإنـتـه بـيـه
ويـن اروح اْخـلافَـك آني يـا بـوفـاضـل وامشي ليْه ؟
خُـويـه أرض الـطَـف چبيره اُو خـايـفـه بـيـهـا اَتـيْـه
عَـوَدِتـنـي خلفك اَمـشـي ابكل مكان الـنِـعـتـنـيـه

من طِحِت خويه اعله الگاع
كلشي مـات اُو كلشي ضـاع
من عِفِتنه .. ضَيَعِتْنَه
يا عباس
-
(٢)
مِنِ الـخـيـام الـمِـسِـعـرَه جـيـتـك اُو كِلي رُعُـب
جيتك اُو بـس انـتـه تِـدري يَمَك اِيـهـيـد الگلُب
عاين الـدنـيّـه يـخـويـه اُو شـوف لمّن تِـنـگُـلُـب
انته جِـثَـه اعله الشريعه وآنـه بِـسـيـاط اَنضُرُب

يا بـوفـاضـل شـوف اشصار
بـالـعـبـايـه شـوف الـــنـــار
من عِفِتنه .. ضَيَعِتْنَه
يا عباس
-
(٣)
من رِكِـظ ايـتـامـي والله دمـي بِـعـروگـي نِشَفْ
شاهد اِمـنِ الخوف وَجهي عن قَبِل ساعه اْختِلَفْ
خويه تِعـذرنـي اِعله زَنـدَك چفي لو تِنظُر رِجَـف
اشگد سِـيـاط اعله اليتامه نِزلَت اُو چَـفـي شِگَفْ

اْمنِ المُخيّم جيت اسأل
يـاهـو بينه المــات أول ؟
من عِفِتنه .. ضَيَعِتْنَه
يا عباس
-
(٤)
خُويه عين الغُربه صَلفَه اُو چَـف الموادع ثِگيل
لا تِـعـوف اِخـتَـك وَحيده اِبـريـح عِدوانك تِميل
حَـرمَـلَـه نـاويـلـي نـيَّـه وآنـه كِل حـيـلـي قليل
اشعندي غير اَيتام تِرجِف وابـن اخويه بس عَليل

والمَثيلي حَگها اْتـخـاف
مِن دلال الإيــد أجــلاف
من عِفِتنه .. ضَيَعِتْنَه
يا عباس
-
(٥)
لازم أمـشـي يا بوفاضل واتـرِك اُويـاك الـخِـدِر
لازم ألـزَم ظـهـري بـيـدي لأنـه بَـعـدَك مِنكِسِر
لازم اَحـبِِـس كِل حَنيني ابـوسـط گلبي المِنقِهِر
لازِمِ اَستُر وَجـهـي خويه من يِجي يَمي الشِمِر

ما تِجي حتى ابأحلام
اَنسبي واطلع للشام
من عِفِتنه .. ضَيَعِتْنَه
يا عباس
-

عبداللطيف خالدي

[حسرة الأكبر كبيرة]

https://youtu.be/0rOnuLe4bBo

أداء #علي_بوحمد
كلمات #عبداللطيف_خالدي

ليلة 9 شهر محرم الحرام | 1444 هـ
حسينية الإمامين الكاظمين (ع)

إنتاج وتنفيذ
شبيهة فاطمة (ع)

[يا عباس مدد]

https://youtu.be/R2gx8LXe9Xw

أداء #علي_بوحمد
كلمات #عبداللطيف_خالدي

ليلة 7 شهر محرم الحرام | 1444 هـ
حسينية سيد الشهداء (ع) - الكويت

اِلإمـام الـهـادي أوصـى اِتـزور وِ ابـرُغـمِ الطُغات
حتى لـو يِصبَح ثَـمَـنـهـا اْزيـارِتَـك هذي الـمَـمـات
-

[ نزورك القطع النحر ]
https://youtu.be/fCZ67BdMWbs

صِـدِگ شـهـر اُو عَـشِـر اَيـام
لاچـن مـو قـلـيـلـه
سـمـعـوا كـل مـآسـي الشام
بلسان الـعـقـيـلـه

إسِمعوها
-
(١)
العافتكم جِــثَــث بالـبَـر .. اُو طِلعت للسبي الأگـشَـر
رِجْـعَـت بَس اِعِــذروهــا .. شِـكِـلـهـا اعليكم اِتـغـيَـر
اِبتدت عِد زينب المأساة .. بـعـد مَــذبَــح أبو الأكـبـر
إجاها ابـضحكته الذبّاح .. اِبـ خَيله اعـلـه الخيّم يِفتَر

تِـصِـد أول رزيّــه اِتـشـوف
مَـحـروگـه خِـيَـمـهـا
تِشوف ايـتـام ماتت خوف
اْمـنِ الصحره تِلِمها

إسِمعوها
-
(٢)
مِـن بَـعـدِ الـگـمـر عـبـاس .. زيـنـب تِـمـشـي مَچتوفه
تِــركــب عـالـهِـزِل ويــلاه .. اُو تِـطُـب مَسبيّه للـكوفـه
حَـگـهـا تِـنـكـسـر زيــنــب .. تِمشي ابـدمـعـة مَـذروفه
يَـهـلـهـا نـظـرة الـشـامـت .. اَشَـد مِن ضَـربـة اِسيوفه

نَفِس هـالـديـرة قبل اعوام
زيـنـبـكم أمـيـره
اُو دِخـلـتـهـا اِبـأَمُـر ظُــلام
هـل مَـرَه أسيره

إسِمعوها
-
(٣)
يَـهـلـهـا الــشــام آه الــشــام .. بــيــهــا مـا لِــگــت رأفـه
هـــذا الـيـعـزف اِبــمِــزمــار .. اُو ذاكـه الـي ضُـرَب دَفّـه
اليتيمه التستحي اْمنِ الناس .. اِبچفوف اِزغيره تِـتـخَـفَـه
لاچــن مـــا كِـــفـــاه اِيَــزيــد .. اُو بـيـهـم نـاوي يِـتْـشَـفَـه

عـلـى بــوابــة الـسـاعـات
وَگّـف هل يِـتـامـه
اِبـگلُبهُم تِـركَـتِ الشِمّات
ابـكِل كِلمه علامه

إسِمعوها
-
(٤)
شَـحـچـي اِبـطـبّـت الديوان .. آه يـا حِــزِن ديــوانــه
نِــســاكُــمْ آيـــة الــعِــفّــه .. فُـرجَـه الإبِـن مـرجـانـه
يَـهَـل زيــنــب ترى زيــنــب .. گـلـبـهـا زادت اَحـزانـه
تِصِد الـراس اَخوها اِحسين .. اُو يـزيـد اِيـكَسِر اَسنانه

يـويـلـي اِمـدلـل الـزهـره
ابهل حاله تِلِمحه
الـعَـصَـه تِلعب على ثَغرَه
اُو بِشْفافه تِجِرحَه

إسِمعوها
-
(٥)
يَـهَـل بـيـت الـذي اعـلـيـكـم .. وَحـي رَبِ السِمَه يُتْلَه
ابــخــرابــة آيـــة الـتـطـهـيـر .. بعدكم شـافَـتِ الـذِلَـه
رِجَـع هـذا الــضــعــن إلـكـم .. يِتامه اُو چم مَره ثَكلَه
وِ اعـذرونـه الـضَـعـن نـاقِـص .. تِرَكنه بـالـغُـرُب طِفله

إجـيـنـه وِ ابـظَـهَـر مـكـسـور
من عُظمِ الرِزيّه
الضعن ظلمه اِبمغيب النور
مِن ماتت رُقيّه

إسِمعوها
-

عبداللطيف خالدي

[ آخـر اِبِـن ]
الرادود #علي_بوحمد
للشاعر #عبداللطيف_خالدي

https://youtu.be/As6Z-ee_PZc

شهادة المحسن بن علي (ع)

[ إلهي بفاطمة ]

https://youtu.be/2BntpQ4lh1Q

أداء #علي_بوحمد
كلمات #عبداللطيف_خالدي

ليالي الفاطمية الثانية | 1444 هـ
حسينية سيد الشهداء (ع) - الكويت

على الـفـطـره اذا مِـحتاج .. اَديـر الـبـابِـچ الـنَظرَه
و اَنادي يَـ ام حَسن عَبدِچ .. الحاجه كَسِرَت ظهره
(١)
اِبـوجـهـي انـسَـدَتِ الأبـواب .. وِ اگپالي اِنـفِـتَـح بـابِچ
دَخـيـلـچ يَـ ام حَسن و ادري .. خـيـر الله على اعتابِـچ
سِمعناها اِبـزُغُـرنـه اهـواي : .. “أبَـد ما خاب طَـلابِـچ”

تِـــرَبـيـنـه اِبـطـفـولـتـنَـه
اذا هـالـدنـيّه خِـنـگَـتـنَـه
الزهره تِگضي حـاجـتـنَـه

حتى اْبـأبـسـط الـحاجـات .. نِـنادي اِدخـيـل يالزهره
-
(٢)
إجـيـت الـبابِچ اُو اَدري .. اِبوجهي الحاجه ما تِخفَه
شايل هَـم، لَــوَن واحد .. يِـشـيـلـه يِـلـتقي اِبـحَتفَه
وَ ادري بـالـيِـمِـد چَـفَـه .. الـبـابِـچ مــا يِــرِد چَـفَـه

الجِسِم يَـ امِ الحَسَن يِبلَه
الـمَرَض و الهَم اَخَذ ثِگلَه
اُو عِــلاجــي دَعـوِتِـچ لله

مو عِـنـدِچ إلــه الـكون .. اَودَع يَـ ام حَسَن سِــرَه؟
-
(٣)
اليِجيچ ابحاجته حاشه .. عَـن بــابِــچ تِـرِديـنَـه
لِـذلك كـلـنـا هـالـليله .. نِنـادي اُو نِـرفَـع اِيدينَه
ثِگيله اهـواي حـاجتنه .. “يـا فـاطـم اَغـيـثـيـنَـه”

يَـقـيـن اِبـهَـل اَمُـر نِعلَم
اِسمِچ عِدنَه اِسم اَعظَم
يِـرِد كِـل اَمـرِ اِلِـمْـحَـتَـم

الله وِ انتي بَـس عندي .. تـراهـي الروح مِنكسرَه
-
(٤)
عليچ الباب من حِـرگـوه .. وعليچ اِبصَبُر داحـي الباب
عليچ ابمحسن الما شاف .. غـيـر اِدمــاه بــالأعــتــاب
عليچ اِبـ حَگِچ المَغصوب .. و ضلع المِنهِشِم بِصواب

الكسره واضحه اعليّه
و نَـخـوَه ســاكنه بـيّـه
اِگـضـي حــاجتي لَـيّـه

راح أبـقـى انتظر مِـنِـچ .. يا مـولاتـي هـالـبُشرَه
-

عبداللطيف
٧-١٢-٢٠٢٢

[ هي فاطم ]

https://youtu.be/Phm6QavCBOs

أداء #علي_بوحمد
كلمات #عبداللطيف_خالدي

ليالي الفاطمية الثانية | 1444 هـ
هيئة شباب علي الأصغر (ع) - كربلاء

دوم اعله بالي .. ما انسى حسرة مُصابك
دوم اعله بالي .. يا موسى لـوعـة عذابك
-
(١)
عــايــش .. لا مـا بُـرَد غَــليـلي
نار اِبوَسَط دِليلي .. ابـهاي الليالي تِسعَر
فِــكــري .. مثل الجَمُر مَـ يِبْرَد
كِلمـا لِـسـانـي رَدد .. "يَا موسى اِبنَ جَعفَر"


تِسكن وَسَــط روحـي تِظَل نـار هَــمَــم
مـا أنسى يالكاظم مُـصابَك
أُمـنـيـتـي لـو بيدي أجـي اليوم يَـــمَــك
وَاْحمِل و لو شِي من عَذابَك
اُوگَـع وَ اقَـبِـل سـيـدي اِبـشوق جِـدمَك
وانادي من هُـول الي صابَك
نـور الله يِگضي بالسِجِن لـيـش نَـجـمَـك
يـا حسرتي الـزهـرة شَبابك

-
(٢)
ظَـلـمـه .. گُـوَه صِـرِت اَشـوفَـك
مِـتـگـيِّـدَه چِـفـوفَـك .. يـا ويلي و الـرزيّـه
السِنْدي .. ابـلا رَحمَه مِن يِـعَـذبَـك
اِبسوطه يِجي اُو يِضربَك .. وِايـشَـتِـمِ الزچيّه


مو كـافـي عايش كل هالسنين غُـــربَـــه
سـابِـع مَـصـابـيـح الإمـامَـه
كِـل ليله حــارس يِـعـتـنـيـلـه اِيـضِـربَـه
اُو ظَـلَـت على جِسمَه عَلامه
كـاظـم حِـزِن و آلام و آهـــات گــلــبَــه
و الـلـيـل سـاهِـر مـا يِـنـامـه
يِـرفَـع چفوفه اُو يِدعي بالگيد رَبـــــــه
اِيخَلصَه مِنِ السِجنِ اُو ظَلامَه

-
(٣)
ظَـنـي .. آخـر مـسـيّـه يَـمَـه
اُو هاي العِدَه تِسِمَه .. و گلب الشَرِع تِصِدعَه
الجُمعة .. المِنتَظرِتَه وَعَدها
لِــجنازِتَه تِـصِـدهـا .. اُو فـوق الچَتِف تِشَيْعَه


ابـجِسرِ الـرَصـافَـه لازم اليوم تِـحـضَـر
الـنَـعـشَ الـغَـريـب الـرافضيّه
اِتشيله على الـراس اِبـحِـزِنها اُو تِـفـتَر
و تِـرفَـع مَـنـاحـة كـاظـمـيـة
هذا الي چبده مِن سَمِ اعداه اِتـفَـطَــر
يـــا ويـلـي مِـن هـاي الـرزيّـه
يا عـيـنـي سيلي مو دمـع، دَم اَحــمَــر
وِ ابـچـي عـلـى اِبـنِ الـزچـيّـه

-
عبداللطيف خالدي
١٥-٢-٢٠٢٣

قصيدة [ #أصول_الدين]

‏ https://youtu.be/BS-W9eI4az4

أداء #علي_بوحمد
كلمات #عبداللطيف_خالدي
الهندسة الصوتية والتوزيع
#السيد_محمد_الكاظمي

ديكور
#خالد_العلي
#طلال_الفريحي

مساعدين ديكور
#محمد_البناي
#عبدالوهاب_الهزيم

اخراج
#أيمن_الوائلي

نَـصيحَتي لَـكُـم جميعاً .. أن تَحفَظوا وتَفَهموا “أُصولَ دِيني”

-
(١)
أُصـولُ ديـنـي خَـمـسـةٌ
هِيَ الـصِراطُ الـمُستقيمْ
لا بُــدَ أنْ نَــفْــهَــمَــهــا
لِـنَـفْـهَـمَ الـدينَ الـقَويم

أول أَصِـلِ “الـتوحيد” مِـن أصـلِ الـعِـبـاده
الله لا شـريـك اُويـاه بَـس عِـنـدَه الـسـيـاده
“العَدِل” ثاني أصِل يعني الله ما يَظلُم عِباده
اذا يــأمُــرنــا لا بُــد هـالأمـر مَـعناه سَـعـاده


التَوحيدُ العَدلُ النُبُوَةُ الإمامَةُ المَعادْ

-
(٢)
للـديـنِ أصــلٌ ثــالِــثٌ
فَــأنْـصِـتـوا لـمَطلبـي
أحـكـامُ رَبِ الـعـالمينْ
نَـأخُـذُها مِــنَ “الـنبي”

“الإمـامـة” أَصِـل رابع وِ احنه لا بُـد اِنـتِعَلَم
مِـن بعد الـنبي مِنهُم مَـعـانـي الـدين نِفهَم
“الـمَعاد” الله أعَـد بالآخِـرة جَـنة اُو جَـهَنم
المؤمن يدخل الـجنة اُوِ جَزاءِ الكُـفَر يِـنـدَم


التَوحيدُ العَدلُ النُبُوَةُ الإمامَةُ المَعادْ
-

عبداللطيف خالدي
١٩-١-٢٠٢٣

‏[ ⁧ #وداعك_مصيبة⁩ ]

https://youtu.be/IdxAHfqea0E

أداء
‏الشيخ ⁧ #حسن_الشمالي⁩
‏كلمات
#عبداللطيف_خالدي⁩⁩

‏الهندسة الصوتية والتوزيع
⁧ #سيد_محمد_الكاظمي⁩
‏——
‏إنتاج و تنفيذ
‏⁧ #الباقر_ميديا

[ شهل مصيبة ]
الرادود #علي_بوحمد
للشاعر #عبداللطيف_خالدي

https://youtu.be/umh6hflzrAk

ليالي شهادة أمير المؤمنين (ع) 1444 هـ
حسينية الإمامين الكاظمين - الكويت

روحِـتَـك للـمَسْجِد الليله رَهيبَه
بيها اشعر يـا علي تِحمِل مُصيبَه
ابـخوفي أبقى انتظُر
صوت آذان الـفَـجُـر
اشهل مُصيبَه
-
(١)
اِبگلبي احَـسِ الحَسرَه .. ابـطَـلـعِـتَـك هـالمَرَه
يا ابـا الحسن بِـنـتَـك گلُبها لا تِـصَـدعَـه
اِحساسي مــا مِـتـأكِـد .. اِبـروحِـتَـك للـمَسجِد
هـالـمَـرّه يا حَيدر أحِسها ابـلايـه رَجعَه

قَـدُر و آنـه اشعُر اِبقَدري
تـروح اُو يِـنكِسِر ظـهـري
فِـدَه العُمرَك ترى عُمري .. يَـبويه

دَخـيـلَـك تِكفي هالكَسرَه
بَعدها ابـخاطري الـجَمرَه
يِـكـفـي راحَــتِ الـزَهـرَه .. يَـبويه


والـدي و اقـرَب مِـنَ اَنفاسي عليّه
انته بَس عـنـدي بَعَد أُمـي الزچيّه
فـاگِـدَه مِـنِ الـزُغُـر
صوت آذان الـفَـجُـر
اشهل مُصيبَه
-
(٢)
مِن رِحِـت عَن شوفي .. اِبـگلبي يِسعَر خـوفـي
ابعيني شِفِت وَجهِ السِمَه اَحمَر يحيدر
هــــذي اَوَل مَــــرّه .. اَخــتِـنِـگ بــالـنَـبـرَه
مِـن اَقـره بــآذان الـفَـجِـر "اللهُ أكـبَـر"

الوَحـيِ خَبَرني عن اَمـرَك
يَمَن ما يِـنـكِـشِـف سِـرَك
اِبِـن مُلجَم تـرى اِيـغِـدرَك .. يَـبويه

اِبـوَكِـت ما تِسجِدِ الرَبَك
اِبـسيفَه يا علي اِيـضِربَك
يَوَسفَه اِبـدَمَك اِيخَضبَك .. يَـبويه


اَهـوَنِ اعليّه يِـحِـل يـومِ الـقَيامه
اُو لا تِصِد عيني علي مَطبور هامَه
يِنعى راسه الـمِنطُبُر
صوت آذان الـفَـجُـر
اشهل مُصيبَه
-
(٣)
بُـويـه مــا اَتـوَقَـع .. إلـي لَـمَـن تِـرجَـع
نَفسِ الي راح اِيـعـود إليَه تالي صَعبَه
و آنـه گلبي اِيـگلي .. عالچِتاف اِتـرِدلـي
يا حسرتي و الغُربَه هاي اشلون غُربَه

صِـرِت بـهمومي اَتـحَـسَـر
اَغِـض طَـرفـي لَچِن مَـگدَر
وَجـهَـك يــا عـلـي اَصـفَـر .. يَـبويه

اِحتِرِت ما ادري شَحچيلك
أعــايــن و آنـه اَبـچـيـلـك
الـطَـبـرَه هَـدِمَـت حَـيلك .. يَـبويه


الـتِـركَـع الفُرسان مِـنِ اِيـگـابـلـونَـه
مِنهِدِم حيله اُو يَـويلي اْنخِطَف لُونَه
يِسعَر اِبـگلبي جَـمُـر
صوت آذان الـفَـجُـر
اشهل مُصيبَه
-
(٤)
حولك اِحنه اِگـعَـدنَـه .. يا علي اُو تِـنـظِـرنَـه
آنه وحسن وحسين كلمن دمعه هامِل
اعـلـيّـه دارت عينَك .. اُو اَشَـرِت بِــيـديـنَـك
يا زينب اِمـحَـضِـر إلِچ مِن بَعدي كافِل

دِرِت يـا والـدي راسَـك
تِسولف وَيّـه عـبـاسَـك
گلتله اِبجَمرة احساسك .. يَـبويه

اَريـدن يـا قُـمَـر هاشِم
خِـدِر زينب يِظَل سالِم
تِحمي حَـدهـا بالصارِم .. يَـبويه


اِنته كـافـلـهـا اُو تِظَل تِـلـزَم اَمُرها
اَغلى من عمري ترى زينب خِدِرها
يِشهَد اِبـهـذا الأمُـر
صوت آذان الـفَـجُـر
اشهل مُصيبَه
-
(٥)
مِشَت تـالـي اِسنيني .. اُو شِفِت بُويه اِبعيني
عباس اِبـنَـك و النِعَم سَـوَه الـعَجايب
و الـنِـعِـم ما قَـصَّـر .. لَـچِـن تالي اِتـطَـبَّـر
اُو هالمره ما عندي حِمَه بين الأجانب

بعد ما كـافـلـي اِتـطَـبَـر
وحـدي واگِــفَــه بالـبَـر
اُو عَـدوي اعليه يِـتـأمَـر .. يَـبويه

يَـبويه اُو مدري اَحچيها
زيـنـب تـدري تـالـيـهـا
الشِمِر عـالناگه يِـسبيها .. يَـبويه


يا علي اِدخـيـلـك يَـحلال الـمَشاكِل
زينبك مَـسـبـيّـه راحـت عـالـمَهازِل
يِضرِب اِبسوطه الزَجُر
صوت آذان الـفَـجُـر
اشهل مُصيبَه
-

عبداللطيف خالدي
٩-٤-٢٠٢٣
ليلة ١٨ شهر رمضان