*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 5 )ـــــــــارت*

➖➖➖➖➖➖➖➖➖


لمار :انت شو عم تعمل وقلبا كان واصل للارض من خوفا
يامن ضل يقرب منها لحد ما حاوطها وصارت بين ايديه
كانو كتير قراب من بعض ولاول مرة عم يتواجهو بنظرات عيونهن ،كان قريب منها لدرجة ان انفاسن اختطلت ..
كل واحد فيهم سرح بجمال التاني ونسيو للحظة الشي اللي صاير بين

هم
يامن قرب منها وهمس باذنا :كاني سمعتك عم تحكي مريض نفسي
لمار بنفس منقطع :ان...ا..انا
يامن :ليش مش قادرة تاخدي نفسك
لمار استجمعت قوتها ودفشتو عنها :ازا بعدت عني بقدر اخد نفسي ،واوعك تعيدها لهالحركات
يامن :وانتي اوعك تعيديها لهالكلمة ،لان وقتها عنجد رح فرجيكي معناتها ل هالكلمة ..
لمار وكانت بعدا مرعوبة :فيني اروح ع شغلي
يامن :ما شغلك هون
لمار :كيف يعني هون
يامن :انتي رح تشتغلي محلا ل نادين
لمار :شووووو يعني رح اضلك بخلقتي
يامن زورهاا
لمار :قصدي يعني وينا نادين
يامن :نقلتها لمكان تاني ،ازا خلصتي اسئلة روحي ع شغلك وباي وقت بطلبك بثواني بتكوني مزروعة قدامي ..
لمار :ماشي
يامن :مو ماشي ،حاضر يامن بيك
لمار وهي عم تشد ع حالها :حاضر يامن بيك
يامن :يلا روحي
طلعت لمار من المكتب وصارت تحكي مع نفسها :اووف قلبي كان رح يوقف فكرتو رح يعملي شي ،لمار قصري لسانك واستري حالك مشان الله ،لانو هاد عنجد مريض نفسي ،التفتت وراها اسكتي اسكتي لمار لا تحكيها ل هالكلمة شفتي شو كان رح يصير فيكي قبل شوي ..

يامن بمكتبو كان عم يحكي مع حالو ويضحك :وقعتلها قلبها بس بتستاهل ،لسة ما شافت شي
بعد اقل من دقيقتين رجع رنلها ع تلفون المكتب ..
لمار قبل ما ترد :اوف شو صار بده وفتحت الخط
لمار :ايوة
يامن :بنحكى تفضل يامن بيك ،انا بعرف انو انتي مو متعودة تحترمي حدا بس معلش معك معك رح علمك كل شي ..
لمار بنفسها يا رب صبرني وحكت :تفضل يامن بيك شو بتؤمر
يامن :اعمليلي قهوة سادة
لمار :والقهوة مطلوبة مني كمان
يامن :انتي هون لخدمتي وكلشي مطلوب منك
لمار :طيب
يامن :ما سمعت
لمار :حاضر يامن بيك
يامن :ايوة هيك بدي ياكي ..
قفلت لمار الخط وراحت تعمل قهوة ل يامن وهي مغيوظة منه ..
ويامن عم يحكي مع حالو عشان تعرفي تحكي يا ست لمار انا مش عبدة عندك ،كل كلمة حكتيها رح احاسبك عليها ..
لمار بالمطبخ عم تعمل قهوة وبتحكي مع نفسها :والله عم فكر حطلو سم فيها واخلص منه وبخلص البشرية كلها من هالبني ادم ،بس لولا مخافة ربنا
جهزت القهوة واخدتلو ياها ،استاذنت ودخلت
يامن ببرود :انا غيرت رايي بطل جاي ع بالي قهوة
لمار انغاضت منو :ايه ماشي انا بشربها
يامن زورها :اعمليلي شاي
لمار وكان نفسها تخبط راسو بالحيط بس تمالكت حالها وما حكت شي :ماشي هلا بعملك
يامن :اي روحي وبلا ما تتاخري
*
يامن كان كتير مبسوط بالشي اللي بيعملو وعم يشعر ان تصرفاته هي بتبرد قلبه ،اما لمار حقدها ع يامن كان عم بيزيد ..
عملتلو الشاي واخدتلو ياه ع المكتب
لمار :الشاي جاهز تفضل
يامن :مين حكالك ان انا بحب الشاي
لمار :وليش حكيتلي اعملو ازا ما بتحبو
يامن :وكيف رح تعرفي ان انا ما بحبو بدون ما تعمليه
لمار :مو صعبة ،كان بامكانك تحكيلي ما بحبو
يامن :لو حكيتلك كنتي رح تنسي ،بس هيك لما غلبتك فيه ما رح تنسي هالشي ..
لما بنظرات غضب وعم تتمالك نفسها بصعوبة لحتى ما تحكي شي :اي وصلت ،بدك شي هلا
لمار بعد ما طلعت من المكتب :يا الله شو هالبني ادم هاد ،شو اللي وقعني معه ..
*
مرق اليوم كلو ويامن قضاها هيك عم يطلب منها شغلات لحد ما هلكها ل للمار ..
في اخر الدوام ..
لمار :يامن بيك تفضل هي خلصت طباعة الاوراق
يامن :ايه هاتيهن ،كم اخدو معك وقت
لمار :تقريبا ساعتين
يامن مسك الاوراق ومزعهم ورماهم في الزبالة ،وهو عم يتطلع لعيونا ل للمار
لمار بحرقة :ليش هيك عم تعمل ،هلكت وانا اطبع فيهم
يامن ببرود :كنت عاوزهم وبطلت
لمار :انت عم تعمل كل هاد مشان تنتقم مني
يامن :لا تعطي لحالك قيمة كبيرة كل هالقد ،عم تفهمي .
لمار بعقلها منك لله :طيب انا خلص وقت دوامي
يامن :وازا خلص ؛عندك شغل تاني
لمار :شووووو
يامن :هههه لا خلص بكفيكي اليوم شايفة شو اني طيب وحنون
لمار :اي يخزي العين ،طيبتك بتوزعها على بلد
يامن :ليكون مو عاجبك
لمار :لا كيف ما بدو يعجبني ..
يامن :بلشتي تسمعي الكلمة وهاد شي منيح
لمار ضحكتلو ضحكة صفرا وبان انو مو عاجبها ،ماشي عن اذنك هلا
يامن :ماشي لا تتاخري بكرة والا رح يكون الك عقاب
لمار :ما رح اتاخر
يامن :طيب
*
يامن بعد ما طلعت لمار صار يضحك بصوت عالي وصار يحكي انا متاكد رح تروح تنام بدون تهلل ..
لمار مع نفسها :كسرني الله لا يوفقو ،فوق هيك جوعانة كتير رح اروح اتغدى وانام لتاني يوم ..
لمار اخدت تاكسي من باب الشركة وراحت ع البيت وبعد شوي يامن طلع من الشركة ركب سيارته وراح ع البيت يرتاح شوي لانه مقرر يطلع يسهر مع علاء ومهدي ..

وصلت لمار ع البيت ودخلت
لمار :ماما ماما جوعانة كتير شو عاملة اكل
سلوى :شو هالدخول هاد ارمي السلام بالاول
لمار :السلام عليكم ماما،المهم بدي اكل
سلوى :كيف كان يومك
لمار :متعب كتير بدي اكل واطلع انام
سلوى :اوف شو قصتك
لمار :خلص ماما يلا حضريلي الاكل حبيبتي انتي
سلوى :ماشي ادخلي غسلي ايديكي ورح يكون جاهز
لمار :ماشي ماما
*
اكلت لمار واستاذنت من امها وطلعت على غرفتها ،بدلت تيابها واتمد

دت ع التخت وبدون ما تحس على حالها راحت نايمة من التعب ..
يامن وصل ع البيت ،بدل تيابو واتمدد ع التخت وكان عم يتذكر شو عمل ب لمار اليوم ويضحك عليها وصار يحكي مع نفسه :اي والله الشي مسلي وممتع لشو الحكي هههه خليني انام وارتاح شوي ..
*
صار وقت المسا صحي يامن من النوم ،جهز نفسه وركب سيارته وضلو رايح لعند علاء ومهدي ،وصل ع المكان وكان مهدي وعلاء ناطرينو
يامن :انا اجيت
مهدي وعلاء :يا اهلا
يامن :اي كيفكم
علاء :مشتاقين لعيونك ،شو مودك عالي اليوم
يامن :اي هيك شي
مهدي :شو السبب
يامن :ولا شي بس هيك
مهدي :لا في شي امانة تحكي
يامن :شو احكي
مهدي :اللي صاير معك
يامن :ايه رح احكيلكم ،خليكو تضحكو شوي ..
*
يامن حكالهم كل القصة ومهدي وعلاء كانو عم يسمعو ومصدومين
علاء :لحظة لحظة انا استوعبت كل شي ،بس انو تضربك هيك كتير ،كيف سمحتلها
يامن انحرج كتير :حكتلك القصة
علاء :ايه وانت مفكر ان اذا شغلتها واتعبتها بتاخد حقك هيك
يامن :ايه رح يبردلي قلبي
علاء :بس حسب ما حكيتلي البنت غير عن البنات اللي بنعرفهم
يامن :لا تنغر كلن متل بعض
علاء :اسمعني بدك طريقة تاخد حقك فيها وتبرد قلبك ع الاخر
يامن :ايه شو
علاء :هلا انت فيك توقع هالبنت بحبك
يامن :ايه اكيد فيني بس ليش لاعمل هيك
علاء :لان اذا بدك تاخد حقك لازم تخلي هالبنت تعشقك وما تقدر تعيش بدونك بعدها اتركها واستمتع بعذابها ،بس ما بظن فيك توقعها ..
يامن :البنات بسهولة بتقدر تضحك عليهم ،يعني اهتم فيهم شوي مع كلمتين حلوين ودلال بتاخد شو بدك
مهدي :بس الظاهر هالبنت مو من هالنوع
يامن :لا اكيد من هاد النوع
علاء :يعني انت فيك تخليها تحبك ،لان هيك انت رح توجعها وتبرد قلبك وزيادة
يامن :اعطيني اسبوع بالكثير ورح تكون حاببتني ومتعلقة فيي
علاء :اذن خلينا نتراهن
يامن :انا موافق براهنك
علاء:اذن خلال اسبوع اذا كانت هالبنت حاببتك وواقعة بحبك ومعترفة بهالشي الك اتنازل عن سيارتي
يامن :اذن ودع سيارتك من هلا
علاء :رح نتسلى كتير ها
يامن :ايه اسااسا المتعة شغلتنا
كلهن بصوت واحد :ههههههه
مهدي :عندك خطة
يامن :اي اكيد ،هي شافت يامن الوحش والشرير والمغرور وهلا رح فرجيها يامن الحنون والطيب والحباب ..يعني باختصار رح تشوف يامن تاني ..
يامن حط رجل على رجل :بتعرفو منيح اني خبرتكن واعطتوني هالفكرة ،هيك رح استمتع اكتر
علاء :البنت اكتر شي بكسرلها غرورها وثقتها بنفسها ان حد يكسرلها قلبها بس تسلمو اياه ،وانت هيك بتكون اخدت انتقامك ..
يامن :انا ما بحب اعمل هيك شي بس هي اجبرتني
علاء :انت محطم قلوب البنات بدون ما تعمل شي،اعتبرها واحدة منهم
يامن ومهدي :ههههه
يامن :اخدنا الوقت واحنا نحكي يلا خلينا نمشي وبنضل ع تواصل
مهدي :اي يلا امشو
...
بعد هالنقاش والحديث كلو يامن روح ع البيت بدل تيابو تمدد ع تختو ،وصار يفكر بخططو اللي بده يعملها مشان يوقع لمار بشباكو ،،وبعد تفكير طويل راح نايم وكان عم يتوعدلها بالانتقام بس هالمرة بطريقة غير شكل ..







*يتبـــــــــع.....*
➖➖➖➖➖➖➖➖~ ↡​​​➥​‏↓❃​​*

*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 6 )ـــــــــارت*

➖➖➖➖➖➖➖➖➖


صباح جديد ...
الساعة ٦:٣٠صباحا ،رن المنبه عند لمار واول ما سمعتو على طول صحيت
مسكت الموبايل وعملت اغلاق للمنبه ..انتبهت انو واصلتا رسالة من ندى بالليل وقت كانت نايمة ..
فتحت الرسالة ندى كانت مخبرتها ان رح تسافر عند ستها لانها مرضانة وبدها حد ينتبه عليها ،وا

ن هي رح تشتقلا كتير..
لمار مع نفسها :يا روحي وانا كمان رح اشتئلك كتير،بس سفرتك هي اجت بالوقت المناسب ،خليكي بعيدة عن اجواء الشركة ..
لمار فاقت لبست وجهزت حالها ونزلت ع المطبخ عملت ساندويش وطلعت وقفت تاكسي وراحت ع الشركة ..
يامن بهاد الوقت كان فايق ومجهز اموره مشان يروح ع الشركة ..
وصلت لمار ع الشغل وقعدت بمكتبها وصارت تحكي :ان شاءالله ما يجي اليوم وما اشوف خلقتو ..
يامن كان واقف عم يسمعها ..
يامن :صباح الخير لمار
لمار اطلعت عليه وبان على وجهها علامات الاستغراب
يامن :شو بك ما عم تردي الصباح
لمار بعدها متفاجئة لان اول مرة يامن بصبح عليها :هلا صباح النور
يامن :اغلبك لو سمحتي تعمليلي فنجان قهوة ..
لمار اتفاجئت بزيادة وحكتلو :انت منيح يامن بيك
يامن :كيف يعني
لمار :يعني مانك مرضان او مرتفعة حرارتك
يامن ضحك ضحكة جذابة ،لمار اول مرة بتشوفه بضحك،وسرحت شوي بجمال ضحكته ..
لمار فاقت ع حالها :كمان عم تضحك ،اكيد صاير شي معك
لمار قامت عن مكتبها وبكل عفوية قربت منه وحطت ايدا ع جبينو :انت متاكد انو حرارتك مو مرتفعة
يامن بهدوء مسكلا ايدا ل لمار وصار يطلع بعيونا :انا منيح ما فيني شي ،عم تضيعي وقت ليكون ما بدك تشربيني قهوة من تحت دياتك ،انا فايت ع المكتب حاولي لا تتاخري ازا ممكن ..
يامن دخل مكتبو وقفل الباب وصار يضحك ويحكي مع حالو :هالبنت عنجد مجنونة والحلو انها بتفكر بصوت عالي ،يعني بسهولة بتقدر تعرفها وتقرأ أفكارها
لمار بعدها واقفة محلها وعم تحكي مع حالها :يا الله شو عم بصير اللي قدامي هاد ملاك نازل من السما مستحيل يكون الشخص اللي بعرفو ،معقول يكون عنده انفصام بالشخصية ،اي والله كلشي بيصير احسن شي اعملو القهوة واحاول افهم شو قصته اليوم ..
لمار جهزت القهوة ودخلتها ل يامن
يامن :تفضلي
لمار :قهوتك جاهزة
يامن :وانتي ما بدك تشربي قهوتك
لمار وعلامات الدهشة ع وجهها :قهوتي عملتها وتركتا ع المكتب هلا بكمل شربها هناك
يامن :اي لكان جيبيها نشربها سوا
لمار بعصبية :اي حاجتك ،انت لشو عم تخطط ،ما تحكيلي اتك قلبت فجاة طيب ومنيح ..
يامن بهدوء :انا بعرف ان غلطت معك وبعتذر منك كتير
لمار وبعدا مو مسدقة :ولك مشان الله فهمني شو صارلك فجاة لا تجنني ..
يامن على غير عادته مو معصب ولا باين عليه علامات الغضب ،وقلب شخص تاني كلو روقان وهدوء ..
يامن :ليكي معك حق ما تسدقيني ،انا مو شخص سيء وظروفي حكمت عليي اكون قاسي واتعامل مع الكل بقساوة ،انا بدي تسدقيني وتحاولي تساعديني لاتغير ..
لمار :ما بعرف ليه مو قادرة اسدقك ولا تنسى ان انا هون مجبورة لانك هددتني ..
يامن :انا بعتذر كمان على هاد الشي وبعرف ان ما كان لازم اعمل هيك ،بس انا هلا حابب ان من اليوم تكوني هون بارادتك وتحبي شغلك ..
لمار :كيف بتقدر تثبتلي صدق كلامك وندمك
يامن :انتي خايفة من الاوراق اللي معي اني اضر والد رفيقتك فيهم
لمار :ايه
يامن طلع الاوراق من الدرج مسكهم وومزعهم
لمار متفاجئة
يامن :اتاكدي من كلامي هلأ ما في سبب بجبرك انو تبقي هون
لمار :بس انت متل ما حصلت ع التوقيع الاول فيك تحصل ع التاني ،يعني مو صعبة عليك
يامن :سدقيني ما رح يصير هالشي ،انا اثبتلك حسن نيتي وحابب افتح صفحة جديدة بحياتي ،تعبت من اني اتظاهر بالقوة
وكمان حابب افتح معك صفحة جديدة ننسى فيها كل شي صار بيناتنا ،ورح اترك القرار الك فيكي تبقي وفيكي تمشي ،بس صدقيني انا حابب كتير انو تبقي
لمار بلشت تسدق كلامو واتعاطفت معه
يامن :اي شو حكيتي
لمار :كل شخص بيستحق فرصة تانية وانا رح اعطيك هي الفرصة
يامن :يعني موافقة
لمار :ايه
يامن :فرحتيني كتير ،اذن نفتح صفحة جديدة
لمار :تمام
يامن مد ايدو عشان يسلم ع لمار ،لمار مدت ايدا وسلمت عليه ..
يامن ضل ماسك ايدا ل لمار وعم يطلعو بعيون بعض وسرحانين بجمال بعض
لمار سحبت ايدا من ايدو ليامن
لمار :انا رح ارجع ع مكتبي
يامن :ماشي ،سلام
لمار :سلام
طلعت لمار من مكتبو وكانت مبسوطة ان واخيرا رح ترتاح بالشغل وما عاد تاكل هم
ويامن بمكتبو عم يبتسم ويحكي مع حالو :ايه هلا هيك فينا نلعب براحتنا ..





*يتبـــــــــع.....*
➖➖➖➖➖➖➖➖➖~ ↡​​​➥​‏↓❃​​*

*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 7 )ـــــــــارت*

➖➖➖➖➖➖➖➖➖


بعد مرور وقت قليل
يامن فتح الباب وراح عندا ل للمار ووقف فوق راسها ،لمار بس اطلعت شافته واستغربت ،لمار على طول رفعت سماعة التلفون ..
لمار :ايه عم يشتغل
يامن :لا تخافي ما دقيتلك
لمار :طيب محتاج شي
يامن :لا ،بس انا بعرف انو لسة خبرتك قليلة بالشغل حبيت اسئلك

اذا عم تواجهي صعوبة وازا فيني ساعدك بشي ..
لمار مع ابتسامة :لا يسلمو لهلا ماني مستصعبة من شي اذا بحتاج شي اكيد ما رح اتردد
يامن غمزا ل لمار :اوعك تتردي
لمار هون شردت بعيونو ل يامن وصار يحاكيها وبعدا شاردة
يامن صار يلوحلا بايدو
لمار فاقت من شرودها :ايه ايه شو صار
يامن صار يضحك :ما صار شي انا راجع ع المكتب
لمار :ماشي
بعد ما مشي يامن لمار مع نفسها :يا الله معقول الضحك بيلبق لبني ادم كل هالقد ،عنجد ضحكتو بتاخدني لعالم تاني بس شوفا ،لمار شو صرلك اصحي مبارح كنتي تكرهيه وهلا شوفي شو عم تخرفي ..
يامن بمكتبو مع نفسو :شكلها الخطة تمام التمام ،مسك تلفونه وبعت لعلاء رسالة :بقدر احكيلكم ان الخطة ماشية تمام التمام وصار يضحك ..
*
بعد لحظات يامن طلع من مكتبو
يامن ل لمار :لمار انا طالع عاوزة شي
لمار :سلامتك
يامن :انا عندي اجتماع برات الشركة ومن هون لاخلصو بكون دوامك منتهي ،يعني ما رح ارجع اذا ما ضل عليكي شي فيكي تمشي ..
لمار :جد عم تحكي ١٠ دقايق وبخلص ،يعني بعدها فيني اروح
يامن :ايه
لمار :شكرا كتير يامن بيك
يامن غمزها :يلا سلام بشوفك
...
وسام كان مارق بالصدفة و شافا ل لمار واتفاجئ كتير دخل ليحاكيها
وسام :لمار
لمار :اهلا وسام كيفك
وسام :تمام شو اخبارك انتي
لمار :انا منيحة
وسام :اتفاجئت كتير بشوفتك شو عم تعملي هون
لمار :انا سكرتيرة يامن بيك الجديدة
وسام :كيف هيك واللي صار اخر مرة
لمار :شي مرة بنقعد وبحكيلك شو صار
وسام :ماشي ،خبريني كيفها ندى
لمار :هي منيحة زايرة عند ستها هالفترة لانها مرضانة
وسام :عنجد ما على قلبها شر ،لما تحاكيها وصليلا سلامي
لمار :اكيد بيوصل
وسام :انبسطت كتير ان رح ارجع اشوفك
لمار :يسعدك وسام
وسام :ازا بتحتاجي شي ،بتعرفي مكتبي لازم ارجع ع شغلي هلا خلينا نشوفك
لمار :ايه ان شاءالله
لمار خلصت شغلها جهزت اغراضها وطلعت من الشركة وراحت ع البيت ..
**
لما وصلت ع البيت فتحت الباب بمفتاحها ودخلت
لمار :ماما ماما وينك
سلوى :هيني بالصالة ،ليه مروحة بهالوقت
لمار :خلصت شغل وروحت
سلوى :يعطيكي العافية حبيبتي
سلوى :شو جوعانة
لمار :لا مو كتير ماما
سلوى :ماشي لما بدك تاكلي خبريني
لمار :حاضر ماما
سلوى :اطلعي بدلي اواعيكي وانزلي نقعد سوا
لمار :ايه ماشي ماما ..
****
طلعت لمار على غرفتها بدلت تيابها ورجعت نزلت ع الصالة تقعد مع سلوى
لمار :ماما والله اشتقتلها ل ندى
سلوى :كم رح تبقى هناك
لمار :كمان يومين
سلوى :معلش ماما ،جدتها بحاجتها هالفترة
لمار :الله يشفيها..
سلوى :اميين ،ايه انتي كيف شغلك مرتاحة
لمار :اي ماما مرتاحة
سلوى :الحمد لله وكيف مديرك
لمار :منيح
سلوى :عم اسحب بالحكي منك سحب
لمار :شو احكيلك يعني ماما
سلوى :اكيد هلا جوعانة قومي نجهز الاكل
لمار :وانا رح جهز معك
سلوى :ايه يلا تعي ..
لمار :ماما ايمتى بابا رح يرجع من السفر طولت سفرتو هالمرة
سلوى :لما حكيتو قلي بدو اسبوعين
لمار :يلا تمام لاني اشتئتلو كتير
سلوى :وهو اكيد اشتقلك ...
***
يامن بهاد الوقت كان قاعد بالبيت وفاتح ع فيلم عم يتفرج عليه ،رن جرس البيت قام فتحو واتفاجئ بوجود تيم
يامن :تيم شو هالمفاجئة الحلوة ايمت اجيت
تيم :من شي ساعة وحبيت شوفك
يامن :اي خير ما عملت ،تعا فوت
تيم :شو الاخبار
يامن :عال العال
تيم :شو جديدك
يامن :اسكت والله رفيقك صاير ملتزم بشغله ومن ال ٨ بكون بالشركة
تيم :رفيقي يامن ما غيرو ..مستحيل اسدق هالشي
يامن :اي والله هاد اللي صار
تيم :اكيد في ان بالموضوع
يامن :ههههه والله ما حد بيعرفني قدك
تيم :انت بدك تحكيلي ،عشرة عمر بيناتنا هات احكيلي شو القصة
يامن :ماشي رح احكيلك بس اذا بدك تصير تعطيني بدروس بلاها
تيم :افهم انك عم تخبص بشي
يامن :انا بدون ما اعمل هيك ما رح يبرد قلبي
تيم :احكيلي فورا شو القصة
حكالوو يامن كل القصة لتيم وانو شو مقرر يعمل
تيم جن جنونو وصار يصرخ على يامن :انت وعيان ع حالك شو رح تعمل ،مشاعر الناس مو لعبة
يامن :وانا كرامتي مش لعبة
تيم :ليك يامن ،انسى الشي اللي صار وما تفكر هيك انا بعرفك انت مو هيك وهي مو افكارك ،اكيد علاء ومهدي بيعرفو وهما اللي شجعوك تعمل هالشي ..
سكت يامن
تيم :واضح الجواب من سكوتك ،انا مليون مرة قلتلك هدول التنين بيغارو منك وما بيتمنولك الخير وبصحبتهم عم ياذوك اكتر ما ينفعوك
يامن :حاجتك حكي فاضي ،علاء ومهدي ما دخلهن بالموضوع انا حابب اعمل هالشي ..
تيم مسكو ل يامن
ليك يامن اطلع فيي وحط عينك بعيني وجاوبني ع الاسئلة اللي رح اسالك ياها
يامن :اسئلة شو يا تيم ..
تيم :انت ليش بدك تعمل هيك
يامن :خبرتك ليش
تيم :يامن انت في مشاعر جواتك تجاه هالبنت وعم تحاول تتخلص من هي المشاعر بهي الطريقة صارحني
يامن بعصبية :انت شو بتخرف
تيم :انا بعرفك منيح
يامن :معناها بطلت تعرفني
تيم :اي مو الحق عليك الحق عليي اني بنصح فيك ،ماشي بس صدقني اخر الطريق اللي ماشي فيه غلط وباخر ها

لطريق انت اللي رح تكون خسران ..
يامن :انا متعود ع الربح وبس ،الخسارة مو من طبعي
تيم :لما توعى ع حالك الوقت رح يكون تاخر
يامن :ما رح يصير هالشي
تيم :انا ماشي عن اذنك ،تيم مشي وكان معصب كتير خبط الباب بقوة
يامن :انا غلطان اللي خبرتك بشي ،اساسا كل اللي صار فيك من ورا طيبة قلبك وخوفك ع مشاعر الناس ،وانت بتدفع ثمن هالشي اليوم ..
اوف منك نزعت عليي هالمسا ،ما رح اطلع احسن شي روح نام ..
****
لمار قضت النهار وهي قاعدة مع امها ولما صار وقت نومها طلعت على غرفتها
تمددت ع تختها وعلى طول خطر ببالها يامن وصارت تتذكر لحظاتهم سوا وتسرح بجمال ضحكتو ووسامته ،لمار ل نفسها :شو عم بيصيرلي ليه بفكر فيه معقول هاد الشخص اللي كنت اكرهو مبارح صار اليوم اخد كل تفكيري ..لساتها عم تحكي مع حالها
بس انتي ما فيكي تنكري يا لمار انك اول ما شفتيه جذبك اله بس كنتي ماخدة منه موقف بسبب غروره وتصرفاته ،بس هلا ما بحس بهالشي يعني مو غلط اذا فكرت فيه ..
اوف راسي وجعني من التفكير احسن شي طفي الضو ونام ...
*
تاني نهار ...
فاقت لمار من النوم كالعادة وبنفس الوقت بس هي المرة كان حماسها مختلف ..
فتحت خزانتها ،اختارت منها بنطلون جينز مع قميص لونه احمر وفردت شعراتا ..رشت من بارفانها اللي ع ريحة الياسمين وهو المفضل عندها ،اخدت حقيبتها وطلعت من البيت ..
يامن كان صاحي وعم يجهز نفسه وكان عم يخطط يطلع يتغدى هو ولمار سوا ،جهز حالو واخد مفاتيح سيارتو وطلع من البيت ..
*
لمار لما وصلت للشركة دخلت ع مكتب يامن وطلعت
بعديها دخلت ع المطبخ تجهزلو قهوته قبل ما يوصل ..
بهي الاثناء وصل يامن ع الشركة ،دور بعيونو ع لمار وما قلاها بس عرف انها موجودة لان اغراضها ع المكتب ..
يامن مع نفسو :ع وين بدها تروح يعني هلا بتيجي

***
دخل يامن ع مكتبو واول ما فتح الباب اتفاجئ بباقة ورد ع مكتبو ..صار يطلع يمين وشمال ما في حدا
يامن مع نفسو :من مين ممكن تكون ،قرب عليها شمها وكانت ريحتها كتير حلوة
لاحظ وجود كرت عليها اخدو وفتحو ،كان مكتوب ع الكرت
"في كل شخص تعرفه شخص اخر لا تعرفه ،انا كنت عم شوف فيك جانبك السيء وما كنت عم شوف جانبك الرائع ،باقة الورد هي اعتذار عن كل لحظة عرفتك فيها بشكل خاطئ ..لمار
يامن كان فرحان من جوا ان لمار جابتلو باقة الورد وخصوصا ان اول مرة حد بيجيبلو ورد ،وبنفس الوقت قلبو وجعو وهو عم يقرأ الكلمات اللي كانت كاتبتا لمار الو بس تجاهلها ل هالمشاعر ..
لمار واقفة ع الباب ومعها القهوة :عجبتك
يامن اول ما شافها حس بشعور غريب وما جاوب ع السؤال ،بقي صافن بجمالها كانو لاول مرة بشوفا
لمار بحزن :شكلو ما عجبتك
يامن :بالعكس عجبتني كتير ،يسلمو عذبتي حالك بس صدقا ما كان الو لزوم ..
لمار :عذابك راحة وبتمنى تكون حبيتها
لمار :تفضل قهوتك
يامن :شكرا كتير
يامن :انا قبلت هديتك ،وانتي رح تقبلي عزيمتي ع الغدا اليوم ..
لمار تفاجات وما عرفت شو تجاوب
يامن :ما تحكي شي لان هي اوامر مديرك وممنوع الاعتراض
لمار :هههه ماشي تمام
يامن :اذن ع ١ كوني جاهزة
لمار :ماشي عن اذنك هلا
يامن :اذنك معك
..
لمار قفلت الباب وكانت طايرة من الفرحة ان رح تطلع مع يامن ..
يامن بعاد الوقت كان عم يبعت رسائل لمهدي وعلاء وعم يطمنن ان الخطة ماشية تمام ..
لمار خلصت كل الملفات المتراكمة عليها ،ويامن كان طول الوقت بمكتبو ..وصار وقت الغدا متل ما اتفقو ..
يامن طلع من مكتبو ووقف فوقها ل لمار ولمار بهالاثناء كانت عم تنهي اخر شي بايدها ..
يامن اخد الملف من ايدا ل لمار :خلص ما في شغل
لمار :اساسا انا خلصت بس كان باقي شي كتير بسيط
يامن :اتركي كلشي من ايدك ،ويلا نمشي
لمار :ماشي انا جاهزة خلينا نمشي ..







*يتبـــــــــع.....*
➖➖➖➖➖➖➖➖➖~ ↡​​​➥​‏↓❃​​*

*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 8 )ـــــــــارت*

➖➖➖➖➖➖➖➖➖


يامن اخدها ل لمار ع مكان كتير حلو وراقي ،لما وصلو كان حاجز طاولة من قبل ..سحبلا الكرسي وقعدها
وهو قعد قبالا ..
يامن :ايه شو رايك بالمكان
لمار والفرحة باينة عليها :حلو كتير
يامن :شو بتحبي تطلبي
لمار :خلينا نطلب شي ع زوئك
يامن :معناها عم ثوثقي بزوئي
لمار

يل كل هاد فرحانة بشوفتي
لمار :اخرسي اكيد اشتئتلك بس فرحانة عشان شي تاني كمان
ندى اطلعت فيها وحطت ايدا ع خصرها :مستحيل تكوني عشقانة
لمار :ايه ايه ،واليوم اعترفلي بحبو
ندى :شوي شوي عليي ،مين هاد وايمتى صار كل هالشي من وراي
لمار :يامن
ندى :مين يامن
لمار :شو بك ندى بطلتي تعرفيه ل يامن
ندى بصدمة :لاءاااا اكيد عم تمزحي ،كيف ووين وليش وكيف صار يلا احكيلي كل شي ..
لمار :اي اقعدي رح احكيلك كل شي
*
عند يامن بالبيت بعد ما وصل كان متمدد ع تختو يتذكر بلحظاته مع لمار وعم يضحك بس هالمرة ضحكة من قلبوو ..
وعم يحكي مع حالو :ليش انا فرحان ،عنجد انا حاسس بحالي انا من جوا كتير مبسوط ،معقوول ؟؟ ،،لا لا مستحيل يامن اوعى ع حالك مستحيل هالشي يصير ،انا لازم اخد انتقامي واطلع هالبنت من حياتي
*
لمار خبرت ندى بكل شي وندى فرحتلا كتير لرفيقتها وضلو يحكو بالساعات
ندى :والله اخر توقعاتي
لمار :وانا كنت مستبعدة الموضوع كتير
ندى:اي بس والله بتلبقو لبعض ،واخيرا قلبك دق ل حدا
لمار :ما بعرف كيف وايمتى صارت كل هالمشاعر جواتي وكاني الي سنين بحبو
ندى :ايه هاي هي مشاعر الحب الحقيقي
لمار : بتعرفي اشتئتلو من هلا
ندى :ههههه لا شكلك وقعتي ع الاخر
لمار :ههه اي شكلي هيك
*
لماار بعتت ل يامن مسج ان بكرة رح تتاخر ساعة عن الشغل ازا بيسمحلا ،وخبرها ان ما في مشكلة وبتقدر تتاخر قد ما بدها
..
ندى ل لمار :ايه بس انتي ما حكتيلو بحبك بشكل واضح وصريح
لمار :لاء
ندى :شو ناطرة ما دامك متاكدة من مشاعرك
لمار :مفكرة بكرة اخبرو واعملو مفاجاة صغيرة
ندى :مفاجاة شو
لمار :هي المرة انا رح اخدو ع مكان وهناك رح اعترفلو بمشاعري
ندى :ايه فكرة كتير حلوة
لمار :ايه
ندى :ايه اذن خلينا ننام ،عشان ما تتاخري بكرة
لمار :اي واسااسا انا تعبانة
ندى :خدي اتغطي منيح ونامي ،تصبحي ع خير حبيبتي
لمار :تلاقي خير حبيبتي ..
*
يامن الافكار كانت عم تاخدو وتجيبو وبلش يحس ان رح يظلمها ل لمار وانو هي كتير حساسة وما رح تتحمل هالشي ..
اووف راسي رح ينفجر مش قادر اقرر شو بدي ،جواتي مشاعر كتير مخربطة مش قادر افهم ع حالي شو بدي ،لازم اخد قرار ع السريع ،انا مستحيل اكون حبيتها ل لمار
اوووف خلص ما بدي افكرر بشي ،بكرة رح خبرها بكل شي واطالعها من حياتي ما عاد بدي شي منها ..






*يتبـــــــــع.....*
➖➖➖➖➖➖➖➖➖
~ ↡​​​➥​‏↓❃​​*

*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 9 )ـــــــــارت*

➖➖➖➖➖➖➖➖➖


صباح جديد ..
المنبه عم يرن عند لمار ع الساعة ٧
لمار عملتلو اغلاق ع السريع مشان ما تفيق ندى
جهزت حالها ع السريع وطلعت ..
يامن كان في اجتماع بالشركة بكير ،لهيك جهز اموره وطلع لحتى ما يكون في شي ناقص ..
***
لمار قبل ما تروح ع الشركة اخدت باقة ورد حمرا حلوة كت

ير ل يامن ..
وصل يامن ع الشركة قبل لمار دخل ع مكتبو وترك باب غرفتو مفتوح
علاء بعتلو رسالة ل يامن :مهلتك قربت تخلص شو عملت
يامن مسك تلفونه ودقلو ل علاء وبهي اللحظة لمار كانت وصلت ع الشركة
*
شافت باب مكتبو ل يامن مفتوح ،اقتربت منه بخطوات بطيئة لتفاجئو ..
كان يامن عم يحكي بالتلفون مع علاء
يامن :شو قصتك انت لسة مهلة الاسبوع ما خلصت
لمار مع نفسها :مع مين عم يحكي مهلة شو هي
علاء :انت شكلك مو حابب تخلص هالمهلة وشكلك انت اللي وقعت بحبها لهالبنت مو هيي
يامن بعصبية :انت شو بتخبص انا ما حبيتها ل لمار ومستحيل احبها ،وبتعرف ان كل شي عم اعملو لحتى انتقم منها واكسرلها غرورها ،وبالنهاية انا اللي رح اكسب الرهان حضرلي سيارتك من هلا ..
لمار كانت واقفة وراه وعم تسمع كل الحكي ،جمدت بمكانها ودموعا صارو ينزلو متل الشلال ووقعت باقة الورد من ايدا ..
يامن قفل التلفون ولف الكرسي باتجاه المكتب وانصدم بس شافا ل لمار ..
يامن بلع ريقه :لمار
لمار عم تبكي مكانها وكانت عم تتطلع عليه نظرات قتلتو قتل من جوا ..
يامن بصوت مبحوح :لمار
لمار ركضت لبرا بدون ما تحكي شي وهي عم تبكي ..
لحقا يامن
يامن :لمار لمار وقفي مسكها من ذراعها :لا تروحي
لمار عم تبكي بوجع كبير ..
يامن قرب لمار منه وصار يمسحلا بدموعها وبكل حنية:لا تبكي دموعك عم توجعني وتحرقلي قلبي من جوا ..
لمار دفشتو ل يامن وبعدتو عنها وصارت تصرخ وحكتلو :انت فيك تمسحلي دموعي اللي عم تنزل من عيوني بس فيك تمسحلي دموع قلبي ،حاجتك حاجتك كذب وتمثيل انت اساسا ما عندك قلب ولا عندك مشاعر ،وبعرف ان كلامي ما رح يحرك ولا ذرة فيك ..
*
مسكتوو وصارت تضرب بايدا ع صدرو :شو كان بدك آآه شو كان بدك مني ،كان بدك تذلني ليكك ذليتني ،بدك تجرحني ليكك جرحتني ،بدك تكسرلي غروري متل ما بتحكي كسرتو كتير ،كان بدك تنتقم بهنيك قدرت تنتقم ،كان بدك تكسب الرهان ليكك كسبتو كسبتووووو
مبسوط هلااا ،آآه مبسوووط
جاوبني ليش سااكت مبسوط بانتصارك
لمار صارت تزقفلو بايدا وفجأة انهارت ووقعدت ع الارض وصارت تبكي بحرقة وتصرخ ..
يامن بهي اللحظة استحقر حاله كتير ،نزل لعند لمار وضمها لصدرو ودموعو عم ينزلو وهي كانت اول مرة دموعو بينزلو ل يامن ع بنت ..
يامن بكل وجع :انا اسف
لمار دفشتو ل يامن :بعد عني يا حقير اوعك تلمسني واوعك تقرب مني ،انا ما عاد بدي اشوفك ولا تفرح بانتصارك هاد بوعدك بالطريقة اللي حبيتك فيها رح اكرهك فيها واعتبرك ولا كانك كنت من قبل ..
لمار قامت من ع الارض وبدها تمشي يامن وقفها :لمار خلينا نقعد ونحكي بترجاكي انتي فهمتي الموضوع غلط
لمار :اخجل من حالك وبكفيك كزب ،كل شي بيناتنا انتهى ما عاد بدي شوفك ..
مشيت لمار شوي ووقفت تاكسي وركبت فيه ..
يامن كان عم يراقبها ودموعو عم ينزلو وقلبه محروق وموجوع كتير
صار يضرب راسه بالسيارة بقوة ويحكي :انت رربحت مبرووك مبرووك يامن اللي ما بخسر ربح ،هلا مبسوط بانتصارك يا يامن بيك
الله يلعني ،الله يلعني ،الله يلعني ..
ترك الشركة وركب سيارته وهو معصب كتير وراح ع البيت ..
لمار كانت راكبة بالتاكسي ولسة دموعها ما وقفوو ومقهورة كتير
دقتلا ل ندى وهي عم تبكي
ندى : شو يا جولييت شفتي حبيب القلب
لمار سمعتها من هون وصارت تبكي بزيادة وتشهق
ندى بفزع :لماااار شو في شو صاير
لمار ما ردت وعم تبكي
ندى :انتي وينك
لمار بصوت مبحوح :جاية لعندك
ندى :ماشي ناطرتك
لمار قفلت التلفون وكملت بكى
وندى صارت الافكار تاخدها وتجيبها وقعدت على اعصابها
ندى :اووف شو بيكون صاير معها الله يستر يا رب ..
*
يامن رجع ع البيت وكان معصب كتير وصار يكسر ويرمي كلشي بييجي قدامه
قعد ع الارض ومسك راسه وصار يصرخ
طلع تلفونه من جيبتو ودقلو ل تيم
تيم :ايه اتذكرت انو الك رفيق تسال عنه
يامن :انا كتير بحاجتك فيك تيجي لعندي ع البيت
تيم :يامن صوتك مو منيح شو صاير معك
يامن :بس تيجي بحكيلك
تيم :اوك نص ساعة بكون عندك ..
**
لمار لما وصلت كانت تعبانة كتير وبصعوبة نزلت من التاكسي ،ندى كانت ناطرتها وقلقانة عليها
لمار دقت الباب فتحتلها ندى بلهفة
ندى مصدومة من حالتها
ندى :لمااار
لمار قبل ما تحكي شي داخت واغمى عليها
صرخت ندى :لماااار شو صرلك ؛ماامااا تعي ساعديني
سهام مصدومة :ييي لمار شو صايرلها
ندى :خلينا ندخلها ل جوا وبعدين بنفهم شو صاير معها
سهام :اي يلاا
***
تيم وصل لعند يامن ،ويامن فتحلو الباب
يامن :فوت
دخل تيم وانصدم من منظر البيت
تيم :شوو عامل بالبيت شو هاد
يامن ...
تيم :احكي شي
يامن :انت كان معك حق
تيم :بشوو
يامن :انا عملت اللي براسي والبنت وقعت بحبي وانا كسرتها وخدعتها
تيم ما حكا شي ..
يامن :بس انا مش مبسوط وحاسس بوجع بده ياكلني اكل من جوا ..
تيم :خلص رووق وفهمني كل شي
يامن حكى ل تيم كل شي صار ..
تيم :انت بتحبها
يامن :بس انا كنت عم العب بلعبة
تيم :صارحني شو مشاعرك الحقيقية
يامن :ما بعرف بس مقهور كتير لان جرحتها وكل ما اف

*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 10 )ـــــــــارت*

➖➖➖➖➖➖➖➖➖


تاني يوم ..
الساعة ٧ صباحا ،رن المنبه
فاقت ندى ولمار ع الصوت
ندى:صباح الخير حبيبتي
لمار:صباح الورد
ندى :ايه كيف نفسيتك
لمار :احسن
ندى :ورح تصير احسن واحسن
لمار :ان شاءالله
ندى :يلا قومي جهزي حالك وكوني بكامل اناقتك
لمار :كمان
ندى :ايه هههه
لمار :

ك
وسام :انا قبلان توجعيلي راسي ،بس شكلو بدنا قعدة لتحكيلي
لمار:اه ما بنفع هون
وسام :اذن عازمك ع الغدا وبنحكي شو رايك
لمار :تمام موافقة
وسام :خصي شغلك وبمر عليكي وبنطلع سوا
لمار :ماشي بشوفك
وسام :يلا باي
****
يامن بالمكتب وعم يفكر بتصرفات لمار تجاهو ومعصب
علاء عم يرن وعليه ويامن مش طايقو وبيفصل بوجهو :اي مو ناقصكم كل اللي صار بسببكم ،بس انا لازم اتصرف بسرعة معها
*
بعد ما خلص وقت الدوام
يامن طلع من مكتبو ولاقى لمار لسة قاعدة
يامن من مكتبها :لمار خلص دوامك بتقدري تروحي ع البيت
لمار :ايه بعرف ،بس رح ابقى شوي
يامن :لشوو
لمار ما حكت شي
بهالوقت اجى وسام لياخد لمار
وسام :مرحبا يامن بيك
يامن اطلع عليه وما عجبو
وسام :لمار ازا جاهزة فينا نمشي
يامن اطلع ع لمار وعيونه صارت تقدح شرار :ع ووين
لمار ووسام استغربو
وسام رد على يامن : طالعين نتغدى سوا تفضل معنا
يامن مسكها ل لمار من ذراعها :امشي معي
لمار :ع وين امشي اترك ايدي وبعدتو عنها
يامن بعصبية :ما في تروحي ع محل امشي رح وصلك ع البيت
لمار عم تعاند ب يامن :انا خلص وقت دوامي يعني انت ما فيك تؤمرني
مسكت وسام من ايدو يلا وسام ومشيو ..
يامن جن جنونوو وبطل شايف قدامه من غيرتوو ،طلع من الشركة ولحقهم ل لمار ووسام مشان يراقبهم ..
*
وصلو لمار ووسام ع المطعم ودخلو عليه
يامن كان عم يراقبهم بالسيارة ،صف السيارة بمكان كاشف المطعم كلوو
كان معصب وجانن من الغيرة ومو عارف يقعد وحس انو خلص خسرها ل لمار
وسام اختار طاولة هو ولمار وقعدو عليها
وسام :ما بدك تحكيلي ليش كانت ردة فعل يامن هيك
لمار :ما بعرف ليش هيك ردة فعلو كانت
وسام :انا اول مرة بشوفو بتعامل مع سكرتيرتو هيك
لمار :الاوضاع بيناتنا مو زابطة
وسام :كيف يعني
لمار حكت ل وسام القصة كلها ..
وسام مصدوم :معقول في حقارة بهاد الشكل ،هاد كتير اتجاوز حدوده
لمار :ايه كتير
وسام :شو مفكرة تعملي
لمار :ما رح بينلو ضعفي لهيك رجعت ع الشغل
وسام :ايه بس انا اللي مافهمتو ليش هيك ردة فعلو كانت ليكون بحبك
لمار :هاد اشكالو ما بيعرفو شو الحب ،بس هيك سيطرة وفرض رايي
وسام :بس انتي اكيد بتحبيه
لمار بغصة :للاسف حبيتو ،لا تفكر تواجدي سهل قدامه طول الوقت بس كرامتي وكبريائي اللي خلاهم بالارض بخلوني اعمل هالشي
وسام مسكلا ايدا ل لمار :ما تقلقي انا معك واي شي بتحتاجيه رح ادعمك فيه
***
يامن شاف هالمنظر قدامه وطار عقلو نزل من السيارة وخبط الباب بقوة
ودخل ع المطعم وعيونه عم تقدح شرار
وصل عندن ومسكو ل وسام من رقبته :ازا برجع بشوفك قريب منها او عم تحاكيها ل لمار رح اطلع بروحك فهمت
لمار مصدوومة وقامت من محلها :انت مجنوون اتركوو رح تموتو..
يامن دفشو ل وسام ووقعو ع الارض ومسكها ل لمار وصار يسحب فيها من ذراعها لبرات المطعم ..
هي كانت عم تحاول تفلتوو بس مو قدرانة لانو كتير شادد عليها
لمار بصراخ :اتررركني يا حيوااان
يامن انزعج منها وعصب وصار يصرخ عليها :ليش اتركك اه لييش مشان ترجعي لعند وسام حبيبك الجديد
لمار :ايه خليني ارجعلووو انت شوو دخلك ومين بتكون الي لتتحكم فيي هيك
يامن وبعدو بصرخ :اسمعيي علي انا ما رح اسمحلك ان حد تاني يدخل حياتك فهمتي عليي ،يلا اركبي السيارة
لماار :ما رح روح معك لمحل وما رح رد عليك بشي
يامن جن جنونو :رح تسمعي كلامي وغصب عنك يلااا
لمار عصبت ع الاخر وصارت باعلى صوتها تحكي :لييييش ليييش شو بدك مني اتركني اعيش حياتي متل ما بدي واطلع منها واتركني بحالي
يامن :ما فيني اتركك ولا اطلع من حياتك
لمار باعلى صوتها :لييييييش شو بدك مني
يامن باعلى صوتو :لاني بحببببببك عرفتي ليييش ..





*يتبـــــــــع.....*
➖➖➖➖➖➖➖➖➖~ ↡​​​➥​‏↓❃​​*

كر ان خلص ما عاد شوفها واني خسرتها قلبي بيوجعني
تيم :معناها ما بدها تفكير انت حبيتها ل هالبنت وهي قدرت تصحي فيك يامن اللي مخبى جواتك واللي بتحارب فيه كل هالسنين ،عشان تكون هيك ..
يامن : بس هي مستحيل تسامحني هلا
تيم :مين حكا اكيد ازا شعرت بندمك وتاكدت انك بتحبها عنجد رح تسامحك وانا رح ساعدك ،بس اوعدني انك تنتبه من مهدي وعلاء وما يعرفو شي عنك بعد هلا لانهم ضيعوك
يامن :ايه بس شو رح نعمل
تيم :لا تقلق رح نفكر بشي طريقة
يامن :بس انا مش قادر استنى او اهدى
تيم :امممم شو نفسك تعمل
يامن :انا كسرتها وجرحتها ،نفسي اروح لعندا واضمدلها جروحا ،لسة شكلها وبهي بهديك الحالة ما عم يفارق تفكيري
تيم :خلينا ما نتسرع ،هلا لو رحت حاكيتها ما رح تسمعك والامور رح تتعقد اكتر
يامن :معك حق ،خلص رح استنى ..
تيم :ايه احسن ..
*
في بيت ندى
لمار بلشت تفيق ع حالها وندى فوق راسها
لمار :شو صارلي
ندى :ارتاحي ما تحكي شي
لمار عم تحاول تقوم
ندى :استنى رح جلسك
لمار اطلعت بندى واتزكرت اللي صار حضنتها وصارت تبكي
ندى :اهدي حبيبتي احكيلي شو صار
لمار :كلها كانت لعبة يا ندى وانا متل الغبية سدقتوو
ندى مصدومة :كيييف يعني وليش ليلعب هيك لعبة
لمار :سمعتو كان عم يحكي ع التلفون ،بده ينتقم مني ويكسرلي غروري ويا ريت بس هيك
ندى :ليش شو في كمان
لمار :تخيلي تراهن مع صحابو عليي
ندى :العمى شو انو واطي
لمار :حاسة حالي رح انجلط وبهي اللحظة بتمني الموت
ندى :اوعك اسمع بتحكي هيك عشان واحد حقير
لمار :مش قادرة اتنفس يا ندى ،كل ما بتذكر اني كنت مجرد لعبة ورهان اله بيطير عقلي وبنقهر من جوا ،انا دمرت حالي وانتهيت لما سدقتو
ندى :خلص لمار لا تحكي هيك انا بعرفك قوية وما رح يكسرك زلمة ، وانا بعرف ان ما بتتركي حقك يضيع هيك وتخلي هالواطي يتهنى بعملتو ،هلا هو مفكر ان اخد انتقامو منك وبهيك رح يكسرك مو هاد اللي كان بده ياه
لمار: ايه كان بده هيك ونجح
ندى :انا وياكي كنا سوا وتجاوزنا كل الصعوبات اللي مرقنا فيها ورح نتجاوز هي كمان
لمار :بس هي غير ،انا هلا شو رح يبرد قلبي
ندى :رح تبردي قلبك ،هلا صار دورك انتي
لمار :بشو بتفكري
ندى :رح ترجعي ع شغلك وتضلك تشتغلي عنده
لمار :شوووو انا مستحيل ارجع لعندو
ندى :لا رح ترجعي ورح توقفي بكامل قوتك قدامو وما رح تخليه يتهنى بنصرو ، ورح تتعاملي بكل برود وفوق هيك رح تحبي قدامه عيونو
لمار :شووو كلشي فهمتو بس انو احب قدام عيونه هي كيف
ندى :اكيد شي بيقهر الشب انو يشوف البنت اللي حبتو ،نسيتو وحبت حدا تاني بسرعة وقدام عيونه وخصوصا حد متل يامن مفكر حاله ان غير الكل وما بينتسى ..
لمار :كيف رح احب يا ندى مرة تانية هي صعبة كتير
ندى :ليكي حبيتي وما اخدتي من حبك غير وجع القلب ،جربي اعطي فرصة لحد بيحبك وشوفي كيف رح يسعدك ..
لمار :شو بتخرفي ندى
ندى :قصدي وسام
لمار :وساااام
ندى :ايه وسام ،اسااسا هو مستنى منك تطليعة وحدة
لمار :يعني انتي بدك ياني اعمل متل يامن واستخدم وسام والعب بمشاعره عشان اغيض يامن ..
ندى :لا تقارني حالك بهالحقير ،انتي ما رح تضحكي عليه بس اعطيه فرصة وما بتعرفي يمكن تحبيه
لمار :ما بظن
ندى :ستي بضلها تحكيلي خدي اللي بيحبك وشاريكي مو اللي انتي بتحبيه وبايعك
لمار :والله هاد حكي ستك
ندى :ههههه ايه ،المهم شو حكيتي انتي فكري بس المهم بكرة رح ترجعي ع شغلك وتصدميه فهمانة
لمار بعد تفكير :ايه معك حق ،ما رح بينلو ضعفي ورح ضل قوية وثقتي بحالي كبيرة وانا بفرجيه
ندى:قربي لضمك هاي هي رفيقتي اللي بعرفها
لمار :انتي احلى شي بهالحياة الله يخلينا لبعض
ندى :امييين
**
عند تيم ويامن
تيم :اتركها يومين لتروق وبعدها رح تصلح كل شي
يامن :ماشي
تيم :انا رح امشي هلا
يامن :شكرا الك تيم ،عنجد انك صديق حقيقي ويا ريتني سمعت كلامك من الاول
تيم :ما تحكي هيك انت اخي ،بس بتعرف انا حاسس هاالبنت رح تغيرلك كل حياتك
يامن :كيف يعني
تيم :اليوم حسيت ان بحكي مع يامن القديم ،قبل ما تغيرو الظروف والحياة
يامن : انداري هيك شايف انت
تيم :ههه اي ،يلا اطلع ريح حالك وفكر شو بدك تعمل لترجع تكسب قلبها
يامن :ازا قدرت
تيم :رح تقدر
يامن :ان شاءالله
تيم :يلا بشوفك
يامن :الله معك ..
***
لمار خبرت امها انها رح تبقى عند ندى الليلة ،ولمار وندى ضلو يحكو ويخططو مشان يامن
وبعد ما تعبو حضنو بعض وناموو ..
ويامن هالموضوع هاد تعبلو كل تفكيرو ،وكان مقرر ان يرجع يكسبها ل لمار بس مو ملاقي الطريقة لسة ..
وبعد ما تعب حط راسو ونام ...







*يتبـــــــــع.....*
➖➖➖➖➖➖➖➖➖
~ ↡​​​➥​‏↓❃​​*

مجنونة هههه
ندى :انا ينعمل في رفيقتي هيك واسكت ولك والله ح نفرجيه الويل لسة
لمار :هههه عنجد لولاكي ما بعرف شو كان صار فيي
ندى :يلا قومي قومي ما تضيعي وقت
لمار :اي يلا
ندى :لازم يوصل قبلك وبعدها انتي بتروحي
لمار :ماشي
....
يامن فاق من نومه وقام لبس جهز حاله وكان مبين عليه الارهاق ..
...
لمار بلشت تجهز بحالها وزبطت حالا كتير ،وعملت ميكب خفيف وصارت جاهزة لتواجه يامن
ندى :تقبريني ع هالجمال
لمار :بعيد الشر عن قلبك
ندى :يلا متل ما اتفقنا بدي ياكي قوية كتير
لمار :ايه بوعدك
ندى :يلا روحي وبتخبريني اول باول
لمار :ماشي ،يلا هات ابوسك وبنحكي ادعيلي
ندى :حبيبتي رح ادعيلك اكيد
لمار :وانتي ارجعي نامي لسة بكير
ندى :هاد اللي رح اعملو
لمار :يلا سلام
ندى :الله معك
....
يامن وصل ع الشركة
لما وصل ع مكتب لمار وشافو فاضي انقهر كتير وكانو اتعود ع وجودها واستفقدلها كتير
يامن مع نفسه :اي والله تعودت اشرب قهوتها الزاكية شو عم تكون تعمل هلا ،اوف يامن ادخل حضر للاجتماع هلا وبعدها بتفكر ..
*
لمار بهالوقت وصلت ع الشركة وكانت عم تتذكر اخر شي فيها وتنقهر
لمار :خلص ما رح افكر بشي لازم كون قوية كتير
وصلت لمار عند مكتبها وكان متل ما تركتو ،تركت اغراضها ع الطاولة ودخلت تعمل قهوة ل يامن ..
*
جهزت القهوة وصار لازم تدخل عند يامن
وقفت عند الباب وصارت تاخد بنفس وبعدها تشجعت ودقت ع الباب
يامن استغرب مين جاي بهالوقت :تفضل
فتحت لمار الباب وهون كانت الصدمة والدهشة ع وجه يامن :لمااار
لمار :صباح الخير يامن بيك ،بعتذر عن التاخير وهي قهوتك جاهزة ،تفضل
حطتها ع المكتب ويامن كان لسة مصدوم
لمار وبكل قوة وثقة اطلعت بعيونه :صحة وهنا ،بتؤمر بشي تاني قبل ما اروح
يامن :لمار لازم نحكي
لمار :بخصوص الشغل
يامن :لا بخصوصنا
لمار :لو سمحت يامن بيك ،ما في شي بخصوصنا انا هون مشان اشتغل مو مشان شي تاني ،عن ازنك هلا ازا بتحتاج شي بتخبرني ..
يامن :استنى لمار
لمار :شو فيي
راح لعندا ووقف قبالا ولمار تعمدت تبعد عنه شوي
يامن :لمار اعطيني فرصة وخلينا نحكي
لمار :ما بدي اسمع شي وانا نسيت اللي صار ،رح ركز بشغلي وبس يلا عن اذنك
سحبت حالا وطلعت من المكتب وسكرت الباب
لمار :اووف واخيرا
يامن بمكتبو مصدوم من تواجد لمار
يامن مع نفسه :شو اللي عم بصير ،وشو كل هالبرود اللي عندا ولا كانه صار شي ،لشو عم تخططي يا لمار ..ايه بس بكل الاحوال وجودك هون احسن هيك رح احاول ارجع اكسبك لما تكوني قريبة مني ..
*
بعد شوي وصل ع تيم ع المكتب عند يامن هو ما بيعرفها ل لمار واول مرة بشوفا
تيم :صباح الخير
لمار :صباح النور
تيم :انتي السكرتيرة الجديدة ،يمكن ما بتعرفيني انا تيم رفيقو ل يامن
لمار :اهلا وسهلا وانا لمار
تيم بس سمع اسمها استغرب كتير بوجودها : ايه
لمار :شو ايه
تيم :يامن جوا
لمار :اي تفضل
*
تيم دخل لعند يامن ع المكتب ،ويامن كان قاعد وصافن
تيم :ايه حقك تصفن والله
يامن :تيم ،شو جابك بهالوقت
تيم :قلت اطمن عليك
يامن :اي خير ما عملت
تيم :لمار اللي برة هي نفسها لمار
يامن هزلو راسو
تيم :ايه وحكيتو
يامن :صدمتني بوجودها وعم تتصرف ولا كانو صارشي وحكتلي ان بس بدها تركز بشغلها
تيم :عنجد هالبنت قوية وجبارة وهلا عرفت كيف قدرت توقعك بحبها ،اي بهنيها
يامن :لمار اكيد عم تخطط لشي
تيم :متل شو
يامن :اللي شاف حالتها مبارح ما بحكي ان رح اجي اليوم والاقيها واقفة قدامي
تيم :امممم شي بحير
يامن :كنت اقدر اقرا افكارها لما توقف قدامي ،بس هالمرة شفت بنت تانية ما عرفتها
تيم :انت جرحتها وكسرتلها قلبها ،يعني ما تتوقع بسهولة تسامحك
يامن :اي بعرف بس رح اعمل المستحيل لتسامحني
تيم :اوووه ،لا شكلك عشقان ع الاخر
يامن :بلا غلاظتك تيم
تيم :ههه ماشي يلا انا بدي اروح بدك شي
يامن :سلامتك
تيم :يلا سلام
*
بعد ما طلع تيم راح يامن ل عند لمار
لمار كانت عم تطبع ع الكمبيوتر
يامن وقف فوق راسها :لماار
لمار بخضة :تفضل يامن بيك
يامن :لشو عم تخططي
لمار اطلعت عليه :ما فهمت
يامن :عم تفهمي قصدي
لمار :انا ما عم خطط لشي وليكني عم اشتغل شو عاملة
يامن :اي لا تحكي رح نعرف
ولف بده يرجع ع مكتبو
بهي الاثناء وسام كان مارق
لمار انتبهتلو وندهت عليه :وساااام ورفعتلا ايديهاا
يامن بس سمعها التفت ع طول ل وراه
لمار سلمت ع وسام وباستو
يامن انقهر كتير
لمار :كيفك شو اخبارك
وسام :مشتقلك والله يا بنت
لمار :وانا اكتر والله
يامن كان عم يسمع الحكي وجن جنونو من الغيرة دخل ع مكتبو وطرق الباب وراه
لمار ووسام انتبهو ع الصوت اللي طلع من الباب
يامن جوا مغيوض كتير وغار كتير عليها ل لمار
يامن رايح جاي بالمكتب وعم يحكي مع نفسو :شو عم تحاولي تعملي لمار شو شو
*
لمار ووسام كانو عم يحكو ويضحكوو
وسام ل لمار :شو اخبارك طمنيني عنك وكيفو يامن معك
لمار :مش عارفة شو احكيلك
وسام :صاير شي معك
لمار :ما بدي وجعلك راس

*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 11 )ـــــــــارت*

➖➖➖➖➖➖➖➖➖


لمار وقفت بمكانها وانصدمت من كلمتو ل يامن
لمار بضحك هستيري :ههههههههه عنجد ضحكتني من قلبي ،اسكووت ولا تعيدها ل هالكلمة
يامن :لمار بترجاكي لازم تسدقيني
لمار :لو بتحلفلي ع المصحف ما بسدقك
يامن :اعطيني فرصة اخيرة ورح اثبتلك حبي
لمار :ما الك ولا فرصة عندي

يامن :لمار انا بعرف اني غلطت معك كثير وما بستاهل ولا فرصة ،صدقيني ندمان كتير اعطيني فرصة اخيرة ورح صحح كلشي
لمار :اتاخر الوقت كتير ع هالحكي
يامن : بترجاكي لمار
لمار :لا لا اوعى تترجاني ،نسيت مين بتكون انت يامن بيييك ،ما بيترجى حدا ولا بتنازل ل حدا هيبتك وين بدها تروح بعدين
يامن :لمار انا بعرف انك بتحبيني
لمار :لا تغلط اي حبيتك بس هلا صرت اكرهك واستحقرك
يامن :لاء لمار اسكتي لا تحكي هيك
لمار :ليش الحقيقة بتوجعك ،هههه انا شو بخبص ناسية اني بحكي مع واحد قلبه حجر
يامن :قلبي حجر كان قبل ما احبك ،بس هلا الوضع اختلف
لمار :انا ما بدي حبك وما بدي منك شي ،ولو بتكون اخر زلمة بالدنيا ما رح ارجع ادخلك ع حياتي ،بفضل الموت ولا ارجع انخدع فيك ..انا رايحة بكرة بكون ع الوقت بشغلي
يامن :استني شوي
لمار ما سمعتوو ومشيت ..
*
يامن جن جنونو لان لمار مو مسدقتو وحكيها قطعو من جوا وصار يحكي :انا بستاهل كل شي شو ما حكت لازم اعذرها لانو لو انا مكانها برضو بعمل متل ما عملت ،لازم اصبر عليها وارجع اكسب قلبها ..
*
لمار ماشية بالشارع وعم تبكي :يا الله شو ضل بده مني ،ما كفاه اللي عملو يعني بده ياني امووت لحتى يرتاح ويتركني بحالي ،وبكل وقاحة لسة ما بيخجل من حاله وبحكيلي بحبك ،لو عندك قلب وبتعرف تحب حدا ما كنت عملت اللي عملتووو ،انا ما بدي منو شي بس لا بقى يقرب مني ويخربطلي حياتي ومشاعري اكتر من هيك ..
لمار وقفت تاكسي وراحت لعند ندى مشان تخبرها باللي صار ..
*
يامن كان كتير مقهور ركب سيارته وراح ع البيت وحاكى تيم مشان يجي لعندو..

لمار وصلت عند ندى سلمت ع امها وطلعو ع الغرفة
ندى : تعي تعي خبريني بكل شي صار
لمار :احكي شو اللي ما صار
ندى :ليه شو صار شي جديد
لمار قعدت تحكيلها بكل شي صار
ندى صارت تزقف وتقفز بالغرفة
لمار :ندى بلا جنونك شو الشي اللي ببسط لهالدرجة
ندى :ولك كل هاد وشو صار
لمار :وشو اللي مفرحك
ندى :كل شي كل شي ،بس معقول وقع بحبك
لمار :هاد ما بيعرف يحب
ندى :وازا حبك عنجد
لمار :مستحيل وانا ما بدي حبو اسااسا بدي يبعد عن طريقي وبس ..
ندى :بس ليش هيك عمل مع وسام هههههه ،ولك هاد جانن غيرة
لمار :لا مو غيرة هاد مريض وبده يحصل ع كل شي
ندى :ايه رح نعرف
لمار :انا لازم امشي هلا لانو اشتقت ل ماما
ندى :ماشي حبيبتي بتخبريني كل شي
لمار :ماشي ،يلا بشوفك
ندى :خليني اوصلك
لمار :ما في داعي بنزل لحالي يلا سلام
ندى :الله معك
*
يامن وصل ع البيت وكان مو عارف يقعد بمكانو وعم يحكي مع نفسو :ليش اتاخرت تيم حاسس حالي رح جن ازا ما فضفضت لحدا
بعد شوي دق الباب ويامن بسرعة راح فتحلو الباب
تيم :شو صاير
يامن :رح انجلط ازا ما حكيت مع حدا
تيم :شو صار
يامن :لمار بدها تجنني اول شي بتتعامل معي كانها ناسيتني وما صار شي بينا ،واللي بيقهر بزياة عم تاخد مواعيد مع الاستاذ حسام وتظهر تتغدى معو ..
تيم عشان يستفزو :طيب وما تطلع وين المشكلة
يامن بعصبية :كيف يعني وين المشكلة بتتهبل انت
تيم :اووه انت جانن من الغيرة والله ما كنت بعرف يا رفيقي انك غيور كل هالقد
يامن :وانا ما كنت بعرف وما جربت هالشعور
تيم :انت جرحتلها كبريائها للبنت وهي صعب تسدقك بعد اليوم ،هلا لازم عنجد نفكر بطريقة لترجع تكسبها
يامن :ما عم تسمعني
تيم :اثبتلها حبك رح تسمعك
يامن :كييييف
تيم :لازم نوصل لحدا قريب كتير منها لحتى يساعدنا بهاد الموضوع
يامن :حدا متل مين
تيم :فكر مين اقرب حدا عليها
يامن :رفيقتها ندى
تيم :كيف رح نوصلها
يامن :انا بقدر جيب رقمها ،بس انا مستحيل تسمعني ولمار بتخبرها كلشي يعني اكيد كرهانتني وماخدة مني موقف
تيم :انا بحاكيها انت ما تقلق ورح اقنعها
يامن :عنجد عم تحكي
تيم :ايه
يامن :ندى الها تاثير كبير عليها ،يعني ازا سدقت ندى رح تساعدنا
تيم :انا بتكفل باقناعها ،اعطيني رقمها ورح حاكيها
يامن :سجلو عندك
*
لمار قاعدة بغرفتها وعم تبكي وتحكي مع نفسها : يعني انا طول عمري ما حبيت حدا ولا فتحت قلبي لحدا ويوم ما احب احب واحد ما في بقلبو رحمة ،ويعمل كل هالشي فيني .. اي انا بستاهل اللي صدقتو ،بحياتو الوحش ما صار امير ،بتستاهلي عشان تتعلمي مرة تانية تفتحي قلبك لحدا ..
عنجد كرهني بالحب وساعتو ،بس مع هيك مش قادرة اكرهو بالرغم من كلشي ،شو اعمل عقلي بقدر امشيه كيف بدي بس قلبي ما الي حكم علييه شو اعمل اووف ..
خلص لمار لازم تضلك ثابتة وقوية وما تضعفي قدامه مرة تانية ،والا رح يرجع يستغلك ويضربك من نقاط ضعفك ..
لمار قررت ما تفكر بشي طفت الضو ونامت ..
****
يامن قاعد ع تختو وعم يفكر ب لمار وعم يحكي مع نفسه :انا كيف ضيعتها من ايدي ،بلكي ما قدرت ارجعها وقتها شو رح استفيد من غروري ،بالفترة اللي كانت لمار موجودة معي انا تغيرت فيي كتير شغلات تعلمت ان الانضباط وتحمل المسؤولية مو صعبين كل هالقد ،وكمان ان غروري هاد بياذيني اكتر ما بينفعني واهم شي تعلمتو ان الحب اشي كتير حلو بخليك بع

*📖╏غــــرور رجـــل وڪبــريـاء إمــرأه🖤✨*

*📖╏#الـبــــ( 12 )ـــــــــارت*

➖➖➖➖➖➖➖➖➖


يامن طلع من المطبخ ما شافها ل لمار عرف انها مشيت ،دخلت ع مكتبو وكان زعلان كتير ..
مسك تلفونو ورن على تيم
تيم :ايه يامن
يامن :شو صار معك حكيتها ل ندى
تيم :لاء لساتني
يامن بعصبية :شو مستني
تيم :طول روحك يامن رح احكيها ،بس حاسس الوقت بكير
يامن :لا مو بكي

ي بكرة بكل التفاصيل
يامن :ماشي ،شكرا كتير ندى
ندى :انا بعمل اي شي مشان لمار تكون مبسوطة
تيم :اسمحيلي اوصلك ع الباب
ندى :ماشي ..
تيم وصلها ل ندى ع الباب
تيم :اتشرفت بمعرفتك انسة ندى
ندى :فيك تحكيلي ندى وبس
تيم :ماشي امرك ههه
ندى :يلا بنتواصل
تيم :ان شاءالله
ندى :سلام
تيم :الله معك ..
بعد ما راحت ندى بقي تيم واقف عم يطلع عليها ويراقبها ،يامن انتبهلو
اجى لعندو يامن :شو يا عم بشو سرحان
تيم :انا لا ابداا
يامن :هههههه ايه بعد فترة رح ذكرك بهالوقفة
تيم :حاجتك غلاظة وركز بشو بدك تعمل
يامن :ههه معك حق
يامن :يلا نمشي ..
*
ندى راحت لعند لمار ولمار كانت بغرفتها متمددة ع تختها
ندى :فيني فوت
لمار :ندى ،اي اكيد تعالي
ندى :مالو حبيبي سرحان
لمار :نفس القصة
ندى :شو صار
لمار :اووف كنت رح اضعف قدامه اليوم
ندى :كيف يعني
لمار حكتلا كلشي صار
ندى صارت تضحك
لمار اتفاجئت :شو بشوفك ماخدة الامور عادي
ندى : لا ابدا
لمار :شو قصتك
ندى :ولا شي انسي هالموضوع المهم بكرة بتجهزيلي حالك طالعين مشوار سوا رح اخدك ع مكان بيجنن
لمار :ندى من وين طلعتيلي بهالمشوار مو جاي ع بالي
ندى :ما في نقاش
لمار :اووف منك
ندى : اسكتي لازم نغير جو وننبسط
لمار :ماشي
ندى : انا رح امشي هلا بكرة بمر باخدك وبنروح سوا
لمار :لسة ما قعدتي
ندى :خلص بشوفك بكرة يلا باي حب
لمار :الله معك حبيبتي ..
*
يامن هو وتيم قاعدين في بيت يامن
تيم : لساتك عم تحكي مع علاء ومهدي
يامن :لاء قاطعتهن انا فكرت بكلامك منيح وراجعت كل المواقف اللي بينا وكلامك طلع صحيح
تيم :اي هاد اللي لازم يصير من الاساس ،هلا شوف كيف حياتك رح تتغير وتصير احسن
يامن :بكفي انت معي وما بدي شي
تيم :هههه بس بدك ياني انا
يامن وهو عم يضحك :انت شي وهي شي تاني
تيم :جهزت كل شي ل بكرة
يامن :ايه كلشي جاهز
تيم :خليني امشي اذن
يامن :ابقى هون
تيم :لازم اطمن ع مااماا
يامن :ماشي بشوفك بكرة
تيم :يلا تصبح ع خير
يامن :تلاقي خير
***
بعد ما مشي تيم يامن دخل على غرفتو لينام وكان متحمس كتير لبكرة ويدعي ربنا ان لمار تصدقو وتسامحو ..

شو رح يعمل يامن لحتى يثبت حبو ل لمار وهل رح تسامحو او لاء انتظروني بالبارت الاخير ...

➖➖➖➖➖➖➖➖➖
~ ↡​​​➥​‏↓❃​​*