السلام عليكم
خلصنا امتحان الدور الثاني وان شاء الله الكل تنجح

هسه نرجع لطلابنا دفعه 2026
الفصل الاول كمل باقي اختبار الفصل ان شاء الله باجر انشرها للمحاضرة

ويبقى عدنا الاختبار الشامل للفصل الاول
راح اجيب اكثر من 10 اسئلة
ان شاء الله يوم السبت

وشغلة ثانية واجب خطة حل المسالة حلو ودزو الي

والطلاب اصحاب الدرجة الكاملة بالاختبار الشامل راح ننشر اسماءهم بالكروبات الدراسية كتشجيع من عدنا الهم ان شاء الله

السلام عليكم
الامتحان اليوم بالفصل الاول كامل
بل6 مساءاً .
ادرسو زين امتحان اليوم اذا اخذت بي درجة كاملة
معناها حصلت من 10 الى 20 درجة بلوزاري ..
اتمنالكم التوفيق

الاستاذ عبدالله ظاهر مُعلم الرياضيات

امتحان الشامل للفصل الاول
من ضمن الدورة المجانية

▪️المطلوب : تحل الاسئلة على الورقة وتكتب بخط مفهوم وترتب الورقة
ادزلي الاجوبة على حساب الفيسبوك(الماسنجر) اصححها الك
▪️الثلاثاء ان شاء الله نكمل الدورة المجانية ونبدأ بالفصل الثاني
الي يحب يشترك يكتب تم ويدزلي اسم الطالب

▪️ الملزمة الشاملة للرياضيات متوفرة توصيل لكل محافظات العراق
للحجز والاستفسار مراسلة حساب الفيسبوك

بالمسائل الكلامية اكو كلمات مفتاحية تخليك تميز بين العمليات الاربعة( الجمع ، الطرح ، القسمة ، الضرب )
الجمع : مجموع، يكسب ، اجمالي ، الكلي ، معاً ، ايضاً، اضافة ، مضاف ، اكثر ، الكل ، سويا

الطرح : اقل ، فرق ، ايجاد الباقي ، مقدار الزيادة ، حذف ، خصم ، انفق ، قص ، قطع ، فقد ، استهلك ، استخدم ، ضاع

الضرب: امثال ، كان لجمع ، المتكرر ، الضعف ، اضعاف ، مره ، كل يوم ، كل ساعة
القسمة : قسم ، وزع ، مقابل ، كل

قريباً راح اصور فيديو يشرح هالشي ان شاء الله

السلام عليكم
المحاضرة الاولى من ضمن الدورة المجانية
الفصل الثاني :العبارات الجبرية والمعادلات

الدرس الاول : ترتيب العمليات على الاعداد
في الساعة العاشرة مساءاً ان شاء الله

ادرسو الموضوع زين
باجر امتحان يومي ورقي من 20 درجة ان شاء الله

السلام عليكم
الامتحان اليومي ضمن الدورة المجانية بل7 ان شاء الله

السلام عليكم
ضمن الدورة المجانية لمادة الرياضيات سادس ابتدائي
امتحان يومي ورقي من 20 درجة للدرس الاول من الفصل الثاني
العبارات الجبرية .
ملاحظات عن الامتحان :

١ـ الطالب يحل الاسئلة ويدزلي الاجوبة بالخاص الماسنجر اصححها

٢ـ اسئلة الامتحان هيا اسئلة وزارية لسنوات سابقة موجودة بالملزمة

3- الي مالحك يقرأ عادي المحاضرات موجودة هنا وبحساباتي بالفيسبوك وبقناتي باليوتيوب تكدر تقراها وباجر او البعدو او اي وقت تحب تمتحن عادي استقبل اجوبتكم

4- اليحب يشترك ويانه بالدورة المجانية يكدر يدزلي اسم الطالب على حساب الاستاذ عبدالله ظاهر

والملزمة الشاملة المدعمة بالاسئلة الوزارية متوفرة توصيل لكل محافظات العراق
الطلب من حساباتي بالفيسبوك

شرح بسيط للاشارات في العمليات الاربعة
(الجمع ، الطرح ، القسمة ، الضرب )
لصف الخامس والسادس الابتدائي

الاستاذ عبدالله ظاهر
ألاستاذ عبدالله ظاهر مدرس الرياضيات