#ابوقاصف_الجعيل

شعب الكرامة والمـــروة والدين
في خروجة غاظ كمن حاقد

وقلق قوا أمريكا مع ابن يامين
وغير الاحداث ب موقف واحد

#ابوطه_المهذري

خروج بالسبعين لجل افلسطين
الشعب والقائدوالاقصى واحد

لوجت مع امريكا دبي والبحرين
و القاهره نبقا لغزه صامد

نحو انصارك و التحرر ماضين
ياقدسنا والله فوقي شاهد

#ابو_وعدالله_هفج

ياسيل شعبي متجه لفلسطين
بقيت والعون العزيز الواحد

ذليت أمريكا معا بن يامين
وعالم الكوره جميعه شاهد

#إتحاد_الشعراء_والمنشدين

https://t.me/aboyahyaalshami

البيوت حق الأرامل والعوائل
والمعارك عندنا حق الرجالي

صفنا واحد جيوشه والقبائل
اليمن بالنصر عالي ثم غالي

#عبدالغني_ضبعان

ندحر اسرائيل على برعه وزامل
#ما_نبالي_ما_نبالي_مانبالي

با نواصل لا فلسطين بالجرامل
والنصال الحضرميه والاوالي

لوعلينا جونا يمطر قنابل
لاجل دين الله نرخص كل غالي

#ابو_وعدالله_هفج

قالها النمري وشعب العز كامل
#مانبالي_مانبالي_مانبالي

خبروا عناء طغاة الأرض عاجل
جاتهم انصار ربي بـ النكالي

والله ان الحلف فاشل وابن فاشل
والسواحل تشهد النصر الخيالي

#إتحاد_الشعراء_والمنشدين

https://t.me/aboyahyaalshami

اليوم ذكراه العظيمة اتت جات
من بعد ما مرت سنة من وفاته

والله ما تكفيه لــذكراه الابيات
الشـــاعر الي لله انفق حيــاته

يرحمه مـولانا ويســكنه جنات
الخلد والرضوان وهاذه جـزاته

#ابتسام_شرف_المحطوري

تشهد حروف الصايدي والعبارات
لقوة إيمانه وميزة سِماته

مواقفه تشمخ وفيها دلالات
على الرجولة ذي هي اكبر صفاته

ومن تولى الآل ويقول هيهات
لله محيائه ولله مماته

#ابوكنعان_الروس

الأكسجين حرفه والابيات دقات
قلب المشاعر تنعشه قافياته

وتستمر أبيات شعره بنبضات
بالقاف في كبده وداخل رياته

يعني رياض مازال صقر المهمات
يسرح ويمرح من خلال معطياته

#الشاعر_متاش

شاعر ترك للناس في الشعر بصمات
ماهو بشاعر هام في مدح ذاته

جعل من أشعاره قذائف ودانات
ومن سجال الحرف ساحة ثباته

يوم كل شاعر هام بين الملذات
رياض علي في الشعر قارع طغاته

#احمد_عبدالرحمن_الظمين

الصايدي شاعر به آيات وآيات
يكفيك منها حين تذكر ثباته

قصة حياته حافله بالبطولات
شاعر عظيم الله معظم صفاته

مهما كتبنا فيه بعض العبارات
مابا نصل بالوصف لحدود ذاته

#أبوحـاتـم_عـكـه

شاعر شعر باوجاع وهموم وآهات
شعبه وعاف الصَّمتِ يلزم شِفاتـه

بادر يُلـبِّـي داعِــيَ اللَّٰــه ما بـات
بعيد مُـتـنـصِّـل وغـارق بِــذاتــه

نـفـر يُجـاهِـد دوَّن اصـدر كتابات
وابـقـى أثــر طيِّـب يُجَسِّد حياته

#وليد_الضويني

انا اشهد ان الصايدي فاز بجنات
جنات عدنٍ وعقب موته حياته

يبداء حياته بعد دنياء المعانات
من هو مع الله نال كامل رضاته

وياكاتبين الشعر لي حق لاجات
ذكرى رياض ارثي على ذكرياته

#محمد_الرقيمي

كم يابشر عايش وهو ضمن الاموات
ما لصايدي هو حي فينا بذاته

رياض قدوه باقيه كل الاوقات
في تضحياته في وفاه في ثباته

باقي معانا كل لحظة وساعات
ما فارقتنا إلا ابتسامة شفاته

#حرب_مشحم_صعده

قافه يهز (الراس) وابــــياته ابيات
(هو الله) مـن قافه ومـــن منجزاته

افعال قبل اقوال واصفاته اصفات
حُـكام الأمه مــــــــايساوو (حذاته)

لــــــه الف جوله في ديآر البطولات
الله يـعـظـم (أجرنا) فــــــــي وفاته

#الشاعر_ياسر_الجرادي

يامجمع الشعراء واهل المقامات
فيكم سمت بالصايدي مكرماتــه

كانت حروفه ترفع المعنـويـات
ويجسد الواقع معاني ثــباتــه

تغشاه من ربي جليل التحيّات
وازكى سلام الله وازكى صلاته

#ابوالكرار_المجنحي

دنياء غروره ماكره بالملذات
حسره لمن فيها مكث في سباته

أما رياض اتصدر أفضل مقامات
جهاد واستبسال كانت صفاته

صرح الادب نكس من الحزن رايات
والصايدي بحر البلاغه بذاته

#ابوفتح_الاشول

ذكرى رحيلة ذكرتني حكايات
عن صدق كلماته وطيبة صفاته

عن روح بالإيمان تمضي مسافات
القول والأفعال تشرح سماته

وثّق بـ أبياته على الشِعر بصمات
وعمق إيمانه صنع معجزاته

#صالح_حسين

رياض في جنه وروضه وجنات
دعا لربه واستجاب امنياته

شهيد ماتوفي مقامه عبارات
مجيد والرحمن خصه لذاته

فارقتنا يالحيد والحب مامات
مازال يتجدد ويبعث حياته

#الشاعر_زياد_زيد

ذكراه فينا حي في كل لحظات
قصايده هي جـزء من ذكرياته

ف الشعرله كلمات وفالحرب هجمات
الصايدي جسـد مـع الله ثباته

يشهـد له التاريخ مهابه ووقفات
في الحرب ولا الشعر له منجزاته

#نبيل_المهدلي

شاعر وله في جبهة الشعر صولات
من يوم ما تحرك لحتى وفاته

جاهد ومن جاهد مع الله مامات
لازال ببياته مع مفرداته

يزلزل الطاغوت ويدك إيلات
ثمار هذا اليوم من تضحياته

#بشـار_يعقوب

الصايدي في شعبنا حي مامات
مازال إخلاصة يجسد صفاته

ابيات شعره داخل الشعب حِيات
تكشف لنا العدوان ومخططاته

هو من نطق هيهات هيهات هيهات
تعبث باشعب العز ومقدراته

#ماجد_عبدالله_القادري

الصايدي من ذل حلف الإمارات
وحط بني صهيون أسفل حذاته

من اتحاد الشعر هيهات هيهات
شاعر محنك المواقف صفاته

أطلق حروفه كالمعابر ودانات
شاعر شهيد بالخلد له امنياته

#أبوصخر_الجوحمي

ذكرى رياض الصايدي شعروابيات
شاهد على خلقه وسيرة حياته

ذاق العدو من شعره المر ويلات
وآثارها باقي وهي مكرماته

رحمة إله الكون في كل الاوقات
تغشى رياض الصايدي في مماته

#الـشاعر_ابومحمد_الجعفري

روح الشهيد الصايدي نظم وابيات
تنكيل بالعدوان حتى وفاته

الصايدي له فالمهمّه مهمات
سطر ولآئه وانتمائه وذاته

الصايدي شعره مخلد بكلمات
وكل جبهه شاهده منجزاته

#الشاعر_ذوالفقار_اللاعي

يالله ترحم له على مر الاوقات
وتوصل ابن الصيادي لامناته

الشاعر المرحوم رياض البطاولات
لامات عاد باقي معي ذكرياته

#ابو_وعدالله_هفج

اي بالله ان رياض ابياته ابيات
ومصدر الإلهام من قافياته

نشمي رجل فزعات ماهمه الذات
وفي سبيل الله قدم حياته

يرضى عليه الله رب السماوات
ويسكنه جناته وفي وزاته

# ابوعميد_احمد_شايع

تعجز لساني لــــــومدحته بكلمات
ماحــــــــد مثيله اويسوي سواته

سطر حروفه بل وصاغ العبارات
وترجمان الشعر من مــــــنجزاته

#أبوالعز_الهتار

مــــــــاهمنا نوجع و نستوجع
لكن قسم لابد نــــــــــــوجعها

بـــــاقول واللي ماسمع يسمع
والزوم كـــــل انسان يسمعها

#عبدالجبار_الجبر

صهيون بالويلات تتجرع
وتكاتف المحور يصروعها

لعروق جذر اليهوده نقلع
ومن الجزيره حان نقلعها

بانسمع العالم قريب يسمع
لنهاية اسرائيل عيسمعها

#ابـومـازن_الـرازحـي

من بالثقـة بالله يتمتـع
فكل قـوة با يـدسعـهـا

لازم لباب الثالثة نقـرع
ونجرع الطغيان ناقعها

لوما يهود العصر تتشفع
وتعطي الجزية وتدفعها

#محمد_الرقيمي

مابـه معـا الكفار شي يـنفع
إلارجـــــال الـله تـردعــــها

اطرح جنودالصهينه وجمع
يـطلع لك الناتـــج يقطـعها

يكـفـي لها لاالــيوم تــدلــع
ياوقت كاس الموت جرعها

#عارف_شرده

قولو لمن ماسمع يسمع
باتلقي اسرائيل مصرعها

أمَّه مع الله ماتخضع
مادام والقرئان مرجعها

لابد لمريكا بإن تركع
وشعبنا من با يركعَّها

#طه_الرازحي

القادم أعظم شلّها وقطع
يالعالم إدرك لا تموظعّها

الله أراد المـعـركه توقع
مابه حداء يسطيع يمنعها

وقوعها حتمي ولن يرجع
والفعل بالاحداث ضارعها

#نبيل المهدلي

بانجعل اسرائيل تتوجع
مادام معنا مايوجعها

إما عن الإجرام تتراجع
والا صحاري بانرجعها

لا حل با يجدي ولاينفع
إلا نجاهدها ونردعها

#احمد_امين_الكبسي

مـا يحـصـد الرمـان مـن يزرع
بذرة بدم اطـفـال رعـرعـهـا

الـكـفـر با يـبـصـر وبا يـسـمـع
اهـــوال مـا عـمـره تـوقـعـهـا

والـبـحـر الاحمر مثل مستنقع
لاجـسـاد جـيـش الغزو يبلعها

#الشاعر_ابوحرب_الموكر

عاد المسير نارها تلذع
كم ياسفينه قل يرقعها

بالويل يإيلات تتجرع
من بطشنا لازم نجرعه

عاد السمك والقرش بايشبع
تاكل وتشكر شعب شبعها

#ابو_صماد_الفليتي

مادام طـوفان الفناء يسطع
ذيول الأمــــــريكي نقطعها

في يوم لايشــــفع ولا ينفع
للصــــــــهينة والـــي تتبعها!

في يوم حامي بالضى يزرع
ومعركة كبـــــــــرى تخضعها

#ماجد_عبدالله_القادري

بانحرر القدس بالمدفع
نقصف على الخصم موقعها

محال شعب اليمن يخضع
العز والنصر منبعها

محال خطوة لهم نرجع
امريكاء واسرائيل نقلعها

#ابوطه_الروس

الثالثه وعدها ولع
لجل الكرام نولعها

اقسمت باللةمانخظع
والامركه بانركعها

نواصل الدرب مانرجع
تجاه غزه نطهرها

#ابوجريل_شريف

نهاية المحتل بايقلع
غده خبيثه سنقلعها

امريك والغرب بايركع
وانجلترى بانركعها

ونصرغزه بدايلمع
طوفانهافي طلايعها

#ابو_وعدالله_هفج

بأمر من ايد ومن دافع
وذل امريكا ومن معها

الغرب واقع وسط مستنقع
جرايم إسرائيل واذرعها

ولا لها مهرب ولا مرجع
ولن تحصّل غير مصرعها

#ابوناجي_عصطان

تقرع طبول الثالثه تقرع
العالمية من عيمنعها

اقسم برب البيت مانرجع
عن نصر غزه والقتال معها!!

لابد للغرب انهو يخضع
ويعطي الجزيه ويدفعها.

#أخت_شهداء_البكالي

مهما العدو في غزه اتربع
لابد اشلائه نوزعها

على رفح وايلات يتوزع
ويعيش فتره ماتوقعها

الحرب باذن الله تتوسع
فتيلها من بغمنا بانشعلها

#ناجي_القعود

لو يحشد الكون ماينفع
وكل خاين عاد يتبعها

لابد مايوصل المقطع
لا داخل القلب يقلعها

ولعه يماني لاقد اتولع
بايحرق الأرض ويولعها

#ركان_يعقوب

هاذا العدوا ابكم ولايسمع
ما يعرف انّا بانولعها

لاوين رايح ياالغبي مقلع
مابش طريق الشعب قطّعها

ذي ماسمع لا بد ما يسمع
ومن كان حافظ بايسّمعها

#الشاعر_معمر_ابوسعيد_العصيمي

وامريك واسرائيل باتخضع
بالله والــــــــقرآن نخضعها

مابش لها رايــــه ولا مجمع
ولا لهـــــــــا عيشه بموضها

انصـــــــــــار دين الله تتوزع
حتى من ارض القدس نرفعها

#ذولفقار_قوزع

تكبر وتتفجر وتتوسع
هل شي معاكم مايوسعها

شعب اليمن بالله مايخظع
ويد اسرائيل بانقطعها

في ملتقى البحرين والمجمع
نهاية اسرائيل نتوقعها

#الكرار_القانص

ما مننا انسان بايركع
لحط مخلوقات واوضعها

والله لو نفنى ونتقطع
هاماتنا ماحد يركعها

باننهي اسرائيل باننزع
ظلمة من الأقصى ونقشعها

#الشاعر_ابويافع

مني قوافي شوف والا إسمع
بالعامة فصحى منابعها

قل لليهودي حق ابوة يرجع
والا سرينا نشتبك معها

مابانسيب القدس تتوجع
غزة تنادي كيف نسمعها

#ابوعبدالله_عوضه_الوادعي

ياسيدي لك عهد مانرجع
وجه وتوجي هاتك اتبعها

اناكان ودك حرب يتوسع
فحنااا لها بالله نوسعها

غزه تنادي من عيون تدمع
والناس تعرف ويش موجعها

#الشاعر_بلال_الشجني

الله واكبر كلنا نرفع
نصرخ وبنيامين يسمعها

دخل بجيشه وسط مستنقع
وفي متاهه ما توقعها

يا كم وكم ( جو بايدن ) يدفع
وامواله الي كاش يدفعها

#ابوقدس_الجهيزي

القيامة قايمة و اوسع
والحرب ذي ماحد توقعها

قيامة كل من يرزع
ابو صهيون واذرعها

ومحور كل من يفزع
وحربي عالمي معها

#الشاعر_أبوعزام_الشامي

نفس الكيان لابد ما تنزع
بجــهــادنا لله نـنزعهــا

نــفـــوســنا لله تـــتـوزع
وفي سبيل الله نوزعها

والصهينه لا بد ما تخضع
وبالثقه با الله نخضعها

#علي_صبر

#محمد_المنصور

لا خير في امّة (المليار وزيادة)
يا غزّة (الله يبارك ف اليمن والشام)

في جوفنا ايمان بأسه خارق العادة
أحاط بالشر من خلفه ومن قُدّام

#ذاالنون_مشتاق_شريان

الحرب عند اليمن فرحه وتعـــــواده
ودف تحالف قوى امريكا مع الخدام

من اجل غـزة يقدم فــــلــذة اكباده
عاهد وفوض يقاتل طـــيلة الاعوام

#نشوان_همدان

باتت شعوب العرب للغرب مُنقادة
جيوش ودول ومحكومين مع حكام

إلا اليمن ذي مع غزة بذل زآدة
واغلق بحاره أمام الطاغيه بإحكام

#أبوصخر_الجوحمي

موقف مشرف مع غزه لنا عاده
من واقع الدين والايمان والاسلام

فينا ولاء عزم قوه صبر وإراده
من منهج الله وال البيت والاعلام

#طه_الرازحي

قمم تشكل بلا جدوى كما العاده
فيها الدويلات تعلن حالة إستسلام

وقمّة أهل اليمن فا البحر وقّاده
منّها العدو بأسها قد حطم الارقام

#جميل_الجنيد

بالقول والفعل عزم صبر وإرادة
موقف يماني مُشرّف عام يتبع عام

وأعراب بعد اليهود في ذُل مُنقادة
ما تعرف الحرية تعرف رِباط لِجام

#احمد_زيد

احنا للأقصى سند واحناله امداده
في حالة الصمت لبينا النفير العام

احنا اليمن قوم للفزعات معتاده
خلف ابن طه نصرنا راية الاسلام

#الـشاعر_أبومحمد_الجعفري

خـمـسـه وخـمـسين دوله كلها داده
سكوت مخزي ووسمة عار ع الإسلام

يا لـعنباهم مع امريكـــــاء وموسـاده
خـنوع واضح فضح حُكامها الأقـــزام

#بشار_يعقوب

شعب اليمن لجل غزة قابض أزنادة
من اجلها بانواجه قوة الأجــــــرام

الشعــب والجيش والقوات والقادة
الكل جاهز لنصر القدس والإسـلام

#ابو_وعدالله_هفج

ياشعب صنّع عتادة واعلن جهادة
وقفتّك ما تشّبه إلا وقفة الأعلام

الأب يحـشد وفـي الميدان اولادة
يدوسوا اطغى طغاة الأرض بـ الأقدام

#عدنان_سالم_الذويبي

ماشي معاهم سوى التنديد كالعاده
وجمعهم جمع فاشل ما نصر منضام

شعب اليمن قد بذل ماله مع أولاده
لينصر القدس وينكل قوى الإجرام

#عبدالخالق_سدهان

به شعب عزمه اتى من عزم صماده
هاوي لنيل الشهادة ملثما الاحرام

انصار طه عـزايم نار وقاده
بسم الذي حرم الانصاب والازلام

#عبدالحميد_غرزان

الشعب جاهد مع الله وعلن اجهاده
خلف القياده منكف لنفير العام

خمسه وغشرين مليون نار وقاده
محاصر العالم اجمع شرقها وشام

#ضبيان_فرحان

والقدس له قوم في الميدان وقّادة
شعب اليمن و النشاما في بلاد الشام

شعب النبي والوصي والسبط واحفاده
شعب الإباء والوفاء والقايد الضرغام

#صقر المشراقي

شعب اليمن للحرايب قوم معتادة
والغرب لابد له مايعلن استسلام

بانقصف اللي طغا  وازداد إفسادة
اللي إعتداوارتكب في غزةالإجرام

#الشاعر_ابوصالح_الحربي

دام الذي قادنا ال النبي اجداده
باننصر الدين والاسلام واهل الشام

وباندوس المريكي هو وموساده
وبا ننكل بحلف الشر والجرام

#ابوشامخ_المحرق

الشعب سلم لبو جبريل والقاده
نمشي بحسب الشعار النصر للاسلام

ياشــوقنا للمـعارك نار وقاده
ومن تخلف فهو لليهوده خدام

#الشاعر_ابوالقدس_الحشيشي

شعب اليمن شعب دايم هكذا اعتاده
يوقف معاالحق مايوقف معا الاوهام

الله يبيض وجيه ااالشعب والقاده
ذي خافو الله ما خافو شي الاصنام

#احمد_امين_الكبسي

شعبي يحارب عيال ابليس واحفاده
وقادة الـعرب صاروا مثل ما الاصنام

يـا لعن ابو مـن ترك سيفه في اغماده
واطفال غـزه بلا مـشـرب ولا إطـعـام

#اتحاد_الشعراء_والمنشدين

https://t.me/aboyahyaalshami