حاضرات -- عــيوني ودموعي
جفــوفي وضلوعي -- المحرم
كلـبي متاني الهلال -- بـس يـبعـثــله مرسال
محرم --- محرم
************************************
1= عـطـشكـم أشمـنه بالماي وأنه الهايم وطبـــعي بجاي
قـلـيله دموعي يالحسين شسـوي يـبو جروح الهواي
جرحــك دافــي -- فـــــــوك شفافي -- يـــــركض حافي
أسود ثــــوبي -- يامحـــــــــــبوبي -- يمـــــحي ذنـوبي -- محرم
****************************************************
2= خـــيامك جـــمرها بشفاهي خدمتك يـبو الــيمه جاهي
تراني بــــــــدون التعازي بلا ذائـــقه وطعـمي فاهي
منــــك طـــيني - فــــدوه حسيني - بـــــس بجيـــــــني
طـــــــبع اليهوه - أيضل يـــــــتجوه - حــــــــــــزنك يسوه -- محرم
-----------------------------------------------------------------
3= عـليمن يرزاقـــني أشكـــرك شـيجازيك يمـنطيني عمرك
ألف فـــــدوه رحت المداسك أنا وناسي مانــسوه صدرك
عــشكــــك سالم -- وأنه الخـــــــادم -- بســــــــــــمك هايم
أقـــبل دمـــــــعي -- قـــــــدر وضعي -- جـــــــــمرة ضلعي -- محرم


4= عليك الله ضمني برحمتك تره هلالي عاشك نجمتك
يكون أنه أصـــبح مخيم وأحس بحــرارة لجمتك
فــدوه الكلبك -- رايــــــــــــــــد دربــــك -- زود حبك
بكلبي جويـني -- بس مشــــــــــــــيني -- دمعه أطيني -- محرم
*************************************************
5= أدك صـــــدري بـثـنين أديه عـــساه عمري فدوه الرقيه
شرب عمري سلب التراجي يـــــــبو الـــيمه دخذ البقيه
ريــــتي تـــشمك -- عـــــيني تـــرسمك -- ألــهــج بسمك
وداعـــت زينب -- ضهري يحــــدب -- دمعاتـي تصب -- محرم
**********************************************************
6= جمر حزني ماريده طافي يضل صاحــــي ماحبه غافي
يمن خــنصر أيدك ذبحني أريد أبجي مــــــابيها كافي
عــــشكك لـــمنه شـــم يـــشمنه دومــــــــك يمنه
تضــــــــيع الكمره وسط الصحره لــــــــوما ذكره -- محرم
******************************************************
الخادم عبد الجليل المالكي

حولـــني هجرانك جرح ومنــين مـابــاوع رمح
والدنيه ضلمه بلا ضوه تنثر على جروحي ملح
------------------------------------------------
1= أم اليسافــــر ولدها ماي يبني ترش وراه
وانه يحسين بسفرتك كلبي رشالك ضــناه
يالأثـر جدمك تبعـــته ضيعه الريح أشأجاه
هالدرب موبس خذاكم ماتــرك فد شي وراه
--------------------------------------------------
يالماخـــــذ وياك الهوه خلينه نشــــــتمه سوه
براحــتها أتــرك نينوه تنثر على جروحي ملح
************************************************
2= دنكت يـــوم المشيتو وبالكلب حزن أمهات
كلبي ريشة طير جنه طارت بنص عاصفات
كتلك وخنكتني عبره خــــــذني خدامة بنات
عازتك شــتسوي بيه وين أروحن وين أبات
-----------------------------------------------
تعرفني غيرك ما أعــز يــنذكر طاريــك وفـــز
صفحه بكتابك ونــطوه تنثر على جروحي ملح


3= تــذبــل الـورده يغالي وماتــعــيش بجـف خشن
وأنه بــبعادك أصـيرن دنــــــــية جروح وحزن
بكد سمه الباري أحبك الأهلــــي مثلك ما أحن
الدنيه لو مابـيها أنته شبـــيها بس موت وجفن
------------------------------------------------
أكضيها روحات وأرد بس كــون سالم يالولد
بهجرانك كليبي نجوه تنثر على جروحي ملح
**************************************************
4= تستحـــي مني أخدمك بـس ردت وياك أكون
أكعـــد أبتالي المخيم بـس أباوع بالعــــيون
عالأقـل أحرسلي طفله سوط أصد أمن المتون
لو أشد شــــيلة رقيه عــاد أكـــللها تهون
---------------------------------------------
أركض أعين الماركض أكضيلي يم زينب غرض
والنار من نركض سوه تنثر على جروحـي ملح





5= تكدر الواهس فركــتك يمه خذني وياك أعيش
أقنعني يمه الفركه تكتل ليش أضل بوحدي ليش
مــــن تـــمر المغربيه بيش أسكت كلبي بيش
شبيها لو أعينلي طفـله لو هجم عالعيله جيش
-------------------------------------------------
أوكف تباوعلي الزلم بس لا يــنضرون الحرم
أقبلها لو ضلـــعي نلوه تنثر على جروحي ملح
***********************************************
6= يبني مو خياله عشره تسحك ضلــــوعك تكول
خلها تسحكــني أبدالك أخ ماتسمـــــعني أكول
وللسهم أعرض مهجتي خل يفوت شعــــنده طول
والشمر أنطيه ركبــتي فدوه ألك يبن الرسول
-----------------------------------------------
لو صاح ما أذبح مره جفي أقـــــدم خــنصره
دلالي بالــــــهم ارتوه تنثر على جــروحي ملح
***************************************************
خادم العتره عبد الجليل المالكي

{ محرم _ نزال للخدمه }

خليني خادم للابد
ماريد دنيا ولا ولد
محتاجك بقبري سند ** يا حسين

١-
لغيرك ابد لا ما احن ٠ حبيتك وكوه ٠ والشيعي من يهوه ٠ بالحب ابد ما ينوصف
خليني لجروحك دوه ٠ يا سيد اجروحي ٠ها يا بعد روحي ٠ تارس دليلي شكد عطف

خليني احبك من صدك يا سيد اجروحي
ما ينكطع نوحي
ساكن وصط روحي

وياك ادفه من البرد
خليني خادم للابد ** يا حسين
__________________________
٢-
متفضل اعليه اشكثر ٠ خيرك ترس عيني ٠ من اعطش ترويني ٠ ادعي الله لا ما نفترك
تستاهل ابجيلك دمع ٠ وتستاهل عيوني ٠ خلهم يلوموني ٠ وشمحله وياك العشك

ما عوفك ولا نفترك حالف يضي عيني
من ابرد تغطيني
يالكلشي مطيني

عطرك مثل عطر الورد
خليني خادم للابد ** يا حسين
_________________________
٣-
كل ما ازورك سيدي ٠ جن داخل الجنه ٠ كبرك اعشكنه ٠ هذا العشك ما ينتهي
وكت المسه من ادعي الك ٠ اتحققلي مطلوبي ٠ وتمسحلي اذنوبي ٠ بغيرك فلاريد التهي

كل ما تضيك اتوجهت مشكلتي وانته تحلها
ما تعرف تأجلهى
والمشكله تندلها

من هالدرب لا ما ارد
خليني خادم للابد ** يا حسين
____________________________
٤-
سلمت امري بس الك٠ وعرف تنجيني ٠ لو جارت اسنيني ٠ وتحل اليه المشكله
بالضلمه حصلتك ضوه ٠ دومك تدليني ٠ لا ما تخليني ٠ من كبرك اسمع جم هله

كلمة هله كل ما اجي من كبرك انه اسمعها
والحاجه مترجعها
لهل السمه ترفعها

هنياله البصحنك كعد
خليني خادم للابد ** يا حسين
________________________
٥-
محتاجك بكد الهوى ٠ لا تبتعد عني ٠ من فدوه الك ذني ٠ خليني يمك لو عبد
وبعطرك اشكد ما اشم ٠ ما ينشبع منه ٠ عطر الورد جنه ٠ وجمل بعد من الورد

اجمل عطر شميته انه في صحنك وفي كبرك
وشكد حلو يا عطرك
يا عالم انته يفسرك

حبيتك انه من المهد
خليني خادم للابد ** يا حسين
________________________

الخادم
حسين عبد الجليل المالكي

#نادت_حميده
تكول الناس ياناس الابو خيمه
الرادود علي الساعدي
الشاعر عبد الجليل المالكي

انتاج مؤسسة فدك للانتاج الحسيني
رابط القصيده https://youtu.be/tvX86q0D6U0

الخادم مرتضى ال ياسين
اللهم ارزقني شفاعة الحسين ( عليه السلام ) يوم الورود
https://t.me/mortada197 عالرابط

يانــاس الـــبعــمــري * يدللــها أبــــوها
تصيح أنكسر ضهري * مـــــــن يتـموها
صاحـــــت حميده * مسلــــــم أريده * من يتموها
******------------------------------------------------------
1= تكـــول الـــــناس ياناس الأبو خيمه عيونه أتصير بيام العطش غيمه
جف يزرع أمان وجف يطش شيمه لذالك الله يطلـب مـنه تعضيمه
يتعب عله أولاده * لمـن يكبـرون
وذراعه الوساده * أعليها ينامون
وأنه وحيده * مسلم أريده * من يتموها
****-------------------------------------------------------------
2= أجانـي حــسين عمي يمسح براسي كلت يتمني أبوي وراح أعز ناسي
طفله وليش دهري يجرح أحساسي وأظل أنه ومحنــــتي بكربله نقاسي
ينضرلي أبو اليمه * ونزلت دمعته
همي وبعــــد همه * كافـــي محنته
بديره بعيده * مسلم أريده * من يتموها
****-------------------------------------------------------------
3= تعال تصيح عيني وأمسح الدمعه دعيت الله تعود بساعــــــة الجمعه
صعبه تنام عينه الجمرته بضلعه وطبع بالريــح يكسر خاطر الشمعه
أتوضه ودعيلك * سالـــــم تجيني
يابويه وحجيلك * هضمي وأنيـني
الدلالي عيده * مسلم أريده * من يتموها

4= يالمعود الكلب من ينجرح يلكاك شلون تروح ماتاخذ حمـيده وياك
تدري العين ماتغـفه بلا طرواك بعد يا خيـمه تحميني بدون أحماك
يالضيفت روحــي * أبصدرك الدافي
تتركني الجروحي * وطبـــعك أتوافي
أسمع نشيده * مسلم أريده * من يتموها
****-------------------------------------------------------------
5=الطفل اليروح أبوه مايلكه راحة بال مثل وادي يصير وفوك صدره أجبال
يمسلم والنجــــوم تريد ضي الهـلال يخيال الصبر صــــبـري بلا خــــــيال
ياكمـــرة أيامي * غيابك جرحني
تتركني بالأمي * وهجرك ذبحني
كلبي شيفيده * مسلم أريده * من يتموها
****-------------------------------------------------------------
6= أعاين عالدمع فوك الرمش يسهر ألم صبري وشوف الصبر يطشر
جرعت الماترجعــه الروح وتنطر أنهدم سور الصبر وعليمن أتصبر
مانامت عـــيوني * يامن عفتني
محتاره بضنوني * ريتك شفتني
أنطر بريده * مسلم أريده * من يتموها
****-------------------------------------------------------------
يانـــاس البعـــــــمري * يدللها أبــــــوها
تصيح أنكسر ضهري * مــــــــن يتموها
صاحت حميده * مسلم أريده ** من يتموها
**** خادم العتره الطاهره عبد الجليل علي المالكي

سيد الأحساس أنته يالعـــباس
يابو فــاضل يابو فاضل
*************************
1= فـدوه فـدوه نروح عــباس الأديك كلهــن الطيــبات صارن هــنه بــيك
الشمس جانت من تشوفك تعتـنيك والكــــــــمر من تطلع أيـعاين عليك
ياكــمر عـــدنان بالوصف حيران
يابو فاضل يابو فاضل
*********************************************
2= لازم أندنــك أذا بـســمك نصيح نلـغي كلـشي وأسمك نكـله أستريح
أسمك شمحلاه يـبو فاضل مريح من يلفضه أيطـــيب الكلـيبه جريح
ياعزيز الروح ياعــطر ويفوح
يابو فاضل يابــو فاضل
***********************************************
3= يالمعلم كل أخــوه يـــوكف الخوه ويفــتح بروحه نهــر لـو عـطشوه
هوه مو ياهو يجي صار أبن أبوه ألوفه بكلبك من طحت كاعــد لكوه
يا عجيد الكـوم خوتـك مرسوم
يابو فاضل يابو فاضل



4= منهو كال جـفـوف أديك مكطعات مــــــاي ماكو بكربله وصارن فرات
أنته مو كافل أخت كافـل خوات ومن من مشن للشام غيره مكبعات
ياحليف الزود زودك الموجود
يابو فاضل يابو فاضل
***************************************************
5= فـدوه تسمحلي أسـألك فــد سؤال طولك أطول صدك من طول الجـبال
شلون جانت من تلاكيك الرجال أضن جانت مـــــنك الشرده حلال
يالفقارك موت أسرع أمن الصوت
يابو فاضل يابو فاضل
***************************************************
6= شلون شالت ثـكل جـــدمك كربلاء أتـميل جانت بــيك وتكضها أنبياء
بالطفوف يصير من تمشي أنحناء وبضهر عــــــدوانك أيصير ألتواء
جن علي الكرار بيمنتك بـــــــتار
يابو فاضل يابو فاضل
*******************************************
خادم العتره عبد الجليل المالكي

ياهــلال * أنـــته حســبالك نسيت
لا محال * من شفت وجهك بجيت
أنه مجروح الخرابه وأه يحسـين ومصابه
---------------------------------------------
1= ياهلال أحساسه كلبي يشبه حساس الحمام
طاير بعالم خيامه وريـــتي تــتنفس خيام
كاسر جناحه عـطشهم والـركاض البالضلام
أحلم بركضة رقــــيه من أحـط راسي ونام
----------------------------------------
أنه هيج * عاشك وعشكي حلال
أنه هيج * بالحـــزن واصل كمال
كلبي للهم فاك بابه وأه يحـسين ومصابه








2= عاشك حسين وجروحه ما أدور حب جديد
الله دلاني عليهــن بعــــد من الله شريد
كتله ياكلبي تحـــبهم كلي أي والله أكيد
غـيرت دمي بمحبته وهسه هــيه البالوريد
--------------------------------------
للأخير * كاتـب بدمي عــهود
للأخير * عن خدمة مـا أعود
دمعي ينطيك الأجابه وأه يحسين ومصابه
**************************************
3= أنه مــن ألطـــم أحسن بالـسمه تنزلي ماي
هذه راي العــندي ثابت ما أبدله بثاني راي
ياهلال الحـومه عــيني والدمع صاير لواي
ماتهمني جروحي تـنزف عد أبو اليمه دواي
------------------------------------------
لو بجيت * أشعــر بأجمل شعور
لو بجيت * جني بالصيوان أدور
أستمع بابه يــبابه وأه يحسين ومصابه



4= جمرة أخيام بدليلي سوت ضلوعي رماد
ما أراقـــب جيــتك أنه منك أنه شأستفاد
لا تضن حزني بمحرم لا عله طول الحداد
لو سواد ثيابي عـفته كلبي ما عاف السواد
-----------------------------------------
على طول * ناعي دلالي يصيح
على طول * أه يحســين الذبيح
عـذب أحوالي عذابه وأه يحسين ومصابه
**********************************
5= بالمجالس أنه حاضر أستحي من حسين أغيب
علتي ضايع دواها ومجلس حســــين الطبيب
حير العشاك عـــــــشكي هالعـشك أمره عجيب
لو مـــثل محــــبوبي تهوه لو بعـد ماكو حبيب
---------------------------------------------
ياسلام * لو صحت يحسين أذوب
ياسلام * أسمه ســـــتار العيوب
هوه سوالي مهابه وأه يحسين ومصابه
*************************************
خادم العتره عبد الجليل المالكي

https://youtu.be/HdtlvIq0N_M

قصيدة { مكتوب خادم }

#اداء الرادود كرار الكربلائي
#كلمات عبد الجليل المالكي

ليلة الثانيه من محرم
هيئة الزهراء #النجف_الاشرف

وصيتي | الرادود جلال البهادلي
الشاعر عبد الجليل المالكي
مجلس الامانة الخاصة لمزار الماجد ابو سدرة
اخراج ومونتاج | باقر الحميداوي

رابط القصيدة :
https://youtu.be/sZvQqsl17kU

ملك جــماك كربله وكت الزفـــاف أجــله
رايد زفافه بساحة الحـومه لمن زعل ما شالته هــدومه
---------------------------------------------------------
1= حطب روس الجنود وباتـــره فاسه الطف دنــك عله أيد القاسم وباسه
وزن عدوانه بالطف وزنه وقـاسه طلع وزنه خفـــيف وطار بنفاسه
-------------------------------------------------------------------------
أمن أربع جهات حدده بالنص يفوت من بده
يعطش ضماه يحلي برسومه لمن زعل ما شالــــته هدومه
**************************************************
2= كتاب الله وصــلاة الـــيل أصحابه مــــــن كان مـــع الله الوادم تهابه
الهوه أمن يفوت يشتم ريحة ثيابه معجب في جماله ومـــا خفه عجابه
----------------------------------------------------------------------
لون العيون باسمه لمحة جمال حاسمه
بزوده المعارك كلها محسومه لمن زعـــــل ما شالته هدومه





3= ألتفت عالحيل خصمه ما لكه حيله القاسم من خزرها ما مشت خيله
ألمن ضهر الحسن وحسين يدعيله ياطف من يضهضــــب تكدر تشيله
-------------------------------------------------------------------------
بيده الحسين درعه الله أستجاب من دعه
مثل السماء وتمطر غيومه لمن زعل ما شالته هدومه
*********************************************
4= معــزب مايرد الضيف مثل أهله فـــــتح للموت صدره تفضل يكله
هوه أبن الزعـــل من تبرد الدله جميل وبالشـــهاده يصير وجه أحله
-----------------------------------------------------------------------
أن الحياة فانيه وأهل الجهاد باقيه
كلنه نموت وكلمن بيومه لمن زعل ما شالته هدومه
**********************************************
5= دعاء أمه حرز وبصدره مفعوله غصبن ما علــــــيهم يمشي اليكوله
أطول جندي بيهم مــاوصل طوله وياراس اليريــــــــده أباتره ينوله
---------------------------------------------------------------------
طول الجنود كصره حسين الأمير أمره
سبعين ألف كدامه مهزومه لمن زعل ماشالته هدومه


6= حنة عرسه لمن ماوكع يبست وشموع العرس ثوب الدمـــع لبست
رمله مايرد طيف العمر حست مثل جالست غريبه بالخــــيم جلست
-------------------------------------------------------------------------
ضلت تنوح فاجده تصرخ تعال والده
تبجي وتشم بريحة دمومه لمن زعل ما شالته هدومه
********************************************
خادم العتره عبد الجليل المالكي

أرخصنه يحسين نار العـــده نطفيهه
وبرمشة العــين نخبطهه ونصفـيهه
*******************************************
1= شم الهوه نشمك * أطلب وله يهمك * نتــنومس بأسمك * يا مفــــــخره
دمنه فـده الدمك * زودنه من عزمك * وداعت ضلع أمك * أنصفهم سره
الأمرك مطيعين رايتنه مـــا ننطيهه
وبرمشة العـين نخبطهه ونصفـيهه
-----------------------------------------------------------------------
2= أشرلنه بعيونك * شوف اليحبونك * تفدي العمر دونك * يبن النبي
ويل اليــضدونك * فنهم يكربـــونك * عالـي شيلوحونك * طبعك أبي
فنهه الملاعين خطتنه توصل ليهه
وبرمشة العين نخبطهه ونصفيهه
--------------------------------------------------------------------
3= بالحومه مــن ننزل * حته السمه تهلهل * تعرفنه من نزعل * حيهم نده
جيش الخصم يجفل * لو كمنه ما نمهل * نخليهه تـــتوسل * بينه العده
أرجال الميادين بسرعه الحرب ننهيهه
وبرمشة العــين نخبطهه ونصفــــيهه
-----------------------------------------------------------------------




4= ياموسى شك بحرك * أحنه العصى بأمرك * عدنه المهم عمرك * ونته الأهم
محد عــرف قدرك * سر الســـمه سرك * مـــــانقبل النحـرك * يقرب سهم
نكلبهه صوبين عاليهه يم نا صيهه
وبرمشة العين نخبطهه ونصفـيهه
5= حته الهــوه نمنعه * يمسك يبو التسعه * والكور السبعه * ما ننسحب
بس حجيك نسمعه * يامركب الـــوسعه * ماكو بعد رجعه * من الحرب
بحبك مجا نين دحو الأرض ندحيهه
وبرمشة العين نخبطهه ونصفــيهه
---------------------------------------------------------------------
6= وقعنه بالعشره * بحبك يبو العتره * يا طيب العشره * هاك العهد
ماغـيرك نقدره * مانمتـثل الأمـــره * حبينه فــد مره * منحب بعد
ماعدنه وجهين كلمة شرف نحجيهه
وبرمشة العـين نخبطهه ونصفيهه
************************************************************
خادم العتره الطاهره عبد الجليل علي المالكي

جديدنا لمحرم الحرام عام 1441

لمولانا الامام الحسين عليه السلام


سلمت امري
اداء خالد البصراوي
الشاعر عبد الجليل المالكي

مكساج فداء الحسين
تنفيذ ومونتاج شركة KB

هيئة كافل زينب عليهم السلام
كربلاء المقدسة

رابط اليوتيوب للمشاهده والتحميل
👇👇👇👇
https://www.youtube.com/watch?v=nxLAuyyoFC8