قصيده للدفنه

حسين ابلا دفن مطروح
وين اليفزع. اعلينه
.........................
انريد اليوم نغاره
وانه دمعي يجاره
يالسجاد والچاره
گلبي زايد ونينه
ل++++++++++
لا تچفين لا مغسول
عمه والعگل مذهول
حاچيني البصر شتكول
ضل مطروح والينه
+++++++++++
والسجاد حاچاها
يوم الشاف مبچاها
والكربله اتعناها
يگلها امن الدفن جينه
+++++++++
دفنت الوالي بدمه
گلبي زاد. من همه
من النحر اشتمه
لصدره اموسد اجنينه
+++++++++++
عمه النحر حاچاني
هالكلمات بچاني
حط الصدري رضعاني
عالمفطوم ونينه
+++++++++

الشاعرة الحاجه ام حسين العسكري:

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الحسين ؏ ( وآ أيمامي وآ حسين )


ذبحو الحسين من قفاه     وآ أيمامي وآ حسين
❥━──➸➽❥💔❥━──➸➽❥💔
حسين علتربان نام     وآ أيمامي وآ حسين
نابته أبجسمه السهام     وآ أيمامي وآ حسين
والشمر هد عالخيام     وآ أيمامي وآ حسين
وين أمير المؤمنين     وآ أيمامي وآ حسين
❥━──➸➽❥💔❥━──➸➽❥💔
طاح بلحومه ذبيح     وآ أيمامي وآ حسين
والجسد دامي وجريح     وآ أيمامي وآ حسين
زينب الحره تصيح     وآ أيمامي وآ حسين
ما بگه لينه معين      وآ أيمامي وآ حسين
❥━──➸➽❥💔❥━──➸➽❥💔
راسه عن جسمه أعزلوه     وآ أيمامي وآ حسين
بحافر الخيل أسحگوه     وآ أيمامي وآ حسين
خنصر أيده أمن أگطعوه     وآ أيمامي وآ حسين
ويلي مخضوب الجبين     وآ أيمامي وآ حسين
❥━──➸➽❥💔❥━──➸➽❥💔
ما بگه الزينب عضيد     وآ أيمامي وآ حسين
عگبه ممشاهه اليزيد     وآ أيمامي وآ حسين
تبچي وأتون ما تهيد     وآ أيمامي وآ حسين
يضربوهه الظالمين     وآ أيمامي وآ حسين
❥━──➸➽❥💔❥━──➸➽❥💔
حسين يبگه أعله التراب     وآ أيمامي وآ حسين
ويلي مسلوب الثياب     وآ أيمامي وآ حسين
حسين يا سيد الشباب     وآ أيمامي وآ حسين
طاح محزوز الوتين     وآ أيمامي وآ حسين
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ١٠ من شهر محرم الحرام
الموافق / ٢٠٢٤/٧/١٧

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول دفن الامام الحسين



اليحدي اظعونه. . موش من اهالينه


بدينه احبال حط. .  وما يبارينه



مشينه ومن مشينه عرفه ما النه
واليحدي بظعنه موش من عدنه
كل ساعه يجي وبل صوط يضربنه
وتعبنه من الدرب والخوف ياذينه



خذانه وعن اهلنه بعيد مشانه
وعله اجساد الاهل من عمده مرانه
ودعنهم يكول وحيل هظمانه
وتمنيته عدل ذاك اليحامينه



اليحدي اضعونه كل رحم ماعده
ضرب جف البنيه وبل حبل شده
بس راس الكفيل ولايذه بسده
يا عمي تكله تلحك علينه



ماهو من الاهل حداي بظعوني
ومن كد البواجي راحت اعيوني
مكسوره واظلن ما يخلوني
يم كبره الولي وانده يوالينه



اليحدي بل ظعن زينب ماذيهه
بطريج اظلم يمررها ويمشيهه
هاي امدلله وانفكد واليهه
وكافلها حسافه غمضت عينه


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية فزاعية للدفن اعتذار السيدة زينب عليها السلام من اخوتهاوذهابها اسيرة
===================
ضل علثرى المضلوم عفتة وغربت عنة
===
شال وكطع حادينة
وعلى الجثث مرينة
صحنة وحيل ونينة
على المكطوع راسة وخيل داسنة
===
ضل مطروح عل غبرة
وعيالة مشت يسرة
تون وتنوح متحيرة
وزينب تنتحب وتكول اريدنة
===
مشينة وعينة عليهم
نحشمهم وننخيهم
هضمونة ونحاجيهم
ماسمعو عتبنة ونجذب الونة
===
مشيت وحايرة بعيال
ومنهو للحمل لو مال
نار وتحرك الدلال
ياوسفة الشمر يبرة المحاملنة
===
يخوية الشام بيها الضيم
وكلبي عليك شاف الهم
كلبي عليكم معلم
اشلون انروح خوية انريد كافلنة
===
نودي اعتابنة العباس والينة
مابين الغرب وسفة يخلينة
اكلة اخلاف عينك خوية ذلينة
نام على الشريعه وغمضت عينة
هوسه ورباط
سارو بينة عباس اكعد
===
عليك النوح خوية ما ابطلنة
وحزني طول عمري ما افلنة
يضل مجروح كلبي وبيش اصبرنة
حنين الجابته امي منين اجيبنه
هوسه ورباط
يحسين انهض شنهي النومة
===
اصدن الضلوع وعيني عميانة
وراسك يبرة الختك من مشة ويانة
ذلينة يخوية وين ملفانة
ميسورة يخويه واجذب الونه
هوسه ورباط
من احجي بصوت يطكوني
===
تمت بحمد الله تعالى بقلم خادمة اهل البيت عليهم السلام ملة زينب الطويرجاوية

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للدفنه



يدفان سلملي عليهم
وماصح بديه جا نجيهم
ايعذرونه ردنه بحجيهم



سلم عله الغالي وكله
ويا نوحهم لا ما امله
هم يمر بخته شويه خله


يمرني الولي وكله عليه
ما حاضره سوده عليه
ابيوم الدفن هاي المسيه



غالين بس ماصح بدينه
وعله أكبرهم ما سلمينه
ولا رحنه يمهم هم نعينه


كون بيدي اروح ليهم
وفوك الكبر انعه عليهم
وما امل ابد انه بجيهم


اشلون البجي يجفه بعيوني
وعزاز كلبي فاركوني
بفراكهم والله عموني
وياكم ردت خويه اخذوني


خذوني وياكم ظاله المن
وعليكم تره يعوني يعمن
بناتكم يخويه يبجن


يدفانهم ودلي رساله
وكلب الفكد كلهم شحاله
بل دنيه غير الحزن ماله



سلم عله البيهم محنه
وكلهم تره غرب ظعنه
تردون لو نمتو يا اهلنه



بيدك ردت تاخذ اميه
وترش الكبر بيدك شويه
كلهم يعودن النوب اليه
لو اكطع الظنه وهاي هيه



تمنيت انام انه ابلحدهم
واجاور اعزازي وبكبرهم
رفيجة  عمر شو ضيعتهم
وبيوم الدفن هم ما شفتهم



يدفانهم تدفن ابهيده
خال الولد كله نريده
لو جيته صارت ابعيده


تمنيت تدفني اوياهم
ويا موتهم مني خذاهم
وسد لختهم عمه احذاهم


خلي كبري يمهم عمه خله
وحته الولي يمي واكله
يعوف الاخت بالنوم شله


اعاتبه لو اضل يمه
وكل ساعه اخيي انه اشمه
حملي التطشر بيش المه



يا كسرت الوليان كسره
والمكسور بيهه جا شجبره
اكله المجابر ظل عل الله


مكسور خاطرهه ياخيتك
وكت الدفن من ما اجتك
بنفسهه بعد خويه تشمك


ابنفسي يبعد اختك اعيونك
وخلهم عليه ايسولفولك
وعتاب مني يوصلولك


مشتاكه خويه ما تجيني
وبلكي يبطل كل ونيني
من زغر جنتو امرافكيني


يكون الكبر يبدل ابروحي
روحي ادفنتهه وخلص نوحي
بيمن بعد تشفه اجروحي



يكبر الولي حط عينك اعليه
خال الولد بالك تاذيه
تعبان اخيي وحيل مابيه


عينك عله الطيب ابحجيه
يدور الموت كون حسين ليه
ويضل وتاخذني المنيه


*لخادمة الزهراء   العلويه أم جعفر*
غير مبري الذمه من يحذف الاسم وياخذ الكلام وينسبه له

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للدفنه


عمه وين حسين ياريحت هلي
وين اخوي الگلي خويه دللي

ــــــــــــــــــــــــــــ

وين مدفون الحنين بياكتر
تدري ماشوفن تره عميه النظر
ومن كثر نوحي ياعمه عالگمر
ظل ثلث تيام مطروح الولي
ــــــــــــــــــــــــــــــــــــ

حچي يادفان سولفلي بعد
شلون شلته شلون حطيته بالحد
تدري گلب حسين خلصان نمرد
خلاف عينه واليش تالي انولي
ــــــــــــــــــــــــــــــــــــــ

تدري يالسجاد موقفهم صعب
ناموا الاخوان نومه وبالترب
ذبحته الظلام متعمده الغرب
وين مدفون الگمر عمه علي
ــــــــــــــــــــــــــــــــــ

صعب حالك يبو الباقر منفجع
هيچ اليش لياسبب ولياوضع
مثل عمتك عمه حملك هم وگع
امشي خليني اروح الكافلي

ــــــــــــــــــــــــــــــــــــ
وين گبر حسين وديني اله
وچني اسمع صوت بالنوح عتله
وعمه يالسجاد ذيجه العايله
والبو سكينه بالبچي حيل اعتلي
ــــــــــــــــــــــــــــــــــــــــــــــــ

خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
نسالكم الدعاءلي ولوالدي🙏🙏
اللهم عجل لوليك الفرج

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للدفنه( صدر الحيد داسنه )


عشر أخيول يالسجاد
صدر الحيد داسنه
❥━──➸➽❥💔❥━──➸➽❥💔
ما ضل بي عظم صاحي
طاح أو زود أجراحي
وزاد البچي وأنياحي
للمظلوم الأمچنه
❥━──➸➽❥💔❥━──➸➽❥💔
يالسجاد من أتروح
بالله أعليك شد الأجروح
وعالج منحره المذبوح
شموس الضهر لچمنه
❥━──➸➽❥💔❥━──➸➽❥💔
جسمه الشمس صاهرته
وأسهام المشابگته
منه الحيل هدته
جرهن يا علي منه
❥━──➸➽❥💔❥━──➸➽❥💔
طايح والي العيله
ومطحونه مفاصيله
عمه من تجي أتشيله
أبهيده بالگبر دفنه
❥━──➸➽❥💔❥━──➸➽❥💔
صدره ويه الضهر صاير
وآه يا لچمة العاشر
خيل أو چم أثر حافر
حيف أبن أمي وذرنه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الخميس / ٢١ من شهر ذي القعدة
الموافق / ٢٠٢٤/٥/٣٠

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  لدفن

يادفان    حط عينك عالصوابه
بهيده من تهيل عله الولي ترابه
...........

براظه وعالكيفك شيل خال ابني
تره  صوابه البكلبه حيل عذبني
جني اسمع ايكول الجرح يلجمني

بهيده اوياه  يادفانه


براضه وعله كيفك ها يدفانه
لاتلجم اخيي ضلوعه وجعانه
ضلوعه مكسره  وبكلبه الزانه

وبهونك جر سهم افاده


ياسهم المثلث كطع دلاله
طريح وكسرت صدره الخياله
وخليت  ورحت نايم عالرماله

براظ براظ ويضلوعه
........
يادفان خال ابني شده بالي
بهيده من تحرك منحر الوالي
هذا الراس ويه اخته برمح عالي

والمثله  اشلون ايوسدونه
........
لاتلجم عزيز الروح وبهيده
صوابات البجسمه كلش مجيده
دور  خنصره وخليه بجف ايده

الخنصر  رده  عالجفوفه

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الحادي عشر الماسي العلويه 

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للدفنة ( چم حافر لگيت )


چم حافر لگيت ... بصدر ابو اليمه
بدمعك من غسلته ياعلي عمه


چم حافر لگيت امكسر بصدره
بيمن وسديته وعالرمح نحره
احچي اوياي عمه وبسك العبره
اشلونه اصواب گلبه الغارگ بدمه
چم حافر لگيت ... بصدر ابو اليمه


اشلونه اصواب گلبك ياعلي اشلونه
بالتابوت كل ميت يشيلونه
وابوك حسين عدوانه شيطلبونه
خذوني ابساع ماخلوني اشد عزمه
چم حافر لگيت ... بصدر ابو اليمه


خذوني بساع للكوفه ورحت عنه
لاخلوني اودعه ولاادفننه
چم طبره شفت بحسين چم طعنه
اجروحه اهواي لو هب الهوه يلچمه
چم حافر ... لگيت بصدر ابو اليمه


تربان وسموم يلچمن اجروحه
هاذا حسين فدوه ارواحنه الروحه
ليش اجنازته لليوم مطروحه
ماكو احباب بس عدوان ملتمه
چم حافر لگيت ... بصدر ابو اليمه


ماكو احباب عند حسين وتشيله
عشر اخيول اجن رضن مفاصيله
هم نشداك عني وعن مداليله
مايدري الحنين اچتافنه امورمه
چم حافر لگيت ... بصدر ابو اليمه


مايدري الحنين اچتافنه شبيهه
واسياط الشمر يتلون اعليهه
رقيه تصيح يابويه وشحاچيهه
مشتاگه الوليهه ورايده اتشمه
چم حافر لگيت ... بصدر ابو اليمه


تعذبني وتدولبني وتشيبني
بت حسين عن حسين تنشدني
شحاچيهه وشگلهه وانگطع ضني
راسه اوياي جبته وبالحرب جسمه
چم حافر لگيت ... بصدر ابو اليمه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ما كان لله ينمو. ( 100K)
بفضل الله واهل البيت اكبر قناة على التلكرام لنشر قصائد حسينه ومظلومية اهل البيت  اشترك بالقناة يصلك كل ماهو جديد وحصري تم نشر تقريبا800 قصيدة لكل ايام محرم بالترتيب  👇👇👇👇
https://telegram.me/aabas78

#النعي_بديوان_بحر_الولاء_الجزء_١٢_.


نعي للدفنه


يامن دفنت احبابي اليوم
هم غسلتهم من الادموم
ردت اضل ما خلوني الكوم
❥━──➸➽❥💔❥━──➸➽❥💔
يامن دفنت اعزاز الاكلوب
لميتهم يا كتر يا صوب
كل للولي من صوبي متعوب
❥━──➸➽❥💔❥━──➸➽❥💔
اوصيك بحبابي يدفان
بلحودهم عدّل التربان
لا حصلو كافور لا اجفان
❥━──➸➽❥💔❥━──➸➽❥💔
يامن دفنت اليوم ولياي
هم شربتهم بلدفن ماي
نامو ضمايه كلهم اعضاي
❥━──➸➽❥💔❥━──➸➽❥💔
لو خلصت من دفنت حسين
درب الشريعه عاينه وين
شوف البطل مكطوع الايدين
❥━──➸➽❥💔❥━──➸➽❥💔
يدفان عاتبلي العباس
تلكاه لا جفين لا راس
ادفن اوياه الدرع والطاس
❥━──➸➽❥💔❥━──➸➽❥💔
كله يشيل السيف وايكوم
ايعوف الشريعه ايتيه النوم
يسيره ترانه او حيلي مهدوم
انه ابعازته خل يكعد اليوم
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للدفنه{زينب بالعبايه}تقرأ مربعه وتقرأ جنوبيه بهوسه

زينب بالعبايه حلفت الوالي
وره الدفنه انسبي ترضاها يالغالي
❥❥❥❥ـــــــــــــ❁❁ـــــــــــــ❥❥❥❥
وره الدفنه انسبي ترضاها حاجيني
تذكرني بعد لو صرت ناسيني
بعازه يالرحت لا لا تخليني

يهضم بالگلب اه يالاخو حالي
{تخليني // معقوله وتمشي}
❥❥❥❥ـــــــــــــ❁❁ـــــــــــــ❥❥❥❥
شكد اعتازلك بالدنيه يالغافي
ضوه دنياي احسه بدفنتك طافي
مابياش احمل بعد يالجافي

دمعي عالوجن من فركتك هالي
{مهمومه // روحي وجفينك}
❥❥❥❥ـــــــــــــ❁❁ـــــــــــــ❥❥❥❥
روحي يالحنين اعليك مهمومه
وعله الضل ثلث تيام بالحومه
زينب بت ابوك الليله مهضومه

مجانك ليش بعدك يالرحت خالي
{رد ليها // مهضومه اختك}
❥❥❥❥ـــــــــــــ❁❁ـــــــــــــ❥❥❥❥
رد ليها العقيله ابعازتك تدري
لو يسبوني اموتن يابعد عمري
المن اشكي ياعباس كل قهري

تدري انه بعد لا غيركم مالي
{تعوفوني // يابعد اعيوني}
❥❥❥❥ـــــــــــــ❁❁ـــــــــــــ❥❥❥❥
يبعد اعيون زينب كوم ويايه
مشتاگه لعيونك كلش اهوايه
ابد عباس ابد مو وكت المنايه

تذبح عازتي بلياك يالوالي
{ذبحوني // من گالوا عافج}
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج7

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للحسين يوم الدفنه
=========

يادفان  اهلنه

بهيده  وياهم

تره حلوين لتخرب لحياهم

حلوين الوجوه الدهر طماهم

فلت ونتهت عشرتنه وياهم

وماترهم تره العشره بلياهم

وين اللگاه // العاف العشره

♠️♠️♠️♠️

يادفان اهلنه رش الترابه

تراهو حسين اخيي چايد مصابه

گلبه من العطش والينه عطابه

بهيده نزله لاينزف اصوابه

من اصوابه // والينه ينوح

♠️♠️♠️♠️

امشي وياك  يادفان اتچيله

تراهو مرضرضه حيله ومفاصيله

انه وياك  نتعاون  سوه  نشيله

من اصوابه يون ياونته ثگيله

يهد حيلي // من اسمع ونته

♠️♠️♠️♠️

اختك بلحزن اگعد يواليها

چا وصيتمن  ياوالي اعليها

ماتحمل هظم ياخوها تدريها

تره فراگك صعب يحسين ياذيها

وشيشيله // وفراگك خويه

♠️♠️♠️♠️

وينه التبچي عينه ويدك علهامه

يساعدني على اهلي الوهامه

ضلت بس رسوم وضلت اعمامه

من يوم المشو ياليلي مانامه

ومانامه // والليل عليهم


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_١٧_.


لطميه للدفنه


يدفان الجسد والراس جاوينه
لاحصل اجفان أو لا امغسلينه
🔹🔹🔹🔷🔹🔹🔹
يدفان الجسد بالله انتبه ليه
هم حصل جفن غسلته بميه
تره اجروح الابجسمه ألف اوتسع ميه
الراس وياي واعليه شبح عينه
🔹🔹🔹🔷🔹🔹🔹
كلي وين راسه راح عن جسمه
هم حصلت ماي اتغسله من دمه
امنتنزل الجسد بهداي الي شمه
كله تعاتبك زينب ياوالينه
🔹🔹🔹🔷🔹🔹🔹
ماشفنه اليموت بلا جفن دفنه
كلي بيش لفيته او شنو جفنه
يشيعونه اليموت عشيرته شفنه
ووالينه برمح راسه امعلكينه
🔹🔹🔹🔷🔹🔹🔹
يدفان الجسد لو شلته بهدايه
راسه على الرمح ومغرب اويايه
ما وصه عليه ولا حجه حجايه
عفته بلا دفن واحنه مشو بينه
🔹🔹🔹🔷🔹🔹🔹
يدفان الولي ادري العتب جاسه
لاتدفن اخيي خل يرد راسه
بلكت من أرد ترجعله انفاسه
للديران يكعدلي ويودينه
🔹🔹🔹🔷🔹🔹🔹

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  جنوبيه  لدفن

بدفن حسين  ماطلعت عراضات
لاتجفين   لا بيرغ    اوهوسات
..........
ياشيخ  العشيره وسيد الكون
غير  عليك  بالبيرغ  يهوسون
وين اسباع هاشم خل يفزعون
يشيلون  النعش وعليك ونات
.........
العابد  وحده ويسجب بالادموع
يصيح  احاه  يامكسور  الاضلوع
ليش  بدفنتك  ماطلعت  جموع 
يبن  المرتضى   وسيد   السادات
........
ياهيبة  الساده  وكرة  العين
لاتابوت  لاتشيع    يحسين 
يالبدمك حييه الاسلام وادين
عليك اليوم  ماشالو  الرايات 
..........
يشيعه اليوم  سووله  عراضه
هذا  ابن النبي وابن  الفراضه
وشيلو نعش ابواليمه عالراضه
مصوب والجسد متروس طعنات
.........
نعش المنذبح  هاليوم  شيلوه
عزيز ام الحسن عالراس خلوه
وميدان العراضه عليه عدلوه
يسو   النوح    عز    الهاشميات

هوسه
(اليوم بهيبه انشيعك / ياشيخ الساده )

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي  الزينبيه الجزء الخامس


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده للسبي (يا جرح گلبي)*
*((من ديوان📚 مسير الفواطم لإرض المظالم الجزء ٣))*
❥━──➸➽❥❂❥━──➸➽❥❂
ياجرح گلبي ولامثله جرح
شفت بس احزان مامرني الفرح
❥━──➸➽❥❂❥━──➸➽❥❂
ياجرح گلبي ولامثله چبير
رافگيت اجناب ماعدهم ضمير
وبس علي الوجعان وياي واسير
والغريب حسين بالحومه انذبح
❥━──➸➽❥❂❥━──➸➽❥❂
ذبحو حسين وبگيت بلا حسين
وابو فاضل گطعو منه الادين
ماشفت غير المناحه والانين
وراس ابو اليمه على راس الرمح
❥━──➸➽❥❂❥━──➸➽❥❂
راس ابو السجاد شفته اعله الرماح
انشلع سباح گلبي و حيلي طاح
صرت مثل الطير مكسور الجناح
بالحرايب نايمن اهل السلح
❥━──➸➽❥❂❥━──➸➽❥❂
بالحرايب نايمين اعله الثره
ورحت للكوفه غريبه اميسره
وين عني البطل سبع الگنطره
مادره للجلسه طبيت الصبح
❥━──➸➽❥❂❥━──➸➽❥❂
ما دره طبيت ما بين العده
عالنهر خليت جثته امدده
من يخبره ومن يگله اعله السده
والدمع بالعين ضل ماينمسح
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

امشي للسبي... والسوط عالراسي
وشفت اعله الرمح... يبچيلي عباسي


كل لحظه التمر اتفاجئ ببلوه
وعالناگه الهزيله اركبت گوه
وعيني عالرماح اتدوَّر الخوه
واخذت كربله مني اغلى كل ناسي


لمن طلعوني بحزني مسبيه
شفت اعله الرمح خويه التفت ليه
وادموعه شفتها جاريه اعليه
ما يرضى الكفلني بجرحة احساسي


مالومه اطلعت من كربله أبچي
ولا هودج الي ولا كافل ايتچي
ومنعوني اون لو فد حچي أحچي
مخنوگه و أحس ما تصعد أنفاسي


ولمن المحت رمح السبط عالي
من حرگت دليلي صحته يالغالي
چتاله ضربني وما رحم حالي
والكافل وگع من ايد الارجاسي


راس العل رمح چاويني بمصابه
لا أگدر أحضنه وامسح اخضابه
ولا أگدر أدفنه وسفه بترابه
ويسبني الدهر وي خصمي القاسي


#الشاعرة_الملاية_زينب_المؤيد


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ديوان،، أيات الشهادة جزء 23


لادفنتك لانصبت الفاتحه 
لليسر يحسين عنك رايحه
ـــــــــــــــــــــــــــــــــــــــــــــ 
لليسر يحسين مچتوفه رحت
انهدم حيلي ودليلي وفرفحت
لادفنتك لاقريت ولا صحت
والجنازه تريد ونه وصايحه
ـــــــــــــــــــــــــــــــــــــــــــــ 
الجنازه اتريد تغسيل ولطم
لا ضلع بيها ولا راس وعظم
من امس لليوم شبعانه هظم
اركض ولا گاعده من البارحه
ـــــــــــــــــــــــــــــــــــــــــــــ 
اركض ولا گاعده ولا هايده
روحي خمس اخوان بالطف فاگده
محد ايگول العزيزة اشرايده
وين ابات وكل خيمهم طايحه
ـــــــــــــــــــــــــــــــــــــــــــــ 
وين ابات وكل خيمنه امهدمه
الزم اسكينه واضيع فاطمه 
حسين ميت والضلوع امهشمه
وللنهر عيني تصد وشابحه
ـــــــــــــــــــــــــــــــــــــــــــــ 
للشريعه وللنهر عيني تصد 
حشمت عباس مكطوع الزند
كوم شيل حسين وحفرله لحد
وشوف زينب عالهزايل نايحه
ـــــــــــــــــــــــــــــــــــــــــــــ 
شوف زينب والفواطم عالهزل
اليسر لا ينقبل لا ينحمل
ليش خلاني الدهر بيد النذل
الله لايطي الدهر ماسامحه
ـــــــــــــــــــــــــــــــــــــــــــــ 
مارحمني وبيش يطلبني الدهر 
فرهد اخواني وشبع گلبي قهر
واحد بميدان واحد عـــالنهر
گطعوهم بالسهام الجارحه
ـــــــــــــــــــــــــــــــــــــــــــــ

بقلم الشاعرة ام غصون العمارچية


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🎤📚🏴قصیده {{ نصبت فاتحه}}



نصبت فاتحه زینب لهالیها
علی الاخوان لطمتها ونعاویها
*........〰️〰️〰️📚🎤📓〰️〰️
نصبت فاتحه زینب المهضومه
عله حسین الذبیح السلبوا اهدومه
مطرور الگلب للماسده یومه
متعوبه تراهي ام عون مابیها
*........〰️〰️〰️📚🎤📓〰️〰️
مابیها وتون والونه مخنوگه
وطرف الذیالها یاناس محروگه
خشنه احبالهم بیدهه مشبوگه
ستر الله العقیله شلون سابیها
*........〰️〰️〰️📚🎤📓〰️〰️
ستر الله  ودلاله وهیبة الخوه
ترکض حافیه وبنار تتچوه
گوه الله یزینب حیلچ اتگوه
بعد اخلافهم یاهو الیباریها
*........〰️〰️〰️📚🎤📓〰️〰️
تعبانه وتون والونه چتاله
عفرین ابصبرهه تشوف خیاله
تسحگ بالصدر وطشر اوصاله
ایشیب الراس زینب والسده اعلیها
*........〰️〰️〰️📚🎤📓〰️〰️
عفرین ابصبرهه امچتفه تمشي
اتگول حسین گلبي ویابعد هرشي
الصایر بیک شیب جفني مو رمشي
ما تبطل تره زینب بواچیها
*........〰️〰️〰️📚🎤📓〰️〰️
تمت بعون الله تعالی

کلمات یاسمین الشموسي

نسالکم الدعاء للفرج عن اخي🏴أنت المعزى سيدي يا صاحب الزمان ... عظم الله اجوركم
https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده/ بقفلت الهوسه
وي ام عون يحله لطم المتون
نعازيها ونهل دموع العيون
🏵️🏵️🏵️🏵️🏵️

وي ام عون لطمتنه اشتراكيه
نون ونوح ونعازي المسبيه.
هدتني المصايب حيل مابيه
( مذبوح وضل بميدانه)
🏵️🏵️🏵️🏵️🏵️
اجينه وياج كلنه. اليوم عوانه
نون. وياج للمذبوح بمجانه
الدنيه عذبته وحيل خوانه
(خوانه مارحمت زينب)
🌼🌼🌼🌼🌼🌼

وي ام عون يحله لطم الصدور
حسين بيوم عاشر نحره منحور
راسه عله الرمح وي العده يدور
( معلكينه راسه عله رماح)
🌼🌼🌼🌼🌼🌼
نهل العين ونعازي الزجيه
عله العطشان برض الغاظريه
كونج حاظره بهاي المسيه
(يسحكونه بالخيل حسين)
🌼🌼🌼🌼🌼🌼
مايكدر يكوم مكسره ظلوعه.
ملتمه عليه الكوم مجموعه
بمصابه يزينب ظكتي لوعه
(نعازيها زينب وزهره)
وي ام عون يحله لطم المتون
نعازيها ونهل دموع العيون
بقلمي ام هاجر الشريفي غير مبري الذمه من يحذف اسمي والتلاعب بكلماتي واسالكم الدعاء من كتاب دمعت زينب الجزء 9

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك