فزاعيه للاربعين

اجت ام عون وتراب بعبايتها
تصرخ ياحسين الدمعه هلتها

=======1=======

هليوم اربعينك جيت يالوالي
اكعد شوفني وانشد عن احوالي
ويايه الحرم والظيم يبرالي

( يربات العز / اكعد لينا )

=======2=======

جبت الراس خويه والقلب نصين
ارده عالجسد ونده ياخويه حسين
احاه ياضيمنه وياتعب السنين

( يردون / راسك للجثه )

=======3=======

حفظت العايله واديت الوصيه
وسامحني ياخويه ماتت رقيه
بقت بالشام طفله وهيه مسبيه

( جتلوها / وبراسك خويه )

=======4=======

طاحت عالقبر شبكته بيديها
تصوروا حالها والظيم غاطيها
تشم بتراب قبره وحيل مابيها

(خلصانه /والروح خلافك )

=======5=======

شلون انساك يالجسمك مكطعينه
اضل طول العمر انعى ابوسكينه
وتضل كربله نار وتجوينه

( ماننساها / عملات الطف )

=======6=======

بيت الدعاء

الاهي وسيدي وبحق ابو الاحرار
يظهر ابوصالح ياخذ الثار
ويزيل الكفر ودولة العار

( ويمحيها / كل دوله الكفرت )

----- خادمة الزهراء البصراويه -----
4/9/2023
18 من شهر صفر

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول الاربعين


اجت زينب. . يبو فاضل تلگاها

حط اجفوف . اديك وكوم وياها

من ادروب السبي ردت العلويه
يبو فاضل تلكه اختك المسبيه
كاضيهه اليسر وتكول مابيه
ويا حجي الشماته الحيل هداها

تنهض والكبر خله يواليهه
واتلكه العقيله وانشد شبيهه
متغيره ولا كطعت بواجيهه
ورجعت كاضيه وعليك مبجاها

مشتاكه عليك وتجري دمعتهه
هاي المكبره وما شافت اخوتهه
محد نزلاها وسمع ونتهه
وتعتب عالكفيل اشلون خلاها

رجعت كاضيه وماكطعت الونه
وتصيح الكفيل اليوم اريدنه
ينزل محملي عباس اشوفنه
وبجفوف الكفلني اظعوني حطاها



جاوين الكفاله اتصيح حاجيني
يخويه محيره وسفه تخليني
مشتاكه اجيتك يا بعد عيني
ونايم والعقيله وين منواها


لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للرسول(ص)
////////////////////

وين اتريد ياصدر الدواوين
عليك اتنوح كتبك والقرائين
////////////////////

وين اتريد شايل هالمسيه
عليك اينوح حيدر والزجيه
مهضوم الحسن وحسين اخيه
يتعازون لمصابك محازين
////////////////////

يتعازون هالليله ويونون
فكدك مو سهل كلهم يكولون
اشلون اتغيب عنهم ياضوه الكون
محد يكدر الفركاك يومين
////////////////////

محد يكدر الفركاك تدري
اتصيح ام الحسن مكسور ضهري
اشلون اصبر بعد خلصان صبري
لاكلبي اليهيد ولاغفت عين
////////////////////

كلبي المايهيد وبيش اهوده
عدل ردناك بابك ماتسده
اشلون اتعوف ابو الحسنين وحده
خذاك الموت منه انجيبك امنين
////////////////////

خذاك الموت شيجيبك يمهيوب
محله وكفتك بالبيت الغروب
يون اعليك كلبي وصار مصيوب
اشلون ايطيب بويه الصوبه البين
////////////////////

اشلون ايطيب كلبي البين صابه
موحش مسجدك وانغلك بابه
ياجيدوم يالتكضي الطلابه
ياكهف اليتامه والمساكين
///////////////////

يجد حسين ياكهف اليتامه
فكدك مو سهل نوح وندامه
بجفاك الدهر خيم ظلامه
وهضموا فاطمه كوم الملاعين
////////////////////

لشاعرة اهل البيت
المله ام هجران العمارجيه


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي استشهاد الرسول

بويه عليك حزنانه لدواوين
تبجي عليك كتبك ولقرائين
عل مصابك كل احنه محزنين
❥━──➸➽❥❂❥━──➸➽❥❂
ادخل حجرتك وصرخ يولي
ينعاب الكلب لو فكد غالي
ياجنه وهوه انت اودلالي
❥━──➸➽❥❂❥━──➸➽❥❂
ابجي عل الحنين الدللاني
الي تعب عليه اوكبراني
لوابجي دمه ماجازيه اني
❥━──➸➽❥❂❥━──➸➽❥❂
تذل البنيه من تفكد ابوهه
وعكب عينه وليهه لوعوهه
غصب ارثاهه اوظيعوهه
❥━──➸➽❥❂❥━──➸➽❥❂
حنيت اشوفك اوكعد وياك
يمن فدوه رحتلك انه افداك
ابويه اليوم لهفانه الملكاك
❥━──➸➽❥❂❥━──➸➽❥❂
سطر عيني ودفعوني عل باب
ولمحسن سكط والكلب ذاب
صحت بصوت وين اهلي الأطياب

#تمت✍
الشاعره.اسيره الاحزان💔
مريم العبوديه


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للرسول ص
****
وأظلم يامنبر هادينه ٢
****
اليوم المنبر لونه اتبدل
بمصاب المبعوث المرسل
نورك ياهادينه الاول
لو ماشخصك ماصلينه
*
ننصب مأتم صحنه بحسره
يابو القاسم يابو الزهره
من فكدك مظلومه العتره
وكل مؤمن دمعاته بعينه
**
يامحبوب الباري ونوره
القرآن المنزل وبحوره
شفناك بكل آيه وسوره
وقرآنك ظل يواسينه
**
نواسيهه الزهره بهالليله
بمصابك مدمعنه نسيله
والكرار اتهدم حيله
وانعزي الغايب مهدينه
***
ياحيدر عونك بمصابه
الدمعات بعينك سجابه
إتوسده بكبره إتهيل ترابه
والفاكد بس الله يعينه
***
والبضعه تودعه ومحزونه
ابنه الحسن إتهل عيونه
وحسين المايدري شلونه
وي زينب يصرخ بونينه
****
يابو العتره وياحاميهه
بعدك ظلموهه وسابيهه
غدرو اولهه وتاليهه
ومصايبهم دارت بينه
****
أم علي

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  لرسول ص  وكذلك للاب
من كتاب المآسي  الفاطميه الجزء السابع والعشرين


هيبه الابو   وتزامطين بجاله
شال   عنها    الراد    العياله
.............
الراح منج ماضنج تعوضينه
رداد  حكج   مابعد   تلكينه
وين همج   لومشه   تشكينه

(بيوم  العوز  تريدينه)
...........
بعد  عينه  من  يرد   العيله
والحمل لومال ياهو  يشيله
لوكثر   هم  الكلب تشكيله

(الضيم  خلافه تحملينه)
...........
شيال همج مايرد مظنونه
تشوفين ذله من تنام عيونه
حال المضيع الحنين شلونه

(تحن  الروح  الكعداته)
...........
اليوم  عدلي لطمته  اوناته
الراح منج   ماترد   كعداته
اندفنت وحدر الترب جلماته

(الشايل  عودج  ونيله)
.........

اليوم  خلينه  نون  لزاجيه
حيل تاذيها  الديار  الخاليه
عليه  عدلي   ونتج يالناعيه

(اليوم عله  الون  عينيها)

✍ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الفاطميه الجزء  السابع  والعشرين 

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

💥 لطميه للرسول (ص) 
وتنقره بعدة اطوار 💥

تون ام الحسن.... وتهل العيون

يبويه اعليك... كلبي اليوم محزون

➖➖➖➖➖➖
ونت فاطمه تهل دمعت العين

محمل بالضعن يابوي لاوين

اضلن للمناحه وبس للونين

اخاف اعداك بيه مايرحمون

ولاغيره // لاعدهم رحمه
➖➖➖➖➖➖
يبويه اعداك مابيهم حميه

من تروح بويه شلون بيه

احا ياهيبتي وياسور اليه

اضل بعدك حزينه مغيره اللون

يهضموني // يابويه اعداك

➖➖➖➖➖➖➖
اضل بعدك حزينه وحالي ياحال
يبويه شلون ضعنك لو مشه وشال
يضل بس الدمع يابوي همال
ريضو بالولي يامن تشيلون

ريضولي // يالشلتو الوالي

➖➖➖➖➖➖➖

ريضو بالولي خلوني اودعنه

اكله بالوديعه شلون يمجنه

بده اوياي الحزن والاه والونه

وعايفني يبويه اويه اليكرهون

يالوعه // راح اشبع ياهم

➖➖➖➖➖➖➖
راح اشبع يبويه اهموم وهموم

صبح حيلي عليك اليوم مهدوم

البيه هيبه وحميه شايل اليوم

ليفارك عزيز يصبح شلون

ياهيبه // لاوين مغرب

➖➖➖➖➖➖
ياهيبه ومعزه وسور يالوالي

شايل وين هاياعزي ودلالي
ازامط بيك بويه وراسي شو عالي

ازامط بيك بويه لليعيلون

البيه هيبه // شايل هاليوم


نعازيهه // والزهره اليوم

مابيه افراكه // احا من يوم الوالي


افراك الوالد ياذيهه // اليوم تون الزهره


تمت ✍️ الشاعره والمله ام حسين العامري

غير مبري الذمه من يحذف اويغير اويتلاعب بكلمات القصيده وينسبها له

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_١٨_.


فزاعيه للرسول صلى الله عليه وآله


ونت فاطمه الزهراء
لمن شال واليهه
❥━──➸➽❥💔❥━──➸➽❥💔
ونت حيل وابعبره
الليله فاطمه الزهره
ابو حسين انكسر ظهره
يون اويبجي اعليهه
❥━──➸➽❥💔❥━──➸➽❥💔
ونت فاطمه الليله
يمهه جمعت العيله
الزهره اتنوح وانحيله
والدمعات تجريهه
❥━──➸➽❥💔❥━──➸➽❥💔
تجري ادموع علوالي
بويه انهدت احوالي
اخذني اوياك يلغالي
وابتك اشظل بيهه
❥━──➸➽❥💔❥━──➸➽❥💔
ونت حيل وبحركه
بويه محمل الفركه
وعليك اشهكت شهكه
شايل ما ترد ليهه
❥━──➸➽❥💔❥━──➸➽❥💔
شال المصطفى هليوم
ما تكدر الزهره اتكوم
ضلت بلكدر واهموم
شيرد النبي عليهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

(فزاعية للنبي ص)
الاكرم صلوات الله عليه وعلى اله الطاهرين
............................................
سلهمت عين الولي
دير الوساده ياعلي
.................
سلهمت عين الوالي
مسجده ظلمه او خالي
ياابوي دنظرحالي
عگبك يبويه منهولي*
سلهمت عين الولي
دير الوساده ياعلي
..................
النبي غمضت عينه
عنه مشه والينه
والمسجد امحزنينه
يابويه مظلم منزلي*
سلهمت عين الولي
دير الوساده ياعلي
.......................
نبچي اونهل ادموعنه
ع الي يسّكّن روعنه
انطبگت علیه اضلوعنه
ابفرگاه گلبي مبتلي*
سلهمت عين الولي
دير الوساده ياعلي
...........................

يابوي انظرحالي
محد الي يلغالي
ضايع اوياك ادلالي
يانبي الرحمه عودالي*
سلهمت عين الولي
دير الوساده ياعلي
............................

حيدر ابعبره ينتحب
واعله الوجن دمعه يصب
حزنان هليوم المحب
مدفون ياعزي او هلي*
سلهمت عين الولي
دير الوساده ياعلي

(والزهرا اتنوح الواليهه)
..............................................
تمت بعون الله//✍الشاعره صديقه الهلالي//
..............................................

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*فزاعيه للرسول (ص)*
*((من ديوان📚 مسير الفواطم لارض المظالم الجزء الرابع))*
❥━──➸➽❥❂❥━──➸➽❥❂
*الزهرة تنوح هذا اليوم*
*حزنانه   اعله و اليهه*
❥━──➸➽❥❂❥━──➸➽❥❂
حزنانة وتجر ونه
تگول الوالي اريدنه
ومنه انگطعت الضنه
عليه العين لعميهه
❥━──➸➽❥❂❥━──➸➽❥❂
لعمي العين لغيابه
يفجع كلش مصابه
كلف ومچيد يصوابه
واعليه دمعتي اجريهه
❥━──➸➽❥❂❥━──➸➽❥❂
دمعاتي بگت تجري
و الله بحالتي يدري
قاسي شكثر يا دهري
قاسي وخذه اليحميهه
❥━──➸➽❥❂❥━──➸➽❥❂
يا وسفه خذاه البين
وانه بس اجر الونين
وما رحمته الملاعين
راح الچان يفنيهه
❥━──➸➽❥❂❥━──➸➽❥❂
راح وما اله رجعه
صوتي الوالي ميسمعه
بيه ضاگت الوسعه
العيله من يباريهه
❥━──➸➽❥❂❥━──➸➽❥❂
*بقلم 📝 شاعرة اهل البيت*
*العلوية مريم النور نسألكم الدعاء الفاتحه إلى روح اختي ولامواتكم:🍃*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للرسول ص
*
شال اليوم ابو الزهره نبينه
عليه تنوح مكه والمدينه
*
توشح بالسواد الكون كله
لبو ابراهيم دمع العين هله
لرسول الله وحبيبه النوح يحله
وجبريل الوحي عالي ونينه
*
حيدر يالنبي دمعاته بالعين
ومحزونه الزجيه ام الحسين
ظلمه الدار وتنوح القرآيين
تنعه فاطمه وتلطم حزينه
*
صاحت يالابو إلمن عفتني
لجور اعداك بويه سلمتني
مكسورة ضلع ورموه متني
بهجوم الدار يابويه انولينه
*
الحسن مهضوم وينادي يغالي
عكب عينك غريب شلون حالي
ياجدي الجبد ممرود تالي
اخذت ثارهه جعده اللعينه
*
يون حسين وناته خفيه
يجدي من تجيني الغاضريه
يذبحوني العده واختي سبيه
وراسي عالرماح امعلكينه
**
زينب حايره واتهل العيون
يحامينه جنت ماتدري بأم عون
ياجدي اجيبك باجر شلون
سبيه والشمر حادي الضعينه
**
يجيني مصاب فوك مصاب وحدي
واظل ابلا اهل واخوان ياجدي
عكب عباس صار الشمر يحدي
بسوطه عالمتن يلعب علينه
**
أم علي


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للأمام حسن العسكري ( ع)

♢•--※--•✿❥❥•--※--•✿❥❥•--※--•♢

ابو المهدي يون وتراده حيله
وونات الحسن صارت ثگيله

♢•--※--•✿❥❥•--※--•✿❥❥•--※--•♢

ونات   الامام   اتهدم  الروح
ووليده ينظره وگلبه مقروح
صعبه حالته وبالدار مطروح

ولو  راح  الابو  ماكو  بديله

♢•--※--•✿❥❥•--※--•✿❥❥•--※--•♢

لو  راح  الابو   يافراگه   شده
وجرح اموادعه ياهو  اليشده
والشال   ومشه   مامنه   رده

وياسفرة الموت اشگد طويله

♢•--※--•✿❥❥•--※--•✿❥❥•--※--•♢

ياسفرة الموت التصعب اهواي
زغير ابنك تتركه اشلون مولاي
ابو صالح حزين بروحتك  هاي

ومعصوره   بآلم  صدره   الليله

♢•--※--•✿❥❥•--※--•✿❥❥•--※--•♢

مالوم   الامام   هوايه  حزنان
من  عاين  ابوه   وحاله  تعبان
بيهم   مارحم   ويلي   يالزمان

وامامي العسكري يوجع رحيله

♢•--※--•✿❥❥•--※--•✿❥❥•--※--•♢

يوجع   يومه   الميت  بالسموم
ويسمون الامام اشتطلبه الگوم
لولاد  النبي   تنصب  عده  دوم

وافعال   الدهر    اهيه   الكفيله

♢•--※--•✿❥❥•--※--•✿❥❥•--※--•♢

بالسم   والقتل   خلصت  العتره
يعين ام الحسن كل يوم صطره
بسامره    الولد    لمن    تحضره

حزينه   ونادته   روحي  نحيله

♢•--※--•✿❥❥•--※--•✿❥❥•--※--•♢

تمت والحمدلله✍ خادمة أم أبيها الشاعرة أم علي الحلفي  لاأجيز  شرعاً حذف الأسم أو تغير الكلمات

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الحسن العسكري عليه السلام


الدنيه أمغبره ... والشمس مكسوفه
وياهو العسكري أيسبلهن أچفوفه
❥━──➸➽❥💔❥━──➸➽❥💔
مكسوفه الشمس علحسن حزنانه
أبسامره أنچتل شلطبه عدوانه
أو بفراش الأجل ممدوده جثمانه
وميت بالغرب والهامه مكشوفه
❥━──➸➽❥💔❥━──➸➽❥💔
اليوم العسكري أمودع أبنياته
وفگدن گعدته أو فگدن حچاياته
أو شيطفي بعد نيران لوعاته
وعينه غمضت والوانه مخطوفه
❥━──➸➽❥💔❥━──➸➽❥💔
الدنيه موحشه شايل يبو الحجه
وصارت ضغبره أبسامره أو ضجه
ومات العسكري وأنفگدت البهجه
وأحزان الگلب بلگلب مصفوفه
❥━──➸➽❥💔❥━──➸➽❥💔
الحجه للگبر شاله عله أچتافه
أو بالتربان بيده وسده أو عافه
أخلافه مضلمه يا داره أخلافه
وبيهه المنتظر للدوم ميشوفه
❥━──➸➽❥💔❥━──➸➽❥💔
الحوزه أمقفله شايل يراعيهه
واليوم الحسن ما طب گعد بيهه
أو جاريهه تهل العين جاريهه
( أيون أعليه المهدي الليله )
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٣ من شهر ربيع الأول
الموافق / ٢٠٢٣/٩/١٩


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه للعسكري ع
*
يشيال النعش          بهداي تانيني
ابويه العسكري        خل يسمع ونيني
***
المهدي يصيح يمشيعين تانوني
بأبويه العسكري العدوان فجعوني
خمس سنين عمري ليش يتموني
انوح اعله الغريب        ودمعتي بعيني
*
شباب وعاش ايام العمر باحزان
مسجون وغريب وسمته العدوان
منو مثلي صبر عالظلم ياإنسان
يايوم الفرج                تتنطره سنيني
**
طفو شمعة شبابه زمرة الأشرار
سمو جبدته ومحد اخذله الثار
بدت بينه المصايب من هجوم الدار
من يوم الزجيه           اعداي سابيني
**
انزلهه الجنازه بحسرتي ونوحي
بيدي ادفن حبيبي وسلوة جروحي
إلج الله المعين اليوم ياروحي
أكلهه عالصبر          ياروحي عينيني
**
كلبي جروح فوك جروح فطرنه
ياجرح الألمه وبيش اشدنه
بجيت دموم لحسين بألف ونه
وللراحت سبيه         النار تجويني
**
انه الموعود اكظم غيضي وي ثاري
ادعي للفرج كل ليلي ونهاري
إمن الغيبه أرد ويأذن الباري
صوت من السمه     وسيفي يحاجيني
**
أم علي


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

اللهـم صـل على محمـد وال محمـد
فزاعي جنوبي لستشهاد الزهراء( ع)

      ❀ ✧ ـ•‏•‏​‏​​‏ـ❀ـ•‏•‏​‏​​‏ــ•‏•‏​‏​​‏ـ ـ•‏•‏​‏​​‏ـ✧❀

خلوهـه الزچيــه اليــوم مهضومــه
و محسنهه السقط و منه محرومه

     ❀ ✧ ـ•‏•‏​‏​​‏ـ❀ـ•‏•‏​‏​​‏ــ•‏•‏​‏​​‏ـ ـ•‏•‏​‏​​‏ـ✧❀

دفعــوا بابـهه و بالضـلع مصيوبــه
و يدرون الزچيه أشكثر محجوبـه
و زينب أصبحت يا ناس منكوبــه

ماتـت أم حسـن و تـروح مظلومـه

    ❀ ✧ ـ•‏•‏​‏​​‏ـ❀ـ•‏•‏​‏​​‏ــ•‏•‏​‏​​‏ـ ـ•‏•‏​‏​​‏ـ✧❀

طاحت عالأرض من شدة العصـره
مقــدر عالبتــول الصـار و اليـجـره
خلـوهــه تــون و تسـچـب العبــره

ثجيل أفراكهه أوما ينحـمل يومـه

    ❀ ✧ ـ•‏•‏​‏​​‏ـ❀ـ•‏•‏​‏​​‏ــ•‏•‏​‏​​‏ـ ـ•‏•‏​‏​​‏ـ✧❀

و أصحاب النبـي للزهره غدروهــه
و ياحيف العده بالسوط ضربوهــا
و من اولادهـا هالحــره حرموهـــه

على أمصابچ يايمه الروح مهدومه

   ❀ ✧ ـ•‏•‏​‏​​‏ـ❀ـ•‏•‏​‏​​‏ــ•‏•‏​‏​​‏ـ ـ•‏•‏​‏​​‏ـ✧❀

ودعـنـه الحنيـنه أبونه والدمـعـــه
كلبي الفـاكــدج كلـيلي شيقنعـــــه
يدفـنــوج أبكبـر وماألـچ رجعـــــه

مكســورة ضلـع ويـنـزف أدمومـه

   ❀ ✧ ـ•‏•‏​‏​​‏ـ❀ـ•‏•‏​‏​​‏ــ•‏•‏​‏​​‏ـ ـ•‏•‏​‏​​‏ـ✧❀

من عكبـچ ييمــه الـروح حزنانـــه
ضلمـــه أصبحت ياحـره دنيانــــه
يايـمه الـزمـن أيـتامـــه خلانـــــه

اليوم ام الحزن بالزهره ملچومـه

   ❀ ✧ ـ•‏•‏​‏​​‏ـ❀ـ•‏•‏​‏​​‏ــ•‏•‏​‏​​‏ـ ـ•‏•‏​‏​​‏ـ✧❀
تمت بعون الله تعالى

✍بقلم خادمة أهل البيت عليهم السلام

الملا ام زينب الواسطي💔

نسألكم الدعاء

بتعجيل الفرج لصاحب الزمان ((عج))

غير مبري الذمه من يحذف الاسم
وينسب الكلام له

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة ثقيلة للزهراء(ع) من ديوان 📚 عبرات وانين الجزء 1(خاص بالزهراء ع)*
❥━──➸➽❥❂❥━──➸➽❥❂
باب ام الحسن ياناس     وسفه بنار حرگوها
عصرو فاطمه بالباب      منها العين سطروها
❥━──➸➽❥❂❥━──➸➽❥❂
ريحانه رسول الله     هاي وزوجة الكرار
گوم الظالمه وسفه    تحرگ بابها بالنار
ماهابو ابوها ولا        خافو ربهم الجبار
بين الباب والحايط    حيل الگوم عصروها
❥━──➸➽❥❂❥━──➸➽❥❂
حيل الزهره عصروها    وكسروه الضلع منها
والمحسن سگط عالگاع وبحسره اجذبت ونها
ولاكفاهم الظلام          ماراحو بعد عنها
عالعين الزچيه حيل     هالظلام لطموها
❥━──➸➽❥❂❥━──➸➽❥❂
ظلت تهمل العينين     والعبره باثر عبره
ماتگدر تجر انفاس      اذاها الضلع كسره
بياحال ام حسن وبسوط ضربوها العده الكفره
مارحمو ابد بيها         هواي الزهره عذبوها
❥━──➸➽❥❂❥━──➸➽❥❂
فوگ العصره والسطره وضلع اللي انكسر ياناس
سطرو عينها وبالسوط ضربوها العده الارجاس
مصاب ام الحسن هيهات  مامثله ولا ينقاس
ياهي انسطرت اعله العين ياهي هيچ اذوها
❥━──➸➽❥❂❥━──➸➽❥❂
اذوها الزچيه اهواي    مارحمو ابد بيها
خلوها تجر ونات        دم الدمعه تجريها
ياريته الرسول يشوف بته شسادي عليها
من بعد غدت بالظيم   هاي الگوم ظلموها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للزهراء س
*
سولف يادمع وكت المغربيه
عافتني الحنينه واكطعت بيه
**
يهزني الشوك كل مغرب احن إلهه
واتذكر حجينه الدمعه اهملهه
لطولج يم حسن مشتاكه اكللهه
من نومي افز وانعاهه ليليه
***
سولف يادمع بهداي واحجيلي
عله افراك الزجيه منهدم حيلي
وياباب الأصد إلهه تراويلي
ضلع مكسور بالبسمار يوميه
***
يبست عيني من كد البجي اعليهه
ام روح الحنينه وين الاكيهه
بتراب اللحد نامت  معانيهه
اناديهه شعجب ماتفزع اعليه
***
بعدني مشبعت من جلمة اليمه
حرمني البين منهه وماتت الجلمه
من زغري يتيمه واجرع الهضمه
كسر كلبي المصاب وامشي محنيه
***
اذكر كعدتي ويه امي واتحسر
ومن جانت تنام الليل ماتكدر
تون من الضلع اسمعهه واتصبر
تضم العين حمره وماتصد ليه
***
تمنيت الزمان الراح بينه يعود
ولو ساعات اشم عطر الزجيه اردود
بعد هيهات نتلاكه الكبر مسدود
ولك ياموت ارحم حالتي شويه
***
بنص الليل امي من نعشهه شال
جرح عيني الدمع من دم عليهه سال
افراك الوالده يا هالخلك جتال
شمعة بيتنه شيعوهه مطفيه
****
أم علي


https://t.me/joinchat/AAAAAELdvGssZMurwfLsJA

نعي للزهراء عليها السلام


أمي مشت لاوين عنه
وأفراگهه الليله هضمنه
وياهه وسفه ماخذتنه
❥━──➸➽❥💔❥━──➸➽❥💔
ردي ييمه ولا ترحلين
ما نگدر أبلياچ تدرين
يا بعد گلبي وساهي العين
❥━──➸➽❥💔❥━──➸➽❥💔
يا بعد گلبي يالحنينه
بلعجل ردي يمه لينه
البيتچ يالأحبيبه أجينه
❥━──➸➽❥💔❥━──➸➽❥💔
گومي تلگينه أجيناچ
أشتاگينه يا زهره لحچاياچ
أشمحله العصر گعدتنه وياچ
❥━──➸➽❥💔❥━──➸➽❥💔
أشمحلاهه گعدتنه سويه
وياچ يم روح الأبيه
تعمينه أديارچ خليه
❥━──➸➽❥💔❥━──➸➽❥💔
يا يمه يرويحت الجنه
وياچ شالت هلمحنه
عگبچ ينبض الگلب ضعنه
❥━──➸➽❥💔❥━──➸➽❥💔
يزهره يمه وين رحتي
وكلنه يتامه اليوم عفتي
بالمگبره گالوا سكنتي
❥━──➸➽❥💔❥━──➸➽❥💔
گالوا سكنتي أبگبر ضلمه
منه عليچ أسم الله يمه
لان الضلع بجفاچ عضمه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٢ من شهر ربيع الثاني
الموافق / ٢٠٢٣/١٠/١٨

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للزهراء ع
.........

ابهيده ويه ام حسن يامن تشيلوهه

مكسور الضلع بي لا تلجموهه
.......

ابهيده ويه الزجيه من تشيعها

لاتلجم ضلعها الحيل يوجعها

مالومه يويلي ولا تلوعها


ابهيده بل الكبر لمن تنزلوها
.........

ابراضه من توسدها يشايلها

حط ايدك حدرها من تنزلها

ترفه ونومت التربان موش الها

ومن زهرت عمرها ليش حرموها
...........

اه اعله ام حسن وحسين ياويلاه

نعشها للكبر حامي الحمه شالاه

وياويلي كبرها منخفي خلاه

ابليل ام الحسن وبخفيه دفنوها
.......

ياوحشة نزلها والحزن غاطيه

راحت يل الزجيه وماترد اعليه

والايتام تبجي والدمع تجريه

والدمعات وسط الدار يجروها
.........

راحت عنهم وخلتهم ابحسره

نامت بل الكبر ماترجع الزهره

الحسن يبجي عليها ودمعته حمره

وحسين ابونينه ايصيح ردوها
........

وياحال العقيله اخلافها ضلت

طفله ومن حضنها ليش ماشبعت

من الوالده ياويلي انحرمت


من حضن الحنينه الحره حرموها
...........




ام عمار العيساويه


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_١٩_.


لطميه للزهراء عليها السلام


اكعدي يم هلا بسج امنلنومه
تره اخلافج ييمه الروح مهضومه
❥━──➸➽❥💔❥━──➸➽❥💔
اكعدي يم هله جيناج بدايه
تلكينه ييمه ابحلو الاحجايه
تعنيناج واحنه اهمومنه اهوايه
بتج من عكب عيناج مهضومه
❥━──➸➽❥💔❥━──➸➽❥💔
اخلافج يلحنينه البيت ماريده
حملتي او مشيتي الدار الابعيده
عليج الكلب شيصبره وشيهيده
وجهج عن عليه ابشوفة ارسومه
❥━──➸➽❥💔❥━──➸➽❥💔
شلج بلكبر يم حلو الاحجايه
مشتاكه الج يلوالده اهوايه
جنتي سور لينه او دوم تجايه
يفراكج ييمه اشكد صعب يومه
❥━──➸➽❥💔❥━──➸➽❥💔
ردّي يلحنينه اوياج دخذيني
علي عنيتي يلرحتي او نسيتيني
شكول عليج يامن دلليتيني
شلج بلكبر يحبيبه واعلومه
❥━──➸➽❥💔❥━──➸➽❥💔
بيتج مظلم اخلافج يلحنينه
شلون الحسن يمه تيتمينه
يذكر كعدتج واتظل تهل عينه
يبات الليل وهوه ايناطر انجومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك