لطميه لسبي على طور ياعيد الفطر المن بعد جاي

مشينه عله الهزل ويهل دمعنه
عفنه عله  الوطيه  أجساد اهلنه

ودعت الاعزاز ونور عيناي
رديت  الضعن ماردو وياي
.............

من ودعتهم  وارحلت  .. حاجيت اخوتي بدمعات
واتمنه صوتي ونحبتي ..  ويسمع بواجيي المات
يحسين اخيتك غربت... لاكن تجر  بالحسرات
شلون يغفه عله الثره  .. العنده يناس  بنيات

خويه  وداعتك  ماضلت عيون 
بناتك عالهزل  ومورمه  المتون   

وديت العتب  واصرخ يولياي
رديت  الضعن ماردو  وياي
...........
حكي من اعاتب يخوتي .. ضيم الجره هد الحيل
عالناكه  واصرخ ياهلي .. لو  جلجل علينه اليل
تبجي البنات من الرعب. وسكينه مدمعها يسيل
ياهو اليعدل  محملي  ...  لوبالدرب عمه   يميل

عكب جف الكفيل ورفعت الراس
حدينه وبالضعن  ماهوه   عباس

عدمن  نشتكيه وضيمنه هواي
رديت  الضعن   ماردو   وياي
.............
المن يخويه نشتكي ..  وضيم الوكت هدانه
اختك قسه وياها الدهر.. ومن فركتك نحلانه
وشصار ياصبر الكلب  .. وراسك  رفيج   ويانه
شحجي وشسولفلك بعد..عن روحي  الحيرانه

مصاب المر عليه ماسده وصار
ماضل من هلي  واحبابي  تذكار

انه الما جره عله الناس بلواي
رديت  الضعن  ماردو الضعن
..............
مامر  مصابي ولاجره .. ياكلب صبرك جندوب
هم شفت اخت وفاكده.. راحت بحيل المتعوب.
جتال اهلها  ويالضعن.. حملت  هظايم  وادروب 
لا ولد  ردت لااخو ...  والدمع عالخد مسجوب

خايب يا دهر ماعندك انصاف
طول الماتشوف  الناس ينشاف 

ياريت  ابوفاضل  يسمع ابجاي
رديت   الضعن  ماردو   اوياي
................
ياخويه من رد الضعن .. دارت عيوني اونيت
يرجع زماني  بخوتي ..  وايامي ترجع ياريت
يامن  تكود  بناكتي  .. جاوين  جفك  ناديت
جاوينها اعزازي صحت.. خليانه  منهم  رديت

بس حزن  الكلب والهم  صفالي
مشيت ميسره وماعندي والي

ماضل عد اختكم فكر لاراي
رديت الضعن  ماردو  وياي

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب
المآسي  الفاطميه الجزء السادس والعشرين

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تجليبة لسابع الإمام
سبع تيام و الحره بيديها اگيود
تون لحسين تتمنى يرد اردود


على الناگه و دخل سابع أخوها اليوم
تصد الراس و اتشوفه ابعمد مهشوم
تنادي له ، يمن من العذب محروم
يريتك وي أهل بيتك الينه اتعود


سبع تيام و زينب تنتخي بحسين
يخويه طاح حملي و ما بگالي امعين
رقيه تبچي و خوفي تلمحك بالعين
يبو اليمه جسمها امن الضرب ممرود


سبع تيام زينب فاقده العباس
تريده ايگوم يحميها من الأرجاس
تشوف ابعينه سهمه و الطبر عالراس
تگله گوم زودك هالوكت مريود


سبع تيام و الدمعات تجري سيل
عقيلة حيدره ما ظل لها اي حيل
تباري هاليتامه و تحفظ الاعليل
و إذا صلت تبث شكواها للمعبود


سبع تيام و هالامتون ، امورمات
بنات المصطفى عالگاع ليش اتبات
سبايه و بالغرب مخنوگه بالعبرات
مصايب حاوطتهم و الأمن مفقود

📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لمولاتي زينب عليها السلام
✍️✍️✍️
تجويت ابفكدهم والعمر راح
مشو طول الدرب روس اعله الارماح
فرهدهم زماني
اضل ابجي واتاني
تجويت بفكدهم والعمر راح
✍️✍️✍️
مشو عني الغوالي الجانوا وياي
خلوني وصية وماكو حماي
المن بالحرم واجمع يتاماي
خيمكم فرهدوهة
وحرمكم سلبوهة
تجويت بفكدهم والعمر راح
مشو طول الدرب رؤس أعلى الرماح
✍️✍️✍️
اصد لمجانكم البيه تكعدون
تهمل دمعتي وتعميلي العيون
اخواني السافرؤا مااظن يردون
بخيمهم بس الرماد
توج نيران الفاد
تجويت بفكدهم والعمر راح
مشو طول الدرب رؤس أعلى الرماح
✍️✍️✍️
زينبكم يخوية حايرة اليوم
تبجي عالاخو والگلبي مالوم
هيهات الملاگة خوية للدوم
اريد الدللوني
وابد مافارگوني
تجويت بفكدهم والعمر راح
مشو طول الدرب رؤس أعلى الرماح
✍️✍️✍️
ماهادت رقية تريد ابوهة
ومن كثر البواجي رؤعوهة
عمت عيني عليهة مارعوهة
صاحت بوية يحسين
بفكدكم لعمي هالعين
تجويت بفكدهم والعمر راح
مشو طول الدرب رؤس أعلى الرماح
✍️✍️✍️
بقلمي المتواضع العلوية والشاعرة ام حسام الغرابية الفاتحة لشرف النبي صلى الله عليه وآله وسلم والى رؤح ابنتي الشابة سلوى بنت علي
ذمة عدم مسح الاسم

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*طلعت حافيه // تنادي البدويه*
*الله وياج // يازينب يا علويه*

¤¤¤¤¤¤¤¤

طلعت حافيه وتصيح يعيوني
اشوف اعزاز كلبي ليش عافوني
اتصيح ام البنين ابصوت تانوني
تودعهم تهل ادموع مجريه

¤¤¤¤¤¤¤¤¤

تودعهه الحنينه التمن اعليهه
شبكتهه العزيزه وتعصر ايديهه
مهدم حيلهه والدار عفتيهه
الله وياج يازينب هالمسيه

¤¤¤¤¤¤¤¤¤

ودارت عالحسين وياك وديني
وين تريد كلي ويانظر عيني
اخاف اعليك يمه ولاتخليني
وانه من الهظم والنوح محنيه

¤¤¤¤¤¤¤¤¤

ظلت خاليه وظلمه مبانيهم
تصيح ام البنين وين حاديهم
روحي عله الدرب والعين تربيهم
ظلت خاليه دور الافاعيه


¤¤¤¤¤¤¤¤¤¤

يازينب تكلهه الونه بطليهه
خل نتشابك انه وياج خليهه
تكله الهاشميه اليوم ودعيهه
زينب لو ترد اعليج مسبيه

¤¤¤¤¤¤¤¤¤


تـــــمـت والحمـــــدللـــه
✍ *الشــــاعره ام آمـــنه*

واسالکم الدعاء🌹
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة نداء الحسین علیه السلام
🌷قصايد الشاعرة ام امنه🌷
غیرمبری الذمه من یحذف اسم الشاعرة

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان قربان الطف ج ٤
قصيدة للسبي(وسفه اعله الزمان)
❥━──➸➽❥❂❥━──➸➽❥❂
وسفه اعله الزمان وعن لياليه
اول تالي زينب تمشي مسبيه
❥━──➸➽❥❂❥━──➸➽❥❂
زينب بت علي يالسولفوا بيهه
ارض ويه السمه تشهد بطاريهه
خلاها الزمان بعوز واليهه
بسوط اعله المتن ضربو العلويه
❥━──➸➽❥❂❥━──➸➽❥❂
مشت للشام والدمعه بطرف خدهه
تون اعله الاخو وحشمت والدهه
ترضاها العقيلة لا ولي العدهه
ويا چلمة سبي ما لايگه اعليه
❥━──➸➽❥❂❥━──➸➽❥❂
چنت مدللة انه بزود خواني
وهسه بگيت حرمه بلايه ولياني
يهظمني عدوي وحيل آذاني
ومن نار الخيم مچويه رجليه
❥━──➸➽❥❂❥━──➸➽❥❂
حشمت اخوتي ومحد سمع صوتي
المن عايشه ياروحي بس موتي
شلي بدنيتي من ارحلو خوتي
نامو عالترب محد بقه ليه
❥━──➸➽❥❂❥━──➸➽❥❂
بگت حسراتي يا ناس بوسط صدري
وبس الله الوحيد بحالتي يدري
تمنيت اويه خواني انگضه عمري
ولا يبقه الضعن من غير راعيه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*


https://telegram.me/aabas78
قصائد لكل ايام محرم اشترك بالقناة

شور للكوفه نفس طور ياحيدر للسيد فاقد الموسوي
***
ياحيدر ٤
**
ياعلي للكوفه جيتك وملهوفه
بالحبل مجتوفه ودمعات بالعين ٢
هالعده يسروني ياعلي شتموني
وعالمتن ضربوني من راح الحسين ٢
ياحيدر ٤
****
بويه ذبحو اخوتي بنار شبو خيمتي
مادريت بمحنتي ودمعات بالعين ٢
بويه شاهد حالي من رحت يالوالي
شفت سود ليالي من راح الحسين ٢
ياحيدر ٤
****
حسين عفته عالثره وطاح سبع الكنطره
بويه جيت اميسره ودمعات بالعين ٢
وين اهلي بغربتي بويه راحت هيبتي
الشمر يحدي بناكتي من راح الحسين ٢
ياحيدر ٤
**
حسين حزو ركبته الخيل تسحك جثته
الاعوجيه طحنته ودمعات بالعين ٢
خنصره كطعوهه وجبدته صابوهه
جثته سلبوهه من راح الحسين ٢
ياحيدر ٤
***
عكب اخوتي انولي راح عزي وكافلي
عالنهر غيرة علي ودمعات بالعين ٢
السهم صوب عينه امكطعه جفينه
صحت حيدر وينه من راح الحسين ٢
ياحيدر ٤
***
بويه فك قيودي امجرحات خدودي
والسياط شهودي ودمعات بالعين ٢
ترضه زينب تنسبي ونار بذيال العبي
بويه إلمن معتبي من راح الحسين ٢
ياحيدر ٤
****
أم علي

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسبي والسيدة زينب عليها السلام 🏴💚🏴



كعدن بلخرابه الهاشميات
جانت عد علي مثل الاميرات
///////////////////

كعدن بلخرابه وماكو بيبان
وگبل مدللة برفجة الوليان
وهسه بس عليل وياها وجعان
مكيد بلحديد ويجر ونات
///////////////////

جانت بت علي مرفوعة الراس
گبل جانت اميرة بزود عباس
وهسه مرافكه زمرة الارجاس
وي عدوان زينب وي شمات
///////////////////

وبس عدوان وياها وسبيه
وگبل مدللة حامي الحميه
شمحله ايام حيدر والزجيه
ماخله الدهر بل فطميات
///////////////////

ماخله الوكت بزينب شخله
افراك اخوانها بنص الكب عله
وي ذباح اخوها تمشي مو سهله
وشلون النذل طگ اليتيمات
///////////////////

ميال الوكت موزين فد نوب
مشوهن سبي وبعيده الدروب
وضل الحيد بلميدان مكلوب
مايدري شسده بذني الاسيرات
///////////////////

خادمة اهل البيت الشاعرة اسيل الزينبي 🏴


خادمة اهل البيت عليهم السلام
الشاعره ام عون الحلاوية


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا
#الشاعرة_نورس_الحلفي
قصيده للحبايب {نشدت الدار}
ــــــــــــــــــــــــــــــــــــــــــــــــــــــــــــ

نشدت الدار چا وين الحنينات
وين اليمهن انه وخلفتي نبات
ــــــــــــــــــــــــــــــــــــــــــــــــــــــــــــ
نشدت الدار جا ماهن حبايبنه
بساع بساع وسفه غربن عنه
من گعداتهن جا ليش حرمنه
[للهيمه ـــ عافن وشالن]
ــــــــــــــــــــــــــــــــــــــــــــــــــــــــــــ
عافنه ومشن لاركان الغريه
وخلنه النزل توحش مبانيه
بعد بشوگ گعدتهن العصريه
[محلاها ـــ الگعده وياهن ]
ــــــــــــــــــــــــــــــــــــــــــــــــــــــــــــ
محله گعدت الشفجات محلاها
ترد الروح يالذة حجاياها
حلوه يالليالي شلون ننساها
[شينساها ـــ عشرتهن حلوه]
ــــــــــــــــــــــــــــــــــــــــــــــــــــــــــــ
وين العاشرنه وگعدن ويانه
غابن والديار اليوم حزنانه
وعليهن تون الروح خلصانه
[للديره ــ جا يمته يردن]
ــــــــــــــــــــــــــــــــــــــــــــــــــــــــــــ
بعد شيردهن الشالنه وخلنه
باحزان وعليهن بس نجر ونه
حنينات الگلوب، شلون ينسنه
[ماردن لينه ـــ من غابن]
ــــــــــــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسبي


بــــنت الــــزچيه عــــلجمل مــــشوهه
للـــــــشام مــــچتوفه أبـــحبل ودوهه
❥━──➸➽❥💔❥━──➸➽❥💔
للــــــشام مــــسبيه مــــشت حــــزنانه
وحـــسين ضـــل أمـــــــدد أبـــــميدانه
لا حـــصل الــــتابوت وثــــوب أدفــانه
وللــناس فــرجه أم الـــخدر ســــووهه
❥━──➸➽❥💔❥━──➸➽❥💔
تتــفرج الـناس أعــله زيــنب بـــالسبي
نـحلانه تــمشي عــلجمل تــحبي حـبي
وأتـگول ويـــنك يــابو فــاضل يــالأبي
الــما تنــهضم عـگب الــگمر هــضموهه
❥━──➸➽❥💔❥━──➸➽❥💔
للــــشام طـــــبت والــــمدامع هــــامله
وأچــفوف أديـــهه بــــلحديد أمسلسله
بـــلسوط طــگاهه الـــضبابي وحــرمله
بــلسوگ يـــا وســفه الــعصر جـــابوهه
❥━──➸➽❥💔❥━──➸➽❥💔
لــقصر اللـعين الـيوم دخـلت بــت علي
وأتــشوف يـــم أيــزيد يـــا راس الولي
وأتـصيح ويـلي أعــليك يـا تــالي هـلي
والــــــهاشميه بــــــــالقصر شــــتموهه
❥━──➸➽❥💔❥━──➸➽❥💔
بــــــــالخرابه گـــــعوا ســــت النــــسه
وأشـــفافهه مــن الــــعطش مــــتيبسه
وبيـد الـشمر لـحسين شــافت مـحبسه
بــــموتت رقــــيه بــــاچر يفـــــجعوهه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

السبت / ١٧ من شهر محرم الحرام
الموافق / ٢٠٢٣/٨/٥


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://www.facebook.com/abas7819?mibextid=ZbWKwL
رابط صفحتنا على الفيس بوك الاحتياط

tiktok.com/@tmamy.com
حسابي على تيك توك. اشترك ليصل كل جديد وحصري

قصيدة في درب السبي كاني بمولاتي رقية ع
تنظر الئ عمتها زينب وتتكلم مع اختها سكينه ع
كاني بها تقول ....

شــبيهه عمتي اتغيرت كليلي
راسها امشيب اخذ كل حيلي

حته صارت ما تنام
السبب من حرگ الخيام

شبيهه عمتي تغيرت كليلي
❥❥❥❥ـــــــــــــ❁❁ـــــــــــــ❥❥❥❥
شبيهه عمتي ** السبب من حرگ الخيم لو من الوداع
بيوم عاشر ** شبيهه ما ادري اجت ضمتني ابساع
خفت انه ** بس كلت هيه احنينه وحلوة اطباع

لجن هسه خوفتني امغيره اهواي
چنهه ماعــدها اخو للضهر  تچاي

لا اهل يمها وعمام
السبب من حرگ الخيام

شبيهه عمتي تغيرت كليلي
❥❥❥❥ـــــــــــــ❁❁ـــــــــــــ❥❥❥❥
امحدبه تمشي ** والمحدب ظهره يعني امفارگ اعزاز
بحيره انه ** كون من هالثانيه يلفيني جناز
ولا اعيشن ** شلي بالعيشه ودليلي اهواي معتاز

اهواي معتازه احس للعافني وراح
شلون خلاني ومشه والهجر ذباح

كاسر اجناح الحمام
السبب من حرگ الخيام

شبيهه عمتي اتغيرت كليلي
❥❥❥❥ـــــــــــــ❁❁ـــــــــــــ❥❥❥❥
كسر جنحي ** وجنح عمتي العافنه واحنه غرايب
رايح ابعيد ** وراح نشبع من بدونه بس مصايب
احس عمتي ** امضيعه بطف كربله اهوايه حبايب

مضيعه بطف كربله روح ونضرها
شكد عظيمة ام الخدر واضح صبرها

بس ماااا طخت الهام
السبب من حرگ الخيام

شبيهه عمتي تغيرت كليلي
❥❥❥❥ـــــــــــــ❁❁ـــــــــــــ❥❥❥❥
من صبرها ** الله ينطي كل شخص فارگله غالي
اسكينه عـمتي** ليش كل شويه دمعتها تلالي
السبب يمكن ** چي وحيده اميسره ماعدها والي

كون ابوي احسين يلفيهه يسكنه
ولا يخــــليها بقهر وتصيح ضعنه

عمتي كبرت الف عام
السبب من حرگ الخيام

شبيهه عمتي تغيرت كليلي
❥❥❥❥ـــــــــــــ❁❁ـــــــــــــ❥❥❥❥
عمت عيني ** زينب الحره الابيه اتغيرت اهواي
بعازه ضلت ** لان ما يمها اخو للحمل تجاي
يعينهه الله ** امصابهه كلش كلف عباس عالماي

عمي مات عالنهر وحسين غايب
وانه مرعوبه بغيابه من الغرايب

رايده اشتمه شمام
السبب من حرگ الخيام

شبيهه عمتي تغيرت كليلي
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسبي تقرأ ثقيله و موشح و شده
===================

بلظلام اطلعت زينب نايحه

طفله من الضعن كالو طايحه

===================

طلعت اتدور وتصرخ يلولي

طفله ظاعت من يدورها الي

خويه بتك تاهت بدرب السبي

وختك بهليله طلعت صايحه

طفله من الضعن كالو طايحه

⌨⌨⌨⌨⌨⌨⌨

تمشي تتعثر يخوها بظلام

وهيه حرمه محيره وعدها ايتام

والعدو مابي رحم ماهم اسلام

روح زينب عل اليتامه رايحه

طفله من الضعن كالو طايحه

⌨⌨⌨⌨⌨⌨⌨

طلعت تدور وتصرخ ياحسين

خويه لو تسمعني جاوب ياحنين

بس صدى يرجع عليها والونين

والجثث من الدمايه سابحه

⌨⌨⌨⌨⌨⌨⌨

شبت النيران وسط الخيمكه

زينب وي الحرم بره مشبكه

جتافها من سياطهم متزوركه

ودمعت اختك فوق خدها سايحه

طفله من الضعن كالو طايحه

⌨⌨⌨⌨⌨⌨⌨

الخيمه شبت نارها وبيها العليل

وللحرم ضجت بواجي وبلعويل

والشمر بيها يبو فاضل يعيل

وصاحت علينه يخويه الصايحه

طفله من الضعن كالو طايحه

===================
خادمة ال البيت وخادمتكم الحجيه ام علي البصره نسألكم الدعاء

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه الزينب ع
ـــــــــــــــــــــــــــــــــ
نصبت فاتحه زينب بعبرتها
وين امها تكابلها على اخوتها
ــــــــــــــــــــــــــــــــــــــــــــــــــــ
نصبت فاتحه وتصيح ولياني
عذبني زماني يمه بجاني
حاطت كل جهه ياناس عدواني
ــــــــــــــــــــــــــــــــــــــــــــــــــــــــــ
يازينب الحره ويلي اعليها
تمشي ميسره ولهضم عاليها
فوك رماح تمشي روس اهاليها
ضلت حايره اوتهل دمعتها
ـــــــــــــــــــــــــــــــــــــــــــــــــــــــــ
قامت الحزن ولعين مجراها
ماعده حبايب تلطم وياها
عافتهم جثث علترب ولياهه
واويلاه على العافت بنيتها
ـــــــــــــــــــــــــــــــــــــــــــــــــــــ
ياحال الهضم بعد لاهل حالي
راسي هبطيته بيهم العالي
ولاصعب واشد احسين الغالي
ولحيدر ابوها اليوم نخوتها
ـــــــــــــــــــــــــــــــــــــــــــــــــــــ
وعزاز اخوتي مااكدر انساهم
شالو ولمحنه شالت وياهم
اطفال وحرم ضلينه بعداهم
تفجع كل كلب زينب وغربتها
ـــــــــــــــــــــــــــــــــــــــــــــــــــــ
ذوبت كل كلب زينب ومصيبتها
الله يعينها الفاكده اخوتها
ضلت ابكلبها ويلي حركتها
كتبتها ام علي للحره نختها
ــــــــــــــــــــــــــــــــــــــــــــــــــــــ

الشاعرة ام علي السعدي

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسير للسبي
__


تمشي لليسر وروس
بهيبه تمشي وياها.


محزونه وتهل العين.
وفوك الرمح راس حسين.
تباوعله وتجر الونين .
هو البجه عيناها/



تظل مرافكه السلاب .
تمشي عالجمر لهاب.
بالدلال الف مصاب .
هدها وطيح الوها/



حرمه وتنظر الخوان.
روس معلكه بسنان.
صارت لاحزن عنوان .
مهظومه يابت طه/


اه يحسين نادته.
شلون الي يعوف اخته.
بتربان عافته .
جثه وسالت دماها/



يبن امي الكلب دامي.
دربك تعب جدامي .
وهاي الروس جدامي .
دمع دموم بجاها/


راح ادخل بعد ديوان.
وبيه تشمت العدوان .
حا ياجمرة الخوان
حسين مصابه جواها/



*ناعية الخيام*


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://www.facebook.com/groups/1874117626150323/?ref=share

كروب فيس بوك

#الفزاعيه_بديوان_منابر_النور_الجزء_٩_.


فزاعيه للأمام السجاد عليه السلام


بمصيبت علي السجاد
ما واحد حضر عنده
❥━──➸➽❥💔❥━──➸➽❥💔
مسموم ويون اليوم
بفراشه الولي مسموم
وعله اهله بكه مهضوم
شايل من بلد جده
❥━──➸➽❥💔❥━──➸➽❥💔
احا يمصيبته امصيبه
شايل راعي الهيبه
منهو حسين اله ايجيبه
مات ونايم ابلحده
❥━──➸➽❥💔❥━──➸➽❥💔
مرجونه المدينه عليه
ون وحيل ماظل بيه
ما واحد تعنه ليه
مات ودمعته ابخده
❥━──➸➽❥💔❥━──➸➽❥💔
احا ياونته امجيده
وعليه عمّته ابعيده
ظل مسموم شيهيده
بفراشه يون وحده
❥━──➸➽❥💔❥━──➸➽❥💔
يريد اهله يحضرونه
هليله يشيعونه
امنلسم غارت عيونه
وين ابو علي ايكعده
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام زين العابدين ع

❥❥ـــــــــــــ❁❂❁ـــــــــــــ❥❥

مغـرب ويــن ابن رجابه الخيل
يلوج الـيوم مـنــه رايح الحيل

❥❥ـــــــــــــ❁❂❁ـــــــــــــ❥❥

ويـن يــريد غــرب عنهم اليوم
الف ياحيف كالو مات مسموم
نــون اعليه منه الحيل مهدوم
{ اهلك واهل امك// مغتاضه}

❥❥ـــــــــــــ❁❂❁ـــــــــــــ❥❥

جبـير حـســين للعازات يردوه
بـس أهـــل ضلم والكفر سموه
تابوته غرب موش اهله شالوه
{ دريـول مـره // اعله الوالي}

❥❥ـــــــــــــ❁❂❁ـــــــــــــ❥❥

خبرو الأبو فاضل يجي هليله
كلـولـه العليل انهدم كل حيله
يحط ذرعان للتابوت ويشيله
{ ايلــوج ابسـمـه // امخلينه}

❥❥ـــــــــــــ❁❂❁ـــــــــــــ❥❥

تــدرون اليــموت يريد جنازه
والـخوان وكت ضيج والعازه
ليش الدهــر عـالسجاد اتوازه
{ نوحي اعليه// الهدرو دمه}

❥❥ـــــــــــــ❁❂❁ـــــــــــــ❥❥

كـل ونه على المسموم ونيهه
عــازي عمته والزهره عازيهه
الـيوم دار كالــو شال راعيهه
{ الدار تنوح // اعــله الهيبه}

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

💥لطميه للامام السجاد عليه السلام
تنقره بالطور الحماسي او نزله حيدريه💥

من ديوان زينب والطفوف 👈 الجزء
الخامس عشر

اه واويلاه الزين العابدين

اه واويلاه الزين العابدين

ضل يون الحيد مابطل ونين

اه و ايلاه الزين العابدين

🏴🏴🏴🏴🏴🏴

اه واويلاه ضل بياوضع

اه واويلاه بس يهمل دمع

اه واويلاه جبده المنكطع

سممو جبده احشود الضالمين

اه واويلاه الزين العابدين

🏴🏴🏴🏴🏴🏴🏴

اه يالمسموم كل احنه نصيح

خلصت عمرك تون كلبك جريح

مانسيت الضل على الغبره طريح

ولانسيت اصواب عباس الحنين

اه واويلاه الزين العابدين

🏴🏴🏴🏴🏴🏴🏴

ولانسيت الصار بأرض الغاضريه

كبال عينك عمتك راحت سبيه

ولانسيت بيوم ضربوهه رقيه

وضلت تنادي يبويه ياحسين

اه واويلاه الزين العابدين

🏴🏴 🏴🏴🏴🏴

كل حياتك خلصتهه بس عذاب

تهمل ادموع وتون اعله لمصاب

اليوم دلالك صدك بالسم يذاب

اليوم بالسم ليش جبدك كاطعين

اه واويلاه الزين العابدين

🏴🏴🏴🏴🏴🏴

مردو الدلال ليش وعذبوك

اه والحرمت محمد مارعوك

شلهم اوياك الكفر شو سمموك

كل كلب هاليوم لمصابك حزين

اه واويلاه الزين العابدين

🏴🏴🏴🏴🏴🏴

كل كلب هاليوم جر بونته

نذكر ابن حسين يومه وعملته

نذكر مصابه ونون الجبدته

اليوم لمصابه نون ولاطمين

اه واويلاه الزين العابدين

تمت بفضل الله وعونه  ✍️ الشاعره والمله ام حسين العامري

غير مبري الذمه من يحذف الاسم اويغير اويتلاعب بكلمات القصيده وينسبها له

غير مبري الذمه امام الزهراء

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك