يوم المبارك
يوم المبارك يرجع المهدي بسلام
و(يمه اذكريني) يقره ما بين الخيام
شمعة ظهوره من يشعلوها
من صدر جده باچر يطلع السهام
_________________________

فرحة الزهره تبدي من يوم الظهور
يلتم ضلعها ويشفه من ذيچ الكسور
تكمل الفرحه من يجي المهدي الغيور
وبالطف تشوفه واگف يروّي النحور

ترتوي المهجه الما شربوها
ومن صدر جده باچر يطلع السهام
_________________________

هم تجي الساعه وگلب أبو صالح يطيب
من ثدي النيبه راضع بصافي الحليب
المهدي يا جمعه يمسح الخد التريب
عين أبو فاضل لسه ما مرها الطبيب

يمته يشفيها العين الطفوها
ومن صدر جده باچر يطلع السهام
_________________________

يمته جبرائيل يهتف ابين الجميع
طلَعَ البدرُ من ثنيات البقيع
يتجه للطف ويفتح ابواب الربيع
وتوكع ادموعه بنحر عبدالله الرضيع

يقبّل چفوفه الما گمطوها
ومن صدر جده باچر يطلع السهام
__________________________

باچر المهدي ينكث هموم السنين
تبرد الدنيه ويرتوي نحر الحسين
يقره يم نحره الفاتحة لأم البنين
بجود أبو فاضل يغسل جروح الجبين

ويذكر اهدومه من سلبوها
ومن صدر جده باچر يطلع السهام
_________________________

باچر شمحله المهدي لو فل النگاب
ومن علي الأكبر يمسح الدم والتراب
يگعد ويانه ونستمع منه المصاب
ويبچي عالقاسم من تمر زفة شباب

الحنه بدموعه من يدوفوها
ومن صدر جده باچر يطلع السهام
_________________________

لشوكت زينب تنچوي بنار الدموع
وين أبو صالح خل يوج يمها الشموع
غربة رقيه تنتهي بفجر الطلوع
سوط السبوها لسه طابع عالضلوع

بجيته تتشافه الطفله السبوها
ومن صدر جده باچر يطلع السهام
___________________________

✍️خادم خدام الحسين( عليه السلام)
عباس فاضل الكندي

https://youtu.be/CYh93f28loE

((( حلّال المشاكل )))

علي علي علي… عشگنه الأولي
يا شيخ المراجل… حلّال المشاكل
علي علي علي
_______________________

حيدر قتال الشدد والمتسمي
قالع خيبر مو صعب تقلع همي
اسمك بالابهر احس يجري بدمي
مغذّه حبك يا علي من در امي

من عالم الذر گلبي يهواك
ورده بثلج أذبل بلياك
يم السراط تگلي الاملاك
اعبر بزودك علي وياك

يمر يمر يمر… اليحبك بالحشر
خير من الله نازل… حلال المشاكل
علي علي علي
___________________

وردة زينه بحضرتك گلبي معلگه
ياهو غيرك يا علي يسوه انعشگه
الشهگة بصحنك طب عرب وصفة الشهگة
اليدخل يمك مختنگ ينسه الخنگة

يا وصفة الله لكل الامراض
عطرك مسكن يشفي الاعراض
مذخر دواك عله الارض فاض
الشلال ابد متحبسه الاحواض

دوه دوه دوه… بضريحك الهوه
تنطي بلا مقابل… حلال المشاكل
علي علي علي
___________________

انت يا أول شخص دلل شعبه
مثلك حاكم وين اكو الفقره اتحبه
بمتنك چنت اتحط خبز لا مو رتبه
غيرك ميفكر بشعب يفكر بحزبه

تلوگ السياده لشخصك تلوگ
يالبالمعارك شاگ حلوگ
أنت الأمير الرخص السوگ
ومن الزهد جلبابه مفتوگ

بخٍ بخٍ بخٍ … أمان أنت وأمن
يا خيمة ومقاتل… حلال المشاكل
علي علي علي
___________________

شخصك حلال العگد يوسف شاهد
من البير ما چان ابدلو بإسمك صاعد
ابراهيم بالنار وهتف حيدر قائد
بالنار ويگلهم أحس الجو بارد

لو ما أتنخه بشخصك يموت
يونس يظل كل عمره بالحوت
بالجنه باچر تحچي البيوت
النبي إذا مو شيعي ميفوت

غداً غداً غداً… ما يدخل لعدن
بس الگلبه شايل… حلال المشاكل
علي علي علي
___________________

بخّر روحي يا علي بعطر الخدمة
هو اليدخل حضرتك يطلع زلمه
نورك عكازة گلب يم كل أعمه
اسمك حته الطلگتك صاحت بإسمه

بحبك علي متخيط خياط
شمخلي ربك بيك وشحاط
يالاسرتني من أول گماط
چن مغزل وبچفوف خياط

عشگ عشگ عشگ… الگلب بسمك يدگ
خضّر كلشي ذابل… حلال المشاكل
علي علي علي
___________________

✍ خادم خدام الحسين(عليه السلام)
عباس فاضل الكندي