🌟 Сябры! Ужо зусім хутка, 21 снежня, мы сустрэнемся на Вялікім Бізнес Нэтворгінгу ў Варшаве. Запрашаем вас да яднання вакол годных ініцыятываў і добрых справаў!

Сяржук Доўгушаў, кіраўнік Дома Творцаў, далучаецца да падзеі і дабрачыннага аўкцыёну ў межах вечарыны, сродкі з якога пойдуць на падтрымку дзяцей беларускіх палітвязняў. Неўзабаве мы падрабязней распавядзем пра лоты аўкцыёну, а ўзяць удзел можна будзе таксама і онлайн.

Гэта святочнае бізнес-мерапрыемства для сяброў, аднадумцаў і партнёраў АВВА, а таксама намінантаў конкурсу беларускіх бізнесаў @freebelarusbusinessaward. Разам з беларускай бізнес-дыяспарай замежжа адзначым супольныя поспехі і закладзем добрыя намеры і стваральную энергію на наступны год. Рыхтуем для вас цікавую праграму з сюрпрызамі і падарункамі!

Запрашэнні з падрабязнасцямі аб удзеле ўжо на вашых электронных скрынях!

Рэалізуецца пры фінансаванні ЕЗ #EUforBelarus #ЕСдляБеларусі

Сябры! Мы хочам падзякаваць кожнаму, хто падтрымлівае і дапамагае Aсацыяцыі беларускага бізнесу за мяжой!

У 2024 годзе ў нас будуць для вас новыя прапановы і кірункі, новыя карысці і цікавыя івэнты. Падрабязнасці зусім хутка на нашых старонках, заставайцеся на сувязі!

⭐️ На сёння ў АВВА ўваходзяць больш за 90 бізнесаў з беларускімі каранямі з 10 краін свету. Нагадваем, што 100-му сябру Асацыяцыі мы вырашылі зрабіць унікальны падарунак: крэатыўная каманда АВВА распрацуе адмысловую рэкламную відэа-прэзентацыю для вашага бізнесу.

Далучайцеся да АВВА! Разам будуем моцную беларускую бізнес-дыяспару! Падрабязнасці пра сяброўства ў Асацыяцыі вы знойдзеце па спасылцы.

Мы адкрытыя для больш дэталёвых пытанняў, якія зможам персанальна абмеркаваць на онлайн-сустрэчы. Звяртайцеся:
+48797002890| @ABBA_telegram | info@abbabusiness.org.

Рэалізуецца пры фінансаванні ЕЗ #EUforBelarus #ЕСдляБеларусі

Напярэдадні святаў як ніколі хочацца быць разам з аднадумцамі і ствараць цуды.

Мы ў АВВА падтрымліваем беларускі бізнес, дапамагаем сацыяльным праектам і ініцыятывам. Сябры Асацыяцыі — сумленныя бізнесоўцы, якія далучаюцца да АВВА і з гонарам нясуць нашыя каштоўнасці і місію "Ганарымся быць беларускім бізнесам".

🌟 21 снежня ў Варшаве мы збярэмся разам на вялікі бізнесовы нэтворкінг, дзе падвядзем вынікі года ў супольнасці, падзелімя навінамі і планамі на наступны год.

Удзельнікі Каляднага Нэтворкінгу далучацца да акцыі BYSOL у падтрымку дзетак палітзняволеных беларусаў. А таксама кожны з любой кропкі свету зможа прыняць онлайн-удзел у дабрачынным аўкцыёне і падтрымаць беларускіх культурніцкіх дзеячаў. Да падзеі далучаюцца таксама @domtvorcau, @radakultury і іншыя незалежныя беларускія ініцыятывы.

#ABBA_Каляды

Відэа: Марына Гірын, віцэ-прэзідэнтка Асацыяцыі беларускага бізнесу за мяжой, у студыі @belsat пра Валікі Калядны Нэтворкінг і планы АВВА на наступны год.

Рэалізуецца пры фінансаванні ЕЗ #EUforBelarus #ЕСдляБеларусі

⏰ Ужо заўтра адбудзецца бясплатны вэбінар "Змены ў карпарацыйнай структуры кампаній ў Польшчы". Далучайцеся!

Спікерка, юрыстка WKB Lawyers і дарадца АВВА Ганна Маціеўская раз'ясніць наступныя моманты:

▪️Калі тыповага е-статуту кампаніі не дастаткова? Што варта прапісаць у статуце для мінімізацыі карпарацыйнай рызыкі?
▪️Далучэнне да існуючага бізнесу: як гэта легальна аформіць і пра што варта памятаць?
▪️Ці заўсёды проста выйсці з бізнесу? Рэкамендацыі датычныя гарантый бяспечнага выхаду з польскіх кампаній.
▪️Змены структуры ўласнікаў і кіраванне кампаніяй.

👉 Рэгіструйцеся па спасылцы.

14 снежня 17:00 (СЕТ). Дадаць у каляндар.

🌟 Беларуская Рада культуры далучаецца да Каляднай імпрэзы, якую ладзіць Асацыяцыя беларускага бізнесу за мяжой, і прыме ўдзел у арганізацыі дабрачыннага аўкцыёна.

Тры беларускія мастакі выставяць на аўкцыёне свае творы.

▪️Сemra прадставіць працу "Знак болю".

"Гэтая праца — даніна павагі нашай агульнай барацьбе. Гэты сімвал служыць не толькі сведчаннем нашых цяжкасцяў, але і маяком нязломнай сілы і рашучасці", — апісвае мастачка сваю карціну.

▪️Антон Радзівонаў, які вымушана пакінуў Беларусь з-за палітычнага пераследу, прадставіць працу "Студзеньскі гіль". Гэта адзіная з 13 карцін серыі "Птушкі з народам", якую ўдалося вывезці з Мінску.

▪️"Раніца ў лесе" — праца Аляксандра Бельскага, зробленая на пачатку вайны Расіі супраць Украіны. Мастак — аўтар шэрагу карцін на тэматыку беларускіх пратэстаў, трапіў у спіс "непажаданых" аўтараў у Беларусі, цяпер жыве ў Берліне.

Сродкі, атрыманыя з продажу карцін, пойдуць на дапамогу рэпрэсаваным творцам.

21 снежня, 20:00 (СЕТ).
Рэгістрацыя на онлайн-удзел.

⚡️Уладзімір Цэслер далучаецца да дабрачыннага аўкцыёну АВВА 21 снежня!

Уладзімір — адзін з найвядомейшых у свеце сучасных беларускіх дызайнераў і мастакоў, чые працы ўваходзяць у склад калекцый сусветных музеяў. Быў вымушаны з'ехаць з Беларусі пасля таго, як падтрымаў пратэсты 2020-га году. Цяпер жыве на Кіпры. Вядомы сваімі вострымі актуальнымі працамі на бягучую сітуацыю ў свеце, а многія яго плакаты сталі сімваламі пратэснага мастацтва ў Беларусі.

⭐️ Уладзімір перадаў АВВА плакат са сваім подпісам. Кожны з вас мае магчымасць атрымаць гэты і іншыя лоты на аўкцыёне 21 снежня. Сродкі пойдуць на падтрымку рэпрэсаваных беларускіх творцаў і палітзняволеных.

Рэгіструйцеся на онлайн-удзел, старт у 20:00 па часе СЕТ.

На офлайн мерапрыемства ў Варшаве мы запрашаем сяброў і партнёраў АВВА. Вас чакае насычаная праграма з сюрпрызамі і актыўнасцямі, смачная вячэра і нэтворкінг за кілішкам віна!

Сустрэнемся 21 снежня на #ABBA_Каляды! Рэалізуецца пры фінансаванні ЕЗ #EUforBelarus #ЕСдляБеларусі.

🖼 @vovatsesler

❓Наколькі эфектыўна працуе Асацыяцыя беларускага бізнесу за мяжой — распавядаюць беларускія прадпрымальнікі — сябры АВВА.

"Я быў трохі разгублены, калі пачынаў бізнес у Польшчы, таму што велізарную колькасць юрыдычных і арганізацыйных пытанняў даводзілася развязваць самастойна, — распавядае беларускі прадпрымальнік з вялікім досведам, уладальнік уласнага брэнду арэндных кавамашын і кава-куткоў у Польшчы — LS Coffee. — Гэта вялікі рэсурс нерваў і часу: новае месца, трэба ўва ўсім разабрацца, вывучыць мясцовыя юрыдычныя тонкасці. І кожны крок каштуе грошай. Мне патрэбен быў рэпрэзентацыйны орган, здольны ўзяць шэраг момантаў на сябе.

ABBA дала мне адчуванне ўпэўненасці ў тым, што трэба рабіць у кожнай сітуацыі — як з асабістым доктарам, чый нумар у цябе заўсёды ў нататніку. Мы разам працавалі і над маім юрыдычным узаемадзеяннем з польскімі дзяржаўнымі структурамі, і над чыста тэхнічнымі пытаннямі старту бізнесу ў Польшчы. Гэта сэрвіс, за доступ да яго ты плаціш сяброўскія ўзносы — у маім выпадку гэта 169 еўра ў год з кампаніі. Крута, калі ў Асацыяцыю прыходзіць шмат прадпрымальнікаў, — сэрвіс, які яны атрымліваюць, пачынае паляпшацца".

▪️Пра досвед супрацы з АВВА ад крамы адзення і аксесуараў з нацыянальнай сімволікай A2.Print у Вільні і кветкавай крамы ROSES.EE ў Талліне чытайце на партале "Зеркало".

⚡️Гэта рэкламны артыкул. Мы ў АВВА падтрымліваем беларускія медыя і заклікаем прадпрымальнікаў праяўляць сацыяльную адказнасць і замаўляць рэкламу на старонках незалежных СМІ, якія сёння працуюць у цяжкіх варунках. Для сяброў АВВА мы маем спецыяльную прапанову — па прамакодзе promo_ABBA вы атрымліваеце зніжку 30% на размяшчэнне рэкламы на "Зеркале".

📩 Для замовы пішыце на ads@zerkalo.io.

⚡️ Працягваем распавядаць, што вас чакае на Вялікім Калядным нэтворкінгу 21 снежня ў Варшаве.

"Дом Творцаў" — ініцыятыва падтрымкі беларускіх творцаў у Варшаве, якая займаецца рэабілітацыяй і дапамогай рэпрэсаваным культурніцкім дзеячам, прадставіць на дабрачынным аўкцыёне мастацкія працы:

▪️"Від на горад" Міхася Чыбоўскага: 60х60 см, змяшаная тэхніка, акрыл, палатно.

▪️Карціна "Алесь" мастака пад псеўданімам Пётр Юрэвіч: 100×40 см, палатно, алей, змяшаная тэхніка. Праца прысвечаная памяці закатаванага ў калоніі вядомага беларускага мастака і акцыяніста Алеся Пушкіна.

▪️Праца "Чаканнi" аўтарства Волі Шніп: 70×115 см, палатно, акрыл, змяшаная тэхніка.

⭐️ Гэтыя і іншыя лоты аўкцыёну вы можаце набыць таксама онлайн 21 снежня. Сродкі пойдуць на дапамогу дзецям палітвязняў, а таксама рэпрэсаваным і палітзняволеным творцам. Аўкцыён ладзіцца пры падтрымцы Фонду BYSOL, Беларускай Рады культуры і Дома Творцаў.

Рэгістрацыя на ўдзел.

Рэалізуецца пры фінансаванні ЕЗ #EUforBelarus #ЕСдляБеларусі

⚡️Пачынаем падрыхтоўку да трэцяга конкурсу беларускіх бізнесаў за мяжой Free Belarus Business Award!

43 заяўкі, 36 фіналістаў і 5 пераможцаў — вось выніковыя лічбы ІІ прэміі, якая адбылася восенню 2023 года. Мы ўсцешаныя тым, як імкліва беларускія прадпрымальнікі развіваюцца ў новых абставінах, рухаюцца да поспеху і пераўтвараюць свае ідэі ў рэальнасць, і конкурс беларускіх бізнесаў за мяжой — пацверджанне выбітных здольнасцяў нашых бізнесоўцаў.

⭐️ Прызавы фонд III Free Belarus Business Award будзе складаць 25000 еўра. Але ўдзел у конкурсе — гэта не толькі грашовы прыз, але і медыйная падтрымка ад @abbabusiness, уваход у нацыянальнае бізнес-кам'юніці, кансультацыі і карысныя майстар-класы.

✔️ Падпісвайцеся на нашы сацсеткі: Telegram/ Instagram / Facebook і сачыце за навінамі. Старт прыёму заявак ужо зусім хутка!

Падзяліцеся нашымі старонкамі са знаёмымі бізнесоўцамі — магчыма, гэта тая падтрымка, якую яны зараз шукаюць.

Ініцыятыва рэалізуецца пры фінансаванні ЕЗ #EUforBelarus #ЕСдляБеларусі

🌟 Мы радыя прадставіць вам чарговага ўдзельніка дабрачыннага каляднага аўкцыёну — мастака Аляксандра Бельскага.

Ён выстаўляе сваю карціну "Раніца ў лесе", якая была створаная на пачатку вайны Расіі супраць Украіны і ілюструе "удалую" высадку расейскага дэсанта.

⭐️ Аляксандр Бельскі — аўтар шэрагу карцін на тэму беларускіх пратэстаў, трапіў у спіс "непажаданых" аўтараў у Беларусі. Цяпер жыве ў Берліне. Яго карціны знаходзяцца ў Беларусі, у тым ліку ў калекцыі Віктара Бабарыкі, і за мяжой. Праекты Аляксандра — гэта, несумнеўна сведкі часу і метафары падзеяў.

▪️На жаль, беларускія мастакі ў эміграцыі знаходзяцца цяпер у цяжкіх варунках. Патрэбны час, каб убудавацца ў новую сістэму грамадства і не заўсёды хутка атрымліваецца пачаць зарабляць мастацтвам.

Купляючы лоты, вы падтрымліваеце рэпрэсаваных беларускіх творцаў, а таксама далучаецеся да акцыі падтрымкі дзетак палітвязняў. Падрабязней — па тэгу #ABBA_Каляды.

Рэгіструйцеся на аўкцыён.

Рэалізуецца пры фінансаванні ЕЗ #EUforBelarus #ЕСдляБеларусі

💰Вынікі году эканамічна-палітычныя: што адбывалася з беларускай эканомікай цягам 2023-га, чаго чакаць у наступным годзе і як беларусы за мяжой уплываюць на будучыню краіны.

Глядзіце эфір на Еўрарадыё з Алесем Аляхновічам, віцэ-прэзідэнтам АВВА, дарадцам Святланы Ціханоўскай па эканамічных рэформах.

У выпуску:
▪️Сталенне беларускага грамадства.
▪️Беларусы за мяжой не губляюць імпэт і патэнцыял, інстытуцыяналізуюцца.
▪️Стратэгічны дыялог з ЗША: сёння мы будуем сваё лоббі і гэта нам дапаможа ў той момант, калі адкрыецца акно магчымасцяў у Беларусі.

Святочнае зычэнне ад Алеся: "Заставайцеся стойкімі ў сваёй веры ў Беларусь і беларускі народ. Апошнія гады паказалі, што ў нас усё ў парадку з людзьмі, з ідэямі, бізнесам, грамадзянскім сектарам. Трэба толькі давесці справу да канца, а для гэтага трэба захоўваць еднасць, вучыць сваю гісторыю, сваю мову, любіць свае традыцыі".

🌟 Шанаваць свае традыцыі ў беларускім коле і святкаваць надыходзячыя Каляды Асацыяцыя беларускага бізнесу за мяжой запрашае 21 снежня. Чакаем сяброў АВВА, аднадумцаў і партнёраў у Варшаве. А ўсіх, хто хоча прыяднацца да асэнсаванага свята — на дабрачынным онлайн-аўкцыёне ў падтрымку дзетак палітвязняў і рэпрэсаваных беларускіх творцаў.

❤️ Дабрачыннасць яднае кантыненты!

Асацыяцыя Беларусаў у Амэрыцы (АВА) далучаецца да інфармацыйнай падтрымкі дабрачыннага каляднага аўкцыёну АВВА 21 снежня і запэўнівае: калі вы не паспееце набыць падарунак, напоўнены сэнсам, то да 26 снежня вы можаце далучыцца да аўкцыёну АВА ў падтрымку беларускага добраахвотніка.

🌟 Мы нагадваем, што ўжо заўтра, 21 снежня ў 20:00 CET стартуе дабрачынны аўкцыён, на якім будуць прадстаўлены працы вядомых беларускіх творцаў. Упершыню на адной пляцоўцы ў Варшаве і онлайн сустрэнуцца некалькі беларускіх незалежных ініцыятыў, каб разам ствараць Калядны цуд!

АВВА, BYSOL,@radakultury, @domtvorcau, @ABAtogether, журналісты і прадстаўнікі беларускай бізнес-супольнасці аб’ядноўваюць свае намаганні, каб павіншаваць дзетак палітвязняў з надыходзячымі святамі і падтрымаць беларускіх рэпрэсаваных дзеячаў культуры.

Рэгістрацыя на аўкцыён.

Будзьма разам у гэтыя святы і падтрымаем тых, хто сёння мае патрэбу ў апецы!

Рэалізуецца пры фінансаванні ЕЗ #EUforBelarus #ЕСдляБеларусі

🌟 Калядныя цуды адбыліся — і мы гэта зрабілі разам, сябры!

Вялікі бізнесовы нэтворкінг сяброў і партнёраў АВВА прайшоў 21 снежня ў Варшаве. Мы падвялі вынікі году для бізнес-дыяспары замежжа і заклалі стваральную энергію на плённую працу ў наступным годзе.

⚡️Упешыню на адной пляцоўцы сустрэліся беларускія ініцыятывы: АВВА, Фонд салідарнасці BYSOL, @radakultury і @domtvorcau. Да медыйнай падтрымкі івэнту далучылася Асацыяцыя беларусаў у Амэрыцы.

Мы правялі дабрачынны аўкцыён у падтрымку дзетак палітвязняў і рэпрэсаваных дзеячаў культуры. Былі прадстаўленыя больш за 20 лотаў, агульная сума ад продажу якіх склала каля 4000 еўра. Усе ўдзельнікі івэнту зрабілі данаты на падтрымку палітзняволеных — больш за 2000 еўра агулам.

У чарговы раз мы ўпэўніліся, што беларуская салідарнасць не ведае межаў! Дзякуем усім, хто быў з намі офлайн і онлайн.

🙌 Дзяліцеся гэтым відэа, адзначайце нас — і пабачымся на івэнтах у наступным годзе!

Рэалізуецца пры фінансаванні ЕЗ #EUforBelarus #ЕСдляБеларусі

🌟 Віншуем вас з надыходзячымі святамі, сябры!

Хай гэтыя чароўныя дні падораць вам цяпло і радасць, а сэрцы поўняцца спакоем і задавальненнем. Мы ганарымся тым, што наша Асацыяцыя збірае такіх дзейных, амбітных і сумленных людзей. Вашыя дасягенні натхняюць нас і мы з нецярпеннем чакаем поспехаў беларускага бізнесу ў наступным годзе 🤗

Дзякуй, што вы з намі!

🎄Віншуем з новым годам, дарагія беларусы!

Хай у вашых сэрцах не згасае вера ў перамогу і надзея на светлую будучыню ў дэмакратычнай Беларусі. Мы здольныя пераўтварыць усе нашыя мары ў рэальнасць! Ствараем падмурак моцнай краіны ўжо цяпер і глядзім у новы год, поўныя натхнення і энергіі працаваць на карысць беларусаў па ўсім свеце.

🌟 Добрых святаў, сябры!
З павагай, каманда Асацыяцыі беларускага бізнесу за мяжой.

⚡️Пачаўся новы год і каб у ім працавалася яшчэ лепш, узгадваем карысныя справы і добрыя моманты з 2023-га.

Прапануем паглядзець відэа-каляндар галоўных падзей у працы Асацыяцыі беларускага бізнесу за мяжой за год.

▪️Акрамя мерапрыемстваў і сустрэч, мы правялі больш за 160 бізнес-кансультацый. Акрэдытаваныя АВВА эксперты працавалі больш за 370 гадзін, каб дапамагчы вырашыць беларусам пытанні па рэлакацыі і легалізацыі бізнесу за мяжой, патлумачыць юрыдычныя і падатковыя аспекты, дапамагчы з рэалізацыяй бізнес-планаў і інш.

▪️Конкурсы беларускіх бізнесаў за мяжой Free Belarus Business Award, арганізаваныя АВВА пры падтрымцы ЕЗ, прыцягнулі 119 бізнесаў. Пераможцы ў двух конкурсах атрымалі прызавы фонд памерам 50 000 еўра — па 5 000 на 10 бізнесаў. У 2024 годзе мы плануем правесці яшчэ 2 такіх прэміі для бізнесоўцаў. Сачыце за навінамі на старонках конкурсу.

▪️АВВА расце і развіваецца: да нас далучаюцца ўсё больш беларускіх бізнесаў з розных куткоў свету. Сяброўства ў АВВА — гэта доступ да лепшых магчымасцяў, падтрымка нацыянальнай бізнес-дыяспары, кансультацыі спецыялістаў сусветнага ўзроўню, гарантыі сумленнасці вашага бізнесу і выключны давер па ўсім свеце.

⭐️ Новы год абяцае быць яшчэ больш прадуктыўным! Далучайцеся да ABBA, каб ствараць гісторыю моцнага беларускага бізнесу і разам будаваць крывяносную сістэму эканомікі Беларусі будучыні!

Фінансуецца ЕЗ #EUforBelarus #ЕСдляБеларусі

⚡️Унікальная магчымасць атрымаць падарунак ад Асацыяцыі беларускага бізнесу за мяжой!

АВВА налічвае ўжо 96 сяброў з 10 краін свету: Польшча, Літва, Латвія, Эстонія, Нямеччына, Чэхія, Гішпанія, Славакія, Румынія і ЗША.

⭐️ 100-му сябру Асацыяцыі мы вырашылі зрабіць падарунак: вы атрымаеце сертыфікат і памятны сувенір, а крэатыўная каманда АВВА распрацуе адмысловую рэкламную відэа-прэзентацыю для вашага бізнесу. Далучайцеся да нас!

Сяброўства ў АВВА — гэта:

▪️Упэўненасць у пытаннях адкрыцця і (ці) развіцця бізнесу з беларускімі каранямі за мяжой
▪️Кансультацыі ад экспертаў міжнароднага ўзроўню па розных кірунках дзейнасці
▪️Удзел у эксклюзіўных семінарах і занятках, асабістыя кансультацыі
▪️Удзел у праграмах грашовай падтрымкі бізнесаў
▪️Наведванне форумаў з удзелам палітыкаў і прадстаўнікоў міжнародных структур
▪️Нэтворкінг, партнёрскія бонусныя праграмы і інш.

Па пытаннях далучэння, калі ласка, звяртайцеся: +48797002890|@ABBA_telegram| info@abbabusiness.org

Фінансуецца ЕЗ #EUforBelarus #ЕСдляБеларусі

📢 У супрацы з нашым партнёрам, Польскай Гандлёвай Палатай (KIG), запланаваны шэраг бізнес-паездак па Польшчы ў 2024 г. Пачынаем 24 студзеня з канферэнцыі ў Познані!

Запланаваны ўдзел прадстаўнікоў:

▪️Дэпартаменту эканомікі Маршалкоўскай управы.
▪️Цэнтра інтэграцыі замежнікаў.
▪️Агенцтва па працаўладкаванню ў ваяводстве па тэме "Субсідыі для адкрыцця бізнесу".
▪️Познаньскага выставачнага комплексу па тэме "Познаньскі міжнародны кірмаш – месца аб'яднання бізнесу".
▪️Велькапольскай Рады Трыццаці па тэме "Прапановы па падтрымцы бізнесу".
▪️Велькапольскага фонду развіцця па тэме "Фінансавыя інструменты падтрымкі эканомікі рэгіёну".
▪️ABBA па тэме "Падтрымка бізнесу з беларускімі каранямі".
▪️KIG па тэме "Падтрымка сярэдняга і малога бізнесу".

Падчас сустрэчы вы зможаце завесці карысныя знаёмствы для старту або развіцця бізнесу.

⏰ 24 студзеня
11:00-11:15 Рэгістрацыя
11:30-13:30 Прэзентацыі, дыскусія
13:30-14:30 Нэтворкінг
Праграма ўдакладняецца.

Рэгіструйцеся да 20 студзеня.

❗️Колькасць месцаў абмежаваная.

🔻АВВА разам з прадстаўнікамі дэмсілаў Беларусі ўзяла ўдзел ва ўрачыстым прыёме прэзідэнта Польшчы Анджэя Дуды для беларусаў.

Ужо трэці год запар прэзідэнт Польшчы збірае актыўных беларусаў, каб разам сустрэцца і адсвяткаваць Каляды і новы год. Гэта вельмі важны і сімвалічны жэст, асабліва ў той час, калі ўрад Беларусі прызнаў экстрэмістамі амаль усіх прысутных на гэтай урачыстай сустрэчы. Анджэй Дуда запэўніў, што Польшча заўсёды будзе "падтрымліваць Беларусь і тых, хто жыве ў свабоднай Беларусі, у іх імкненні дасягнуць поўнай свабоды і незалежнасці, пакуль рэжым не абрынецца".

▪️Мы спадзяемся, што новы ўрад на чале з новым кіраўніцтвам таксама будзе прытрымлівацца курсу на падтрымку беларусаў у нашай барацьбе. Разам мы працягваем ціск, накіраваны на прыцягненне рэжыму да адказнасці за рэпрэсіі і злачынствы супраць беларускага народу.

"Беларускі бізнес за мяжой набыў суб'ектнасць і з гэтым бізнесам трэба і неабходна лічыцца".

Прэзідэнт Асацыяцыі беларускага бізнесу за мяжой Яўген Буры ў інтэрв'ю @BGazeta распавёў пра тое, як АВВА падтрымлівае бізнесы з беларускімі каранямі, пра стан беларускага бізнесу, дасягненні за 2023 і планы на 2024 год.

Таксама ў відэа:

▪️Запуск праграмы АВВА разам з Еўразвязам: інстытуцыйнае фінансаванне ад ЕЗ і што гэта значыць для Асацыяцыі.
▪️Конкурс беларускіх бізнесаў @freebelarusbusinessaward за мяжой як адзін з кірункаў дапамогі прадпрымальнікам.
▪️Мерапрыемствы, міжнародныя экспо, кансультацыі экспертаў і іншая падтрымка бізнесоўцаў ад Асацыяцыі.
▪️Даследаванне беларускага бізнесу за мяжой: аб чым сведчаць лічбы.
▪️Запуск інстытута ўступлення ў АВВА: акрэдытацыя бізнесу як адна са ступеняў далучэння да нацыянальнай бізнес-супольнасці.
▪️Выхад АВВА на рынак ЗША: бізнес-івэнты ў Штатах, падпісанне дарожнай мапы аб інстытуцыйнай супрацы з Дэпартаментам Гандлю ЗША, адкрыццё прадстаўніцтва Асацыяцыі ў Каліфорніі, сустрэчы з ключавымі структурамі ў Вашынгтоне.
▪️Паспяховае выйсце са знешняга крызісу: нягледзячы на інфармацыйныя атакі і прызнанне АВВА "экстрэмісцкім фармаваннем", колькасць сяброў толькі Асацыяцыі ўрасла, а курс на стварэнне моцнай бізнес-дыяспары працягваецца.

Узніклі пытанні па дзейнасці ці далучэнню да АВВА? Калі ласка, звяртайцеся да нас: +48797002890|@ABBA_telegram| info@abbabusiness.org

⚡️⚡️Яркая бізнес-падзея году — I Беларускі бізнес-форум у Вашынгтоне!

1 сакавіка прадстаўнікі беларускай бізнес-супольнасці і міжнародныя партнёры АВВА збяруцца разам, каб вырашаць запыты і патрэбы для беларускага бізнесу ў ЗША. Запрашаем да ўдзелу!

Мэты форуму:

▪️Фармуем устойлівую бізнес-дыяспару беларусаў.
▪️Ствараем пазітыўны імідж беларускіх бізнесоўцаў свету.
▪️Развіваем патэнцыял і інвестыцыйныя магчымасці беларусаў.
▪️Наладжваем і ўмацоўваем партнёрскія адносіны са структурамі ЗША.

У праграме:

▪️Бізнес-панэлі з міжнароднымі экспертамі і прадстаўнікамі ўплывовых інстытуцыяў ЗША.
▪️Нахняльныя гісторыі поспеху бізнесоўцаў з беларускімі каранямі.
▪️Нэтворкінг.
Праграма і спіс спікераў фармуюцца.

⏰ 1 сакавіка, National Press Club, Washington, DC.

✔️Падпісвайцеся на нашыя старонкі, каб не прапусціць рэгістрацыю на форум і іншыя важныя абвесткі.

Калі вы жадаеце стаць спікерам ці партнёрам форуму, звяртайцеся на мэйл info@abbabusiness.org.

#ForumWashington