🔥 АВВА адкрыла прадстаўніцтва ў Крэмніевай даліне (Каліфорнія, ЗША).

Прадстаўніком Асацыяцыі ў Каліфорніі з'яўляецца Мікалай Мурзянкоў, вядомы беларускі бізнесовец, сябра і дарадца АВВА. Падрабязна пра Мікалая мы распавядалі тут.

Нашае прадстаўніцтва месціцца па адрасе Santa Clara Square Offices (2445 Augustine Dr
Santa Clara, CA 95054). Гэта цэлы раён з офісамі, дзе працуюць такія буйныя кампаніі, як Intel, nVidia, Marvell, Citrix Systems, AMD, Applied Materials, McAfee і інш.

▪️Мы запрашаем бізнесоўцаў з беларускімі каранямі звяртацца ў АВВА з пытаннямі і прапановамі. Вы можаце паўдзельнічаць у падрыхтоўцы I Беларускага бізнес-форуму ў Вашынгтоне, сустрэцца ў нашым прадстаўніцтве, каб абмеркаваць патрэбы для беларускага бізнесу ў ЗША.

📩 Таксама свае запыты вы можаце накіраваць Мікалаю Мурзянкову на электронную скрыню mikalaj.murziankou@abbabusiness.org.

Далучайецся да АВВА! Сяброўства ў АВВА – гэта доступ да лепшых магчымасцяў, гарантыі сумленнасці вашага бізнесу і давер па ўсім свеце.

#ABBA_USA

⚡️ Візіт прадстаўнікоў АВВА ў ЗША стаўся багатым не толькі на афіцыйныя сустрэчы, але і на прыцягненне новых сяброў.

Да АВВА далучыліся некалькі беларускіх бізнесаў, сярод якіх Sweet Lemon Cafe і Window HuB.

▪️Уладальніца Sweet Lemon Cafe Аксана Тран больш за 20 гадоў працавала эканамісткай у Беларусі, але вырашыла адкрыць свой бізнес. Адбылося не без цяжкасцяў, але цяпер сярод кліентаў кафэ — вядомыя палітыкі, журналісты, супрацоўнікі Вашынгтонскага Капітолія, які месціцца зусім побач. Пра беларускае месца ў Вашынгтоне глядзіце ў інтэрв'ю з Аксанай на @holosameryky.

▪️Кампаніяй Window HuB валодае беларус Андрэй Гунько. Фірма вырабляе еўрапейскія окны і дзверы з ПВХ і працуе ў 6 штатах: Вірджынія, Мэрылэнд, Пенсільванія, Нью-Джэрзі, Вашынгтон, Дэлаўэр. Андрэй Гунько з'яўляецца прафесійным спартоўцам, прызёрам Еўропы і свету па джыу-джыцу. Таксама займаецца гуманітарнай дапамогай Украіне.

Падтрымлівайце сваіх! Мы на старонках АВВА будзем болей распавядаць пра бізнесы, якія далучаюцца да нас.

⚡️Сябры! 24 лістапада мы запрашаем вас на ўрачыстую цырымонію ўзнагароджання беларускіх бізнесаў за мяжой у межах прэміі II Free Belarus Business Award.

У святочнай атмасферы будуць абвешчаныя пераможцы ў 5 намінацыях:

⭐️Некамерцыйная арганізацыя года.
⭐️Сацыяльнае прадпрыемства года.
⭐️Інавацыйны бізнес года.
⭐️Брэнд года.
⭐️Найлепшы бізнес года.

Мы чакаем сяброў АВВА і намінантаў II Free Belarus Business Award, якія прайшлі ў 2 этап конкурсу. Запрашэнні будуць дасланыя вам на электронныя скрыні.

⭐️ Мы таксама запрашаем прадстаўнікоў медыя і інфлюенсераў. Калі ласка, акрэдытуйцеся па спасылцы да 23 лістапада 12:00 (СЕТ).

⏰24 лістапада, 17.00-19.00
📍Гатэль NYX (ul. Chmelna 71, Варшава). Дадаць у каляндар.

Правядзем гэты вечар разам у прыемным месцы і з цудоўнымі людзьмі!

Рэалізуецца пры фінансаванні Еўрапейскага Cаюза. #EUforBelarus #ЕСдляБеларусі.

19 лістапада адзначаўся сусветны дзень жаночага прадпрымальніцтва.

Гэта глабальная ініцыятыва падтрымліваецца ААН і накіраваная на пашырэнне правоў і магчымасцяў жанчын-прадпрымальніц ва ўсім свеце.

🔻Мы ў АВВА дапамагаем жаночаму лідарству і працуем над стварэннем больш спрыяльных умоваў для развіцця бізнесаў беларусак, каб кожная мела магчымасць раскрыць свой патэнцыял напоўніцу. На дадзены момант у Асацыяцыі беларускага бізнесу за мяжой 46% жанчын-прадпрымальніц і мы ўпэўненыя, што гэты адсотак будзе толькі павялічвацца.

У пачатку 2024 года АВВА правядзе падрабязнае даследаванне патрэбаў жаночага прадпрымальніцтва. Але ўжо цяпер мы каардынуем высілкі розных суполак і ініцыятываў па развіцці жаночага лідарства.

Мы заклікаем актыўных беларусак прайсці невялікае апытанне, дзе вы можаце выказаць свае прапановы, звязаныя з развіццём жаночага прадпрымальніцтва і, магчыма, далучыцца да стварэння Альянсу жаночых ініцыятыў пры АВВА.

Рэалізуецца пры фінансаванні ЕЗ #EUforBelarus #ЕСдляБеларусі

🔥 Упершыню Асацыяцыя беларускага бізнесу за мяжой ўдзельнічае ў міжнародным Expo.

Дзякуючы супрацы з нашым партнёрам, Польскай гандлёвай палатай (KIG), мы сталі удзельнікамі міжнароднай выставы ў сферы тэкстылю Fast Textile International, якая праходзіць у гэтыя дні, 21-23 лістапада, каля Варшавы пры арганізацыі Ptak Warsaw Expo. На стэндзе АВВА прадстаўленыя тавары і паслугі сябраў Асацыяцыі.

▪️ Expo — гэта выдатная магчымасць знайсці бізнес-партнёраў, абмяняцца кантактамі, прарэкламаваць свой бізнес. Мы будзем на сталай аснове удзельнічаць у Expo на розныя тэмы, каб больш беларускіх бізнесоўцаў маглі прэзентаваць сябе.

✔️Каб не прапусціць наступныя выставы, далучайцеся да АВВА і сачыце за нашымі сацсеткамі. Мы заўсёды адкрытыя да супрацы і чакаем вашых прапановаў!

Рэалізуецца пры фінансаванні ЕЗ #EUforBelarus #ЕСдляБеларусі

🔻Колькі кампаній з беларускімі каранямі працуюць у Еўразвязе?

АBBA сумесна з даследчым цэнтрам CASE і Цэнтрам новых ідэяў правялі апытанне сярод беларускіх кампаніяў у ЕЗ. Вынікі даследавання агучыў віцэ-прэзідэнт АВВА Серж Наўродскі 17 лістапада.

▪️Высветлілася, што ў ЕЗ працуюць 8103 кампаніі з беларускімі каранямі. Яны ўжо ўтварылі прынамсі 17 216 працоўных месцаў, з іх 52% — у Польшчы, 39% — у Літве. У 93% кампаній больш за палову супрацоўнікаў — беларусы.

▪️40% прадпрымальнікаў адказалі, што гатовыя вярнуць свой бізнес у Беларусь пасля змены ўлады, а 24% гатовыя інвеставаць грошы ў эканоміку краіны.

Даследаванне цалкам.

Мы ўпэўненыя, што Беларусі ў будучыні спатрэбіцца крывяносная сістэма эканомікі, якой з'яўляецца беларускі бізнес. Бізнес, створаны згодна этычным правілам сумленнымі беларусамі. Нашая перамога над рэжымам і далейшыя пазітыўныя пераўтварэнні ў Беларусі непазбежныя. А рэцэпт перамогі: этычнасць, сумленнасць і эфектыўнасць.

#ABBA_маніторынг

Рэалізуецца пры фінансаванні ЕЗ #EUforBelarus #ЕСдляБеларусі

⚡️ Да каманды Асацыяцыі беларускага бізнесу за мяжой далучыўся Валер Клымчук.

Валер — сапраўдны майстар у свеце відэа-вытворчасці і мы ганарымся тым, што ён цяпер з намі!

Некалькі фактаў пра Валера:

▪️З'яўляецца кіраўніком відэа-прадакшана IZOBISTAR.
▪️Супрацоўнічае с кампаніямі з краінаў Еўразвязу (Германія, Нідэрланды, Польшча, Іспанія і інш.).
▪️Працуе ў маркетынгу больш за 10 год.
▪️Здымае кароткаметражнае кіно і перамагае з ім на міжнародных конкурсах.

⭐️ Мы вітаем Валера на пасадзе крэатыўнага дырэктара і ўпэўненыя, што яго энтузіязм і выбітныя здольнасці будуць вельмі прыдатныя ў нашай дзейнасці на карысць беларускаму бізнесу за мяжой.

І, вядома ж, зычым атрымаць Оскар у складзе ABBA! 😎

⚡️Aсацыяцыя беларускага бізнесу за мяжой у другі раз правяла цырымонію ўзнагароджання беларускіх бізнесаў Free Belarus Business Award.

Урачыстая цырымонія абвяшчэння пераможцаў конкурсу адбылася 24 лістапада ў Варшаве. Прадстаўнікі беларускай бізнес-дыяспары, Еўрапейскага Звязу, міжнародныя госці і журналісты сабраліся, каб адзначыць выдатныя дасягненні ў бізнесе і прадпрымальніцтве, а таксама падтрымаць тых беларусаў, хто імкнецца да свабоды і развіцця беларускай бізнес-супольнасці. Гэты конкурс — пацверджанне таго, што нават у складаных абставінах беларускія прадпрымальнікі знаходзяць шляхі развіцця, рухаюцца да поспеху і пераўтвараюць свае ідэі ў рэальнасць.

Агульны прызавы фонд прэміі II Free Belarus Business Award склаў 25 тысяч еўра. У 5 намінацыях перамаглі наступныя кампаніі:

▪️У намінацыі Некамерцыйная арганізацыя года перамагла Fundacja Klub Sportowy Pogoń Warszawa — фонд, які займаецца фізічным выхаваннем і сацыяльнай дапамогай у Польшчы для дзяцей, моладзі і дарослых працаздольнага ўзросту і з абмежаванымі магчымасцямі.
▪️Узнагароду ў намінацыі Сацыяльнае прадпрыемства года атрымала кампанія PROMARTIALARTS — бізнес, накіраваны на папулярызацыю здаровага ладу жыцця з дапамогай спартыўных і аздараўленчых трэніровак.
▪️Брэнд года — Comfort Zone — бізнес у сферы тэкстыльнага афармлення інтэр'ераў.
▪️Інавацыйны бізнес года — Banalytics — кампанія, якая займаецца распрацўкай сістэм відэаназірання.
▪️Найлепшы бізнес года — LASERA PLUS — бізнес прапануе сучаснае і высокатэхналагічнае абсталяванне для працэдур лазернай эпіляцыі, выдалення татуіровак і перманентнага макіяжу.

🎉 Віншуем пераможцаў! Дзякуем прадстаўнікам СМІ, высокім гасцям цырымоніі і ўсім прысутным за цудоўны вечар у атмасферы ўзаемнай падтрымкі і яднання!

Як праходзіла ўрачыстая цырымонія ўзнагароджання, глядзіце на нашым ют’юб-канале. Хутка мы пачнем распавядаць асобна пра пераможцаў конкурсу, сачыце за абнаўленнямі на старонках прэміі: Telegram/ Instagram / Facebook.

Фотасправаздача з цырымоніі. Шукайце сябе на здымках, дзяліцеся ў сваіх сацсетках і абавязкова адзначайце старонкі АВВА.

Ініцыятыва рэалізуецца пры фінансаванні Еўрапейскага Саюза. #EUforBelarus #ЕСдляБеларусі

⚡️Сябры! Мы вельмі ўсцешаныя тым, што ўсё больш беларускіх бізнесоўцаў яднаюцца ў Асацыяцыі беларускага бізнесу за мяжой.

На сёння ў АВВА ўваходзяць 90 бізнесаў з беларускімі каранямі з 10 краін свету. Сяброўства ў АВВА — гэта не толькі доступ да лепшых магчымасцяў, кансультацыі спецыялістаў сусветнага ўзроўню, але і гарантыі сумленнасці вашага бізнесу і выключны давер па ўсім свеце.

⭐️ 100-му сябру нашай Асацыяцыі мы вырашылі зрабіць унікальны падарунак: крэатыўная каманда АВВА распрацуе адмысловую рэкламную відэа-прэзентацыю для вашага бізнесу.

Акцыі і падарункі для сябраў АВВА мы будзем рабіць рэгулярна.
Не губляйце шанец стаць часткай актыўнай і перспектыўнай беларускай бізнес-супольнасці за мяжой. Далучайцеся і скарайце новыя вяршыні разам з АВВА!

Калі ў вас ёсць пытанні па далучэнні да Асацыяцыі, калі ласка, звяртайцеся да нас: +48797002890|@ABBA_telegram|info@abbabusiness.org.

Рэалізуецца пры фінансаванні ЕЗ #EUforBelarus #ЕСдляБеларусі

Запрашаем на нэтворкінг беларускага бізнес-кам’юніці ў Берліне! У сталіцы наймацнейшай эканомікі Еўропы абмяркуем справы беларускага бізнесу за мяжой.

Гэта сустрэча для беларускіх прадпрымальнікаў, якія хочуць пашырыць дзелавыя кантакты, распавесці пра свой бізнес, знайсці падтрымку і партнёраў.

Кіраўніцтва АВВА падрабязна распавядзе пра дасягненні Асацыяцыі ў 2023 годзе, бліжэйшыя планы і перавагі партнёрства ў АВВА. Супольна абмяркуем вынікі году і пашукаем спосабы вырашэння праблемаў беларускага бізнесу ў ЕЗ.

Вас чакае:

▪️Нэтворкінг з прадстаўнікамі беларускай бізнес-дыяспары.
▪️Магчымасць нефармальна абмеркаваць з кіраўніцтвам АВВА стратэгічныя для беларускага бізнесу ў ЕЗ тэмы.
▪️Магчымасць выступіць па тэме сустрэчы.
▪️Падсумаванне вынікаў дзейнасці АВВА за 2023 год.

⏰ 4 снежня, 19:30-21:30. Дадаць у каляндар.
📍 Cafe Chagall, Kollwitzstraße 2, 10405 Berlin

Рэгіструйцеся па спасылцы. Прыходзьце і запрашайце сваіх калегаў. Разам будуем крывяносную сістэму эканомікі Беларусі будучыні!

Магія штучнага інтэлекту: разбіраем тэму на вэбінары 7 снежня. Далучайцеся!

Спікер: Аляксей Картыннік, блогер "АйТиБорода", Developer Relation Specialist, Community Builder & Programmer.

Дапамога нейрасетак — гэта ўжо не фантастыка, а сучаснасць. На вэбінары вы дазнаецеся, як нейрасеткі змогуць дапамагчы ў развіцці і вядзенні бізнесу.

Усе ўдзельнікі атрымаюць дакладныя практычныя парады і ўжо адразу змогуць пачаць карыстацца перавагамі штучнага інтэлекту. Веды будуць карыснымі нават тым, хто не звязаны з IT.

🔻У праграме:

▪️Генератыўныя нейрасеткі (тэкст, відарысы, аудыё/відэа, 3D): асаблівасці карыстання.
▪️Агляд працы з ChatGPT, Midjourney, Adobe Photoshop, ClipDrop Uncrop, Adobe Podcast, Opus Clip, ll ElevenLabs, HeyGen.
▪️Штучны інтэлект:
▫️Для падрыхтоўкі кантэнту, афіцыйных дакументаў, адказаў на розных мовах, актыўнага і пасіўнага навучання.
▫️Для прафессійнай і адукацыйнай дзейнасці, апрацоўкі дадзеных і тэкстаў.

⏰ 7 снежня, 18:00 (CET). Дадаць у каляндар.

👉 Рэгіструйцеся па спасылцы.