🔥 Жанчыны-прадстаўніцы бізнесаў складаюць каля 46% сябраў Асацыяцыі АВВА.

Гэта сведчыць аб тым, што беларускі ўмеюць рэалізоўваць свае мэты, яны не баяцца складанасцяў у адкрыцці бізнесаў за мяжой. На жаль, у сённяшняй Беларусі часта ставяцца няўхвальна да ініцыятывы жанчын, таму нам у АВВА вельмі прыемна назіраць за тым, як дзясяткі беларусак кідаюць выклік абставінам і пачынаюць рабіць уласную справу. Асацыяцыя беларускага бізнесу за мяжой, у сваю чаргу, падтрымлівае і дапамагае сумленным беларускам у пачынаннях і развіцці.

Глядзіце ў відэа на нашым ют’юб-канале:

▪️Чаму беларускі вырашылі аб'яднацца ў Альянс жаночых ініцыятываў.
▪️Рэцэпт поспеху жаночага бізнесу па меркаванню віцэ-прэзідэнткі АВВА Марыны Гірын.
▪️Як прыклад трох лідарак пратэсту 2020 году паўплываў на беларусак.

Рэалізуецца пры фінансаванні ЕЗ #EUforBelarus #ЕСдляБеларусі

АВВА падчас паездкі ў ЗША правяла шэраг сустрэчаў з органамі дзяржаўнай улады ЗША, прадстаўнікамі аналітычных і даследчых цэнтраў і беларускай бізнес-дыяспары ЗША.

Прыярытэтам для візіту, які адбыўся тэрмінам 29 кастрычніка—9 лістапада, стала пашырэнне магчымасцяў для Асацыяцыі і прыцягненне новых сябраў. Да АВВА ўжо далучыліся некалькі бізнесаў пасля гэтай паездкі і мы атрымалі станоўчую зваротную сувязь і зацікаўленасць ад шматлікіх прадстаўнікоў беларускай бізнес-дыяспары ЗША.

▪️Падчас візітаў у аналітычныя цэнтры і структуры федэральнай улады мы адзначылі патрэбу захавання санкцый супраць рэжыму Лукашэнкі, фармавання механізмаў непрымання кампрамісаў з рэпрэсіўным апаратам, недапушчальнасць стасункаў з Лукашэнкам на ўсіх узроўнях прыняцця рашэнняў.

▪️На пачатку 2024 году АВВА правядзе буйны I Беларускі форум у Вашынгтоне і працягне далейшую супрацу з партнёрамі ў ЗША. Падтрымліваем сумленны беларускі бізнес за мяжой і разам будуем крывяносную сістэму Беларусі будучыні!

Падрабязней чытайце на сайце.

#ABBA_USA

⚡️АВВА і Асацыяцыя беларусаў у Амэрыцы (АВА) падпісалі мемарандум аб партнёрстве.

АВА аб'ядноўвае беларуска-амерыканскія арганізацыі ў 14 штатах і 25 гарадах ЗША.

Мы ўздзячныя АВА за дапамогу ў арганізацыі сустрэчаў з беларускай бізнес-дыяспарай падчас візітаў АВВА ў ЗША і ганарымся нашаму партнёрству! Мы будзем сумесна працаваць над арганізацыяй падзеяў у ЗША, абменьвацца карыснымі кантактамі і выконваць узаемную інфармацыйную падтрымку. Падпісаннем мемарандума АВА пагаджаецца з Кодэксам бізнес-этыкі ABBA і падтрымлівае АВВА ў пытаннях акрэдытацыі патэнцыйных сяброў і партнёраў.

🚩Вельмі важна і сімвалічна для нас, што гэты мемарандум аб партнёрстве быў падпісаны з выкарыстаннем сэрвісу аўтаматызацыі дакуметаабароту і электронных подпісаў PandaDoc. Сэрвіс быў заснаваны беларусамі Мікітам Мікада і Сяргеем Барысюком, кошт кампаніі PandaDoc сёння ацэньваецца ў больш за мільярд долараў.

Падтрымліваем сумленны бізнес з беларускімі каранямі за мяжой!

#ABBA_USA

🔥 АВВА адкрыла прадстаўніцтва ў Крэмніевай даліне (Каліфорнія, ЗША).

Прадстаўніком Асацыяцыі ў Каліфорніі з'яўляецца Мікалай Мурзянкоў, вядомы беларускі бізнесовец, сябра і дарадца АВВА. Падрабязна пра Мікалая мы распавядалі тут.

Нашае прадстаўніцтва месціцца па адрасе Santa Clara Square Offices (2445 Augustine Dr
Santa Clara, CA 95054). Гэта цэлы раён з офісамі, дзе працуюць такія буйныя кампаніі, як Intel, nVidia, Marvell, Citrix Systems, AMD, Applied Materials, McAfee і інш.

▪️Мы запрашаем бізнесоўцаў з беларускімі каранямі звяртацца ў АВВА з пытаннямі і прапановамі. Вы можаце паўдзельнічаць у падрыхтоўцы I Беларускага бізнес-форуму ў Вашынгтоне, сустрэцца ў нашым прадстаўніцтве, каб абмеркаваць патрэбы для беларускага бізнесу ў ЗША.

📩 Таксама свае запыты вы можаце накіраваць Мікалаю Мурзянкову на электронную скрыню mikalaj.murziankou@abbabusiness.org.

Далучайецся да АВВА! Сяброўства ў АВВА – гэта доступ да лепшых магчымасцяў, гарантыі сумленнасці вашага бізнесу і давер па ўсім свеце.

#ABBA_USA

⚡️ Візіт прадстаўнікоў АВВА ў ЗША стаўся багатым не толькі на афіцыйныя сустрэчы, але і на прыцягненне новых сяброў.

Да АВВА далучыліся некалькі беларускіх бізнесаў, сярод якіх Sweet Lemon Cafe і Window HuB.

▪️Уладальніца Sweet Lemon Cafe Аксана Тран больш за 20 гадоў працавала эканамісткай у Беларусі, але вырашыла адкрыць свой бізнес. Адбылося не без цяжкасцяў, але цяпер сярод кліентаў кафэ — вядомыя палітыкі, журналісты, супрацоўнікі Вашынгтонскага Капітолія, які месціцца зусім побач. Пра беларускае месца ў Вашынгтоне глядзіце ў інтэрв'ю з Аксанай на @holosameryky.

▪️Кампаніяй Window HuB валодае беларус Андрэй Гунько. Фірма вырабляе еўрапейскія окны і дзверы з ПВХ і працуе ў 6 штатах: Вірджынія, Мэрылэнд, Пенсільванія, Нью-Джэрзі, Вашынгтон, Дэлаўэр. Андрэй Гунько з'яўляецца прафесійным спартоўцам, прызёрам Еўропы і свету па джыу-джыцу. Таксама займаецца гуманітарнай дапамогай Украіне.

Падтрымлівайце сваіх! Мы на старонках АВВА будзем болей распавядаць пра бізнесы, якія далучаюцца да нас.

⚡️Сябры! 24 лістапада мы запрашаем вас на ўрачыстую цырымонію ўзнагароджання беларускіх бізнесаў за мяжой у межах прэміі II Free Belarus Business Award.

У святочнай атмасферы будуць абвешчаныя пераможцы ў 5 намінацыях:

⭐️Некамерцыйная арганізацыя года.
⭐️Сацыяльнае прадпрыемства года.
⭐️Інавацыйны бізнес года.
⭐️Брэнд года.
⭐️Найлепшы бізнес года.

Мы чакаем сяброў АВВА і намінантаў II Free Belarus Business Award, якія прайшлі ў 2 этап конкурсу. Запрашэнні будуць дасланыя вам на электронныя скрыні.

⭐️ Мы таксама запрашаем прадстаўнікоў медыя і інфлюенсераў. Калі ласка, акрэдытуйцеся па спасылцы да 23 лістапада 12:00 (СЕТ).

⏰24 лістапада, 17.00-19.00
📍Гатэль NYX (ul. Chmelna 71, Варшава). Дадаць у каляндар.

Правядзем гэты вечар разам у прыемным месцы і з цудоўнымі людзьмі!

Рэалізуецца пры фінансаванні Еўрапейскага Cаюза. #EUforBelarus #ЕСдляБеларусі.

19 лістапада адзначаўся сусветны дзень жаночага прадпрымальніцтва.

Гэта глабальная ініцыятыва падтрымліваецца ААН і накіраваная на пашырэнне правоў і магчымасцяў жанчын-прадпрымальніц ва ўсім свеце.

🔻Мы ў АВВА дапамагаем жаночаму лідарству і працуем над стварэннем больш спрыяльных умоваў для развіцця бізнесаў беларусак, каб кожная мела магчымасць раскрыць свой патэнцыял напоўніцу. На дадзены момант у Асацыяцыі беларускага бізнесу за мяжой 46% жанчын-прадпрымальніц і мы ўпэўненыя, што гэты адсотак будзе толькі павялічвацца.

У пачатку 2024 года АВВА правядзе падрабязнае даследаванне патрэбаў жаночага прадпрымальніцтва. Але ўжо цяпер мы каардынуем высілкі розных суполак і ініцыятываў па развіцці жаночага лідарства.

Мы заклікаем актыўных беларусак прайсці невялікае апытанне, дзе вы можаце выказаць свае прапановы, звязаныя з развіццём жаночага прадпрымальніцтва і, магчыма, далучыцца да стварэння Альянсу жаночых ініцыятыў пры АВВА.

Рэалізуецца пры фінансаванні ЕЗ #EUforBelarus #ЕСдляБеларусі

🔥 Упершыню Асацыяцыя беларускага бізнесу за мяжой ўдзельнічае ў міжнародным Expo.

Дзякуючы супрацы з нашым партнёрам, Польскай гандлёвай палатай (KIG), мы сталі удзельнікамі міжнароднай выставы ў сферы тэкстылю Fast Textile International, якая праходзіць у гэтыя дні, 21-23 лістапада, каля Варшавы пры арганізацыі Ptak Warsaw Expo. На стэндзе АВВА прадстаўленыя тавары і паслугі сябраў Асацыяцыі.

▪️ Expo — гэта выдатная магчымасць знайсці бізнес-партнёраў, абмяняцца кантактамі, прарэкламаваць свой бізнес. Мы будзем на сталай аснове удзельнічаць у Expo на розныя тэмы, каб больш беларускіх бізнесоўцаў маглі прэзентаваць сябе.

✔️Каб не прапусціць наступныя выставы, далучайцеся да АВВА і сачыце за нашымі сацсеткамі. Мы заўсёды адкрытыя да супрацы і чакаем вашых прапановаў!

Рэалізуецца пры фінансаванні ЕЗ #EUforBelarus #ЕСдляБеларусі

🔻Колькі кампаній з беларускімі каранямі працуюць у Еўразвязе?

АBBA сумесна з даследчым цэнтрам CASE і Цэнтрам новых ідэяў правялі апытанне сярод беларускіх кампаніяў у ЕЗ. Вынікі даследавання агучыў віцэ-прэзідэнт АВВА Серж Наўродскі 17 лістапада.

▪️Высветлілася, што ў ЕЗ працуюць 8103 кампаніі з беларускімі каранямі. Яны ўжо ўтварылі прынамсі 17 216 працоўных месцаў, з іх 52% — у Польшчы, 39% — у Літве. У 93% кампаній больш за палову супрацоўнікаў — беларусы.

▪️40% прадпрымальнікаў адказалі, што гатовыя вярнуць свой бізнес у Беларусь пасля змены ўлады, а 24% гатовыя інвеставаць грошы ў эканоміку краіны.

Даследаванне цалкам.

Мы ўпэўненыя, што Беларусі ў будучыні спатрэбіцца крывяносная сістэма эканомікі, якой з'яўляецца беларускі бізнес. Бізнес, створаны згодна этычным правілам сумленнымі беларусамі. Нашая перамога над рэжымам і далейшыя пазітыўныя пераўтварэнні ў Беларусі непазбежныя. А рэцэпт перамогі: этычнасць, сумленнасць і эфектыўнасць.

#ABBA_маніторынг

Рэалізуецца пры фінансаванні ЕЗ #EUforBelarus #ЕСдляБеларусі

⚡️ Да каманды Асацыяцыі беларускага бізнесу за мяжой далучыўся Валер Клымчук.

Валер — сапраўдны майстар у свеце відэа-вытворчасці і мы ганарымся тым, што ён цяпер з намі!

Некалькі фактаў пра Валера:

▪️З'яўляецца кіраўніком відэа-прадакшана IZOBISTAR.
▪️Супрацоўнічае с кампаніямі з краінаў Еўразвязу (Германія, Нідэрланды, Польшча, Іспанія і інш.).
▪️Працуе ў маркетынгу больш за 10 год.
▪️Здымае кароткаметражнае кіно і перамагае з ім на міжнародных конкурсах.

⭐️ Мы вітаем Валера на пасадзе крэатыўнага дырэктара і ўпэўненыя, што яго энтузіязм і выбітныя здольнасці будуць вельмі прыдатныя ў нашай дзейнасці на карысць беларускаму бізнесу за мяжой.

І, вядома ж, зычым атрымаць Оскар у складзе ABBA! 😎