نعي للامام الحسن عن الامام الحسين
--------------------------------------------
ياسلوة افادي ونور العيـــــــون
على فراكك يخوية اصبر اشلون
يبو محمد دليلي عليك مــحزون
هذا انة عزيزك يمك حســــــين
--------------------------------------------
فركَتك هاي ما جانت على البال
من اشوفنك تون يتـــغير الحال
يفراك الاخو يا ناس چـــــــــتال
يتيه الراي ويودر ظوة العــــــــين
-------------------------------------------------
عن السيدة زينب
------------------------------------
يحسين اخونة شلون حالة
تنشدني يبعد اختك عيالة
يكَلها بالطشت چبـدة كَبالة
ودعيه وبعد زيديه الونين
--------------------------------------------
هذا البالطشت چبدك يغــــــالــي
يبن امي وعزيزي انشده بــــــالي
وينج يم حسن لية تعـــــــــــــالي
شوفي ابنج سبل رجلة والايدين
--------------------------------------------
عن السيدة الزهراء
--------------------------------------
انة يمج يزينب مو بعيــــــــــدة
واشوف حسين من ودع عظيدة
واشوفنة سبل للموت ايــــــــدة
عمت عيني عليكم يالمياميـــن
--------------------------------------------
يبو محمد ييمة كلبي انصــاب
عد راسك اون وي داحي الباب
يهد الحيل اه يافكد الاحـــباب
تظل حسرة بلكبنة طول السنين
----------------------------------------------
أسالكم الدعاء رائد الاسدي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي .

بدرب السبي وذكر بخوتي
تمنيت ذاك اليوم موتي
حيره وخفت ينسمع صوتي
يحسين بلوه انه بلوتي

جبت الدرب كله انه اهم بيك
ودموع تهمل ويه طاريك
مدفون خويه شلون اخليك
تمنيت تكعدلي واحاجيك

تمنيت لو تكعد يوالي
وتشوف اجيتك هذ حالي
مو زينب تبدل دلالي
بلظيم وبسود اليالي

شفت التعب من فاركتكم
وغصبن علي ما ودعتكم
تدرون هسه شلون اختكم
مسبيه من راحت وجتكم


ابو سلام الجابري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للأربعين السيدة زينب عليها السلام ...

جينه باربعينك خويه زوّار
على گبرك گعدنه ازغار واكبار
خطارك يمن تكرم الخطّار
شوف بحالنه من السبي شصار
اويه ذباحك مشينه ليل وانهار
لِسّه من الحبل بچفوفنه آثار
وعبينه اتمزگن بالسوط والنار
شكثر طبينه بولايات وامصار
شبعونه شماته وشتم واحجار
جار الزمن حيل بعيلتك جار
فوگ الرمل نمنه والرمل حار
بخرابه لا سگف بيهه ولَه استار
كلهه اعلينه دارت مامش انصار
بدواوين ومجالس صرنه نندار
شسولفلك يجسم حسين احتار
جبت راسك وعنده كل الاخبار

يندار كون العمر للزين
چا درت عمري لعمر الحسين
وتردله روحه ويفتح العين
يسأل علينه وين ما وين
ويمّه تچِن كل النساوين
ترتاح من ضيم الدواوين


كون العمر يندار يا ناس
چا درت عمري لعمر عباس
ايرد والفواطم ترفع الراس
ميته عساني وگاطعه انفاس
وبـ الأعوجيه ضلوعي تنداس
ولا فرجه اصير الوادم انجاس

هجركم والسبي الچبدي .. مردهه
واخذ عافيتي يخواني .. مردهه
رجعت بروسكم موعد .. مردهه
الروس اوياي هم چانت سبيه


الشاعر. ياسر حسن


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

هوسات لأستقبال زوار الامام الحسين عليه السّلام

هلا ومية هلا بزوار ابواليمه
كل زاير يجينه نقدره ونخدمه
ما نسأل عليه من يا بلد اسمه
(( ونگلّه تفضل يعيوني ))
..................................
يزاير بينه مر لا تعبر الموكب
سنه متانين احنه لجيّتك نحسب
كلشي تريد عدنه محضّريه شتحب
((. خلينه نخدمك مر بينه. ))
................................
شرف النه يزاير لو بتت يمنه
بيتك هذا حسبه رتاح حشّمنه
بيك الديره تضوي وهاي وادمنه
((. ملتمّه بجيتك فرحانه. ))

سيد زيد الفحام
___

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للاربعين لسان حال السيده زينب ع

اجيت امن السبي للغاضــريه
وتعنيت اخوتِي بهاي المسيه

صحت وين الكفلني الگمر عباس
اجيت اشـــــــكيلك الضيم العليه

انهض شوف حال اختك وليتام
وشوف اشـسوت الشـــمات بيه

شلون تعوفني وي وادم ارجاس
وحيده ميسره وبيــــــد ال اميه

ورحت لحسين اخوي وتهمل العين
وحضنيت الگبر بثنيــــــن اديه

ومن گبّره اسمعِت جن صوت العتاب
يـــــــــزينب روحــي مشتاگه الرقيه

خلـيها تجي واشـــــتمها ورتاح
ومن فوگ الگبر تشّـــبگ عـــليه

گتله اعتذر منك خويه يحسين
بتــــك ما اجت يا بو الحمــــيه

جابو راسك الها وغفت عالراس
وبرض الشام وافاتها المنيه


علي كاظم المنصوري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

#نعي للاربعين

مولاتي العقيلة
تشتكي حالها الى اخيها الحسين وتتحدث عن ماجره لها أتگله روحي فداهم
•••
ميال ميال شفت الدمع كل سـاع ميال
وياحال ياحال بجيت اربعينك حالي ياحال
وچتال چتال وملگـه الأگبور أيصير چتال
•••
كواك كواك أنشد ابگبرك خويه كواك
وياك وياك لوميته اخير اوياك وياك
بجفاك بجفاك احچي الجرالي وصار بجفاك

•••
ويدور ويدور شمدريني وكتي ايدور وايدور
وعاشور عاشـور راحو اخوتي بضهر عاشور
يبدور يبدور جوه التراب وچنكم أبدور
•••
ويشيل ويشيل ضعن النحبهم فجئه ويشيل
والحيل والحيل ماي وتبده اشيبقه بالحيل
واليل واليل ليلة الوحشه أتمرني كل ليل
•••
والنوگ والنوگ عرجه وهزيله وتكلف النوگ
ومشبوگ مشبوگ مشبوگ يتوچـه اعله مشبوگ
والسوگ والسوگ كلش هضمني دخلت السوگ
•••
والشام والشام والله خزينه ابطبت الشام
وسهام وسهام تمطر أعيون الوادم أسهام
وأسلام وأسلام آهل القصر مابيهم أسلام
•••
خادم آهل البيت،،ع،،
أبوحسين السرگودي...

#اللهم_عجل_لوليك_الفرج


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للاربعين بلسان حال زينب تخاطب العباس صلوات الله وسلامه عليهما
خويه جيت اويه الحراير يابو فاضل

من بعد درب الأسه وضيــم المحامل

والأشد وأصعب يبو الغيره المناضل

روسكم طــول الدرب فـوگ العواسل

خويه فگدك فاجعــــه كلش چبيره

گلبي منها ابنـــار ما يخمد سعيره

من بعد ما چـِنِـــت بوجودك أميره

صرت عگبك اخت عباس الأسيره

حالِتي عُگبك صُفت يا خويه حاله

من وجعها اهتزعرش رب الجلاله

صِرت بيد ايزيـد وجنـوده ورجاله

من بعد عيناك يــــــاراعي الكفاله

شلون تقبل غيــرك يابو الحميّه

يا كفيلي ابين ذولــه الناصبيه ؟

بعد مــــــا چنـت العقيله الطالبيه

خويه سَمّونـي السبيّه الخارجيه

خويه عگبك صارت ابئيدي الوصيّه

والحمِل ثگلـــــــــه صُبح كله عَلـَـيَّه

آنه باريت الضَعــَــــــــن يبن الوفيّه

لچن عذرك خويه مــــا رجعَت رُقيّه


زكي الياسري النجفي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي

احتاميت لبن امي واجيته
ولاشفت وجها ولا لگيته
طحت اعله گبره وعاتبيته
وذاك البچي يمه بچيته
عندي حچي بس ماحچيته
لوبيت ضل عنده اعتنيته
وكضيت بابه وگابليته

شايف الحسره الي تضل بيك
من تحاچي گبره مايحاچيك
ومايمك بنادم يواسيك
وتحچي و يلحده شلونه راعيك
عطشان للملگه يخليك
وحچي المگابر مايرويك

رديت بس شلون رده
حسبالي اشوف اهل الموده

ذاك الوكت ماي وتبده

رديت ماكو بضعني رايه
وبالروس جيت الكم هدايه
توني ايست هاي النهايه
من گمت اسولف عا السبايه
حتى النهر بچيت مايه

سعد العبودي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي سيدة النساء تنعى أبيها محمد صلى الله عليه واله وسلم


ها يانبي الرحمن خانوك
ربعك الجانو من يصحبوك
بعدك امدد واجو طلبوك
ارتدو لاصلهم أهل الأصنام

لملمها ابن صهاك عدوان
ولصاحبه يطلب السلطان
يطلب البيعه على البيبان
ارتد ونكر كل دين الاسلام

بعدك يبو الزهره ولوها
صحبك يبوها ومارعوها
اشكد بظلمهم لوعوها
عيالك صفو يالهادي أيتام

ياعلي فاطم ونت شلون
ياسيف يالتعبت المتون
شلون العدى لبابك يحركون
وانت الوصي ياليث الإسلام

ال من كبل بالحومه يشردون
ليث الحرايب بيك يدرون
صارو على بيتك يهجمون
بسد الوصيه صارو ازلام

جن مانزل بالزهره قرآن
ولا وصى بيها نبي الرحمن
كسرو ضلع خيرة النسوان
الكالو صحابه اصبحو ظلام



محمد النوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي
السيده الزهراء اتخاطب دار المصطفى


يـادار الـوحـي وين الـوحـي صار
اويّـن  الـصـورتـه  بالعين  تـذكـار
ضـلـت  دمــعـتّـي  يـادار  مـدرار
راح الـچـان وجـهـه اليزهـر انوار


*-----------*-----------*

فـارگـتـي الرسـول وگـرت العيـن
يـا دار الـوحـي  بـيـمـن  تـزهرين
اصـدلّـچ مـوحشه ومكدرچ البين
عگـب راعي الرساله الثبت الدين

*------------*------------*

يـالـبـابـچ  گـبـل  للناس  مـفـتـوح
والمحتاج مـنـه بـحـاجـتـه ايـروح
سـلـوتـنـه  يـدار  الـهـادي  بـالـنـوح
وعگب المصطفى عاشرنه الجروح

*-----------*--------------*

✍ خادم الحسين ع
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي لاستشهاد الرسول محمد عليه وعلى اله الصلاة والسلام
شهر صفر 1445-2023

-----------------------------------------

ها بويه ها چنك عفتني
بويه بغيايك مررتني
لا من اجيت وصبرتني
يابويه اريدك وينك انته

يا بويه يمعدل يعنوان
يا دله ترهم دون فنجان
صاير غطاك شلون تربان
شنهي الحچي شو صار سكته


يا دنيا يا أم الخساره
خليتي دمعاتي اتجاره
انه البقيت بدون والد
ما بيه روح والله شاهد

چا هيچ بويه يصير الوداع
ها يلحنين تموت شبساع
اخذيني انه شبيچ يا گاع

يبو چلمة الطيبه وستر للحال
يا بويه گلبي بموتتك مال


هذا اليخلص العتبه بهداي
هذا اليسير خير وفياي
هذا الحنين اليشبه الماي
للزينه چان بروحه شراي

ظهرك حنيته وعدلت ناس
بجدمك يبو الطيبات تنباس



يلكبرتني وحيل داريت
حگي اعله طولك لو تبديت
المن يظل خل يوگع البيت
من شال من عنده ابونه

مو چني عدله وحگي انه بهاي
طفله ويتيمه ومحد وياي
راح البخت والشور والراي
يعزاز گلبي الفارگونه

من عدنه شال الكله غيره
يا حيره بعده شلون حيره
يلواحد وينعد عشيره

هذا الگبر ما بيه بيبان
تانيني لتدفنه يدفان
خليني يمه شلون ما چان
شيعوضه ابوي الله وللحد

كون العمه بعيوني ذني
لا ضحك بعده وبان سني
علراح لا ميهيد وني
يادنيا اخذتي الروح مني



ها يلعفتني بعمري شلي
تيهت محتاجه اليدلي
اكبر صرت مو عمر حلي


جر النفس ما بيه حيله
جوه التراب الاشتكيله
يا روحي مكسوره وعليله


انعه لحد ما غمض العيون
يلخذت ضحكة وجهي واللون
خلصت ليلي بوسفه وشلون

دنياي وحشه بدون الاحباب
ها يلعزيز شماله التراب
شيفيد گلي ألون والعتاب

أگضي الليالي بنفس مخنوگ
يلمن دليلي بلحظه مبيوگ
ارفع اديه اوجهي ليفوگ

ما تنفع الروح بغيابك
للموت اظل دمعه اعه بابك

لمن اجيك بذيچ الگبور
واشعل سنيني لطولك بخور
ميت واگلك والله معذور


تسمعني اريدك همي يخنگ
يلبيه گلبك دايم يدگ
هسه الفراگ بروحي يحرگ

شلونه الرمل ويه النوده
غيرله لونه اورد خده
يا گبر رده لروحي رده

چنه الهوه من الدنيا خلصان
جيتك بروح وشوف تعبان
وين الهلا الغطاهه تربان

كلمات الخادم / رعد الفريجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للامام العسكري ع
***
مسموم مسموم مات العسكري يا ناس مسموم
مالوم مالوم كلبه امن المصايب حيل مالوم

ريض يجناز كلها تصحيلك  ريض يجناز
شال ويالعزاز مو تدري الفراح شال ويالعزاز


من تكعد اوياه. يمحلات الابو من تكعد وياه
ويصيح ويلاه. يبجي المهدي ضل ويصيح ويلاه

ويدير بالماي.  يغسل ضل ببوه ويدير بالماي
متعذب اهواي.  يناس العسكري متعذب اهواي

وعيونه عالباب. مشه بنعش الابو وعيونه عالباب
كله امن الأحباب. تره ضيم الكلب كله من الأحباب

لمن يونون يكطعون الكلب لمن يونون
ماظن يردون النامو بالكبر ما ظن يردون

خربها التراب ليش اخدودهم خربها التراب
ما حاسب احساب يكطعون المشو ما حاسب احساب

دعمن يالعيون. صحت اشمالجن دعمن يالعيون
واشلون بشلون جبت العمر كله اشلون بشلون

ثجيلات حنين المهدي وجروحه ثجيلات
حرامات المثل المهدي يتعذب حرامات

الشاعر
تحسين الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي المولاتي فاطمه الزهراء ع

حال السان مولاتي زينب ع


فزيت وصحت فاطم يمه وينج
وشلـون عن عيناي غـفت عينج
انه شلون انــساج ونسه ونـينج
راح الحنان وخلص يمه حنينج


شتكلها بعد مولاتي زينب عليها السلام

يمه جا بعـد تخلص شلـون دنياي
وانه بعــدج صــرت فاجـده الراي
يمه وين انطي الوجه وين منواي
وعليــــج ما يخـلص أبد مبــجاي


شتكلها بعد مولاتي زينب ع
يــــمــه


شلون اكــضي اليل وأصــبح شلـون
يمــه وغيـــابج يـــعـميــها الــعـيون
ســـبابي الحزن وبــيه تــغير الــون
انـه ما ضــنيت احـــبابي اليــشيلون


مــو عل البـال. والله يمه غيابج. .مو عل البال
صبح جتال. انه مدري زماني. صبح جتال
يمــه والحال ولاينوصف بعدج .يـمه والحال
دمعي هــمال صبح ومسيه. .دمعي هــمال

شتكلها بعد مولاتي زينب ع
يمه

موش حلوات اليالي بدونج مــوش حلوات
يايــمه مرات. ســود وصفن. يايــمه مــرات
ونات ونات. اكضي العمر. يايـــمه ونـات
صحت هيهات مـالج عوده. وصحت هيهات




كلمات الخادم

مرتضى مكطوف.

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات نعي الزهراء ع

ونصاب
العزاهه ابنيهه كون الدار ونصب
ودمعي جن ثجيل المطر وانصب
على الزهره الإبنهه وكَع ونصاب
ضلعهه ابعصرة ارجاس البريه
.........................
والباب
اعقول الماتحمله الصار والباب
المايوولي ابحرب فرسان وله باب
هجم عالزهره شب النار والباب
دفعهه وانكسر ضلع الزجيه
.........................
والحجاب
جذَب من كَال عالزهره ولاحجاب
عن كل عين ستر الهه واله حجب
اختنكَت بالعصر فاطم والحجاب
من دم عينهه خيوطه نِديه
.........................
والتراب
قبل ادم علي من الذر ولي تراب
يشوف الزهره ضربوهه وله تربي
وكَع ثالث وَلد الهه والتراب
المحسن صار كاروك المنيه

الشاعر ياسر العارضي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للسيده فاطمة الزهراء [ع]
____
مشيت اتوچه وانه ادموعي متنثره
الفگد  روحه يظل  نيرانه  مستعره

يرك  بيه  الوكت وجروحي ما تبره
الهضيمه اشلون مني راحت الزهره

عجيبه الحزن ياخذ كلشي بيه
***
ذبح  بيه  الهجر  والحسره  والنار
ادير  انه  الوجه  عن  گبرج احتار

عجيبه الظلع ليش يجرحه بسمار
واشوف الظلمه چنهه تحيط بالدار

طحت بالعتبه وبابي المنيه
***
رجعت بخطوتي بس جرحي ما بان
خايف  زينب   اتشوف  ام  الأحزان

يتيمه ازغيره واعرف بيت الاشجان
تموت  الورده  خوفي  بهجمة افلان

اويلي اعليج شفتيهه  الرزيه
***
عجيبه  الموت يم بابي .....تره بين
توصي الزهره لا گبري.........تره بين
حفرت انه الحد بيدي.........تره بين

گبرها الزهره  والثاني اليه
**
الشاعر يوسف الفتلاوي



https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للسيده ام البنين ع

>>>>>>>>>>>>>>>>>>>>>>>>>
خذاني الليل وانه امعاتبه الاحباب
وتاني  ابيا  جرح  بس دگة  الباب

آلي اعزاز   عندي  وراحو  الأعزاز
تلوج   الروح   ما  ترهم  بالغياب

ذبحوني الاحبهم بالهجر  ياحيف
تظل اعيوني تذرف دمع  سچاب

يجيني الليل ابجروحي اشتكيله
***
اريد احسين  وانه الگلب ولهان
كتبت من الهجر  ابيات الأحزان

يريت حسين لو يرجع بالضعون
تضوي الدار كلها اگبالي الاحنان

ياوسفه  الدهر   خلاني  لچمات
وعيش انه الغرب بأهات الاوطان

انه   ام  البنين  اجروح  بجروح
يحسين  انذرتهم   فدوه قربان

الگلب مكسور بأهاته ودليله
*****
نويت وكون اطب انه .....بلادين
اواسي زينب ابدمعي........بلادين
وصل  عباس لخيامه........بلادين

يوصل ماي لسكينه ورقيه

***
تمت بعون الله تعالى الشاعر_يوسف_الفتلاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات نعي في حق ام البنين عليها السلام

ليالي حسين بعد الأم        ويمه
سوده والحزن جاره         ويمه
تكَله ام البنين ابني         ويُمه
يكَللهه وبواجيهم سويه
...........
صدك عن الحسن وحسين       يمهُم
رحتي وهام صار الآه             يمهم
لنهه ام البنين اتكَول             يمهم
تجيهم بعد ماتلفي المنيه
.............
امعرف من نسب طاهر        ولدهه
هاي ام البنين اللي              ولدهه
سوو بالطف الأعظم          ولدهه
لحد مافاظ دمهم عالوطيه
........
ماتت وبكَلب ولهان                 موجِر
يعتهه الحزن عت لحسين         موجَر
عليهه الوكت ياهالناس          مو جار
يظل الكَبر ليش ابلا بِنيه


  الشاعر ياسر العارضي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

گمر چان ابسماي ونور.. هلّي
راح ويادموعي صحت..هلّي
برجاء ارجوك ياعباس..هلّي
آراكه بالحلم واتمر عليه
**

هنيالي اجيت ال... فاتحتهه
بحاجه وعود توني... فاتحتهه
بعدني ما امخلص... فاتحتهه
قريت البسمله وحلتهه إليه

محمد الجماسي


https://t.me/joinchat/AAAAAEN4vuuUfDbAramBIQ

#ابوذيات

لمولاتي ام البنين روحي فداها

تنام المِسعده يمها .......... وِلِدها
وانه المتوذر اعله الشط .. وَلدها
اويلي او أشد من هاذه .... والادهى
راسه اعله الرمح جابوه اليه ......

چاره اعله الصبر مامش ...  ولا حل
او بعد لا عافيه عندي ...... ولا حيل
الخيل اترافس ابصدرك .... ولاح ال
حافر بالگلب سوده عليه .......

العمر وياه لو بيدي ............ لجسمه
و أكعّ الخيل ما توصل  ...... لجسمه
جسمي خل يوذرنه     ..... لا جسمه
اشحلات الموت دون ابن الزچيه  ....


ابو فاطمة الطائي

#اللهم_عجل_لوليك_الفرج

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي مفجع
السيده زينب ع
اتخاطب الأمام الحسين ع


شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس


بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ


ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول

*-----------------------*-------------------*
✍خـادم الـحـسيـن ع
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات