هوسات
الامام العباس (ع
✳✳✳
بالطف جانت اتعد هيئة الصحه
بعدد موتاهم الموتهم بصيحه
كض الجيش فرهم فرت السبحه
الطف والجانو بالطف شردو من جف العباس
✳✳✳
لجّهنّم گبل كلمن اجه اكباله
يدوّر سيفه تازه وماكله افضاله
ياهو الكال عباس الشمر خاله
من حيدر نصه وثلثينه
✳✳✳
صكر يم النهر وايديه على اصفاحه
من يوم الوكف ماشافو الراحه
شني السبعين الف كللهم العباس
اذا اصيح ابن اخوي يعزل الساحه
ها
انتم وانعال القاسم كللهم عباس
✳✳✳
نازل صاعقه العباس لمن هد
للميدان طب ووكف سد بالحد
ذي القرنين كالو هذا سد السد
ولا يأجوج ولا مأجوج اليكدر جف الكافل

✳✳✳
ابوالحسنين طبها الجيش كالو هذ
بصدره لا بشر يوكف ولا فولاذ
من الخوف ماتو واحد بواحد لاذ
الجيش من اخياله احتار منين الشرده

✳✳✳
اجو سبعين الف واكباله صفو صف
علك شد على زنده والعلم رفرف
طگ بالكاع جازه وخسف كاع الطف
الطف الهسه مخسف من صوابك يالعباس

✳✳✳

سمعنه بسوريه وبتركيا الزلال
من عنده شكثر متفطرات جبال
موعجبه الزلازل بالطفوف اهوال
جم هزة ارض بالكون
من شد رايته الكفال

الكاع اهتزت لمن صاح انه العباس

✳✳✳
علي حسين المنصوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

#القاسم
نعي للقاسم
بحر طويل

.
ياعمه انشدنچ ... ليش حسين هل دمعه
وليش اتعنه للخيمه ... بحسره خمّد الشمعه
وليش اگبال اسم جسام
بچفوفه يدگ ضلعه
خبريني يبت حيدر ... يعمه احتارت افكاري
......
يعمه الحاله مو سهله ... اشوف الغالي يتحسر
شما رمله اجت يمنه ... يبقه انظرله مايگدر
شنهي الصار ياعمه .. بكل خطوه اصد يعثر
وي دمعات عينه الروح ... بيها تشتعل ناري
....
راح حسين للحومه ... يركض منذهل فكره
آ يالحسن ومصابه ... يصيح وحسرته بصدره
وگف وانحنه اعله بنادم ...يشبگه ويجذب الحسره
جابه وشايله بيده ... ودمعه اعله الوجن جاري
......
وصل وبأيده ان شايل ... جسام وينوح اعليه
ودم من النحر ينزف ... من شاله وصبغهه ايديه
صحت بصوت ياعمه ... ابوي وجاسم اتلگيهه
ولن رمله تصيح اليوم ... ياويلي انهدم داري
.....
الشاعر محمد حسن ضيغم


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

المولاي علي الاكبر (ع)


شـبـيـه الـمـصـطـفـى لـلـظـيـم.. يابه
وگــع وحـسـيـن يـــم الـخـيــم.. يابه
انكـسر ظـهري يصيح ابـصـوت.. يابه

يــالأكـبــر ضـاگـت الـــدنـيـه عــلـيــه

                     *---------------*---------------*

الامام الحسين يخاطب ليلى ام علي الاكبر

يـلــيــلـــه ونّــتــچ ويّـــاي.. وحـدي
على اوليدي انــوح الـيـوم.. وحـدي
انكسـر ظهري وْ أنـه تدرين.. وحـدي

أبـكـثر طـعـنـاتـه خـلـه اجـروح بـيـه

                    *---------------*---------------*

✍خادم الحسين (ع)
الشاعر رعد الجريخي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي لمصاب علي الأكبر (ع)
....................

افز   بالليل   يمه   واذكر  رباي
ولا جت على بالي ما انت وياي
اكضي شلون عمري الجاي والجاي
يا   سلوة   فؤادي   ولبة   حشاي
....................
كبرتك  يا  يمه وعيني تشوف
بيك اتشيمت يالتعدل الشوف
ما  جانت  بالي  هيج  الطفوف
تتتوذر  وذر  ما  بين  السيوف
............
ياهل الوادم وليدي لجنت اربيه
حسبته ضخر وشگد تعبت عليه
باجر  لو  طحت  يرفعني بيديه
اشو صاير وذر كل عضو ما بيه
...........
اليوم أصبح وذز والأمس.. يماي
يا  الأكبر  يا  نبع   للروح.. يماي
جن اسمع بنحره  يصيح.. يماي

تفارگنه يا يمه وهاي هيه
................

مأتم   للحزن   بالروح ... لبني
على الشربته طول العمر.. لبني
جنت  مفكره  يا هلناس .. لبني

من يكبر يشيل الحمل ليه
.....

✍️ مالك الحلفي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي  ام الاكبر تخاطب الإمام الحسين عليه السلام

علي الاكبر يبوالسجاد وينه
طول غيبته ومارد علينه
اتاني الراح ياساعه يجينه
بالحومه فرد محد يعينه
يگلها بشوغته وسچابه عينه
زيدي النوح يم روح الحنينه
طاح ابنچ تره وبطل ونينه
وبشفار السيوف امگطعينه
شبيه المصطفى معفر جبينه
العلى العشرين ماكملن سنينه

الشاعر حسن لعيبي الحريشاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي عن الطفل الرضيع

الطفل منحور لمن شافه الحسين
يريت الصدگ لاموصدگ بالعين
رمه للسمه ابدمه ابن الميامين
                   مارد للارض دمه ولاطاح

الصبر رايد يربي وعينك اتشوف
يمد ايده على نحره الطفل ملهوف
يظن ماي الدمه واللون مخطوف
                    خالف ماخطاه السهم ذَبّاح

يعبد الله يشوغه بوسط صدري
گبل عمرك يبويه ريت  عمري
مثل عباس موتك كسر ظهري
                    يازهرة گليبي وعطر فواح

الشاعر حسن لعيبي الحريشاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي مفجع
السيده زينب تخاطب العباس ع


بـاچــر يـخـويـه خـايـفــه اهـواي
جـيـش الــعـده يـوصـل ثـنـايـاي
احـزام الـظـهــر يالـبـيـك رجـواي
انــتــه الـسـتــر عـبـاس وفّـيــاي


مــنــك اريــدن عــهــد يالـحـيـد
بـاچــر عَـلـي مـاتـبـعــد ابــعـيـد
تدري بـخـصـمـنـه موش اجاويـد
نـار الـزچـيـه ابـخيـمـتـي اتـعـيـد


مـحــد يـصـلـنـي كـون مـوجـود
ومـحـد يـدوس الـهـاي لـحــدود
بـيـك الـخـدر والأمــل مـعـگــود
مـثــل الـعـلــگ ونـشــد بلـزنــود

                    *---------------*---------------*

✍خادم السيده زينب (ع)
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

هوسات للعاشر من محرم

الحره أتناشد أبحسرات وتهل مدمع من العين
وين الوالي ما اجانه تأخر ما رجع الحسين
وحيد أبين عـدوانــــه واندارت عليه صوبين

أرد أنشــــدچ كـــــربلــــــه وينــــــه ولينـــــه
هلله هلله حسين وينه بالسيوف مگطعينه
وين أخوي حسين طايح كربلــه ردي علينــه
هلله هلله حسين وينه بالسيوف مگطعينه
هاي سكنه تريد ابوها تصرخ اتنادي الحزينه
هلله هلله حسين وينه بالسيوف مگطعينه


*

وين أبيا كاتـــر طايــــح ابواليمه علـى الغبره
صدگ فوگچ على التربان حزو يا وسف نحره
صدگ يا كـــربله الوالي داسـت خيلهم صـدره

جـــاوبينــي كـــربله بدمعــــه حـــــزينـه
هلله هلله حسين وينه بالسيوف مگطعينه
حسين فـــــوگ الغبــره مــا نسمع ونينه
هلله هلله حسين وينه بالسيوف مگطعينه
صدگ خيـل ا ل أميه بالحوافر ساحگينه
هلله هلله حسين وينه بالسيوف مگطعينه


*


وين حسين ابـو اليمه الي ويـــاچ الـــف عتبـــه
صــدگ يــــا كــربله الــوالي نـار أحشاه ملتهبه
وگلبه البيِه محّنه شلون صاب السهم نص گلبه

وين جــــده المصطفــــى يگصد يجينـــه
هلله هلله حسين وينه بالسيوف مگطعينه
ينظر بيا حاله طايح عالترب والد سكينه
هلله هلله حسين وينه بالسيوف مگطعينه
لا أهــــل يمّـــــه ولا أخــــــوه التعينــــه
هلله هلله حسين وينه بالسيوف مگطعينه

**
الشاعر
موسى البديري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي وداع الامام الحسين.. ع
***
ليلة عشره ظلمه وموحشه الگاع
أويلي شلون ليله وباچر وداع
ويم حسين نلتم نبچي كل ساع
يريت الصبح لا بيّن عليّه
***
بألف ليله يريتچ كون هالليله
وأگعد يم أبو السجاد وآحچيله
يشكي هموم گلبه وآنه أشكيله
ونظل طول العمر نگعد سويّه
***
گلّي شلون أودعك خويه يحسين
وهاي الگوم حاطت بالصواوين
وعلى چتلك يبو السجّاد ناوين
أموت ولا أشوفنّك رميّه
***
گعد بين العيال حسين حيران
وعبد الله الرضيع يلوع عطشان
وعلي السجّاد گلبه إلتهب نيران
وبچت رمله ورباب بهل مسيّه
***
رقيّه وخلني أشبع شوف منّك
أخاف من الوكت يبعدني عنّك
مكاني من صرت لليوم حضنك
وعلى صدرك ألذ نومه الرقيّه
***
على صدرك يبويه شكثر ارتاح
وأتعطّر بريحة عطرك الفواّح
هم يرجع هذاك الوكت لو راح
برحيلك بويه تاخذني المنيّه
***
ترى وداع الأبو يا ناس حيره
والله إيعين البنيّه الزغيره
چانت عايشه بجاله أميره
الله يساعد سكينه ورقيّه
***
يبويه أرجوك خل أگعد إگبالك
وخل عيوني تشبع من جمالك
وعليّه أعطف ورويّني بدلالك
هذا آخر وداع وياك اليّه
***
دخليّني أگعد إبّابچ يخيمه
أعلى أبوي الليله هل مأتم أجيمه
أحس سكنه الصّبح باچر يتيمه
وأنا وعمتي العصر أمسي سبيّه
***
أجت سكنه وتقبّل إيد أبوها
وتودّع نوبه عمها ونوبه أخوها
ومثل ما ودّعتهم ودّعوها
وبچو حد الفجر بالغاضريّه
***
بچن دمعاتهم دمعه أعلى دمعه
ونعي الدمعات ما واحد يسمعه
دمع زينب عبالك دمع شمعه
بگلبها النار والدمعه جريّه
***
أعلى هونك ياصبح لا لا تجينه
ظلام الليل خل ساتر علينه
اذا تطلع شمس نفگد ولينه
وتظل بس الحرم بالغاضريّه
خادمكم
ابو يحيى السويطي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

*
صحت بالخيل ارجعي لا تسحكي
اظن حسين ضل ولجن نفس بي
عفته اعله التراب وماد رجلي
اشويه امن السحك يرتاح خلي


جاثي الشمر شفته فوك صدره
وكل ساعه عله الهامه يطبره
رفس صدر الحسين وكطع نحره
ولوع بالذبح فاطمه الزهره


من بعيد اشوفنهم يهوسون
ومات حسين يازينب يكولون
بعد بيمن يبت حيدر تلوذون
جتلنه حسين والعباس تدرون


عفت حسين فوك الترب عريان
ويلي اعله الغريب المات عطشان
ضلت بالخيم تصرخ النسوان
وكلها بكربله امذبحه الوليان


نحل جسمي واحس الكلب بيداه
امصابك كسر ضهري وحيل بيداه
الشمر شفته يحز الراس بيده
وذبحت حسين اخوج يصيح بيه


عكبك صاحي بالدلال يابت
وهليله تنوح اعليك يابت
الخيل وياها منك لحم يابت
انطحن جسمك طحن بالاعوجيه


عجب شح الفرات عليك. مايه
وبحر حزن يخويه تشوف مايه
سكينه تصيح ابوي حسين مايه
اريده يشوف ضيم المر عليه


****
الشاعر
تحسين الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للدفن


على الكاع على الكاع
    ثلثتيام اخيي ضل على الكاع
يلحكله ابساع يلحكله ابساع
        وين الولي اليلحكله ابساع
لاع القلب لاع القلب لاع
          لابن والدي لاع القلب لاع
ياحلو الاطباع ياحلو الاطباع
          مكطع وذر ياحلو الاطباع

ماجيتك انا ماجيتك انا
  يخويه اميسره وماجيتك انا
يوجع ندانا يوجع ندانا
لو صحنا الك يحسين يوجع ندانا
بسوطه ولانا بسوطه ولانا
    لو صحنا اه واه بسوطه ولانا
ظالم زمانه ظالم زمانه
ياحيف ويه حسين ظالم زمانه


امكطعه اوصاله امكطعه اوصاله
عالارص ضل حسين امكطعه اوصاله
ذكرن دلاله ذكرن دلاله
بنياته صجن حيل ذكرن دلاله
محد اجاله  محد اجاله
بطف كربلا مذبوح محد اجاله
ويتعناله ويتعناله
هلبت  يجي الكرار ويتعناله



يحيدر وين عن حسين هالساع
يبويه ماحضرته بكربلا بساع
ذبحوه وبناتك راحن ضياع
جا وين الغيارى التمحي الهموم

حسين بكربلا وربعه مطاعين
هاه يولاد هاشم راح الحسين
زينب ضلت بلايا محامين
وبيد أهل الرجس والقلب مالوم

زينب باليسر والحرم وأطفال
حرمه وثكلى ضلت بين العيال
اجيت من المدينه وعندي كفال
هسه بلا كفيل اتشوف الهموم



محمد دعبل النوري


             https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي ليلة الدفنة


دمعنه بالجروح اليوم دفناه
على الصار اويا جنح الليل دفناه
دفن حسرات فوگ هموم دفن آه
وفجعنه من أهد يوم الغاضريه


دفنهم والحزن يشبچ علي وين
بدليله ودمعته من دم علي وين
العقيله نشدته وگالت علي وين
چنت گلهه دفنت إعزاز إليه




الگمر يصعب بوسط اللحد لمّاه
ويلوم الگلب وانه ٱستمع لمّاه
منو يودي خبر دفنته لماه
ويگلها إبنچ وفه بكل الوصيه


مشاهد ما تسر العين لامت
شكو أحزان وچثير أرواح لامت
الأمس فرسان حومه صفوف لامات
صفوا ياللأسف بخت المنيه


الحزن لگلوبنا إمن حسين تركاه
سيوف بكل گلب مهموم تركاه
الدفن إكرام ميت وصعب تركاه
الصعب جوه الثره تحط الثريه


عمار هليل الواسطي
ليلة الدفنة المؤلمة
١٣ محرم الحرام


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي الدفن



يحيدر بالدفن هاي المسيه
تنادي زينب من الغاضريه
١

زينب حايره بدفن الغوالي
تنادي الزهره وبهاي الليالي
تعالي يم حسن ليه تعالي
ويبويه ياعلي لحك عليه


زينب بالدمع وبنار الاحزان
تنظر للذبيح المات عطشان
طاح امكطع بحومة الميدان
وضل ابلا دفن أبن الزجيه


طاح اعله الشريعه اليرفع الراس
مصيوب بعمك ومهشم الراس
مامدفون ضل الهيبه عباس
وجفوفه مكطعه فوك الوطيه


بالحومه عليه مرت أيام
انظر للغوالي وكلبي محتام
بعيوني شفت مذبوح جسام
مامدفون ضل جثه رميه


ماهميت من حركو اخيامي
بعبدالله افكر مات ضامي
مذبوح بسهم والنحر دامي
عليه تبجي وتون ضلت رقيه


علي الاكبر وكع بين الأعادي
مامدفون شبه النبي الهادي
وينك ياعلي ضليت انادي
تحضرني وتشوف اشصار بيه


ناديت اشكثر وكليبي محتار
وينك ياعلي وينك يكرار
ماتحضر يبويه الدفن الأنصار
وتحطهم بالكبر كلهم سويه



زينب حايره والكلب مفجوع
ياليل الدفن ياليل الدموع
تمشي وعثرت ابخنصره المكطوع
ونت بالهضم ونه شجيه


زينب حايره ودمعتها بالعين
لا عباس يحميها ولا حسين
وبليل الدفن بس النساوين
وكلبها اتحمل الهم الأذيه


وينك ياعلي تحضرني ياريت
من طاحو اخوتي بويه ناديت
عمود البيت طاح وطايح البيت
اكثر ناديت ياحامي الحميه


اخوتي ابلا دفن ضلو ليالي
ماتحضر يبويه تشوف حالي
عكب عباس وحسين ودلالي
اخبرك بويه راح امشي سبيه



ساعات الدفن صعبه وثكيله
وغيرك بويه ماعندي اشتكيله
محد مابقه ايحامي العقيله
بالطف حايره واصفك بديه


لاتنسون والدي وابني عباس من الرحمه والمغفره
خادمكم رياض الرسل الجابري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للامام السجاد ع

عندما رجع الامام زين العابدين عليه السلام الى المدينه بعد مقتل الحسين عليه السلام  كان يبكي كثيرا على والده وكأني به يبكي ويقول
صعبه الليالي  بعد الابو صــــعبه الليالي
والابو غالي   كلش عزيـــــز الابو غالي  
والدمع هالي   ابجي اشكثر والدمع هالي
مشدوه بالي   من فركتــــــه مشدوه بالي
والبيت خالي   وسفه مشه والبيت خالي
والنوح فالي   صار البجي والنوح فالي
***
وكان يجلس على باب الدار وينظر باتجاه المقبره وكأني به يخاطب والده يقول
مشـبعت منك    بساعك شلت مشبعت منك 
فركنــي عنك    وسفه الكبر فركنـــي عنك
ماترد جـــنك   بويه ارحــــــلت ماترد جنك
ماتسمع ابنك    يبجي ويون ماتســمع ابنك
***
وكان الامام زين العابدين كثير البكاء على والده ويجلس في وقت الغروب على باب داره
اعليكم يالأحباب   مسيت العافيه اعليكم يالأحباب
يالحدر التراب     يالصرتو بــعد يالحدر التراب
ذابحنه الغياب    والله اشـــــــكثر ذابحــنه الغياب
كفينه العـتاب    منكم بعد كفيـــــــــــــنه العتاب

وكأنما زينب تأتيه وتصبره فيقول لها الامام عليه السلام

معـــذور  لوناح    الفاكدله ابو معــــذور لوناح
واشلــــون يرتاح   هيهات ابد واشــــلون يرتاح
بسيوف وارماح   كلبه انترس بسيوف وارماح
والدمــــع لوساح    مثل الجمر والدمــع لوساح
***
كعدات اهلـنه    لاماترد كــعدات اهلنه
نكطع الضـنه    منهم بعد نكطع الضنه
اهل المحـــنه    شالو بعــد اهل المحنه
جن موش منه   راحو بعد جن موش منه
***

وكأنما زينب عليها السلام تقول له
ضيف اليجي ياهو اليحيه   
وياهو اليكــرمه واليسليه
وباليا هله ياهــو اليلاكيه
ديوانكم راحـــــت اهاليه
***
شــــيرده اليروح   صعبه بعد شـــيرده اليروح
معــــذور الينوح   اعزازه مشت معذور الينوح
والكلب مجروح   يبجي اشكثر والكلب مجروح
ماتهجــع الروح   تسكت بعد ماتهــــجع الروح
***
وكأنما الامام عليه السلام يقول لعمته زينب ع لما دفنت والدي
مارد علــيه  ندهـــته اشكثر مارد عليه
جاهاي هيه  ها يالابــــو  جا هاي هيه
ردت المنيه   ذاك الوكــت ردت المنيه
والنار بـــيه   هلت التـــرب والنار بيه
***
غمض اعيونه   مات الابو وغمض اعيونه
سدهن اجفونه   راح النفس ســدهن اجفونه
****
من هلت التراب   نحت اشكثر من هلت التراب
والدمع ســجاب   انعه الابـــــــو والدمع سجاب
ياكبر الاحـباب    عينك علــــيه  ياكبر الاحباب
ياذينـــه الغياب    بعده اشـــــــكثر ياذينه الغياب

وكأنما الامام يقول لعمه محمد ابن الحنفيه عليهما السلام
***
ابجي اعله الاحنان   عمي انتحب وابجي اعله الاحنان
واعزاز  الاخوان    مامش مثلـــــــهه اعزاز الاخوان
بالكــــــلب نيران      ظلت تشــــــــــب بالكلب نيران
وحشـــه الديوان      راحت هله او حشـــــــه الديوان
***
لمــــــت الخوان   لاماترد لمــــــــــــــــــت الخوان
كعــدت الديوان    راحت بعد كعــــــــــدت الديوان
ماهيه الحـــنان     يوم العيد لاما ماهـــــــيه الحنان
شو خالي المجان   وحشه البيت ظل وخالي المجان
***



وكأني بالامام عندما يعود الى داره وتسأله الايتام  الاوالد والبنات
جاوين ابونه     شومارجع  جاوين ابونه
فدوه العيونه     ردناه يجي فدوه العيونه
ماخرب لونه     بعده حلو وماخرب لونه
وحشه بدونه    ظلمه الوكت وحشه بدونه
***
واريده يرجع    محتاجين ابونه انريده يرجع
والبجي يسمع    ندريـــــــه والله البجي يسمع
واشلون نقنع    مات الحنــــــــين اشلون نقنع
واليتم يوجع     هاكد نكلــــــــــه  اليتم يوجع
***



أبو علي الركابي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيه // للسيدة رقية سلام الله عليها


رُقيه إمنهد ساعة مات ابيها
الحياة أصبحت مُرّه ما تبيها
تانت يجي وتالي ما اته ابيها
تَعَنّت ليه للجَـــــنه رُقيه


الشاعر : أبو زينب علي الظالمي


https://t.me/joinchat/AAAAAEN4vuuUfDbAramBIQ

#نعي
لعزيزة أبيها #رقية_بنت_الحسين ع



.               آنـه رقـيـه وگـلـبــي جـمـره
                مذبوح ابـوي شلون انـظـره
                ولصدره ما يگدر يـضـمـنـي
                وسحگت عليه خيّاله عشره

                طفله ويرد لخيامي اريــده
                مگطوع گالوا خنصر ايــده
                فوگ الرمــح ينــزف وريده
                ومن الگُـفــه محزوز نحــره

                ضيّـع ابـفـگـد الـگـمـر دربـه
                مذبوح ظـامـي بگاع غـربـه
                سهــم المثلث صــاب گـلـبـه
                وويـلاه گـطّــع خـرز ظـهـره

                مــا يــدري ســلّابــه لـفـانـي
                حرّگ اخيــامــي وسـلّـبـانـي
                ترچيتي اخَذهه ودمّـه اذاني
                ذوّبت حيلي بروحي حـسره

                سلّابي يبچي لحالي اشـوفـه
                اتركنــي گتله .. وأبده خوفـه
                ويگلي حالــچ بــس اعــوفــه
                غيــري يجــي يسلبــچ يحـره

                تــالــي دلالــي ابّــيــن ظـــلّام
                والليــل هــذا وجفنــي ما نـام
                مِتوسـده فــوگ ارمــاد الخيام
                شلون اغفه وانه بخدري جمره

                انظـــر لعمتي وافـگـد الـحـيـل
                داس بخدرهــه حافــر الخيــل
                و لو عن جـلـوس اتصلي الليل
                ابچــي وحــزن عبــاس اذكــره


                           *---------------*---------------*

  ✍️خادم الحسين ع
الشاعر سعد هادي الشمري
‏

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات نعي للسيدة رقية بنت الحسين ع

رقيه امدلله انه وبت عز آنه
اعله ابوي حسين عرش الله عزانه
من اول قطره من نحره عزانه
بده وماينتهي يالجعفريه
‏. . . . . . . .
بعد حسين ابوي اني ويمي
سبيه باول اسنيني وايامي
ابحلم وحسين جن كٌاعد ويمي
شبكني وكالي شلونج رقيه
‏. . . . . . . . . . . .
رقيه وشفت ابوي اهناك يومي
انه ساعتهه اسود صار يومي
روحي اتمنه ذاك الحين يوماي
جان انطيها كون ايرد اليه

الشاعر ياسر العارضي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

يازينب

نعي
بظعن والروس مرفوعه اعله الرماح
بين اليون بين الغافي وطاح
ولا صوت أعله زينب بالعدا صاح
بظعن ال النبي ليوين ماشين

ابو ذيه
يحادي العيس بلله عليك وناي
اصيح وماكو واحد سمع وناي
أهلي وين وانا صرت وناي   ( ويناي )
اسيره وبيد ناس بلا حميه

نعي
غربه ووحشه والحادين شمات
والتنطريه مايرجع بعد هيهات
ويصيحون راح حسين اخيج ومات
راح الوالي زينب لاتنطرين

نعي ابو ذيه
زينب من مشت محد وياها
ومشى المن كبل جان إلها وياها ( وجاها )
الشمر نيران على زينب وياها
نار الخيم وي نار السبيه
*-------------*-------------*----------*


محمد دعبل النوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للامام الحسن عن الامام الحسين
--------------------------------------------
ياسلوة افادي ونور العيـــــــون
على فراكك يخوية اصبر اشلون
يبو محمد دليلي عليك مــحزون
هذا انة عزيزك يمك حســــــين
--------------------------------------------
فركَتك هاي ما جانت على البال
من اشوفنك تون يتـــغير الحال
يفراك الاخو يا ناس چـــــــــتال
يتيه الراي ويودر ظوة العــــــــين
-------------------------------------------------
عن السيدة زينب
------------------------------------
يحسين اخونة شلون حالة
تنشدني يبعد اختك عيالة
يكَلها بالطشت چبـدة كَبالة
ودعيه وبعد زيديه الونين
--------------------------------------------
هذا البالطشت چبدك يغــــــالــي
يبن امي وعزيزي انشده بــــــالي
وينج يم حسن لية تعـــــــــــــالي
شوفي ابنج سبل رجلة والايدين
--------------------------------------------
عن السيدة الزهراء
--------------------------------------
انة يمج يزينب مو بعيــــــــــدة
واشوف حسين من ودع عظيدة
واشوفنة سبل للموت ايــــــــدة
عمت عيني عليكم يالمياميـــن
--------------------------------------------
يبو محمد ييمة كلبي انصــاب
عد راسك اون وي داحي الباب
يهد الحيل اه يافكد الاحـــباب
تظل حسرة بلكبنة طول السنين
----------------------------------------------
أسالكم الدعاء رائد الاسدي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي .

بدرب السبي وذكر بخوتي
تمنيت ذاك اليوم موتي
حيره وخفت ينسمع صوتي
يحسين بلوه انه بلوتي

جبت الدرب كله انه اهم بيك
ودموع تهمل ويه طاريك
مدفون خويه شلون اخليك
تمنيت تكعدلي واحاجيك

تمنيت لو تكعد يوالي
وتشوف اجيتك هذ حالي
مو زينب تبدل دلالي
بلظيم وبسود اليالي

شفت التعب من فاركتكم
وغصبن علي ما ودعتكم
تدرون هسه شلون اختكم
مسبيه من راحت وجتكم


ابو سلام الجابري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات