مولود
لذكرى ولادة
شمس الشموس وأنيس النفوس
الأمام علي أبن موسى الرضا عليه السلام
.....................
من فضل رب الجلاله
هلا هلا يا جماله
ب 11 ذو القعده صار
محور الحب والعداله
....................
للرضا شمس الشموس
التأنس أبذكره النفوس
الليله نحيي هالطقوس
والمنى في أرض طوس

نبتهل لله تعاله
كلمن أيحصل مناله
ب 11 ذو القعده صار
محور الحب والعداله
..................
ثامن أنوار الهدايه
نوره شعشع عالبرايه
يامن أتحب الولايه
شارك أبهالفرحه هايه

قلبك أيحصل سؤاله
أجرك أيضيع أستحاله
ب 11 ذو القعده صار
محور الحب والعداله
..................
الضامن الجنه أو ضواها
صلو عالمبعوث طه
الواحده أبعشره جزاها
هالصلا الطيبه صداها

بالحشر خيط الدلاله
هالصلا صك الكفاله
ب 11 ذو القعده صار
محور الحب والعداله
....................
ثامن أنوار الأمامه
يبقه مبدء للسلامه
قمر هاليله أبتمامه
للعلم فارق علامه

هاشمي أبخلقه أوفعاله
أفنى عمره للرساله
ب 11 ذو القعده صار
محور الحب والعداله
...................
مشهد الليله بهيه
با لولاده الرضويه
واجب أنهني الزجيه
أو حيدره حامي الحميه

اليحتفل يهدي أحتفاله
لبو صالح ببتهاله
ب 11 ذو القعده صار
محور الحب والعداله
....................
خادم أهل البيت
الشاعر : أسماعيل الجوراني
الأحد : 14/7/2019


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات للرضا عليه السلام

ليلة فرحة ليلة نور هاي الليله محلاها
مولد ثامن اهل البيت بالافراح عشناها
مولانا الرضا المعصوم بالانوار ضوّاها
( والكون تنوّر بوجوده )
*

واجب نعلن الافراح ونقدم تهانينه
ميلاه الرضا بهاليوم تحقق امانينه
بدفتر خدمت المعصوم تتسجّل اسامينه
( نفرح والمهدي يحيينه )
*

بعد الكاظم عله الناس حُجة الخالق ختاره
بايعنه الرضا وللموت نبقه تباعه ونصاره
بس الباري وهل البيت محّد يعرف اسراره
( ما نترك حبّه ومنهاجه )

سيد زيد الفحام
_____________________

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات
لذكرى تزويج النور من النور


الملائك كلهه فرحت والنجوم شموع
وكتبوا علحزن هالليله ضل ممنوع
اسم حيدر وفاطم بالعرش مطبوع
تزويج الزهره من الوالي
ــــــــــــ
نزل جبريل من سابع سمه مسرور
كل للهادي اخبرك والوحي مأمور
ربك وصى زوج النور من النور
بس حيدر كفؤ المعصومه
ــــــــــــــ
نفرح كلنه حتماً والفرح مريود
ويوميه العشكَ لهل الكساء يزود
بالذر هل فرح رغم العده موجود
نورين انجمعوا هالليله
ــــــــــــــــــ
غير العالمة متصير للعاِلم
وبس نورك علي لُم الوفه ايوالم
وبساق العرش حيدر كفو الفاطم
والنور اتزوّج من نوره
ــــــــــــــــــــــ
الشاعر محمد حسن ضيغم


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولود
لذكرى عيد الغدير الأغر وتنصيب أمير المؤمنين علي عليه السلام خليفه للمسلمين
......................
الواحد الفرد الصمد .. يبرالك
بيد الوحي جبريل .. لمن جالك
تاج الولايه يا علي .. ودالك

مية ألف عالخير .. يا هنيالك
مية ألف عالخير .. يا هنيالك
........................
جبريل خصك والحجي بالسان رحماني
أبجف الحبيب المصطفى جف يرتفع ثاني
لو غير جفك رشحت ينشل عسى ألساني
أنته الخليفه يا علي أبمرسوم رباني

قيمه أوحشيمه خالقك .. خلالك
يالبلحرب كلها تخاف .. أخيالك
أوروس الخصم بالغانمه .. منوالك

مية ألف عالخير ..  يا هنيالك
مية ألف عالخير  .. يا هنيالك
........................
مرسوم رباني صدر يوم الغديريه
يابو الزجيه فاطمه الراضيه المرضيه
نصب علي المرتضى أبحكام شرعيه
من كنت مولاهو العلي لا يخلف النيه

بالخيمه كاعد والنبي .. يقرالك
حق الخلافه ترجمه .. بفعالك
فوك الحصيره خالتنام .. أعيالك

مية ألف عالخير  .. يا هنيالك
مية ألف عالخير  .. يا هنيالك
.........................
المشهود ألهم بالجرم نعرف هويتهم
غصبو حقوقك يا علي أو خانو عقيدتهم
يوم الغدير البخ بخو عقدو سقيفتهم
حيدره ميصير الوصي خلوها نيتهم

فدوه يروحون الشسع .. أنعالك
نادرآ مايوجد شخص  .. بمثالك
ولهذا ربك هالقدر .. خصالك

مية ألف عالخير  .. يا هنيالك
مية ألف عالخير  .. يا هنيالك
......................
أيتام بالكوفه أشكثر محرومه جوعانه
أومن جفك الينكط عشك مهجتها شبعانه
حته الفقير أدلله شنهو أنته مولانه
قيراط عدلك ما غلط فد يوم ميزانه

الجاع والسائل شبع .. بسلالك
أيتام وتنام أبئمان .. أبجالك
اليعلم الله يا علي .. بحوالك

مية ألف عالخير  .. يا هنيالك
مية ألف عالخير  .. يا هنيالك
.......................
ياصافي نيه ياعلي لصنام ما ساجد
أعقولهم خزرف خزف عقلك فقط راشد
أمراية محمد بالخلق وبهيبة الساعد
فقارك أبسوح الحرب بالنصر متواعد

أبعيد الغدير أعوايدي .. تبقالك
أصدح وصفك بالفرح .. لجلالك
طاعه أو محبه وقهر .. أبعذالك

مية ألف عالخير  .. يا هنيالك
مية ألف عالخير  .. يا هنيالك
.....................
خادم أهل البيت
الشاعر : أسماعيل الجوراني
الأربعاء : 14/8/2019

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بس علي يصلح أمير انبايعه ابيوم الغدير
وصوتنه ايضل معتلي
لا فتـــــى الا علــــــي
*---*********
هل شعـــــــار انردده ابكل احتفال
لا فتـى الا علـي ابســــــوح القتال
الله وحده اختاره من دون الرجال
غيره مانقبل ولــــي وهــذه محال
حبنه منذا الأزلي
لا فتــى الا علـي
****---********
انبايعه ونجــــــدد اويــاه العهد
ايبايع اويــانه نزل طيــر السعد
امبشر ابهـاي الولايه امـن المهد
تاجه نور وصايغه الواحـد احـد
مايصح غيره ولي
لا فتـــى الا علـي
****--********
ابضربت الكـرار دين الله استقام
والله لوماحيــدر انعيش ابضلام
فضله عل اســلام تشهده الانام
حدر ضل اولايته انعيش ابسلام
بسمه كل شر ينجلي
لا فتـــــى الا علــــي
*--*********
منهو غيره ألي طبر عمر ابن اود
علي يامــر عالشمس بيـده وترد
ذل آميــه ابوگفته ابغزوت أحــد
علي للاســــلام تاريـــخ ومجــد
يشهد الرب العلي
لا فتــى الا علـــي
*--**********
الخادم
كامل السعيدي


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عيد الغدير


( خمها )
دوّر بالخلـﮜ والناس خمـــــــهـا
منو تنصّب امير ابأرض خمها
الولايه تلوﮜ اله تفصـال خامها
قــدّمـها النبـي الحيـدر هـــديـــه

( ﭽـــفـّن )
وحــك مــن والد الــزهراء ﭽـــفّن
ووحك اللي نطه اعله الجود جفين
مـاهـــم باﭽـــــر الميزان ﭽفيـــن
اذا ميّت واحـــب حـامــي الحميه
( ولايه )
علي ذكرك وطن النه اوولايــه
الك بيعه وفرض واجـب ولايه
أحاديث شكـثر نصّت والآيـــه
حتوت تبليغ من رب البريه

(والك دار)
علي أسمك جله همومي والاكدار
سجد كل الفلك لاجلك وألـــك دار
إلك وسط النجف مرقد والك دار
وسط ﮔلبي يحماي الحميه

هوسات
اذا رايد عقيــده ورايد احسن دين
بالك تنحرف عن خط ابو الحسنين
حتمـاً بالثبــات اتفــوز بالــــدارين
بس حيـــدر الفايز ديــــــنه
بالك لا تغرك كــثرة الاديان
ارجع يالموالي وانظر القرآن
آيه بلا نقاش اتوصلك البرهان
بالـبيعه مضمون

نسألكم الدعاء
السيد وليد الذبحاوي



الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اهازيج ولائيه لعيد الغدير

هاليوم عيد الله الجبير لااله الا الله
هاليوم مولانه امير لااله الا الله

----------1----------

عيد وفرح يامسلمين لا اله الا الله
خليفه امير المؤمنين
ابامر رب العالمين
هذا الامر لازم يصير


----------2----------

هليوم فرحان النبي لااله الا الله
هليوم سيدنه وصي
موت بقهر ياعاذلي
مولانه للامه نذير

----------3----------

اول خليفه للرسول لااله الا الله
ابو الحسن فحل الفحول
ولاهل السقيفه احنه نكول
بالنار هذا هوه المصير

----------4----------

لعنه على الاول نكول لااله الا الله
والثاني قاتل البتول
والثالث النذل الجهول
نتبره من هاي الحمير

----------5----------

اريد اروح الحضرته لااله الا الله
واهني الليله شيعته
ونسهر الليله الفرحته
ونكعد على ذاك الحصير

----------6----------

يلي تريد الاخره لا اله الا الله
وتسكن الجنه الفاخره
والي علي خير الوره
يحمينه من نار الظهير

---------- 7----------

جن وانس فرحانه لا اله الا الله
تهني علي مولانه
لمحبته سهرانه
محتفله بعيد الغدير

--------8 ----------

نحمل ورد بايدينه
بهل المجلس احتفلينه
لجل الوصي والينه
وبالاخره لامانحير

----------9----------
بيت الدعاء

ياربي بجاه المصطفى
والوصي ذاك المرتضى
عجل ظهور ابن التقى
بوجوده قوه احنه نصير

----------10----------

نرفع ادينه بالدعاء لا اله الا الله
ونطلب من رب السماء
يظهر المهدي من الخفاء
ويحكمنه واحنه له ظهير

٩----------11----------

يارب عوده علينه لا اله الا الله
يعجل فرج مهدينه
هوه اللي يحكم بينه
وبظهوره يستر الامير

-----تمت بعون الله -----
بقلم خادمة الزهراء منى البصراويه
15/8/2019

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اليوم بهجة والفرح عمانة
توجو حيدر علي مولانة


ربك لمختار طه كلمة
كال توج علي حماي الحمة
اليوم فرحانة ملائكة السما
تكول فرحو بالأرض ويانة
........
ما يفيدك كل صلاة وكل فعل
يلي متوالي علي خير العمل
اليوم جم حاقد لحيدر منفعل
من الحقد عض اصبعة باسنانة
.......
فرحة الشيعة ابد ما تنوصف
واليكرهك دمع لبعينة نشف
نكلة كوم وشاهد قباب النجف
كلهة نور من السما مليانة
.....
حيدر الكرار يا فحل الفحول
باقي اسمك بالكلب لا مايزول
يا ابن عم النبي وزوج البتول
ربك لحبك علي خلقانة
......
عيني الكم بالقيامة ناظرة
تشفع نريدك علي بالآخرة
اشر انت باصبعك ياحيدرة
من جهنم اصبعك عدانة
......
بالولاية ايمانة صاير ثكيل
كفت الميزان يم حيدر تميل
ياعلي الكرار يا حامي الدخيل
اليكرهك تشتعل نيرانة


احمد البهادلي


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولد بمناسبة بيعة الغدير
شيعه اوجينه ------ نبايع ولينه
بعيد الغدير اليوم نرفع ايدينه
عيد او صبح هليوم عيد الو لايه == وبحقه للكرار نزلتله ايه
انته الامام الكون بيهه الو صايه == ياحكمة الرحمن انته الهدايه
كلف نبينه === بجمع المدينه
من بعدي الكرار حامل عرينه
شاهد نبي الله شاهد شهاده == بعدي علي الكرار الباري راده
ليه الخلافه تكون ليه السياده == افرح يل موالي بهاي السعاده
بنهج العداله === ليه الوكاله
والينه داحي الباب منه اهتدينه
ياحجة المعبود بهاي الامامه == بحكم العدل وانصاف نلت الزعامه
شيعي انه امواليك واعلن تمامه == انته الوصي المختار نصهه ابكلامه
تبقه املنه ===== عزنه او فخرنه
او هادي الامم مولاي وثق حجينه
ابقه ابعهد وياك اعلن ولائي = انته الولي المخصوص بارضي اوسمائي
او لاخرنفس مولاي او قطره بدمائي== شيعي اوظل للموت يصدح ندائي
انته امامي === بيك اعتصامي
او يل نهجك القران البي سرينه
رددنه فرد ابصوت شيب او يشايب == ردة علينه ارودود زمرة نواصب
وينك يداحي الباب وينك يغايب == عشنه ابفكد شبان فكد الحبايب
شيعه او املنه ==== يظهر فرجنه
ويصفي كل طاغوة جائر علينه



كلمات خادم الحسين
احمد اسماعيل العبيدي



الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيـدة-تاج الولايه-افراح الغدير

استمع هاي الروايه ـــــ علي تاج الكل ولايه
نصبه الباري اميــر ـــــ علي فرحة كل فقير
علي تاج الكل ولايه ـــ علي تاج الكل ولايه
ــــــــــــــــــــــــــــــــــــــــــــــــــــــــــــــــــــــــــــــ
الف مبروك يشيعه اليوم نرفعها التهاني
نثرو اورد المحبه تحققت كل الاماني
الباري اختاره خليفه وغيره لا ماحصل ثاني

العلي نزلـهـا ايه ــــــ حيدر اول كل بدايه
هوه للدين المصير ـــ علي فرحة كل فقير
عــلــي تـــاج الــــــكــــــل ولايـــــــــه
ــــــــــــــــــ ❃ ❃ ❃ ــــــــــــــــ
نصبه الطه ابئيده وكال حيدركم ولي
والعلي اختاره الكم يصـبح لديـنه عـلي
يالله افرح ياموالي اليوم ديـنك يعـتلي

اليوم تم الكم الدين ــــ بيد حيدر ابو حسين
مايصح غيــره يصير ـــ علي فرحة كل فقير
عــلـــي تـــاج الـــــكـــــل ولايـــــــــه
ــــــــــــــــــ ❃ ❃ ❃ ــــــــــــــــ
علي سـر اسـرار ربـك علـي لا ماينوصف
احتار كلمن راد وصفه حير اكباله الوصف
علي سوره وعلي ايه يذكر بكـل الصحف

علي ابواب الجنان ـــ شيعته كلها بامان
علي الاول والاخير ـــ علي فرحة كل فقير
عــلـــي تـــــاج الـــكــــل ولايـــــــه
ــــــــــــــــــ ❃ ❃ ❃ ــــــــــــــــ
المايحبك هايـحـدر هاذ شـله بدنـيته
بكل يقين المايحبك انطرد من رحمته
المايذكرك بالولايه بعيده تصبح جنته

حيدر يختمه الجواز ــ واليحبه هاذه فاز
واليـحبه لا يحيــر ـــ علي فرحة كل فقير
عــــلــــي تـــــاج الـــــــكـــــل ولايــــــه
ــــــــــــــــــ ❃ ❃ ❃ ــــــــــــــــ
اسم حيدر بيه صفات يخوف الما يهتدي
وسيفه للسلام صاير شطر كلمن معتدي
وهدم الاصنام بيده بسمه دينك يبتدي

بير زمزم ياعلي ــــــ يمك الهم ينجلي
ملك كاعد عالحصير ــــ علي فرحة كل فقير
عـــلــــي تـــــاج الــــــكــــل ولايـــــه
ــــــــــــــــــــــــــــــــــــــــــــــــــــــــــــــــــــــــــــــ
الخادم الحسيني
(محمد رحيم المشعلاوي)



الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات جنوبيه
...................
لذكرى بيعة عيد الغدير وتنصيب أمير المؤمنين علي عليه السلام
......................
أحنه عاهدنه الصميده لو يصير أشما يصير
غيره منبايع خليفه أوغيره مانقبل أمير
الهالسبب عيد الله الأكبر عدنه بالفطره الغدير
ها ها
عيد الله الأكبر جانه
رباط الفرحه أهنانه
خلي أنعايد مولانه
خلي أنعايد مولانه
ها ها  ( أبتنصيبه )
ونهني الزهره أبتنصيبه
....................
من بعد حج الوداع الله حتم ما يلي
بالغدير أتصير بيعه الدين بيها يعتلي
جف أبو القاسم محمد شال جف حيدر علي
ها ها
أبمرسوم الله الرباني
أبجف الهادي الرحماني
جف حيدر جان الثاني
جف حيدر جان الثاني
ها ها  ( أمزكيها )
هالبيعه الباري امزكيها
...................
يالتضد حيدر أمامي اسمع أحجاياتي هاي
أبحب علي أنه أبقه الأول ونته دوم أظل وراي
أوشيلها كطنه أمن أذانك لحظه توصل مستواي
ها ها
حيدر فتحلي أعيوني
باجر متخيب أظنوني
هوه أو ولده أيحضروني
هوه أو ولده أيحضروني
ها ها  ( أبتزكيته )
ويهون أحسابي أبتزكيته
...................
خادم أهل البيت
الشاعر : أسماعيل الجوراني
الجمعه : 16/8/2019


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

((هوسات ))
~.~.~.~.~.~.~.
علي والكـون كلّه بـيـمـنـتـك يـفـتـر
يوكَف لو يدور انته الصرت محور
الشمس ردّت إلك من فرضك اتأخّر
وأخّرتْ الكون ... وصلّيته
* * *
الزلم مو بالحجي تنقاس الزلم تنقاس بالأفعال
وأكو واحد يكَول بزود وفعله يسبق الأقوال
علي ماكَال أشيل الباب كَبْل الباب خيبر شال
والزود يسولف ... بأفعاله
* *

* * *

مناقب ماأعدّ لحيدر وأحسب
أحير شما أسطّر بالقلم وأكتب
علي الرد الشمس لمّن دنه المغرب
وشمس الله الغابت ... ردّاها
* * *
الك يشهد يداحي الباب يوم الباب
وساحات الوغى تشهد يليث الغاب
ويوم اللّي الشمس ردّتلك من اغياب
وردّيت الكون ,,, وأفلاكه
* * *

لخادم اهل البيت (ع)
حسام الناصري



الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات
في مديح ومحبة
أمير المؤمنين علي عليه السلام
...................
علي أبسوح الحرب معروف مقداره
شطر مرحب الى نصفين فقاره
وبن العاص بعده أيكلكل أبعاره
ها ها ( وجها أسود )
يبقه التاليها وجها أسود
 ...................
عله أعناد الدواعش و الوهابيه
أتباع أبن باز أو أبن تيميه
أبايع جيت أبايع بالغديريه
ها ها ( بس حيدر )
أنتخبه أبصوتي بس حيدر
........................
يالتناصبني العداوه أو تحب تذبح منحري
أسمع أشراح أنه أكلك وفتهم من جوهري
شيعي أوحيدر أمامي أومذهبي أيظل جعفري
ها ها ( واليته )
بكماطي أو حيدر واليته
....................
خادم أهل البيت
الشاعر : أسماعيل الجوراني
السبت : 17/8/2019

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لبيعه الامام علي. ع. في يوم الغدير
(من كنت مولاه فهذا علي مولاه)
🌺🌺🌺🌺🌺

حب علي من الله فرض. خارجي اللي يعترض
بـأمـر مـن رب الـسـمــاء. انـعـلـن يـوم الـولاء

🌺🌺🌺🌺🌺🌺🌺🌺🌺
1
ياحـجــه الله الأيــدك. فـي مـحـكـم الايـه
بـعـد النـبـوه تـسـتلـم. حـيـدر علي الـرايـه
واليـوم كـلهـا تبايعـك. سـبحـانه الـه غـايـه
يدريك گـدهـا بالـفـعـل. يالـگـد الـحـجـايـه

يـاوريـث الانـبـيـاء. انـعـلـن يـوم الـولاء

🌺🌺🌺🌺🌺🌺🌺🌺🌺
2
نص ايه الله الـمـنزلـه. مـن العـلـي لحـيدر
انته امـيـر اعـلـه الـمـله. ونورك بـده يكـبر
احـبابك الليله اصبحـت. اعله البشر تفخـر
اشمـا نشـم ريح البغض. ريحك يضل عنبر

ونفدي حبك بالدمـاء. انعـلـن يـوم الـولاء

🌺🌺🌺🌺🌺🌺🌺🌺🌺
3
بشرياني تمشي محبتك. ومخالطه ويه الدم
ياورده من جـنـه عـدن. هـنـيـاله من يشـتـم
الــي نـكــرهـــا مـحــبـتـك. بـالاخـره يــنـدم
والـي يوالـيـك ابفـخـر. من كـلـشي مـايهـتـم

لـلـولايـه احـنـه فـداء. انـعـلـن يـوم الـولاء

🌺🌺🌺🌺🌺🌺🌺🌺🌺
4
ياعـلي صارت بـيـعــتك. هيه اكـبـر الاعـيـاد
يوم الغـديـريه صـبـح. عـيدك يـبـو الامـجـاد
ونـجـدد الـبـيـعـه الـك. بـيـك الـفـرح يـنـعـاد
ونتعـايد ونحجـي ابفـخـر. ونــقــــدم الاوراد

ونـصـرخ بهـذا النـداء. انـعـلـن يـوم الـولاء

🌺🌺🌺🌺🌺🌺🌺🌺🌺
5
ياحبك الساكن وسط. گـلبي ويجـس نبضـه
يالـبـيك تمم لـلخـلـگ. سـبحـانه بي فـرضـه
والي نكـرهـا بيعـتك. خل يبقـى في بغـضـه
يالاسمك بساگ العـرش. والحجه في ارضـه

عـلـي يـابـاب الرجـاء. انعـلـن يـوم الـولاء

🌺🌺🌺🌺🌺🌺🌺🌺🌺
6
امحـبتك صـارت وصـل. ويه السـمـه تمتـد
الـبـايـعـك ديـنـه كـمــل. والـيـنـكـرك مـرتـد
هـنيالـه الينول الشـرف. من شـيعـتك ينعـد
وبيـاعلي لـسـانـه لـهـج. والـبـيـعــتـك جـدد

يـاولــــي الاولــيـــاء. انـعـلـن يـوم الـولاء

🌺🌺🌺🌺🌺🌺🌺🌺🌺
تمت بعون الله تعالى
بتأريخ. 2019/8/17
كلمات الشاعر والرادود الحسيني
عقـيل حسـين الگـرعـاوي


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عيد الغدير الأغر


من الباري هذا الخبـر
حيـــدر إمــــام البشر

أمــر الإلـــه النـزل يـــوم الغديــــر
جبريـــل مــن أرسلــه لطه البشيـر
لأمـــر الولايـــه الآيـــه نزلت تشير
يالهـــادي نَصــّب علــي بعدك أمير

سَر النبي وابتشر
حيدر إمام البشر

الناس حضــرت تستمــــع للحبيـــب
گال اسمعوني وگـــف بيهـم خطيب
حـــان الــوداع وراح عنكــم أغيــب
بعـــدي علـــي والطاعـه لا ما يخيب

رب الجلالـــه اُمــر
حيدر إمــام البشـر

هــذا الخبـــر بالعلــن مــو بالخفـاء
واتسمــى هـذا اليــوم يـــوم الولاء
تنصيب حيدر ولـــي بٲمــر السماء
مفروضه صارت طاعتـــه بهالنـداء

توَجَّب لكلمن حضر
حيدر إمــام البشــر

صافِحَت چف النبي چف حيدره
البيعـــه لإمـــام الدنيا والآخـــره
عيــون الملايك والخلــگ تنظره
صَــرَّح الهـــادي بهالأمــر واظهره

واضح نزل بالسور
حيدر إمـــام البشر

بالعهــــد ملتزميــــن كلنـــا نظل
يانـــور دنيانـــه ويخيـــر العمل
نبقـــه نطيعــــك سيدي ونمتثل
لأمـــرك ولا ساعـــه نفكــر نــزل

شما مضى بينا الدهر
حيــدر إمـــام البشــر

يا ابا الحسن حبــك يظـــل للممات
شما جور شفنه وقست بينا الحياة
حبـــك ينجينــــه أذى الكربــــــات
وبالآخـــره فــــوز وضمــان النجاة

تنجينه يوم الحشـر
حيدر إمـــام البشـر

يا سيدي ما نهـــوى غيــرك أحــد
نهـــواك يـا قـــل هـــو الله أحـــد
مثلك يبـــو الحسنيــن لا منوِجَـد
بكل شده ننخـــاك و ننــول المدد

بسمك يزول الخطر
حيــدر إمــام البشر


كلمات عمار الراشدي



الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#عيد_الغدير


ـــــــــــــــــ ❁ ❁ ❁ ــــــــــــــــــ

شــال ايــده الـرسول وبـاوع بـعينـاه
وگــال الـدين تــم ووضـحت مــعنـاه
حـيدر گــال بــعدي الـباري مـن خـلاه
نــزل صـك الــولايــه مـوقع بــيـمـناه
هـتف طــه وســمـع كل واحـد بـأذنـاه
الأسـد حيدر عـلي وفـن واحد اليدناه
اذا طــب الـحرب يرعبــهــم بـممشـاه
مـايــحـتاج اســولـف والـعلم عند الله
نــزل جــبريــل بــلــغ والــخـبــر وداه
ورفـع ايــدك نبيــنه ولامـست بــسماه
گــلهم هــذا حيــدر فــضله مـا ننــساه
هــذا الـمن يـدور الـحگ يــدور ويــاه
جـنت مـولاكـم انــه والــجـنت مــولاه
يــحط حـيدر خـلـيفه وغـيره مايـعلاه

الأول تــبــقـــه الأول ..
الـرابـع گــالو لا والله

يـدور ويــه الحگ حيدر ..
وحتـه الحگ يــدور وياه

🌺🌺🌺🌺🌺🌺🌺🌺🌺
🌹🌹🌹🌹🌹🌹🌹🌹🌹

مــبارك لــنا ولـكم عـيد الـولايــه
🌺عــيــد الــغديــر الأغــر🌺
🌷🌷🌷🌷🌷🌷🌷🌷🌷

✍🏻 #الشاعر_عباس_فاضل_الشمري
#هـــوســـــه

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اهازيج ولا ئيه لعيد الغدير الاغر

حيدر خليفه يصير صلو عالنبي
بعد النبي امير صلوا عالنبي

----------1----------

عيد وفرح ياناس صلوا عالنبي
وزعنه ورد وياس
مولاي فوق الراس
ونهني العباس
خل يفرح المهموم

----------2----------

ياشيعه هنوله صلوا عالنبي
مبروك كلوله
هلهلو هلهوله
بامر النبي المعلوم

----------3----------

الباري امرنه بيه صلوا عالنبي
هو الوصي مخليه
بعد النبي نواليه
اول ولي معصوم

----------4----------

فرحوله فرحوله صلوا عالنبي
وصينيه نصبوله
هلهو ا هلهوله
للقائد الجيدوم

----------5----------

الساقي عالكوثر صلو عالنبي
هوه الوصي حيدر
ينجينه بالمحشر
بامر العلي القيوم

----------6----------

الاول منصبيه صلوا عالنبي
بالنار اليعاديه
ومحبه يجازيه
بالجنه و مرحوم

----------7----------

18 ذو الحجه صلو عالنبي
الباري نسجدله
كلش عدل نهجه
او ينصر المظلوم

----------8----------

حيدر علي والي صلو عالنبي
ينشرح دلالي
محبته عنواني
بعيده تزيح هموم

----------9----------

الكال انه اول صلو عالنبي
الارعن الاثول
بيا معركه صول
بكل معركه مهزوم😊

----------10----------

بيت الدعاء
الاهي بولينه صلو عالنبي
حيدره وحسينه
عجل المهدينه
يحكمنه بالاصول

-----تمت بعون الله -----
بقلم خادمة الزهراء منى البصراويه

19 /8/2019


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

☘ افراح الغدير ☘


////


ساكن خيالي حيدر يوالي
يا اغله غالـي حيدر يوالي

* *
(1)

بالحرب ياكرار عِد سيفك السان
وگباله كل الجيش بالحومه خرسان

اتعده الرُگب كرار وابچفه ضربه
حته اللسان ايصير يم سيفه رُگبه

بدر الليالي .. حيدر يوالي

****

(2)

غيرك فلا حبيت يشهدلي گلبي
غيرك حبيبي شلون يتسمّه حبي

حُبك دمع عشاگ واعيوني بيتك
احزن . واكابر بيك . بس ما بچيتك

حُبك حِلالي .. حيدر يوالي

****
(3)

بالحومه حيدر موت لليعتنيله
يعني اليجي من البيت قاري العديله

للفقره چفك چان (صدر الحمامه)
بس عالكفر مولاي يوم القيامه

بدر المعالي .. حيدر يوالي

*
(4)

شال ايده والهامات بالحومه ربحه
بچفوفه فَـر الجيش فرّت السبحه

ما بّچّه بس فرسان لمن رفعهه
حته السيوف اهناك نزّل دمعهه

يا حَل سؤالي .. حيدر يوالي

*
(5)
حط الله بالقرآن سرّك يحيدر
يعني اسمك الأيات بيه اتفّسّر

فوگ الگلب بدماي كاتبهه احبك
يابو الأيمه وصار درب الله دربك

عشگك صُفالي .. حيدر يوالي


.....

✍سعد هادي الشمري✍


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات ليوم الغدير

ياهو الكال حيدر ماهو الاول
خسران بدنيته وبالاخره الاثول
الشمس ردت اله والكمر حول
( هليوم نبايع مولانه )

الاول بعد النبي حيدرنه مو رابع
بارينه نصبه الهادي الشافع
طريق الصح طريقه اسمع يالمخادع
( بس حيدر حيدر مولانه )

الاول بعد النبي مو صرح القران
والخالف كلامه احمق وخسران
اليوم نبايعه ونصلي على العدنان
( حبك مكتوب بشرياني )

بايعنه علي من جنه بالارحام
واليوم نجدد البيعه ويه الساده والعلام
والمايوالي علي خارج عن الاسلام
( يخلونه / باجر بالنار )

احنه للولايه نوقع بعشره
ونتبره من عدوه قاتل الزهره
اليوم عيد الغدير هلهلي يالحره
( يستاهل حيدر هلهوله )

نوقع بعشر اصابع ونصيح ياكرار
والمايوالي الصميده منه ياستار
خسران بدنيته وبلاخره بالنار
( وبالنار السوده يحركونه )

الله شكد حلو اسمك ياداحي الباب
يالعايش بنص القلب يا اجمل الاحباب
اتمنه هسه بحضرتك واقبل الاعتاب
( خدام الحيدر واولاده )

----------تمت بعون الله ----------
بقلم خادمة الزهراء منى البصراويه
20 /8/2019

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

علي علي علي علي ياعلي
بايعنه بس انته الوصي والولي
@@@
عالبيعه چفنه بس لحيدر شهد
والروح بس يمك تنادي المدد
مولاي نبقى عالعهد للوعد
يالبيك همنه بكوثرك ينجلي
@@@
من الله للهادي الأمر من نزل
تمت نعم والدين تالي اكتمل
والغيض دخن من رواعي هبل
والچان يبغض حيدره مبتلي
@@@
مولاي امرك نازل امن السمه
شنريد باللي بايعوا ظالمه
والشمس ينكرها الضميره عمه
يالچان فرضك واجب او أزلي
@@@
چفنه اعله چفك والعهد بالنحر
وما عاش بينه هاللي عنك غدر
من حيث ياحيدر گلبنه انأسر
لعيون حبك والله ابيعن هلي
@@@
بدماي نبضي بس حروفك يدگ
مولاي دونك بالنفس اختنگ
والعاف حيدر بالگبر يحترگ
ولحده بجحيم الحاطمه ممتلي
@@@
علي احمد الحمود
٢٠-٨-٢٠١٩
عيد الغدير


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747