{{ ومضة للحسن (ع) }}

كـريــم وبـالـكــرم حـــارو يـوصـفـــوك
كــرم چـفــّك يـخـلـي الـريـج يـنـشــف

يـمـن جــودك يـغـرگ الـضيـف لو جـاك
ونـهـر گـهـوة مـضيفـك يـجري ما جـف

لـيمـتـه أنـشــوف گـبـرك مـبنـي مـولاي
ومـنـايـر مـن ذهـب نـبـنـيـهـا بـالـچــف

ومـثـل حـسـيـن نـزحـف ألك ونـطـوف
والـمـا عـنـده رجـل بـچـفـوفــه يزحـف

ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ
الـشـاعـر
سـيــد عــلاء الـحـيّــدري


https://t.me/joinchat/AAAAAEFVSMd2pvMFlLPXYg

مـولـد سـبـط يـاسيـن مـولـد حـسنّـه
هل وأنـتشـر بـالكـون لجلـه أنـجمعنـه
ــــ ــــ ــــ ــــ ــــ ــــ ــــ ــــ ــــ ــــ

بــ 15 رمـضــان فـرحـــه وأمـانـــي
مـولـد شـبل ضـرغـام فـقـه ومـعـانـي
لـطـه وعـلـي الـكـرار زفّـو الـتـهـانـي
لـجـل الـسبـط هـلّيـوم سايـل دمـعـنـه

ــــ ــــ ــــ ــــ ــــ ــــ ــــ ــــ ــــ ــــ

هـذا الـسـراط الـبيـه جـنّـه وسـلامــه
يـتبـاهـه بـيـه الـكـون حـتـى الإمـامـه
يـوم الـهـتـف يـاسـيـن واضـح كـلامـه
گـال الـحسـن إمـام نـهجـه أنـتـهجـنـه

ــــ ــــ ــــ ــــ ــــ ــــ ــــ ــــ ــــ ــــ

عـدل وكـرم وأحـسـان هـايـه صـفـاتـه
والـعصّمـه ربـه أنـطـاه حـلمـه وأنـاتـه
وأللـي نكـر هـاللـيـث شـلّـه بـصـلاتـه
يـوم الـحشـر والـضـيـج يـتـبـرّه مـنّـه

ــــ ــــ ــــ ــــ ــــ ــــ ــــ ــــ ــــ ــــ

حـبـك طـبـع بـالـروح يـا سـلـوة الـروح
عـنـي تـزيـل أهـمـوم تـتـنـاثـر أتـروح
حمـل الـمحـب ويّـاك ما يـبقـه مـطروح
بحر الـشفـاعـه هنـاك منّـه أغـتـرفـنـه

ــــ ــــ ــــ ــــ ــــ ــــ ــــ ــــ ــــ ــــ

شُـبّـر نـزل جـبريل بـيـه بـشّـر الـديـن
أسـمك حـسن للـنـاس رددّهـه يـاسـيـن
يبن الـكـرم والـطيـب يـبـن الـميـامـيـن
بـسمـك عـلى الـظـلام رفـرف عـلمـّنـه

ــــ ــــ ــــ ــــ ــــ ــــ ــــ ــــ ــــ ــــ

شـيعـة علي الـكـرار عـلـّگـت شـمعهـه
فـرحـانــه بـالـمـيـلاد هـلـّت دمـعـهــه
تـاج الـشهـامـه الـيـوم هـو الـجـمعـّنـه
سـبـط الـنبـي الـمختـار لـجلـه كـتبّـنـه

ــــ ــــ ــــ ــــ ــــ ــــ ــــ ــــ ــــ ـــ

يـوم الـقيـامـه تـصيـر يـذنـوبك أجـبـال
لا تــنـفـــع الأولاد لا يـنـفــع الـمــال
حـب الحسـن موصوف بس تـنخـه بالحال
يـحـضـر يـزيـل الـنـار لـن حُـبّـه جـنّـه

ــــ ــــ ــــ ــــ ــــ ــــ ــــ ــــ ــــ ـــ ـــ
الـشـاعـر
سـيــد عــلاء الـحـيّــدري


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات جنوبيه
لذكرى ولادة كريم آل بيت محمد الأمام الحسن المجتبى عليه السلام
......................
من تحل بيك الشدايد أنطي وجهك للحسن
أوحلفه بالزهره الزجيه أوشوفها أشلون المحن
كلها تتلاشه أبدقيقه أو ينصح أوياك الزمن
ها ها
أبن الزهره المرضيه
صاحب غيره أوحنيه
كل حاجاتك مكظيه
ها ها  ( أو خليها )
بس ذبها أعليه أو خليها
.....................
الليله ميلاد المكارم يالتريد المكرمه
للحسن صفي النوايا أو كله يابو الغانمه
جيتك أوطالب طلبتي أبجاه أمك فاطمه
ها ها
هذا المارد خطاره
شعت عالكون أنواره
أطلب وتمنه أبشاره
ها ها ( ينطيها )
كل طلبه أبجفك ينطيها
.....................
يا سبط طه محمد ياأبن عقد الوله
يا أبو النفس الزكيه يالحسن باب الهلا
أبشاربك هاليله كلها العنده عله أو مشكله
ها ها
تتعايد كلها أبعيدك
أودكت بابك وتريدك
تنطيها أمراد أبئايدك
ها ها  ( داعيها )
يتنومس بسمك داعيها
.....................
خادم أهل البيت
الشاعر : أسماعيل الجوراني
الجمعه : 17/5/2019


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولود( للامام الحسن المجتبئ عليه السلام). للشاعر ناظم صالح طويش الاسدي

الكوثر بليلة سجود / الباري ذكرهه
تنشر بعطر الورود / عطر بعطرهه
الزهره بهديه النفس الزكيه
عطر بعطرهه الباري ذكرهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تبعث بشوك ومحبه للورد وأغصانه
كرم والجود بصفاته والعشك ميدانه
ساجد وراكع الخالق بالمهد عنوانه
رايته راية امامه بالنفس حيرانه
تحمل صفاته جوده بحياته
يرسم سهرهه. عطر بعطرهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رايه ترفع رايه وللمجد بانيهه
رتل الآيه بكتابه بالكلب قاريهه
سلم'الباري ولايه تنادي ياحاميهه
ذو الفقار ايبوس ايده بالحلم واليهه
صبره ومناله بطبعه وجماله
روحه وصبرهه. عطر بعطرهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
المهد هز الوجود باعظم دلاله
نور ه ساطع بالظلام كاتب رساله
الكمر يضوي الليالي ترتسم احواله
يشهد بضي النجوم والفجر هناله
تشعل شمعهه الزهره بطبعهه
بليل وفجرهه عطر بعطرهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تنزل بشوك المحبه والاحساس بكلبه
الهادي وبلهفه يضمه والحنين بحبه
صور بروحه الترافه والكريم بدربه
فنون بالسيف وقداسه ساجد لربه
باسه نبينه. بشوكه وحنينه
الكوثر نهرهه. عطر بعطرهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فتح جفين المشاعر بنظرته واكتاره
دارس فنون القياده للطفوله ازهاره
غارس بايده الحياة للامامه ابداره
ذايب بطبعه الشمع والصبر انهاره
الزهره بحضنهه نايم ابنهه
شاعل جمرهه. عطر بعطرهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
غافي وبنبضه حلم للعلم وبحوره
بمدرسة حيدر تعلم للجنان بصوره
راسم بفكره صبح بالنفس محفوره
تنشر الخير وسرور للخلك مسروره
حيدر يبارك الهادي يشارك
العتره وفخرهه عطر بعطرهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الشاعر ناظم صالح طويش الاسدي
العمل بالمنشور مبرئ للذمه بعد الموافقه مني

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات
لذكرى ولادة كريم أهل البيت الأمام الحسن المجتبى عليه السلام
................
الحسن يالمجتبى يامحور الأنوار
ياسبط النبي المصطفى المختار
نهني أبمولدك حيدر علي الكرار
ها ها ( أنهنيها )
والزهره أوياه أنهنيها
......................
يا ضنوة الزهره أو يا فخر عدنان
يا راعي الولاده أبنص شهر رمضان
من جفك أجينه أنريد كركيعان
ها ها  ( مد جفك )
ومراد أنطينه مد جفك
....................
سبط خير البريه الليله ميلاده
أو عالعاده نظل ما نكطع العاده
نجددله العهد كالعام وزياده
ها ها ( وفايه )
حد كطع المنحر وفايه
....................
مولانا الحسن يا والد الساده
تراها النصرتك هالرقب سداده
لبببببببيه الحسن هنياله من ناده
ها ها  ( راية مهدينه )
لو رفت راية مهدينه
......................
الحسن يبن الزجيه أوعلي مولانه
أبميلادك حلت هاليله دنيانه
أوعاين عالوجوه أشلون ريانه
ها ها  ( أبمولاها )
وتباهي الكون أبمولاها
....................
خادم أهل البيت
الشاعر : أسماعيل الجوراني
السبت : 18/5/2019


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات بحق الامام الحسن //ع//


بميلاد الحسن فرحانه انس وجان
تهني المرتضى وجده النبي العدنان
ضوّه الكون كله ١٥ رمضان

والكون منور بنواره
÷÷÷÷÷÷÷÷÷÷÷÷÷÷÷÷÷÷÷÷
يلرايد تعرفه وتعرف افعاله
اله ديوان عامر تشهد ادلاله
ابو محمد كريم وماكو امثاله

ويفيظ الخير من اجفوفه
÷÷÷÷÷÷÷÷÷÷÷÷÷÷÷÷÷÷÷÷÷÷÷
حاتم شنهي حاتم والفخر والزود
بديوان الحسن تلكه الكرم موجود
روح اسأل عليه وتعرف المقصود

وتسولف كلهه ابديوانه
÷÷÷÷÷÷÷÷÷÷÷÷÷÷÷÷÷÷÷÷÷÷
✍الشاعر رعد الجريخي


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مـولـد سـبـط يـاسيـن مـولـد حـسنّـه
هل وأنـتشـر بـالكـون لجلـه أنـجمعنـه
ــــ ــــ ــــ ــــ ــــ ــــ ــــ ــــ ــــ ــــ

بــ 15 رمـضــان فـرحـــه وأمـانـــي
مـولـد شـبل ضـرغـام فـقـه ومـعـانـي
لـطـه وعـلـي الـكـرار زفّـو الـتـهـانـي
لـجـل الـسبـط هـلّيـوم سايـل دمـعـنـه

ــــ ــــ ــــ ــــ ــــ ــــ ــــ ــــ ــــ ــــ

هـذا الـسـراط الـبيـه جـنّـه وسـلامــه
يـتبـاهـه بـيـه الـكـون حـتـى الإمـامـه
يـوم الـهـتـف يـاسـيـن واضـح كـلامـه
گـال الـحسـن إمـام نـهجـه أنـتـهجـنـه

ــــ ــــ ــــ ــــ ــــ ــــ ــــ ــــ ــــ ــــ

عـدل وكـرم وأحـسـان هـايـه صـفـاتـه
والـعصّمـه ربـه أنـطـاه حـلمـه وأنـاتـه
وأللـي نكـر هـاللـيـث شـلّـه بـصـلاتـه
يـوم الـحشـر والـضـيـج يـتـبـرّه مـنّـه

ــــ ــــ ــــ ــــ ــــ ــــ ــــ ــــ ــــ ــــ

حـبـك طـبـع بـالـروح يـا سـلـوة الـروح
عـنـي تـزيـل أهـمـوم تـتـنـاثـر أتـروح
حمـل الـمحـب ويّـاك ما يـبقـه مـطروح
بحر الـشفـاعـه هنـاك منّـه أغـتـرفـنـه

ــــ ــــ ــــ ــــ ــــ ــــ ــــ ــــ ــــ ــــ

شُـبّـر نـزل جـبريل بـيـه بـشّـر الـديـن
أسـمك حـسن للـنـاس رددّهـه يـاسـيـن
يبن الـكـرم والـطيـب يـبـن الـميـامـيـن
بـسمـك عـلى الـظـلام رفـرف عـلمـّنـه

ــــ ــــ ــــ ــــ ــــ ــــ ــــ ــــ ــــ ــــ

شـيعـة علي الـكـرار عـلـّگـت شـمعهـه
فـرحـانــه بـالـمـيـلاد هـلـّت دمـعـهــه
تـاج الـشهـامـه الـيـوم هـو الـجـمعـّنـه
سـبـط الـنبـي الـمختـار لـجلـه كـتبّـنـه

ــــ ــــ ــــ ــــ ــــ ــــ ــــ ــــ ــــ ـــ

يـوم الـقيـامـه تـصيـر يـذنـوبك أجـبـال
لا تــنـفـــع الأولاد لا يـنـفــع الـمــال
حـب الحسـن موصوف بس تـنخـه بالحال
يـحـضـر يـزيـل الـنـار لـن حُـبّـه جـنّـه

ــــ ــــ ــــ ــــ ــــ ــــ ــــ ــــ ــــ ـــ ـــ
الـشـاعـر
سـيــد عــلاء الـحـيّــدري



الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

في مولد الحسن المجتبى عليه السلام :


يا حُور بخرُوا الحسَن عنِّ الحسَد
يا حُور ويْ فاطمه هِزَّوا المَهَد
يا حُور للزهره هذا أوَّل ولَد
ــــــــــــــــ
يا حُور خل امِّ الحسن هالليله تتهنَّه
نِثْرَوْا اِمْلَبَّس عالأرض من لؤلؤ الجنَّه
ما چنَّه من صِنْف البَشَر لا والله ماچنَّه
كل الجمال اليُوسفي يطلَع جزُء مِنّه

شوفوه ما مثله مخلوق انِخِلقْ
شوفوه و اتْعَـوِذوا اِبربِّ الفَلقْ
شوفوه مثل الحسَن ما صار أبد

ــــــــــ

يا حُور مِدُّوا السُفْره بِـسْم المُجتبه او آله
اْو خلَّو مُضيفه عامِـر اِبْگَهْـوِته و اِدْلاله
اِسماطين دجله و الفرات الباري سوَّاله
محروم كلمن ما إجه الليله اْو تعنَّاله

خسران الْما حِضَر حفْل المُجتبه
خسران الما فِرَح ويْ أهل العَبَه
خسران للحسَن كلمن ما گِصَدْ

ــــــــــــــــ

هالليله بسْم المُجتبه الأصوات تتعَلَّه
امْن البصره رايد للمدينه الصرخه توصَلَّه
والرايد أقراله شعِر و أبيات عن فضله
خلَّه يأشِّر بيده و ايگِلِّي : أعِـد مُلَّا

ممنون للصُبح هالليله الحفِل
ممنون خادم أصير اْو أمتثِل
ممنون ويَّاكم آنه اعْله العهَد

ــــــــــ


أكبر جريمه انقارِن المُجتبه ويْ حاتِم
اْو حاتِم فـُـتات الخُبزه من سُفرة بني هاشِم
هذا الذي جبريل چان ابمنزله خادِم
إِبْـنُ عَـلِيِّ المُرتضى لا تْقيسه بالوادِم

ميْصير اتقيس الحسَن ويَّه البَشَر
ميْصير اتخلّي الفَحَم يمِّ الدُرَرَ
ميْصير بالمُجتبه اِتقارِن أحَد !

ــــــــــــــ

الفردوس متزَيْنه غِدَت بالسُنْدِس الأخضَر
و السِّمَه السبَّعه اتبخِّرَت بالعُود و العنبَرْ
جبريل نازل و البشاره للنّبي اْو حيدَرْ
هالأمر من ربِّ السِّمه سَمُّو الوَلد شُبَّرْ

مبروك يا با الحسن صَار الحسَن
مبروك ما مثله واحد بالزَّمَن
مبروك هالشِبِل من ذاك الأسد

ــــــــــــــــــــ

من خير أبو اِمحمَّد نظل ناخذ ولا نقـنَـع
خل نعكِس الأدوار حتَّه الأجر يِتوزَّع
إنتو الرّواديد اْو أنا الجمهور و أرْد أسمع
صرختكم الّلي للحَسَن من الگلب تِطلع :

ماريد كلِ ساعه أحشِّمكم أظَل
ماريد وحدي أعيد المُستَهل
ماريد واحد يظل ساكِت بعَد

ـــــــــــــــــــــ
ميرزا عادل أشكناني
قم المقدّسة
14 / شهر رمضان المبارك / 1349
30 / 5 / 2019 م



الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابو ذيات لمولد الأمام الحسن المجتبى عليه السلام


محاسن وجهه من يوصل .. حسنها
انوار الشمس من نوره .. حسّنها
الشيعه الليلة ميلاده .. حسنها
امن الله اعله الأرض نازل هديه ...


شهر رمضان ميلاد ال .. حسن بي
الكواكب ازهرن لمن ... حسن بي
يوسف مو مثل وجهه .. حسن بي
ولا مر ابجماله اعله الوطيه ..


اجروح الگلب متهمني .. والفطور
واغنيله ابالف صوره .. والف طور
صمت عن الفرح عمري .. والفطور
ميلاد الحسن من مر عليه....



اعله بدر السمه يضوي الليل .. من شار
مهو نور الحسن علكون .. منشار
اعيذن وجهه بالجبار .. من شر
الحسد . والما ذكر طه نبيه

الفرح مر ابصديجي .. وآه إليه
وگلتله الفرح بين ... ويهه إليه
اصبر خل اطشن ... واهليه
مهو عيد الحسن هاي المسيه



ابو فاطمة الطائي

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

انهني ابو السبطين والزهره البتول
اليوم مولود الحسن ابن الفحول
*******
ياكريم البيـت هـاي فرحتـي
اليوم بالمولد اهنـي شيعتـي
ياشفيع النـار انـت بامتـي
رايد افراحي من عندك قبـول
***********
الزهره فرحانه اليوم لمولـدك
والرسول وشيعتك او والـدك
استمع للصوت مـن الوالتـك
نفرح بهاليوم ونـردد نكـول
********
اليوم من نفـرح نهنـي عترتـك
ياكريم البيت احنـه بصايتـك
منك أتريـد الاجـرمن نادتك
تخفف الامي من كثر الحمـول
********
هل الفـرح الكـم نعلـنه سيـدي
بأسم رب الكون احنه نبتـدي
احنه كلنه وياك ضـد المعتـدي
ياابن حيدر ياشبـل الشبـول
*********
يبن داحي الباب هاي منيتـي
تتجتمع اخوان شيعه وسنتـي
الامن رايد نشوفه بديرتـي
علينه الارهاب مايكدر يصـول
*********
سيدي بجاهـك ايعـم الامـن
ياكريم البيت مولانه الحسـن
ابلادي تتحرر من هاي المحن
العدل بينه يصير وبيه حلول
******
بدينك هواي كامت التختفـي
طول لحيته وصاير سلفـي
ضنه باأسم الدين يسلـب شرفـي
لاشرف لادين لاعدهم عقـول
*********
خادم اهل البيت
الحاج ابو علي السعيدي


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات الى الامام الحسن ع
***************
وعلي الحسنه وجماله ما وصل يوسف
واسمه لو ذكرته ايكوم كلبي ايرف
سولف يا كمر عن الحسن سولف
وتغار العين امن ارموشه
****************
الحسن روحي وضميري وشمعتي بدنياي
وياما صاعد اويالنفس ياما جاي
الما غارك بحبه لا يهوس وياي
ويستاهل والله الهلهوله
******************
اجيتك اخذ امراد اليوم من عنده
وجايب ورده لليستاهل الورده
هليله النوارس بالسمه معيده
ويا محله الهوسه امن اقراها
********************
غالي الحسن عندي واغله من غالي
وضل بسمه يدك كل ساع دلالي
ولحضه صورته متغيب عن بالي
وفرحان اليوم بميلاده
*********************
تمت
تحسين الخفاجي


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اليـــــله الكمر يكمل شــع نوره وتجــمل
١٥رمضــــــان ١٥ رمضــــــان
ــــــــــــــــــــــ ❁ ❁ ❁ ــــــــــــــــــــــ
شـعت انـوار الضـلامه تبـتدي اليــــله الامـامه
مــــن علي الكـرار مــــن علي الكـرار

فرحــت اليـلـه المـلائك نزلــت الـطـها تـبـــارك
هـنت المخـــــتار هـنت المخـــــــتار

نــثــرت اورود التهاني تحـقـقــت كـل الاماني
الحســــــن مــن صار الحســـــــن من صار

النجـــم هليــله ينغر والفـــرح هاليــله يكثر
١٥ رمــــــــضان ١٥ رمــــــــضان
ــــــــــــــــــــــ ❁ ❁ ❁ ــــــــــــــــــــــ
كلـبي صـاير جن حمامه للحسـن يبعث سلامه
وي هـــوه الهــاب وي هـــــوه الهــــاب

روحي مثل الطير طارت بالبقـيع اليوم صارت
تبــــوس الاتـــراب تبـــــوس الاتــراب

انه عاشــك مو بديــه روحـي صارت موش اليـه
بيـــــد الاحبــــاب بيـــــد الاحبـــــاب

حــــب الحســـن بيـــه مــــثل الهــوه بريــــه
١٥ رمــــــــضان ١٥ رمــــــــضان
ــــــــــــــــــــــ ❁ ❁ ❁ ــــــــــــــــــــــ
الكــريم اليــــله بيـــن والــورد بيـــه يتـزيـن
مــــن العلي نـــــوره مـــن العلي نـــــوره

للكــرم نزلـــها ايـــه الحســن اجـمل روايه
وبالحَســــن ســـوره وبالحَســــن ســـوره

الكـمـر هليــله ينـغر مـن جماله الحسـن اكـثر
واحــــله كل صــــوره احــــله كل صـــوره

الله خـالق بـيه نوره صــوره احسـن الصوره
١٥ رمــــــــضان ١٥ رمــــــــضان
ــــــــــــــــــــــ ❁ ❁ ❁ ــــــــــــــــــــــ
اعظـم واجمــل هديــه جابــته الزهـره الزجيـه
فــاطـــمه امـــه فـــاطمــــه امــه

محــــير الكون بغرامه من الشجاعه والكرامه
محــــير الامـــه محـــــير الامــــه

الكرم بيـــه يتوصف وبالمعــــارف هوه اعرف
الجنــــــه تشـــــتمـه الجنـــــه تشـــتمـه

اسـمك محلـي الدهر مـولدك باعظم شهر
١٥ رمــــــــضان ١٥ رمــــــــضان
ــــــــــــــــــــــ ❁ ❁ ❁ ــــــــــــــــــــــ
انتــه ديــــوان الفراضــه وانته للحك انتفاضـه
واجــــب انحبـــك واجـــــب انحبــــك

انتــــه دستـور وعـداله الــخالفك ناله منـــاله
نمــــشي بدربــك نمـــــشي بدربـــــك

هاذه كل حجيي الحجيته قطره في حبـك لكيته
مـــنهو اليـــوصفك منــــهو اليـــــوصفك

لــو يوصـــــفك شــاعر يمـــــك يضـل حاير
١٥ رمــــــــضان ١٥ رمــــــــضان
ــــــــــــــــــــــ ❁ ❁ ❁ ــــــــــــــــــــــ
خادم الامام الحسن
(محمد رحيم المشعلاوي)


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابوذيات .. لولادت الامام الحسن المجتبى ع

يجن الكون استمع ليه يبشراه ..
خبر عندي وصل توه يابُشراه .. مفرح
اجه الكرار يم طه يبشراه
يگله وليد جابتلي الزچيه..

خذه جده وتبين عليه بسماه ..ابتسامه
وبقت نظرات عينه اتلوح بسماه
نزل جبريل مسرع ليه بسماه.. بالاسم
حسن سماه ربك .. يانبيه..

اليالي هالكمل توه حسنها
اجت بالخير والرحمه حسنها.. احسنها
الزچيه انولد هاليله حسنها
اجه من الله لعلي والها هديه..

الحسن مضلوم گالو لا ابد لا
الكرم والجود عنده لا ابد لا.... لانهايه
تراب انعال خدامه لا ابدله
بروس اكبار وشيوخ ال اميه

الشاعر عقيل الحسناوي..


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات
لذكرى ولادة السلطان
ضامن الجنه الأمام علي أبن موسى الرضا عليه السلام
.........................
المحمد وآل بيته أنزف البشاره
علي موسى أبن جعفر هلت أنواره
هلا أبضامن الجنه الطيبه أخباره
ها ها ( أمضويها )
بنواره الدنيا أمضويها
.....................
أجينه أنقيم محفل لبن داحي الباب
أبو محمد الطيب من نسل أطياب
أونزور الليله مشهد والدمع سجاب
ها ها  (أنخليها )
والحاجه أبابه أنخليها
....................
هلا أبعطر الغريب البرض خاراسان
علي موسى الرضا المعروف بالسلطان
طبيب العلل كلها أو للكرم عنوان
ها ها (أيكفينه )
من جوده انريده أيكفينه
..................
خادم أهل البيت
الشاعر : أسماعيل الجوراني
الثلاثاء : 9/7/2019

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات مولد الرضا (ع)
~.~.~.~.~.~.~.~.~.~.
بقعة مـــولدك منها يشعّ الـنــــور
و لسابع سمهنورك وصل مسرور
لا بل حته كَبرك ـــمو مثل الكَــبور
جـنّة ويـتــــــلاله ... بأـــــنواره
* * * *
يبو النفس الكريمة الماترد محتاج
يا ضي البكَه بدرب الامل وهّـاج
حبك يـالرضا بـــيوم القيامة التاج
وبالمحشر .... تاجك محلاته
* * * *
اليحب من البعد يشتاق للمحبوب
وتنزل دمعته شوكَـ بوكت الغروب
وكَلبي بحب ابو محمد يربّي يذوب
ودّيه .... يطوف بمحبوبه
* * *
تظل زيارتك سر وعجب بيها
تعادل للنبي زيارة وتساويها
يـهنياله اليحـصّلها ويــوافيها
والزاير ... كلها تناديله
* * خادم اهل البيت(ع) // حسام الناصري


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اهازيج لمولد الامام الرضا عليه السلام

هليوم مولد الرضا لا اله الا الله
والدنيا كلها معطره لا اله الا الله

بثامن اليمه ياهله لااله الا الله
نفرح اليوم بكربله
وبالبصره وجموع الفله
ونهني الزهره الطاهره

علقوا شموع لمولده الا اله الا الله
وباقة ورد الوالده
ايامه كلها خالده
بمولده الشيعه ساهره

سوا الفرح والزينه لااله الا الله
لمولد ابن هادينه
اسمه الرضا والينه
والدنيا بسمه منوره

وجه كمر وضاوي لااله الا الله
هلهلي يم علاوي
قلبي لامامي هاوي
سبحان ربي الصوره

ضامن الجنه الشيعته لااله الا الله
مولده الشيعه سوته
فرحانه الليله خيته
مبروك نكل الحيدره

والرضا حل ميلاده لا اله الا الله
نهني كل الساده
خل تندحر حساده
هذا امام البرره

ياطير وصل السلام لا اله الا الله
لامامي بن خير الانام
ياريت بجناح الحمام
اوصل بساع ازوره

-----تمت بعون الله -----
بقلم خادمة الزهراء منى البصراويه


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولود
لذكرى ولادة
شمس الشموس وأنيس النفوس
الأمام علي أبن موسى الرضا عليه السلام
.....................
من فضل رب الجلاله
هلا هلا يا جماله
ب 11 ذو القعده صار
محور الحب والعداله
....................
للرضا شمس الشموس
التأنس أبذكره النفوس
الليله نحيي هالطقوس
والمنى في أرض طوس

نبتهل لله تعاله
كلمن أيحصل مناله
ب 11 ذو القعده صار
محور الحب والعداله
..................
ثامن أنوار الهدايه
نوره شعشع عالبرايه
يامن أتحب الولايه
شارك أبهالفرحه هايه

قلبك أيحصل سؤاله
أجرك أيضيع أستحاله
ب 11 ذو القعده صار
محور الحب والعداله
..................
الضامن الجنه أو ضواها
صلو عالمبعوث طه
الواحده أبعشره جزاها
هالصلا الطيبه صداها

بالحشر خيط الدلاله
هالصلا صك الكفاله
ب 11 ذو القعده صار
محور الحب والعداله
....................
ثامن أنوار الأمامه
يبقه مبدء للسلامه
قمر هاليله أبتمامه
للعلم فارق علامه

هاشمي أبخلقه أوفعاله
أفنى عمره للرساله
ب 11 ذو القعده صار
محور الحب والعداله
...................
مشهد الليله بهيه
با لولاده الرضويه
واجب أنهني الزجيه
أو حيدره حامي الحميه

اليحتفل يهدي أحتفاله
لبو صالح ببتهاله
ب 11 ذو القعده صار
محور الحب والعداله
....................
خادم أهل البيت
الشاعر : أسماعيل الجوراني
الأحد : 14/7/2019


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات للرضا عليه السلام

ليلة فرحة ليلة نور هاي الليله محلاها
مولد ثامن اهل البيت بالافراح عشناها
مولانا الرضا المعصوم بالانوار ضوّاها
( والكون تنوّر بوجوده )
*

واجب نعلن الافراح ونقدم تهانينه
ميلاه الرضا بهاليوم تحقق امانينه
بدفتر خدمت المعصوم تتسجّل اسامينه
( نفرح والمهدي يحيينه )
*

بعد الكاظم عله الناس حُجة الخالق ختاره
بايعنه الرضا وللموت نبقه تباعه ونصاره
بس الباري وهل البيت محّد يعرف اسراره
( ما نترك حبّه ومنهاجه )

سيد زيد الفحام
_____________________

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات
لذكرى تزويج النور من النور


الملائك كلهه فرحت والنجوم شموع
وكتبوا علحزن هالليله ضل ممنوع
اسم حيدر وفاطم بالعرش مطبوع
تزويج الزهره من الوالي
ــــــــــــ
نزل جبريل من سابع سمه مسرور
كل للهادي اخبرك والوحي مأمور
ربك وصى زوج النور من النور
بس حيدر كفؤ المعصومه
ــــــــــــــ
نفرح كلنه حتماً والفرح مريود
ويوميه العشكَ لهل الكساء يزود
بالذر هل فرح رغم العده موجود
نورين انجمعوا هالليله
ــــــــــــــــــ
غير العالمة متصير للعاِلم
وبس نورك علي لُم الوفه ايوالم
وبساق العرش حيدر كفو الفاطم
والنور اتزوّج من نوره
ــــــــــــــــــــــ
الشاعر محمد حسن ضيغم


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مولود
لذكرى عيد الغدير الأغر وتنصيب أمير المؤمنين علي عليه السلام خليفه للمسلمين
......................
الواحد الفرد الصمد .. يبرالك
بيد الوحي جبريل .. لمن جالك
تاج الولايه يا علي .. ودالك

مية ألف عالخير .. يا هنيالك
مية ألف عالخير .. يا هنيالك
........................
جبريل خصك والحجي بالسان رحماني
أبجف الحبيب المصطفى جف يرتفع ثاني
لو غير جفك رشحت ينشل عسى ألساني
أنته الخليفه يا علي أبمرسوم رباني

قيمه أوحشيمه خالقك .. خلالك
يالبلحرب كلها تخاف .. أخيالك
أوروس الخصم بالغانمه .. منوالك

مية ألف عالخير ..  يا هنيالك
مية ألف عالخير  .. يا هنيالك
........................
مرسوم رباني صدر يوم الغديريه
يابو الزجيه فاطمه الراضيه المرضيه
نصب علي المرتضى أبحكام شرعيه
من كنت مولاهو العلي لا يخلف النيه

بالخيمه كاعد والنبي .. يقرالك
حق الخلافه ترجمه .. بفعالك
فوك الحصيره خالتنام .. أعيالك

مية ألف عالخير  .. يا هنيالك
مية ألف عالخير  .. يا هنيالك
.........................
المشهود ألهم بالجرم نعرف هويتهم
غصبو حقوقك يا علي أو خانو عقيدتهم
يوم الغدير البخ بخو عقدو سقيفتهم
حيدره ميصير الوصي خلوها نيتهم

فدوه يروحون الشسع .. أنعالك
نادرآ مايوجد شخص  .. بمثالك
ولهذا ربك هالقدر .. خصالك

مية ألف عالخير  .. يا هنيالك
مية ألف عالخير  .. يا هنيالك
......................
أيتام بالكوفه أشكثر محرومه جوعانه
أومن جفك الينكط عشك مهجتها شبعانه
حته الفقير أدلله شنهو أنته مولانه
قيراط عدلك ما غلط فد يوم ميزانه

الجاع والسائل شبع .. بسلالك
أيتام وتنام أبئمان .. أبجالك
اليعلم الله يا علي .. بحوالك

مية ألف عالخير  .. يا هنيالك
مية ألف عالخير  .. يا هنيالك
.......................
ياصافي نيه ياعلي لصنام ما ساجد
أعقولهم خزرف خزف عقلك فقط راشد
أمراية محمد بالخلق وبهيبة الساعد
فقارك أبسوح الحرب بالنصر متواعد

أبعيد الغدير أعوايدي .. تبقالك
أصدح وصفك بالفرح .. لجلالك
طاعه أو محبه وقهر .. أبعذالك

مية ألف عالخير  .. يا هنيالك
مية ألف عالخير  .. يا هنيالك
.....................
خادم أهل البيت
الشاعر : أسماعيل الجوراني
الأربعاء : 14/8/2019

الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆👆

كروب قصائد والحان منبريه اشترك 👇👇👇
https://t.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747