💫ابــوذيــات💫
مولد الامام الحُسين (عليه السلام)

💫💫💫💫

سوالف عــن كراماته سلفنه
و ورث حــبه ورثنه احنه سلفنه
احــتفلنه الليله ومعيّد سلفنه
بولادة ثاني نـــور من الزجيه

💐💐💐💐💐💐

سـؤالي ابابه هل ادخل واذن بي
واذان اسمه صفه بگلبي وأذن بي
تطيح بـدربه سيئاتي وذنبي
بحبه مايظل كــل ذنب بيه

💐💐💐💐💐💐

الكرم بسمه تسجل واسمه لحسين
عسل بلساني احسه واسمه لحسين
سكن دلالي واحد واسمه لحسين
وبعد مــاغــيـره احـبّن للـمنيه

💐💐💐💐💐💐

انخه حسين غيره انه مناخي
وتعلمت العشك منه من اخيه
الكمر والرايه والجربه مناخي
وعليّ يمطر وفه بحب الزجيه

💐💐💐💐💐💐

علي حسين المنصوري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد السجاد ع



علي السجاد مـيلاده ** الف مبروك يالساده
ها / مـبارك والله مــبارك
       نور وطالع من النور

----------

الچفافي الخضر من هاشم ..رحت فدوه الچفافيهم
دگ مــــيدانهـم هــوســات .. يـــم احــسيـن واليهم
يهــنــونـــه بعلــي الـــسجاد .. واهـــوه هــم يهنيهم
 
حلوه الساده لمتهم ** وحلو رباط هوستهم
ها / المايفرح لحســين الليله
       ما محسوب امن الخدام
----------

حي الله الحچي المملوح .. وحي الله اليگولونه
يا انـــسان غـــير حســين .. يستـــاهل اتهنــونه
المايفـــرح لبــو السجاد .. عمه اليعميهن اعيونه
 
تره ابميلاد المهيل ** يفرح وين المعدل
ها / الساده اتگــل للساده
حلوه الهوسه اويه العوام
-----------

ابـــاب حســين والمــيدان .. بجويــريد رد صـــيفه
گال احســين اجه العـباس .. خلـو الـــسالفه بكـيفه
خيهـــوس اخـــــو زيـــنب .. بـــس يــهوس بسيفه
 
شوف اشسولف العباس ** وگال اشهود هاي الناس
ها / اچفوفي وذني اعيوني
       فدوه يــروحن للسجاد
----------

ربنه اوهــوه مـــن عرش .. زف لحـســين البشاره
علي خطار اجه امن الله .. وقيس اشلونه خطاره
شكد ماداره فايـض نــور .. زاد الـنـــور الـــبــداره
 
ومن داره الشمس غارت ** وهذي الگبل ماصارت
ها / الشمس التضوي الدنيه
     لنها اتجدي اباب احسين
--------

امتــــداد الآل بالـســـجاد .. مبارك يابني هاشم
انربط سباح داحي الـباب .. باخـر ورگه بالقائم
امبارك من گلب والــسان .. الكم صاحت الوادم
 
وين الي يريد امراد ** يحظر مولد السجاد
ها / الشغـــله المامــحلوله
      گول انحلت هذا اليوم
----------
حيدر تركي الكربلائي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ياشــــــــــهر شعـــــبان بيك افراحنه
وماتضــــــــــل تنزف تطيب اجراحنه

ــــــــــــــــــــــــــــــــــــــــــــــــــــــــــــ

بيك ياشعــــــــبان كفــــــــينه الونين
انولد نــــــور الباري ابو اليمه الحنين
وعايشين عله الله احنه وعل حسين

حسين مصـــــــباح الهدى ومصباحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

بيك راعي الغـــــــــيره والحب ينولد
بركعة حسنه امــــــــــه خافن ينحسد
من حمار خــــــــدوده يخجل كل ورد

واحنه سهم امحــــــــــبته هم لاحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

بمولد السجاد خــــــــــل نشغل شمع
وعله الحب ابمــــــــــولده خل نجتمع
نور وجها علــــــــــينه بالضلمه يشع

وحـــــب علي السجاد صار اسلاحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

وعلي الاكبر شــــــــع ضواه من السمه
وبيه فرحــــــــانه الــــــــزجيه فاطمه
وهــــــــوس بجفــــــيته حماي الحمه

وبالفرح هــــــــل يوم عالي اصياحنه
وماتضــــــــــل تنزف تطيب اجراحنه

ــــــــــــــــــــــــــــــــــــــــــــــــــــــــــــ
وبعد أجـــــــــمل فرحه ينطرها عمر
ولها صــــــــــار اسنـــين احنه ننتضر
جيت المــــــــهدي البديه يصفه الأمر

واحنه لجل اعيونه نفــــــدي ارواحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

حسين عبد الزهرة الدراجي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

💐هوسات بحق قمر العشيره💐


شـافـه وبـتـهـج مسرور حيـدر قـبّـلـه وشاله
وگـالـلـهـه يـزيـنـب هـاذ كـفـيلـچ بـيّـن اهلاله
ابزغره ايناغي الحوراء ابعينه انرسمت وباله

          (مــن ذاك الــيـوم ايــبـاريـهــه)

          *----------------------*-----------------*

هلا بعباس گـالـتـلـه الجيتك هـاي منتظـره
ادعي الباري ينطيني مـثلـك يالگمـر عَشـره
گامت بيـه تتفاخر وفـرحـت زيـنـب الحـره

          (فـرحّـه ابـسـاعـت مـيـلاده)

           *-----------------------*--------------*

شسولف والكلام اهواي وشحچي ابيوم ميلاده
احـزام الـحـسـن وحـسيـن هـذا الـفـرح الساده
گـالـلـهـم يـشـيـل الـراس حـيــدر بـشّــر اولاده

          (يستاهل بـوسـه اعـلـه اچـوفـه)

         *---------------------*---------------*

✍خادم العباس ع
الشاعر رعد الجريخي💐

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيده مولود للامام العباس {ع} ابو ادم الحلي

نَوَرِت بأنوارك ياباالفضل / نفرح إبميلادك ياباالفضل
ياعباس ياعباس ياعباس
$$$$$$$$$ــــــــــــــــــــــــــــ&&&&&&&
نَوِرَت دنيانه خبرجاهه عاجل
شع كـمـر بسمانه أسمه أبوفاضل
خبروها الزينب خبر ليها واصل
وخلها تفرح زينب اليوم أجاهه الكافل
المولدك منتظره ياباالفضل / أبجيتك منسره ياباالفضل
ياعباس ياعباس ياعباس
&&&&&&&&&ــــــــــــــ&&&&&&&&&

نفرح أبميلادك مولدك نحييله
لأُمك انهنيها والعلي أنهنيله
ولبوا ليمه الليله تهنئه أنوديله
أنكله راعي الرايه شرف ابهالليله
اليوم هذا عيده ياباالفضل /أنته أنته أعضيده ياباالفضل
ياعباس ياعباس ياعباس
&&&&&&-ــــــــــــــــــــــــــ&&&&&&&&
مو شمع هالليله جبنه بصوانينه
اشموع هاي اكلوبنه ابمولدك سوينه
مو ورد لا جوري سيدي خلينه
هاي هاي ارواحنه يالكمر طشينه
انته انته الغالي ياباالفضل / نعشكك للتالي ياباالفضل
ياعباس ياعباس ياعباس
&&&&&&&&ــــــــــــــــــــــ&&&&&&&&-
يالحملت الرايه وضلت أمعلايه
أجفوفك ألي طاحن ثـبـتـن هالرايه
ضلت الهالساعه عالوفاء اللآيه
العلكمي شاهدها لسه هـو ومايه
وجربتك تروينه ياباالفضل / أبغيرتك تزكينه يابا الفضل
ياعباس ياعباس ياعباس
&&&&&&&&ــــــــــــــــــــ&&&&&&&
مرقدك نزحفله أبشوك من نتعنه
ومن نطب الصحنك جـن دخلنه الجنه
نِشِم عطر الغيره والوفه أنـشِـمـَنَـه
ومن نجيك أبحاجه انت تكضيها ألنه
الفرج يـم أعتابك ياباالفضل /// الشده تكضي أبابك ياباالفضل
ياعباس ياعباس ياعباس

&&&---&&&&&&&&&&&&&&&&&&&&
خادم الحسين {ع} ابو ادم الحلي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ذكرى ميلاد سيدي ومولاي صاحب الزمان الإمام المهدي المنتظر عجّل الله تعالى فرجه الشريف

الهوسات

باچر مو بعيد وكلنا ننتظره

ترفع رايتك يا قائم العتره

والعدل الآلهي ينكتب نصره

تظهر والدنيا تصفيهه


بليلة مولدك كلمن حضر ضيفك

فرحلك يا إمام امن الله توظيفك

يا ويل النواصب غداً من سيفك

والشيعه بجاهك منصورة


بهاي اظروفنه وبمولدك ننخاك

شيعتنه وفرحنه وكل محب ناداك

يبن العسكري شيعة علي بحماك

وبزودك متطيح الراية



خادم الإمام الحسين عليه السلام
عمار هليل الواسطي
شعبان / ١٤٤٧ هجري
٢٠٢٦ ميلادي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

اجت نسمة عبير وصوت هلهوله
ومن كل الجهات الدنيا مذهوله
من ام البنين ابشاره للكرار
جابتلك كَمر عدنان كلوله
الشايل غيرة الله يهزه ياكاروك
لعيونه الكره الارضيه هزوله
المولود اليصير ايحضروله اكماط
بس عباس سيف ودرع حضروله
بحجر حيدر علي وجفوفه حيل ازغار
اعله كد جفوفه رايه زغيره سوّله
ردها وعالجبيره بحركه كَام يصيح
مثل الريشه تنشد بيد الفّحوله
وانطوني الرايه اكشخ بيها
**

احمد الخفاجي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مربع لولادة الامام للسجاد (ع)




يارابع قمر هل خامس بشعبان

١
يارابع قمر ياهله بهل رابع
يالكلك محمد بالشبه طالع
من انزلت انته ساجد وراكع
حي نورك العايش بينه بالوجدان
يارابع قمر هل خامس بشعبان

٢
يارابع قمر هليت بالاعياد
بشعبان المحبه اصبح الميلاد
عالدنيه يهل نورك علي السجاد
المايحضر الليله ويحتفل خسران
يارابع قمر هل خامس بشعبان

٣

يارابع قمر وين انته ساكن وين
بگلوب التحبك سيدي والعين
بالمحفل ندز تهنئه بأسم حسين
واندزها العلي والسيد الاكوان
يارابع قمر هل خامس بشعبان

٤

يارابع قمر والمحفل انعطره
اسمك من نذكره اسمك اشكبره
برقيه ندزها الفاطمه الزهره
خدم احنه خدم مو كان ياماكان
يارابع قمر هل خامس بشعبان

٥

يارابع قمر لمن نزل ساجد
محد مثله محد زاهد وعابد
الصحيفه اقراها روح وانته لو رايد
تلگاها درر من نفحة القرآن
قمريارابع هل خامس بشعبان

٦

محد بالعباده ياعلي مثلك
من تسجد الدنيه توگف ولجلك
ولو طالت السجده الدنيه تنزلك
تبوس ايدك ورجلك تطلب الغفران
يارابع قمر هل خامس بشعبان

٧

اختملك وحاير بيش اختمها
بيدك هالقصيده راح اسلمها
بميلادك الليله وانته قيمها
رغم بيها قصور وانه احس خجلان
يارابع قمر هل خامس بشعبان




لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

🌹قصائد شهر شعبان🌹
ولادة ابا الفضل العباس ع

البدر هالليله كامل
ولادة ابو فاضل
""""""""
رابع يوم من ايام شعبان
گلبي من مكانه طار فرحان
لان موعد حبيب الگلب قد حان
هله بمولد حبيبي گمر عدنان
خبر والخبر عاجل
""""""""
نزل اهلاً وحل سهلاً علينه
هله وكل الهله بالـجاي لينه
نحب عباس والله مو بدينه
حبيب الشيعة هو وعاشگينه
هذا اليوم حافل
""""""""
من برها وبحرها ومن جبلها
شكو بالدنيا بقعة منوره كلها
انوار الولادة شعت إلها
ضوّه الگمر عالدنيا واهلها
ضوه امن السمه نازل
""""""""
بميلاد الگمر كلشي حِلالي
حلوة الليله من احلى الليالي
من كل گلبي صحت بصوت عالي
هله ومية هله بجيتك يغالي
ارفعوها الهلاهل
""""""""
هاي الليله فرحتنه الچبيره
شرفنه الگمر بدر العشيره
حي الله خو زينب ابو الغيره
نُگر يا ناس عين اخته الاميره
يحي الله المراجل

انيس الخفاجي الكربلائي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ب ١٥ شعبان .. 🌷 .. قد كبّر الأذان
أشهدُ أن المهدي هل اهلاله
🌷🌷🌷🌷🌷🌷🌷🌷🌷🌷🌷🌷🌷
------------------/_///_/__//////////
؛١////🌷
كبّر اذان الفريضه ابهل مسيه
أنْولد صَاحب الدوله المهدويه
اليملي باجر هالأرض قِسطاً وعدلاَ
وبسمه تتباهه تضل كل البريه

نوره سطع … غطه الشمس  …غطه الشمس
هذا المسه …. احله امنمس…احله امنمس
هذا الخبر من كل كَـلبنه انذيعه

رغماً على الشيطان
قد كبر الأذان
اشهد ان المهدي هل اهلاله
__-------------------------
؛٢🌷🌷

ياسلام الله على المهدي ورسومه
أجمل أعياد السنه صارلنه يومه
الما يحب هاليوم مو منه نحسبه
أعلينه محسوب اليحب ساعة قدومه

وسط الگلب …اسمه انقش …اسمه انقش
ودربه ورد … كله انفرش ..كله انفرش
جا هو غير المهدي روح الشيعه

اعظم ولي وسلطان
قد كبر الأذان
اشهد ان المهدي هل اهلاله
__------------------------

؛٣🌷🌷🌷

اليوم بيبان الفرح مفتوحه كلهه
اترحب ابكل  محب للمهدي وصلهه
ألف هنياله الحضر هاي  المسيه
هالمسيه املاك ربنه تحسبلهه

كلمن حضر … هذا الحفل …هذا الحفل
نال الأجر … نال الفضل …نال الفضل
هاليوم من ربنه امر تشريعه

يا أيُها الإنسان
قد كبر الأذان
اشهد ان المهدي هل اهلاله
_--------------

؛٤🌷🌷🌷🌷

وينه اليشاركنه هالفرحه الجبيره
خل يجي ويجيب وياه العشيره
مولد المهدي فخر للشيعه كلهه
أي وحق كافل الحره الكله غيره

هذا الشهر …. اعظم شهر …اعظم شهر
صيته كبر … بالمنتظر …بالمنتظر
أجمل شهر محد يحب توديعه

اتحبه الإنس والجان
قد كبر الأذان
اشهد ان المهدي هل اهلاله
--------------🌷🌷🌷🌷🌷------------------

✍️🏻 كلمات موسى الخادم

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

﴿يازينب مبارك﴾


يازينـب مـبارك. ......صار الكمـرصار
والـيلـة نتــبارك ......صار الكـمرصار
_
الكـون بتشر. مـن الكمر 
       ضوءه المـدينه
أجـمل خـبر   هذا نتشر
        نـازل علــيـنه

يامـحله هل اليلـة.   شفنه الكمر نازل
بحظن الطهر شفنه.  شفنه البدر كامل



بالفرحه نتشارك.........وي بيت الاطهار
يازينـب مبــارك..........صار الكـمر صـار
__؟
نهني الولي.    .حيدر علي
   بـطور السعاده

ميت هلا.      نبارك إله. 
بهــاي الولاده


ياحـيــدر مـبـارك    والشيعه مسروره
أجمل كمر شافت.   يامحله هل صوره

يافرحت الديره..........حــيدر يكــرار
يازيــنب مـبارك.........صار الكـمر صار
__؟
بدر السمه.   بهذا المسه.  
      يـترك مجانه
وبكل خجل.  .حتماً نزل
      عايف سمانه

بدر السـمه نازل    بدرك علي ساطع
واليلـة ضاوينـه    وأجمـل بدر طالع


والفرحه يم دارك........دار الفــرح دار
يازيــنب مـبارك......... صار الكمر صار
____؟
  نشعل شمع    ننسه الدمع..
     نكتب عبارات
بهذء المهـد     أجمـل ولد
    صحنه صلوات

نكتب شـعر نكتب.   خل تسمع الناس
ونـادي هــل الـيلـة.   ياحيـوه عباس


حي الله حي الله........نور الكــمر  نار
يازينــب مــبارك..........صـار الكمر صار
__؟
الدنيـه زهـرت.    .حـور نثرت
     أجمـل ورد ياس

كلـها حجت.    .وتبـاركت
      يـاهــلا بعباس

والكمره هل اليل.   بيها الضوءه كامل
لا لا تظـل حاير.      جا غير أبو فاظـل


شعشع ضوء الغيره.......وبكل كتر سار
يازينــب مــبــارك.........صار الكمر صار

__؟
كلمات
الشاعر 
مرتضى مكطوف الموالي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات للأمام السجاد(ع)/////

يوم الخامس أبشعبان إجَه سَجادها ألعتره/يِحمِل هيبة الكرار يِحمِل ريحَة الزهره/جبنه ابمولده هاليوم وَرِد قداح
وأنُثرَه (وأنهني أحسين أبميلاده)

للكعبه علي السجاد لَمَن چان يِتعَنَه/مِن هَيبتَه هاي الناس كُلها تِنفرِج عَنَه/حتى البيت يِشتَم بِيه ريحَة حَيدَرَه مِنَه (مِن حيدر ماخذها الهَيبَه)

الشاعر ابو ادم الحلي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات لمولاي صاحب الزمان ع

حكمه وبيها معنى وبلاسماع ترن
ابـنادم مهما يـكبـر بالـعـمـر والسن
لمسقط راسه يبقى بكل زمان يحن
والغايب عنها الله يعينه



وگاع البيها مسقط فرحة الزهره
المثل النفس وسط الروح نعتبره
مـسـقط راسـنه چن صار سـامره
ودار المهدي نحن اعليها



نحـن عليها بس مـو مثل مـاهـوى
اذا مــره الـحـنـيـن يگـوم يـتلـوى
يگلب الـذكريات وحسرته سـلـوى
واليتغرب روحه ابداره



تـرد ان شاء الله وتبنيها ونزورك
ويجي يوم الملاگه ويبتدي دورك
وتشع الدار يبن العسكري بنورك
مشتاگه الدار تمر بيها



هـانـي نـاصـر السـعـيـدي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

🌺مبارك لكم🌹


ابـميـلاد مهـدينـه   انـقـدم تـهـانيـنـه

لـلـعـالـم بـأسـره   والكل بني الـزهـره

*----------------------*-------------------*

انـقـدم تهانينه وأنطش افـراحـنـه
ألليله مـولـود اليـداوي اجـراحـنـه
فـدوه لسـمـه الـسـاكـن بـأرواحـنه
خِـجـل مـن خـده عـطـر قـداحـنـه

محلاهه هاليله   خلينه ندعيله
ايعَجل بأمره

*---------------------*-----------------*

نتبادل افـراحه ومـسـره ابـعـيـده
والـمـحـب بسـمـه يـضـل تـرديـده
واجـب الــيـوم الـفــرح تـجـديـده
ابـمـولــده الـمـسـرور يـرفـع ايـده

هالفرحه والبهجه  ابمولده نرِجه
الخاتم العتره

*----------------------*-------------------*

تتكحل الـعـيـن وتـتـانـي اتشوفه
يـظـهـر ويـروي الـعـطش بچفوفه
يـدري بـگـلـوب الـتـحـب ملهوفه
حـنـت الـعـطـفـه وكـرم معروفـه

انسلم الرايه   وبشوفته الغايه
خدامه منتظره

*-----------------------*------------------*

الـعـاشـك  الولهان يـاهـو ايلومـه
هـذا مـهـديـنـه الـتـسـر اعـلـومـه
فـرحـتـه بـوجـه المحب مرسومـه
ربـي عــجـل طـلـعــتـه وبـيـومــه

ماينشبع منه   ابذكره محفلنه
اعمارنه العمره

*------------------------*--------------------*

خادم صاحب العصر والزمان عج
✍الشاعر رعد الجريخي💐

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

#نصف_شعبان



.                نصف شعبان هلت فـرحـة الساده
                 يـوسـف فـاطـمـه هالـيـوم ميلاده

                      *---------------*---------------*

                 يوسف فاطمة تـتـشـعـشـع انواره
                 يا اجـمـل هديـه واجـمـل ابـشـاره
                 خـاتـم لـلأئـمـه الــواحــد اخـتـاره
                 هاليـوم الـفـرح والـعـيـد لٱنـصـاره

                 عـنـوان الـجـمـال وهـيـبـة اجداده

                      *---------------*---------------*

                 اطـيـور الـسـعـد تـتـغـنـه فرحـانـه
                 وفـوّاح الـورد ويْـهـنـي بٱغـصـانـه
                 ومستحيه الشمس واليوم خجلانه
                 يـا نــور الـيـشـبـهـه نــور مــولانــه

                 مـصـبـاح و يـضـوّي انـواره وَقّـاده

                      *---------------*---------------*

                 اهلال وسـطـع والـدنـيـا ضَـوّاهـه
                 جـابـلـنـه السعـاده وهـاي محلاهه
                 نبارك للـزچـيـه ونـرجـس اويـاهـه
                 ولــ حـيـدر عـلـي الـكـرار ولـ طــه

                 مـسـرور الـمـوالـي وبـالـفـرح نـاده

                      *---------------*---------------*

                 مـسـحـور الـجـمـال ابعينه وبخده
                 سـبـحـان الإلـٰـه الـصـوّراه وَحــده
                 ثاني بالـشـبـه مـهـديـنـه مـاعـنـده
                 ومـحـتـار الشـعـر ما يوصل الحده

                 دايــم هـالـشـهـر يـاربـي بـٱعـيـاده

                      *---------------*---------------*

                 خليهه الــدمـوع ابـعـيـد خـلـيـهـه
                 واجـب هـالـولاده نـبـتـهـج بـيـهـه
                 وكـلـمـات الـعـشگ لازم نـعـلـيـهـه
                 مـتـنـوره السماء ابـنـور مـهـديـهـه

                 محروس بعلي من عـيـن حِـسّـاده

                      *---------------*---------------*

✍️خادم المهدي ع
الشاعر رعد الچريخي💐

https://t.me/joinchat/AAAAAEFVSMd2pvMFlLPXYg

ياهــلا ابمهدينه ـ هلا هلا
بمولده اتباهينه ـ هلا هلا

مله ادروب الشيعه ضيه وياحلاة اوصافه
العرش مبهور ابجـــــمال انواره الخطافه
كل ملك نازل ايســبح اجه البيته وضافه
ونزل جبــــــريل ايتبرك زار مهده وطافه

المنقذ امسمينه ـ هلا هلا
بمولده اتباهينه ـ هلا هلا
"""""""""""""""""""""""""""""""'''''''

حب عذب يمي لگيته ونبعه يجري بروحي
دوم اهيم بدفو احروفه ويهده ويخف نوحي
ينشرح صدري امن اذكره وتشفه كل اجروحي
والي صار وياي احسه لعشگ عابس يوحي

حلو البيني وبينه ـ هلا هلا
بمولده اتباهـينه ـ هلا هلا
"""""""""""""""""""""""""""""""""

ياهلا يهتف شعوري هلا فخر الساده
واذن بأسمه الضمير ومبتشر بعياده
يازبور آل الرســاله وقائد اعله القاده
نفحه من انفاس طه انتشرت ابميلاده

نعمه بي حسينيه ـ هلا هلا
بمولده اتباهـينه ـ هلا هلا
""""""""""""""""""""""""""""""""
للخلق مصيوغ جوهر من سنا الباري
رتلته آيات شوگي وقدمتله اشــعاري
اسمه عالحايط كتبته حرز داخل داري
ابد ماعندي بغلاته وشغل كل افكاري

ملك كلشي بينه ـ هلا هلا
بمولده اتباهـينه ـ هلا هلا

""""""""""""""""""""""""""""""""
انتظر كل جمعه اشوفه ابدربه دوم امتاني
مانسيته لحظه وحده وادري ماينساني
من زغر سني عرفته وعايش ابوجداني
وكلمة اللهم عجل ما متيها الساني

بواهس امتانينه ـ هلا هلا
 بمولده اتباهـينه ـ هلا هلا
""""""""""""""""""""""""""""""""

✍الخادم
كامل السعيدي

https://t.me/joinchat/AAAAAEFVSMd2pvMFlLPXYg

لولادة الامام المهدي عجل الله
فرجه الشريف فرحه شعبانيه

فرحه شَعبانَّية
ذكرى نعتز بيها
بكل فرح نحييها
فرحه شعبانية
★★★★★
السحرك الرَبَّاني
ونهجك القرآني
ماكو غيرك ثاني
نرتقب ونتاني
هله بهاي الجَيَّه   فرحه شعبانية
★★★★★
يلتزيل الحيره
ياجميل السيره
إلك يابوالغيره
تحتفل كل ديره
ياگمرنه وضَيَّه   فرحه شعبانيه
★★★★★
بمولدك مهدينه
بمولدك هنينه
كلمن يلاگينه 
وننتظر ضلينه
أنوارك القدسيه   فرحه شعبانيه
★★★★★
ندعي ربنا الدايم  
يحفظك يلقائم
من النوايب سالم
يااملنه الحاسم
ياوفه وحنيَّه  فرحه شعبانيه
★★★★★
يابو زود العالي
تضل انته الوالي
يا امامي الغالي
الأول انت وتالي
والهنه وطاريَّه   فرحه شعبانيه

الشاعر حسن لعيبي الحريشاوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

شعت أنوار السمه    بمهدينه  مهدينه
نبارك بهذا الفرح      لهادينه.  هادينه
لبو العتره.       لبو العتره
  🌸🌹🌸🌹🌸🌹🌸
نثر عالدنيا الوهج       اخر انوار الحجج
اليوم كل شيعي ابتهج   هاي الافراح
بنصف شعبان انولد     لفاطمه اخر ولد
بمولده الكون انسعد    هاي الافراح

نبارك بهذا الخبر    للزهره.  للزهره
مولده طر الكمر.    والكمره. والكمره
لبو العتره      لبو العتره
  🌸🌹🌸🌹🌸🌹🌸
لداره متعني الهوه    وباسه بعيونه الضوه
للجرح صار الدوه      بلسم جروح
نفس طه وهيبته       نفس اسمه وكنيته
هذا اخر عترته         بلسم جروح

بهذا ميلاده فرح.     جن طه.  جن طه
رايته الباري تره.        علاها.    علاها
لبو العتره.         لبو العتره
  🌸🌹🌸🌹🌸🌹🌸
الماي والريح اعتنه     عقد محفل  هالسنه
محفل بداره انبنه         والكمر صاح
من ضواه رايد اشع     بمولده أشعل شمع
اليوم نهجر اي دمع      والكمر صاح

لوجهي رايد من ضوه.     انواره.  انواره
اليوم متعني وكصدت.    لداره. الداره
لبو العتره.       لبو العتره
  🌸🌹🌸🌹🌸🌹🌸
الشمس جن غابت خجل     شهل خبر شنهو الحصل
النجم عنه من سأل          شنهو الاخبار
كلشي بالكون اجتمع        بهالخبر لمن سمع
بداره جم نجم الوكع        شنهو الاخبار

اليوم كل طير اعتنه.     بجنحانه   جنحانه
الأرض والسبعه صفت.  فرحانه. فرحانه
لبو العتره
  🌸🌹🌸🌹🌸🌹🌸
اليوم جبريل النزل.     ورد لدياره حمل
اليوم مولود الأمل        صاحب الثار
الزهره فرحت وي علي  فرح كل بيت النبي
فرح داره يمتلي.          صاحب الثار

فرحت العتره واجه      ميلاده. ميلاده
هذا ذخر لفاطمه.     وللساده.  للساده
لبو العتره
  🌸🌹🌸🌹🌸🌹🌸
الشاعر علي النائلي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

🌷يا مهدي🌷
مجموعة ابوذيات


هَـزّولــي ابـدعــا الــفــرج  ..  مـهـداي
وعمري وما مـلـكـتـه ألـك  .. مـهـداي
كل يوم واصيـح بـصـوت  .. مـهـداي

متى اتــكـحل عـيّـون الـرافـضـيـه

*----------------------*-------------------*

الشدد مــن دون شخصك.. من يحلهه
وسـمـانــه بـغـيـر نـــــورك.. من يحلهه
الـحـيـاة اتـصـيـر جــنــــه.. من يحلهه

الـفـرح. وبـطـلـعـتـك تـزهي الـوطـيــه

*----------------------*---------------------*

ديـانــه  الــمـا تــعـــرفــك مـه ..  ديانه
وَأنــه بـنــورك يـمـهـدي مهدي  ..  آنـه
مَـتـه تـصـيـح النواصب مهدي .. ايانه

ويـرد بـيـده كـسـر ضـلـع الـزجـيـه

*-----------------------*--------------------*

يـطـيـر الـسـعـد مـر بـيـنـه  .. فرحنه
ول أل  الــنــبــي  يـحـلـــه  ..  فرحنه
مشينـه بـدرب ابـو الـيـمـه  .. فرحنه

نـبـاركـلــه  الـولاده  الـمـهـدويــه

*------------------------*--------------------*

✍خادم الأمام المهدي عج
الشاعر رعد الجريخي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

شهر شعبان
ولادة الامام الحجة عج

يالعايش بدلالي
كل عام وانت الغالي
""""""""
يالماكو اغلى من غلاتك عندي
ويه الورد روحي لجنابك اهدي
بميلادك اتقبل محبتي وودي
كل يوم وانت بالگلب يا مهدي
يا فرحتي وامالي
""""""""
يا كعبة الحب جينه حته نطوفك
بحنية وبلهفة نرتل احروفك
عيدية حلوة ردنه من چفوفك
يالمهدي عيديتنا يوم نشوفك
ها يا گمرنه العالي
""""""""
كل عام منك الله لا يحرمنه
وبخيمتك يابو الحنان تلمنه
ندعي الله كون بجيتك يكرمنه
والجمعة هاي الجاية انت يمنه
كل جمعة تتراوالي
"""""""""
بس غالي واحد عدنه ومتانينه
عالموعد احنه لمولده اتعنينه
جينه نريد انگله يا غالينه
كل عام وانت بخير يا مهدينه
يالما تفارگ بالي
"""""""""
هالليله يابو صالح شمحلاها
بالفرحة والبهجة سوه عشناها
گد ما فرحنه ليلتك وياها
ليلة حبيب الگلب سميناها
بس انت بس تحلالي

انيس الخفاجي الكربلائي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هذا الفرح شعباني .. ياحجة الله
ولحن الوفه بوجداني .. ياحجة الله
فرحنه وتهنينه .. بسمك يمهدينه
ياحجة الله

❇❇❇

المايك ينهر الشوگ عطشانه الگلوب
تتروه بيك تريد وبحبك تذوب 
عطرك علينه يصير مساحة اذنوب
كل ظلمه بي تنزاح ويضوي الدروب 

من عطرك القرآني .. ياحجة الله

❇❇❇

ياحلم كل بستان متحضره الورود
تتمنه تحت اتراب جدمك يموعود
وانصارك بكل يوم يمك يبو الزود
سامره تشهد هاي متحزمه اجنود

تتحده كل سفياني .. ياحجة الله

❇❇❇

اهلالك يبو الثارات نتنظر كل يوم
اغيوم الفراگ اهواي مابينت انجوم
مثل الحمام ارواح يم بابك اتحوم
نتنتظره يوم العيد مو طوّل الصوم

يالغيبتك رمضاني .. ياحجة الله

❇❇❇

كاتب رسالة شوگ دمع اشتياقي
يالمنتظر وياك عالعهد باقي
كل جمعه بالندبات واثق وثاقي
قائدنه واحنه وياه المهدي عراقي

ومن جيشك الايماني .. ياحجة الله

❇❇❇

تحكم العالم هذ جيلاً بعد جيل 
يالمهدي الك خدام حته اهل الانجيل 
وشيعتك راية ثار من كربله تشيل 
مثل الخرابه تصير دولة اسرائيل 

بنظامك الانساني .. ياحجة الله

❇❇❇

علي حسين المنصوري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة