مولد فاطمة الزهراء ع🌹
علي ع يتحدث للنبي محمد ص عن رؤيته لفاطمة الزهراء قبل ولادتها في عالم الدنيا

حيــدر فرحان وينادي
شايفها هواي يالهادي
بعالم النور البي قدرها اشــــكبره
قبل الولاده اهناك شفت الزهره
ـ………………………………………

خل اوصف الشــفته الك يابوالمعالي
فرقد وحس اجمل بعد ضيها ويلالي
حبيــــــتها بكد حبي الك حبي المثالي
بميــــــلادها اويانه بدت تزهي اليالي

مســرور اهواي ياطه
حق بيها اليوم اتباهه
وداعت اعيــــــــونك يا نبي العتره
قبل الولاده اهناك شفت الزهره
ـ………………………………………

الله جعلها بوصـــــــــله للدنـيه كلها
وكل المناقب بالعرش صاغاهن الها
لا اســـيا ولا مريم الصــــــارت مثلها
كل الجنان اتســــجلت طابو باسمها

نزلها آيــات بكتــابه
وغطاها بنور جلبابه
السانه ايتوضه الراد اسمها ايذكره
قبل الولاده اهناك شفت الزهـــره
ـ………………………………………

عاده النسا للتنـــــــــولد ينطن هدايه
بس ابولادة بنتـــــك اختلفــــــت الآيه
جابت اوياها الكل مره احجاب وعبايه
بكلشي عظيمه فاطمه مـــــــن البدايه

جوهر عالگاع مـن تمشي
بيها الله اغناك عن كلشي
خـالقها الك اجمل ودق من بدره
قبل الولاده اهناك شفت الزهره
ـ………………………………………

بمولدها شهديها حرت جبتلها مهدي
هـيل وابد ماتنوصــــــف عالمها وردي
كل عشـگ لابد ينتهي بس بيها يبيدي
هنيـــــــالنه چي فاطمه عندك وعندي

رب الأفـــــلاك علاها
ابيتك مصباح خلاها
اجمل هــــديه لروحك المبتشره
قبل الولاده اهناك شفت الزهره
ـ………………………………………

ياطه شحجـــــــلك بعد بيها انته ادره
اليجهل قدرها ينجهل عند الله قدره
اتسبح املاك السـمه البنتك الزهره
كل الوجود الها انخلق بذن الله ومره

يرضه الله لراد يرضيها
اســــرار هواي منطيها
فضلها عن كل الوجــــــود بأسره
قبل الولاده اهناك شفت الزهره
ـ………………………………………

  ✍الخادم
كامل السعيدي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

صـارت و الشـفاعة صـــارت إوَيـاهـا
بحــيث الگــاع ما شَــالَت فَـرَح طـه

مدري منيـن جابَوا مهد للزهـــراء؟!
هوه الكــون كلــه و يزغَر إحــذاهـا

كاروك الزچـيّة إيصير قُطب الكـون
وتِهِزها البســملة مجــراها مُسراهـا

ما تِتعَب خديجــة الليل كِلّه اتنــام
لأن تــدري السِــمَه إتكفْلَت مناغاها

تنزل آســيا و ســهرانه طــول الليل
وتســتَأذِن و مريـــم يمهــا تلگــاها

وأم عيسى بيديها إتفَصّل إلها إثيـاب
وتْخيّـط ملابس .. بـس على أضـوَاها

يُصُفنَـنْ عالزچـية الوضع ما مألـوف
وضـع كلّـش خطير و أللـه يرعــاها

كلما تبتسـم تِنخِـلِق سَــبْع إجـــنان
تبچي ..[ النار مالِــك گـام عَــلاّهـا ]

المخلوقة الوحيدة إرضاها واجب دوم
قانـــون الســماء إرتبـــط برضــاها

قدوة إعلـه النساء و على إزلام الكون
و بــس اثنيــن بالترتيــب فوگـاهـا

أبوها أنــوب حيدر گبْل اسمها إيصير
و.شــكُو إبّالَـك إسم ينكِتِــب جَـوّاهـا

صارت وهدعـش معصوم منها يصـير
يهنيال الحَسَــن بالبيــت گضّـــاهـا

وهنيال الحُسيَـن إيشيله رحم النـور
الوحــيد إجدام إمّه إشكثُـر شـمّاهـا

يهنيـال الكســاء اللّـي تِغَطّـت بيْــه
إلـ من يُمرَض محمّـد بالعَجَل جَاهَـا

مهدي التقي
#مباركٌ_لَكُم_ولادة_النُور

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

أبوذيات بمناسبة ذكرى ولادة سيدي ومولاي أمير المؤمنين علي بن أبي طالب عليهما السلام.


بي تاه

بجنون الشوگ گلبي بعلي بي تاه

أحبه ودونه روحــي تصير بي تاه

رب العرش رافع صيت بيته

بولادة حيدره حامي الحميّه

****

مِن جاه

حب المرتضــى بالحـشــر مِن جاه

ينال الشيعي منه الصيت من جاه

علي من إنولــد بالخـــيــر مِن جاه

الكعبة وبت أسد طلگن سويّه

****

والاه

ترك گلبي الحزن والضيم والاه

بولادة حـــيــدر المعـبــود والاه

نبي الرحمــة يوالــي الذي والاه

ودخول الجنة حب حامي الحميّه

****

عاداه

غرامي بحيدر أصبح طــبع عاده

وگلبي اعله الجنون الشوگ عاداه

علــي وربــنـــا يعـادي الذي عاداه

المؤمن حب علي عنده هويه

****

خادم الإمام الحسين عليه السلام
عمار هليل الواسطي
رجب الأصب/ ١٤٤٧ هجري
كانون الأول/ ٢٠٢٥ ميلادي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ذكرى ولادة سيدي ومولاي أمير المؤمنين علي بن أبي طالب عليهما السلام

القصيدة الأولى ( نبض گلبي علي )


ألف عالخير ميلادك ..شوكه بعين حُسّادك

نبض گلبي علي ... ضوه دربي علي

حبيبي يا علي ... حبيبي يا علي
...................................................................................

علي ومن عالــم الأصلاب حبيتك

على الفطره السليمه والله واليتك

حبيبي يا علــي صــار الگلب بيتك

أنا العبد المـــوالي بصــوتي ناديتك

إجيت ومولدك بشرى ... أجدد سيدي الذكرى

أمل روحي علي ... دوه جروحي علي

حبيبي يا علي ... حبيبي يا علي
...................................................................................

بيت الله بوجــودك حقه ويفاخر

صرت قِبلة صلاة لكل نسل طاهر

علي وحبك فرض بالماضي والحاضر

صك الجنة منك يا علي صادر

يهنيال الربح حبك ... يهنيال المشه بدربك

أبو اليمه علي ... وفي الكلمه علي

حبيبي يا علي ... حبيبي يا علي
...................................................................................

طلگت بت أسد والكعبه وياهه

يوم الجابتك والذكرى محلاهه

يكفينا فخــر فرحـــت گلب طه

بچفك رايـــة الإســــلام خلاهه


ملائكة السمه بنورك ... بمهدك يا علي تزورك

ذخر عمري علي ... أصل جذري علي

حبيبي يا علي ... حبيبي يا علي
...................................................................................

أنا بغير حبك كلشي ما أسوه

سألوني يشاعر گلبك اشيهوه ؟

گلتلهم علي وغيره فلا أهوى

ما عندي عشگ لو هوّه لو هوّه


هويت أرباطعش آيه ... كلهم علي بالغايه

بعد طه النبي ... علي يظل مطلبي

حبيبي يا علي ... حبيبي يا علي
...................................................................................

كلمن عاهدك يا علي بالفطره

فرح يوم الولاده وجدد الذكرى

للشيعه النصر والناس منتظره

مهدينه بفقارك ينكتب نصره

يجينه بيوم المبارك ... رافع بيده فقارك

ينادي يا علي ... فؤادي يا علي

حبيبي يا علي ... حبيبي يا علي
...................................................................................

خادم الإمام الحسين عليه السلام
عمار هليل الواسطي

رجب الأصب/ ١٤٤٧ هجري
كانون الأول/ ٢٠٢٥ ميلادي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد امير المؤمنين علي (عليه السلام)

علي علي     الليله ميلاده
علي علي     هــلّت اعياده
علي علي    علي علي
ــــــــــــــــــــــــــــــــــــــــــــــــــــــــــ
الليله بيت الله فتح جدرانه
وبأمر رب العرش ســــبحانه
استقبل وضيّف علي مولانه

علي علي    امن العلي صيته
علي علي     وبوسط بيته
علي علي    ينولد راده
علي علي    علي علي
ــــــــــــــــــــــــــــــــــــــــــــــــــــــــــ
حب علي جامعنه هاي اللـيله
واجب اجمل محفل انسويله
واحلا باقات الــورد نـــهديله

علي علي    بهالحفل جينه
علي علي    واجب اعلينه
علي علي    نردد انشاده
علي علي    علي علي
ــــــــــــــــــــــــــــــــــــــــــــــــــــــــــ
الليله مسروره السمه ودنيـــانه
بمولدك يا بو الحسن فرحــــانه
وفرحة املاك وُرسل ويّـــــــانه

علي علي   ياحلات اسمه
علي علي   بالعرش رسمه
علي علي   هوه وولاده
علي علي   علي علي
ــــــــــــــــــــــــــــــــــــــــــــــــــــــــــ
نصّبه الباري ولي وخـــتاره
معجزه وبس الله يدري اسراره
شعّت وبزغت علينه انواره

علي علي   بزعت انواره
علي علي   شاعت اخباره
علي علي   اتعالت امجاده
علي علي    علي علي
ــــــــــــــــــــــــــــــــــــــــــــــــــــــــــ
هذا ابو الحمله علينه والينه
بالشدد يحضرنه ويحامــينه
من جهنم باجر ينـــــــجّينه

علي علي   بيه تمسكنه
علي علي   هوه ينقذنه
علي علي   والگلب ناده
علي علي    علي علي

ــــــــــــــــــــــــــــــــــــــــــــــــــ
علي كاظم المنصوري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مبروك يا شيعة علــــي بولادة الكــــرار
بميلاده خل ننثر ورد والطيب والأزهـار
مبروك مبروك مبروك يا حيدر(2)
......................................
مبروك يا شيعة علي بهـــاي الولادة
يلحبه ينجي بالحشر واعظم عبــــاده
الوالاه نال امن العلي كـــل السعــاده
بس الك تحلــه ياعلي والله السيــــاده
للنبي انبارك يا هلي بمولد ابو الاقمـــار
بميلاده خل ننثر ورد والطيب والأزهار
مبروك مبروك مبروك يا حيدر(2)
...........................................
الكعبة حايطهه انفطر يوم السمع بيك
الباري حبَّك يا علي غايته يرضيـك
شما تطلب وتسأل اله وتريد ينطيـــك
امن النار تنقذ شيعتك وكلمن يواليــك
اليبغضك مثوى اله يصبح لهيب النــار
بميلاده خل ننثر ورد والطيب والأزهار
مبروك مبروك مبروك يا حيدر(2)
.........................................
يوم الغدير المصطفى من نصبه وخلاه
من كال والي يالعلي اللهي مــــن والاه
وعادي يربي كل شخص يكره اله وعاداه
نبقى نوالي المرتضى وارواحنه تفــداه
انوالي حيدر كل وكت رغما" عن الاخطار
بميلاده خل ننثر ورد والطيب والأزهـار
مبروك مبروك مبروك يا حيدر(2)
...............
الرايه سلمهه الك الهادي ابخيبر
من خاف غيرك يالولي وصار يتعذر
ناده الزلم صيحو علي و بيك بس يفخر
باب الحصن لمن شلعته وكبر العسكر
الرايه بس تحله الك والدرع والفقار
بميلاده خل ننثر ورد والطيب والأزهـار
مبروك مبروك مبروك يا حيدر(2)
..........
بالسمه ربك زوجك من فاطمة الزهره
الاملاك فرحانه الك وبالخير مبتشره
كلب الموالي منشرح بمولد ابو العتره
الوالاك لازم يحمده للباري ويشكره
يفوز دنيا واخره الواله اخو المختار
بميلاده خل ننثر ورد والطيب والأزهـار
مبروك مبروك مبروك يا حيدر(2)


خادم اهل البيت
رائد العامري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

لذكرى ولادة امير المؤمنين علي عليه السلام

إلي يحبك ياعلي   صك جنته مختوم
عنه رضا رب السمه  وثلطعش معصوم
وإلي يحب النبي
يتبع ولاية علي   وثلطعش معصوم
★★★★★
الايمان حبك ياعلي  عنه الرسول يگول
ياباب علم المصطفى   غيرك فلامقبول
خير البشر گال النبي  وإلي كفر مذلول
اوصافك اتعَّب القلم  وعنها الكلام يطول
وإليً يحب فاطمه  يتبَّع حامي الحمه
وثلطعش معصوم
★★★★★
واليحب مولانا الحسن  وحسين والعباس
وزينب الحره الطاهره  لحد آخر الانفاس
ابنهج حيدر يقتدي     مرفوع دوم  الراس
المشى بدرب المرتضى  ميهمه وين الناس
واليحب ثاني علي   يعشگ امامه الوصي
وثلطعش معصوم
★★★★★
والنِصَر باقر كل علم   دوم ويوالي ابنه
وبكاظم  الغيظ التزم       مايبتعد عنه
والي توسل بالرضا  ماخاب أبد ظنه
يصبح قريب الخالقه   واقرب من الجنه
وحب الجواد أسَّرَه  ذاب بعشگ حيدره
وثلطعش معصوم
★★★★★
اليتمسك بآخر علي والعسكري بعده
وسار بدربهم للابد  كل ريح متردًه
يعشگ ويترجى علي  حلَّال كل شده
ميهمه اليوالي علي  كل الخلگ ضده
الينصرامام العصر  للمرتضى ينتصر
وثلطعش معصوم

الشاعر حسن لعيبي الحريشاوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

حبك ملك وجداني......علي ياعلي
اجمل  ذكر  بلساني......علي ياعلي

ياعلي     يا علي   ياعلي
***
ب 13 صار   الحدث  اجمل  ولاده
والكعبه صارتلك مهد شفنه السعاده
انت علي ومن العلي هاي الأراده
دستور  ربك واضح ابيت العباده

وي دمي وبشرياني......علي ياعلي
اجمل ذكر بلساني......علي ياعلي
**
من  الله  حيدر بالگلب  حب الصميده
وبلا علي اشلون  ابتدي أصل العقيده
عشگي وغرامي ياعلي ابدي القصيده
من زغري گتلهم علي حبي ألاريده

ابدي  ابعلي قرآني .....علي ياعلي
اجمل ذكر بلساني........علي ياعلي
***
اشهك علي  ابنفاسي انت وگلبي  ردد
والكعبه هم تنده علي بس ابعلي اشهد
والنبي من حب  الوصي يفرح محمد
اول علي ويبقى علي بالمرتبه اوحد

من وجهك النوراني......علي ياعلي اجمل ذكر بلساني......علي ياعلي
***
الله  امحبتك  ياعلي  خالقلك  أسرار
والسر محمد وضح بكل هاي الأفكار
اعرف صرت باچر قسيم الجنه والنار
بالمحشر انشوفك علي ياحامي الجار

صار العشك ايماني.......علي ياعلي
اجمل ذكر بلساني......علي ياعلي
***
عنواني يبقى الحيدري اعلى المراتب
واتفاخر ابسمك  علي  احلى  المناقب
اكتب علي هوه العشك بحر المواهب
نادي  عليا  كل  وكت  مظهر عجائب

اكتب علي عنواني.....علي ياعلي
اجمل ذكر بلساني......علي ياعلي
***
تمت بعون الله تعالى الشاعر_يوسف_الفتلاوي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

شعبانیه




صلوات صلوات شعبان هل بنوره


١
شهر المحبه وياهله بهل جيه
يحمل ولادات بشرف قدسيه
كل الخدم من حضرت بيا نيه
عرفت المهدي للحفل راعيه

علامات علامات
شيعت علي منصوره
صلوات صلوات
شعبان هل بنوره
٢

شهر الفرح والخير هل اهلاله
اصوات خليها بشرف تتعاله
هنياله كل خادم حضر هنياله
خل يحجي هالليله شيدور اباله

سلامات سلامات
روحه ترد مسروره
صلوات صلوات
شعبان هل بنوره
٣

شهر الولادات بفخر نحييها
بشعبان ابو الافراح نبصم بيها
اليطلب الحاجه الليله ويسميها
للحاجه بيدك ربك ايخليها

كرامات كرامات
تبقه الك منذوره
صلوات صلوات
شعبان هل بنوره
٤

شهر النبي شهر العطاء الدائم
اسمع وصيتي وحتى تصبح سالم
شماتعمل بهذا الشهر يالخادم
اهدي ثوابه للامام القائم

تحيات تحيات
هذا الحفل دستوره
صلوات صلوات
شعبان هل بنوره
٥

خمسه وتلاته واربعه حراسها
لحسين والسجاد والعباسها
وبمنتصف هذا الشهر مقياسها
هنياله كلمن ايده مدها وباسها

كرامات كرامات
من جنته المعموره
صلوات صلوات
شعبان هل بنوره
٦

يالحاضر انته بالحفل ويانه
اخر دعاء بهل شهر خلانه
نرفع ادينه للسمه وعنانه
يارب عجبلنه فرج مولانه

حرامات حرامات
والما اجت معذوره
صلوات صلوات
شعبان هل بنوره





لاتنسون والدي ووالدتي وأبني عباس من الرحمه والغفران خادمكم رياض الرسل الجابري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

أهلا وسهـلا بيـك يابـو المرجله
بهاي الولادة اليوم ضوت كربله

1
يامرحبا بجيتك يضنوه فاطمة
هاليوم فرحت بيك كل أهل السمه
وأهل الأرض يحسين هم متزاحمة

أسمك عبادة وملَك ربنا رتلّه

2
أربع حروف انخطت بعز وفخر
حاء وي سين وياء وي نون الظفر
أنت الإمام البيك كحلنا النظر

اقبل دعوته الراد عطفك يوصله

3
بارينه خالق صلبك بأطهر نفس
لولاك لانجمة تضوي ولاشمس
صَوّرك وأبعّد عنك أصحاب الرجس

شاهده الآية وعلى الخمسة منزله
4
ارض المدينة اليوم بيك منورة
ودّت فرحها الكربله ومتفاخره
يحسين أنت جابتك أشرف مره

والنعم منها ونعم من عقد الوله
5
يحسين أنت الفرحتنه بمولدك
والناس كلها اليوم جت اتعايدك
أثلاثة من شعبان كلنا نواعدك

نورك الطاهر بصلاة نستقبله
6
هاليوم مجتمعة بحضرتك شعيتك
طافت بصحنك ياحسين وهنيتك
من كل قلب ولسان هي نادتك

يحسين كل هذا الشرف تستأهله

7
انت ملَكّ اكلوبنا من المهد
وياك نبقه وياك مانخلف وعد
مادام جفك هو ينطينه المدد

تلكانه دوم وياك أول قافلة

شطره
امجد صاحب الشطري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات لمولد الإمام العباس عليه السلام
الليله بمولد العباس شدو الحيل
هذا البل حرايب راوه خصمه الويل
من طباها كامت خيل تردم خيل

واحدهم لو طار ايلوحه
****
زفو أسمى التهاني الحضرت أم عباس
وهنيالج نكلها بهيج رفعت راس
معدل مثل أبوه ماينكحم نوماس
ولوطب معركه تظل ناس تدفع ناس

وخياله تلوذ بخياله
****
فرحنه الليله والهوسات محلاها
وشوفن كل محب صفكاته علاها
الهوسه تلوك عالعباس شفناها
الدنيه بمولده شكد حلوه سواها

وحلاها الدنيه بميلاده
**
الليلة بمولدك رايد اطشن ياس
وعن عشكي وهيامي اليوم أخبر الناس
من هذا العشك ماظل عكل بالراس
مجنون اعترف والجني حب عباس

مجنون الكافل سموني
****
السمه اتغازل كمرها وهامت بهالليل
وكلمن يعشك العباس ورده ايشيل
الليلة بمولدك شدينه حيل بحيل
وحضر هايم لعندك حته نجم اسهيل

من نورك كلك انواري
****
تمت
الشاعر ميثم العمري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

💐هوسات مولد الأمام الحسين ع



جـرآنـي الـشـعـر مـولاي بـالـگـوه
ومسموح الغَـزل بعيونـك الحلوه
اشتسوه الحيات بدونك اشتسوه

  (يـمـنـور كـون الـلـه بـنـوره)

*----------------------*-----------------*


شيلومه اليصير حسين محـبـوبـه
ولو موت العشگ ماعوفـن ادروبـه
مكتوبـه العباره بروحي مـكـتـوبـه

(حبـيـتـه ومـاحـبـن غَـيـره)


*-----------------------*--------------------*

مـاريـدن حـيـات حسين مـابـيـهـه
لـلـغـالـي بلاش الـروح مـنـطـيـهـه
شعليهـه الـخلـگ وتـلـوم شعليهـه

   (والـعـاشـگ ليش ايلـومنـه)

*------------------------*------------------*

حـبـيـتـه  وابـد مـاحـبـن الـغَـيـره
لـغـز ويحيّر الـعـشـاك تـفـسـيـره
مـاديـر الـوجـه لـلـغـيـر مـاديـره

     (وأتـغـزل دوم بمحبوبي)

*-----------------------*-------------------*

✍خادم الحسين ع
الشاعر رعد الجريخي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات شعبانيه
●●●●●●●●●●●●●●●●●
رسمت احسين من زغري....وجن بي
وحك العشك من حقي........وجن بي
اشوفه ابكل كتر يمي .......وجن بي

يظل اسمه حرز بالنسبه اليه
●●●●●●●●●●●●●●●●●●●●●
اعاهد والعهد  يحسين........جديت
وظل اسلك طريقك دوم......جديت
حلات الطلبه لو بالباب.......جديت

وامد چفي ويرد متروس اليه
●●●●●●●●●●●●●●●●●●●●●●
وصل بيه العشك يحسين.....سئليت
ونيس  وبيه طعم  الناي.......سئليت
تكول الناس  جن اجنون......سئليت سألت

عجيبه حسين ماخذ كلشي بيه
●●●●●●●●●●●●●●●●●●●●●
هويت وطحت بشواگي..... هوه انت
واشوفك نفس لريه.............هوه انت
اروحن وتجه ورجع.............هوه انت

تعيش وياي كل صبح ومسيه
●●●●●●●●●●●●●●●●●●●●●●
اگماطك والرجوله البيك........حارين
هوت يمك نساء الكون...........حارين
يدك ناقوس شعري بيك ......حارين

يبصم يا ابوفاضل چف اديه
●●●●●●●●●●●●●●●●●●●●●●
تمت بعون الله تعالى
*يوسف الفتلاوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

💫ابــوذيــات💫
مولد الامام الحُسين (عليه السلام)

💫💫💫💫

سوالف عــن كراماته سلفنه
و ورث حــبه ورثنه احنه سلفنه
احــتفلنه الليله ومعيّد سلفنه
بولادة ثاني نـــور من الزجيه

💐💐💐💐💐💐

سـؤالي ابابه هل ادخل واذن بي
واذان اسمه صفه بگلبي وأذن بي
تطيح بـدربه سيئاتي وذنبي
بحبه مايظل كــل ذنب بيه

💐💐💐💐💐💐

الكرم بسمه تسجل واسمه لحسين
عسل بلساني احسه واسمه لحسين
سكن دلالي واحد واسمه لحسين
وبعد مــاغــيـره احـبّن للـمنيه

💐💐💐💐💐💐

انخه حسين غيره انه مناخي
وتعلمت العشك منه من اخيه
الكمر والرايه والجربه مناخي
وعليّ يمطر وفه بحب الزجيه

💐💐💐💐💐💐

علي حسين المنصوري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد السجاد ع



علي السجاد مـيلاده ** الف مبروك يالساده
ها / مـبارك والله مــبارك
       نور وطالع من النور

----------

الچفافي الخضر من هاشم ..رحت فدوه الچفافيهم
دگ مــــيدانهـم هــوســات .. يـــم احــسيـن واليهم
يهــنــونـــه بعلــي الـــسجاد .. واهـــوه هــم يهنيهم
 
حلوه الساده لمتهم ** وحلو رباط هوستهم
ها / المايفرح لحســين الليله
       ما محسوب امن الخدام
----------

حي الله الحچي المملوح .. وحي الله اليگولونه
يا انـــسان غـــير حســين .. يستـــاهل اتهنــونه
المايفـــرح لبــو السجاد .. عمه اليعميهن اعيونه
 
تره ابميلاد المهيل ** يفرح وين المعدل
ها / الساده اتگــل للساده
حلوه الهوسه اويه العوام
-----------

ابـــاب حســين والمــيدان .. بجويــريد رد صـــيفه
گال احســين اجه العـباس .. خلـو الـــسالفه بكـيفه
خيهـــوس اخـــــو زيـــنب .. بـــس يــهوس بسيفه
 
شوف اشسولف العباس ** وگال اشهود هاي الناس
ها / اچفوفي وذني اعيوني
       فدوه يــروحن للسجاد
----------

ربنه اوهــوه مـــن عرش .. زف لحـســين البشاره
علي خطار اجه امن الله .. وقيس اشلونه خطاره
شكد ماداره فايـض نــور .. زاد الـنـــور الـــبــداره
 
ومن داره الشمس غارت ** وهذي الگبل ماصارت
ها / الشمس التضوي الدنيه
     لنها اتجدي اباب احسين
--------

امتــــداد الآل بالـســـجاد .. مبارك يابني هاشم
انربط سباح داحي الـباب .. باخـر ورگه بالقائم
امبارك من گلب والــسان .. الكم صاحت الوادم
 
وين الي يريد امراد ** يحظر مولد السجاد
ها / الشغـــله المامــحلوله
      گول انحلت هذا اليوم
----------
حيدر تركي الكربلائي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ياشــــــــــهر شعـــــبان بيك افراحنه
وماتضــــــــــل تنزف تطيب اجراحنه

ــــــــــــــــــــــــــــــــــــــــــــــــــــــــــــ

بيك ياشعــــــــبان كفــــــــينه الونين
انولد نــــــور الباري ابو اليمه الحنين
وعايشين عله الله احنه وعل حسين

حسين مصـــــــباح الهدى ومصباحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

بيك راعي الغـــــــــيره والحب ينولد
بركعة حسنه امــــــــــه خافن ينحسد
من حمار خــــــــدوده يخجل كل ورد

واحنه سهم امحــــــــــبته هم لاحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

بمولد السجاد خــــــــــل نشغل شمع
وعله الحب ابمــــــــــولده خل نجتمع
نور وجها علــــــــــينه بالضلمه يشع

وحـــــب علي السجاد صار اسلاحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

وعلي الاكبر شــــــــع ضواه من السمه
وبيه فرحــــــــانه الــــــــزجيه فاطمه
وهــــــــوس بجفــــــيته حماي الحمه

وبالفرح هــــــــل يوم عالي اصياحنه
وماتضــــــــــل تنزف تطيب اجراحنه

ــــــــــــــــــــــــــــــــــــــــــــــــــــــــــــ
وبعد أجـــــــــمل فرحه ينطرها عمر
ولها صــــــــــار اسنـــين احنه ننتضر
جيت المــــــــهدي البديه يصفه الأمر

واحنه لجل اعيونه نفــــــدي ارواحنه
وماتضــــــــــل تنزف تطيب اجراحنه
ــــــــــــــــــــــــــــــــــــــــــــــــــــــــــــ

حسين عبد الزهرة الدراجي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

💐هوسات بحق قمر العشيره💐


شـافـه وبـتـهـج مسرور حيـدر قـبّـلـه وشاله
وگـالـلـهـه يـزيـنـب هـاذ كـفـيلـچ بـيّـن اهلاله
ابزغره ايناغي الحوراء ابعينه انرسمت وباله

          (مــن ذاك الــيـوم ايــبـاريـهــه)

          *----------------------*-----------------*

هلا بعباس گـالـتـلـه الجيتك هـاي منتظـره
ادعي الباري ينطيني مـثلـك يالگمـر عَشـره
گامت بيـه تتفاخر وفـرحـت زيـنـب الحـره

          (فـرحّـه ابـسـاعـت مـيـلاده)

           *-----------------------*--------------*

شسولف والكلام اهواي وشحچي ابيوم ميلاده
احـزام الـحـسـن وحـسيـن هـذا الـفـرح الساده
گـالـلـهـم يـشـيـل الـراس حـيــدر بـشّــر اولاده

          (يستاهل بـوسـه اعـلـه اچـوفـه)

         *---------------------*---------------*

✍خادم العباس ع
الشاعر رعد الجريخي💐

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيده مولود للامام العباس {ع} ابو ادم الحلي

نَوَرِت بأنوارك ياباالفضل / نفرح إبميلادك ياباالفضل
ياعباس ياعباس ياعباس
$$$$$$$$$ــــــــــــــــــــــــــــ&&&&&&&
نَوِرَت دنيانه خبرجاهه عاجل
شع كـمـر بسمانه أسمه أبوفاضل
خبروها الزينب خبر ليها واصل
وخلها تفرح زينب اليوم أجاهه الكافل
المولدك منتظره ياباالفضل / أبجيتك منسره ياباالفضل
ياعباس ياعباس ياعباس
&&&&&&&&&ــــــــــــــ&&&&&&&&&

نفرح أبميلادك مولدك نحييله
لأُمك انهنيها والعلي أنهنيله
ولبوا ليمه الليله تهنئه أنوديله
أنكله راعي الرايه شرف ابهالليله
اليوم هذا عيده ياباالفضل /أنته أنته أعضيده ياباالفضل
ياعباس ياعباس ياعباس
&&&&&&-ــــــــــــــــــــــــــ&&&&&&&&
مو شمع هالليله جبنه بصوانينه
اشموع هاي اكلوبنه ابمولدك سوينه
مو ورد لا جوري سيدي خلينه
هاي هاي ارواحنه يالكمر طشينه
انته انته الغالي ياباالفضل / نعشكك للتالي ياباالفضل
ياعباس ياعباس ياعباس
&&&&&&&&ــــــــــــــــــــــ&&&&&&&&-
يالحملت الرايه وضلت أمعلايه
أجفوفك ألي طاحن ثـبـتـن هالرايه
ضلت الهالساعه عالوفاء اللآيه
العلكمي شاهدها لسه هـو ومايه
وجربتك تروينه ياباالفضل / أبغيرتك تزكينه يابا الفضل
ياعباس ياعباس ياعباس
&&&&&&&&ــــــــــــــــــــ&&&&&&&
مرقدك نزحفله أبشوك من نتعنه
ومن نطب الصحنك جـن دخلنه الجنه
نِشِم عطر الغيره والوفه أنـشِـمـَنَـه
ومن نجيك أبحاجه انت تكضيها ألنه
الفرج يـم أعتابك ياباالفضل /// الشده تكضي أبابك ياباالفضل
ياعباس ياعباس ياعباس

&&&---&&&&&&&&&&&&&&&&&&&&
خادم الحسين {ع} ابو ادم الحلي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ذكرى ميلاد سيدي ومولاي صاحب الزمان الإمام المهدي المنتظر عجّل الله تعالى فرجه الشريف

الهوسات

باچر مو بعيد وكلنا ننتظره

ترفع رايتك يا قائم العتره

والعدل الآلهي ينكتب نصره

تظهر والدنيا تصفيهه


بليلة مولدك كلمن حضر ضيفك

فرحلك يا إمام امن الله توظيفك

يا ويل النواصب غداً من سيفك

والشيعه بجاهك منصورة


بهاي اظروفنه وبمولدك ننخاك

شيعتنه وفرحنه وكل محب ناداك

يبن العسكري شيعة علي بحماك

وبزودك متطيح الراية



خادم الإمام الحسين عليه السلام
عمار هليل الواسطي
شعبان / ١٤٤٧ هجري
٢٠٢٦ ميلادي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

اجت نسمة عبير وصوت هلهوله
ومن كل الجهات الدنيا مذهوله
من ام البنين ابشاره للكرار
جابتلك كَمر عدنان كلوله
الشايل غيرة الله يهزه ياكاروك
لعيونه الكره الارضيه هزوله
المولود اليصير ايحضروله اكماط
بس عباس سيف ودرع حضروله
بحجر حيدر علي وجفوفه حيل ازغار
اعله كد جفوفه رايه زغيره سوّله
ردها وعالجبيره بحركه كَام يصيح
مثل الريشه تنشد بيد الفّحوله
وانطوني الرايه اكشخ بيها
**

احمد الخفاجي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مربع لولادة الامام للسجاد (ع)




يارابع قمر هل خامس بشعبان

١
يارابع قمر ياهله بهل رابع
يالكلك محمد بالشبه طالع
من انزلت انته ساجد وراكع
حي نورك العايش بينه بالوجدان
يارابع قمر هل خامس بشعبان

٢
يارابع قمر هليت بالاعياد
بشعبان المحبه اصبح الميلاد
عالدنيه يهل نورك علي السجاد
المايحضر الليله ويحتفل خسران
يارابع قمر هل خامس بشعبان

٣

يارابع قمر وين انته ساكن وين
بگلوب التحبك سيدي والعين
بالمحفل ندز تهنئه بأسم حسين
واندزها العلي والسيد الاكوان
يارابع قمر هل خامس بشعبان

٤

يارابع قمر والمحفل انعطره
اسمك من نذكره اسمك اشكبره
برقيه ندزها الفاطمه الزهره
خدم احنه خدم مو كان ياماكان
يارابع قمر هل خامس بشعبان

٥

يارابع قمر لمن نزل ساجد
محد مثله محد زاهد وعابد
الصحيفه اقراها روح وانته لو رايد
تلگاها درر من نفحة القرآن
قمريارابع هل خامس بشعبان

٦

محد بالعباده ياعلي مثلك
من تسجد الدنيه توگف ولجلك
ولو طالت السجده الدنيه تنزلك
تبوس ايدك ورجلك تطلب الغفران
يارابع قمر هل خامس بشعبان

٧

اختملك وحاير بيش اختمها
بيدك هالقصيده راح اسلمها
بميلادك الليله وانته قيمها
رغم بيها قصور وانه احس خجلان
يارابع قمر هل خامس بشعبان




لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة