اهواك اهواك يا علي يا علي
اهواك اهواك يا علي يا علي
****
من ثلاثه حروف مكنون ال گلب
صح زغير اسمه لچن يعرف يحب
باللفظ اسمك يحيدر مو صعب
اوسع بمعناه والله امن السحُب

انته حيدر .. انته مصدر ..
انته محور .. انته جوهر .. للبريه
انته آيه .. انته رايه..
انته غايه .. امن البدايه .. للبريه

اهواك اهواك يا علي يا علي
****
مو فقط لگلوب جننت الدهر
كلشي بيك انته يبو الحمله انبهر
اتوجهت بيك امك البيت الحجر
شافك الحايط يحيدر وانفطر

هذا مهدك .. انته وحدك ..
ما يردك .. شاف مجدك .. ياولينه
للسعاده .. والقياده ..
للولاده .. والشهاده .. ياولينه

اهواك اهواك يا علي يا علي
****
ما نعيّد من يمر عيد الفطر
احنه مولودك يحيدر ننتظر
من تحل اعياد حبك ننكسر
يا علي لولاك ما يسوه العمر

لولا حبك .. تاه دربك ..
شاء ربك .. بينه صبك .. للهدايه
الكل تريدك .. وإلعبيدك ..
مدها ايدك .. هذا عيدك .. للهدايه

اهواك اهواك يا علي يا علي
****
الما يحبك يا علي عاش بوهم
الزوّر التاريخ تاليته ندم
اختارك الله هيه مو شغلة قلم
شلون يدخل جنته وانته الحكم

إلينكرك .. واليبترك ..
ما يضرك .. عالي قدرك .. يا امامي
من تحظره .. بتالي عمره ..
يموت حسره .. ما تنصره .. يا امامي

اهواك اهواك يا علي يا علي
****
بالربيع اتزهّر اوراق الورد
بوقته كلشي يبو الحمله ينولد
فقط موسم حبك الما ينحصد
امن الولاده بينه عشگك منوجد

انته صيفي .. يا خريفي ..
انته طيفي .. تبقى ضيفي .. للنهايه
كل حروفك .. بيها اشوفك ..
بيها اطوفك .. ما اعوفك .. للنهايه

اهواك اهواك يا علي يا علي
****


الشاعر اياد الديراوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هاليوم هالـــيوم تنصيب الولي
للــــدوم للـدوم والينه علــــي

*
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان من ينادي هاليوم هاليوم تنصيب الولي

للناس أمره أصبح جلي

**

نعلنهه هـــاي البيــعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي

عالعالم أفخر بالولي

***

الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي

غذوني بمحبته هلي

**

بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي

من ينظر لوجهك علي

*

أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمع هاليوم هاليوم تنصيب الوالي

حيدر شمس ما تنجلي

***

الشاعر
موسى البديري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

الغدير

نزلت ايه... وانت الغايه....ياحماي الجار
نتبع دربك.....، يأمر ربك..... بلغ ياالمختار

عيدك.........ينعد عيد الله الاكبر
ايه.............نزلت لجلك ياحيدر
بلغ.............. بيها المختار وبشر
والي........... والخالق هوه القرر
انت الوالي... وچفك عالي... هذااجمل احساس
الف أمبارك... الله اختارك.... مولى الكل الناس
**
خيبر...... شاهد عن عزمك شاهد
بابه......... من اقلعته بچف واحد
بحبك..........هليوم الشيعه تعايد
خله.....يموت من الحرگه الحاقد
نتبادلها.....  ونتناقلها..... هاي التبريكات
ونرددهه.   ونعددهه......  مرات ومرات
**
حبك...... لا مانتنازل عنه
انت........ باالذر وبيك امنه
قاسم......بين النار وياالجنه
الله...... عن هذا الحب يسئنه
عن هذا الحب... مدري شنكتب... نشعر محتارين
وبها الذكرى.... وبها البشرى.......... كلش فرحانين

**
انت......... القرأن تثبت عدلك
انت.....الوحدك شمس الله تردلك
انت......... مايوجد فارس مثلك
انت..........كل افضالك تسجدلك
حبك غايه..... وبيدك رايه........رفة للأسلام
يصعب وصفك...وانت بچفك...كسرت الاصنام
**
اسمك........ يامحله ثلاثه احروفه
قبرك............ ميت والحي يطوفه
انت...............ياالصولاتك معروفه
ذكرك............اعظم واجمل سالوفه
انت الاول.... ما تتبدل...... مو رابع حاشاك
انت الرحمه...وغيرك زحمه....  ينعدون وياك

سعد العبودي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

نحرگ گلوبهم
من وزن الموشح
شعر . دكتور كاظم المعقلي النعامي
***
ضاگت ابأهل السقيفه ادروبهم
الا نحرگ بالغدير گلوبهم
*
والله نعلگها ونجفّلهم جفل
غصبن اعلى اخشومهم بي نحتفل
بيعه نعلنها الجبير اويه الطفل
عدنا حسبه وبيها نعرج صوبهم
الا نحرگ بالغدير گلوبهم
****
ولد ابن تيميه هاليوم بحزن
وثگل فوگ گلوبهم ماينوزن
لازم نبچّيهم ابدمع المزن
علوجوه الغَم لزوم ايشوبهم
الا نحرگ بالغدير گلوبهم
****
ندري من انصلي كلنا اعلى النبي
وعلى الآل البيها كل طيب ابي
نحرگ بهايه گلب كل ناصبي
ومر يصبّح بالطعم مشروبهم
الا نحرگ بالغدير اگلوبهم
*
والله نحرگ زمرة اوهيّب حرگ
ونطرگ ابطون الوهابيه طرگ
لزگ عالگصه الحچي اوياهم لزگ
واللحايه انعتها ويه اعطوبهم
الا نحرگ بالغدير اگلوبهم
*
عدنا صوت ايدوّي يمهم يعتلي
بالاذان انذكره ونصيح الولي
غصبن اعلى اخشومهم نهتف علي
هذا ثوب امن الشرف مو ثوبهم
الا نحرگ بالغدير گلوبهم
*
ويلي من نذكر فضايل حيدره
تصبح اوجوه النفاق امكدره
على البگ يرجع جمعهم ليوره
وتذل هامات الربع لچعوبهم
الا نحرگ بالغدير گلوبهم
*
اسمه حيدر كل يضد منه ارتهب
بسمه بيهم للابد نشعل لهب
تبقى گبته البالنجف گبة ذهب
ووينه گبره المحترگ مندوبهم
الا نحرگ بالغدير گلوبهم
*
الشاعر كاظم المعقلي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

بيعة الغدير 

هلت انواره علينه       هلت انوار الغدير
المرتضى بعدي خليفه  اعلن الهادي البشير
★★★★★
صوت من جبريل اكد  بهذا بلغ يامحمد
غير حيدر ماكو احد   علبشر يصبح امير
★★★★★
لكل موالي عيد الاكبر  من السمه واجب تقرر
وصي للمختار حيدر  غيره حيدر مايصير
★★★★★
بهلخلايق منهو غيره   من نبع طه  وعبيره
نصبه الهادي وزيره         حيدر ال (طه)  وزير
★★★★★
المصطفى من البدايه  اختاره عن فكر ودرايه
لحيدر تلوگ  الولايه       قرر الباري القدير
★★★★★
ماكو من بين البريه        غير حماي الحميه
للنبي يصبح وصيه         بهلامر هوه جدير
★★★★★
فرحة الگاع وسماها   من رفع چفينه طه
صار عيد وبيه تباهه   هوه عيد الله الچبير
★★★★★
للامامه هوه مصدر   المايسير بنهجه يخسر
المايوالي بيوم حيدر   حظه نيران وسعير

الشاعر حسن لعيبي الحريشاوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

معروف معروف ،، علي شيخ الساده
معروف معروف ،، كص لحايه القاده

1-
علي شيخ وتجوه ديوان وصـدر
علي سيف الله الكطع راس الكفر
علي ثــوره ولابسه اثياب النصر
علي بـــاء البسمله وتـشـهـد بدر

يـا ناس يـا ناس ،، علي هاي امجاده
معروف معروف ،، كص لحايه القاده

2-
سـيـفه ذو الفقار يــوجــع بالحرب
يــم علي ادنك تـــره فحول العرب
كلها سهله وبس علي الرقم الصعب
الموت خايف مـن علي وما يقترب

مهيـوب مهيوب ،، مــن هله وجداده
معروف معروف ،، كص لحايه القاده

3-
الما يحبك هـــــذا لازم ينقرض
انته تكدر يا علي تطوي الأرض
باجـــر الأعمال يــمــك تنعرض
الرافض الاذان باجــــر ينرفض

مرفوض مرفوض ،، كل شخص يتماده
معـروف معـروف ،، كـص لحايه القاده

4-
هذا ابو الحسنين شيخ اعله الزلم
الـيـسـمع التاريخ طـبـعـن ينصدم
الجان مـنـه مـــــــا يلـحـك ينهزم
هسه ع النسوان صـايـرلـي شهم

طـوفـان طوفان ،، لــو بـــــرز بعناده
معروف معروف ،، كص لحايه القاده

5-
بــــاجــر التاريخ يوكف يم علي
هــذا ابــو تراب وعشكنه الأولي
يسوه هـــذا الكون كله وي هلي
من علي مذلول خصمي وعاذلي

تــدرون تــدرون ،، القتل عدهم عاده
معروف معروف ،، كص لحايه القاده

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
حسين عبد الجليل المالكي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

تاج الامامه 


مبروك مبروك. ......... تاج الامامه 
مبروك.. مبروك...........  تاج الامامه


لليلـة أفراح وسـرور.      يامهدي.   يامهدي 
بطي الأرض يشع نور.    يامهدي.    يامهدي 
أنته الخليفه المنذور     يامهدي    يامهدي
تشفي الجروح بعاشور   يامهدي     يامهدي


موعود.  موعود    تاخذ حسامه    تأخذ حسامه 
مبروك.  ..مبروك.   تاج الامامه.    تاج الامامه
___
انته الامام على الناس     .يامهدي.    يامهدي 
تاج وتظل على الراس.      يامهدي.    يامهدي 
جلمة وتطيب الانفاس       يامهدي    يامهدي 
جبنه الورد جبنه اليأس      يا مهدي.  يامهدي 


وتلوك.   وتلوك.    عليك العمامه.   عليك العمامه 
مبروك.   مبروك.      تـاج الامامه   تاج الامــــامه 
___
ولـيلة امــوت الجنان   .  يامهدي..  يامهدي 
تتمنه تـحضر. وألاان     . يامهدي    يامهدي 
تشارك فرحنه بكل مجان   يامهدي   يامهدي 
جن وأنس هم فرحان      يامهدي.   يامهدي
 

فرحان. فرحان.   وأعلن سلامه   وأعلن سلامه 
مبروك..مبروك.     تاج الامامه     تاج الامـــامه 
___
ولـيلة نرجـس تبتسم        يامهدي.   يامهدي. 
صرت الامام على العلم      يامهدي.  يامهدي 
جانه الفرح طيف وحلم      يامهدي.  يامهدي 
والشعيه تفــرح ياشهم.     يامهدي    يامهدي


محسود .محسود.  بذيج الكرامه  بذيج الكرامه
مبروك..مبروك.     تاج الامامه     تاج الامـــامه 
 __
واليلة تفــرح فاطــمه.     يامهدي.  يامهدي
نور الأرض ضوة السمه.   يامهدي.  يامهدي
ناده علي حامي الحمه    يامهدي.   يامهدي 
علـيك الامامه مـوالمـه   يامهدي   يامهدي 

والتاج والتاج  أكبر علامه  أكبر علامه 
مبروك مبروك  تاج الامامه تاج الامامه 

___

كلمات
مرتضى مگطوف الموالي

https://t.me/joinchat/AAAAAEFVSMd2pvMFlLPXYg

على عناد الناصبي باركوا الطه النبي
بمولد الزهراء بنته فاطمه
*
بمولد الزهره فخر كل آنسه
للنبي زفوا التهاني هالمسـه
أتباركوله بفاطمه خير النسه
خل نعيد نحتفل نبارك لسيد الرسل
وبالتهاني أتعنته أملاك السمه
بمولد الزهراء بنته فاطمــــه
*
غصبن أعلى الناصبه والكافـره
أحتفلوا في ميلاد بت خير الوره
وألعنوا كلمن يعادي الطاهــره
وحق من سن السنن مانعوف أم الحسن
كلوبنه بحب الزجيه هايمه
بمولد الزهراء بنته فاطمه
*
خلوا هاليوم الهلاهل ترتفــــــع
أبهالولاده الطاهره شعلوا الشمع
وبالسمه صوت الحفل خل ينسمع
أحتفلوا ياشيعة علي وهنوا هاليوم الولي
أبن عم المرتضى حامي الحمه
بمولد الزهراء بنته فاطمــــه
*
هالمسه شموع الفرح خل تشتعل
بمولد أم حسين خلنه نحتفــــل
عيدينه شايب وشاب وطفــــل
وغصبن أعلى المارضه اليوم عيد الرافضه
أويه النبي وجوه الروافض باسمه
بمولد الزهراء بنته فاطمــــه
*
محلها أسمها بالثغر مثل الشهد
ومنها أفضل هالخلق لا ماشهد
وألها رب الكون بالعصمه شهد
طاهـره بت طاهـره جوهره بت جوهره
طه رب الكون دره سلّمــه
بمولد الزهراء بنته فاطمه
*
الحزن هاليوم أنسه وظل وأنطرح
وأنكتب غفران للصدره أنشـــرح
صفي كلبك يالمحب في هالفــرح
أفرح أو أخذ الاجر بعيد ميلاد الطهّـر
أتوجه اليوم النبيك كلمـــه
بمولد الزهراء بنته فاطمه
*
طرت من الفرح بالجو وعالي
أهلهل عالي والميت وعالي
بعد ما أهتم الجرحي وعالي
شفاني مولد الزهره الزجيه

الشاعر سلام المشعل

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

اليوم ميلاد الزجيه فاطمه
اليوم فرحانه الارض ويه السمه
ياثمر جــــنت عدن
بيج فرحان الزمن

بيج يفرح كلشي يفرح ونتي مفتاح السرور
انتي من الــجنه نعمه وهل ظهر علدنيه نور
يلي لجلج كلشي ينسر سرج اليوم الضهور

فاطمه بنت الرسول
هوه ســماج البتول
يوم ميــــلادج وجوب نكرمه

اليوم ميلادج فرحنه وننسه كل النايبات
انتي نعمتنه الجبير ونتي بيج اجمل صفات
الماعرف قدرج تنكرها وهذا ماعاش الحيات

خسر جاشنهو المصير
وبلحــــــشر باجر يحير
هناك من النار ياهو يســــلمه

اليوم عيد الشيعه عدها وتفرح اطش الورد
المافرحلج هذا واهم ماعرف معنه المجد
ونتي لجــــــلج شكو كائن هذا واجب ينسعد

واجب الفرحه تدوم
بيج وانتي ام النجوم
ولفرح هل يوم نال المكرمه

يلي ميلادج حيانه وحيه كل الدنيه هاي
انتي ظل للخانه دهره ونتي للحاير فياي
بيج نتباهه بعمره ونتي صرتي ويانه راي

انتي مفتاح الصبر
يافخر هذا العمر
يلي اسمج يسري بينه ويدمه


ابو سلام الجابري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

نور السمه وفلك الثريه  
من فاطمه الزهره الزچيه 
@@@
ابحكمته باري السمه .. امر شاءه وقدره 
ابدقه كله وهندسه .. وماشي چنه المسطره
من اثر فاطم يكون .. البل ثريه وبالثره 
وبيها شمس الله علت .. والبدر منها انبره
…
رب العرش امره 
من طينة الزهره 
لكوان مفتره 
…
خلق الفلك وخلق البريه 
من فاطمه الزهره الزچيه 
@@@
كون فاطم تستوي .. من ثمر دوح الجنان
وابصلب سيد البشر .. تصير للرحمه ضمان
يعني حوره امن الانس .. ورحمة الله والحنان
محدثه بأمها صفت .. ومعجزه ولطف وأمان
…
لگلب النبي عطره
الانسيه والحوره 
الصديقة الكبرى 

…

لخديجه لو سلوه ونجيه 
من فاطمه الزهره الزچيه 
@@@
ياللي رايد فاطمه .. بالفضايل تكتشف 
روح روح المصطفى .. وام ابوها تنوصف 
وبركه لوجف زمن .. وسيطرة حاله العجف 
هيه باب الله الذي .. ممتلي رحمه ولطف 
…
المن نورها الجنه 
اقراها بالسنه 
فضل ومكو منه 
…
ام الفخر نعمه وهديه 
من فاطمه الزهره الزچيه 
@@@
فاطمه دين وهدى .. من امر رب السماء
ومعرفتها بالفرض .. واجب اعله الانبياء
وبيها تطفي الحاطمه .. وبيها هم صك البراء
وهني للشيعه اذا .. جات في يوم الجزاء 
…
هالزهره لوديعه
للجنه لوسيعه  
تشفع الى الشيعه 
…
تنگينه حَب عن الرديه 
من فاطمه الزهره الزچيه 
@@@
مرتبه ومحد وصل .. ومافي منها بكل زمن
ومشتبه ذاكه اليگول .. بهالزمن چن ام حسن
وحده هيه بكل عصر .. تكسر اخشوم الفتن 
ملها بالدنيه مثل .. عانت ابسلم ومحن 
…
بنت النبي احمد 
هي واحدة اوحد 
وباب الوصف ينسد 
…
ماكو ابد بين الرعيه 
من فاطمه الزهره الزچيه 
@@@
علي أحمد الحمود 
٨-١٢-٢٠٢٥
مولد الزهراء ع 


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد السيده فاطمه ع
.
.
.

ارواحنه الهايمه .. مجنونه ابفاطمه
مجنونه ابفاطمه
ام الحسن
------------------

ولـقـد كانـــت ولازالــت امـــيره
الهالسبب ارواحـنه بيــها اسيره
طاري اسمها اتگول زمزم
فاطـمه اسـم الله الاعظم
اعليـها صــل الله وســلم
اعليـها صــل الله وســلم

البالگاع واهل السمه .. مجنونه ابفاطمه
مجنونه ابفاطمه
ام الحسن
------------------

الجنه مانهواها چيه جــنه زهيه
الجنه نهــواها لان بــيها الزچيه
ارزقــــنه اللــــهم قــطره
من ظهوه فاطمـه الزهره
فـقره واحتاجينه نــظره
فقره واحتاجـينه نــظره

واگلوبنه امعلمه .. مجنونه ابفاطمه
مجنونه ابفاطمه
ام الحسن
------------------

فاطمه بس الله يعرف محتواها
ولهــذا انغمــض ونمــشي وراها
الماتبعها ايضل طريقه
الحچي مــارايد وثـيقه
هايــه ياناس الحقيــقه
هايــه ياناس الحقيــقه

وكريات الدمه .. مجنونه ابفاطمه
مجنونه ابفاطمه
ام الحسن
------------------

عــوف ام المؤمنيــن وهالـــروايه
احنه بس ام الحسن امنه وكفايه
الماتصــير الزهـره امه
اسليمه ياناس التطمه
الجنـه باچـــر ماتظمه
الجـنه باچـــر ماتظمه

واصحاب الغانمه .. مجنونه ابفاطمه
مجنونه ابفاطمه
ام الحسن
------------------

اليــنسئل عــن فاطمــه ولامايجــاوب
اليستحي منهم نحسبه امن النواصب
الما اله بالدنيه موقف
وللزچـــيه لامينـــصف
ايتيه ودربه ميـــعرف
ايتيه ودربه ميــــعرف

والروحه قاسمه .. مجنونه ابفاطمه
مجنونه ابفاطمه
ام الحسن
------------------

فاطمه بيت القصيد وهالقصيده
اليفتهــمها يفتهم معنى العـقيده
كل شخص باچر هيامه
ايبــين ابيـــوم القـيامه
من يجي اهـناكه امامه
من يجي اهـناكه امامه

هالناس بالعالمه .. مجنونه ابفاطمه
مجنونه ابفاطمه
ام الحسن
------------------
حيدر تركي الكربلائي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد فاطمة الزهراء ع🌹
علي ع يتحدث للنبي محمد ص عن رؤيته لفاطمة الزهراء قبل ولادتها في عالم الدنيا

حيــدر فرحان وينادي
شايفها هواي يالهادي
بعالم النور البي قدرها اشــــكبره
قبل الولاده اهناك شفت الزهره
ـ………………………………………

خل اوصف الشــفته الك يابوالمعالي
فرقد وحس اجمل بعد ضيها ويلالي
حبيــــــتها بكد حبي الك حبي المثالي
بميــــــلادها اويانه بدت تزهي اليالي

مســرور اهواي ياطه
حق بيها اليوم اتباهه
وداعت اعيــــــــونك يا نبي العتره
قبل الولاده اهناك شفت الزهره
ـ………………………………………

الله جعلها بوصـــــــــله للدنـيه كلها
وكل المناقب بالعرش صاغاهن الها
لا اســـيا ولا مريم الصــــــارت مثلها
كل الجنان اتســــجلت طابو باسمها

نزلها آيــات بكتــابه
وغطاها بنور جلبابه
السانه ايتوضه الراد اسمها ايذكره
قبل الولاده اهناك شفت الزهـــره
ـ………………………………………

عاده النسا للتنـــــــــولد ينطن هدايه
بس ابولادة بنتـــــك اختلفــــــت الآيه
جابت اوياها الكل مره احجاب وعبايه
بكلشي عظيمه فاطمه مـــــــن البدايه

جوهر عالگاع مـن تمشي
بيها الله اغناك عن كلشي
خـالقها الك اجمل ودق من بدره
قبل الولاده اهناك شفت الزهره
ـ………………………………………

بمولدها شهديها حرت جبتلها مهدي
هـيل وابد ماتنوصــــــف عالمها وردي
كل عشـگ لابد ينتهي بس بيها يبيدي
هنيـــــــالنه چي فاطمه عندك وعندي

رب الأفـــــلاك علاها
ابيتك مصباح خلاها
اجمل هــــديه لروحك المبتشره
قبل الولاده اهناك شفت الزهره
ـ………………………………………

ياطه شحجـــــــلك بعد بيها انته ادره
اليجهل قدرها ينجهل عند الله قدره
اتسبح املاك السـمه البنتك الزهره
كل الوجود الها انخلق بذن الله ومره

يرضه الله لراد يرضيها
اســــرار هواي منطيها
فضلها عن كل الوجــــــود بأسره
قبل الولاده اهناك شفت الزهره
ـ………………………………………

  ✍الخادم
كامل السعيدي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

صـارت و الشـفاعة صـــارت إوَيـاهـا
بحــيث الگــاع ما شَــالَت فَـرَح طـه

مدري منيـن جابَوا مهد للزهـــراء؟!
هوه الكــون كلــه و يزغَر إحــذاهـا

كاروك الزچـيّة إيصير قُطب الكـون
وتِهِزها البســملة مجــراها مُسراهـا

ما تِتعَب خديجــة الليل كِلّه اتنــام
لأن تــدري السِــمَه إتكفْلَت مناغاها

تنزل آســيا و ســهرانه طــول الليل
وتســتَأذِن و مريـــم يمهــا تلگــاها

وأم عيسى بيديها إتفَصّل إلها إثيـاب
وتْخيّـط ملابس .. بـس على أضـوَاها

يُصُفنَـنْ عالزچـية الوضع ما مألـوف
وضـع كلّـش خطير و أللـه يرعــاها

كلما تبتسـم تِنخِـلِق سَــبْع إجـــنان
تبچي ..[ النار مالِــك گـام عَــلاّهـا ]

المخلوقة الوحيدة إرضاها واجب دوم
قانـــون الســماء إرتبـــط برضــاها

قدوة إعلـه النساء و على إزلام الكون
و بــس اثنيــن بالترتيــب فوگـاهـا

أبوها أنــوب حيدر گبْل اسمها إيصير
و.شــكُو إبّالَـك إسم ينكِتِــب جَـوّاهـا

صارت وهدعـش معصوم منها يصـير
يهنيال الحَسَــن بالبيــت گضّـــاهـا

وهنيال الحُسيَـن إيشيله رحم النـور
الوحــيد إجدام إمّه إشكثُـر شـمّاهـا

يهنيـال الكســاء اللّـي تِغَطّـت بيْــه
إلـ من يُمرَض محمّـد بالعَجَل جَاهَـا

مهدي التقي
#مباركٌ_لَكُم_ولادة_النُور

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

أبوذيات بمناسبة ذكرى ولادة سيدي ومولاي أمير المؤمنين علي بن أبي طالب عليهما السلام.


بي تاه

بجنون الشوگ گلبي بعلي بي تاه

أحبه ودونه روحــي تصير بي تاه

رب العرش رافع صيت بيته

بولادة حيدره حامي الحميّه

****

مِن جاه

حب المرتضــى بالحـشــر مِن جاه

ينال الشيعي منه الصيت من جاه

علي من إنولــد بالخـــيــر مِن جاه

الكعبة وبت أسد طلگن سويّه

****

والاه

ترك گلبي الحزن والضيم والاه

بولادة حـــيــدر المعـبــود والاه

نبي الرحمــة يوالــي الذي والاه

ودخول الجنة حب حامي الحميّه

****

عاداه

غرامي بحيدر أصبح طــبع عاده

وگلبي اعله الجنون الشوگ عاداه

علــي وربــنـــا يعـادي الذي عاداه

المؤمن حب علي عنده هويه

****

خادم الإمام الحسين عليه السلام
عمار هليل الواسطي
رجب الأصب/ ١٤٤٧ هجري
كانون الأول/ ٢٠٢٥ ميلادي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ذكرى ولادة سيدي ومولاي أمير المؤمنين علي بن أبي طالب عليهما السلام

القصيدة الأولى ( نبض گلبي علي )


ألف عالخير ميلادك ..شوكه بعين حُسّادك

نبض گلبي علي ... ضوه دربي علي

حبيبي يا علي ... حبيبي يا علي
...................................................................................

علي ومن عالــم الأصلاب حبيتك

على الفطره السليمه والله واليتك

حبيبي يا علــي صــار الگلب بيتك

أنا العبد المـــوالي بصــوتي ناديتك

إجيت ومولدك بشرى ... أجدد سيدي الذكرى

أمل روحي علي ... دوه جروحي علي

حبيبي يا علي ... حبيبي يا علي
...................................................................................

بيت الله بوجــودك حقه ويفاخر

صرت قِبلة صلاة لكل نسل طاهر

علي وحبك فرض بالماضي والحاضر

صك الجنة منك يا علي صادر

يهنيال الربح حبك ... يهنيال المشه بدربك

أبو اليمه علي ... وفي الكلمه علي

حبيبي يا علي ... حبيبي يا علي
...................................................................................

طلگت بت أسد والكعبه وياهه

يوم الجابتك والذكرى محلاهه

يكفينا فخــر فرحـــت گلب طه

بچفك رايـــة الإســــلام خلاهه


ملائكة السمه بنورك ... بمهدك يا علي تزورك

ذخر عمري علي ... أصل جذري علي

حبيبي يا علي ... حبيبي يا علي
...................................................................................

أنا بغير حبك كلشي ما أسوه

سألوني يشاعر گلبك اشيهوه ؟

گلتلهم علي وغيره فلا أهوى

ما عندي عشگ لو هوّه لو هوّه


هويت أرباطعش آيه ... كلهم علي بالغايه

بعد طه النبي ... علي يظل مطلبي

حبيبي يا علي ... حبيبي يا علي
...................................................................................

كلمن عاهدك يا علي بالفطره

فرح يوم الولاده وجدد الذكرى

للشيعه النصر والناس منتظره

مهدينه بفقارك ينكتب نصره

يجينه بيوم المبارك ... رافع بيده فقارك

ينادي يا علي ... فؤادي يا علي

حبيبي يا علي ... حبيبي يا علي
...................................................................................

خادم الإمام الحسين عليه السلام
عمار هليل الواسطي

رجب الأصب/ ١٤٤٧ هجري
كانون الأول/ ٢٠٢٥ ميلادي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد امير المؤمنين علي (عليه السلام)

علي علي     الليله ميلاده
علي علي     هــلّت اعياده
علي علي    علي علي
ــــــــــــــــــــــــــــــــــــــــــــــــــــــــــ
الليله بيت الله فتح جدرانه
وبأمر رب العرش ســــبحانه
استقبل وضيّف علي مولانه

علي علي    امن العلي صيته
علي علي     وبوسط بيته
علي علي    ينولد راده
علي علي    علي علي
ــــــــــــــــــــــــــــــــــــــــــــــــــــــــــ
حب علي جامعنه هاي اللـيله
واجب اجمل محفل انسويله
واحلا باقات الــورد نـــهديله

علي علي    بهالحفل جينه
علي علي    واجب اعلينه
علي علي    نردد انشاده
علي علي    علي علي
ــــــــــــــــــــــــــــــــــــــــــــــــــــــــــ
الليله مسروره السمه ودنيـــانه
بمولدك يا بو الحسن فرحــــانه
وفرحة املاك وُرسل ويّـــــــانه

علي علي   ياحلات اسمه
علي علي   بالعرش رسمه
علي علي   هوه وولاده
علي علي   علي علي
ــــــــــــــــــــــــــــــــــــــــــــــــــــــــــ
نصّبه الباري ولي وخـــتاره
معجزه وبس الله يدري اسراره
شعّت وبزغت علينه انواره

علي علي   بزعت انواره
علي علي   شاعت اخباره
علي علي   اتعالت امجاده
علي علي    علي علي
ــــــــــــــــــــــــــــــــــــــــــــــــــــــــــ
هذا ابو الحمله علينه والينه
بالشدد يحضرنه ويحامــينه
من جهنم باجر ينـــــــجّينه

علي علي   بيه تمسكنه
علي علي   هوه ينقذنه
علي علي   والگلب ناده
علي علي    علي علي

ــــــــــــــــــــــــــــــــــــــــــــــــــ
علي كاظم المنصوري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مبروك يا شيعة علــــي بولادة الكــــرار
بميلاده خل ننثر ورد والطيب والأزهـار
مبروك مبروك مبروك يا حيدر(2)
......................................
مبروك يا شيعة علي بهـــاي الولادة
يلحبه ينجي بالحشر واعظم عبــــاده
الوالاه نال امن العلي كـــل السعــاده
بس الك تحلــه ياعلي والله السيــــاده
للنبي انبارك يا هلي بمولد ابو الاقمـــار
بميلاده خل ننثر ورد والطيب والأزهار
مبروك مبروك مبروك يا حيدر(2)
...........................................
الكعبة حايطهه انفطر يوم السمع بيك
الباري حبَّك يا علي غايته يرضيـك
شما تطلب وتسأل اله وتريد ينطيـــك
امن النار تنقذ شيعتك وكلمن يواليــك
اليبغضك مثوى اله يصبح لهيب النــار
بميلاده خل ننثر ورد والطيب والأزهار
مبروك مبروك مبروك يا حيدر(2)
.........................................
يوم الغدير المصطفى من نصبه وخلاه
من كال والي يالعلي اللهي مــــن والاه
وعادي يربي كل شخص يكره اله وعاداه
نبقى نوالي المرتضى وارواحنه تفــداه
انوالي حيدر كل وكت رغما" عن الاخطار
بميلاده خل ننثر ورد والطيب والأزهـار
مبروك مبروك مبروك يا حيدر(2)
...............
الرايه سلمهه الك الهادي ابخيبر
من خاف غيرك يالولي وصار يتعذر
ناده الزلم صيحو علي و بيك بس يفخر
باب الحصن لمن شلعته وكبر العسكر
الرايه بس تحله الك والدرع والفقار
بميلاده خل ننثر ورد والطيب والأزهـار
مبروك مبروك مبروك يا حيدر(2)
..........
بالسمه ربك زوجك من فاطمة الزهره
الاملاك فرحانه الك وبالخير مبتشره
كلب الموالي منشرح بمولد ابو العتره
الوالاك لازم يحمده للباري ويشكره
يفوز دنيا واخره الواله اخو المختار
بميلاده خل ننثر ورد والطيب والأزهـار
مبروك مبروك مبروك يا حيدر(2)


خادم اهل البيت
رائد العامري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

لذكرى ولادة امير المؤمنين علي عليه السلام

إلي يحبك ياعلي   صك جنته مختوم
عنه رضا رب السمه  وثلطعش معصوم
وإلي يحب النبي
يتبع ولاية علي   وثلطعش معصوم
★★★★★
الايمان حبك ياعلي  عنه الرسول يگول
ياباب علم المصطفى   غيرك فلامقبول
خير البشر گال النبي  وإلي كفر مذلول
اوصافك اتعَّب القلم  وعنها الكلام يطول
وإليً يحب فاطمه  يتبَّع حامي الحمه
وثلطعش معصوم
★★★★★
واليحب مولانا الحسن  وحسين والعباس
وزينب الحره الطاهره  لحد آخر الانفاس
ابنهج حيدر يقتدي     مرفوع دوم  الراس
المشى بدرب المرتضى  ميهمه وين الناس
واليحب ثاني علي   يعشگ امامه الوصي
وثلطعش معصوم
★★★★★
والنِصَر باقر كل علم   دوم ويوالي ابنه
وبكاظم  الغيظ التزم       مايبتعد عنه
والي توسل بالرضا  ماخاب أبد ظنه
يصبح قريب الخالقه   واقرب من الجنه
وحب الجواد أسَّرَه  ذاب بعشگ حيدره
وثلطعش معصوم
★★★★★
اليتمسك بآخر علي والعسكري بعده
وسار بدربهم للابد  كل ريح متردًه
يعشگ ويترجى علي  حلَّال كل شده
ميهمه اليوالي علي  كل الخلگ ضده
الينصرامام العصر  للمرتضى ينتصر
وثلطعش معصوم

الشاعر حسن لعيبي الحريشاوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

حبك ملك وجداني......علي ياعلي
اجمل  ذكر  بلساني......علي ياعلي

ياعلي     يا علي   ياعلي
***
ب 13 صار   الحدث  اجمل  ولاده
والكعبه صارتلك مهد شفنه السعاده
انت علي ومن العلي هاي الأراده
دستور  ربك واضح ابيت العباده

وي دمي وبشرياني......علي ياعلي
اجمل ذكر بلساني......علي ياعلي
**
من  الله  حيدر بالگلب  حب الصميده
وبلا علي اشلون  ابتدي أصل العقيده
عشگي وغرامي ياعلي ابدي القصيده
من زغري گتلهم علي حبي ألاريده

ابدي  ابعلي قرآني .....علي ياعلي
اجمل ذكر بلساني........علي ياعلي
***
اشهك علي  ابنفاسي انت وگلبي  ردد
والكعبه هم تنده علي بس ابعلي اشهد
والنبي من حب  الوصي يفرح محمد
اول علي ويبقى علي بالمرتبه اوحد

من وجهك النوراني......علي ياعلي اجمل ذكر بلساني......علي ياعلي
***
الله  امحبتك  ياعلي  خالقلك  أسرار
والسر محمد وضح بكل هاي الأفكار
اعرف صرت باچر قسيم الجنه والنار
بالمحشر انشوفك علي ياحامي الجار

صار العشك ايماني.......علي ياعلي
اجمل ذكر بلساني......علي ياعلي
***
عنواني يبقى الحيدري اعلى المراتب
واتفاخر ابسمك  علي  احلى  المناقب
اكتب علي هوه العشك بحر المواهب
نادي  عليا  كل  وكت  مظهر عجائب

اكتب علي عنواني.....علي ياعلي
اجمل ذكر بلساني......علي ياعلي
***
تمت بعون الله تعالى الشاعر_يوسف_الفتلاوي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

شعبانیه




صلوات صلوات شعبان هل بنوره


١
شهر المحبه وياهله بهل جيه
يحمل ولادات بشرف قدسيه
كل الخدم من حضرت بيا نيه
عرفت المهدي للحفل راعيه

علامات علامات
شيعت علي منصوره
صلوات صلوات
شعبان هل بنوره
٢

شهر الفرح والخير هل اهلاله
اصوات خليها بشرف تتعاله
هنياله كل خادم حضر هنياله
خل يحجي هالليله شيدور اباله

سلامات سلامات
روحه ترد مسروره
صلوات صلوات
شعبان هل بنوره
٣

شهر الولادات بفخر نحييها
بشعبان ابو الافراح نبصم بيها
اليطلب الحاجه الليله ويسميها
للحاجه بيدك ربك ايخليها

كرامات كرامات
تبقه الك منذوره
صلوات صلوات
شعبان هل بنوره
٤

شهر النبي شهر العطاء الدائم
اسمع وصيتي وحتى تصبح سالم
شماتعمل بهذا الشهر يالخادم
اهدي ثوابه للامام القائم

تحيات تحيات
هذا الحفل دستوره
صلوات صلوات
شعبان هل بنوره
٥

خمسه وتلاته واربعه حراسها
لحسين والسجاد والعباسها
وبمنتصف هذا الشهر مقياسها
هنياله كلمن ايده مدها وباسها

كرامات كرامات
من جنته المعموره
صلوات صلوات
شعبان هل بنوره
٦

يالحاضر انته بالحفل ويانه
اخر دعاء بهل شهر خلانه
نرفع ادينه للسمه وعنانه
يارب عجبلنه فرج مولانه

حرامات حرامات
والما اجت معذوره
صلوات صلوات
شعبان هل بنوره





لاتنسون والدي ووالدتي وأبني عباس من الرحمه والغفران خادمكم رياض الرسل الجابري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

أهلا وسهـلا بيـك يابـو المرجله
بهاي الولادة اليوم ضوت كربله

1
يامرحبا بجيتك يضنوه فاطمة
هاليوم فرحت بيك كل أهل السمه
وأهل الأرض يحسين هم متزاحمة

أسمك عبادة وملَك ربنا رتلّه

2
أربع حروف انخطت بعز وفخر
حاء وي سين وياء وي نون الظفر
أنت الإمام البيك كحلنا النظر

اقبل دعوته الراد عطفك يوصله

3
بارينه خالق صلبك بأطهر نفس
لولاك لانجمة تضوي ولاشمس
صَوّرك وأبعّد عنك أصحاب الرجس

شاهده الآية وعلى الخمسة منزله
4
ارض المدينة اليوم بيك منورة
ودّت فرحها الكربله ومتفاخره
يحسين أنت جابتك أشرف مره

والنعم منها ونعم من عقد الوله
5
يحسين أنت الفرحتنه بمولدك
والناس كلها اليوم جت اتعايدك
أثلاثة من شعبان كلنا نواعدك

نورك الطاهر بصلاة نستقبله
6
هاليوم مجتمعة بحضرتك شعيتك
طافت بصحنك ياحسين وهنيتك
من كل قلب ولسان هي نادتك

يحسين كل هذا الشرف تستأهله

7
انت ملَكّ اكلوبنا من المهد
وياك نبقه وياك مانخلف وعد
مادام جفك هو ينطينه المدد

تلكانه دوم وياك أول قافلة

شطره
امجد صاحب الشطري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة