ابوذيات وهوسات
#مولود_الحسن_المجتبى_ع

يهلهه
اجه ابنوره يزيح الكل يهلهه
الحسن مولود لايتامه يهلهه
كريم ودمعته اعليهم يهلهه
انولد يمسح دمعهم كل مسيه
.........
يرا الما
تحت جفه الكرم يجري يرا الما
وكبل مايكَصد السائل يرا الما
جره ابمولوده ماكَبله يرا الما
النبي وحيدر علي حظرو سويه
..........
هوسات
الهوسه اعله الحسن جن هوسه عالعباس
حماسيه واشوفن بيهه رفعة راس
كرم عنده ابقدر ماسيفه  ماينقاس
ها..
واثنين ايعلن من زوده
......
اذا عن الحسن نحجي
نحط عالجلمه كون اوزان
وبالرباط كون اجتاف
توكَع ساعة الميدان
غالي وصيته يملي الكون
واصبح للكرم عنوان
ها..
واجفوف العوز املاويهه
......
شايل خبزه للجوعان         مره ابليل من مرهم
سمع ينشتم حيدر جان         بس الحسن ماغثهم
ابكثر مايشتمونه الحيد        هوه ابخبزته اشبهم
ها...
والخبزه اتسولف تاريخه
...
لو بيده الحسن ينولد اول يوم
بس حكمة الباري ابنص حياة الصوم
كفتين الشهر وانولد زاح اهموم
ها.. ميزان اتوسط رمضانه

الشاعر
ياسر العارضي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

🌹هوسات لمولد الامام الحسن ع🌹

صفنت وفكرت ليش بشهر رمضان
صاير مولدك يمشبّع الجـــــــوعان
اثاري ثنينكم نفس الصفه تحملون
كريمين وصبحتو للـــــــكرم عنوان

ولطير ايحط اعله اشكاله
👏👏👏👏👏👏👏👏👏
شوصفك يالحسن بيك الوصف محتار
يالفارش سفرتك طيب للــــــــخطار
غيره ومرجله واعظم نسب بالكون
رب العزّه خلّه شكثر بيك اســـــرار

شنوصف بيك احتارينه
👏👏👏👏👏👏👏👏👏
حاير يالحسن بيش أوّصفِك للناس
يا بحر الكرم بيك الكــــــرم ينقاس
يمدلـِلِ الضيف وتطي للــــــمحتاج
العزوبيه انته الداگلــها الســـــــاس

يا ساس الطيب وعنوانه
👏👏👏👏👏👏👏👏👏
شوصفك يالحسن يا هيبت المختار
يالــــوارث شجاعة حيدر الـــــــكرار
يبو محمد الك  تشهد حرب صــفين
حصد روس الكفر ياسيفك البـــــتار

يا شمرة حيدر وفعاله
👏👏👏👏👏👏👏👏👏
يا بن فاطمه هاليله اريد انــخاك
غرگان واريد اتمدلي جف يمناك
غارگ بالذنب واتوســــلك مـولاي
شفيع تصير اليه وكون اضل بحماك

وبجاهك كون تنجيّني


علي كاظم المنصوري


https://t.me/joinchat/AAAAAEFVSMd2pvMFlLPXYg

مولد
لذكرى ميلاد كريم آل محمد
الأمام الحسن المجتبى عليه السلام
.......
أبميلاد الحسن سبط النبي طه
فرحت فاطمه و الشيعه وياها
........
1
فرحت فاطمه يا محلا فرحتها
هذا اليوم سر فحوى ولادتها
عميد الساده روس الساده رفعتها
حكها أعله النساء الزهراء تتباها
........
2
أبرمضان الكريم الله أكرم الزهره
يوم 15 رمضان نص عمره
ها يم الحسن هاج الحسن بشره
الله أشكد يحب الزهره ونطاها
........
3
أبميلاد الكريم السبط أبو محمد
بوسات التهاني تنطبع عالخد
شيعي أيهني شيعي وينرسم مشهد
شيعه والفرح تارس ثنياها
........
4
يا بحر العلم يالما يجف نبعه
جينه المحفلك و ندور الرفعه
ورده أنشيلك بيد أو نشب شمعه
جددنه العهد وياك معناها
.......
5
أبو الفقره الدلال أمشبع الفقره
مضيفه بالمدينه واسع أشكبره
الكهوه أمهدره ومن دلته الصفره
لو صب كهوته ريحتها مزكاها
........
6
الليله الليله أجينه أنريد عيديه
من صرة الزهره الخير ممليه
كلمن طلب حاجه الحاجه مكظيه
تنطينه الأجر واللمه محلاها
.........
7
أبشهر الله الكريم أو لذة أصيامه
أصحاب العوايد كلها محتامه
ميلاد الحسن ها كربت أيامه
ملهوفه العوايد تحيي ذكراها
.........
8
حضر حاجتك يا طالب الحاجه
لا واحد يظل مكسوف بحراجه
راعي الغانمه هالليله منهاجه
كل أهل الحوايج يوفي رجواها
.........
9
سله أمنالتهاني الحاره أهوايه
لبو اليمه علي نوماس الولايه
عهد الشيعه ثابت ما يزل رايه
يعبرها الصراط أتريد مولاها
.........
خادم أهل البيت
الشاعر : أسماعيل الجوراني
الجمعه : 31/3/2023


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

حسن يل تارس الدنيه ..... براهين
جميع اجروحي ميلادك .... براهين
دهري اشما سچاچينه ..... براهن
اذكره والصعاب اتلين اليه .........

ربنا الحيدره ابهل شهر ... اكرم
نطاه الحسن من الكرم ..... اكرم
يمر اسمه وأگفله اجلال ... واكرام
واصلي اعله النبي او آخذ تحيه ..

ابزغر سنه لچنّ اچبير .... شانه
طاهر من طهر مارجس ... شانه
گلبي بي عشگ مايوم .. .. شنّه
صافي ابلا دغش لبن الزچيه ...

نبارك لكم ذكرى ميلاد سيدي ومولاي الامام الحسن المجتبى عليه السلام ..
ابو فاطمة الطائي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيدة غديريه لتنصيب الامام علي (ع)



أعلنها جبريل     بارينه أمر
حيدر أتنصب      أمير أعله البشر
جبريل ناده    علي
والباري راده    علي
حيدر أتنصب     أمير أعله البشر


أعلنها جبريل وصدح بين المله
هاليوم يتنصب علي عقد الوله
ياهله بهذا الخبر ياميت هله
من الباري هالبيعه بشرف صارت اله
لجل السياده     علي
والباري ناده     علي
حيدر أتنصب      أمير أعله البشر

هاليوم عيد اليوم تنصيب الولي
بيوم الغدير الخبر شع واضح جلي
خلي العواذل خلي كلها تسطلي
بنار الحقد ويفوز مـولانه علي
بسمه القياده     علي
والباري نــاده     علي
حيدر أتنصب      أمير اعله البشر


شع الخبر والناس ملهـوفه أجت
للبيعه بحزامين كلها أتحزمت
أنظر وشوف الفرق للي عاهدت
والفرق بين الما أجت واتخلفت
أصل السعاده     علي
والباري ناده     علي
حيدر أتنصب     أمير اعله البشر

القاصي والداني عرف هذا الخبر
هنياله كلمن شارك وكلمن حضر
كلمن يحبه أتصير اله الجنه مقر
واللي يبغضه بنار ويعيش بسقر
بلله اعتماده     علي
والباري ناده      علي
حيدر أتنصب     أمير اعله البشر

عيد الغدير الليله يجمعنا سوه
وبنور ابو الحسنين شع بينه ضوه
حيدر هوانه ومانعـيش ابلا هوه
بعناد الي يبغضوه صار النه الدوه
حقق مـراده     علي
والباري ناده     علي
حيدر أتنصب    أمير اعله البشر




لاتنسون والدي وأبني عباس من الرحمه والغفران
خادمكم رياض الرسل الجابري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد للغدير /٢


.

ياعلي المابايعك عاش بألم
وبالقيامه اصبعه ايعضّه بندم
.....
ياعلي انت الاصل للمعتقد
والوجود بأكمله ليك انوجد
انت سر البسمله وسر الاحد
اللوح انت ياعلي وانت القلم
.......
كلشي ابلياك صفر وعليسار
واليضدك ياعلي ماله اعتبار
منهو مثلك عشگ منشقله الجدار
ومنو مثلك كلمن يضدك صنم
......
انبايعك ونجدد البيعه الك
يمن صح لولاك مادار الفلك
شرف ليه يسجد أبابك كل مَلَك
نورك اعله الجبل خلوه وانهدم
......
البيعه من الذر الك لاخر زمن
الشيعي نبضه يندبك يابالحسن
بكيفك الله امخلّي صك جنة عدن
وفاز كلمن بيك يالوالي اعتصم
........
انت كلشي وكلشي منك منخلق
انت بيدك كل امرنه والرزق
انت نورك لاح يسطع بالافق
وعلى متن الهادي الك موضع قدم
......
يا لسان الله النطق وكت العروج
انت سر ابحارها وسر البروج
الارض لو ما يمنتك ضلت تموج
الرفض هاي اسرارك يعيش ابوهم
......
الشاعر محمد حسن ضيغم


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

🌹 عيد الغدير 🌹

انه بحبك يحيدر امتلك كلشي
والما عنده انته اشيمتلك گلي
املكت وجدان ذمه وغيرة العباس
وملكت الدنيه كلها وبيك متعلي
انه بعين الگلب شفتك يبو الحسنين
جبل راسي بجلال الباري متجلي
يشمس الله وينوره الما يلوحك شوف
لازم من نذكرك عالنبي انصلي

🌹🌹🌹🌹

ما ادگن غير بابك ياعلي
لو ادگن ما احصل امرادي
انته درب الله المشت بيه العباد
ونته شمسه التحيي كل اورادي
ما اضيعن ونته ياحيدر دليل
بسمك اصرخ من اتيه ابوادي
اهلي علموني اعله حبك بالمهد
وبمحبتك صرت اعلم اولادي
حاظر انته اويانه النه وما تغيب
انگوم نگعد يبو حسين انادي
وبحفلنه الليله تسمعنه السماء
من نصلي اعله النبي الهادي

🌹🌹🌹🌹


الشاعر اياد الديراوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

عيدالغدير شموع ضوينالة  
ونهني طه المصطفى وكل الة 
بعيد الله الاكبر صار    والي علي الكرار
  جبريل يم حيدر نزل هنالة
::::::::::::::::::::::::::::::::::::::::::::::::::::::::::
    اختار خمسة الباري الآل الطهر
   والهم خلق الاكوان والارض وكَمر
  من نورة صورهم ونزلهم بشر
فاز التمسك بيهم ابيوم الحشر
يوم الحشر فرحان    فايز ومو خسران
ورحمة الباري وعطفة حتماً نالة                :::::::::::::::::::::::::::::::::::::::::::::::::::::::::
    فضل الهادي وكرمة رحمة انرسل
    وكرم علي الكرار ابخير العمل
   واليوم بي جبريل للهادي نزل
  للامة والي حيدر أتنصبة بعجل
قد فاز من والاه     وخاب من عاداه
   الوالاه فاز والف ياهنيالة
**
   بالدنية والي وبالقيامة النة شفيع
     كلمن تمسك بيه فاز وما يضيع
   للشيعة منقذ صار والأمة جميع
يحمينة من كل سوء سور النة منيع
حامينة حامي الجار    ايخلصنة من النار
ويظلنة لجلة الباري تحت اظلالة   
     :::::::::::::::::::::::::::::::::::::::::::::::
   نجدد عهدنة اليوم ياحيدر علي
  انتة ولينة وللقيامة اتظل ولي
  ندعي اله الكون العالي العلي
بجاه الوصي الكرار كل هم ينجلي
ياحيُ ياقيوم       نبقة نحبة دوم
وانصار للمهدي نظل وارجالة
****
أسالكم الدعاء رائد الاسدي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

#آني_غديري

بالرساله الأحمديه
والولايه الحيدريه
ياعلينه ياعلينه ياعلينه
___
آمنت بالله ورسوله وبكتابه /ياعلي
وبالنبي وآل النبي الغر النجابه/ياعلي
وأبصم أبدمي العلي بيوم أنتخابه/ياعلي
هذا ابو الحسنين والدنيه تهابه /ياعلي

هذا دين الله وكماله
والنبي بي وصّه وآله
ياعلينه ياعلينه ياعلينه
_
أفتخر آني صرت شيعي وغديري/ياعلي
وبحصن حيدر علي أصبح مصيري/ياعلي
ياعلي وقبل الغدير أنته أميري /ياعلي
بايعك ياأبالحسن گلبي وضميري/ياعلي

بعالم الذر ياولينه
أحنه لك مدينه أدينه
ياعلينه ياعلينه ياعلينه
_
آنه ماأترك أبد هاي العقيده /ياعلي
ولاأعوف أحسين والغالي عضيده/ياعلي
واليحب المرتضى خل يرفع إيده /ياعلي
وألي ما وآله علي لا مانريده /ياعلي

والعشگ بيت القصيده
خل يگلي مُلا عيده
ياعلينه ياعلينه ياعلينه
_
ياعلي أمي بالمهد چانت تندبك /ياعلي
وچان أبويه وداعتك كلش يحبك/ياعلي
هوه وصاني على نهجك ودربك /ياعلي
ومن تعلمت الكتابه صرت أكتبك/ياعلي

ياگمر ويضوي نوره
عدنه ألك بالدار صوره
ياعلينه ياعلينه ياعلينه
_
أنته ديني ومنهجي وصومي وصلاتي/ياعلي
وأنته عنوان الصحيفه في حياتي/ياعلي
ماأخاف بيوم لو حانت وفاتي /ياعلي
شلون أخاف وأنته تحضر في مماتي/ياعلي

تشفع بيوم القيامه
ونعبر أوياك أبسلامه
ياعلينه ياعلينه ياعلينه
_
آنه مجنون أبمحبتك يبو العباس/ياعلي
أفتخر بيك آنه دوم وأرفع الراس /ياعلي
مايهمني الما يفهمك وأدري بالناس/ياعلي
بعض منهم ينكرك چي عرگه دساس/ياعلي

الما رضه بحيدر أميره
باچر أجهنم مصيره
ياعلينه ياعلينه ياعلينه
___
الشاعر (أسعد قاسم الگريعاوي)


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

٣  موالات للأمام علي (ع)



الفته ومغـرض قــصــد ريتـه وعسـه لافــتـــه
وأهــل الشرك والحــقــد هــذا الأمـــر لافــتـــه
لتخاف أحچي الصدگ دگ عــالصـــدر لافـتــه
ويــل ماتگــول الصــدگ أبتعـــد عــنــي ولــي
واضح ومــثــل الشمس هــالامــر ألـكـم ولــي
ناشـــدت أهـــل العگــل ياهـــو بمكـانــه ولــي
ردوا عــلــيـه عـلــي غــيــره أبـــد لافــــتــــه



بـيـوم الغــديـر النبي شال أيــد حــيــــدر علي
مـــولاكــم أصبح عــلي وأتـنصب امـن العـلي
بــاچــر بـيــوم الحــشـــر الــنـــار كـلهـا علي
مـيــوالي هـذا الفــتــه ويصيـر من شيعــتــــه
هــالخبـر أصبح أمـر كل البشــر شـيـعــتــــــه
والمعـتــقــد بالامـــر مات وهله شـيــعــتــــــه
محــد يجيه بــالگـبــر يحضـــر أله بس علي



كلمــن يـبـغـضك عــلي ربـك يصـيـبــه بـشــر
وكلمــن يحــبــك عــلي ربــك بجـنــه بــشـــر
نــورك يــشــع بالسمه والــوجـه طيب بـشــر
غـيــر العــبــاده أبــد بــالــدنـيـا نـــدري ملك
ولــوردت انته وعــلي تــاخـــذ الــدنـيــا ملك
لكــن الغــايــه ردت بــالــدنيا تــصــبــح ملك
ولهــذا انتــه أصبحت والله ملك مــو بـشــــر




لاتنسون والدي وابني عباس من الرحمه والغفران
خادمكم رياض الرسل الجابري


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات جنوبيه
لذكرى عيد الغدير
وتنصيب أمير المؤمنين الأمام علي عليه السلام
.....
حتى ما يترك محجه لمهم أبوكت الهجير
وكال أبو الزهره محمد علي من بعدي الأمير
البالمقدم سمع صوته وسمع صوته البالأخير

ها ها
كلهم صوته أيسمعونه
أو عرفو غاية مظمونه
حيدر مولاكم كونه

ها ها ( أبعافيته )
دين الله أيظل أبعافيه
......
أكمال دين أتمام نعمه أو واجبه الفرحه أكيد
أو بالثبات أعله الولايه أدعي للداني أو بعيد
عيدك أمبارك يشيعي أنشا الله عيدك سعيد

ها ها
أبهاي الليله المزهيه
أبجاه الزهره المرضيه
من جف حيدر عيديه

ها ها ( مكضيه )
كل حاجه العندك مكضيه
......
خادم أهل البيت
الشاعر : أسماعيل الجوراني
الأثنين : 3/7/2023


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات عيد الغدير



يا سر الوجود ويا مليك الذات
بس انته العدل كلمن يضدك مات
علي غيرك ابد ما بايعت هيهات
ما مد الغيرك چفيني

بهذا اليوم كملت ياعلي الاديان
عيد الله الچبير وفرحة الايمان
اليگصدك ياعلي لا ما يرد خجلان
من عندك ياخذ عيديته

اگبال الناس شال اچفوفك المختار
عمدن يدري چان ابهل حضور اشرار
قسيم الجنه گلهم حيدره والنار
ظل الثاني ايفر بعيونه

الغيرك ما تلوگ الرايه والنخوه
اخذ هيچي شخص ويه النبي خوه
الله النصبك چا هيه مو گوه
والما يقبل يلطم روحه


الشاعر اياد الديراوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

الى سيدي مولاي امير المؤمنين  علي بن ابي طالب ع


…………
في شخصهِ يَتكاملُ .. دينُ الالهِ الامثلُ

سببُ الوجودِ وسرهُ.. من ذا الذي يَتباهلُ 

رداً  على من قالها . ياربنا ( أتجعلُ )

كانَ الجوابُ ، خلقهُ .. وبهَ يلوذُ السائلُ

عن علمهِ كَتَبَ الورى .. يُدعى الإمامُ المَنهلُ

مِنهُ الحَضارات ابتدتْ .. واستلهمتهُ بابلُ

عيناهُ اجملُ خطبةٍ .. مَضمونُها التفاؤلُ

مَلَكََ القُلوبَ وقد بَنى .. داراً فلا يَتبدّلُ

من امسَى مجنوناً بهِ .. يُدعىَ اللبيبُ العَاقِلُ

فيهِ المحاسِنُ كوِّرت.. قد قِيلَ عُنهُ الاجملُ

عِبرَ الاثيرِ عِشقُهُ .. بينَ الورى يَتناقلُ

وفي الرقابِ سيفُه .. وسطَ الوغى يتمايلُ

فكانَ مصداقُ العُلى ..  هو يُمهِلُ لا يُهمِلُ

فقارهُ يُدعى الرَدى .. فوقَ الرؤوسِ يعدلُ

لذكرهِ خوفاً تجد  .. جيش العدى يَتخلخلُ

بوابةُ الارضُ التي .. الى السماءِ توصِلُ

فهو الفَرائضُ كلُّها …  الاصلُ والنوافلُ

لولا السَميّ ،، المُصطفى .. من غارهِ لا يَنزِلُ

لم يدعُ اجعلّي اخي .. بل نادى فيهِ المرسلُ

ربُ العِبادِ ورثه .. اذ قالَ اني جاعلُ

فصارَ ميزان التقى ..  فصلُ الوجود ، الاعبلُ

ايقنتُ دونَ حُبهِ .. اعمالُنِا لا تُقبَلُ
……

ايوب يوسف / ذي قار

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات
تفاخر بحب أمير المؤمنين (عليه السلام) وموالاته


مـلاليـح ونـمـيـز الروج والهـادي
ونعـرفلـها گـبل لا يبتـدي البـادي
وما جينـه غفـل للجاينه ايعـادي
نبيَّـن عالجـبل ما نخـتـل بـوادي
وما گلنه ذهب عالمعدن الصادي
ومـن هايه لحيـدر والينـه
ــــــــــــــــــــــــــــــــــــــــــــ

مثل نار الحسن والتـايه انجـيبه
كثر ما بينه فاحت ريحة الطيبه
شيعه ومن علي اتمَيَزنَه بالهيبه
اليجَـلبـنَـه ١٢ لــو ألـف تجـليـبه
بس حيدر نهـواه يلگـانه
ــــــــــــــــــــــــــــــــــــــــــــ

إحـنــه اربـاة وادم مــن أُولـي الألبـاب
متـمـيزيـن عـالكُـل عـنـبـر المـشـخـاب
ما هَمنَه الوكـت ناس اشيودي وجـاب
گلبنه ايرف فقط لو گلت داحي الباب
ونتـوضـه وإسمـه إلا انگـولـه

ــــــــــــــــــــــــــــــــــــــــــــ

أحمد البصراوي العبادي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات عيد الغدير
---------------------
يمن گضاي للحاجه شباچك
هجومك ضيم والحنضل شباچك
بصفين انصبت حيدر شباچك
وگمت اتصيد بيهم ميه ميه
--------------------
بس انته علي الگضاي لازم
بحبل اولايتك للموت لازم
اجيك الحضرتك مولاي لازم
وطش چكليت الك هاي المسيه
--------------------
بتنصيبك نصوص اهواي نصين
الك يوم الغدير اجبال نصين
يمن مرحب اضربته وصار نصين
خليفه انته الخليفه اعله البريه
-------------------

السيد كريم دانه الاعرجي


هوسات عيد الغدير
-------------------
اسولفها بعلو صوتي ولاخاف
انته الاول انته وموش آخرها
امامي والخليفه ومعترف بيك
ابايع للحشر والبيعه انشرها
چانوا وين همه بخيبر الانذال
ختلوا بالبيوت الخوف صاگرها
القالع باب الخيبر/يسلم چفك يابو حسين
-------------------
يگضاي الحوايج للحوايج هاك
اخذهن ياعلي وگضيهن بعرفك
ندگ بابك نجدي والخجل مرفوع
وبالزهره العزيزه نوگف انحلفك
چنت باليل تطلع تنطي للايتام
ايتامك صفينه وسيدي انكلفك
اعلينه تمر اعلينه/لمن تطلع تالي اليل
-------------------
اجينه انبايعك مولاي انته اول خليفه النه
اولهم عليهم صار صارت حصته العنه
لون حاضر سقيفتهم
راسه چا طفر منه
الاول انته الاول/ياهو المنهم يوصل ليك
-------------------
السيد
كريم دانه الاعرجي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات غديريه

علي قائد الامه والغدير اثبات
وبحيدر علي نزلت اهواي ايات
بأن هو الولي ويملي الارض رحمات
ها... والامه ابحيدر مرحومه
............
علي ابيوم الغدير ايصير قائدنه
علي من عنده احنه وهو من عدنه
وبيوم الحشر باجر يعبرنه
ها..... وابحيدر مضمونه الراحه
............
علي اول خليفه وابد مو رابع
حبه بالكَلب ماخذ جزء واسع
وابغيره تره ابتاريخ ماسامع
ها..... وبحيدر يكمل ايماني
............
علي صاحب البيعه وماكو ابد غيره
وعلينه اكتاب ربنه وصعب تفسيره
اول يبقه ابد ميجوز تغييره
.ها.... والحيدر معروفه البيعه
.............
حيدر للبشر رحمه وهدايه ودين
ومنو مثله ابو للحسن وي حسين
هو الأول وماتحتاج كل تبيين
ها..... والحيدر يشهد قرأنه

الشاعر ياسر العارضي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات في تتويج الإمام الحجة عجل الله فرجه الشريف

انطانه الباري مانهوه وردنه
النسايم هبت اتناغي وردنه
خبر تتويج ابوصالح وردنه
امام العصر محبوب الرعيه

يمن بيك الگلوب شكثر هامات
ها گالوا اعدانه رحل. ها مات
تتويجك يذل لعداك هامات
ويفرح شيعتك يبن الزچيه

الشاعر حسن لعيبي الحريشاوي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد النبي ص

……………………………………………………………

الك سـويت الاكـوان
خلقت الانس والجان
فرشـت الگـاع الـوان
لجل عينك محمد ••• لجل عينك محمد

…………………………………………………………..

رب الكـون انا  و رب الايات
الك يا طـه رفـعيت السـماوات
على حروفك مشت هاي المجرات
احـبك و اليحـبك دخـل جـنات

الشمس لجبينك اتزور
گـمر مـن عـندك يـنور
خلـقت انهار و ابحور
لجل عينك محمد ••• لجل عينك محمد

……………………………………………………………

گبل ادم محـمد انت مـوجـود
لان ابظهره نورك صار الـ سجود
الملائك گصدتك مو هو مگصود
على اجناح الملائك اسمك اورود

لان بسمك يمحبوب
غـفرنه الآدم اذنـوب
رجع لمجانه مهيوب
لجل عينك محمد ••• لجل عينك محمد

……………………………………………………………

وصلت القاب قوسينين اليه
الك مشـتاق يا سـيد البريه
يخطاري وهله بجيتك عليه
حصرا بس الك يا ابو الزجيه

اصـعد للسـمه و روح
الك بس انت مسموح
جنان ابعـطـرك اتفوح
لجل عينك محمد ••• لجل عينك محمد

……………………………………………………………

يبو خلق العظيم وشايل اوصاف
مـثل نورك ابد جبريل ما شـاف
مـيه و اربـعـه وعـشـرين آلاف
نبي و مايوصلونك حد الچتاف

كلها ازغير و اچبير
قطره ابحرك اصير
الـك كبّـروا تكـبير
لجل عينك محمد ••• لجل عينك محمد

……………………………………………………………

هذا الدين مهره و انت خيال
واوزار الرسـاله كـلـش اثگال
و بكل زود جتفك للحمل شال
يمن وصلت ديني اجنوب وشمال

امفضل عل بشر حيل
فضل الگمره عل الليل
يويله الخالـفـك ويـل
لجل عينك محمد ••• لجل عينك محمد

…………………… .……………………………………

ونصرناك ابعلي البروح يفداك
و بكل معـركه يرهبـهم اعداك
و الكوثر هـديه الباري انطـاك
خدم للزهره صارت كل الاملاك

و انـطـيتك امامـيـن
مهجتك حسن وحسين
و تسـعه مـن المـيامين
لجل عينك محمد ••• لجل عينك محمد

……………………………………………………………
✍️ ( سيد خضر الزاملي )


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

( يا ريحة الهيل ) ميلاد أمير المؤمنين ع

نبض الكلب صاح بأسمك ياعلي
كل شدتي اتزول كل هم ينجلي
اغلى واعز ناسي يالساكن احساسي
***

نبض الكلب صاح وهتف مولانه يالغالي
تمشي بشرايين الدمــــــه ياقبلـــــة آمالي
انته البدايه ياعلــــــــــــي والباقـي للتالي
ياسالفة حـــــــــب وعشك يالسـاكن ابالي
ياريحة الهــــــيل ياعطر المجد
من اسمك ايفوح ريحان اورد
نوماسي نوماسي يالساكن احساسي
***

ياريحة اعطور العشـــك من ذكرك اشتمه
اسمك ينبع عاطفـــــــــه مملــوحه هالجلمه
مثل الندى الينثر عطف لو هبــت النسمه
نور انته واظح كالشمس والخالفــــك يعمه
شمس الله ابو حسين يالوجهك ضوه
يالعايش انفــــــاس وبريتي هوى
ياشمة أنفاسي يالساكن احساسي
***

يالأسمك بســـاك العرش يانــــــــور البعيني
كلما احس جدمـــي تزل انته الـــي تهديني
حسيتك بروحــي وحـي للحـــــــــك تدليني
اطلب طلب وانته الوفي خـــــادم تخلـــيني
ياباب الاحســــــــان ياجف النِعم
ديوان الاجـــــواد وإدلال الكرم
يلي انته نبراسي يالساكن احساسي
****
يالجفك ايوزع نِعـــــــم انطيني من خيرك
ماهاوي بس انته وفقط مابـــــاوع الغيرك
جنني حبك ياعلـــــــي محبــــوبك ايسيرك
منك اريدنه الشــــــكر اودزلــــي تقديرك
من فضلك اليوم توهبلي الاجر
خادم الك دوم والتالي العمر
ياتاجي البراسي يالساكن احساسي
***
خليني خادم ســــــيدي واحضى بموا لاتك
اذكرني يانفس النبـــي ســـــــاعة مناجاتك
ظلل عليه بنعــــــمتك وابفـــــــي كراماتك
اغفر ذنبوبي برحمتك واســـــترني بعباتك
ياصاحب الجـــــاه من رب السمه
يارحمـــــة الله ياحامي الحمى
كل لحظه ماناسي يالساكن احساسي
***

ابو علي الركابي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

بمناسبة ولادة امير المؤمنين الامام علي بن ابي طالب عليه السلام

أجت ساعه الهنيه.   كرم رب البريه
بيها انولد ياناس  علي حامي الحميه
★★★★★
كرم الله وعطيته.  وللوادم هديته
والد وسط بيته.   علي اجمل هديه
★★★★★
رسول الله اذا صاح  مدد نورك يشع لاح
اخوك اتصيرله جناح   ودرع يوم الرزيه
★★★★★
علي يا كنز مكنون    وين البيه يعرفون
ال طه  مثل هارون  اخوه انته اووصيه
★★★★★
يدين الله وحكمته    وعلى العالم رحمته
وعلى الظالم نقمته     يبو الچف السخيه
★★★★★
اجه يوم الاماني     اله   چنه نتاني
تبادلنه التهاني   والك نرسل تحيه
★★★★★
علي خير وكرامه. على الناس وسلامه
وعلى العابد اصنامه. نزل سيفك منيه
★★★★★
علي الطاعن برمحين   والمهاجر هجرتين
علي يعسوب للدين        يبو نفس الابيه
★★★★★
علي عمره ابتسامه    بوجه كل اليتامه
لجلهم تعب يامه       يبو الذات الوفيه

الشاعر حسن لعيبي الحريشاوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

بي طلگت الكعبه. ونورنه بعياده
حيدر علي الليله. يا ناس ميلاده
صلوات على النبي
صوات على النبي
****
ميت هله براعي الفخر والغيره صلوات على النبي
والصعبه يم حيدر تصير ازغيره. صلوات على النبي
والندب حيدر ما يضل بحيره صلوات على النبي
وبس علي قائد ماكو واحد غيره صلوات على النبي

وكل احنه ناديته
بس علي والينه
صلوات على النبي
****
انشق جدار الكعبه بس الحيدر صلوات على النبي
ايه علي ومثله فلا يتكرر صلوات على النبي
الليله هتف جبريل بسمه وبشره. صوات على النبي
يا هله بليث الكون قالع خيبر. صلوات على النبي

وكفاته معروفه
اشمحله اسمه وحروفه
صلوات على النبي
****
خل الهلال ترتفع هليله. صلوات على النبي
كل الملائك نزلت تهنيله. صلوات على النبي
لو بت اسد لو مريم اتلوليله. صلوات على النبي
معروف ابو السبطين حامي دخيله. صلوات على النبي

فرحان ابن عمه
وهذا الفتى ايهمه
صلوات على النبي
**
هوه البيان الصادق يعرفونه. صلوات على النبي
واهل الوصف ما كدرو ايوصفونه. صلوات على النبي
يسحر جماله وماكو مثل عيونه. صلوات على النبي
اقرو الفلق عن لا علي يحسدونه. صلوات على النبي

فلقت قمر چنه
وبي ريحت الجنه
صلوات على النبي
*
حيدر امامي وسيد الحنيه صلوات على النبي
واعظم محارب بالكره الأرضية. صلوات على النبي
بس علي يعرف معنى الانسانية. صلوات على النبي
والدين يتباها بعلي يوميه. صلوات على النبي

يا محله صمصامه
احزام النبي احزامه
صلوات على النبي
*
تمت
تحسين الخفاجي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة