⚡️Абай облысында «Мөлдір бұлақ» апталығы жалғасуда

Жарма ауданында «Таза Қазақстан» республикалық эко-акциясы аясында «Өзен-су – өлке ажары» іс-шарасы өтті.

Басты мақсат – өскелең ұрпақты туған өлкенің қоршаған ортасы мен табиғи ресурстарына ұқыпты қарау дәстүрлеріне тәрбиелеу.

Акцияға 50-ден астам еріктілер, белсенділер, мекемелер, ұйым қызметкерлері, аудан тұрғындары қатысты. Акция аясында су қойманың жағасындағы қоқыс, тұрмыстық қалдықтар жиналды.

Ауданда 30-дан астам өзен бар. Оңтүстігінен солтүстігіне қарай ағып жатқан судың негізгі көзі – Шар өзені. Бұл өзен Қаражал биіктігінен бастау алады. Оның жалпы ұзындығы – 259 шақырым, су жинау алаңы – 14 900 км. Сарыарқа мен Қалба жотасының шекарасынан Ақшы ауылының жанындағы Ертіске құяды. Су – тұщы. Өзеннің негізгі каналына аудан жерлеріндегі бірнеше салалар іргелес.

Жазда су қоймасының аумағында демалушылар саны жыл сайын артып келеді. Олардың ішінде табиғатқа немқұрайлы қарайтындар көп, соның салдарынан су қоймасының жағасында шыны бөтелкелер, консервілер және басқа да қалдықтар жиналмай жатады. Еріктілер өз кезегінде, мұндай бұзақылыққа жол бермей, табиғатқа ұқыпты қарауға шақырады.

Осылайша, азаматтар 1-2 сағат ішінде Шар су қоймасының жағасын жинады. Болашақта ұйымдастырушылар аумақты тазартуға мүмкіндігінше көп адамды тартуды жоспарлап отыр.

t.me/abaiaqparatkz

✅Аймақ басшысы соғыс ардагерлері мен тыл еңбеккерлерін Жеңіс күнімен құттықтады

Ұлы Жеңістің 79 жылдығы қарсаңында Абай облысының әкімі Нұрлан Ұранхаев соғыс ардагерлері мен тыл еңбеккерлеріне барып, сұрапыл жылдардағы ерліктері мен жеңісті жақындатуға қосқан үлестері үшін алғыс айтты.

✔️Қатарымыздағы қарт жауынгердің бірі - Александр Атавин. Батыс майданның 58-ші дивизия құрамында ауыр минометтерді тасымалдаушы көлік жүргізушілерінің бірі болған ардагер мереке қарсаңында үлкен құрметке ие болды.

✔️Ал, 95 жастағы Екатерина Краснянская да соғыс қиыншылығын бастан өткерген. Әскери госпитальде санитар болып жұмыс істеп, Волхов және Ленинград майдандарына қатысқан.

«Жеңіс күні біз үшін ерекше мереке. Майдан мен тылдағы ата-әжелеріміздің ерліктері мен еңбектері ұрпақтан-ұрпаққа айтылып қала беретін мұрамыздың бірі. Біз жеңімпаз аға буынға мереке қарсаңында ғана емес, үнемі көңіл бөліп отыруымыз керек. Бұл кейінгі буын біздердің ардагерлер алдындағы борышымыз», - деді әкім.

✔️Маршал А.М. Василевскийдің басшылығымен бірнеше майдандарда жауға қарсы соғысып, Харьковті азат етуге атсалысқан «Халық Қаһарманы» Әбдіғали Қаймолдин, Польша мен Чехословакиядағы шайқастардың ортасында болған ардагер Иван Шевцовқа да лайықты құрмет көрсетілді.

Ардагерлер облыс басшылығына құттықтаулары үшін алғыс білдіріп, барша қазақстандықтарға ашық аспан, зор денсаулық тіледі.

t.me/abaiaqparatkz

⚡️Семейде лифт құлауы салдарынан 6 адам жарақат алды

8 мамырда сағат 12:30 шамасында Семей қ. ПБ Әуезов ПБ кезекші бөліміне «103» диспетчерінен Әуезов даңғылы, 3 бойындағы көпқабатты тұрғын үйдегі екінші кіреберісте лифт шахтасына лифт құлағаны туралы хабарлама келіп түсті.

Сағат 11:40 шамасында лифтке 6 адам кіргені анықталды. Рұқсат етілген салмақтан асып кету салдарынан лифт кабельдері үзіліп, кабина шахтаға құлаған.

Қазіргі уақытта зардап шеккендер Семей қаласындағы жедел медициналық жәрдем ауруханасына жеткізіліп, оларға медициналық көмек көрсетілуде. Оқиға салдарынан қаза тапқандар жоқ. Қылмыстық іс қозғалып, тергеу жүргізілуде.

t.me/abaiaqparatkz

⚡️Елімай командасы ел кубогінің жартылай финалына жолдама алды. Жартылай финалдағы қарсыласымыз Ақтөбе командасы.

t.me/abaiaqparatkz

⚜️Қымбатты ардагерлер!
Құрметті жерлестер!

Халқымыз үшін қастерлі мереке – Ұлы Жеңіс күнімен баршаңызды шын жүректен құттықтаймын!

Бүгін — жанқияр ерлік пен еңселі елдіктің рухы өрлеп, Жеңіс жалауы желбіреген ұлы мереке. Халқымыз «Ел үмітін ер ақтар, ер атағын ел сақтар» деп, жеріне қорған болған азаматтарды әрқашан ерекше құрмет көрсете білген.

Жеңіспен өрілген ұлы тарихымыз – Отан үшін от кешкен батырларға кенде емес. Сол себепті елдік жолында күрескен ұландар қашанда ұлықтауға лайықты.
Біз есімдері тарихтың бетінен мәңгі өшпейтін аға буын алдында өлшеусіз қарыздармыз. Ешкім де, ешқашан ұмытылмайды!
Ерлік Даңқы өшпейді!

Абай елінде Жеңістің 79-шы көктемін 5 Ұлы Отан соғысының ардагері мен 2 мыңнан астам тыл еңбеккері қарсы алуда. Оларға мемлекет тарапынан жан-жақты қолдау көрсетілетін болады.
Осынау Ұлы күнде әр шаңыраққа шаттық, ырыс пен бақ-береке орнасын.

Елдігіміз еңселі, болашағымыз баянды, тәуелсіздігіміз тұғырлы болсын!

Жеңіс жалауы мәңгі желбіресін!

Құрметпен, Абай облысының әкімі Нұрлан Ұранхаев.

🚀#АбайОблысыныңӘкімдігі

Facebook | Instagram | gov.kz

🌀Уақыт өткен сайын сұрапыл соғысты бастан өткерген ардагерлердің қатары сиреп барады. Бүгінде Абай облысында Ұлы отан соғысы ардагерлерінің  бесеуі ғана қалды. Оның бірі өмірбаяны бір кітапқа жүк болатын аңыз адам 102 жасар Әбдіғали Қаймолдин.

Толығырақ бейнежазбада🔴

#Жеңімпаздартарихы #Историяпобедителей

⚡️Семейліктер Жеңіс Күні мерекесін атап өтуде

9 мамыр күні Семейдегі Жеңіс саябағы алаңында Мәңгілік алауға гүл шоқтарын қою рәсімі өтті. Оған Абай облысының әкімі Нұрлан Ұранхаев, «Шығыс» өңірлік қолбашылығының офицерлері, жасұландықтар, ҰОС ардагерлері, тыл еңбеккерлері қатысты.

Алаңға жиналғандар соғыс даласында қаза тапқан майдангерлерді бір минут үнсіздікпен еске алып, Қазақстан Республикасының Мемлекеттік Әнұранын шырқады.

Жиналғандар алдында сөз сөйлеген Абай облысының әкімі Ұлы Жеңіс күнін ерекше сезіммен қарсы алған әрбір тұрғын үшін қасиетті маңызға ие екенін атап өтті.

Іс-шара қалалық мәдениет сарайының концерттік бағдарламасымен жалғасты. Сондай-ақ, алаңда далалық ас үй ашылды, онда қонақтарға сарбаз ботқасы ұсынылды.

t.me/abaiaqparatkz

⚡️Семей қаласының әкімдігі ҚТҚ полигонынанда орын алған өртке қатысты пікір білдірді

Бүгін ҚТҚ полигонының аумағында («Хазипов» ЖК балансында) қоқыс (қабық) жануы орын алды. Шамамен 900 ш.м. құрайды.

Оқиға орнында өртке қарсы қызметтің күштері мен құралдары жұмыс істеуде. Өрттің таралу қаупі жоқ.

t.me/abaiaqparatkz

⚡️Соғыс ардагерлеріне арналған сайт іске қосылды

Бұл туралы мәдениет және ақпарат министрлігі мәлімдеді.

batyrlargatagzym.kz порталында қазақстандық ардагерлер туралы мәлімет ұсынылады.

t.me/abaiaqparatkz