ታድለን ቢሆን . . .

የሙስሊሙን ተማሪ መብት ማስከበር የሙስሊሙ ተማሪ ሀላፊነት ብቻ አልነበረም። ታድለን ቢሆን የተማሪዎቹን መብት አክብሮ ማስተማር የዩኒቨርስቲው ሀላፊነት ነበር። ግን አልሆነም! ታድለን ቢሆን ዩኒቨርስቲው መብታችንን ሲጥሱ መብታችንን የማስከበሩ ሀላፊነት የትምህርት ሚኒስቴር ነበር። ግን አልሆነም! ታድለን ቢሆን መብታችን ሲጣስ የማስከበሩ ሀላፊነት የሰላም ሚኒስቴር፣ የፍትሕ ሚኒስቴር፣ የሴቶች እና ማህበራዊ ጉዳዮች ሚኒስቴር ነበር። ግን አልሆነም! ታድለን ቢሆን እንደ ሙስሊም መብቶቻችንን የማስከበር ሀላፊነቱ የመጅሊስ ነበር። ግን አልሆነም!

አልሆነምና ተስፋ ቁረጡ የሚሉም አልጠፉም። ለሁሉም ግን አላህ በቅዱስ ቃሉ ያስቀመጠውን ድንቅ አንቀፅ አንብቡላቸው።


" الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ

እነዚያ ሰዎቹ ለእነርሱ፡- «ሰዎች ለእናንተ (ጦርን) አከማችተዋልና ፍሩዋቸው» ይሉዋቸውና (ይህም) እምነትን የጨመረላቸው «በቂያችንም አላህ ነው ምን ያምርም መጠጊያ!» ያሉ ናቸው፡፡" [3:173]

ለሁሉም በቂ የሆነው አላህ መጠጊያችን ነው። ከእርሱ ወጪስ መጠጊያ አለን? ምንኛ ያማረ መጠጊያ ነው።

@aaumsu

"አዲስ አበባ ዩኒቨርስቲ 2 ሶስት ቀን ኒቃብ አይከለከልም ቢል መፍትሔ መጣ አንልም። ምን ማለት ነው? እኛ የምንፈልገው በመመሪያ የፀና መብት ነው። ነገ የት ነው የምታስጮሁን ብለን ልንጠይቅ ነው?!" -

@aaumsu

አልሐምዱሊላህ __ ታድለናል !

‎ገና ባልጠና ጉልበታችን፥ የብዙዎች ያልተሰራ የቤት ሥራ በጫንቃችን ላይ ተጣለብን።
‎
‎ታድለን ...
‎የትውልድን ክብር በመጠበቅ ላይ ኃላፊነት ወሰድን።
‎
‎ታድለን...
‎የእህታቸው ክብር እየተነካ፥ በሰላም ተኝተው የማያድሩ ዓይኖች ተሰጡን።
‎
‎ታድለን...
‎ፍትሕ ስትቀበር «በእኔን ከተመቸኝ ይሁንታ» የማይቀበል አዕምሮ ተሰጠን።
‎
‎ታድለን...
‎ቀን እስኪያልፍ የሚጎድልን ክብር የማይታገስ ልብ ተቸርን።
‎
‎ታድለን...
‎ሌሎች የፈሩበትን ነገር በድፍረት የመጋፈጥ ወኔ ተሰጠን።
‎
‎ታድለን...
‎«አዳኝ» እስኪመጣ ሳንጠብቅ፥ ኃላፊነታችንን የምንወጣበት ተቆርቋሪነት ተሰጠን።
‎
እንደኛ የታደለ አለ እንዴ?!
‎
‎ታድለን...
‎ፍትሕ መጓደል አመመን።
‎የመብታችን መጣስ ቆረቆረን።
‎ጭቆና አንገሸገሸን።
‎
‎ደግሞ እንደኛ የታደለ አለ እንዴ?!
‎
‎ታድለንማ'ኮ...
‎ታሪክ "ካላጎነበሱት" መካከል መዘገበን።
‎መስዋዕትነት ከገባቸው፤
‎ትውልዳቸውን ለመታደግ ቁርጠኛ ከሆኑት መሃል መዘገበን።
‎
‎ደግሞ እንደኛ የታደለ አለ እንዴ?!
‎
‎ታድለንማ'ኮ...
‎በአላህ ላይ ከሚመኩት፣
‎ለመንገዱ ከሚታመኑት፤
‎ድልንም ከርሱ ብቻ ከሚጠብቁት ሰራዊቶቹ መሃል አደረገን።
‎
‎ደግሞ እንደኛ የታደለ አለ እንዴ?!
‎ለኛ የተሰጠው ለማን ተሰጥቷል?! - ዙሪያችሁን አትመለከቱምን?!
‎
‎በህይወታችን ካየናቸው ብዙ ብዙ ብቸኝነቶች ውስጥ፥ በዚህ የትግል መንገድ ላይ ያለ ብቸኝነትን ያህል ዋጋ ያለው ብቸኝነት የት እናገኛለን?!
‎አላህ የሚያየው፣ የሚመሰክርለት ብቸኝነት!
‎ወደ ድል እንጂ የማይደርስ፣ ውድቀት የሌለበት ብቸኝነት!!
‎ትርጉሙ ጥልቅ፣ ክፍያው ብዙ ብቸኝነት!!!
‎
‎ይህ እንደዋዛ 'ሚገኝ ነው እንዴ 'ሚመስለን?! ‎በፍጹም።
‎ለዚህ ብቸኝነት መመረጥ ያሻዋል።
‎
‎ይህ'ኮ ታላቅ ጸጋ እንጂ ሌላ አይደለም።
‎አልሐምዱሊላህ!!!
‎
‎ሐስቡነላህ ወኒዕመል ወኪል!!!

@aaumsu

ይህ ዛሬ 6 ሰዓት ከ50 ላይ በአምስት ኪሎ በር ላይ የተከሰተ ነው!

ኒቃቢስት ተማሪዎችን ኒቃባችሁን ካላወለቃችሁ አትገቡም በማለት መልሰዋል። መታዎቂያ አሳይተን እንግባ ቢሉም እምቢ ተብለው ተከልክለዋል።

መብታችንን በግልፅ የሚጥስ መመሪያ አወጡ፤ ኒቃቢስቶችን የሚያገል እና ምቹ ያልሆነ የቴክኖሎጂ ስርዓት ዘረጉ፤ ይህ ግልፅ የሆነ መዋቅራዊ ጭቆና ነው። ያሉበትን መዋቅር ሙስሊም ጠል ለሆነው አስተሳሰባቸው ማስፈፀሚያ እያደረጉት ነው።

የዚህ ሁሉ ምንጭ ለሐይማኖት ነፃነት መብታችን እውቅና መንፈግ ነውና በሁሉም መንገድ ልንጠይቃቸው ግድ ነው። በጋራ ሀገር በጋራ ሀብት በገነባነው ተቋም ውስጥ እኛን ያገለለ መመሪያ እና ስርዓት ለምን እንዳወጡ ልንጠይቃቸው ግድ ነው። በመመሪያ የጣሱትን መብት በመመሪያ ከለላ እስኪሰጡት፤ ለፈፀሙብን በደል በሕግ አግባብ እስኪጠየቁ ድረስ ልንታገላቸው ግድ ነው።

ጥያቄ አለን _ ፍትሐዊ መልስ እስኪመጣ ! ! !

@aaumsu

Sarbama mirgaafii cunqursa barattoota yuniversitii Finfinnee irra gahaa jiru, afaan niqaabistoota irraa. Dhaggeeffadhaa, hunduu akka dhagahuufis tamsaasaa.

Gaaffii qabna_ deebiin haqaa hanga kennamutti !

@aaumsu

በአዲስ አበበ ዩምበረስቲ  በኒቃቢስት ደረሳሶ ኢጄጅ ናረይ ምካት ተገግኒሙ ቲሰሙይ። አጥናቡይ! ለበለ ሰብ ኢጄጃምነኮ አሱይ

ሱል አለነ_ ኣዲል ጀዋብ ኢመጫን ጃንጎ!!!

@aaumsu

"ዝምታው ይሰበር!
ጭቆናው ይብቃ!" - ወንድም ሙራድ ታደሰ

   የሚከተለውን መልዕክትም አስተላልፏል፦

"መንግስት አለ» በምንልበት፣ የሀገሪቱ የፖለቲካ፣ የኢኮኖሚና የዲፕሎማሲ ማዕከል በሆነችው አዲስ አበባ፣ 4 ኪሎ እና 6 ኪሎ
(AAU) ላይ የሙስሊም እህቶቻችንን መብት ማስከበር ካልቻልን፤ የመንግስት አማጺ እና ጽንፈኛ በነገሰበት አክሱም ከተማ ላይ ሙስሊሙ መብት ያገኛል ብሎ ማሰብ ዘበት ነው! ይህ በዋና ከተማችን፣ በመንግስት አፍንጫ ስር እየሆነ ያለ ግልጽ መዋቅራዊ ጭቆና ነው! በአዲስ አበባ ዩኒቨርሲቲ የሙስሊም ሴቶችን ክብር እና መብት ማስከበር ያቃተው ኡማ፣ አክሱም ላይ ሄዶ መብት አስከብራለሁ ቢል ቀልድ ነው።"

ኢንሻአላህ _ መብቶቻችንን ለምነን ሳይሆን ታግለን እናስከብራለን። ጥያቄ አለን _ ፍትሐዊ መልስ እስኪመጣ !

@aaumsu

في جامعة أديس أبابا، تعرضت الطالبات المنتقبات لانتهاكات تمس حقوقهن. يجب أن يصل هذا الأمر للجميع، ويجب اتخاذ خطوات لتحقيق العدالة.

استمعوا لرسالتهن وانشروها أمانةً لوجه الله، وسنستمر في طرح السؤال حتى نصل إلى إجابة عادلة.

@aaumsu

የጀግንነት፣ ታጋይነት፣ መስዋዕትነት እና አሸናፊነት ተምሳሌት በሆኑት ነብይ ላይ ሰለዋት አውርዱ።

አላሁመ ሶሊ ወሰሊም ወባሪክ ዓላ ሙሐመድ !😍!

@aaumsu

የአላህ እርዳታ በእርግጥ ቅርብ ነው!

ፍትህን ለማስፈንና መብቶቻችንን ለማስከበር በምናደርገው ጉዞ ውስጥ የሚገጥሙን መሰናክሎች የጥንካሬያችን መለኪያ እንጂ የውድቀታችን ምልክቶች አይደሉም። ጨለማው በጣም የሚበረታው ሊነጋ ሲል እንደሆነ ሁሉ፣ ፈተናውም የሚከብደው ድሉ ሊመጣ ሲቃረብ ነው።

ታላቁ ጌታችን በተከበረው ቃሉ እንዲህ ይለናል፦

"የአላህ እርዳታ መቼ ነው? ይሉ ዘንድ (ተጨነቁ)። ንቁ! የአላህ እርዳታ በእርግጥ ቅርብ ነው።" (አል-በቀራህ፡ 214)

ይህ የጽናት ጊዜ ነው። ይህ የተወኩል ወቅት ነው። የሐቅ መንገድ መቼም ቢሆን ቢጠነክር እንጂ አይበጠስም። በጌታችን በአላህ ቃል ኪዳን ላይ ሙሉ እምነት አለን፤ እርሱ ፍትሃዊ ነውና የተገፉትን አይጥልም፣ የደጋጎችንም ስራ አያጠፋም።

📌 ጥንካሬያችን የሚመነጨው ከልባችን እምነት እንጂ ከሁኔታዎች መለዋወጥ አይደለም።
📌 እጅ ለእጅ ተያይዘን፣ በዱዓ ተጠናክረን ወደፊት እንጓዛለን።
📌 ትዕግስት የድል ሁሉ ቁልፍ ናት።
📌 ለእውነት የቆመ ማንም ይሁን ማን፣ መጨረሻው ስኬት ነው። እውነትና ፍትህ አሸናፊ መሆናቸው የማይቀር ሃቅ ነው።

ጌታችን ሆይ! በጽናት አጽናን፤ ድልህንም ቅርብ አድርግልን።

@aaumsu

"ለእኛ አጀንዳ ሰጥተው ከትምህርት ያዘናጉን አካላት ቀጣዩን ትውልድ፤ የእኛን ልጆች፤ የእኛን ወንድም እህቶች በተመሳሳይ ጥያቄ ከትምህርት እንዲያዘናጓቸው አንፈልግም። እኛ እየተሳቀቅን የኖርንበትን፤ እኛ እየተሳቀቅን የተማርንበትን፤ ማንም አካል በክብራችን እየተረማመደ ያለበትን ሁኔታ በእኛ ልጆች ላይ እንዲደገም አንፈቅድም።"

@aaumsu

"አሁን አሸባሪ እንደዚህ ሆኖ ቢገባና ጉዳት ቢያደርስ ራሳችሁን አይጸጽታችሁም?"

ኒቃብ የለበሱ ተማሪዎችን ላይብረሪ አትገቡም ብሎ ከልክሎ ምክንያቱን ሲያብራራ ከተናገረው ነው። ሙስሊም ጠልነታቸው በዚህ ልክ አግጥጦ ነው የሚታየው። እነዚህን አካላት ደፍሮ ከመጠየቅ፣ ከመታገል እና በሕግ ተጠያቂ ከማድረግ ውጪ አማራጭ የለንም።

By any means necessary መብታችን ሊከበር ግድ ነው። በመመሪያ የከለከሉትን መብት በመመሪያ ከለላ እስኪሰጡት መጠየቅ ግድ ነው። መብታችንን የጣሱ አካላት ተጠያቂ ሊደረጉ ግድ ነው።

ጥያቄ አለን _ ፍትሐዊ መልስ እስኪመጣ !

@aaumsu