23 ቀናት ሞላ
የፌደራል መጅሊስ ፕሬዚዳንት

ሸይኽ ሐጂ ኢብራሒም ቱፋ ከዶክተር ሳሙኤል እና ከሚመለከታቸው አካላት ጋር እንደተነጋገሩና የአዲስ አበባ ዩኒቨርስቲ ሙስሊም ሴት ተማሪዎች በኒቃባቸው ምክንያት ሳይሳቀቁ እንዲማሩ እንደሚያደርጉ ከ23 ቀናት በፊት በአዲስ አበባ መጅሊስ ጠቅላላ ጉባዔ ላይ ገልፀው ነበር። ይህንንም ተከትሎ የአዲስ አበባ ዩኒቨርስቲ ሙስሊም ተማሪዎች ሕብረት ተወካዮች ከመጅሊሱ ፕሬዚዳንት እና ምክትል ፕሬዚዳንቶች ጋር የዚያኑ ቀን ውይይት ያደረጉ ሲሆን መጅሊሱ መመሪያው ይስተካከል ዘንድ የሚጠይቅ ደብዳቤ እንዲያስገባ፤ በሙስሊም ተማሪዎች ላይ የመብት ጥሰት የፈፀሙ የዩኒቨርስቲው አካላትን ሊከስ፤ ከዩኒቨርስቲው ጋር ለዘላቂው መፍትሔ ውይይት ሊደረግ እንዲሁም በሀገር አቀፍ ደረጃ የመጨረሻ መፍትሔ ይመጣ ዘንድ ከተቋቋመው 17 ኮሚቴ ጋር ተማሪዎች በቅርበት እንዲሰሩ ከስምምነት ተደርሶ ነበር።

ቃል በተገባ ማግስት ጀምሮ የመብት ጥሰቶቹ የቀጠሉ እና መመሪያውም ያልተሻሻለ ቢሆንም ባለፉት 23 ቀናት ውስጥ ከተጠቀሱት አራት ነጥቦች ውስጥ ወደ ተግባር የተለወጠ አንድም ነጥብ የለም። መጅሊስ የሙስሊሙን መብት ሊያስጠብቅ የሚገባ ግንባር ቀደም ተቋም እንደመሆኑ በዚህ ሁሉ ቀናት ውስጥ ትኩረት ተሰጥቶ ቁርጠኛ የሆነ አቋም ተወስዶ መፍትሔ አለመምጣቱ በተማሪው ዘንድ ቅሬታ ፈጥሯል።

ጥያቄያችን መብቶቻችን በመመሪያ ተፅፈው እና በሕግ ፀንተው እንዲመለሱልን ነው። ነፃነታችንን ገፍፎ ሙስሊም ጠልነቱን ሲያንፀባርቅ እና በደል ሲፈፅም የነበረ ሁሉ በሕግ አግባብ ይጠየቅ ዘንድም ግድ ነው።

ጥያቄ አለን እንላለን። ቢሮ ውስጥም በአደባባይም _ በሚዲያም በአካልም _ ፍትሐዊ መልስ እስኪመጣ!

@aaumsu

የአዲስ አበባ ዩኒቨርስቲ ቦርድ

ሙስሊም ተማሪዎች ዩኒቨርስቲው እያደረሰ ያለውን የመብት ጥሰት በመግለፅ መፍትሔ ያመጣ ዘንድ ለቦርዱ ደብዳቤ ይዘው የሄዱት ከወራት በፊት ነበር። ደብዳቤውን ለማስገባት ለሄዱት ተወካዮች "ቦርድ የዩኒቨርስቲው የመጨረሻ አካል ስለሆነ እስከዛሬ የሄዳችሁበትን መንገድ በደንብ በሚገልፅ መልኩ፤ ለተቋማት ሁሉ ያስገባችሗቸውን ደብዳቤ እንዲሁም የሰጡትን ምላሽ አጠናቅራችሁ አምጡ።" - የሚልን ምላሽ ሰጠ። መስፈርታቸውን በመቀበልም በብዙ ቀናት ዶክመንቶች ተዘጋጅተው ካለቁ ቡሃላ ተወካዮች ደብዳቤውን ከእነ ዶክመንቶቹ ለማስገባት ሲሄዱ "እኛ ከእናንተ ደብዳቤ አንቀበልም!" - በማለት መልሰዋል።

የዩኒቨርስቲው አመራሮችየተማሪዎችን ጥያቄ በማፈን እና መብታቸውን በመጣስ የጀመሩት የቁልቁለት ጉዞ ከቦርድ መድረሱ በጣም የሚያሳዝን ነው። ጥያቄያችንን በደብዳቤ ስናስገባ መቀበል፤ ችግሮቻችንን በውይይት እንፈታ ዘንድ ስንጠይቅም ማስተናገድ ግዴታም ስልጣኔም ቢሆንም አሻፈረኝ እንዳሉ ነው።

ያም ሆነ ይህ ግን መብቶቻችን መከበራቸው አይቀሬ ነው። በሁሉም መንገድ ጠይቀን የነጠቁንን መብት እናስከብራለን፤ በደል የፈፀሙብን አካላትም ተጠያቂ ይሆናሉ።

"ንቁ! የአላህ እርዳታ በእርግጥ ቅርብ ነው (ተባሉም)፡፡" [2:214]

@aaumsu

አላሁ አክበር!!! አላሁ አክበር!!!

ከ19 ወራት በላይ፤ ከ620 ቀናት በላይ ጥያቄ አለን! ሲሉ የነበሩት የአዲስ አበባ ዩኒቨርሲቲ ሙስሊም ተማሪዎች ለጥያቄ መልስ እንፈልጋለን! በማለት በአሁኑ ሰዓት ከፕሬዝዳንት ጽ/ቤቱ ጋር ይገኛሉ!!

@aaumsu