መግዛት ባልችል ገዢና ተገዢን ለመመልከት !

"ገዢው ማነው? ተገዢውስ?" የሚሉት ጥያቄዎች የአዲሳባ መፅሐፍ ሻጮች እንደ ከተማዋ የታክሲ ሰልፈኛ ወደተደረደሩበት የአዲስ አበባ ዩኒቨርሲቲ የመፅሐፍ አውደ-ርዕይና ሽያጭ ማዕከል እየገፉ ወሰዱኝ:: እንደደረስኩም "የኢቅረዕ ትውልድ የት ናቸው?" ለሚል ጥያቄ መልስ ይሆነኝ ዘንድ ወዳ ወዲህ ማማተር ጀመርኩ:: አውቄው አሰላሙአለይኩም ያልኩት ሰው ግን አልነበረም :: መፅሐፎቹን ስመለከት ሁሉም በሚባል ደረጃ ከፀሐይ መግቢያ በኩል የመጡ ወይም መጥተው በሀገርኛ ቋንቋ የተተረጎሙ ነበሩ :: ይህንን ሳስብ "ከፀሐይ መግቢያ የፀሐይ ብርሃን ነው ብዬ የማስበው መፅሐፍ መምጣቱ የቂያማ ምልክት ይሆን?" አልኩኝ :: ምክንያቱም ፀሐይ ከምዕራብ የምትወጣው ቂያማ ሲቆም ነውና ::

ይህንን ጥያቄ በማለፍ ቅኝቴን ስቀጥል የሀገሬ ደራሲዎች የፃፏቸውም መፅሐፍቶች ከኢቅረዕ ትውልድ መሠረት ውጭ ሆነው አገኘሗቸው:: እየተገረምኩ ሳልፍ ግን ለናሙና ቢሆንም "ሶባሐል ኸይር!" የሚለውን የABX መፅሐፍት አገኘሁ :: አለፍ ስል "የተረሳው ኢስላማዊ ታሪካችን!" የሚለውን የአቡ ቢላል ሙፅሐፍ : Vocabularies of The Holy Quran እንዲሁም ተፍሲሩል ቁርዓነል ከሪም የሚሉ መፅሐፍትን ተመለከትኩ :: አንድ አማኝ ለሺ ካፊር በሚል ማባባያም ተስፋዬን አለምልሜ ድንኳኑን ጥዬ ወጣሁ ::

መልዕክት:- እናንብብ! እንፃፍ! እናብብ!

@aaumsu

🥀 Daily Reminder 92🥀

وَقُل رَّبِّ زِدۡنِي عِلۡمٗا(114)

"ጌታዬ ሆይ! ዕውቀትንም ጨምርልኝ» በል!!"

Qur'an 20; 114


@aaumsu

ፀሐይ ከወጣችባቸው ቀናቶች ሁሉ በላጭ የሆነ ቀን ነው :: በእርሱ ውስጥ አደም (ዐለይሂ ሰላም) ተፈጥሯል:: የሰው ልጅ ታሪክ አንድ ብሎ ጀምሯል ማለት ነው :: ማንኛችን ኸይርን እንደምንሰራ ልንፈተን ተፈጠርን ማለት ነው :: ይህ ቀን ጁምዓ ነው :: ይህ ቀን ዛሬ ነው :: አላህ በላጭ ያድርገን ::

መልካም ጁምዓ !

@aaumsu

"አላህ ለባሪያው መልካምን ከከጀለ ምላሱን በነቢ ሙሐመድ ላይ ሰለዋት ለማውረድ ያገራለታል!" ኢብነል-ጀውዚ (ረህመቱላሂ ዐለይህ)

فيا ربي صل وسلم على حبيبي وحبيبك محمد وعلى آله وصحبه عدد ما كان وما يكون وما لم يكن وما لا يكون.

وأسألك يا مولاي أن تجمعني به كما وعدتنا بلسانه أنك تجمع المحب مع من أحب.

@aaumsu

አይን ጆሮ ሆኖ አይሰማም :: ጆሮም አይን ሆኖ ሊያይ አይችልም :: ምላስ መናገሪያ እንጅ መራመጃ እግር አይደለም :: ሆድ ሊበላ እንጅ ሊያስብ ሀይል የለውም ::

  ሁሉም የተገራው ለተፈጠረበት አላማና ቦታ ነው :: ቦታውን ለቆ ከሌላ ቦታ ከተገኘ እሱም ሳይሰራ የሌሎችንም እያደናቀፈ በድንግዝግዝ መስመር ላይ እስኪበሰብስ ይኖራል:: ለአንተም ተመሳሳይ ነው:: ሚናህን ካለየህ ትጠፋለህ :: ያለ ሚናህ ከገባህ ታጠፋለህ ::

    ስለዚህ እንደ ህፃን ያየኸውን ሁሉ አትመኝ :: ሚናህን ለይተህ የሚጠበቅብህን አድርግ :: ስኬትህም እርሱ እርሱ ነው ::

@aaumsu

"ይህ የአላህ ፍጡር ነው:: እነዚያ ከእርሱ ሌላ ያሉት ምንን እንደፈጠሩ እስኪ አሳዩኝ?" - ሉቅማን : 11

እየጠየቀ ያለው ሰማያትን ያለ ምሰሶ የፈጠረው አምላክ ነው:: እየጠየቀ ያለው መሬትን እንዳታረገርግ ተራራዎችን የጣለው አምላክ ነው:: እየጠየቀ ያለው ከሰማይ ውሃን አውርዶ አዝዕርትን ያበቀለው አምላክ ነው:: እየጠየቀ ያለው የእኔ የአንቺ የአንተ የሁላችን አምላክ የሆነው አላህ (ሱብሃነሁ ወተዓላ) ነው ::

እስቲ ከእርሱ ውጭ ያሉት የፈጠሩትን ያምጡ! ጌታዬ አይችሉም! አንተ አንድና አሸናፊ ነህ! አንተ ሁሉን ፈጣሪና አድራጊ ነህ! አንተ አዛኝና መሐሪ ነው! ላጠፋነው ይቅር በለን! አይችሉም! አንችልም!

@MohammadamminKassaw

✍✍✍✍✍✍✍✍✍

بسم الله الرحمن الرحيم

ቁርዓን! የተከበረው የአላህ ቃል!!!!

ቁርዓን የህየወታቾን መርህ ነው። አጠቃላይ የህይወት ኮምፓስ ነው። ቁርዓን ክስረት የሌለበት ትርፋማ ንግድ ነው። ቁርዓንን ይዞ የከሰረ የለም። ከአላህ ጋር ነግዶ ንግዱ የተበላሸ የለም። ቁርዓንን አንብቦ የተገበረ በርግጥም ማይበጠስ አስተማማኝ ገመድን ጨብጧል። አላህ ይህንን እንዲህ ሲል በቁርዓኑ ይነግረናል

"እነዚያ የአላህን መጽሐፍ የሚያነቡ፣ ሶላትንም አስተካክለው ያደረሱ፣ ከሰጠናቸውም ሲሳይ በምስጢርም ኾነ በግልጽ የለገሱ፣ በፍጹም የማትከስርን ንግድ ተስፋ ያደርጋሉ፡፡" ፋጢር:29

ህይወቱን ከቁርዓን ጋር ያደረገ ሁሌም የበላይ ነው። በዱንያም በአኼራም ከሰዎች ሁሉ በላጩ እርሱ ነው። ሰዎች በብዙ ነገር ሊበላለጡ ይችላሉ። በሃብት በዝና አሌሎች የበለጡ የታወቁ ሊሆኑ ይችላሉ። ግን ቁርዓንን ተምሮ ካስተማረ በላይ በላጭ ሰዉ የለም። አላህ ዘንድ የተከበሩት እነርሱ ናቸው። የአላህ አህልም ናቸው። ረሱል ሰ.ዐ.ወ እንዲህ ሲሉ ይገልፃሉ

"" ከናንተ በላጩ ቁርዓንን ተምሮ ያስተማረ ነው።"
" የቁርዓን ሰዎች የአላህ ቤተሰቦች ናቸው።" ረሱል ሰ.ዐ.ወ

በቁርዓን ሁሉም ይገራል ።የከበደው ይቀላል፣ የራቀው ይቀርባል ፣ ቁርዓንን ማንበብ የልብ ብርሃን ነው። ሰለፎች እንዲህ ሲሉ ይመክሩ ነበር" ቁርዓንን ቅሩ እርሱን መቅራት አትተው። ቁርዓንን በቀራቹ ልክ ሌላው ጉዳያቹ ይገራል።"

ቁርዓን ማንበብ ለሁሉም ነገር መዳኒት ነው ።የሁለት ሀገር ስኬት ዋስትና ነው። ቁርዓንን በማንበብ ልብ ይሰፋል፣ አዕምሮ ይመጥቃል ፣ አካል ይጠነክራል። ቁርዓን ለልብ ብርሃን: መድሃኒት ለአዕምሮ ምግብ ነው።

ኢብኑ ተይሚያህ አንዲህ ይላሉ "" ቁርዓንን ደጋገሞ ከማየት በላይ ለአዕምሮና ሩህ ምግብ ፣ አካልን ጠባቂ  ለሁለት ሀገር ስኬት ዋስትና የሆነ ነገር አላየሁም ።"

አደራ!!ከቁርዓን ጋር ያለንን ግኑኝነት አናቋርጥ!!!

والله اعلم

@to2success
@to2success

✍✍✍✍✍✍✍✍✍✍✍

When you find yourself in a position to help someone, be happy because Allah is answering that persons prayer through you.

@aaumsu

🥀 Daily Reminder 93🥀

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتُ ٱلنَّعِيمِ(8)

"እነዚያ ያመኑና መልካሞችንም የሠሩ ለእነርሱ የጸጋ ገነቶች አሏቸው!!"

Surah Luqman;8

@aaumsu

Ya Allah,

Bless us with someone who is good for us, for our life, for our livelihood, for our deen, for our akhirah. The one who would strengthen our imaan, make us closer to you and walk beside us in Jannah.

@aaumsu

አሥ ሠላሙ ዐለይኩም ወራሕመቱላሂ ወበረካቱሁ

ያ ጀመዓህ! "የተደበቀው እውነት" የሚለው ስድስተኛው መጽሐፌ በገበያ ላይ ውሏል። "የተደበቀው እውነት" የሚያውጠነጥነው ስለ ተወዳጁ ነቢያችን"ﷺ" መምጣት በተውራት እና በኢንጂል ተነግሮ የመጽሐፉ ሰዎች ይህንን እውነት እንዴት እንደደበቁት የሚገልጥ እና የሚያጋልጥ ነው። ዝርዝሩን መጽሐፉ ላይ ያንብቡ እና ለሎች የሂዳያህ ሠበብ እንዲሆን አስነብቡ!

መጽሐፉን መርካርቶ አንዋር መሥጂድ ኢሥላማዊ መጻሕፍት መደብር ውስጥ ያገኙታል፥ የበለጠ ለመረጃ +251920781016 ዐብዱ ብለው ይደውሉ!

መጽሐፉ ተደራሽነት እንዲኖረው ባለው የማኅበራዊ መገናኛ ብዙኃን ሼር በማድረግ ሠበቡል ሂዳያህ ይሁኑ!

ወጀዛኩሙላህ ኸይራ!

✍ከዐቃቢ ኢሥላም ወሒድ

@MohammadamminKassaw

አፋርና ሶማሌ !

በአፋርና ሶማሌ ህዝቦች መካከል የነበረውን የወንድማማቾች ደም መፍሰስ ለማቆም በኢ/እ/ጉ/ጠ/ም/ቤት የተጀመረውን እንቅስቃሴ ፍሬ አፍርቶ የተኩስ አቁም ስምምነት ላይ መድረሳቸውን ሰምተናል :: ይበል የሚያሰኝ ተግባር ነው ::

አላህ የኡማውን አንድነት ያጠናክር!

@aaumsu

✍✍✍✍✍✍✍✍✍✍✍✍


بسم الله الرحمن الرحيم

""በብዛት መፎካከር (ጌታችሁን ከመገዛት) አዘነጋችሁ(1)።
መቃብሮችን እስከ ጎበኛችሁ ድረስ(2)።
ተከልከሉ፤ ወደፊት (ውጤቱን) ታውቃላችሁ(3)፡፡
ከዚያም ተከልከሉ፤ ወደ ፊት ታውቃላችሁ(4)፡፡
በእውነቱ (የሚጠብቃችሁን) እርግጠኛ ዕውቀትን ብታውቁ ኖሮ፤ (ባልዘናጋችሁ ነበር)(5)፡፡
ገሀነምን በእርግጥ ታያላችሁ(6)፡፡
ከዚያም እርግጠኛን ማየት ታዩዋታላችሁ(7)፡፡
ተከልከሉ፤ ወደፊት (ውጤቱን) ታውቃላችሁ(8)፡፡""
سورة التكاثر

ወላሂ! ነፍሴ በእጁ በሆነቸው ጌታ እምላለሁ!! እንደ ቁርዓን መካሪ የለም!!!!

والله اعلم

@to2success
@to2success

✍✍✍✍✍✍✍✍✍✍✍

የዛሬ 50 አመት በዛሬዋ ቀን !

ኢትዮጵያውያን ሙስሊሞች አፄ ሀ/ስላሴ "ይህ ሁሉ እስላም በሀገሬ አለ እንዴ?" በማለት ፍዝዝ እስኪሉ ድረስ ታይቶ የማይታወቅ ሰላማዊ ሰልፍ በመሐል አዲስ አበባ አካሂደዋል :: "በኢትዮጵያ የሚኖሩ እስላሞች ሳይሆን ኢትዮጵያዊ ሙስሊም ተብለን እንጠራ!" የሚልን መፈክር ይዘው ድል አድርገዋል :: የኢድ በዓላት ሀገራዊ በዓል እንዲሆኑ ጠይቀው ስኬትን አምጥተዋል :: "የክርስቲያን ደሴት!" ተብላ ትጠራ የነበረችውን ኢትዮጵያ ከንጉሱ መውረድ ጋር ስርዓተ - ቀብሯን ፈፅመዋል :: ትልቅን ድል በትልቅነት ውስጥ ለትውልድ አሻግረዋል ::

     አደራቸውን የምንጠብቅ ያድርገን !

@aaumsu

ክብራችሁ እንደ መድሃኒት ነው። ሕፃናት ከማይደርሱበት ቦታ አርቃችሁ አስቀምጡት።

ABX

@aaumsu

በAAU 6ኪሎ ካምፓስ የተከፈተው የመፅሐፍ አውደ ርዕይ ነገ እሁድ ይዘጋል :: ያልሸመታችሁ ወይም ዳግም ለመሸመት ያቀዳችሁ እድሉን ተጠቀሙበት ::

  እናንብብ! እናብብ!!

@aaumsu

🥀 Daily Reminder 94🥀

وَمَا لَنَآ أَلَّا نَتَوَكَّلَ عَلَى ٱللَّهِ وَقَدۡ هَدَىٰنَا سُبُلَنَاۚ وَلَنَصۡبِرَنَّ عَلَىٰ مَآ ءَاذَيۡتُمُونَاۚ وَعَلَى ٱللَّهِ فَلۡيَتَوَكَّلِ ٱلۡمُتَوَكِّلُونَ(12)

"መንገዳችንንም በእርግጥ የመራን ሲኾን በአላህ ላይ የማንመካ ለእኛ ምን አለን? በማሰቃየታችሁም ላይ በእርግጥ እንታገሳለን፡፡ በአላህም ላይ ተመኪዎች ሁሉ ይመኩ!!"

Surah Ibrahim; 12

@aaumsu

ደስታችሁን ድምፃችሁን ከፍ አድርጋችሁ አታውሩ። ምቀኝነት ሰምቶ ከእንቅልፉ ይነሳል።

ABX

@aaumsu

ዑቅባ ኢብን ዓምር አል-አንሷሪ (ረዲየሏሁ ዐንሁ) በዘገበው ሓዲስ የአላህ መልእክተኛ( ሰለላሁ ዐለይሂ ወሰለም) እንዲህ አሉ። “ ‘ሓያእ ካላደረግክ የፈለከውን ስራ’ የሚለው ንግግር ሰዎች ከደረሱበት የመጀመርያ የነብያት ንግግር ነው።”

ሓዲሱን ቡኻሪ ዘግበውታል።

✍✍✍✍✍✍✍✍✍✍✍✍

بسم الله الرحمن الرحيم
👉ሁሉም ያልፋል !!!!

" አዚህች ዓለም ላይ ሁሉም ያልፋል። ቋሚና ዘውታሪ  ኃያሉ ጌታ አላህ ብቻ ነው። ይህንን እውነታ አላህ በቃሉ እንዲህ ሲል ገልፃታል።

كُلُّ مَنْ عَلَيْهَا فَانٍ

በእርሷ (በምድር) ላይ ያለው ሁሉ ጠፊ ነው፡፡

وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ

የልቅናና የልግሥና ባለቤት የኾነው የጌታህ ፊትም ይቀራል፡፡ (አይጠፋም)፡፡

እሩቅ የሚመስል ሁሉ ቅርብ ነው። አይመጣም ተብሎ የሚታሰብ ሁሉ መምጣቱ አይቀሬ ነው። ሰዎች ብዙ ነገሮችን እሩቅ አድርገው ይመለከቷቸዋል። በተለይ ሞትና ቂያማን እሩቅ አድርገው ይጠብቋቸዋል። የሚገርመው ደግሞ አላህ ዘንድ በጣም የቀረቡ ናቸው ። ሰዎች በቂያማ ዕለት ምን በህይወት ዘመናቸው ምን ያክል እንደቆዩ ይጠያየቃሉ።ቆይታቸው አንድ ቀን ወይም ከቀን የሆነን ያክል ሰዓት ብቻ እንደሆነ አድርገው ይመልሳሉ።አላህ እንዲህ ይላል

إِنَّهُمْ يَرَوْنَهُ بَعِيدًا

እነርሱ (ያንን ቀን) ሩቅ አድርገው ያዩታል፡፡

وَنَرَاهُ قَرِيبًا

እኛም ቅርብ ኾኖ እናየዋለን፡፡

ታዲያ ዛሬ ላይ ብዙ እሩቅ አድርገን ስንመለከታቸው የነበሩ ነገሮች መጥተው አልፈዋል ፣ አይከሰቱም ብለን ስናስባቸው የነበሩ ነገሮች ተከስተው አልፈዋል ። ወደፊትም እንዲሁ ነው።  ይሀው በቅርቡ እንኳንን እሩቅ ስንጠብቀው የነበረው የረመዳን ወር ዛሬ ላይ አልፎ እንደ ትዝታ ማስታወሳችን ጠቋሚ አይደለምን?። ህይወታችንም እንዲህ ናት የሆነ ቀን ያለፈ ትዝታ መሆኗ አይቀሬ ነው። በቃ ዱንያ ስትባል ባህሪዋ ይሄው ነው አንድ ቀን  ትጠፋለች። ቀጠሯን እየጠበቀች እንጂ ጓዟን ጠቅልላ መሰናበቷ አይቀርም። አላህ የዱንያን ህይወት ምሳሌ እንዲህ ሲል ይነግረናል


إِنَّمَا مَثَلُ الْحَيَاةِ الدُّنْيَا كَمَاءٍ أَنزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ مِمَّا يَأْكُلُ النَّاسُ وَالْأَنْعَامُ حَتَّىٰ إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلًا أَوْ نَهَارًا فَجَعَلْنَاهَا حَصِيدًا كَأَن لَّمْ تَغْنَ بِالْأَمْسِ ۚ كَذَٰلِكَ نُفَصِّلُ الْآيَاتِ لِقَوْمٍ يَتَفَكَّرُونَ

የቅርቢቱ ሕይወት ምሳሌ ከሰማይ እንዳወረድነው ውሃ፣ በእርሱም ሰውና እንስሳዎች ከሚበሉት የምድር በቃይ ተቀላቅሎበት (እንደ ፋፋ) ምድርም ውበትዋን በያዘችና ባጌጠች ጊዜ ባለቤቶችዋም በርሷ ላይ እነርሱ ቻዮች መኾናቸውን ባሰቡ ጊዜ ትእዛዛችን ሌሊት ወይም ቀን መጥቶባት ትላንት እንዳልነበረች የታጨደች እንዳደረግናት ብጤ ነው፡፡ እንደዚሁም ለሚያስተነትኑ ሕዝቦች አንቀጾችን እናብራራለን፡፡

ምሳሌዋ እንዲህ ነው አለች ስትባል የምትጠፋ አታላይ ሀገር ናት። ታዲያ ጠፊና አታላይ በሆነችው ዱንያ መሸወድ ደግሞ ሞኝነት ነው።አዋቂና ብልጥ ማለት ለዚህች ጠፊ ዱንያ ሳይንበረከክ ለመጪው ዓለም የሚሰነቅ ሰው ነው። ረሱል እንዲህ ሲሉ ይነግሩናል።

"አዋቂ ማለት እራሱን የተሳሰበና ከሞት ቡኋላ ላለው የሰራ ነው።"

አህባቢ ይሀው ረመዳን መጥቶ አለፈ በረመዳን የተጠቀመም ያልተጠቀመም ሁለቱም አሉ። ልዩነቱ ግን ሁለቱም በውስጡ ከዘሩት ጋር በቀጣዩ ዓለም ይገናኛሉ። ህይትም እንዲህ ናት። አንድ ቀን መሞታችን አይቀርም። ግን ምንን አሳልፈን ነው የሚለው ነገር ልናስብበት ይገባል። ረመዳን ቢያልፍም ህይወት ትቀጥላለች። ታዲያ ትላንት በረመዳን ያገኘናትን ብርሃን እንድትፋፋ መልካም ስራ ላይ እንዞትር። ከመስጂድ መራቅ ሳይሆን ወደ መስጂድ እንቅረብ። ከጌታችን ሸሽተን ምንጠለልበት አንድም ቦታ የለንምና ።ወደ ጌታችን ብንሸሽ ከርሱ ጋር ብንታረቅ ሁለት ሀገራችን ያምራል።

ስለዚህ ወንድሞቼ አላህን የሚያመልኩ ወደርሱ የሚሸሹ እውነተኛ የአላህ ባሮች እንጅ የረመዳን  አገልጋዮች እንዳንባል ከወዲሁ ልናስብበትና አላህ ባዘዘን ነገሮች ላይ ልንፀና ክልከላወቹንም ልንርቅ ይገባል እያልኩኝ በዚሁ እቋጫለሁ።

والله اعلم

@to2success
@to2success