AAU - Muslim Students Union

512 views07:39

ረመዷን2️⃣9️⃣
(ወደ ጽናት)⓶
፨፨፨
<<እንደታዘዝከውም ቀጥ በል፡፡>>[አ'ሹራ፡15]
፨፨፨
ጊዜ ይሄዳል፤ቀናት ተደማምረው ወራት ይተካሉ፤አላህ ድጋሚ ከሚያገኙት ያድርገንና ረመዷንም ተመልሶ ይመጣል፤ታዲያ...የሚመጣው ረመዷን የዘንድሮው የጨመረልንን መልካም ነገር እንደ መሠረት ተጠቅሞ ወደ ሌላ የተሻለ ከፍታ የሚያደርሰን ይሆን ዘንድ ከአሁኑ አቋማችን ሳንመለስ ተዘጋጅተን ልንጠብቀው ይገባል።"አንድ ዓመት ግን ሩቅ አይደለም?"
.
*
ታዲያ!መጭው ጊዜ በጽናት እንዴት ይለፍ?
.
፨፨፨
<<አላህን ከባሮቹ ውስጥ የሚፈሩት ዐዋቂዎቹ ብቻ ናቸው፡፡ አላህ አሸናፊ መሓሪ ነው፡፡>>[ፋጢር:28]
፨፨፨
.
ብዙዎቻችን ስለሶላት አሰጋገድና መሠረታዊ ነገሮች ከቤተሰብ የወረስነው ተለምዷዊ ዕውቀት ይኖረን ይሆናል።ይህ መሠረታዊ ዕውቀት ጥሩ ቢሆንም፣ በአላህ መንገድ ላይ ለመጽናት ግን ዋስትና አይሆንም።አላህን ይበልጥ ስታውቀው ይበልጥ ትጠነቀቀዋለህ።የሱን ኃያልነት ስትረዳ በፍርሀት፣የእዝነቱ ስፋት ሲገባህ ደግሞ በተስፋ እየተገዛኸው ትኖራለህ።የተፈጠርክበትን ዓላማ የምታሳካው በደነገገልህ ሸሪዓ ብቻ ነውና ዲኑን ይበልጥ ማወቅ ለመጽናት ይረዳሀል።
*
አላህ የሚወሳባቸው፣ የሱ ዲን የሚማርባቸው ስብስቦች ላይ ስትዘወትር ያለህ ላይ እየጨመርክ ትሄዳለህ እንጅ መንገድ አትስትም።ያላወቁትን በማወቅ፤ያወቁትን በማስፋት ወደ አላህ ይበልጥ መቅረብ፣የጽናት ሰው መሆን ይቻላል።የወንጀልን አስከፊነት፣የኸይር ስራን ምንዳ በደንብ ስናውቅ ዓመቱን ሙሉ የዒባዳ ዓመት ማድረግ እንችላለን።
*
ከዲን አንፃር ስናየው፣ትላንትና ዛሬያችንን አንድ አድርገን እየኖርን ያለነው ጥቂት አይደለንም።ትላንትም ዛሬም ቁርኣንን ማንበብ አንችልም፤ወይም አነባበባችንን እስከዛሬ አልተስተካከለም።ስለ ዐቂዳችን ብንጠየቅ መልስ የለንም፤ሶላታችንና ጾማችንም ተለምዶ እንጅ በትክክል ከአላህ ሒሳብን በመፈለግ የሚፈፀሙ አይደሉም።
*
ትምህርትን እያጠኑና እየተረዱ፣ቀኑን በክላስ፣ሌሊቱን በንባብ እያሳለፉ ቁርኣንን ማንበብ አለመቻልንና፣የሶላትን ደንብ በሚገባ አለማወቅን ከምንም አለመቁጠር ከተማረና የተሻለ አረዳድን አዳብሯል ከሚባል ሰው የሚጠበቅ ተግባር አይደለም።እርግጥ ግቢ የተገኘንበት የመጀመሪያ ዓላማ ዓለማዊ ትምህርትን ፍለጋ ነው።ከዚህም ፈጽሞ ልንዘናጋ አይገባም።የቤተሰብ አማና ብሎም የዚህችን ዓለም ስንቅ የምንሰንቅበት ትልቅ መሣሪያ ነውና።
*
ይህ ማለት ግን ሙሉ ነገራችንን እሱ ላይ ማጥፋት አለብን ማለት አይደለም።በሁለቱም ስኬታማ ሆኖ መመረቅ እንደሚቻል በማመን ለሁለቱም መትጋት ይገባል።ለዚህም የሚያግዘው በማይጠቅሙ ነገሮች ላይ የሚባክንን ጊዜ ቀንሶ ሰዓትን በአግባቡ መጠቀም ይሆናል።
*
ከረመዷን በኋላ የዕውቀት ቦታዎች ላይ አለመገኘት ረመዷን ላይ የሸመትነውን መልካም ነገር እንድናጣና ወደቀድሞው ማንነታችን እንድንመለስ የሚያደርግ ሌላኛው ምክንያት ነው።
.
ዲንን በአግባቡ አለመረዳትና በደንብ አለማወቅ ያለው መጥፎ ውጤት በኛ እንደማይገደብ መገንዘብ መቻል አለብን።ኢስላም በኛ በኩል ለቀጣዩ ትውልድ እንደሚተላለፍ መዘንጋት የለብንም።

❓ወንድሜ ሆይ!ሩቅ ሊመስለህ ቢችልም የቤተሰብ አስተዳዳሪ፣የልጆች አባት መሆንህ የማይቀር ነው።አሁን ያለህበት ሁኔታ ለዛ የሚመጥን ነው?
ለልጆችህ የምታወርሰው ኢስላማዊ ዕውቀትና ስነ-ምግባር ይበልጥ የምታዳብረውስ መቼ ነው?ከአሁኑ አይደለምን?

❓እህቴ ሆይ! እየተማርሽ ይሆናል።ሆኖም ግን ትክክለኛ ሚናሽና ክብርሽ ኢስላማዊ ቤተሰብ መገንባት ላይ እንደሆነ አትዘንጊ።ለዛ የሚሆን ስንቅ አለሽ?የምትውይውስ ስንቅሽን የምትሰንቂበት ቦታ ነው ወይስ ልጆችሽን ልታይበት የማትፈልጊበት ቦታ?ከጊዜሽ ቀንሰሽ ለዋናው ዓላማሽ መዘጋጀትስ የለብሽም?
.
‼️ጊዜው ከምንም ጊዜውም በላይ ዲንን ለመማር የሚጠቅሙ ዕድሎች የተመቻቹበት ጊዜ ነው።ስልክ፣ኢንተርኔትና ሌሎቹን ለዚህ ብንጠቀማቸው ከጽናት ባለቤቶች የመሆን ዕድላችን ሰፊ ነውና ጸጋዎችን በመጠቀም ላይ አደራ!
፨፨፨
«ጌታዬ ሆይ! ዕውቀትንም ጨምርልኝ» በል፡፡[ጧሀ:114]
፨፨፨
🌱አላህ ሆይ!ረመዷንን በኛ ላይ መላልስልን!...አሚን!

⭕️የዕለቱ ቻሌንጅ⭕️
.
1️⃣በዕውቀት ወደ ጽናት ለመጓዝ መወሰን
.
2️⃣ የአንድ ዓመት የዒልም ዕቅድ ማውጣት፤የሚመጣውን ክረምትም በደንብ ለመጠቀም በመወሰን ከአሁኑ ዕቅድ ማውጣት፣
.
3️⃣ የጀመዓ ደርሶችና፣ፕሮግራሞች ላይ ለመገኘት መወሰን

🍀Principle of The Year🍀
A year of "firmness through Seeking Knowledge!"

🌱 አሏሁ'መ ኢነከ ዐፉውን ቱሒቡል ዐፍዎ ፈዕፉ ዐና!

#AAiTJemeaRamadanReminders2
@aaumsu

👍1

623 views07:39