👆👆👆👆👆
Meme በናትናኤል

እናልሽ...
እግዜር ሳት ብሎት
ያደረገ እንደሁ ገጣሚ እንዲወድሽ
ለእግዜር የምትመጥኝ
ትሆኛለሽ ስንኝ
ሰምና ወርቅ ቅኔ አራት መስመር ግጥም
ካ'ንድ ትንፋሽ ንባብ ከሩብ ገጽ ባትበልጥም
እንደ ኦሎምፐስ ኔክታር እንደ ያም የምትጥም
እንደውም ላ'ንዳንዱ
ለተጠመቀው ሰው በፍቅር ሃይማኖት
ለውበት ተከታዩ በተመስጦ ፍኖት
ለመውደድ አማኙ
ለእውነት መናኙ ለኅብር መነኩሴ
እንደማያውቅ ሁሉ
ላ'ምላክ የምትቀርቢ መሆንሽን ውዳሴ
ለማን እንደሚሰግድ
እስኪጠፋው ድረስ አምላኩን ይረሳል!
ካ'ማልክቱ በላይ
የ'ነርሱን ውዳሴ አንቺን ያወድሳል!
እንዴት ያለ ፍቅር እንዴት ያለ መውደድ...
እንኳን ላ'ማልክቱ
ለውዳሴያቸውም ተንበርክኮ መስገድ...
*
እናልሽ...
አያ'ርግብሽና
እግዜር ካደረገ ገጣሚ እንዲወድሽ
ትሆኛለሽ ልኬት ትሆኛለሽ ምዕራፍ
ትነኪያለሽ ሰማይ እንደ ኦሎምፐስ ጫፍ
የአማልክቱ መንደር የእግዜሩ ቤት በራፍ
አንቺው ቤተመቅደስ አንቺው ነሽ ቅዳሴው
አንቺው ነሽ መወድስ ላ'ንቺው ነው ውዳሴው
አንቺው ነሽ መሰውያው አንቺው ነሽ መስዋ'ቱ
አንቺው ነሽ መስገጃው ላ'ንቺው ነው ስግደቱ
ብቻ ምን ልበልሽ...
እንደርሱ መረዳት
አንቺ ነሽ ቁርባኑ መገበርያ ስንዴው
አንቺው ነሽ ፋሲካው አንቺው ነሽ ሁዳዴው
'እግዜርም ራሱ
ከፍጥረታት በፊት በምልዓት የኖረ
አንቺን ለመፍጠር ነው ምድርን የፈጠረ!
የቆየ ቢሆንም አድምቆ ከሰራት
አንቺን እንድናይ ነው ጣ'ይቱን ያበራት!
እንደውም እንደውም ጨለማ 'ሚሆነው
በጣ'ይ መጥለቅ ሳይሆን ባ'ንቺ መሰወር ነው!
አዳምም 'ሚተኛው ሲመሽ ማታ ማታ
አንቺን ለማየት ነው በጨለማው ፈንታ!...'
ይባላል ውስጥ ውስጡን
ቃል ተገብቶልናል
የሚመጣው መሲህ ይነግረናል ግልጡን!
*
እናልሽ...
አይውደድሽ እንጂ ገጣሚ ሲወድሽ
ተመርጠሻልና...
ልክ እንደ ክርስቶስ መከራሽ ይበዛል
ስቃይሽ ይከፋል፤
ተረግመሻልና...
ልክ እንደ መጻጉዕ ደዌሽ ይታመማል
ሕመምሽ ይጠፋል፤
ልክ እንደ ውቅያኖስ ጥልቀትሽ ይጠልቃል
ስፋትሽ ይሰፋል፤
ልክ እንደ አርያም ርቀትሽ ይረቃል
ግዝፈትሽ ይገዝፋል።
ሁሉን ትሆኛለሽ ሁሉ አንቺን ይሆናል
እውነታሽ ኮስምኖ ምናብሽ ይገናል!
ጥጋበኛው ነብር ያፈቅራል ድኩላ
ማህበር ይጠጣሉ ጅብና አህያ ሁላ
ሸረሪትና ዝንብ
አበልጆች ናቸው የክርስትና ልጅ
የክርስትና እናት
ቀበሮ መንኩሷል ጦጢት ሰባኪ ናት
ውሮ እድርተኛ ነች አንጋፋ አይጥ ሞቶ
ሰላም አውርደዋል ምሳርና ጉቶ...
ብቻ ምን ልበልሽ
ባፈቀረሽ ግዛት በወደደሽ ዓለም
በገጣሚ አዕምሮ አይደረግ የለም!

👆👆👆👆👆
ፅሁፍ በቃለዓብ

👆👆👆👆👆
ስዕል በብስራት(@artbisrat)

የዝግጅታችን የመጀመሪያው ክፍል ይህን ይመስል ነበር፡፡ ያላችሁን አስተያየት በ
👉👉@BiranaAastu_bot 👈👈
አድርሱን፡፡ የወደዳችሁትን ስራ ላይክ ማድረግ እንዳትረሱ፡፡ ከደቂቃዎች በኋላ ሁለተኛው ክፍል ይጀምራል፡፡
👁‍🗨👁‍🗨👁‍🗨አብራችሁን ቆዩ፡፡👁‍🗨👁‍🗨👁‍🗨

ባቄላ ምታህል ካደረኳት ጫማ
ስንጥሯን ጉልበቴን ቁልቁል እየላሰ
ቅላቱን ሲያለብሳት አካሌ ሲደማ
ውስጥህ ተደሰተ?
ንገረኝ አባቢ የወለደኝ ልብህ
ሀሴት አሸተተ?
ሽቅብ እየላከ አየሩን አሳልሞ ዳግም ሚቀበለኝ
እንደምን አስችሎት?
ጉንጮቼን ሊያቀላ እጄን ሊጠፈንግ ክንድህ ጨከነብኝ?
እኮ ሊባል ይሆን አንሶላ ገፈፈ አባት ከልጁ ጋር
የለመድኩት እኔ ያቺ ደሀ እናቴ ዳይፐር ለመተካት አንሶላውን ቀዳ ለ'ካካ' ስታስር
ይሉታል መከታ ሌሎች ላባታቸው ሲሰጡ ሙገሳ
ምነው የኔስ አባት ሳላይ የረገጥኩህ አመድ ለበስ እሳት ረመጥ ሆንከኝሳ
እኮ እስኪ ንገረኝ..
እስኪ ስሜን ጥሪ "አ ባ ቢ በይ እስኪ" የተሳሰረ አፌን አባብሎ ያስፈታኝ
ስሜት አሳውሮት ከውጥረጥ ሲፈታ
አርድሻለው ይበለኝ?

እንደው በምን አልባት የሆነ ግዜ ላይ በሆነ ሁናቴ
ወጉን ለማን ሰጠሽ ብሎ ለሚጠይቅ
እያልኩኝ ልመልስ ወስዶታል አባቴ?
መልሴን ፈልጋለው....
እስከዚያው ይወርዳል እስከዚያው ይፈሳል ውስጤን ሊሸረሽር ዘወትር እንባዬ
እንዴት ልስቅ ኖሯል ስሜን እየጠራው ስምክን አስከትዬ?
((ካንዲት ብላቴና

👆👆👆👆👆
ፅሁፍ በየአብስራ

¥¥¥¥ ጥቁር ብርሀን ¥¥¥

በዚች ቱባ አለም ጫፏ በጠፋባት
ጥያቄ አትጠይቅ መልስ አትጠብቃት

ቢሆን ብለክ አትሂድ ባይሆን ብለክ አትቀር
ለውጥ ላታመጣ....
በዝምታ አትዋጥ ባፍህ አትቀባጥር

ያንተ እንደዚ መሆን....
ሳትሞት ለመኖሮህ ነውና ምስክር 🐾🐾
@ሱልጣን.አ

👆👆👆👆👆
ፅሁፍ በሱልጣን

👆👆👆👆👆
ዳንስ በልዑል(@ZRekingz)

የዝግጅታችን ሁለተኛ ክፍል ይህን ይመስል ነበር፡፡ ያላችሁን አስተያየት በ
👉👉@BiranaAastu_bot 👈👈
አድርሱን፡፡ የወደዳችሁትን ስራ ላይክ ማድረግ እንዳትረሱ፡፡ ከደቂቃዎች በኋላ ሶስተኛው ክፍል ይጀምራል፡፡
👁‍🗨👁‍🗨👁‍🗨አብራችሁን ቆዩ፡፡👁‍🗨👁‍🗨👁‍🗨

👆👆👆👆👆
ስዕል በዮሴፍ

first date

ፏ ብልጭ ብየ፤ ባለችኝን የክት ልብስ ሽክ ብየ ከቀጠሮየ ቦታ ደርሻለሁ በሰዓቴ።
ዞር ዞር ብየ የቀጠርኳትን ልጅ ፈለኳት ከላይ ቀይ እንደምትለብስ ነበር የነገረችኝ። እያት አዛ ጥግ ላይ አለች ለማረጋገጥ ብየ ስልኬን አወጣሁና ደወልኩላት። አንስታ ሃሎ ና ወደዚህ በሚል እጇን አረገበገበችልኝ።
እንግዲህ ስቃየ ከዚህ ነው የሚጀምረው
9 ደቂቃ አርፍደሀል አለችኝ
እ አልኩኝ
9 ደቂቃ እንደምታረፍድ ብትነግረኝ 9 ደቂቃ ዘግይቸ እመጣ ነበር። ግን በቀጠሮ ማርፈድ classic የ dating part ነው አለች
ይቅርታ ስላረፈድኩ ብየ ተቀመጥኩ
Facebook ላይ እንደላከችልኝ ፎቶ ልቅም ያለች ቆንጆ ናት። እናም ፈራሁ
ሲጀመር እራሷ ናት Facebook ላይ ያዋራችኝ። እንገናኝ ያለችኝም እራሷ ነች። የሆነ ፕራንክ እየሠራችብኝ መሠለኝ። ግን አደለም።
እሽ ቤቲ እንዴት ነሽ?
physically በጣም ደህና ነኝ psychologically ግን corona ያጠቃኛል ብየ እየፈራሁ ነው።
እሱማ ሁላችንም ነን አልኩ
የኔ ትንሽ ይለያል ብለውኛል ቤተሰቦቸ እኔ የማስበው ትክክለኛውን ቅድመ ጥንቃቄ እየወሠድኩ እንደሆነ ነው ቤተሰቦቸ ግን abnormal እንደሆነ ነው የሚያስቡት
ይህን ያህል? እንዴት አርገሽ ብትጠነቀቂ ነው?
የመጀመርያው ኬዝ ከተመዘገበ ጀምሮ ከቤት ወጥቸ አላውቅም፣ እ......
ብላ ልትቀጥል ስትል
ምንም ምንም ወተሽ አታውቂም
አዎ ለምን እወጣለሁ?
ዛሬ እንዴት ወጣሽ?
ሁለት ምክንያቶች አንድ ቤት ውስጥ መዋሌ ጥቅሙ አልታይሽ ስላለኝ እናትና አባቴ በጣም ቃሉን መጠቀም ባልፈልግም ዝርክርክ ናቸው። ስለዚህ covid የሚገለኝ ከሆነ date ሳላረግ መሞት ስለማልፈልግ። ሁለት ደግሞ ከወረርሽኙ ከተረፍኩ ደግሞ ከወረርሽኙ በፊት የነበረውን የ dating trend ማወቅ ስለፈለኩ ነው። antropologically speaking የሰወች የአኗኗር ዘይቤ ከጦርነት ከወረርሽኝ እና ከባድ አፈተፈጥሮአዊ አደጋዎች ቡሀላ በሰፊው ይለወጣል።ትንሽ ብዘገይም አሁንም የተራውን ዜጋ life experience እደርሳለሁ።
ምን አይነቷ ስነዜጋ አስተማሪ ላይ ነው የጣለኝ እያልኩኝ በሆዴ
እና የት ጊቢ ነው የምትማሪው አልኳት
አዲስ አበባ ዩኒቨርስቲ የ 3ተኛ አመት physics ተማሪ ነኝ

ዋው አሪፍ ነው አኔ ብየ ስለራሴ ልናገር ስል

ስላንተ አውቃለሁ። ከማላቀው ሠው ጋር አብሬ የምቀመጥ ይመስልሀል። በሚገርም ሁኔታ ከውካዋ ነገር ነህ የማያቅህ ሠው የለም።
አና ለምን እኔን መረጥሽ አልኩ ትንሽ እየፈራኋት
እንደተረዳሁት ከሆነ ተራ ሠው ነህ ተራ ኑሮ ነው የምትኖረው እኔም የተራውን ህዝብ ኑሮ ነው መኖር የምፈልገው፣ ቆንጆና ስኬታማ አይደለህም ስለዚህ ከብዙ ሴቶች ጋር ግንኙነት የለህም ይህ ደግሞ ምናልባት ወሲባዊ ግንኙነት ቢኖረን በ STD የመያዝ እድሌን ይቀንሰዋል። ጉራም የለብህም ምንም የሚያስጎርር ነገር ስለለለህ......የመሳሰሉትን

ይሄ ነገር በህልሜ ነው ወይስ

ቀጠለች
እኔ ደግሞ ለስኬታማ ለቆንጆ ለጠንካራ ወንዶች ለወሲብ የሚረታ የስሜታዊነት Evolutionary ደራጃን አልፌያለሁ። አዕምሮየ የስሜት ህዋሳቶቸን በቀላሉ ማዘዝ ይችላል.....
ለካ ሰይጣን በቆንጆም ይመሰላል የሚሉት እውነት ነው ተናደድኩ የተናኩ መሠለኝ
በቃ እንሂድ አልኩ
እኔ ለሚቀጥሉት 25 ደቂቃዎች plan የለኝም መቆየት እንችላለን
ኧረ ባክሽ ያንች plan እኔን መሳደብ ነው አልኩና በልቤ በልሳኔ ክፉ ላለመናገር እኔ ግን እቸኩላለሁ አልኩና ሂሳብ ለመክፈል ኪሴ ውስጥ ስገባ

እኔ ስለሆንኩ እንገናኝ ያልኩህ እኔ እከፍላለሁ አለች
አይ ችግር የለውም
ችግርማ አለው አንተ ይችን መቶ ብር እናትህን አስጨንቀህ ተቀብለህ ወይም የሆነ የጉልበት ስራ ሰርተህ ያመጣሀት ይሆናል፤ በኔ ላይ economical superiority እንዳለህ ለማሳየት ነው። አኔ ደግሞ አንዳልኩ ለእንደዚህ አይነት crap አልደለልም።
እሺ ክፈይ
ከፈለች
አንውጣ አልኩ
አሺ አለች
ከዛ እንዳሰብኩት መጥፎ አልነበረም ቆይታችን አትልም
ዝም
ብንደግመው ደስ ይለኛል
እህህ (የለበጣ ፈገግታ)
ቻው
😠😠😠
፧
inspired by TBBT