"ለምን አታገባም?"......እውነተኛ ታሪክ!
~~~~~~~~~~
"ለምን አታገባም?"የእናቴ ጥያቄ ነበር!ሀሙስ ረፋድ 4:00 አከበቢ ከኪቺኑ በር አጠገብ ባላች ትንሽዬ ኩርሲ ላይ ሆኘ እናቴ ምትጋግረውን እንጀራ እየተመለከትኩ በወሬ እያጀብኳት ነበር፤የምጣዱ ግለት እና የአከምባሎው እንፋሎት መሃል ታፍነው የሚበስለው የእንጀራው ነገር የኔ ኑሮ መስሎ ታየኝ፤ስጋ እንደ አየ ውሻ አስሬ ምራቄን ስውጥ አየችኝ መሰል ትኩስ እንጀራውን ቅቤ ለቅልቃ በርበሬ ቀብታ ሰጠችኝ ገና አንድ ጉርሻ ከመጠቅለለ ታናሼ መጣና እየበላሁ ያለሁትን ትኩስ እንጅራ እኔ ሶስት ቦታ የሚጎርሰውን በአንዴ ጠቅልሎ ዋጠ፣ ጩጬዋም መጣችና የአቅሟን ቆረሰች እሷ እንኳን በርበሬው ሲለበልባት ውሃ ብላ ሮጠች፤'ሁልችሁም መዘንጋት የለለባችሁ ነገር ቢኖር የቤቱ ታላቅ መሆኔን ነው!' ብዬ ጎርነን ባለ ድምፅ አስገነዘብኩ አንስቶ ቢወረውረኝ ከሰማይ የወረደ እንቁላል የሚያደረገኝን ታናሽ ወንድሜን የጎሪት እየሾፍኩ!

"እውነቱን ነው አለች!" እናቴ እኔን በማገዝ እንጀራውን ለማውጣት ሰፌዱን ከስር እየሰደደች "በዚህ እድሜየኮ የልጅ ልጄን የማይበት ጌዜ ነው"አለች ሊጡ ወደ አለበት ባልዲ እጇን እየላከኝ" "አዎ አግባ እንጂ ምን ትጠብቃለህ" ብሎ ሰሃኗ ላይ ወደ ቀረች አንዲት ጉርሻ እንጀራ አይኑን ቀሰረ 'አንተ ምን አለብህ' አልኩት ገና የአንደኛ አመት የዩኒቬርሲቲ ተማሪ መሆኑ ትዝ እያለኝ 'ገና ለገና አምስት አመት በቤተሰብ ድጎማ አኖራለሁ የምትል ተስፈኛ ነህ" እኔኮ ለመመረቅ መቶ ቀናት የቀሩኝ እጩ ስራ አጥ እና ጡረተኛ ነኝ አልኩት የዚህ አመት ተመራቂ ተማሪዎች ስራ አጥነታችን ብቻ ሳይሆን ተስፋ አጥነታችን ጭምር ከፊቴ ድቅን ሲል!!

"እሱን አላህ ያውቃል የአሁነን ግን አስብበት"ብላ እንጅራ ልትጨምርልን ስታመጣ እንደ በቃኝ ነገርኳት "እዚሁ ቤት ውስጥ ትኖራላችሁ ሳሎኑን በፈረቃ እንጠቀማለን እንግዳ ሲኖረን ትለቁልናላችሁ እንግዳ ሲኖራችሁ ደግሞ የራሳችሁ ነው"ብላ ያመጣችውን እንጅራ ለወንድሜ ሰሃኑ ላይ አደረጋለት ስትመለስ መብርት ጠፋች "ኢትዮጵያዬ እንጀራ እንኳን ተጋግሮ እስኪያልቅ የመይታገስ የመብራትሽ ሀይልሽ ግሩም ነው!!'ብዬ ስለ አባይ ግድብ እና ግብፅ ሀሳብ መሰንዘር ፈልጌ ከበላውት ትኩስ እንጀራና ከእናቴ የጋብቻ ሀሳብ ጋር ተዳብሎ ሲወብቀኝ ትቼያቸው ወደ ክፍሌ አመራሁ መብራቱ እስኪመለስ ሽንኩርቷን መላጥ ጀመረች

ወደ ክፍሌ ገብቼ ያልተነጠፈ አልጋዬ ላይ ጋደም አልኩና ለጓደኛዬ ልደውልላት ስልኬን ከኪሴ መዘዝኩ፦
ምን ልበላት?
እንጋባ እላታለሁ!
ከዚያስ?
እሺ ትለኛለቻ
እምቢ ቤታችሁ አይሆንም ካለችኝስ?
እንደዚያማ አትለኝ የኔ ቆንጆ
ብትለኝስ ግን?
ከራሴ ጋር ግብ ግብ ገጥሜ የክፍሌን ስፋት እና ፅዳት እየቃኘሁ የአልጋዬን ግማሽ አካል የወረረውን የቁስ አይነት መታዘብ ጀመርኩ ኮምፒውተር፣ቻርጀር፣የጆሮ ማዳመጫ፣መነበብ ላይ ያለ መፅሀፍ፣ወለሉ ላይ አይኔን ሰደድኩ ካልሲ፣የተፋቁ የሞባይል ካርዶች፣ተፅፎ ያላለቁ ፅሁፍ የያዙ ብጫቂ ወረቀቶች ይኸ ሁሉ ያለው አንዲት ሁለት በሶስት የሆነች ጠባብ ክፍል ውስጥ ነው።ሲበዛ ሰነፍ ነኝ ክፍሌን የሚያፅዱልኝ ታናናሽ ወንድሞቼ ናቸው ያውም ጉቦ ከፍዬ አልያም ሳንቲም ሲፈልጉ ለሽንት ወይም ቲቪ ለማየት ከክፍሌ ስወጣ ተፀድቶ ይጠብቀኛል ያኔ ግን የሚገፈትርላቸው ጨላ ከለለኝ ረፍት ይነሱኛል፣መልሶ ሊያቆሽሹት ሁሉ ይችላሉ!!

ለጓደኛዬ የመደወል ሀሳቤን ለነገ አስተላልፌ ስልኬን አስቀመጥኩ፤የዛሬዋን ምሽት ግን ከሷ ጋር ማሳለፍ ክፍሌ ፈለግኩኝ፤ የዚያን ቀን ምሽት ነሸጠኝ ቢያንስ አልጋዬን ማንጠፍ አለብኝ ብዬ ቆርጬ ተነሳሁ፣ባለ ትዳር ሊሆንም አይደል ተፍ ተፍ ልበላ FM እየሰማሁ ማንጠፌን ቀጠልኩ ለዘመናት ብቻዬን ስገላበጥበት የከረምኩትን አልጋ ላጋራ፣አተኛኜን ሳይቀር ላስትካክል ነው ኤታባቱ!!!
አልጋዬ ውስጥ ገባሁ ያነጠፍኩት አንሶላ ላይ የምናብ ሸራዬን ደረብኩ በግራ ጎኔ ተኝቼ በቀኜ ልስላት!! ጅስሜን ወደሷ ቀሳስሬ፣ሀስቤን ወዲህ ሸብልዬ ጀመርኩ FM ላይ የሰርግ ሙዚቃ እየተደመጠ ነው የፀጋዬ እሼቱ፦
ችቦ አይሞላም ወገቧ2×
ምን ቢሆን ነው ቀለቧ....
የሚለው ስንኝ ጆሮዬን ሰንጥቆ ገባ፣ሌላ ነገር ሳያመጣብኝ ጥርቅም አድርጌ ዘግቼ ወደ ስዕሌ ተመለስኩ ሌቱ ተጋምሷል፣ፀጥታ ሰፍኗል፣ክንዴን አንተራስኳት፣የታሰሬ ፀጉሯን ፈትቼ ለቀቅኩት፣ መደባበስ፣ትንፋሽ ለትንፋሽ መማማግ፣አብሮ የሚፈልቅ ላቦትን መጋራት፣ከስር ያነጠፍኩት አንሶላ ሲጨማደድ ተላይ የደረብነው ሲገፈፍ ሳልኩት፤ሌቱ ሊነጋጋ 11:40 ከመስጂዱ ሙዓዝኑ በለጠቀው አዛን ከምናብ አለሜ ባነንኩ።እንዲሁ ስኳትን የሱብህ ሰላት ደረሰ በምናብ ተጀምሮ በምናብ የሚያልቅ የማይዳሰስ ህይወት እስከ መች ይገፋል ብዬ ሌቱን እየረገምኩ ተነሳሁና ተጣጥቤ ሰገድኩ።
ተመልሼም ተኛሁ.....

ከእንቅልፌ ስነቃ ጠዋቱ 3:46 ይላል የስልክ ሰአቴ ከአልጋዬ ራስጌ በነበረች ትንሽዬ ወንበር ላይ ቁርሴ ተቀምጠዋል ሰሃኑን ከፈትኩት ጨጨብሳ ነበር የምግብ ፈላጎቴ የለም ተውኩት፤እናቴ በሀሳብ መሰባበሬን የተረዳች ይመስላል ከጎኑ አጥሚት ነበር እሱን ግን አልማርኩትም በአንድ ትንፋሽ ጭልጥ አደርኩት ፤ከትንሽ ደቂቃ በኋላ የማታ ሀሳቤ መቋጫ መንገድ ዱዓ/ፀሎት መሆኑ ሲሰማኝ ወደ ጁምዓ ሰላት ለመሄድ መሰናዳት ጀመርኩ፤ሻወር ወሰድኩ ፣ጀለቢያዬን አጠለኩ፣ጥምጣሜን ጣል አደረኩ ፣ሽቶዬን ነስነስ አድርጌ መስታወት ፊት ለፊት ተገተርኩ "ከሰማይ የወረደ መላዐክ መስለሃል"አለኝ ያ ታናሽ ወንድሜ ለነቆራውን መልስ ሳልሰጠው አላህን የሚለምናቸው ዝርዝር ጉዳዮቼን በሀሳቤ አመላለስኩ፤ከግራ ጎኔ ጋር በቀኝ እንድያውለኝ፣እኔ እና እሷ መሀል ያለውን ግርዶሽ አፍርሶ እንዳያደባልቀን ፀሎቴን ላደርስ ወደ መስጂድ አቀናሁ.....ብዙ ችግሬን ዘክዝኬ ተማፀንኩት አቤት ቻይነቱ የሰው ልጅ ቢሆንኮ ምስጢርህን ከሰማ በኋላ መልሶ በእሱ ያሾፍብሃል........ሰአት ደርሶ ተሰገደ

ከጁምዓ ሰላት መልስ ከእናቴ ጋር እዚያው መስጂዱ ፊት ለፊት ያለች አንድ ቡቲክ ገባን ለጩጬዋ ልብስ እያማረጠች እኔም ዝም ብዬ ከምወጣ አልኩና አንድ ፓንት እና ካልሲ ወሰድኩ እውነት ለመናገር የታክሲ ጨላ እንኳን ኪሴ አልነበረም ለመውጣት ስንል አይን አይኗን ተመልከትኩ ቦርሳዋን ከፍታ ቢሉን ዘጋችው። ወዲያው ከቅድቤ ስር ላብ ሲፈልቅ፣በግምባሬ ላይ ያለው ደምስሬ ሲገተር፣ማታ ሳወጣና ሳወርድ ያደርኩት የጋብቻ ሀሳቤ እንደ ጉም ጠጉሬን ፈንቅሎ ሲትን በቤቱ ግድግዳ ላይ በተንጠለጠለው መስታወት ውስጥ ራሴን ተመልከትኩ፣አዘንኩ እናቴ ሳታውቅ ሞራሌን ስብርብሩን አወጣችው፣ተረማመደችብኝ እሷ መች ይኼን አስባ የደግነቷን፣የእናትነቷን ማደረጓ ነበር።እኔ ግን የውስጥ ልብሴን መቀየርያ ሳንቲም እንኳን በኪሴ ያልያዝኩ ብኩን መሆነ ሲገለጥልኝ ሸክምነቴ ከእሷ ብላይ እኔን ተጫጫነኝ፣የእሷ ባለ እዳ ብቻ ሳልሆን እስከ አሀኗ ሰአት እኔ ራሴ እዳ እንደሆንኩ ተሰማኝ። ወደ ቤት እየተመለስን በዝምታ ማዕበል ተዋጥኩ፣የአልፎ ሂያጅን ጫጫታ ስቃኝ ቤት ደረስን።የማግባት ሀሳቤን ላልተወሰኔ ጊዜ አራዘምኩ፤ያቺ አፍ አውጥታ ብትናገር ብዙ ምስጢር የምፈነዳ ክፍሌ ገብቼ እንዲህም የሚል ፅሁፍ መፅፍ ጀመርኩ"በስርዝ ድልዝ የተሽሞነሞነች ቀፋፊ አለም"ኤጭ!
ሙባረክ

በሙባረክ
👆👆👆👆👆👆👆👆👆👆👆👆👆
@aastuart @aastuart @aastuart

By dagmawi

👆👆👆👆👆👆👆👆👆👆👆👆👆
@aastuart @aastuart @aastuart

ቡላ
✍✍✍✍ደራሲ✍✍✍✍
ቶፊቅ
🗣🗣🗣🗣ተራኪ🗣🗣🗣🗣🗣
ንዋይ

ክቡራንና ክቡራት የብራና ታዳሚዎች ከዚህ በመቀጠል ከናንተ ከቤተሰቦቻችን የተላኩ ስራዎችንና አስተያየቶችን እናቀርባለን።ለሚዎዱት ጓደኛዎ ሼር በማድረግ የቤተሰባችን አባል ያድርጉ የሚቀርቡትን ስራዎች ላይክ በማድረግ ያበረታቱን።
@aastuart
@BiranaAastu_bot
👇👇👇👇👇👇👇👇👇👇👇👇👇👇

ምህረት ከበደ

በዚሁ ቀጥሉ

አዝናኝና አስተማሪ ፕሮግራም ነው በርቱ።።።ቆንጆ ስራችሁን በአካል ለማየት ናፍቀኛለሁል።እየተከታተልኳችሁ ነው።

🕌🕌🕋🕋🕌🕋🕋🕌🕌
የእስልምና እምነት ተከታይ ለሆናችሁ የብራና ቤተሰብ አባላት በሙሉ እንኳን ለ1441ኛው ኢድ አልፈጥር በዓል በሰላም አደረሳችሁ።
ኢድ ሙባረክ!
🕌🕌🕋🕋🕌🕋🕋🕌🕌

ዛሬ ማታ ከምሽቱ 2:00 ጀምሮ ልዩ የበዓል መርሀግብር በቴሌግራም ቻናላችን ይከታተሉ።
@aastuart @aastuart @aastuart

ሰላም ውድ የቻናላችን ተከታታዮች ያለፈውን አንድ ወር በፆም በዱአ ያሳለፋቹ ሙስሊም ወንድም እህቶቻችን ፤ በየቀኑ ከጓደኛዬ ጋር ላጥና ብለህ አመሻሽ ላይ እነ ጀማል ቤት የሄድከው ወንድማችን ፤ በየእለቱ ጤነኛ ሆና ጓደኛዬ ታማለች ብለሽ በውድቅት ሌሊት እነ ሰሚራ ቤት የሄድሽው እህታችን ፤ ሆን ብለህ የቴሌቪዥናቹን ድምፅ ቀንሰህ ebs tv ድምፁ አልሰራም አለኝ እነ የሱፍ ቤት check አድርጌ ልምጣ ብለህ በዛው የቀረኸው ወንድማችን ፤ የፀሎት ስነስርዓት በ FANA tv በቀጥታ እንደሚተላለፍ ለከድጃ ነግሬያት መጣው ብለሽ አመሻሽ ላይ ወጥተሽ ማታ 3:00 ቤትሽ የገባሽው እህታችን......
እንኳን ለዚች ቀን አደረሰሽ ፥ አደረሰህ ፥ አደረሳችሁ!!!!

ብራና የባህል እና የኪነጥበብ ማዕከል እናንተን ለማዝናናት በዓል በዓል የሚሸቱ የጥበብ ስራዎችን ይዞ ተገኝቷል።እንሆ ስራዎቹን ተጋበዙልን

¥¥¥ በረከተ ረመዳን ¥¥¥

ድሮ

እኖርለት ምክንያት ካለም አንድ አጥቼ
ሞቴን ስዳፈረው ከደጄ ጠርቼ
በላ ድፈር ስለው!"
በላ ሞክር ስለው!"
ለዚች ጥያቄየ
እንደ ሰበብ ሆና ትንኝ ብትበቃም
ሞቴ እንቅልፍ ላይ ነው
አውቆ ስለተኛ ቢጠሩት አይነቃም

ሀሜት ያደለባት ቅብልብ ምላሴ
ፌስ ቡክ ያደለዘው የቀኝ አውራ ጣቴ
ፈጣሪን ዘንግተው ለሰይጣን ታዘዋል
ህሊናየም ይላል "ሞት ይገባቸዋል"

ተስፋ ማጣት ገርቶኝ
ብቸኝነት ገፍቶኝ
ሞቴን ለመሸመት ገበየ ብወጣም
ዋጋው ጣራ ነክቷል
ባርቲፊሻል እጥረት ገበያ'ው ተሞልቷል

አሁን

ረመዳን መጣ ሰይጣናት ታሰሩ
መልካምነት በዛ ኢባዳወች ገሩ
የሀጢያቴን ክርፋት ...
በፀፀት ሳሙና አፀዳሁ አጠብኩት
በአላህ እዝነት ስር መኖሬን ወደድኩት

በቀጥታው መንገድ በተውሂድ ጎዳና
ፍቅርህን ከጅየ
ችግርን ለመቻል ፈተናን ለማለፍ ወስኛለሁና

ሞቴ እንቅልፉ ይብዛ ሌቱን አርዘምበት
ይነቃበት ሰበብ ከቶ አታስገኝለት
አረኩት ፀሎቴን
የረመዳን መምጣት ቢቀረፅው ሂወቴን

አውቆ በተኛበት ሞቴን ሞት ይውሰደው
ብልቱ ይሰለብ ዘር ግንዱን ያግደው
አረኩት ዱዐየን
በተስፋ ማጣት ውስጥ ባገኘው ተስፋየን
በሱልጣን.አ
በ26/08/12

👉👉👉 ለመላው የእስልምና እምነት ተከታዮች በሙሉ እንኩዋን ለ1441 ኛው የኢድ አልፈጥር በዐል በሰላም አደረሳችሁ መልካም በዐል 🙏🙏🙏

👆👆👆
ግጥም በሱልጣን