ဖက်ဆစ် အကြမ်းဖက်စစ်ကောင်စီမှ အရပ်သားပြည်သူလူထုများအား အဓိကပစ်မှတ်ထားပြီး လေကြောင်းတိုက်ခိုက်မှုကို နေ့စဉ်ပြုလုပ်လာ

၂၀၂၅ ခုနှစ်၊ မေလ (၁၄) ရက်

၂၀၂၅ ခုနှစ်၊ မေလ (၁၃) ရက်နေ့၊ နံနက် (၁၀) နာရီ (၅) မိနစ်အချိန်တွင် ရသေ့တောင်မြို့နယ်၊ ထွန်းရဝေရွာဟောင်း အား ဖက်ဆစ် အကြမ်းဖက် စစ်ကောင်စီတပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့မှုကြောင့် အပြစ်မဲ့အရပ်သား ပြည်သူ (၁၂) ဦးသေဆုံးခဲ့ပြီး (၂၃) ဦးဒဏ်ရာရရှိခဲ့ကာ နေအိမ် (၃၁) လုံး ပျက်ဆီးဆုံးရှုံးခဲ့ရသည်။

ထို့အတူ ၂၀၂၅ ခုနှစ်၊ မေလ (၁၄) ရက်နေ့၊ ညနေ (၃) နာရီ (၅၁) မိနစ်အချိန်ခန့်တွင်လည်း ဖက်ဆစ်အကြမ်းဖက် စစ်ကောင်စီတပ်မှ ကျောက်တော်မြို့ရှိ လူနေအိမ်ရပ်ကွင်များအတွင်းသို့ ဂျက်ဖိုက်တာ (၁) စီးဖြင့် ထပ်မံဗုံးကြဲတိုက်ခိုက်ခဲ့သောကြောင့် လက်ရှိအချိန်အထိ အပြစ်မဲ့ပြည်သူ (၂) ဦးသေဆုံးခဲ့ပြီး နေအိမ် (၉) လုံးခန့် ပျက်စီးဆုံးရှုံးခဲ့ရသည်။ ကျောက်တော် လေကြောင်းတိုက်ခိုက်ခံရမှု၏ ထိခိုက်သေဆုံးမှု အသေးစိတ် နှင့် နောက်ဆက်တွဲတို့အား ထပ်မံဖော်ပြပေးသွားပါမည်။

ငလျင်ဒဏ်ကို အပြင်းအထန်ခံစားနေကြရသော ပြည်သူများအတွက် လူသားချင်းစာနာမှုဆိုင်ရာ အကူအညီများကို ထိရောက်စွာပေးနိုင်ရန်အတွက် မိမိတို့အနေဖြင့် တစ်ဖက်သတ် အပစ်ရပ်ကာလကို မေလ (၃၁) ရက်နေ့အထိ တစ်လတာ တိုးမြှင့်ထားသည့်အချိန်ကာလအား အခွင့်ကောင်းယူကာ ဖက်ဆစ်အကြမ်းဖက် စစ်ကောင်စီတပ်မှ အပြစ်မဲ့ပြည်သူများအား ယခုကဲ့သို့လာရောက် တိုက်ခိုက်နေမှုများကို ပြင်းထန်စွာရှုတ်ချလိုက်သည်။

အသက်ဆုံးရှုံးသွားခဲ့ရသော မိဘပြည်သူလူထုများ၏ မိသားစု၊ ဆွေမျိုးများနှင့် ထပ်တူဝမ်းနည်းရပါသည်။ အပြစ်မဲ့အရပ်သား အာရက္ခပြည်သူများကို အစုလိုက်အပြုံလိုက်သတ်ဖြတ်နေကာ စစ်ရာဇဝတ်မှုများကို နိုင်ငံအနှံ့ဆက်တိုက် ကျူးလွန်နေသော စစ်ကောင်စီ၏ လုပ်ရပ်ကို ကောင်းစွာမှတ်တမ်းတင်ထားပါသည်။

သတင်းနှင့်ပြန်ကြားရေး
အာရက္ခတပ်တော်

၂၀၂၅ ခုနှစ်၊ မေလ (၁၃) ရက်နေ့၊ နံနက် (၁၀) နာရီ (၅) မိနစ်အချိန်တွင် ရသေ့တောင်မြို့နယ်၊ ထွန်းရဝေရွာဟောင်း အား ဖက်ဆစ် အကြမ်းဖက် စစ်ကောင်စီတပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့သောကြောင့် အပြစ်မဲ့အရပ်သား ပြည်သူများ သေဆုံးမှုစာရင်း

၂၀၂၅ ခုနှစ်၊ မေလ (၂၇) ရက် အေနိတွင် ကျရောက်သော ရက္ခိုင်နိုင်ငံ‌ရီး၊ တော်လှန်ရီးသမား၊ တက္ကသိုလ်ကျောင်းသား၊ စာပီအနုပညာသမား အာရက္ခပြည်သားတဦးဖြစ်သည့် ဦးဦးလှစော၏ (၇၂) ပြည့် မွီးနိအထိမ်းအမှတ်နန့် အောက်မိဖွယ်အဖြစ် ဦးဦးလှစော၏ ငယ်စဉ်ဘဝမှသည် ကွယ်လွန်ချိန်အထိ ဘဝဖြတ်သန်းမှု ပုံရိပ်တချို့ကို ထုတ်ပြန်လိုက်ပါသည်။

အေဂု video ရုပ်သံဖိုင်အတွက် မှတ်တမ်းဓာတ်ပုံနန့် ရုပ်သံဖိုင်များ ပို့ပီးကတ်သူအားလုံးကို ကျေးဇူးအထူးတင်ဟိပါသည်။ တချို့မှတ်တမ်းများကို online ထက်က ရယူအသုံးပြုထားသည့်အတွက် မူလမှတ်တမ်းပိုင်သျှင်များအား ဂါရဝပြု credit ပီးအပ်ပါသည်။

#AAInfoDesk
May 27, 2025

အာရက္ခပြည်သူ့ ကျန်းမာရီးဌာန ၏ Telegram Channel ပါ။

https://t.me/arakkhahealthdpt/5

အမ်း-ပဒါန်း စစ်မြေပြင်တွင် အကြမ်းဖက် စစ်ကောင်စီတပ်မှ အာရက္ခတပ်တော်ထံသို့ အလင်းဝင်ရောက်လာသည့် ကိုယ်ပိုင်အမှတ် - ပစ/၁၃၄၉၈၁ တပ်သား နေလင်းအောင်၏ ထွက်ဆိုချက်ရုပ်သံဖိုင် ထုတ်ပြန်ချက်

၂၀၂၅ ခုနှစ်၊ ဇူလိုင်လ (၁၅) ရက်

စစ်မှုမထမ်းမနေရ ဥပဒေအား ခုတုံးလုပ်ကာ အတင်းအဓမ္မစစ်သားစုဆောင်းနေသော ဖက်ဆစ်အကြမ်းဖက် စစ်ကောင်စီတပ်၏ စုဆောင်းခြင်းကိုခံခဲ့ရသော မြန်မာပြည်အနှံ့အပြားမှ လူငယ်များသည် တိုက်ပွဲများဖြစ်ပွားနေသည့် ရှေ့တန်းစစ်မြေပြင်များသို့ အသီးသီး ပို့ဆောင်ခြင်းကိုခံရကာ စစ်ကောင်စီ၏ စစ်အင်အားဖြည့်တင်းသည့်ကိစ္စရပ် နှင့် စစ်အာဏာရှင် သက်ဆိုးရှည်ရေးကိစ္စရပ်များတွင် မိမိ၏ စိတ်သဘောဆန္ဒမပါဘဲ အစတေးခံ၊ အဖြည့်ခံများအဖြစ် ပါဝင်လျက်ရှိကြသည်။

ရှေ့တန်းစစ်မြေပြင်သို့ အတင်းအဓမ္မ ပို့ဆောင်ခြင်းခံနေရသော စစ်ကောင်စီ၏ တပ်သားသစ် (သို့မဟုတ်) ပြည်သူ့စစ်တပ်ဖွဲ့ဝင်များသည် တိုက်ခိုက်လိုစိတ်မရှိဘဲ အခွင့်ရလျှင်ရသလို၊ အခြေအနေပေးလျှင်ပေးသလို ရှေ့တန်းစစ်မြေပြင်များမှ နီးစပ်ရာ တိုင်းရင်းသားလူမျိုး တော်လှန်ရေးအဖွဲ့အစည်းများထံသို့ ဘက်ပြောင်းခိုလှုံရန် ကြိုးစားလာကြသည်။

တစ်ပြိုင်နက်တည်းတွင် ဖက်ဆစ်အကြမ်းဖက်စစ်ကောင်စီသည် မြန်မာပြည်၏ နေရာအနှံ့တွင် စစ်ရှုံးကာ စခန်းပေါင်းမြောက်မြားစွာကို လက်လွှတ်ဆုံးရှုံးထားရပြီးနောက် အဆိုပါစခန်း၊ မြို့များကို ပြန်လည်သိမ်းပိုက်ရယူရန် အပြင်းအထန် ကြိုးစားလျက်ရှိသည်။ သို့သော်လည်း ယခင်နှစ်များ၌နည်းတူ နေရာအများစုတွင် အထိအခိုက် အကျအဆုံးများစွာနှင့် ရင်ဆိုင်နေရပြီး ၎င်းတို့၏ လက်ပူတိုက် သင်တန်းပေးထားသော တပ်ဖွဲ့ဝင်များမှာလည်း အထက်တပ်မှူးများ၏ ဗိုလ်ကျအနိုင်ကျင့်မှု၊ ညှဉ်းပန်းနှိပ်စက်မှုတို့ကြောင့် တိုက်လိုခိုက်လိုစိတ်မရှိတော့ဘဲ နေ့စဉ်နှင့်အမျှ တပ်မှထွက်ပြေးလျက်ရှိနေကြသည်။ အချိန်နှင့်အမျှ ထွက်ပြေးရန်ကြိုးစားနေကြသည်။

အာရက္ခတပ်တော်ထံသို့ ဘက်ပြောင်းကာ ၂၀၂၅ ခုနှစ်၊ ဇူလိုင်လ (၉) ရက်နေ့တွင် အမ်း-ပဒါန်း စစ်မြေပြင်မှတစ်ဆင့် အလင်းဝင်ရောက်လာကြသည့် စစ်ကောင်စီ၏ ပြည်သူ့စစ်တပ်ဖွဲ့ဝင်များထဲမှ တပ်သား နေလင်းအောင်၏ ထွက်ဆိုချက် ရုပ်သံမှတ်တမ်းသည် အထက်ဖော်ပြပါ အကြောင်းအရာ အချက်အလက်များ မှန်ကန်ကြောင်း ထင်ဟပ်နေသည်။

ထို့ကြောင့် အကြမ်းဖက်စစ်ကောင်စီတပ်ထံတွင် အတင်းအဓမ္မ စစ်သားစုဆောင်းခြင်းကိုခံရပြီး အမျိုးမျိုးညှဉ်းပန်းနှိပ်စက်ခြင်းကိုခံနေရသော မြန်မာပြည်အနှံ့မှ လူငယ်များအနေဖြင့် အာရက္ခတပ်တော်ထံသို့ ဘက်ပြောင်းလိုပါက မိမိတို့တပ်ရှိရာ မည်သည့်နေရာတွင်မဆို အချိန်မရွေး ဘက်ပြောင်းလာနိုင်ပြီး အလင်းဝင် ဘက်ပြောင်းလာသူတိုင်း၏ အသက် နှင့် လုံခြုံမှုရရှိစေရေးကို အာရက္ခတပ်တော်မှ အာမခံပါသည်။

#AAInfoDesk
July 15, 2025

အမ်း-ပဒါန်း စစ်မြေပြင်တွင် အကြမ်းဖက် စစ်ကောင်စီတပ်မှ အာရက္ခတပ်တော်ထံသို့ အလင်းဝင်ရောက်လာသည့် ကိုယ်ပိုင်အမှတ် - ပစ/၁၂၇၁၄၆ တပ်သား အောင်သက်ထွန်း၏ ထွက်ဆိုချက်ရုပ်သံဖိုင် ထုတ်ပြန်ချက်

၂၀၂၅ ခုနှစ်၊ ဇူလိုင်လ (၁၅) ရက်

စစ်မှုမထမ်းမနေရ ဥပဒေအား ခုတုံးလုပ်ကာ အတင်းအဓမ္မစစ်သားစုဆောင်းနေသော ဖက်ဆစ်အကြမ်းဖက် စစ်ကောင်စီတပ်၏ စုဆောင်းခြင်းကိုခံခဲ့ရသော မြန်မာပြည်အနှံ့အပြားမှ လူငယ်များသည် တိုက်ပွဲများဖြစ်ပွားနေသည့် ရှေ့တန်းစစ်မြေပြင်များသို့ အသီးသီး ပို့ဆောင်ခြင်းကိုခံရကာ စစ်ကောင်စီ၏ စစ်အင်အားဖြည့်တင်းသည့်ကိစ္စရပ် နှင့် စစ်အာဏာရှင် သက်ဆိုးရှည်ရေးကိစ္စရပ်များတွင် မိမိ၏ စိတ်သဘောဆန္ဒမပါဘဲ အစတေးခံ၊ အဖြည့်ခံများအဖြစ် ပါဝင်လျက်ရှိကြသည်။

ရှေ့တန်းစစ်မြေပြင်သို့ အတင်းအဓမ္မ ပို့ဆောင်ခြင်းခံနေရသော စစ်ကောင်စီ၏ တပ်သားသစ် (သို့မဟုတ်) ပြည်သူ့စစ်တပ်ဖွဲ့ဝင်များသည် တိုက်ခိုက်လိုစိတ်မရှိဘဲ အခွင့်ရလျှင်ရသလို၊ အခြေအနေပေးလျှင်ပေးသလို ရှေ့တန်းစစ်မြေပြင်များမှ နီးစပ်ရာ တိုင်းရင်းသားလူမျိုး တော်လှန်ရေးအဖွဲ့အစည်းများထံသို့ ဘက်ပြောင်းခိုလှုံရန် ကြိုးစားလာကြသည်။

တစ်ပြိုင်နက်တည်းတွင် ဖက်ဆစ်အကြမ်းဖက်စစ်ကောင်စီသည် မြန်မာပြည်၏ နေရာအနှံ့တွင် စစ်ရှုံးကာ စခန်းပေါင်းမြောက်မြားစွာကို လက်လွှတ်ဆုံးရှုံးထားရပြီးနောက် အဆိုပါစခန်း၊ မြို့များကို ပြန်လည်သိမ်းပိုက်ရယူရန် အပြင်းအထန် ကြိုးစားလျက်ရှိသည်။ သို့သော်လည်း ယခင်နှစ်များ၌နည်းတူ နေရာအများစုတွင် အထိအခိုက် အကျအဆုံးများစွာနှင့် ရင်ဆိုင်နေရပြီး ၎င်းတို့၏ လက်ပူတိုက် သင်တန်းပေးထားသော တပ်ဖွဲ့ဝင်များမှာလည်း အထက်တပ်မှူးများ၏ ဗိုလ်ကျအနိုင်ကျင့်မှု၊ ညှဉ်းပန်းနှိပ်စက်မှုတို့ကြောင့် တိုက်လိုခိုက်လိုစိတ်မရှိတော့ဘဲ နေ့စဉ်နှင့်အမျှ တပ်မှထွက်ပြေးလျက်ရှိနေကြသည်။ အချိန်နှင့်အမျှ ထွက်ပြေးရန်ကြိုးစားနေကြသည်။

အာရက္ခတပ်တော်ထံသို့ ဘက်ပြောင်းကာ ၂၀၂၅ ခုနှစ်၊ ဇူလိုင်လ (၉) ရက်နေ့တွင် အမ်း-ပဒါန်း စစ်မြေပြင်မှတစ်ဆင့် အလင်းဝင်ရောက်လာကြသည့် စစ်ကောင်စီ၏ ပြည်သူ့စစ်တပ်ဖွဲ့ဝင်များထဲမှ တပ်သား အောင်သက်ထွန်း၏ ထွက်ဆိုချက် ရုပ်သံမှတ်တမ်းသည် အထက်ဖော်ပြပါ အကြောင်းအရာ အချက်အလက်များ မှန်ကန်ကြောင်း ထင်ဟပ်နေသည်။

ထို့ကြောင့် အကြမ်းဖက်စစ်ကောင်စီတပ်ထံတွင် အတင်းအဓမ္မ စစ်သားစုဆောင်းခြင်းကိုခံရပြီး အမျိုးမျိုးညှဉ်းပန်းနှိပ်စက်ခြင်းကိုခံနေရသော မြန်မာပြည်အနှံ့မှ လူငယ်များအနေဖြင့် အာရက္ခတပ်တော်ထံသို့ ဘက်ပြောင်းလိုပါက မိမိတို့တပ်ရှိရာ မည်သည့်နေရာတွင်မဆို အချိန်မရွေး ဘက်ပြောင်းလာနိုင်ပြီး အလင်းဝင် ဘက်ပြောင်းလာသူတိုင်း၏ အသက် နှင့် လုံခြုံမှုရရှိစေရေးကို အာရက္ခတပ်တော်မှ အာမခံပါသည်။

#AAInfoDesk
July 15, 2025

ဖက်ဆစ်အကြမ်းဖက်စစ်ကောင်စီတပ်၏ ၂၀၂၅ ခုနှစ်၊ ဇန်နဝါရီလ (၂) ရက်နေ့တွင် ရန်ကုန်မြို့ ၌ အတင်းအဓမ္မပေါ်တာဆွဲ စစ်သားစုဆောင်းခြင်းကို ခံခဲ့ရကာ ရက္ခိုင်ပြည်၊ စစ်တွေမြို့သို့ ပို့ဆောင်ခံခဲ့ရပြီးနောက် တပ်တွင်းအနိုင်ကျင့်ဗိုလ်ကျမှု၊ အကြမ်းဖက်တပ်မှ အပြစ်မဲ့ပြည်သူများ၏ နေအိမ်များနှင့် ဘာသာရေးအဆောက်အအုံများအား ဖျက်ဆီးမှုများကို ရှုတ်ချကာ ကိုယ်တိုင်ကျူးလွန်လိုစိတ်မရှိသောကြောင့် ၂၀၂၅ ခုနှစ်၊ ဇူလိုင်လ (၁၀) ရက်နေ့တွင် အာရက္ခတပ်တော်ထံသို့ အလင်းဝင်ရောက်လာသော တပ်သား နိုင်ဝင်းစိုး၏ ထွက်ဆိုချက် ရုပ်သံမှတ်တမ်း

#AAInfoDesk
July 20, 2025